عصيان عصيان حتي نسقط الكيزان
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-07-2016, 02:23 PM الصفحة الرئيسية

مكتبة محمد قاسم(ودقاسم)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

ده سمح وده شين ، ، دي سمحة ودي شينة

06-07-2004, 06:25 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
ده سمح وده شين ، ، دي سمحة ودي شينة

    عندما كنت طالبا بالجامعة كنت أسير في ليلة خميسية في شارع لا تتوفر فيه إضاءة كافية ، ولم يكن بالجامعة عدد كبير من طلابها ، إذ غالبية الطلاب يخرجون في ليلة الخميس ، وبينما أنا أسير لوحدي في ذلك الشارع المظلم فإذا بصوت نسائي ينبعث بوضوح من حيث لا أرى :
    ودقاسم الشين ..
    لكنّ الصوت لم يكن غريبا عليّ كنت أعرفه تماما ، فهو صوت إحدى الصديقات ، فالتفت جهة الصوت ورأيتها جالسة لوحدها ، فرددت عليها:
    أهلااااااان ، كيفك ؟
    ثم بدأنا نتجاذب بعض حديث ، ومشينا سويا إلى مقهى النشاط ، وكان الأمر عاديا وكنت أصلا قد تعرفت على هذه الصديقة عن طريق صديق مشترك ، ، فقابلته في اليوم التالي وذكرت له الحادثة فقال لي :
    هي فقط تريدك أن ترد عليها ، أهلا يا .......السمحة ، بس إنت ما لعبتها صاح ..
    لكني دائما أفكر وأتساءل ، هل يمكن أن تتقبل المرأة أن يقال لها ( شينة ) أم أنها دائما تنتظر سماع كلمة ( سمحة ) ، أم أن هناك افتراض عام أن الأنثى لا يمكن أن تكون ( شينة ) بل هي دائما ( سمحة ) لكن بعض الناظرين قد لا يكتشفون هذه ( السماحة )؟
    ليست ( السماحة ) ولا ( الشنا ) مسألة أساسية في تقييم الشخص إيا كان نوعه ، رجل أو إمرأة ، لكني ألاحظ أنه بالرغم من أن الناس عموما يفضلون أن يقال عنهم أنهم ( سمحين ) وينفرون من رميهم ب ( الشنا ) إلا أن الرجال عموما أكثر تحملا للوصف ب( الشنا ) من النساء ، وغالبية النساء لا يقبلن مطلقا أن يوصمن ب( الشنا ) ، وأيضا هناك بعض رجال لا يرضون أبدا أن يوصموا ب ( الشنا ) ، كما أنه لا يجرؤ أحد بوصم امرأة ما بأنها ( شينة ) لما في ذلك من حرج ، بالرغم من أنّ بعض المزاح يمكن أن يكون مقبولا في هذا الشأن ، لكنّ هذا المزاح يفترض دائما أن المرأة المخاطبة ليست شينة أصلا ، وبالتالي فإن مثل هذا المزاح يدور في دائرة ( العارف عزّو مستريح ) أي أن المرأة الموصومة ب( الشنا ) في هذا المثال تعرف تماما أنها ليست ( شينة )
    فتحت هذا الموضوع قبل طرحه عليكم مع إحدى الزميلات في المنبر عن طريق التشاور الماسينجري ، وقد رحبت هذه الزميلة بالموضوع بتحد كبير ، وأكبرت في الزميلة ذاك التحدي والاستعداد للتحاور في أي موضوع مهما كان ، لكني عندما راجعت تحديها ذاك لعب الشيطان برأسي ليقنعني أن هذه الزميلة أصلا ( سمحة ) وبالتالي فهي لن تخسر شيئا إذا طرح هذا الموضوع ، لذا قمت بإجراء الكثير من التعديلات على مشروع البوست حتى أنتقل به من الخاص للعام ، ثم طرحت الموضوع للنقاش داخل أسرتي الصغيرة فكان رأي زوجتي أن المرأة مخلوق لطيف وهذا يستدعي التعامل معه بلطف في كل الحالات ، وذهبت زوجتي إلى أن المرأة لابد أنها تحمل في داخلها قدرا من الجمال وينبغي التعامل معها بعمق لاستكشاف مكامن الجمال لديها ، أما ابنتي فقد رات أنه ليس للمرأة حق مطلق في وصفها بالجمال لأنها هي أيضا تتحدث عن الرجل ( الشين ) وإذا رغبت المرأة بأن لا توصف ب( الشنا ) فعليها أن تلتزم بعدم رمي الآخرين بها ، وترى ابنتي أن الحديث عن ( الشنا ) و( السماحة ) هو حديث ذو منطلقات عنصرية ،، أما ابني الأكبر فهو يرى أن المرأة خلقها الله سبحانه وتعالى بمواصفات خاصة ، منها الرقة واللين وزيادة العطف والرأفة وان من هذه المواصفات أيضا عدم قبولها لمثل هذه الأوصاف ونفورها منها ، أي أنه يرى أن نفور المرأة عن وصمها بالشنا جزء من تكوينها الخلقي
    ولكن هل نستطيع أن نتحدث بحرية عن شناة الآخر أو سماحته دون أن ينالنا أي حرج من هذا الآخر ودون أن نجرحه ، أم أن الوصم بالشنا يعتبر من قلة الذوق وقلة الأدب ، أم أن الوصم
    بالسماحة يعتبر حقا طبيعيا للمرأة دون الرجل أم أنه حق طبيعي لكليهما ؟؟


    وللا نقفل خشمنا ونقطعوا في مصارينا ونسكت ؟

    (عدل بواسطة ودقاسم on 06-07-2004, 06:29 PM)

                   |Articles |News |مقالات |بيانات

06-07-2004, 08:56 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    ..
    .
    سلام يا خال يا وقور - ودى ليها عودة
    الظاهر الماسنجر قطع ليك رأسك
    وبقيت تطرح المووضوعات قبل نشرها على طاولة المفاوضات الاسرية
    والله برضو بحييك على المسالة دى فيها نوع مؤتمرات المائدة المستديرة .
    بخصوص الموضوع .. حقيقة انا شخصيا بعتقد انو المسالة بتاعت الشنة
    والسماحة دى مسالة نسبية وقد يتقبلها الرجل بروح عالية
    ان كان يغلب عليها طابع الجدية او المزاح
    ولكن بالنسبة للمراة بكون لها نوع من جرح الشعور والاحراج
    خصوصا ان لم تكن العلاقة حميمة مع صديقة عزيزة او زميلة ( شفته)
    يمكنها ان تفهمها بالمعنى الهزلى منها.
    ودوماَ تفضل المراة - حسب خبرتي القليلة - ان تسمع كلمات المدح
    والثناء يا سمحة ويا رائعه ويا جميل أنت ..الخ
    اما اولاد ( قرف) ممكن يتحمل يا قبيح ويتا دشن ويا شين
    انا شخصيا لى تجربة وبالاصح تجربتين جعلونى ان لا اخطئ واتجرأواصف احداهن بالشنا او القبح - حتى وان كانت هى فعلا كذلك -
    الاولي ايام الجاهلية وما قبل المتوسطة فقد كنا نمشى مجموعة
    وكانت مدارس البنات فى عكس اتجاه مدارسنا نحن الاولاد
    وكان هناك شلة من الفتيات يمشن زرافات تقودهن - قائدة الاسطول - والتى كانت على قدر من الجمال الفاتن اما البقية فعاديات واقل
    وكن دوما عندما نراهن يقتربن نصطف لالقاء تحية عسكرية لهن
    وتكرر الموقف كثيرا وهن يواصلن ويتضاحكن على هؤلاء المجانين الا
    ان انضمت اليهن يوما واحدة ...... وكالعادة ما ان وقفن وقمنا بتأدية التحية الا وقفت تلك الجديدة وشتمتنا قائلة يا قليلين ادب يا ما مربيين ..
    عارف بصوت واحد ردينا هو انت مجرد عريف انحنا بنحى اللواء يا شينة !!
    وتعال شوف ليك دموع وبكاء وبالتاكيد رغم اننا كنا
    فى زمن الجهل ولكن بلا شك قد جرحنا مشاعرها وطبعا نصيبنا كان 10 جلدات فى طابور الصباح ..
    الموقف التانى .. خلينى اكمل سجارتى دى واجيك ..

    لك التحية يا هوووى

    (عدل بواسطة Tabaldina on 06-07-2004, 09:03 PM)

                   |Articles |News |مقالات |بيانات

06-08-2004, 04:48 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Tabaldina)

    تبلدينا السمح زينة
    ما قلت لي الجلدات هم اللي توّبوك ، وللا في شيتا تاني توّبك ، وياربي لسة بتمارس عادة إلقاء التحية العسكرية وللا خلاص نزلت المعاش ،،
    تعرف يا صالح أنا حكاية النسبية دي أستخدمها بصورة نسبية ، بمعنى أنني لا أطبقها على كل شئ ، وفي السماحة بالذات أنا شايف في ناس كثيرين يجمعوا على أن فلانة سمحة أو فلان سمح أو العكس ، أو على الأقل يكونا غالبية ساحقة ، ويصيبني الجنون حين يأتي أحدهم أو إحداهن ويقولوا غير ما قالت به الغالبية ،،
    كمّل سيجارتك وتعال ، عندي ليك كلام كثير ...
                   |Articles |News |مقالات |بيانات

06-07-2004, 11:21 PM

maha abdella

تاريخ التسجيل: 03-23-2004
مجموع المشاركات: 331

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    ود قاسم
    لك التحيه والاحترام
    عارف يا ود قاسم الشنه
    الحقيقيه في المراه هي شنات طبعه
    يعني يا اخوي كان كانت جميله شديد
    وخاليه من الحياء والادب وطولة البال
    والاحتشام في اي شئ حتشوفه كيف واذا
    كانت شينه شديد شكلاً وجميله شديد
    موضوعاً حتشوفه كيف صديق الشينه شديد شوفه
    ثانيه حتشوفه عاديه والسمحه شديد شوفه ثانيه حتشوفه عاديه
    السماحه سماحة الطبع والله ايسمح طبع بناتنا كلهم واينادوهم بالشينين

    (عدل بواسطة maha abdella on 06-07-2004, 11:24 PM)
    (عدل بواسطة maha abdella on 06-07-2004, 11:35 PM)

                   |Articles |News |مقالات |بيانات

06-08-2004, 06:46 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: maha abdella)

