|
بورداب الدوحة.. الملابس البيضاء الجديدة جات..!!
|
عجيب وغريب امر بعض الاخوة الانطباعين الكبار هنا علي ارض هذا المنبر ويقيسون الامور بطرق تكاد تضحك وتبكي في بعض الاحيان ... ويحملون بورداب الدوحة طاقة نووية ويزج باسم هذه المجموعة في الكثير من البوستات والكلامات الاسفيرية وبطريقة تذهب لاصحاب الخيال الخصب تخيل بورداب الدوحة في سودانيز اون لاين مجموعة من الازوال يتشابهون كما اهل الصين تماما ويرتدون ثياب بيضاء واحذية حمراء اللون صرفت لهم عقب تسلمهم (الباص) ويرد الخاص بهذا الموقع..ويجلسهم شيخهم الكبير الذي علمهم السحر في بدايات اليومي العملي لسودانيز اون لاين صائحا بهم.... انت يا فلان اكتب في كيت كيت..!! وانت يا علان الليلة رد علي فلان الفلاني وقول ليهو شكرا علي مرورك يا وريف..!! وانت يا ابكر اكتب بوست لمع فلان الفلاني وخليهو يرقش رقشة السنين..!! وانتي يا الفصيحة دي اكتبي في قضايا الشعر والادب وطاردي لي عليك الله البوست الفلاني .وبالله وضحي روية بورداب الدوحة في النوع ده من الشعر وكتري من نماذج الاشعار البوردية الدوحية.. وانت يا ابو شنب اكتب لينا عن دارفور وبين راينا في القرار 1706 وتعليمات صباحية قاسية وجادة من شيخنا الكبير الذي ياتي الينا في اخر اليوم للحساب الذي في العادة شاقا وصعب ومثل حساب منكر ونكير..... وقد يمتد التخيل الانطباعي الي حصر المداخلات المفترضة لبورداب الدوحة في خلال ال24 ساعة الاسفيرية.. اممممم ..مفروض يكون عندنا 150 مداخلة في اليوم ده؟؟؟ لييييييه لقيناها 155 والخمسة الزائدة دي الكتبها منو...ولييييه...وفي شنننننننننو...واتداخلت مع منو......ولييييييييه...وزنقة شديدة وارهاب حقيقي من شيخنا الاسفيري الذي لا يفوت شاردة ولا واردة...وقيل تحت تحت في مجالس البورداب الاخري ان لهذا الشيخ عكاز وسكين لزوم ارهاب العناصر المتمردة من بورداب الدوحة... شيخنا دوما يساري ..يميني ..شيوعي ..حقي ..شعبي..وموتمر وطني عندما يدخن الدخان ..لذا ان كان مزاجه تكفيري لظهرت بصماته علي سير الجهد الاسفيري للتيم العامل من بورداب الدوحة في ذلك اليوم.. ولصاح الجمييييع اللييييييلة بورداب الدوحة كفرررررروا الناس..... وان كان مزاجه مزاج (وش كرتووووووووون) وامر 2 من جنوده بالشجار لصاح القوم اللللللللليلة بورداب الدوحة اتشاكلوا واتكاسروا كسر السنين والدم سال ركب ..وكل واحد لابد للتاني في دوارت الدوحة وماسك مرق عشان يفلق التاني (انا غايتو ح البد في دورات معيذر).... لذا سرت اشاعة قوية ذات يوم عن مشاجرة ليها ضل في احدي اسواق الدوحة الطرفانية واظنه (سوق الخميس والجمعة) بان اثنين من البتان تكاسروا في ما بيهم كسر السنين وكان الضرب ركب و سال الدم في ارض الشارع.فحلم احد الاخوان ان بعض الانطباعين الكبار قد حمل بورداب الدوحة اسباب هذه المشاجرة البتانية العنيفة واوجد لذلك مبررارت والكثير من المساندين من اصدقائه الذين هم فقط من يطالعون بوستاته الكثيرة البائرة التي تشابه (كميونية اخر اليوم) في جزارة كرجول الشهيرة...!!!
........................................
ضحية السني ودرملية الحين انت لازم يجي سرعة سرعة شيخ مال دوحة.. اسفيري كلام ليشششششششش ما يجود مداخلات داخل منبر ممكن شيخ اسفيري في واجد زعلان وواجد مخ خربان وفكر ودي كلش نفرات( تمردات ) داخل بلاد..؟؟؟؟؟
|
|
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبد المنعم سليمان)
|
Quote: خلاص قررتو تنتحرو جماعيا |
مرحب يا منعم ومحال وصعب الانتحار الجماعي مع هذه المجموعة الجميلة الرائعة ولاتاخذك الدهشة في تلكم الفذلكة في الاعلي فهي مجرد ونسة في اطار جمال بورداب الدوحة المتفردين ..وكاني اصيح اتركوا هولا القوم في حالهم فكل منهم يختلف عن الاخر بمقدار كبير ولكن يجمعهم حب اشياء عديدة انبعثت وتماسكت فيما بينهم لتواجداهم معا في ارض هذا المنبر.. ... .. وبعدين عليك الله الزي ضحية وود رملية وعماد ديل ينتحروا معهم كيف ذاتتتو؟؟؟ ديل انا تاكسي ما اركبوا معاهم..ومعاهم رندوك..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبد المنعم سليمان)
|
الاخ المهندس (الشاب) الوجيه (عضو المجلس التنفيذى ) عبدالكريم ، طبعا ذلك اليوم بعد مرورى للدوحة لاداء الواجب كبيت الزوغة خوفا من انتظر ربع ساعى لانو فى ناس كايسين لى ، اخى مثل هظارنا هذا يعتقد اننا ننافق بعض ، فعلا نخن نختلف ولكننا نحترم بعض وانا اعتقد ان قلوبنا على بعض اكثر من غيرنا . اللهم ابعد عين الحسود عنا .( انت يا كيكى بس دور جنجال عشان نفرات يقول هدا سودانى ما فى زين ، ليش انت ما يروح كورنيش سوف واجد نفر حلو بلاش قر قر قر كل يوم خلى كل شيء يولى ،انت نفرات مافى يسمع كلام ليش جدى ). انا خلاص بطل طرش شيكات عشان انت مافى زين، بس طرش نسوار(تمباك)
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: هجو الأقرع)
|
... عرفتها يا هجو واتخارجت من الدوحة (جلدي جلدي) ومشيت دخان.. والجماعة كانو لابدين ليك من دوار الشيحانية مرورا باستاد الريان ثم دوار الهواجر.ودوعيس معيزر... المهم نصيحة اخوية تاني الدوحة دي الا تخشها بشارع مصنع الاسمنت الهننننننناك جنب ابونخلة داك.. والبيننا عامرة يا هجو ويجمعنا الوطن. فلنتخلف بشرف ونقاء سوداني والف شكر علي التواجد في مهرجان الهدوم البيضاء والاحذية الجمر..وشيل كوتك وامشي دخان قبال ناسي ديل ما يلحقوك..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
Quote: حسي يا هيثم عليك دينك لو قالو ليك زول اسمو كيكي والتاني اسمو هيثم.. البجي بدري منو ياهيثم... .. ..
|
و اللاي يا كيكي باااالغتُ عديييل كدة .... هسع سؤالك دة ما إجابتــو وااااضحــة .... يعني زول إسمو هيثم أكيـد بجيبو الدريويل و لابس كدارة جديدة و معاهو الكورة بتاعتو دة أكيد بجي متأخر ... أما ناس كيكي و من لف لفهم ديل بمشو الميدان بدري عشان يركبو الشبك و يخططو الميدان بحكم إنك إنت زول مساحة و كدة... أهـا بعـد شوية يجيك ناذر إقول ليك هيثم كلامو صاح إنت المفروض تجيب الكورة من الآوت.... و بالعدم أقيف قون......
