بالنسبة للتسجيل البشع الذى يصور تعرض مجموعة من الاسرى الاطفال للضرب ، وبكل الوضوح والصراحة والشفافية وقول الحق كان او كان على اؤكد استهجانى ورفضى وشعورى العميق بالصدمة فاولئك الصغار وغض النظر عن كونهم مذنبين او لا اقبل تعرضهم لما رايت ، واطالب السلطات بمساءلة الضباط والجنود المسئولين عن ذلكم الفعل وعميق اسفى واعتذارى الشخصى لكل من المه المشهد وحسبنا الله وهو نعم الوكيل
06-20-2008, 05:14 PM
محمد عبدالرحمن محمد عبدالرحمن
تاريخ التسجيل: 03-15-2004
مجموع المشاركات: 9059
Quote: واطالب السلطات بمساءلة الضباط والجنود المسئولين عن ذلكم الفعل
الزميل محمد جمعة
سلامات
كلنا نشعر مثلك بالصدمة. ولكن السؤال الاساسي..من يحاسب من..؟ السلطات التي تطالبهابمساءلة الضباط والجنود هم الذين زرعوا في السودان هذه الثقافة العرقية الجديدة النتنة..وما هؤلاء الجند إلا النفر الموكول إليهم ترجمة هذه الثقافة عمليا..ولا يمكن بأي حال من الاحوال أن يكونوا فقط كبش الفداء السهل الذبح بينما الذين يثيرون الفتنة العرقية..ويؤسسون الدولة وفق هذا الاتجاه العنصري الجديد على مرمى حجر من مكتبك الذي أكرمتني فيه يوما..فلماذا يا سيدي محمد لا ننظر للصورة بالمفهوم الاوسع، ونقول أن البعر يدل على البعير والاثر يدل على المسير.بدلا من رمي المسؤولية فقط في هؤلاء الباشبوزق الذين رمتهم الاقدار السيئة لقتل الضمير والاسترزاق من هذا التعذيب فأجادوه بما يستحق ترقية لهم من الذين وظفوهم لهذا الانتهاك للانسانية، فاصبحوا الضحايا والمجرمين معا..مع تحياتي
كأنك تطلع لأول مرة على ما تفعله الحكومة عادة بمعارضيها، حتى لو كانوا مدنيين عزل ليس لديهم غير سلاح الكلمة!!!!
كأنك لم تسمع ببيوت الأشباح ولم تعرفها!!
كأنك لا تعرف ما كان يدور في الجنوب لمدة ستة عشر عاما من عمر الإنقاذ، وما ظل يدور في دارفور لمدة خمس سنوات وما زال يدور حتى اليوم من المذابح الكيرى، وحرق القرى وقتل الأطفال والنساء واغتصابهن!! وتقول مع الحكومة إن عدد القتلى في دارفور لم يتجاوز عشرة آلاف نفس!!
كأنك تحتاج إلى تصوير كل تلك الفظائع وعرضها هنا في سودانيزأونلاين لتدرك مدى وحشية النظام الذي تعمل له!! لتأتي مرة أخرى وتستنكر ما تراه!!
على كل حال آمل أن تكون صادقا في استنكارك هذا وإذا كنت صادقا فإن هذا يقتضي منك موقفا شجاعا، أكثر من مجرد الكتابة في هذا الموقع..
دولة الظلم ساعة ودولة الحق إلى قيام الساعة
06-20-2008, 05:20 PM
عاصم ابوبكر حامد عاصم ابوبكر حامد
تاريخ التسجيل: 03-03-2006
مجموع المشاركات: 3017
يا ود ابا... اعتقد انك الان تبلغ من العمر 26 سنه... صدقني ... حتشوف كتير بكره و بعد بكره... و تصل ليقين انو ناسك ديل مو ناسا تعتز بيهم... انت شايل وجه القباحه ساكت...
06-20-2008, 05:36 PM
doma doma
تاريخ التسجيل: 02-04-2002
مجموع المشاركات: 15970
الضباط والجنود ينفذون الاوامر من الذي اعطاهم الاوامر ؟؟؟ ومن خول لهم ان يفعلوا هذا بالاسري من الاطفال او الرجال ؟؟؟ من يجب ان يحاسب ان كانوا من الامن هو صلاح قوش وانا كانوا من الجيش هو عبد الرحيم حمدي . الضبا ط والجنود هم كباش الفداء . العار العار يا اهل الانقاذ
06-20-2008, 05:36 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
الأخ محمد حامد جمعة التحية على هذا الموقف النبيل ..فمهما أختلفنا تجمعنا القيم الإنسانية ورسالة المودة والإخاء ..وأضم صوتي معك لمحاسبة المسؤولين عن هذه التجاوزات
06-20-2008, 05:38 PM
Elawad Elawad
تاريخ التسجيل: 01-20-2003
مجموع المشاركات: 7226
الأخ محمد لا شك أن ما رأيناه مؤلم لكل ذي حس سليم. دورك كإعلامي تصعيد الأمر. و محاسبة الجنود و الضباط لا تكفي... لأن ما رأيناه يثبت أن هناك بيئة لا تستنكر هذه الجرائم... و التحقيق و المحاسبة يجب أن يشمل المسئوليين عن توفر هذه البيئة قبل الذين ارتكبوا الجريمة بأيديهم. صدقني يا محمد و أنا آسف جدا لأن أقول هذا... واضح جدا أن الدولة الأن لا تصلح للقيام بهذا الأمر و يبدو ألا سبيل فعلا غير المناداة بتقديم أمثال هؤلاء المجرمين و من يقف وراءهم إلى محاكم دولية.