    مها عبدالله
    لك التحية
    شناة الطبع لا اختلاف أنها أمر سيئ ، لكن للخلقة دور ، وللطلة دور ، وللوسامة دور ، ولخفة الدم دور ،،
    هناك صفات تطلق على البعض مثل : كريم \ كريمة ،، طيب \ طيبة ، ودناس \ بت ناس ،، لكن الكريم والطيب وود الناس يمكن أن يكون مثلا متخلفا في فكره ، ويمكن أن لا تسرك طلعته ،، وهناك بعض الشكليات ربما تؤثر على جوهر الإنسان ،،
    لكن السؤال ،، إذا قلنا للشخص ذو الطبع السمح لكنه بشع الخلقة ، أنه مع سماحة طبعك بس خلقتك ما بتتقابل ، فهل سيقبل هذا الكلام ، وهل درجة القبول واحدة عند المرأة والرجل .. ومن أي المنطلقات يأتي رد الفعل ، هل هو جزء من التكوين الداخلي للإنسان أم أن منطلقاته عنصرية ؟؟
                   |Articles |News |مقالات |بيانات

06-08-2004, 01:34 AM

nada ali
<anada ali
تاريخ التسجيل: 10-01-2003
مجموع المشاركات: 5258

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    الاخ ود قاسم،
    سلام و تحايا،

    مافى واحد/ة شين/ة فى العالم

    ندى
                   |Articles |News |مقالات |بيانات

06-08-2004, 06:10 AM

اساسي
<aاساسي
تاريخ التسجيل: 07-20-2002
مجموع المشاركات: 16512

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: nada ali)

    انا والله مستغرب في الموضوع دا يا خالهم ياخي معقول دا يكون منطقك في الحاجات

    في زول الله قال ليهو داير تكون شين ولا داير تكون سمح

    ما بدوك ليهو كدا علي صمة خشمك ..


    الحاجات الخلقية الانسان ما عنده فيها يد ولا بقدر يغيرها

    ما اتخيل لي مواضيع حوار حتي

    الشنا السماحة الطول القصر الجنس النوع ذكر وانثي

    صحي الماعنده كبير يعمل ليهو كبير

    قلت لي انت خالهم ...؟

    (عدل بواسطة اساسي on 06-08-2004, 06:10 AM)

                   |Articles |News |مقالات |بيانات

06-08-2004, 07:04 AM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: اساسي)

    اساسى
    ياشين
    اسمح لى اختلف معاك فى الموضوع دا
    خالنا دا اوعى تقرب منه
    موضع الشنا دا موضوع غير ارادى لكن المجتمع ما برحم..
    مثلا لو تزوجت واحدة خارج الاسرة اكيد بتكون شينة..حتى لو جميلة طباع
    انا مرة خطبت لى واحدة كل اخواتى اتفقن على انها شينة..والناس كلهم
    متفقين على انها سمحة...مرات الشنا تجيك من قبل الزعل...
    مش ياساسى مرات تشوف البت سمحة تقوم تلقاها مع واحدة تانية اسمح منها تطلع شينة...اسى انا الشوام ديل ما قادر اعمل معاه شنو اشوف الواحد لابس قميص اقوم امشى شارع الوزير اشترى نفس القميص وبسعر يجنن لما البسه فى البيت العذابة يهللو ويكبرو ومن ما امشى المكتب
    اشوف نفسى لا لابس قميص جديد و لا حاجة...
    هل ياترى اللون له اثر فى زيادة الوجاهة...ام لا
    امس كنت بشاهد فى اغنية فى قناة افريقة الناس فى قمة السماحة
    فقلت للزول المعاى ايه رايك فى السمرة دى قال لى قمة...لكن لو جاءت عليهن لبنانية بس اسى بهدن واللبنانية لو جاءت عليها سويدية
    بطنها بضم...
    اظاهر انا شربكت الموضوع
    ولكم ودى
                   |Articles |News |مقالات |بيانات

06-08-2004, 08:17 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: abuguta)

    ابوقوتة السمح ياقوتة
    لا اختلاف على شناة أساسي ،،
    إنت تطرقت لنسبية الجمال ، وتطرقت لبعض المؤثرات التي يتأثر بها سلبا وإيجابا ،، لكني أخشى أن ينظر إليك البعض وكأنك تمد يدك نحو العنصرية ،، وعلى كل حال أنا واثق من مقدرتك للتصدي ،،
    شكرا ليك .
                   |Articles |News |مقالات |بيانات

06-08-2004, 07:43 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: اساسي)

    أساسي الشيييييييييين
    في ناس في البورد قالوا أساسي سمح ، لكن أنا متأكد إنك غير كده ، أنا رأيي أن السماحة لا تتجزأ ، يعني ما ممكن الواحد يكون مصاب بتشويش واضطراب فكري زيك كده ويكون سمح ،، وإذا بدت خلقته سمحة للناظرين فمعنى هذا أن هناك غشاوة في أنظارهم ، أو أن المنظور إليه قد سحرهم
    بعدين يا أساسي يا شين ، إنت فاكر أي خال لازم يكون صورة طبق الأصل من الخال اللي في ذهنك ؟ وأي كبير لازم يكون صورة طبق الأصل من الكبير اللي في ذهنك ؟ طبعا يا أساسي يا شين في ناس خالهم البشير وفي ناس خالهم الترابي وفي ناس خالهم بن لادن ، وفي ناس تانين خالهم الزعيم الأزهري ، ومارتن لوثر كينج ، وجون قرنق ونيلسون مانديلا ، فالأخوال يختلفون كل حسب حالته وأبناء الأخوات يختلفون كل حسب خالته ، ومن أبناء أختي من هم مثلك يسيرون بالفجيعة بين الناس ، ومن أبناء أختي من هم مثل تبلدينا ، سمحين ورائعين ويسرون بال أخوالهم
    ويا أساسي يا شين إنت لو ما شين مالك بتساهم في رفع البوستات اللي ما فيها مواضيع ، ولا تساهم في كثير من البوستات اللي فيها مواضع ؟
    أساسي الشين
    قلنا ارتحنا منك ، ما عارف شنو الرجعك لينا تاني ، يا أخي الدنيا مليانة بوردات ما تمشي تشوف ليك بورد متخصص في الشنا والشينين وتتلم عليهم
    وحياة غلاوتك عند خالك اعملها وريحنا منك
                   |Articles |News |مقالات |بيانات

06-08-2004, 06:52 AM

Saifeldin Gibreel
<aSaifeldin Gibreel
تاريخ التسجيل: 03-25-2004
مجموع المشاركات: 4054

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: nada ali)

    الأخ ودقاسم شكرا لطرح هذا الموضوع وأعتقد أن هناك الكثير من الخلط فى نظرتنا لمعيار الجمال.وللأسف جمع كبير من الناس ينظرون الى الجمال بمعايير أزدواجية فهناك كثير من التصانيف لماهية الجمال,فالبعض لأيدري أن الجمال شئ نسبى بمعنى أن هنالك معايير متنوعة لتحديد الجمال فمثلأ الشاعر أبي الطيب المتنبي يقول فى أحدى قصائده:"ليس الجمال جمال جمال القوام والجسد
    أنما الجمال جمال العلم والأدب".
    وتختلف نظرة الجمال عند الشاعر والأديب محمد أحمد محجوب رئيس وزراء السودان الأسبق فى كتاب موت دنيا الذى اشترك معه فى التأليف العالم الدكتور عبد الحليم محمد فيقول محمد أحمد محجوب:" أن الجمال رقة فى الحركات ورشاقة فى الأسلوب". وأذا ما نظرنا الى فهم محمد أحمد محجوب للجمال نجد أنه متأثر بعض الشئ بالحياة والطابع الغربي فى مقياسه للجمال وربما مرد زلك لنمط الحياة فى زلك الحين عندما كانت الخرطوم تعج بالمطاعم والمقاهى على النمط الباريسى ومثال لذلك قهوة الزيبق والعيلفون وقهوة على أبوزيد فى الخرطوم,وقهوة ود اللقى وجورج مشرقى فى أم درمان.وهناك كثير من الشواهد التى تعطينا لتاثر حقبة الأربعينيات بالحياة والنمط المصري والأوروبي سؤ كان عن طريق بعض الطلأب السودانين الأوائل الذين تلقو تعليمهم بمصر, ومثال لذلك مقطع أغنية الحقيبة المشهورة:سيدة وجمالأ فريدة وخلقوه زي ماتريد وماتريد هنا جاءت تورية حيث يقصد الشاعر ماتريد التى كانت ملكة جمال العالم فى الأربعيتيات وفى الشق الثانى بأنها خلقت كما تريد, ورحم الله قريبنا الطيب حسن فضل اللة(الطيب مرحوم) وهذا لقبه قبل أن يتوفاه الله فأطلق على بنته أسم ماتريد وكان فى نادي شبرا فى قيم الكنكان عندما يرمي البت يقول ماتريد له الرحمة.
    أما الجمال فى نظر أبي الطيب المتنبئ يأتي فى شكل آخر نابع من آثر تلك البيئة التى نشأ فيها الشاعر.ومن طرائف العالم أنشتاين أن ملكة الجمال فى زلك الزمان أرسلت له رسالة عبر آحد الصحف ترغب فى الزواج من أنشتاين معللة زلك فى أن يحمل أطفالهم جينات الذكاء الموروثة لأنشتاين والزي معروف بأنه كان قبيح المنظر والشكل وأن يحملو جينات الجمال الموجودة لديها,فرد عليها ساخرآ :" ولو انه جاء قبيح مثلى وغبي وبليد مثلك فماذا نصنع والحديث فى هذا الموضوع ذو شجون مع تحياتى.
                   |Articles |News |مقالات |بيانات

06-08-2004, 08:36 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Saifeldin Gibreel)

    سيف الدين جبريل
    أشكرك على الإضافة السمحة ،
    Quote: أن الجمال رقة فى الحركات ورشاقة فى الأسلوب"
    أجدني أميل إلى هذا المعيار ، وهذا ما يطلق عليه العامة ( خفة الدم ) ، وهو اقيم ما يمكن أن يمتلكه الإنسان ،،
    لك التحية
                   |Articles |News |مقالات |بيانات

06-08-2004, 06:59 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: nada ali)