Quote: تعال انت بدري يا زول وجيب معاك الكورة علي الاقل نتذكر زمن زميلي في الملاعب صلاح سلك |
أهـا في دي عاد ليك حق ... يعني هيثم دة يجي و يقوم ناس كيكي و سيكا يحقروا بيهو .. و يقولو ليهو يا ود جيب كدارتك الجديدة دي نجربا ليك عشان تجيب قون... تحياتي لكابتن جمال كـدوس و منقستو بلاي...
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبد المنعم سليمان)
|
بيداء الشغل بحصر قائمة المتمردين علي الشيخ الاسفيري الكبير سنقل لكم تباعا اخبار الطابور الصباحي والكفاوي لكل بورداب الدوحة(امهانين جزم حمر) اول المتمردين... 1-معتصم الطاهر...!!! ايوه معتصم الطاهر ديمة قادي السلك بتاع طابور الصباح في حضرة شيخنا الغول وتمادي في تمرده الاسفيري وانتج كمان ديوان شعر عديل كده..(شباك الحنين) ضاربا بعرض الحائط بكل تعليمات الغول الصباحية...حينما شهدنا ذات صباح باكر ونحن وقوف في طابور الشيخ الصباحي والدنيا برد .... فكانت تعليمات الشيخ واضحة وصارمة............. معتصم الطاهر.. انت يا معتصم القال ليك تكتب شعر منو...وليييييييه..والقصيدة عملتها كم بيت..؟؟ ولييييه ما عملت شعر التفعيلة الحر والفراهيدي رايو شنو؟؟؟وياتو مدرسة شعرية انت ماشي بيهاااا..انتو ماششششين ساكت ..قاليها فوضي انت قائل البص ما فيهو كمساري....
2- عبدالرحمن بركات..ابوساندرا... ده طبعا اكثر زول شاديها قرض مع الشيخ الاسفيري بتاعنا وديمة شكلتهم مع الصباح مدورة الشيخ متهم ابوساندرا بانو شيوعي ماركسي لينيني بلشفي..وابوساندرا بتكلم عن الشيخ الاسفيري كاقطاعي قيصري وهولاكي ونموذج لدكتاتورية الاسفير ..وكل صباح قاعدين نسمح الموال التالي.. ينادي الحاجب عبدالرحمن بركات...عبدالرحمن بركات....!!! وبركات سامع والغريبة مابرد.. ما بترد لييييه ياجن انت؟؟؟ ايوه انا اسمي ابوساندرا..مش عبدالرحمن بركات... طيب يا ابو ساندرا.. انت امس كتبت كيت كيت..وشتمت الحكومة الكلام ده القال ليك تكتبوا منو..وانا بالذات محزرك من الحيكومة دي..وكمان جايب لينا اخبار الميدان والعدد نمرة كم كده ماعارف صدر ...صدر ولا ما صدر احنا مالنا ومالو..!!! شوف يا بركات بطل لخبطة وامشي معانا كويس والا حندخلك بيوت الاشباح الاسفيرية..و اتبع التعليمات ومييع الصراع..ايوه ميييع لي الليلة اي صراع تحس انو جادي وهادف في السودانيز الليلة ..يقولوا تور نط ليهم في حلقهم وقول لييييييهم احلبوا.. وبعدين قسما عظما اشوفك ولا اسمعك تجيب لي سيرة الديوم ولا الحلة الجديدة ساكت الا اكسرك كسيرة السنين يا عبدالرحمن يا بركات... فرتق يلا الليلة داير منك 3 مداخلات..واعمل 2(اب) لاي بوست تحس فيهو ريحة تمييع صراع..فرتق .. ونواصل...زولين زولين...وزولة زولة..والماسح اظلم
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
_ بدرالدين الامير.... الليلة... ده كمان الفتي المدلل للشيخ بتاعنا وحنكوش القصة كلها ويومي جاي لينا الطابور متاخر ويطرشني لو سمعت الشيخ وبخوا ..(مع انو ناس عماد وكيكي وودرملية) لو اتاخروا دقيقة من الطابور ..تعال شوف الردحي والكلام الكعب البسل الروح... لكن دائما تعليمات الشيخ لبدرالدين جادة ونشهد ان الشيخ بتاعنا في الشغل ما بفرز بين حنوكش ولا اولاد قرف.. ومرة ..شوف عيني دي الشيخ كسر لبدرالدين السيجارة القصبة الكانت كبييييرة ديكككككككك..... وكثير ايضا شدوا ليك بدرالدين من الصباح... القال ليك تعمل بوست عن مصطفي سيد احمد منو...ولييييييه..مصطفي ده مات لييييييهو سنين كثيرة.. داير تعيد سيرة الغناء الزي ده لييييييه...(انا قلت ليييك؟؟؟)... وبعدين تعال ردينة وما ادراك ما ردينة..احنا ناقصين ياخ تجيب لينا سيرة الجسد..جسد ده كلام يا بدر الدين شوف يازول تاني ادب مافي,,,مصطفي سيداحمد مافي...امشي عندك من هنا لحدي بكرة 6 مداخلات واوع اشوفك فاتح بوست جديد خلييييها كلها مداخلات مع زول الخرطوم عبدالمنعم وكوستاوي بتاع امريكا... سامع ..ما عندك بوست جديد..القاك عامل بوست جديد يا بدرالدين بغرمكككك..امشي حلو كده التقول مفطوم بباسطة( شيخنا بعد مرات دمو خفيف) 4- عماد عبدالله...... اووووه ده كمان ممسسخها مرة واحدة ويومي جاي الطابور الصباحي متاخر ..وعامل كفوة كبيرة وطوالي الشر يخص ويشدونا احنا المساكين ديل وهو السبب... عماد عبدالللله... فندم.. انت ياعماد قصتك شنو يازول..انا قلت لييييييك طير الكورة شتت اللعب ومداخلاتك شنو مخليا الناس بتقهي كده..وكمان عامل لي فيها بتكتب بغصون وزيتون كمان...شوف يا عماد اشتغل معانا زي الناس .وانا قلت ليك في كل دورة اديتك بوست بوستين .ولا اقول ليييييييك بوست واحد بس عشان فرفرتك دي وكلامك العجيب البتفكو في الاسافير ده... وفرتق يا زول والليلة عقوبة ليييييييك تعمل 47 مداخلة في بوستات من طرف وما تقول لي مشغول ولا ما مشغول يازول انا داير منك 47 مداخلة حتي لو شغلك يقيف..يلا فرتق فرتقققققق..!!