06-20-2008, 05:46 PM
abubakr abubakr
تاريخ التسجيل: 04-22-2002
مجموع المشاركات: 16044
ادانة هذا ومطالبة بحساب الجناة (سلطة او افرادا) يا محمد وكل من يحمل قلما وله منفذا يوصل من خلاله كلمة حق في زمن كاد غياب الحق وتمكن الباطل ان يكون قاعدة امر واجب وهو اضعف الايمان .. الامر تجاوز جهوية وحزبية وسلطة الي وطن ودين وانسانية .. من يشاهد هذا لا يهمه من الجاني من جهات السودان الاربع ولكن يعرف انهم سودانيون ...
06-20-2008, 05:48 PM
ناظم ابراهيم ناظم ابراهيم
تاريخ التسجيل: 04-18-2008
مجموع المشاركات: 3734
يا عمك الصدمات كتيرة تلقاها من وين ولا من وين ياخ بس جات متأخرة شوية
بعدين إنتا عارف 75% من هؤلاء الأطفال لم يأتوا مع قوات العدل والمساواة، ديل كلهم بتاعين الأورنيش وأطفال مجهولي الأبوين يفترشون برندات سوق أم درمان وأزقة السوق الشعبي وسوق ليبيا، ناسك ساقوهم سوق الضان بناء على لون بشرتهم والاشتباهـ فقط في أنهم دارفوريين وبكل عنصرية والبشير وإعلامو الشغال فيو إنتا دهـ يقول ليك تجنيد قسري..ياخي قوموا بلا دموع تماسيح معاكم.
بعدين يا عمك وين صدماتك دي كانت لمن بتاع المباحث الجنائية يحقق مع المرأة الدارفورية بعد أن أجبرها على التعري أمام أبنائها، وين صدمتك لمن قوات الأمن اقتحمت جامعة الخرطوم وضربوا طلاب دارفور، وين صدمتك لمن مجرمي المؤتمر الوطني يحرقوا القرى ويغتصبوا النساء في دارفور ومولانا هارون من وزارة لي وزارة..لو قلتو تحاسبو ما بيفضل مسئوا قاعد في مكتبو.. يا حبيب البخارجك الإستقالة من هذا التنظيم وأجهزتو الأمنية...معلوم؟
مرتضى جعفر
06-20-2008, 06:14 PM
Kostawi Kostawi
تاريخ التسجيل: 02-04-2002
مجموع المشاركات: 39979
محمد حامد جمعة بقي راجل وشجاع وعبر عن ادانته لسلوك الضباط والجنود الذين تعاملوا بقسوة مع أطفال د. خليل ـ رغم أن محمدحامد جمعة قاعد وسط البلد وفي متناول قبضة هؤلاء الضباط والجنود الذين يمكن ان يبطشوا به بسبب ما كتبه !! .. ولكنكم في المقابل لم أري واحد فيكم بقي راجل وأدان حركة العدل والمساواة علي تجنيد هؤلاء الأطفال واقحامهم في معركة انتحارية خاسرة ثم الهروب وتركهم تحت رحمة اعدائهم .. رغم بعدكم عن أي خطورة علي حياتكم وانتم بالخارج !!!!!! .. تعسآ للمعايير المزدوجة ..والبطولات الزائفة !!!!..
ويا ضباط وجنود قواتنا المسلحة .. شيم الفرسان هي في معاملة الأسير بالعدل ، وخاصة إذا كان طفلآ.. فالرأفة به والرحمة أولي .. فإنهم صبية قاصرون مضللون ممن يحرضهم ويختطفهم ويزجهم غصبآ عنهم في الحريق ثم يهرب !!!! ..
06-21-2008, 03:11 AM
SAMIR IBRAHIM SAMIR IBRAHIM
تاريخ التسجيل: 01-05-2007
مجموع المشاركات: 2628
أين اللذين شهدوا زورا وقالوا كذبا هنا بإنسانية معاملة الحكومة لهولاء الأطفال? الإنقاذ تقتل..الإنقاذ تسرق..الإنقاذ تكذب وستظل..تصنت ياود جمعة لتعليقات وتوجيهات جلاوزتها أثناءالضرب التعذيبى لتعى:أى جهل وأي حقد يحكمنا وأى وحشية يا محمد حامد ? إدانتك لهذا موقف يحسب لك يا رجل..ولكنك شخص واصل وتدرك الكثير غير ذلك السؤال هو : إلى متي ستظل متخندقا مع هؤلاء مدافعا عن الإنقاذ ??