    ندى علي
    ولا الشنا النسبية ؟
    عديل كده ، كل الناس سمحين ؟؟ وبنفس المستوى ؟ وإذا اختلف المستوى
    طيب شنو تكون أسس القياس ؟ وما دام في مستويات وأسس قياس معناها في سمح وفي شين ،،
    يمكن بتقصدي الشنا المرة يا ندى ..
                   |Articles |News |مقالات |بيانات

06-08-2004, 06:46 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    ..
    .
    يخلخل ضروسك يا اساسي يا شين ودشن كمان

    انت مالك بقيت لايووق كدا
    يعنى لو المووضوع جاد تنط للواحد فى حلقو
    ولو دردشة برضو تنط ليهو فى زلومتو
    الحالة انا قاعد اقول ليهو الزول دا رائع وسمح وحقانى

    اها الله معاك يا ود الخال

    عووافي

    يا خال بجيك تانى
                   |Articles |News |مقالات |بيانات

06-08-2004, 08:07 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Tabaldina)

    تبلدينا
    ما قلت ليك ،، مكتول الله ما بترفع ...
                   |Articles |News |مقالات |بيانات

06-08-2004, 07:11 AM

كبسيبة

تاريخ التسجيل: 05-05-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    سمح السمح...سمح

    العزيز ودقاسم

    موضوعك زاتو ما سمح ح ح ح ح

    المرأة الجميلة، البت السمحة، الجكس الشرط ،هى مطلب وأمنية كل رجل، وقد خلق الله المرأة مخلوقا جميلا يصعب مقاومة سحره وخاصة من طرف الرجال، ومهما تظاهر البعض بأن الجمال صفة غير ذات قيمة كبيرة بالنسبة لهم فى المرأة فإننا كثيرا ما نرى أصحاب تلك الآراء يلاحقون الفتيات الجميلات بأعينهم بطريقة تعكس تناقض آرائهم التى يتفوهون بها مع حقيقتهم التى يخفونها، ولأن المرأة الجميلة تكون محط الأنظار دائما تسلط عليها الأضواء بكمية أكبر من غيرها فإن ذلك يدفع الرجل إلى الغيرة.
    عندما تكون المرأة جميلة بشكل واضح فإن ذلك يجعلها عرضة دائمة لإبداء الإعجاب بها، ومحاولة التقرب إليها.
    وأنا شخصياً يا ود قاسم بتكسر في البت السمحة.

    لكن برضو في مثل بقول ليك
    المرأة كالحرباء تتلون كيفما شاءت
    طبعاً أكيد السماحة البتقصدها الديكور الخارجي (البودي)
    ودقاسم الحكاية بقت زي العربات
    يعني في وحدة بي بوهية شركة (أصلية)
    والسمكرة بقت شغالة تش
    أي خدشة وأي جرحة وأي دمعة وأي رمشة ليها ماسكرا
    أي قدوم ليهو لون
    أي شعر ليهو كلر
    غايتو جنس شئ
    وممكن برضو تنقلب ليك حربوية بتصرفاتها.
    يعني ممكن بتصرف واحد الشكل الحلو ده ينقلب ليك بعاتي عديل كده
    مثال بسيط نأخذ كلمتين ( سمح - حاضر ) بالله كدي فكر معاي ممكن المرأة تقول ليك الكلمتين ديل بي كم طريقة.
    وممكن مثلاً تمد ليك قلم بمليون ألف طريقة
    وممكن تمشي بألف طريقة.
    وممكن تقعد بألف طريقة.
    يعني بكل وضوح أي تصرف محسوب على المرأة
    وأنا في اعتقادي أن التصرف هو أساس المقياس لجمال المرأة
    يعني يا بنات صلحن تصرفاتكن وبقولو كل حركة وفيها بركة.

    وبرضو في مقولة بتقول
    المرأة القبيحة مرض للمعدة والمرأة الجميلة وجع للرأس
    دي فسروها براكم كده على رواقة

    وكدي نزعل البنات ديل شوية كده بالمثل ده وبالله يدونا رأيهم والمثل بقول :
    رجل بلا امرأة راس بلا جسد وامرأة بلا رجل جسد بلارأس

    لكن أحلى ما فيهم :
    قلب المرأة يرى أكثر من عيون عشرة رجال (صحي يا ودقاسم)

    أمأ المسعلة بتعت جمال الرجل دي خلينا نسمع رأيهن كما سمعن منا.

    والتحية لكل جميلات بلدي
                   |Articles |News |مقالات |بيانات

06-08-2004, 07:36 AM

Adrob wad Elkhatib
<aAdrob wad Elkhatib
تاريخ التسجيل: 05-05-2003
مجموع المشاركات: 594

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: كبسيبة)

    الاخ ودقاسم قالوا السمح سمح كان قام من النوم والشين شين كان بستحمه كلو يوم..
    .بقولوا شينه شنه تقطع الخميرة من البيت
    بالله لو عارف اشرح لينا المثل ده وشكرا
                   |Articles |News |مقالات |بيانات

06-08-2004, 11:22 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Adrob wad Elkhatib)

    أدروب
    يا أخي سيب الخميرة إن شاء الله تنقطع وما ترجع ،، قالوا زمان في واحد كان ترزي ، وشغال في حلة بعيد عن أهله ، ثم عاد إلى أهله واستقر هناك ، وبعد عدة سنوات ضغط عليه أهله ليتزوج ، فلما وافق قال لهم بشرط ، تمشوا لفلان في الحلة الفلانية ( التي كان يعمل بها ) كانت عنده بنية صغيرة بتجي تلقّط الدلاقين المقطوعة تحت المكنة عشان تسوي بيهم بت أم لعاب ، كان البت دي قاعدة لليلة ما اتزوجت دحين آجماعة أخطبوها لي ،، فكانت هي زوجته ،،
    دحين يا أدروب يا أخوي أنا كبرت والبنية الفي الصورة دي والله حليوة ، وهي تتجسس على كتاباتنا نحن العواجيز ، أكان لليلة صغيرة أنا داير أحجزها وأزوجها لواحد من وليداتي ،، خلينا في الجد يا ادروب .
    تقولي ما في سماحة وشنا ،، هسي البنية دي في أسمح منها ؟
                   |Articles |News |مقالات |بيانات

06-08-2004, 09:20 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: كبسيبة)

    كبسيبة
    Quote: ومهما تظاهر البعض بأن الجمال صفة غير ذات قيمة كبيرة بالنسبة لهم فى المرأة فإننا كثيرا ما نرى أصحاب تلك الآراء يلاحقون الفتيات الجميلات بأعينهم بطريقة تعكس تناقض آرائهم التى يتفوهون بها مع حقيقتهم التى يخفونها، ولأن المرأة الجميلة تكون محط الأنظار دائما تسلط عليها الأضواء بكمية أكبر من غيرها فإن ذلك يدفع الرجل إلى الغيرة.
    عندما تكون المرأة جميلة بشكل واضح فإن ذلك يجعلها عرضة دائمة لإبداء الإعجاب بها، ومحاولة التقرب إليها.

    الكلام ده صاح يا كبسيبة ،
    لكن الكلام اللي بعده أنا ما لي علاقة بيهو ، شوف شغلتك مع الجندريات ..
                   |Articles |News |مقالات |بيانات

06-08-2004, 07:23 AM

كبسيبة

تاريخ التسجيل: 05-05-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    ودقاسم

    أزيدك كمان وكل واحد يختار على راحتو
    بهذه الصفات الغريبة التي كانت توصف بها المرأة عند العرب:

    ــ الربـحـلة : المرأة إذا كانت ضخمة وفي اعـتـدال .
    ــ السبحـلة : المرأة إذا زادت ضخامتها ولم تـقـبح .
    ــ الجـاريـة : المرأة إذا كانت طويلة وسـبـطـة .
    ــ الوضيئة : المرأة التي بها مسحـة من الجمال .
    ــ العـيطبـول : المرأة الطويلة العـنـق في اعـتـدال وحـسن .
    ــ الغـانـيـة : المرأة اذا استـغـنت بجمالها عـن الزينة .
    ــ الوسيـمة : المرأة اذا كان جسدها ثابتاً كأنها رسمت به .
    ــ القسيـمـة : المرأة صاحبت الحظ الوافر من الحسن .
    ــ الرعـبـوبة : المرأة اذا كانت بيضاء اللون رطبة .
    ــ الزهــراء : المرأة التي يميل بياضها إلى صفرة كلون القمر والبـدر .
    ــ الدعـجــاء : المرأة شـديـدة سـواد العـين مع سعـة المقـلة .
    ــ الـشـنـبـاء : المرأة رقيقة الاسنان المستوية الحسنة .
    ــ الخــود : المرأة الـشـابة حسنة الخـلـق .
    ــ الممـلـودة : المرأة اذا كانت دقـيـقـة المحـاسـن .
    ــ الخرعـبـة : المرأة حـسـنـة الـقـد .. وليـنة العـصب .
    ــ المبـتـلة : المرأة التي لم يركـب لحمها بعـضه بعـضا .
    ــ الهـيـفـاء : المرأة اذا كانت لطيفة البـطن .
    ــ الممشوقة : المرأة لـطـيـفـة الخـصر مع امـتـداد القامة .
    ــ الـرداح : المرأة عـظـيـمـة الـعـجـيـزتـيـن .
    ــ الخـدبجة : المرأة السمـيـنـة الممـتـلـئـة الذراعـيـن والساقين .
    ــ البرمادة : المرأة السمينة التي ترتـج من سمنها .
    ــ الرقراقة : المرأة التي كأن الماء يجري في وجهها .
    ــ الـبـضـة : المرأة اذا كانت رقـيـقـة الجلد وناعـمة البشرة .
    ــ الـنـظـرة : المرأة اذا رأيت في وجهها نضرة النعـيم .
    ــ الوهنانة : المرأة اذا كانت بها فـتـور عـند القيام لسمنها .
    ــ البهنـانة : المرأة اذا كانت طيـبـة الريـح .
    ــ العـرهـرة : المرأة عـظيمة الخلق مع الجمـال .
    ــ العـبـقـرة : المرأة المرأة الناعـمة الجميلة .
    ــ الغـيـداء : المرأة اذا كانت متـثـنـية اللين المتعـمدة له .
    ــ الرشـوف : المرأة طـيـبـة الـفـم .
    ــ أنـــوف : المرأة اذا كانت طـيـبتة ريـح الـيــد .
    ــ الرصوف : المرأة اذا كانت طيـبـة الخـلـوة .
    ــ الـشـموع : المرأة .. اللعـوب .. الضحـوك .
    ــ الفرعــاء : المرأة اذا كانت تامـة الـشعـر .
    ــ الـلــفـــاء : المرأة اذا ضاق ملـتـقى فخذيها لكثرة لحمها .
    ــ الدخيـمة : المرأة اذا كانت منخـفـضة الصوت .
    ــ العـروب : المرأة اذا كانت محبة لزوجها .. المتـحـبـبـة إليـه .
    ــ الـنـوار : المرأة اذا كانت نـفـورا من الريـبـة .
    ــ القـذور : المرأة المـتـجـنـبـة الأقـذار .
    ــ الحصان : المرأة الـعـفـيـفـة .
    ــ البنـون : المرأة كـثيـرة الـولـد .
    ــ النظور : المرأة قـلـيـلـة الولادة .
    ــ المذكـار : المرأة التي تـلـد الذكـور فـقـط .
    ــ المأنـاث : المرأة التي تـلـد الإناث فـقـط .
    ــ المهـاب : المرأة التي تـلـد مرة ذكـر ومرة أنثى .
    ــ مقـلات : المرأة التي لا يعـيـش لها ولـد .
    ــ منجاب : المرأة التي تـلـد الـنجـباء .
    ــ محمقة : المرأة التي تـلـد الحمقى .
    ــ الممكـورة : المرأة المطرية الخلق .
    ــ الـلـدنــة : المرأة الـلـيـنـة الـناعـمة .
    ــ المقـصد : المرأة التي لا يراها أحـد إلا أعـجبته .
    ــ الخبرنجـة : المرأة الجارية الحسنة الخلق في استواء .
    ــ الرجراجة : المرأة الدقـيـقـة الجـلـد .
    ــ الرتـكـة : المرأة الكـثيرة اللحم .
    ــ الخـريــدة : المرأة الحـبـيـبـة .
    ــ الطـفـلة : المرأة الناعـمة المـلـمـس .
    ــ العـطـبـولة : المرأة طويلة العـنـق .
    ــ الـبـراقـة : المرأة بيضاء الـثـغـر .
    ــ الدهثمة : المرأة السـهـلة .
    ــ العـانـق : المرأة التي لم تـتـزوج .
    ــ الباهـرة : المرأة التي تـفـوق غـيرها من النـساء في الجمال .
    ــ الهنانة : المرأة الضاحكة .. المتهللة .
    ــ الغـيـلم : المرأة الحسناء .. حسنة الخلـق .
    ــ المتحرية : المرأة حسنة المشية في خيلاء .
    ــ العيطموس : المرأة الفطنة .. الحسناء .
    ــ السهلبة : المرأة خفيفة اللحم .
    ــ العـزيزة : المرأة الغـافـلة عـن الـشر .
    ــ الرائعــة : المرأة التي تسر كل من ينظر إليها .
    ــ البلهـاء : المرأة الكـريـمـة .
    ــ الفيصاء : المرأة الطويلة العـنـق .
    ــ المجدولة : المرأة الممشوقة .
    ــ السرعـوفة : المرأة الناعـمة الطويلة .
    ــ الشموس : المرأة التي لا تطمع الرجال في نفـسها .


    وأنا في كل ده يا ودقاسم بتعجبني (الوسيمة،الخرعبة،البضة،الممشوقة،الرشوف،العيطموس،الشموس) مع إنو الخيارات صعبة لكن ده القدرنا عليو
                   |Articles |News |مقالات |بيانات

06-08-2004, 09:01 AM

Habib_bldo
<aHabib_bldo
تاريخ التسجيل: 04-04-2002
مجموع المشاركات: 2350

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: كبسيبة)


    ود قاسم يارايق أنت
    أخبارك
    والله يا ود قاسم أنا من الناس المتمسك بي مبدأ أمشي في الطريق السالك ووأمشي بحذر
    وأنت ناوي تفتح مسالك جديدة ووعرة وكلها شوك وإن قلنا راينا بصراحة ممكن نتورط مع وزارة الداخلية وإن خبيت أكون مجافي للجقيقة
    المهم ممكن نلخص ونقول خير الكلام ما قل ودل
    وأنا بشوف أن الشين طبعه الشين والسمح طبعه سمح
    وبالتالي السمح سمح والشين شين خلقة وأخلاق
                   |Articles |News |مقالات |بيانات

06-08-2004, 12:15 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Habib_bldo)

    حبيب بلدو
    يا أروق من ودقاسم
    رافع الراية البيضاء ومريح حالك ،، أناعايز أعمل جمعية اسمها التفت وشوف ، وهي جمعية تهتم بمراقبة الجمال والتقاط صوره خلسة ،، والشينين ما عندنا شغلة بيهم ،،
    تجي تتسجل معانا ؟؟
                   |Articles |News |مقالات |بيانات

06-08-2004, 11:45 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: كبسيبة)

    كبسيبة
    يا مطموس ، قلت لي عايز العيطموس والشموس والبي الحلة ما بتكوس
    يديك ربي ،،
                   |Articles |News |مقالات |بيانات

06-08-2004, 09:16 AM

Abd-Elrhman sorkati
<aAbd-Elrhman sorkati
تاريخ التسجيل: 02-21-2003
مجموع المشاركات: 1576

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)


    ود قاسم السمح 000

    لك الود0000

    شوف يا خوي السمح سمح000 والشين شين000

    ودي مسألة غير قابلة للترجمة الا في بعض حالات (تسميح)

    بعض الشينيين لظروف خاصة000

    يعني مثلا هناك مثل بيقول القرد في عين أمه غزال0


                   |Articles |News |مقالات |بيانات

06-08-2004, 10:19 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Abd-Elrhman sorkati)

    ود قاسم راعى لى مشاعر اخونا بدر الدين شنا ده يا اخى...يقوم الزول الشين ده

    يزعل والله انا اخلى البورد ده طوالى...عليك الله دى ما الشنا البتتمنى...طبعا الشديدات

    ديك ولا بنقدر نجيب ليهن سيره كلهن سمحات...الله يكترن الكبرنى وسمحن،،،

    وبعدين اقعد هظر كدى لما يلحقوك راغب علامة،،،،،
                   |Articles |News |مقالات |بيانات

06-09-2004, 06:52 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: صديق الموج)

    صديق الموج
    بدر الجميل ، جماله فات حده ، فانقلب لضده ،، تصدق أنا لمّا كتبت البوست ده كنت حاسب حسابو ..
    ما تخاف يا صديق ، هو الزول الشين يمشي وين ، والله محل ما يقبّل الناس يقولوا ليهو شين ، وصاحبك بدر عارف كده كويس ،،
                   |Articles |News |مقالات |بيانات

06-09-2004, 05:38 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Abd-Elrhman sorkati)

    ( أبو النسب ) عبد الرحمن سوركتي
    ألا توجد منطقة وسطى ؟
    السمح سمح ، والشين شين ،، كده بدون أي نوع من تلطيف الجو ،،
    طيب يا عبد الرحمن ممكن نقول للشين شين بدون اي لف ودوران ، أم أن من حقه أن لا نجرحه ؟
    وهل تجد هذه المسألة قبولا متساويا من الرجل والمرأة على السواء ؟
    بعدين إنت أبو النسب كيييييف يا سمح ؟
                   |Articles |News |مقالات |بيانات

06-08-2004, 10:42 AM

Elmosley
<aElmosley
تاريخ التسجيل: 03-14-2002
مجموع المشاركات: 33334

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    عادة في المداعبة
    عندما نصف شحص ما بانه شين
    فهذا يعني في الواقع بانه شخص جميل
    ومرتبته اكثر من السماحة
                   |Articles |News |مقالات |بيانات

06-08-2004, 10:52 AM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Elmosley)

    Quote: عادة في المداعبة
    عندما نصف شحص ما بانه شين
    فهذا يعني في الواقع بانه شخص جميل
    ومرتبته اكثر من السماحة


    يدوم عقلك يا موصلى غايتوا فهام جنس فهم..عينى بارده ما نسحرك..ما شايفنى شرشحت

    الود بدر فوق كيف،،،تسلم يا فنان فى كله،،،
                   |Articles |News |مقالات |بيانات

06-09-2004, 11:44 AM

Elmosley
<aElmosley
تاريخ التسجيل: 03-14-2002
مجموع المشاركات: 33334

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: صديق الموج)

    شفت كيف ياصديق الموج
    اخوك ختر

    ود قاسم الشين يلا اقدل
                   |Articles |News |مقالات |بيانات

06-09-2004, 05:51 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Elmosley)

    موصلي الفنان كلامك مظبوط ،
    إذن زميلتي التي نادتني ب ( ود قاسم الشين ) ، تقصد ودقاسم الأكثر من سمح ..
    ما تتصور ريحتني كيف ، وأنا مقهور من أكثر من عشرين سنة ، الله يهديها فاطمة ..
                   |Articles |News |مقالات |بيانات

06-08-2004, 11:14 AM

بدرالدين شنا
<aبدرالدين شنا
تاريخ التسجيل: 07-30-2002
مجموع المشاركات: 3514

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    Quote: ود قاسم راعى لى مشاعر اخونا بدر الدين شنا ده يا اخى...يقوم الزول الشين ده يزعل والله انا اخلى البورد ده طوالى
    يحيا العدل يحيا العدل
                   |Articles |News |مقالات |بيانات

06-09-2004, 03:41 AM

Saifeldin Gibreel
<aSaifeldin Gibreel
تاريخ التسجيل: 03-25-2004
مجموع المشاركات: 4054

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: بدرالدين شنا)