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: هجو الأقرع)
|
Quote: كيكى اهم شرط للاشتراك فى الجكة الصباحية ان نردد خلف معتز قريش ( فى حماك ربنا ) وامريكا دنا عذابها. وتنتهى فى دخان وتسلم الشيك والنسوار وتقفو راجعا. |
مرحب هجو,,, مالك علينا يازول ,, بقوموا ناس قاعدة السيلية الجوية بفرطقوا لينا راسنا وراس شيخنا الاسفيري معانا...(امريكا وي يييي) اسمع دير بالك انت وقريش شيخنا اليومين دي مزاجه (اليساري) قائم عليهو شديد.. وكبوا الزوقة من الجكة بتاعة بكرة دي لانو لو شافكم حتتعبوا معاهو..واحتمال يجبركم علي بوست بتاع (جنجال مع تراجي) وده شعر انا عارفكم ما عندكم ليهو رقبة..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
7_ معتز القريشششششششششششش ده طبعا حكايتو حكاية ..وبتراجف من بداية الطابور لحدي ما الغول بتاعنا يقول (انصراف).. ودايما بطبق توجيهات الشيخ(بضبانتها) وصرة في الخيط ايضا..ومع الصباح تسمع.. معتز قررررريش فندم.. اها الليلة انا داير (عرقلة) ..!! عرقلة؟؟ ايوه عرقلة وتعمل لي جوطة ليها ضل. وتجوط الاسافير دي من تحت لفوق..!! اجوطها كيف يا مولانا..!! تمسك في الشيوعييين اتلحهم تليحة(عودك) وقول لييييهم (دستور) بس..انا دايركم تدقوا لي دستوركم في البوست ده..وكلو كلو ما تخليهم.سامع..عامل دقنك زي المقشاشة كده.!!! بعدين برضو شايفك اخوانا الجمهوريين ديل طولت منهم. وين البوستات ديك..ارفعها ..اعمل اي حاجة نزل صور..اعمل ابات.المهم الليلة انا داير جوطة ليها ضل ..لكن يا شيييييخنا ..!! يازول ما في شيخنا لا يحزنون انا دايرك برضو تمشي الخور وتجي ترفع لي تقرير توريني الحاصل شنو والناس دي بتسوي شنو وبعدين لو لميت في (زول بتاع غلاط) في العربي غالطططو لي لمن يامن ذاتتتو لو قال فاعل قول ليهو...لا مفاعل ..المهم يا زول انا دايرك الليلة تربها ليي ربة جد,,
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: Emad Abdulla)
|
Quote: كيكي يا أصلي ..
مساء اليونيفورم .. بالله شوف لينا ( يعقوب ) ياخ .. أصرفوا ليهو واحد ملابس بيضاء دوحابية .. و خلي الشيخ يفكوا في حوش بكري ده .. ما معانا صفارة نهاية أصلو .. |
مساء الجكة والنقة بتاعة الشيخ الكرهنا البطاطس ذاتتو.. (يعقوب) لو جاء حوش بكري ده شيخنا الاسفيري ذاتتتتو الا يضاير روحو كويس. (جاكوب خطر ) يا عمدة شديد وبالذات لو عرف القصة صفارة نهايتها مافي..!!
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: Faisal Al Zubeir)
|
8_ فيصل الزبير اوووه ده كمان صعب شديد ويومي في طابور الصباح عامل لينا شمطة مع الشيخ الكبير بتاعنا وبالذات لو كان مزاج الشيخ(بشوشي) اللون..فتسمع فيصل الزبير فندم.. شنو يا فيصل مرازي لينا (صاحبنا) ده كده ومكرهو البلي ومباري من زقاق لزقاق ياخي الزول ده امس اتصل وقاعد يتكلم معاي يجي زي 4 ساعات... وشابكني امسك مني زولك ده..وصعبو الجلابي داك (كمال الزين) داك.ياخي كرهونا وزنقوني زنقات ما طلعني منها الا الخور... وتسمع فيصل يحاجج في الشيخ تموت من الضحك حينما يصف فيصل الشيخ (تحت تحت كده) بان الشيخ (كاره ذاتتتو).. ودوما اخر توجيهات الشيخ لفيصل الزبير تتمثل في عدم الحديث عن الجنجويد (الجنجويد ديل انا ما داير اشوف سيرتهم في المنبر ده) اي بوست فيهو جنجويد بالله اوعي تكتبوا لي فيهو سامع يا فيصل... ولكن ومع بداية اليوم العملي لسودانيز اون لاين.. تجد تعليمات الشيخ قد ذهبت ادراج الرياح لتجد(جريدة الشرق تنشر مقالة لمني خوجلي عن الجنجويد) يا فيصل براحة علي شيخنا ده يوم بموت لينا في طابور الصباح وبعدين (انت المسسسسوول الاول) مع المناقرات المابرضاها الشيخ بتاعنا ده..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: Emad Abdulla)
|
كيكى ياسراد ولوا داير تنقط السين برضو مامشيت بعيد وعلى ذكر الملابس البيضاء تحيرنى كثيرا مسميات الالوان عندنا والهروب اوالالتفاف من نطق اللون الاسود كقولنا زى لون زينب اوازيرق اوخديره والاهم من كدا حتى المراة عندنا للحداد بتلبس توب ابيض وليس اسود لا ادرى هل هذا انتصار للونا الاسود ام هروب منه
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: بدر الدين الأمير)
|
Quote: كيكى ياسراد ولوا داير تنقط السين برضو مامشيت بعيد وعلى ذكر الملابس البيضاء تحيرنى كثيرا مسميات الالوان عندنا والهروب اوالالتفاف من نطق اللون الاسود كقولنا زى لون زينب اوازيرق اوخديره والاهم من كدا حتى المراة عندنا للحداد بتلبس توب ابيض وليس اسود لا ادرى هل هذا انتصار للونا الاسود ام هروب منه |
مرحب يا بدر انت عارف يا بدر الشيخ لانو زعلان ومدبرس من حركاتكم دي يا بورداب الدوحة كان ناوي يفصل لينا هدوم (برتقالية) زي بتاعة ناس غونتاموا لكن تدخل نفر كريم من سوداني الدوحة جعلته يغير رايه ..ويفصل لينا الابيض رمز المحبة والسلام ده.. ولكن اليوم نتوشح السواد جميعا في وفاة امنا (والدة) اختنا العزيزة نانا ونتمني لها كل الرحمة والغفران.. السين لمن تجي منك منقطة براااااها يابدر وان سين بدرالدين بعد انصاص الليالي شششششششششين
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
9_ خلييييييل قاسسسسم ده طبعادائما جاي متاخر من الطابور لانو(نوام) شديدوديمة الشيخ شاديييهو وعامل ليههو (خليل نط) علي وزن حركة (ارنب نط)..وطوالي ماكل الشيخ الاسفيري حنك والغريبة مرات بسف من (كيس الشيخ) وفي اشاعة انو خليل والشيخ الاسفيري (كاسهم واحد).. لكن بعد ده شهد ميداننا الصباحي العديد من الزنقات الشيخية للود خليل لتسسمع .. خليل محمد خليل فندممم انت يا خليل شنو شابك الاسفير اليوم الحار الما بندار وحركاتك بتاعة كافتيريا هندسة الما جايبا تمنها دي..وكمان عامل ليييييك يا بهية ويا عرس الزمن جنية..اعمل حسسسسابك يا خليل.. ومن الليلة اوعي اشوفك تتحاوم لي في المنابر المجاورة وتخفف في دمك مع ناس زهلولة وفلانة وعلانة.. وبعدين انا داير بوستات (لقيطية) والبوست اللقيطي هو البوست الذي يذهب الي الصفحة التانية سرييييعا.اييييييوه يا خليل جنن المنبر واملاوهو لي ببوستات لقيطية انت وصحبك ابو شلاليف الجنو تمباك داك.. بعدين تاني اوع اشوفك عامل لي مداخلات في حتات معينة بالذات في محل الناس الرقمهم ضايع منك ديلك.. تعليمات الشيخ لخليل تكاد تاخذ نصف مدة الطابور الصباحي ويكرهنا فيها الشيخ التعليمات ذاتتو وفي النهاية تجي المنبر في الليل تجد تعليمات الشيخ راحت في غضب الله لتذهب الي الصفحة الاولي والي تلكم البوستات العجيبة ديك لتجد اخر المداخلين(خليل).... وعادة تكون اخر تعليمات الشيخ لخليل.. اسمع اوع تجيب لي سيرة ناس ود الختمة وعبدالله ابو 2 ود تمبك والناس العجيبة دييييييي واوع اشوفك جبت سيرة ود حسن ماكرتة
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
10_ ودرملييييييييية طبعا ده موضوعو بايظ ويومي شيخنا الاسفيري الكبير عامل لييييييييهو عقوبات ..وعامل ليهو طابور مداخلات..والبحير انو ود رملية جنو بكي في حضرة الشيخ ويخلي الطابور كلو يكورك معاهو.. تسسسسسمع عبدالرحيم ود رملية اففففندم... انت يازول شنو داهلين وما داهلين انا مش قلت لييييييك البت دي لبسسسها حجاب وشنو كابي لي لغة عالية واركلوجية بتاعة دراما ومالي لي البورد كلو داهليين داهيييييين يازول هوووووي من بكرة انا ما عاوز اشوف داهلين دي في الصفحة الاولي.. حاضضضر يا ابوي الشيخ (هكذا يقولها ودرملية وهو يرتجف ) وبعدين (لو)..لو دي شنو كمان وعامل لي شمطة مع الفقري ددددداك..وبعدين حقارة كده تعمل لي 15 مداخلة في اليوم في بوستات من طرف وبالنهااااااار كمان.(لاحظ قسوة الشيخ وهو يعلم ان ودرملية يومه العملي ليلا ) ولكن هذا هو الطابور عند شيخنا الصعب ويفرتق الطابور وودرملية يغادر باكيا حزينا مدبرسا ونحن سعداء بهذا الجزاء البعجب لهذا الود الشقي(يستاهل)
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: khaleel)
|
Quote: كي مون
يا الشيخ دها ديكتاتوري كرهنا البلي ذاتو بيدخل في الحريات الشخصية
اقول ليهو عايز اعمل ماسنقر ( كرباوي) لي فلانة اقول لي دي خليها لي خالك
اقول عايز احب فلانة اقول لي مرتبطة .
عشان كدة انا قلت ليهو ادينا نقل كفالة انا ماش للشيخ بتاع بورداب سويسرا
قالو ايدو لاحقة |
والله ياخلي الشيخ اتلوم معاك تببب.. غايتو نقل كفالة دي ما بضمنها ليييك لكن انا سمعت تحت تحت قالوا الشيخ (بياكل).. شوف عيني دي رندا وعماد اشتروا منو زي 10 مداخلات كده كان ماديها لكيكي.. اسمع بورداب سويسرا ديل صحباني كلهم ممكن اسوي ليك (ترتيب) لو ما شالك عصام جبرالله..حترحب بيك سحر.وهشام مدني ويوسف احمد.وعماد. ولو لقوا ليك خانة ما تنسي صحبك (كي مون)... علي الاقل نرتاح من سيرة بورداب الدوحة (ورورورورور...دي) اسمع بكرة تعال بدري انا سمعت الشيخ قالوا موزع ما سنجرات
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
11- عبدالكريم الامين احمد طبعا ده الشيخ الاسفيري(مكجنو) كجينة السنين ويومي الشيخ مطوبرو وعامل ليهو عقوبات وفاتح فيهو نيران تمخول..والشيخ متهم (كيكي) ده بالتحريض واللخبطة الاسفيرية وانو جايط الشغل كلللللوا وما متبع التعليمات...وتسمع عبدالكريم الامين .. عبدالكريم الامين.. فندددددددم فندم ..فندم..بعد سنة اطرش انت ولا بتجنن ياشيييخ انا ما سمعت.. المهم خلينا من حركاتك دي..عملت لي شنو في الكتب القلنا لييك تحفظ لينا عناوينها ديييييييييك _والله يا ابو الشيخ ما لقيت زمن ..!! زمن زمن في عييييينك يازول بكرة تجي تسمع لي كل القلتو لييييك وكمان عاوز تحفظ لي اسم 45 لاعب من الدوري الكنغولي.. ياشيخ لكنننن..!! لا لاكين لا بطيخ تمشي قوقل تمشي ياهو المهم بكرة تجي تسمع لينا القلتو ليك ده كلو يازول.. حاضرين ياشيخ.. وبعدين شنو شابكنا كمبو الري ولا كمبو الصنيت..كرهتنا كمبو الري والكمبوهات المجاورة من بكرة انا ما داير سيرة كمبو ولا يحزنون... فرتق يلاااا يا فقري وعندك 3 مداخللللة وفي بوسسسسسست بتاع شكلة مع (حسين جوجاو)(حسين جوجاو ده طبعا بوردابي شرير خلاص)..ويومي ابونا الشيخ شابكنا اها الليلة 0حسين جوجاو اتثاقل علي منو فيكم..وعند الشيخ قناعة راسخة لا تزحزح ومثل الجبل ان اليوم الذي لا يتساخف(جوجاو) علي واحد من تيم بورداب الدوحة العامل في تغطية اليوم السودانيزي اون لايني بكون التيم كلوا معاقب وشغلوا ما نضيف والشيخ بزعل زعل شديد...
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
[purpl] الشيخ سيرو الشيخ حننو الشيخ .... مافي داعي الشيخ امشي الخور الشيخ لمن اجي طابور الصباح نلبس نضيف ونقصف اضافرنا ونقيف عديل لي طابور الصباح ونستحمى ونوم بدري والليلة جاي تصرف لينا هديمات بيوض واتلاصفن زي الابسين رتينة توقفنا في نص المدرسة الأسفيرية وتقعد تجلد فينا وشاديننا طلبة سادسة ليه عملنا ليك شنو كل واحد نكت ليهو بوستاتو القديمة والفي علم الغيب انت امبارح كنت وين ؟ في كمبو الري ؟ مش ؟ بوست قاطعو من راسك لكن دي البداية خلي الشيخ احواك مني انا بتاع المشاكل انا الشافو خلو جيتك يا كيكي
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: Sahar Abdelrahman)
|
Quote: تسلم يا كيكي...بورداب سويسرا قرروا منح عضوية شرف للجميل خليل وليك |
تسلمي يا سحر.. وعضوية الشرف دي..ده الكلام البعجب الشيخ بتاعنا وبسر بالو.(والليلة مين زي انا وخليل) وفي احتمال الشيخ يدينا حوافز واكراميات ومداخلات زيادة وزي كم ما سنجر كده.. .. .. خليل غايتو الشيخ ماسك (جواز السفر) بتاعو..لكن انا بالجد الصيف ده جاي جاي عشان اشيل العضوية الشرفية دي..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
صباح اليونيفورم
Quote: 2- عبدالرحمن بركات..ابوساندرا... |
الحمد لله الزول ده رجع ليكم بالسلامة .. ياااخ ده .. وللا اقول ليك يا كيكي احسن بالايميل
-----
ابوساندرا يوم سفرو امام الجامع بتاع نمرة اتنين سمعتوا بدعوا في صلاة الصبح وبقول :
الحمد لله الذي اخرج منا الاذي وعافانا
الله يعافيكم انتو كمان .