    الأخ ود قاسم مواصلة عن ماهية الجمال,طبعا من الأشياء الكان مسلم بها لدى السودانيين لماهية الجمال بالنسبة للمراة أن تكون سمينة أي (جقة) بالبلدي السوداني ممتليئا بااللحم والشحم.ألى أن جاءت بنا الأقدار الى أوروبا فوجدنا مقاييس الجمال تختلف,فمقياس الجمال عند الأوربيين أن الجمال فى النحافة,ولهم نظرة فى ذلك تتعلق بالعملية الجنسية فى أن المراة السمينة ليست ممتعة فى العملية الجنسية لأن حركتها بالمقابل سوف تكون محدودة عكس المرأة النحيفة ممشوقة القوام أي بمعنى أن تكون رشيقة الحركات كما قال المحجوب.اما بالنسبة لنظرة المراة لماهية الجمال لدى الرجل فنجدها تختلف من جيل لأخر,فمثلآ جيل الثلأثينات والأربعينات كانت النظرة فى قوة الرجل الجسمانية والكرم وهلم جر, ألى عهد الخريجين الأوائل من كلية غردون فنجد بدات أشكال التقيير فى المجتمع وجاءت مسميات كالأفندي ونجد ذلك التراث موثق فى أغانينا كأغنية الراحل حسن عطية (المهنس جا ورسم البنا) فى أغاني البنات (يا الماشى لى باريس جيب لى معاك عريس شرطآ يكون لبيس ومن هيئة التدريس) وهلم جر...وغدآ سوف أواصل الحديث عن مقياس الجمال عند الرجل والمرأة السودانية فى مرحلة السبعينات الى عصرنا هذا.
                   |Articles |News |مقالات |بيانات

06-09-2004, 05:20 AM

ابوحراز
<aابوحراز
تاريخ التسجيل: 06-27-2002
مجموع المشاركات: 5139

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Saifeldin Gibreel)

    صراحة بعضنا يتهرب من الموضوع
    ولكن واقعنا فعلاً يقول ذلك
    يعني يسعى الرجل بكل حواسه وإمكانياته لأن يمتلك إمراة جميلة جداً ولكن للأسف عندما يتحقق له ذلك سرعان ما يتحول هذا الجمال الى ألم بسبب الغيرة
    الجمال محبب لدى المراة ولكن ليس بالضرورة أن يكون الرجل وسيماً رغم أنو الناس الوسيمين كانوا عاملين لينا حقنة
    يعني ود خالتي وسيم جداً دا لمن يكون قاعد ويجن بنات داخلات نحن بنتخارج ساااااااكت وبنمشي نتحاوم في السوق
    والله يوم سافر السعودية عملنا حفلة عديل كدا
    وإحترنا منو الحايمسك الراية
    لأننا كلنا ما شاء الله نغلب بدر الدين وفتحي البحيري وهنايا 10 صفر في الشناة
    سأحكي قصة مهمة ارجو متابعتها
    كان سابقاً في فرنسا عند الحكم على رجل بالاعدام
    يتم وضعه كالمعتاد في ساحة كبيرة أمام جمع من المتفرجين
    في فرنسي قاتل حكم عليه بالاعدام
    وجابو الساحة كالعادة
    ووقف القاضي ليتلو الحكم مرة أخرى
    وقال ان الراجل قاتل ولا بد من تنفيذ القانون
    ولكن لدي بعض الصلاحيات سوف اعرضها على المتهم
    طبعاً قالوا كان من بين الحضور اكثر من 10 نسوان شينات جداً
    يعني الواحد ماتقدر تعاين فيها
    قام القاضي جمع هؤلاء النسوة في مكان واحد
    بينما المتهم كان معصوب العينين
    وفجأة قال القاضي
    سنلغي حكم الإعدام على هذا المتهم شريطة أن يتزوج بواحدة من هؤلاء النسوة
    فجأة صفق جميع الحضور لهذا القرار
    وأمر بفك قيده ورفع المنديل السود من عينيه
    المتهم لمن شاف النسوان ولقاهم كلهن شينات
    قال للقاضي : المقابر بس
    وقام رجع الشريط السود في محله واتغطغط تاني

    الشيء الذي يغيظني
    بعضنا شين لدرجة قف
    لكن مما تلاقيهو واحدة وتقول ليهو انت وسيم
    تاني والله ما تقدر تمشي بالشارع بتاع صاحبنا دا
    تلاقيهو يتضرع ساااااااااكت
    زي كوكب الزهرة أمس جايي ماشي تقول ماشي ليهو في شارع زلط

    (عدل بواسطة ابوحراز on 06-09-2004, 05:25 AM)

                   |Articles |News |مقالات |بيانات

06-09-2004, 11:56 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ابوحراز)

    أبوحراز السمح
    الموصلي قال لمّا نقول لواحد شين يعني بنقصد إنو أكثر من سمح ،، بس ما قال لو قلنا لواحد سمح نكون بنقصد شنو ،،
    كان في فنان اسمو ( السميح ) ما عارف ده اسمو وللا لقبو ..
    أبوحراز
    يعني فعلا إنت شاي فإنو في شنا أحسن منها المقابر ،، دي شنا قدر شنو كده ،، طيب ممكن الوش يكون شين ، مافي حاجات تانية ،،
    طيب شناة الرجال برضو ممكن تودي النسوان المقابر ؟ وللا الراجل حتى كان بقى شين ياهو راجل ؟
    والله ظلم عديل كده ،،
    قلت لي ود خالتك ما كان سايب ليكم أي فرصة ،، عشان كده يا أبو حراز إنت باير لي يوم الليلة ،، والله حالتك دي أخير منها حالة بدرالدين .
                   |Articles |News |مقالات |بيانات

06-09-2004, 10:20 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Saifeldin Gibreel)

    العزيز سيف الدين جبريل
    أحي فيك روح البحث العلمي ، وتقديمه بأسلوب جذاب ، وكان جميلا أن تربط بين أغانينا وأدبنا وبين مراحل تطور معاييرنا الجمالية ،، وبيني وبينك حكاية السمينة والنحيفة دي شغلة غريبة شوية ،، ومن جانبي أقول أن لكل نكهته الخاصة ،، وكلا النكهتين حلو وعذب ،، لكن ما رأي بناتنا هل يفضلن الرجل سمينا أم نحيفا أم أنهن سينمن في العسل وقلن خير الأمور أوسطها ؟
    واصل بحثك العلمي ، ولك الشكر
                   |Articles |News |مقالات |بيانات

06-09-2004, 09:34 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: بدرالدين شنا)

    بدر الدين
    عليك الله ، من كم سنة وإنت شين ؟ من الله خلقك ؟؟ وللا سويت شناتك بي إيدك ؟
                   |Articles |News |مقالات |بيانات

06-09-2004, 06:54 AM

ميادة

تاريخ التسجيل: 05-13-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    ودقاسم...

    السمحة سمحة والشينة شينة...

    دي اصلو ما بختلفو فيها اتنين، لكن في شنا كدة بطااااالة، ممكن براحة تعمل ليك دوشة وتدخلك في حالة بتاعة عدم توازن وبعدها حالة انعدام ثقة في انك ماشايف كويس او النضارة وسخانة او عميت او...

    ويسوء الموضوع اكتر لما ست الشي (البت الشينة) تقنع نفسها وتتوهم بأنها جمييييييلة وماشة بين الناس على هذا الأساس، وهي ماناقشة انو الناس ضاحكين عليها وعاملينها موضوع...

    ولو اتوهطت في وطاة الله دي وأقنعت نفسها أنها بشر عادي وبطلت دفن رأسها في الرملة كان أخير ليها -أو على الأقل تشوف الحاجات الممكن تخلي الناس ما تنتبه لشناة الخلقة-...

    وانا لله وانا اليه راجعون...
                   |Articles |News |مقالات |بيانات

06-09-2004, 11:59 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ميادة)

    ود قاسم والله بعد شناتك دي قصتك سمـحة خلاس
                   |Articles |News |مقالات |بيانات

06-09-2004, 07:31 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: حبيب نورة)

    حبيب نورة
    حدثنا عن معايير اختيارك لنورة لتصبح حبيبتك من دون الناس ؟؟
                   |Articles |News |مقالات |بيانات

06-09-2004, 12:23 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ميادة)

    ميادة
    قلتي لي شناة بطالة ،، أختك ندى على قالت ما في زول شين ، الرجال كلهم قالوا في ناس شينين وناس سمحين ،، بس يا ميادة كيف الزول يعرف بي نفسو أنو هو شين بدون ما الناس تقول ليهو إنت شين ؟ طيب ما يمكن في ناس بيقولوا لي بعض الشينين شناة مرة إنهم سمحين سماحة قاطعة ، وعشان كده يمكن المسألة ما تكون دفن للراس في الرملة ،، ممكن تكون الغشاوة دي جاية من كلام الناس المعسول ،، يعني أنا في ناس كثيرين قالوا لي إنت يا ود قاسم سمح ، بس زميلتي قالت لي ودقاسم الشين ،، طيب أصدق منو وأكذب منو ؟
    بعدين فكرة الحاجات الما بتخلي الناس يلتفتوا لشناة الخلقة دي شنو ؟ يعني زي كريمات وللا عمليات تجميل ، وللا جمال الأخلاق ؟؟ أنا اتكلمت عن الناس الطيبين والكريمين ومثل هذه الصفات وفي رأي أن الناس ممكن يقولوا والله فلان بي شناتو دي كريم كرم شديد خلاص ..
                   |Articles |News |مقالات |بيانات

06-09-2004, 02:23 PM

الجندرية
<aالجندرية
تاريخ التسجيل: 10-02-2002
مجموع المشاركات: 9450

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    سلام ود قاسم وضيوفك
    انا مع ندى
    مافي راجل شين ولا امرأة شينه
    ولا كائن في الوجود دا كله شين
    بس لو لفينا من الجانب التاني شان نشوف كويس
    حنلقى القبح زي ما قالت صاحبتي الجميلة نبيلة الزبير

    Quote: إن ما نسميه قبحا
    ليس إلا جمالا مجروحا
                   |Articles |News |مقالات |بيانات

06-10-2004, 00:16 AM

Outcast
<aOutcast
تاريخ التسجيل: 04-07-2003
مجموع المشاركات: 1029

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: الجندرية)

    Beauty is in the eyes of the beholder ..... او بالعربى كده .. "سمحة العيون البتشوف" .....

    وكن جميلا ترى الوجود جميلا ....

    عارف يا استاذ و دقاسم ... هذه المسألة الجمالية ليها علاقة بنضج الانسان النفسى و الجسدى ....

    عندما كنت طفلة... كانت تبهرنى اشياء فى شكل الانسان غير اللتى بهرتنى فى سن المراهقة .. والان وانا فى طور النضج .. انقلبت الكثير من موازينى الجمالية .. وكذلك احتكاكنا بالجنسيات الاخرى اثر على معاييرنا الجمالية ... لكن والله ... كل ما أقعد فى بلاد الخواجات دى .... تميل موازينى الجمالية نحو السمار (لا ادرى اذا ما كان تعصبا ام ماذا) ... وقد اصبحت اكثر تسامحا فى مقاييسى الجمالية بصورة عامة عما قبل ....