_ ما قلتوا لي شراباتكم تجنن يا عمده
منعم
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبد المنعم سليمان)
|
Quote: ابوساندرا يوم سفرو امام الجامع بتاع نمرة اتنين سمعتوا بدعوا في صلاة الصبح وبقول : |
تخيل يا منعم يوم الزول ده سافر من عندنا هنا ..شيخنا عمل ليينا كرامة كبيرة خلاص وضبح زي 10 خروف وعمل لينا (بارتي) للصباح..وانا سمعت تحت تحت انو الشيخ الاسفيري وزع لناس كده ويسسكي كمان..!! اذن بعودة ابو ساندرا سيعود الي طابورنا الصباحي مرة اخري الجدل عن (فائض القيمة) والصراع الطبقي ونقة صباحية غايتو الله يعينا ساكت...... .... شايف معتز قريش عندو محاولات وواسطات عشان يرسل ليك (قمصان) من الصنف الجديد الجابو الشيخ..(بس المشكلة امين المخزن اليومين دي هجو الاقرع ..وده الا كمان ترقعو بباكو باكوين)
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
13_ الجوز الخطير(بكري الامين و ودالعباسية).. ديل كمان الشيخ دائما رابطهم مع بعض وفي كل الايام تشاهد ال2 في جكة حول ميدان شيخنا الصباحي كعقوبة علي الكفاوي البعملوها الناس ديل..وطوالي مشدودين وفاتح الشيخ فيهم نقة.. وتسمع.. بكري الامين وودالعباسية بكري الامين وود العباسية ,, نعمممممم (الاثنثن بصوت واحد).. وفجاة الشيخ يفتح فيكم نيران من البداية انتووووو انا اديكم 50 مداخلة في اليوم تعملوها لي في سودانيز اون لاين اجي القاكم مشششششششيتوا المنابر المجاورة و(عكستوا اتجاه الريح)..انتتو البوديكم هناااك ذاتتتتتتتو شنو عندكم شششششششنو ..وواحد عامل لي شجرة (نيمة) لييها ضل بهناك والقصة مدورة و(نق نق نق) شديد..والتاني عامل لي وردية بالليل وبرضو نق نق نق...شووووووفوا ياهييييي تاني اشوف واحد فيكم عاكس المداخلات البديها ليكم ويعمل نق نق نق..حتتبعوا معاي... وبعدين يا عباسسسسسسية شنو غني البكي والجرسة البتنزل فيهو ده..انا مش قلت لييييييك نزل غنوة وااحدة بس وبالبنقز بسسسسسسس.انا تاني اسمع لي غنوة فيها صوت (ساكس) نزلتها الا تتعب معايييي ويلا فرتقو وعندكم 20 مداخلة عقوبة ..واوعي القي لي نيمة ولا وردية ليل حايمة في الاسافير دي تاني....يلاااااااا فرتقوا اولاد مساخيت..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: bayan)
|
Quote: كلموني من اسع لو الشهر الحاقضيه في الدوحة شيخكم دا بدخلني في الرصة؟؟ |
والله يادكتورة شيخنا صعب خلاص.. وبعدين شهر بسيط علي الانترفيوهات بتاعة (ابوي الشيخ) ..شهر ده يا بيان يادوبك الشيخ بكون عاوز يتاكد من مقدرات الزول الصدامية ومعاها حبة جكة من بيت ناس (دكتورة سعاد) في ابوهامور لحدي بيت ناس ابوساندر (الجديد) رحلوا حسع ومشوا حتة بعيد خللللللللللاص..... فانا غايتو بنصح انك تزيدي الشهر ده شوية6 شهور غايتو يادوبك بدخلك الطابور بتاع الصباح لكن كون انو الشيخ يديك مداخلات دي...الله تعلم ما بضمنها لييك..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
Quote: اذن بعودة ابو ساندرا سيعود الي طابورنا الصباحي مرة اخري الجدل عن (فائض القيمة) والصراع الطبقي ونقة صباحية غايتو الله يعينا ساكت...... |
والله يا كيكي ما بعرف اعمل وجوه ضاحكه ..ممكن اقول هي هي هي هي
ابوساندرا شنو تاني البقول الكلام ده ؟ !!
يا كيكي .. يا زول انا ما حكيت ليك قصة الزول داااك ؟
طيب بحكيها ليك تاني
في واحد كده مات فجاءة وهو نايم في سريرو وما معاهو زول غير مرتو
المراه قعدت تكورك وتبكي وتثكلب .. حليلو الفارس .. حليلو ما عارف شنو كده
وبدت تغني
حليلو الكان بخري الناس صبح خراي .. حليلوا اللي كان بخري الناس صبح خراي
يا زول الرجال اتلمت والسوق كلوا جاء قايلين الميت فارس !!
في واحد سال : انتي يا ولية الراجل ده كان شغال شنو
قالت ليهو : في الصحة قسم المجاري .. طلع بتاع عيفونه
____
اها زولك قصتو قريبه من دي وبحكيها ليك بالضـــرا
منعم
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبد المنعم سليمان)
|
عبد المنعم لاسلام ولاكلام زعلتني شنو العملتها كلو الضرا تعال لي بي هناك بتمو ليك في الماسنجر والفكي بتاعنا ما زي الشيخ بتاعكم ****** نحن شيخنا بقدل في جاهو اقدر فكيكم اقدل في جاهو زي ما شيخنا قدل في جاهو لو قدل فكيكم في جاهو زي قدلت شيخنا ابقى فكيكم قدال قدلة شيخنا واقدالو القدالين في حوش كيكي اب قدلتن توديك كوم الري بلا عربية ولا طيار تعرف علاء الدين طيارة ولا بتعرف عزالدين الدحيش بتعرف ككاموتاولابتعرف كاتنقا ديل القدلو في قدلات التانين لاكان فيهم واحد عندو طيارة ولا دحيش ولا محمية الحظائر الإفريقية بتقدل في شنو لو فاهم حاجة ا ت ق ص ا
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
Quote: اقدر فكيكم اقدل في جاهو زي ما شيخنا قدل في جاهو لو قدل فكيكم في جاهو زي قدلت شيخنا ابقى فكيكم قدال قدلة شيخنا واقدالو القدالين في حوش كيكي اب قدلتن |
اقدر شيخكم يزول الخرطوم زي ما فكينا زول الدوحة
لو شيخكم زول الخرطوم حنجيكم الدوحة
ولو فكينا زول الدوحة تعالو لينا الخرطوم
_____
السني يا وريف يا نضيف يا لطيف خمتك بالنبي تجي الخرطوم قبل الزوال
منعم
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
Quote: نحن شيخنا بقدل في جاهو اقدر فكيكم اقدل في جاهو زي ما شيخنا قدل في جاهو لو قدل فكيكم في جاهو زي قدلت شيخنا ابقى فكيكم قدال قدلة شيخنا واقدالو القدالين في حوش كيكي اب قدلتن توديك كوم الري بلا عربية ولا طيار تعرف علاء الدين طيارة ولا بتعرف عزالدين الدحيش بتعرف ككاموتاولابتعرف كاتنقا ديل القدلو في قدلات التانين لاكان فيهم واحد عندو طيارة ولا دحيش ولا محمية الحظائر الإفريقية بتقدل في شنو لو فاهم حاجة |
يا سني بتعرف حسن اللص !