    غايتو .. ديل قرشينى و جدعتهم ......

    (عدل بواسطة Outcast on 06-10-2004, 07:10 PM)

                   |Articles |News |مقالات |بيانات

06-11-2004, 05:53 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Outcast)

    outcast
    والله قرشينك قيمات جدا ،، بس أفتكر حكاية كن جميلا تر الوجود جميلا ، مسألة متعلقة بجمال النفس وتقبل العثرات وتمتين آليات مصارعة الحياة
    لكن الوش الشين كيفن بشوفوا سمح وهو شين ،، والله مش كان كنت جميل ، لو كنت آية في الجمال برضو في ناس بتشوفهم شينين ،،
    ولو المسألة ما كده ، إذن كيف تتم الاختيارات ؟
                   |Articles |News |مقالات |بيانات

06-10-2004, 04:54 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: الجندرية)

    الجندرية
    هسة أنا جبت سيرة للقمرا ؟
    بطلي تحالفاتك مع ندى عشان ما أجيب السيرة من أولها ،،
    كيف ما في وما في ؟
    ونحن كيف قدرنا نصل إلى :
    يا شبه القمرا
    في شكلو زي نص القمر
    يا قمر دورين
    عندي كثير ،، أحسن تتراجعي عشان ما العرب يبقوا عربين ،،
                   |Articles |News |مقالات |بيانات

06-10-2004, 08:01 AM

المسافر
<aالمسافر
تاريخ التسجيل: 06-10-2002
مجموع المشاركات: 4928

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)


    ودقاسم ود تورشين

    تذكرنا طريقة مناداة أحد أجدادنا
    لما يحتج لمرسال يقول
    تعال يالمبروك يا لبتشبه أمك وجابدك أبوك

    طبعا حكاية بتشبه امك دي بتعجب الواحد مننا عشان هي حسب اعتقاده مكملة السماحة لكن مرة مرة يحس بأنه شبه الأم ده فيه بعض الشعور المتعلق برجولته (طبعا من هو طفل يسترجل) وعشان يذهب هذا الشعور تغطي عليه جابدك أبوك، اها خلاص يا لهزبر الفارس الجحجاح طالما جات سيرة ابوك أحمر عين بتطول زيادة

    من تجربتي احياناً هناك ناس من الشناة لما تخاف منهم وتحتاج شوية تشجيع لكي تقترب منهم ولكن لما تقترب أكثر يبهرك جمالهم وطيبة نفسهم وإنه الشناة هذه كانت تعبير آخر للكود الذي يحتاج المرء للدخول عبره لعالم آخر ، وحقيقة الجمال المخفي في النفس تدل على الجوهر والكنه الحقيقي

    الجمال ليس له مقاييس ثابته ولا ينحصر في النسبية وحسب العوالم الضخمة التي يمكن أن تنطوي في نفس انسان واحد كذلك تتعدد مقاييس لانهائية للجمال والمعنى والحضور

    جبلت النفس على الإنجذاب للحسن والنفور من المنفر وبين هذا وذاك فضاءات ضوئية يسافر فيها الذوق وتنثني الأنفس بين غدو ورواح

    وهاهو الشاعر حشر الوجود في جمالك حتى تراه
                   |Articles |News |مقالات |بيانات

06-10-2004, 09:09 AM

ترهاقا
<aترهاقا
تاريخ التسجيل: 07-04-2003
مجموع المشاركات: 4572

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: المسافر)

    تعرف يا ود قاسم كل ما تجينى كلمة شين وسمح
    بتزكر واحد بلدياتنا مشهور بالفكاهة وسرعة البديهة إسمو
    سيد تلول ،الاخ حمزاوى فتح بوست كامل عنه فى
    منتدى عبرى تبج ، كان مرة معدى فى مركب، فى شابتين فى المركب
    قعدن يشاغلن سيد تلول واحدة فيهن قامت سألته ، ياسيد
    لو المركب ده غرق كنت حتطلع فينا منو ؟ قام سيد
    تلول عاين للبنت الشينة وقال ليها طبعا إنتى بتعرفى تعومى.

    معليش عرجت بيكم لى نكتة لكن بينى بينك يا ود قاسم السمحة
    سمحة ولماطتها وشوية دلعها مغفور برضو.


    .
                   |Articles |News |مقالات |بيانات

06-11-2004, 06:17 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ترهاقا)

    ترهاقا العظيم
    وين إنت يا أخي
    بس يا ترهاقا أنا عندي سؤال ، تلول ده مالو ما قال عديل كده أنا والله بطلع فلانة لأنها سمحة وبخلي فلانة لأنها شينة وإن شاء في ستين داهية ،،
    يعني نشوف الزول السمح نقول ليهو إنت سمح ، وندلعو ونتحمل كل بلاويهو ، والزول الشين نسكت ونخليهو ، ما نقول ليهو إنت شين ، ولا نقول ليهو يا أخي اقطع وشّك ؟
    وبعدين مرات نقدر نقول للرجل الشين إنو شين ، بس البت الشينة ما نقدر نقول ليها حاجة خالص ،، مش ده قهر ده ..
                   |Articles |News |مقالات |بيانات

06-10-2004, 09:12 AM

omarmahdi

تاريخ التسجيل: 02-17-2002
مجموع المشاركات: 566

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: المسافر)

    يا خال


    سلام

    ذكرني ما كتبت بايام الثانوي وايام خورطقت الثانوية
    وحينما كنا ندرس النقد لشوقي ضيف
    وقصيدة احمد شوقي

    خدعوها بقولهم حسناء والغواني يقرهن الثناء
    علي ما اعتقد انو الجمال هبة ربانية
    لكن بيعتمد علي نظرتنا لمن نحبه
    لك تحياتي
                   |Articles |News |مقالات |بيانات

06-11-2004, 07:08 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: omarmahdi)

    عمر مهدي
    كيفك
    يعجبني هدوءك ، وكون الجمال هبة ربانية فهو مثله مثل هبات الله الأخرى ، نالها البعض ونال الآخرون غيرها ،، فمن حرم الجمال فقد حرم خيرا كثيرا ،، وفي اعتقادي أننا نحب بعد إعمال مقاييسنا ، ومقاييسنا ليس خاصة بنا فقط بل هي تشترك وتلتقي مع مقاييس الآخرين ،، لذا فإني أميل إلى القول بوجود مقاييس عامة ، يجمع فيها الناس على الشنا المتطرفة والسماحة المتطرفة ..
    يعني زي ماقال أدروب : شنا تقطع الخميرة
    وزي ما بقول بعض الشباب : دي بت صاقعة بس .
                   |Articles |News |مقالات |بيانات

06-11-2004, 05:59 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: المسافر)

    المسافر
    لك التحية والشكر على هذا التنوير القيم ،، لكن هناك مرحلة بين رؤية الشناة واتخاذ القرار لاقتحام دواخل صاحبها بحثا عن كنوز الجمال فيها ،، والغالبية يمنعها ترددها من هذا الاقتحام ،، وبهذا تضيع علينا فرصة استثمار الفضاءات الضوئية التي عرّفتنا عليها ، لا أنفي ما تقول ، لكني أرى أن الجمال الظاهر يسهل علينا كثيرا ويوفر لنا مدخلا ميسرا للتواصل مع الآخر ،،
    بس يا مسافر في ناس شينين شناة مرة ، والله قدر ما تقلبهم جاي وللا جاي ما تلقى فيهم غير الشنا ..
                   |Articles |News |مقالات |بيانات

06-10-2004, 09:43 AM

كبسيبة

تاريخ التسجيل: 05-05-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    ودقاسم ( وده بيان بالعمل)









                   |Articles |News |مقالات |بيانات

06-10-2004, 12:04 PM

omer ibrahim

تاريخ التسجيل: 07-30-2003
مجموع المشاركات: 528

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: كبسيبة)

    العزيز ود قاسم و جملة الزوار الكرام

    قال الشاعر:
    السمح سمح ولو قام من النوم .. والشين شين وان استحمي كل يوم
    وانا اتفق مع الشاعر جملة وقطاعي.

    ياسيدي كتبت:
    Quote: ولكن هل نستطيع أن نتحدث بحرية عن شناة الآخر أو سماحته دون أن ينالنا أي حرج من هذا الآخر ودون أن نجرحه


    الحديث عن جمال هذا أو شناتة (كان) مما يعتبر -اهمال- لمواصفات هي اكثر احقية للتناول, درج جمع من البشر ان يستنتجوا وقتيا ان مجرد

    الحديث عن شكل احدهم بأنه من ساقط الكلام لصفات اكثر جدارة بالتناول من سماحته او شناته.

    اما عندما يكون الحديث عن جمالها أو سماحتها فالامر مختلف .. فالقصة هنا تتحول لموضوع اكثر جذب ووتتباين فية الآراء و الفكر .. و هاك

    يا انا بفتكر انو اجمل حاجة فيها شنو شنو و انا بفتكر انو مشكلتا ما بعرف أيه.

    هذا الوضع رسب في نفسي (شخصيا) شبه قناعة ب (أنه) غير قابل للتعليق فيما يختص بالوصف و (انها) قابلة (جدا) لأن يتم تحليلها.

    بل ان الموضوع هذا في قمة تطرفه اذا نوقش وسط مجتمع رجالي صرف او مجتمع رجالي ناشف تكون القسوة احد اعمدته, هناك مجرد التعليق

    بأن فلان (سمح) قد يجلب ليك عدة اتهامات بأنك منتمي الي قبيلة الطيور الجارحة .. شايف كيف؟؟

    اما فيما يختص بزمنا الحالي الذي شكل الارتقاء مجموعة من مفاهيمه .. فأري ان السماحة شيء سمح شديد و مرغوب في عوالم الجنسين بنفس

    الدرجة .. لو عايز تتأكد من كلامي اسأل عن الشباب اللي بيتكلم الايام دي عن تصفيف الشعر مثلا .. الاهتمام بالبشرة .. و

    الاشياء التي الي الآن في ثقافتي شخصيا - تخص الانثي -

    كل الأشياء دي بالنسبة لي تنشد ان يكون الزول دا أو الزولة دي جميلة.

    ثقافيا ايضا حصل ارتقاء شديد فصار موضوع ان تقول لي فلانة .. انتي سمحة ولا جميلة او شديدة مرورا بانتي شرط و في السلك وشنو

    شنو .. تحول ذلك من شيء مفضل للمرأة (غير مصرح به) الي مرغوب (مصرح به جدا) .. يعني مثلا زمان لو شفت جميلة ما و حبيت ان

    (تبعبر) عن شعورك, تتردد كثيرا قبل ان تبوح .. لأن احتمال أن توصف ب قليل أدب أو متمسخر أو قد يتعدي

    الأمر ذلك علقة مظبوطة يساهم فيها من تيسر له المساهمة بمركوب أو برطوش أو بنصيحة -اتقي الله- يا

    صعلوق .. بس لأنك عبرت لأحداهن بقولك انها سمحة .. الآن الوضع اختلف قليلا علي ما أعتقد .. مما يجعل

    التعبير اكثر قبولا و سهولة.

    أما التعبير عن القبح والتصريح به (كان ولا يزال) أمر غير محمود اطلاقا.

    تحياتي

    عمر

    (عدل بواسطة omer ibrahim on 06-10-2004, 12:50 PM)
    (عدل بواسطة omer ibrahim on 06-10-2004, 12:58 PM)

                   |Articles |News |مقالات |بيانات

06-11-2004, 10:22 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: omer ibrahim)

    عمر إبراهيم
    كلامك سمح وفيه إضافات ضخمة ، وخاصة ملاحظة ( الطيور الجارحة ) ، وتغير النظرة حول مدح جمال المرأة من مذموم إلى مرغّب به ،،
    لكن يا عمر هل ترى أنه من الممكن في المستقبل أن يحدث تحول يجعلنا نقول للشين أنه شين وللمرأة الشينة أنها شينة دون أن يكون في ذلك حرج ؟
    شخصيا أنتظر اليوم الذي نصل فيه لتسمية كل الأشياء بأسمائها ..
                   |Articles |News |مقالات |بيانات

06-11-2004, 10:15 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: كبسيبة)

    كبسيبة
    كده إنت أثبت حاجة واحدة بس ، إنك بتفتش النت عشان تجمع أكبر عدد من صور البنات ،،
    بعدين يا كبسيبة في كل مداخلاتك إنت اتكلمت عن شناة وسماحة النسوان ، يعني الرجال من وجهة نظرك الشغلة دي ما بتنطبق عليهم ،،
    كبسيبة أنت تمارس عنصرية النوع ،،
    ورطتك مش ؟
    يحلك الحلّ بلة ..
                   |Articles |News |مقالات |بيانات

06-10-2004, 01:24 PM

بلدى يا حبوب
<aبلدى يا حبوب
تاريخ التسجيل: 05-29-2003
مجموع المشاركات: 8266

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    ود قاسم
    ما سمعته الفنان بيقول شنو البومبن ده
    كلك كلك حلو
    وعلى فكرة الشنه والسماحة كما ذكر البعض تنتفى حين حين تتلاقح الاحلام
    تحياتى
                   |Articles |News |مقالات |بيانات

06-10-2004, 07:08 PM

smart_ana2001
<asmart_ana2001
تاريخ التسجيل: 04-17-2002
مجموع المشاركات: 5695

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: بلدى يا حبوب)
                   |Articles |News |مقالات |بيانات

06-11-2004, 08:25 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: smart_ana2001)

    Quote: وترى ابنتي أن الحديث عن ( الشنا ) و( السماحة ) هو حديث ذو منطلقات عنصرية


    اريتها بت السرور.. يا قاسم.


    تعرف انا بشبه حكاية "نذوق" المظهر دى..بتذوق النكتة..او الحكاية المضحكة..

    وهى بترتبط فى نظرى بالوعى بالاخر..او الخروج من (الصندوق) البتختك فيه (القيم)..الحولك.

    نحن كنا بنضحك فى السودان فى نكت العنصرية..ولسه فى ناس بتضحك فى نكت زى دى..خصوصا لما تكون عن جنوبى ولا فلاتى ولا غرابى ..ولا كل القيم البائده البتوجه الذوق لاحتقار المهمشين والمنبوذين بقيم الثقافة السائدة والتصنيف الطبقى..

    لو حكيت نكتة عنصرية الليلة فى مدرسة ابتدائية فى امريكا..مش مافى طفل بضحك وبس... بل حتتفاجا بانه كل الاطفال بيشهقوا باستنكار .. اماالبحكيها دة فحيحس بانه ارتكب جريمة عنصرية لا تغتفر..

    نفس الشىء اذا انت بتفتكر انه الحاجة المضحكة دى مضحكة وبس..مهما كان قالبها الاتختت فيه..دة غلط..النكتة العنصرية بتضحكنا على قدر ما نحن عنصريين...وكلما اتخلصنا من (القيم) البتحقر الاخر..زكلما اعترفنا بانسانية الاخر وافسحنا ليهو مكان فى عقلنا وقلبنا ..كلما..كانت السخرية منه منفرة..وغير انطباعية.

    تماما كما الجمال..

    اى انسان جميل.

    الا الملامح العملت الثقافة العنصرية على الغاها..ونفيها..(لون..شعر ..عيون..جسم)..كلما ازداد وعينا بالاخر ..نزداد قبولا..ليه..شكلا ومضمونا..

    بتذكر فى بوست ود الباوقة القال الممثلات السودانيات شينات..الناس الدافعوا عن الشكل بتاع المراه السودانية..قالوا انه اوبرا ووبى..مع شناتهم لكنهم ممثلات جيدات..وناجحات وكده..انا كنت مخلوعة من الفكرة.. لانو النسوان ديل انا بشوفهم سمحات (اجى؟؟)

    اها عشان كده بتك بت السرور..ولكم احطراماطى الزائداتى.

    وشوق لكل جميل فى الحى..وشوق للشينة لو صعبة...(والغنية دى كان معناها شنو؟؟ ما اتعرفت لى من ما كنت صغيرة ..لمن كبرت)
                   |Articles |News |مقالات |بيانات

06-13-2004, 06:18 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Tumadir)

    تماضر
    قبل كم يوم كده كتبت بوست عن نكتة عنصرية أطلقت حديثا في السودان ، هاك اللنك :

    نكتة عنصرية لها دلالات وأبعاد عديدةنكتة عنصرية لها دلالات وأبعاد عديدة
    وأتفق معك ومع فدوى أن هناك نوع من العنصرية في معايير الجمال ، لكن العالم يتجه إلى التخلص من عنصريته ويتقدم نحو هزيمة العنصريين ، لذا نجد أن الناس أصبحوا حساسين تجاه كل ما يشتمون منه رائحة العنصرية ،،
    لكن ونحن نتحدث ونتعامل على مستويات تعاملنا اليومي وفي المحيط الذي اعتدناه ، هل عندما نقول لشخص ما أنه شين فهل هذا يعني أننا نقول له أنه يقترب من العرق الذي ربما نمارس العنصرية ضده ،، لا أتفق معك على هذا إن كانت وجهة نظرك فعلا تقودنا إلى هذا في النهاية ، بل نحن نجد في كل الأعراق شيئا من الجمال وشيئا من الشنا ، ولكن حديثك يجرني إلى سؤال هام ، وهو : هل الجمال والشنا وراثيان ،، هل هناك مجموعات إثنية بعينها اتصفت بالجمال وأخرى اتصفت بالشنا ،،
    وإذا تحدثنا عن بعض المجموعات التي تعرضت تاريخيا للظلم العنصري فسنجد أن الحلب مثلا فيهم جمال لا يوجد حتى فيمن مارسوا العنصرية والتعالي ضدهم ،، وقد ينظر كثير من العنصريين إلى الزنوج نظرة فيها عنصرية لكني كنت أرى أن تلك الفتاة النيجيرية التي قدمت لتدرس كورس في اللغة العربية في كلية آداب جامعة الخرطوم ، كنت أراها أجمل فتاة في الجامعة في تلك الفترة وما زالت ذاكرتي تختزن صورتها،، كما أنني كنت أراقب فتاة من أصل زنجي تبيع الفول والتسالي في مشرع الدويم وأنا عائد إلى أهلي في معتوق ، وعندما تزوجت وأصطحبت فوزية معي أشهدتها على جمال تلك الفتاة فشهدت به، وما زلنا نذكرها حتى بعد مرور أكثر من عشرين سنة على هذه الشهادة ..
    لذا أرى أن إلصاق صفة الجمال أو الشنا بمجموعة إثنية أو دينية أو بجهة معينة أمر مشابه لإلصاق صفة البخل باليهود أو الشهامة بالعرب أو الرجولة أو الحميمية ببعض قبائل السودان ،،
                   |Articles |News |مقالات |بيانات

06-12-2004, 05:19 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: smart_ana2001)

    سمارت أنا 2001
    صورة شفتها ، وصورة ما شفتها ،، لكن عايز أقول ليك إنو في ناس سمحين بالجد ،، مش كده يا ... يا سمارت ...
                   |Articles |News |مقالات |بيانات

06-11-2004, 10:24 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: بلدى يا حبوب)

    بلدي يا حبوب
    يا أخي كيف تتلاقح الأحلام بدون المرور بفترة اختبار وتقييم ؟
                   |Articles |News |مقالات |بيانات

06-11-2004, 08:44 AM

nada ali
<anada ali
تاريخ التسجيل: 10-01-2003
مجموع المشاركات: 5258

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    الاخ العزيز ود قاسم،
    اعتقد انه لا يوجد شخص "شين" و النسبى هو تلقى "الجمال".
    اذكر عندما كنت فى الثانوى و بدايات الجامعة كان هناك برنامج فى التلفزيون اعتقد اسمه ربوع السودان، و كانت فى المقدمة هناك صور من مختلف انحاء السودان، منها صورة امرأة كبيرة السن من الشرق، وجهها صارم و مغطى بخطوط (تجاعيد) عميقة و متقاطعة - كانت تذكرنى بالشقوق التى نجدها فى الارض الطينية - و فى عينيها نظرة جميلة مليئة بالحكمة. كنت اقول فى ذلك الوقت ان هذه المرأة شديدة الجمال و الى الان لم أر اجمل منها.