حسن اللص
لص الكلاب
كلاب الديم
ديم سلك
سلك العجلة
عجلة مدير الكرة
كرة القدم
قدم الانسان
الانسان الاول
اول الفصل
فصل جامعة الخرطوم
خرطوم الفيل
الفيل لاعب موردة عطبرة
عطبرة بلد الحديد والنار
النار بابور بلدنا
بلدنا الحبيب
الحبيب بورقيبة
بورقيبة رئيس تونس
تونس الخضراء
خضراء السيجارة
سيجارة حسن
___
حسن اللص ياااخ
--
هسة يجيك عماد عبدالله ناطي
منعم
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: bayan)
|
سلام يا بيان.. انتي عارفة يا بيان احنا ذاتتنا بنحب الحريةولكن طبعا كنا ملبدين الشيخ بتاعنا ده بس لمن عصرونا ششششششديد قلنا نزيح الستار عن ابو الشيوخ البصرف لينا المداخلات (شمومة ده).. وبعدين حسع ابوي الشيخ بكون زعلان مني شديد لاني جبت ليييييهو الهواء وجيت للناس التفاتيح الزي بيان كده يدونا (ادفايس) عشان نقدر نطلع من مدار (ابونا الشيخ ) الاسفيري العجيب ده.. ... ... انا لو ما اخاف الكضب شيخا ده ذااااااتو ياهو (ماستر) بتاعك ده.. لاني مرة سمعت مرتو (الشيخة) بتقول لييييهو (ماستروي)
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: bayan)
|
Quote: بعدا امشي الكوتون فيلد؟ |
ياخ الفيلدات بقت خشم بيوت .. قولي الشمار فيلد .. البطاطس قيلد .. الفايق يهمز أمه فيلد . شغل جديد زي ده ما كان متوفر زمن ( العم توم ) . هسه عمك توم كوخو داك عملو إنداية جنباوية كده .. يجوا ناس الفارغة يجككوا و العبارات تتطاقش .. و الكوتون فيلد قلبوهو جنينة ليمون .. يطشموا هم بي جاي .. و نحنا نلقط الليمون و نقرّم .. دي بلد بطنها طامة .. أبونا الشيخ قال لينا : عايرة و أدوها سوط . ترانا لابسين أبيض بي سلامتنا , و قاعدين نسوّط ساااااااي ..
النشوف آخرتا مع ناس تعريفة مقدودة ديل !!
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: Emad Abdulla)
|
[]]النشوف آخرتا مع ناس تعريفة مقدودة ديل !![/]
ديل ياعماد امس الشيخ شاديني في موضوعهم (زي 3 ساعة) كده.. وشبكنا عملتوا شنو مع ناس (التعريفة) مقدودة -لسع يا الشيخ ما عملنا ليييييهم حاجة طيب راجين شنو؟؟ انا مش قلت ليييك تلبس (يعقوب) ابيض وتنزلوا مداخلة مداخلتين. -لكن بايا الشيخ اللوائح والنظم يازول هووووي شوف يا كيكي انا ما داير بطبطة وزوقانات.. انتهي من قصة اللبس دي وفي نفس البوست خلي يعقوب يشوف شغلوا مع التعاريف المخرومة دي.. -تعاريف (مقدودة) يا ابوي الشيخ ما مخرومة.. يا زول فرررررتق مقدودة مخرومة المهم في نفس البوست ده خلي يعقوب يشتغل معاكم.. ...بالله يا عماد ابوي الشيخ ده ما ببالغ..داير يجيب لينا الهبايب الاسفيرية ياخي..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبد المنعم سليمان)
|
14_ فيصل عببببباس ده طبعا اكثر زول بجيب لييك اخلاق شيخنا (هنا).وبالذات لمن يجي يحاج في مداخلة بتاعة (بوح ..ولا صهيل) ويكره ليك الشيخ المولد ..ودائما ويومي الحوار علي صفيح ادبي شعري قصي قصير وساخننننن.. وتسسسسمع فيصل عباسسسسس .. حاضرين ابوي الشيخ (تاديب عالي )وسرعان ما يتحول ذلك الي مناكفة ادبية ليها ضل.ودائما الشيخ قصصصصصتو بايظة ويردد دوما(خلاص يا فيصل امشي سوي الداير تسسسوي ياخخخي)..شنو شابك الطابور تموجات النفس في اطر البوح المسكوت عنه في الذات السودانية.والبنفسج في شعر حسن طلب..وعطرالزولة والزول في الزمن الفلاني ..وعاطف خيري وعثمان البشري واركلوجية الفقراء..والشيخ منفعل تمام والزهج قد يكون اخذ منه ما اخذ... وبعدين يا فيصل انا مش قلت لييييييييك ما تباري لي خضر حسين ومطر قادم دييييييل..مالك ومالهم ولييه قصة قصيرة وبوح وصهيل انا داير قصصصصصة طويلة فيلم هندي بسسسسسسسس..امش عندك 5 مداخلات سوي الدايرو في بوحك وصهيلك الجننا ده..لكن عليك دينكككككك ختينا من سيرة السمندل وطائر الشنو كده ماعارف..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
يا كيكي ياااخ ما تقلب علينا المواجع يااااخ
نعوم دي كان بتقوله لي واحدة X كده ( اخر شاكوش في حياتي )
شابكاني ليك نعوم نعوم صباح ومساء وانا راقد قفا ومطمن لمان يوم كده
الله انعم عليها بواحد كده عندو فلجة شاقي شعرو مادي قعرو
وادتني ليك شاكوش في حناني
ويا كيكي اخوي من اليوم داااك وانا بكرة حاجتين في حياتي
اسم نعوم والبنات المركبات تقويم في سنونن
هسة بالله لو عضتني بتقويمه داااك ما كان ارحم من الشاكوش !!
all my XXXs from Texas يا كيكي
ما غريبة
انشاء الله اشوفكم كده بالزي الجديد ومعاكم الراندوك مسرحه شعرها ولابسه الشرابات
وابوساندرا شايل شنطتو وقاعد قدام الشيخ والزراره مفتوحة وصرتو بره
وودالامير في خشمو في زيت .. باقي لقيمات
في واحد كده حيكون عندو باقي مخاطه كده بالجنبا ما عارفو منو !