    (عدل بواسطة nada ali on 06-11-2004, 09:37 AM)

                   |Articles |News |مقالات |بيانات

06-11-2004, 10:41 AM

Ali Alhalawi

تاريخ التسجيل: 02-10-2004
مجموع المشاركات: 1467

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: nada ali)

    تعرف يا ود قاسم "صورتك فى المنبر" ذكرتنى حفلات زمان .. أيام الخنفس و الشارلستون و رقصة الهورس .. بس وكتها كنّا شفع

    الشنا و الحلاة حاجة نسبية .. لكن حلاوة الروح كالأستيكة

    واحد شاف واحدة شينة شديد قال ليها عاملة شناتك دى أمشى ألبسى ليك جزمة فى وشك .. بلؤم ردت عليه: أسمع يا إنتا .. الشنا ما شناة خلقة .. الشناة شناة أخلاق .. لكن إنعل أبوك لى أبو أخلاقك ..

    هسع زى دى تقول عليها شنو؟
                   |Articles |News |مقالات |بيانات

06-13-2004, 08:27 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: Ali Alhalawi)

    الحلاوي
    فعلا الصورة من تلك الأيام ،، وقد وجدتها عند ابنتي تحتفظ بها ، ويبدو أنها تبحث لي عن خطيبة بدون علم أمها ،،
    والشنا يا حلاوي أحيانا مفيدة :
    قالوا زمان في سلطان أمو عيانة شديد ، قال السلطان لو واحد جا قال لي أمل ماتت بلحّقوا ليها ، ولما ماتت أم السلطان الناس قالوا منو يمشي يكلم السلطان ،، في واحد شين اسمو ود شنقنّي ، قال أنا بكلمو ،، ومشى للسلطان ولما السلطان شافو من بعيد ، قال ليهو : أها جيتني يا ود شنقنّي
    قال ودشنقني :
    خبري أشنى منّي
    فقال السلطان :
    أمّي ماتت ؟؟
    قال ودشنقنّي :
    بركة الجا منّك ما جا منّي
    وهكذا تبلّغ السلطان بخبر وفاة أمه دون أن يصيب بظلمه أحدا ، وكان ذلك بفضل شناة ود شنقنّي
                   |Articles |News |مقالات |بيانات

06-13-2004, 08:07 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: nada ali)

    ندى علي
    أتفق معك أن تلك المرأة كانت جميلة ، ، لكن بعض الجمال يكون الحديث عنه مثل الحديث عن حلاة الفسيخ أو التركين أو الكمونية ،، فهذه الأشياء يستمتع بها البعض بالرغم من كل ما يكتنفها من جزئيات منفرة ،، لذا نجد البعض ينفر منها كليا ويصفها بقسوة مكشوفة بأنها سيئة وقبيحة ومقززة ،،
                   |Articles |News |مقالات |بيانات

06-12-2004, 08:42 AM

مراويد

تاريخ التسجيل: 09-08-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    .......................
                   |Articles |News |مقالات |بيانات

06-12-2004, 07:38 PM

SAdo7
<aSAdo7
تاريخ التسجيل: 01-06-2003
مجموع المشاركات: 844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: مراويد)

    الخال
    كثيرا ما يكون للشنا والسماحه موروث تاريخى او مرجع تاريخى
    مربوط بالشخصيه فاحيانا يرتبط الشخص بشخص اخر عبر اى نافذه من نوافذ العلاقات الاجتماعيه ويصبح كل منها جزء من تاريخ الاخر لذلك
    مقاييس الجمال عنده تتغير فترى اناس كثيرين متزوجين من نساء لا يحمل صفة السماحه ولكنها فى عينيه اجمل النساء وايضا الرجال فهى حصيله عوامل لا تقف عند الشكل فقط ولكن بمنظور اخر فالسماحه والجمال موجودات ويحكى بعد معركة القادسيه والتى انتصر فيها المسلمون بقياده سعد بن وقاص على الفرس او الايرانيين حاليا
    تزوج احد الصحابه احدى نساء الفرس فامره سيدنا عمر بان يطلقها
    واصدر فتوى او امر بالا يتزوج احد من نساء الفرس وعندما ساله الصحابه
    من العله اخبرهم بان نساء الفرس جميلات ولو فتح هذا الباب فسوف يكون مصير نسانا ( البوره ) لك كل الود ايها الخال
                   |Articles |News |مقالات |بيانات

06-13-2004, 06:05 AM

عثمان عووضة
<aعثمان عووضة
تاريخ التسجيل: 06-02-2004
مجموع المشاركات: 868

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: SAdo7)

    يا ابو قاسم كدا ما فينا --خت صورة جديدة خلينا نتبارك بيها
                   |Articles |News |مقالات |بيانات

06-13-2004, 08:04 AM

omer almahi
<aomer almahi
تاريخ التسجيل: 03-25-2004
مجموع المشاركات: 1507

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: عثمان عووضة)


    ودقاسم قريبى أيها الصوفى المتبتل
    وقديما قيل

    لو كان حب الجمال جريمة فليشهد التاريخ بانى مجرم

    توقعتك أن تعرج الى مقايس الجمال والقبول عند الصوفية

    وياترى هل هناك حكمة فى جمال الأنبياء والرسل مثل (يوسف ومحمد)وغيرهم



    واليكم هذه الطرفة واحد قال لصاحبه والله وشك القاشر بيهو دا انا بقوم بيه من النوم
                   |Articles |News |مقالات |بيانات

06-16-2004, 12:28 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: omer almahi)

    عمر الماحي ود أهلي
    قول يا برير ،، يا ود الحسين ،، يلحقنا ويفزعنا ،،ويقيف بينا وبين الشنا ، كان شتاة الخلقة كان شناة الاخلاق ،،
    يعجبني الوصف الصوفي الدقيق لأنواع من الزهاد العباد والذي يرد تفصيلا في قصيدة السرّاي
    السراي السراي
    الجافو النوم وعقدوا الراي
    الليم متين يا مولاي
    ساكن بغداد في كل بلد سوالو أولاد
    واحدين زهاد وواحدين عبّاد
    واحدين صايمين تاركين الزاد

    ويستمر الوصف الجميل ويتحدث عن جمال القوم وصفاء نفوسهم ويصف أعمالهم الجليلة إلى أن يوجه الدعوة للمحبين أن يلتصقوا بالمحبوب لأن المحبوب في حالة حضرة ، والحضرة تنفع من يحضر ..
    يامحبهم لا تكون بعيد من قربهم
    عسى تنتفع من شربهم
    كونو الرسول ما بغبّهم
                   |Articles |News |مقالات |بيانات

06-16-2004, 06:34 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: عثمان عووضة)

    عثمان عووضة
    مالك في شنو ، أنا زورت حاجة ؟ دي أحدث صورة عندي ،، اتصورتها وبعدين اقتنعت إنو التصوير حرام ،
    قال صورة حديثة ،، عايز تضحك على شيباتي ، وكرمشة وشّي .. ما في ليك فرصة ،،
                   |Articles |News |مقالات |بيانات

06-13-2004, 12:23 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: SAdo7)

    صادوح
    إذن أنت متفق معي على وجود ناس شينين وناس سمحين ،، لطنك تقول بأن الجمال والشنا ترتبط بالإنتماء العرقي ، وهذا أمر قد نفيته أنا في كل ما كتبت في هذا الموضوع ،، لكن قد تكون نسبة الجمال لدى مجموعة بشرية معينة أكبر مما عليه في مجموعة أخرى ،، وهذا لا يعني أن الجمال ملك لأحد أو أن الشنا ابتلاء خاص بأحد ..
                   |Articles |News |مقالات |بيانات

06-13-2004, 11:32 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: مراويد)

    مراويد
    أعرف أن نقاطك كلها سمحة ،، الله يزيدك سماحة ..
                   |Articles |News |مقالات |بيانات

06-13-2004, 07:04 AM

ود الشيخ


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)



    .
    .

    [qb]
    والله يا ود قاسم انت عارف الخلقك منو
    بس راي الخاص والخاص جدا إني مؤمن
    ببيت الشعر الذي يقول

    عين الرضا عن كل عيب كليلة
    وعين السخط تبدي المساويه
    [/qb]

                   |Articles |News |مقالات |بيانات

07-21-2004, 08:34 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ود الشيخ)

    ود الشيخ
    لك التحية
    القاعدة التي يطلقها البيت صحيحة ، لكن سماحة الخلقة حاجة تانية وشناة الخلقة حاجة تانية خالص ،،
                   |Articles |News |مقالات |بيانات

06-13-2004, 07:56 AM

tiger18


للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    الاخ ودقاسم لك الود والتحية
    عندي سؤال واقف لي في حلقي
    Quote: ثم بدأنا نتجاذب بعض حديث ، ومشينا سويا إلى مقهى النشاط

    انت درست في جامعة الجزيرة ولا شنو؟؟؟
                   |Articles |News |مقالات |بيانات

07-21-2004, 08:36 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: tiger18)

    تايقر 18
    أنا لما درست ما كانت في حاجة اسمها جامعة الجزيرة ..
    وللا أقول ليك ،، أنا قربت ألحق على كلية غردون التذكارية
                   |Articles |News |مقالات |بيانات

07-21-2004, 12:10 PM

ميادة

تاريخ التسجيل: 05-13-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    وحات النبي جنس شناة غايتو...
                   |Articles |News |مقالات |بيانات

07-21-2004, 09:05 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ميادة)

    ميادة يا ش.......










    يا شعلة الجمال وضوئه ،،

    أنا شين يا ميادة ؟ يا ريتك لو شفتيني ،، المهم لو اتشاوفنا اطرحي من عمري مرتين زي عمرك ، ثم انظري الصورة المستخلصة ،،
    قمة الجمال ،، مش ؟؟
                   |Articles |News |مقالات |بيانات

12-15-2004, 10:04 PM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19783

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: ده سمح وده شين ، ، دي سمحة ودي شينة (Re: ودقاسم)

    ولكن هل نستطيع أن نتحدث بحرية عن شناة الآخر أو سماحته دون أن ينالنا أي حرج من هذا الآخر ودون أن نجرحه ، أم أن الوصم بالشنا يعتبر من قلة الذوق وقلة الأدب ،

    قال لي الشاب الوسيم و الذي رأيته يتأبط ذراع زوجته التي لا تمتاز بأي مسحة من الجمال على وجهها ، قال لي عندما رأى علامات التعجب تبدو على محياى :
    عارفك بتفكر في شنو .. و لكن المخلوقة دي بعتبرها جوهرة ..
    فأبحثوا عن الجواهر في أعماق النساء و في قلوبهن و أرواحهن .. فالجوهر هو الذي يبقى ..
    فوق قبل الأرشفة
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de