وود قريش قاعد قدام الشيخ وبسمع في الحجرات والنور
وربنا ينور عليكم ويمنعكم من الزوال ( وش عاوز الزوال)
محبتي
منعم
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبد المنعم سليمان)
|
سلام يا منعم..(اها المرة دي بدون نعوم عشان الشاقي الذي كجنت).. ومعليش يا فردة الجاتتك في نعومتك سامحتك واحنا من زمان قلنا لييييكم (بنات العرب ديل اختوهم).ما سمعتوا كلامنا يا منعم.. رندوك يا زول في طابور الصباح تعجبك مسرحة (ذيل حصان) ورابطة شرائط وشايلة شنطة يد وتحاجج دوما في القضايا الانسانية ويومي مبكية الشيخ من الحنية الزائدة والعالية التي تطل من عيونها لمن تتحدث عن القضايا الانسانية بكل حماس ومقدرة نادرة.. ... وبعدين الزول ابو مخاخيط ده قريش ذاتتو.بس انت ما عرفتوا لانو بكون لابس (بدلة).. .. .. وكلنا يا منعم الزوال عامل لينا (كرن كرن) بس الله يجيبوا ونرتاح من بورداب الدوحة(ورورورور دي)
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: معتز القريش)
|
اوووووه قريش انت جمجرتك للشيخ دي ما داير تخليها يازول شيخكم ده انا ذاتي ومعاي خليل مقدمين (نقل كفالة) وماشين بورداب سويسسسسرا.. .. .. وبعدين تجنن يا قريش اناذاتي ح اشكتيك للشيخ واقول ليهو يا الشيخ انت مش قلت لقريش ما يخلع (القفطان) ويواصل في العرقلة..شفت يا الشيخ قريش جانا امس في البورد لابس (بدلة) وحالق كارل لويسسسسس وشيل شيلتك مع الشيخ بعد داك..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
الاهداء للسني وكيكي ورندا بمناسبة الزي الجديد .. امنياتي بعدم الزوال ( وش غامز)
بنيتي حسابك الله والنبي لـ كلام راجل تسمعا بنيتي حسابك لـ كلام راجل أسمعا حسابك يا بنيتي كلامي لا تابا كلامي كم أبيتيه تكوسيه ما تلقا * * * هي لا تخليه ينقنق لـ كلامو تسفها لا تقوّي راسك ، بكرة يقولوا طلقا فجر كم ولا عندو لـ عشيّا أمهلا بلا إذنو لا تمشي لـ محل ما جرا *** وراجل كم ما ناداك لا تمشي تلحقا وكم غبّت منك نادي أسألا قشي بيتك بدري وعيشك أطحنا الما وساخة ، في خشم بيت لا تكشحا *** وكم عاطت فوقك لا تدقيه تفلعا إنتي أشكيه لـ الله لـ حقك يخلسا انتي بنيتي كم لـ كلامي تسمعا الله والنبي لـ كلام راجل تسمعا الله والنبي لـ كلام راجل أسمعا *** حتّي عجاج بيتك ، عنقريبو فرشيه وكورة أم قعر تحت سريرو جيبيه ختّيه توبك المجنقر دا ب إبرة أمسكيه رجلينك المشقق دا أدرشيه حننيه *** وشعرك المشمبل دا لميه مشطيه المدونكت من قعارو فرتقيه أوطوي أوقاي لـ ألمي أردي جيبيه عجينة كم تعوسيه لـ دوكي أتّقيه *** وكسرة كم تلت عقابو لميه شريه ب طلحاي ب دروتاي حفرتك ولعيه جيبي مخبرك لـ بطن بيتك بخريه كم كملتي خدمتك لـ نارك أكتليه *** كم فتّي بطن حلّه ، لـ بيتك طليه شيفيه كلام كم تخاف لو من بيت لا تمرقيه وقالوا وقلنا في لسانك لا تجيبيه جارتك المهوهوة دا لا بيتك بخرجيه *** نصيحتي كم سمعتيه لـ بيتك أمسكيه الله والنبي لـ كلام راجل تسمعا
______
سوررري يا كيكي ياااخ والله ما عرفتو !! بالله ابومخاخيط ده قريش ذاتووو
والله يا كيكي الاغنية دي كلو ما اسمعا بتذكر مديدة الدخن ما عارف لية !!
اسمع واشرب
منعم
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبد المنعم سليمان)
|
وكم عاطت فوقك لا تدقيه تفلعا .. .. شكرا يا منعم علي الغنوة السمحا دي لكن انا بختلف معاك في الكلام الفوق ده..ليه ما افلعا .افلعا ونص والراس اكسرا وجكس لازم يتكلم براحة(حسي تجيك تراجي ناطة وتقول ليك العنف ضد المراة..
بنية لازم براحة يتكلما وهمس كمان اخير يهمسا وبيشيش بشيش للحنان يدفقا وكمان يكون اخير لو طوالي فصلا لو كمان جابت عياط فلع في الراس نفلعا بكارة هنا خيط كامل لراسوا ما يخيطا يجي بسلام وامان والا لخبتة شديد كيكي يعملا
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
Quote: عملتو حسن اللص يا نعوم !!! |
ياااخ لص ولا بطل يا عمدة ده شنو العملتو ده
ما قلنا ليكم نعوم دي بتذكرنا بالتقويم ياااخ
_____
حسب التقويم انشاء الله الدوحة تزول ما يخلوا فيها ام غويلينا
يا عمدة بالله اي حاجة ولا تذكرنا بالشاكوش برانا داخلين في حب جديد ياااخ
بث الجديد بتقول لي يا نعومي وانا بقول ليها يا كامبل
ونعومي منها وكامبل مني .. كامبل مني نعومي منك
ومحبتي يا اصلي
منعم
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عمران بابكر بدري)
|
عمرررررررررررررررررررررران حبيبي البي وينك يازول وما تظهر الا مع صرف اللبسس والاحذية الجديدة دي.. غايتو يا زول ابببونا الشيخ زعلان ممممنك شديدوكايسك من دور لدوار قال عندك زي 50 مداخلة كددددددده هو ما عارف ليها خبر ولا اثر.. انت يا زول قاعد تمشي وييييين ..المهم شيل شيلتك يا عمران شيخنا بقي يجلد في اخر ايامو الفضلت لييييهو دي لحدي 2010 ..انا كلمتك وبطريقتك... ... ... انتظر انا جايب خبورات كبكبتك في طابور الصباح خليك قريب يا عمممممران...(وعليك الله رد تلفوناتي ياوريف)
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبد المنعم سليمان)
|
رندة يازول مداخلاتها قلت ليكم ..السبت_الاثنين_ الاربعاء زي مواعيد العيادات الخارجية في مستشفي ودمدني..وانا سمعت تحت كده هي لابسة توبها حسي وماشة كايسة ليها مداخلات تشتريها..(بطريقتها انشاء الله ما تلقي..وشاحد ربي ود رملية يرفع ليها السعر ويبيع ليها بالسوق الاسود كمان).... ... بدرالدين (ما هانق اوفر) يا منعم .. ده عندو مداخلات لكن التنهدات العندو رصيدها كمل..والشيخ حالف ما يديهو تنهدات تاني عشان كده ماباقي لي تشوفوا قريب..!!! اخر مرة الشيخ عمل لبدرالدين طابور خاص (اسمو طابور تنهدات)..تموت من الضحكككك كرهتني التنهداتتتتتت انت لازم تتنهد ..مافي ليييييك تنهدات تاني نهيدة واحدة وبتذكر شالها معتز قريش وقشر بيها في بوست (رقم صفر)
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
والله انا البوست ده بتلحو ليك للاخر .. انشوف اخرتو شنو !! والشيخ ده منو
بحكي ليك اخر نكته يا كيكي :
قالو في واحده عندها ولدها (منغولي) مشاغب جدالبستو ليك بدلة وكرافته و ركبتوا ليك تاكسي معاها
ركبت قدام وولدها المنغولي ورا .. والتاكسي ماشي في شارع المطار .
الولد فاتح القزاز واي عربية تمر قريبة يطلع راسو ويقول للسائق يلعن ابوك
تجي واحده تانية يطلع راسو ويقول يلعن امك
جا واحد زهجان واقف في الاشاره جنب التاكسي الفيهو الولد المنغولي والولد شبك ليك الزول يلعن
امك .. يلعن ابوك .. الزهجان بتلفت عشان يشوف الزول البنبزو ده منو .. لقا ليك المنغولي يالبدله
ويكورك ليه تاني يلعن امك ويقفل القزاز ..
صحبك نزل من العربية وجا للمنغولي جاري وقال ليه ما تعمل لي فيها السفير الصيني وللا الياباني
الليله بطلع دين.... ظاتووو.
منعم
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبد المنعم سليمان)
|
منعم وين رقم صفر ده احنا ذاتتنا مفتشين الزول ده,, وشوف عيني دي في الطابور بتاع امس لامي ليييييهو (حجار) زي المطر وبشتر في ناس كده حناكيش في الطابور.. رقم صفر هارب من الخدمة مع انو قديم شديد لكن تمرد علي سلطة الشيخ.. وما بجي رقم 16(ديل كتاررررر وح اجيهم وبمزاج..واتونس معاهم كمان شوية).. ناس معصتم ديل اي واحد فيهم عندو شيخو برااهو..(شغالين قطاع خاص). عشان كده احنا لازم نعمل نيفاشا الشيوخ ونلم القصة كلها في (سبت) واحد... .... ديل حنكتب عنهم فيما يسمي الخارجون عن سلطة الشيخ..(حركات دارفورية منقسمة يعني)
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
انت عارف يا منعم مرة مع الصباح اشتكينا للشيخ وقلنا لييهو يا شيخ ياخي (اكلوا لحمنا وجننونا) ياخي وكل زول من طرف بورداب الدوحة (ورورورورور) .. ضحك الشيخ وتبسم ثم تقسم وقال ..الناس الشابكنكم دوحة دوحة ديل حسع كدي قول شيخ حمد ده صحي من الصباح وسمي الدوحة دي (ششلعوها القطريين) ولا (قنب شيخ حمد)..حيقولوا شنو تاني ولا حيكتبوا شنو..!!! .. ..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
طالما الناس مجتمعين مع الشيخ في بيتهم هسة فقلت اهديهم الاغنية مرة تانية
( شايف يا كيكي انا عندي اخبار بوردراب الدوحة واجتماعاتهم كيف ؟ )
بنيتي حسابك
الله والنبي لـ كلام راجل تسمعا بنيتي حسابك لـ كلام راجل أسمعا حسابك يا بنيتي كلامي لا تابا كلامي كم أبيتيه تكوسيه ما تلقا * * * هي لا تخليه ينقنق لـ كلامو تسفها لا تقوّي راسك ، بكرة يقولوا طلقا فجر كم ولا عندو لـ عشيّا أمهلا بلا إذنو لا تمشي لـ محل ما جرا *** وراجل كم ما ناداك لا تمشي تلحقا وكم غبّت منك نادي أسألا قشي بيتك بدري وعيشك أطحنا الما وساخة ، في خشم بيت لا تكشحا *** وكم عاطت فوقك لا تدقيه تفلعا إنتي أشكيه لـ الله لـ حقك يخلسا انتي بنيتي كم لـ كلامي تسمعا الله والنبي لـ كلام راجل تسمعا الله والنبي لـ كلام راجل أسمعا *** حتّي عجاج بيتك ، عنقريبو فرشيه وكورة أم قعر تحت سريرو جيبيه ختّيه توبك المجنقر دا ب إبرة أمسكيه رجلينك المشقق دا أدرشيه حننيه *** وشعرك المشمبل دا لميه مشطيه المدونكت من قعارو فرتقيه أوطوي أوقاي لـ ألمي أردي جيبيه عجينة كم تعوسيه لـ دوكي أتّقيه *** وكسرة كم تلت عقابو لميه شريه ب طلحاي ب دروتاي حفرتك ولعيه جيبي مخبرك لـ بطن بيتك بخريه كم كملتي خدمتك لـ نارك أكتليه *** كم فتّي بطن حلّه ، لـ بيتك طليه شيفيه كلام كم تخاف لو من بيت لا تمرقيه وقالوا وقلنا في لسانك لا تجيبيه جارتك المهوهوة دا لا بيتك بخرجيه *** نصيحتي كم سمعتيه لـ بيتك أمسكيه الله والنبي لـ كلام راجل تسمعا
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبد المنعم سليمان)
|
Quote: الله والنبي لـ كلام راجل تسمعا |
مرحب منعم..وحبابك الاجتماع تحت تحت الليلة فشلا.. ................... وبعدين يا منعم شايف الزول الفي الغنية دي بوصي بسمع كلام الراجل..انا برضو عندي اختلاف فقهي معاك في الحتة دي...وبقول.. .. .. يا بنية ما كل راجل لكلاما تسمعا... في نوع يستاهل بالمفراكا انتي تضربا ولو في طريقة كمان ام (اضان) في وشو تقطعا او بونية (هوك) ام دلدوم في ضهرو تلصقا.. نوع اسمو( تمر الهبوب) وخشمو خفيف ما بقدر يمسكا وزي ده (سلي) توبك وخلي هو يلبسسسسسا..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
16- معاوييييييييية الطيبببببببببب... لووول@لوول طبعا في الطابور نقة شديدوحنك ليهو ضل مابين الشيخ بتاعنا ومعاوية الطيب..ودائما الخلاف بكون في حساب المداخلات والفروقات ,,,والقصة بتكون كبيرة لمن يكون الشيخ عامل جرد سنوي لكل الانشطة البوردابية الدوحية.. وتسسسسمع معاوية الطيييب
فندددم.. انت يازول انا مش قلت ليييييييك تبطل(حركاتك) دي...عزمت محسسسسسن خالد الزول (الممسوخ) داك بدون علم الشيخ ودسيتوا معاك في(السلطة القديمة)..وانا ماعرفت الا لمن عملتوا الندوة في نادي الجسسرة ..وما عزمتوا الشيوخ وشبكتونا (تايتنك ولا تمونيك السحاقية) ووكلام كلو من الصرة لتحت.. بعدين بالله انتشطك الكبيرة كبيرة تجي تاخد تصديق من الشيخ(كلها في اضاني) وناس معتز قريش ما بقصروا وبودوني الاخبار ...كمان جايب لينا محجوب شريف وداير تعلم لي الاولاد حركات المظاهرات والتمرد ويا شعبا شششششنو كده ما عارف... هووي يا يعقوبان اعمل حسابك ودير بالك وخليك دغري يازول.. وبعدين كلبك (الشين) ده اوع تجيبو معاك الطابور تاني.. وامشي يلا فرتق عندك 100 مداخلة سويها يومي وما تجي تكورك وتقول لي عندي ضيف جاي من امريكا ولا من جامايكا..ولا الشغل ..فررررررررتق ييييييييلا فرتققققق..
| |
|
|
|
|
|
|
Re: بورداب الدوحة.. الملابس البيضاء الجديدة جات..!! (Re: عبدالكريم الامين احمد)
|
17_ضححححححححححية ابراهيم.. وفي مقولة اخري (ضخية) اوفتحية حسب افادات صحيفة(الراية) القطرية.. ده كمان حكايتو حكاية.... ضحيييييية ابراهيم.. ..فندم انت يا ضحية شنو كل مرة شابكني يا ابوي الشيخ (بقيني) الفة وبقيني (رئيس) انت حكايتك شنو يازول.. جنك رئيس رئيس..انا مش عملتك رئيس في(شتات) المسرحية اها عملت شنو غير جبت خبرها ولحقتها (غنم زهرة).. _يا الشيخ ياخي ما معقول (رندا) تبقي رئيسس وانا قاعددد..ما معقول ياابو الشيخ(وضحية باكيا) والدموع سائلة زي المطر.. يازول تبقي ايييييي انت ذاتتك مستهبل وبتاع كفاوي ولخبتةوانا سمعت انك قاعد تمسك (البورداب مواسير)... _يا الشيخ مواسسسسسسير شششششششنو اسكت يا زول اسسسسسسكت وهاك دي 12 مداخلة امش لصقها لي في اي بوسسسسسست من طرف وختيني الدراب بتاعككك ده ..يلاااا فررررررررررررتق..فرتق رئيس قال دي خلق رئاسسسسة عليييييك دينك
| |
|
|
|
|
|
|
|