06-20-2008, 06:31 PM
Rawia Rawia
تاريخ التسجيل: 11-23-2002
مجموع المشاركات: 8396
Quote: واشعر بالاسى لبعض المداخلات ، ترفقوا بانفكسم يا هؤلاء ولا تكونوا عونا للشيطان علينا
ود جمعة سلام يازول والله نحنا مترفقين بانفسنا انتو اترفقوا بانفسكم يازول انا شخصايا. لا تعقيب على الشريط لكن الجزاء من جنس العمل
بعدين ياها شهادة ناس الشهيد : على الماحى السخى والعميد ود الريح نفس الكلام اليلة فيديو و انته واحد من الناس انكرته الكلام دة .. ود حمعة مالك ملوث بدما الاطفال تشعر بالصدمة ولا تقدم استقالت..
بعدين يا زول دى المحرية فيك لكن شجاعتك ناقصة و على فكرة ياود جمعة مافى طفل واحد دخل امدرمان مع جيش خليل ونحنا عارفين وانته عارف فبطل استهبال
يلا الموت جايكم
06-20-2008, 07:19 PM
Ishraga Mustafa Ishraga Mustafa
تاريخ التسجيل: 09-05-2002
مجموع المشاركات: 11885
Quote: بعدين ياها شهادة ناس الشهيد: على الماحى السخى والعميد ود الريح
الزميل أمير جابر
شكرا لمداخلتك الحكيمة ورحم الله الشهيد على فضل وكل المناضلين الذين مروا ببيوت الاشباح ومنهم من قضى نحبه..ترى كم من مثل هذه المشاهد ذهبت في جوف الليل والنهار دون أن تجد التوثيق ..وكم من الانات والآهات والزفرات خرجت وبلعتها الغرف المظلمة..وكم من الاساءات والشتائم والاهانات تخطاها الاثير ولم يرها الناس..وكم من نماذج التعذيب التي رواها العميد ود الريح ذهبت دون توثيق..علينا يا أمير أن ننفذ وراء هذه الصور البشعة لنخاطب الثقافة التي أوجدتها. علينا أن نطرح الاسئلة لنجد الحلول..فإدانة هؤلاء الضحايا والمجرمين معا لا تكفي..على أهل الفكر والأدب أن يعمقوا الاسئلة بدلا عن التساؤل بطريقة: من أين أتى هؤلاء..؟ مع تحياتي
06-20-2008, 06:58 PM
Inaam Saad Inaam Saad
تاريخ التسجيل: 11-28-2004
مجموع المشاركات: 756
Quote: اشعر بالصدمة ونعم لمحاسبة الضباط والجنود ..
هذا موقف جيّد يا أخ محمد ولكن كما قال الصديق صلاح شعيب
Quote: كلنا نشعر مثلك بالصدمة. ولكن السؤال الأساسي..من يحاسب من..؟ السلطات التي تطالبها بمساءلة الضباط والجنود هم الذين زرعوا في السودان هذه الثقافة العرقية الجديدة النتنة..وما هؤلاء الجند إلا النفر الموكول إليهم ترجمة هذه الثقافة عمليا..
06-20-2008, 06:49 PM
NGABY AJOOZ NGABY AJOOZ
تاريخ التسجيل: 10-14-2003
مجموع المشاركات: 1997
صحوة ضمير متأخر يالشاويش ود جمعة كنت وين لم كانو برسلو الاطفال لمحرقة الجنوب وكنت وين لما كانو بعذبو وبقتلو الشرفاء في بيوت الاشباح وكنت وين لما كانوا بذبحو الاطفال في العيلفون وكنت وين لما كانو بسحلوا الاطفال في كجبار . لقد سكت حتي صلصلة الاشياء
06-20-2008, 06:56 PM
Rawia Rawia
تاريخ التسجيل: 11-23-2002
مجموع المشاركات: 8396
هكذا هو العالم صار قرية... وهذه هي الحقيقة قادرة بقوي علي اجبار اكبر متحدث في الدفاع عن هذا النظام الظالم.. علي الاقرار بالخطاء والظلم.. ويا ود جمعة,, الامر ليس لانك تتملك شفافية وتقف ضد الظلم لا والف لا.. انها الحقيقة وسطوع الفيديو بطريقة لاتجدي معها الا مغازلة الانسانية المتبقية في دواخلك.. مئات الاحداث والتنكيل والقتل تمت في ارض السودان وتحدث عنها الكثيرين هنا ولن في كل مرة كانت تجد التخزيل والمكابرة... فالامر ليس ضباط او جنود.. الامر يا سيدي العزيز نظام دولة وسطوة اغتيال حق الانسان ... وشكرا للحقيقة وشكرا للعالم الذي صار قرية حتي يجبر المدافعين عن السلطة الزيف الاقرار والتباكي..
السيد محمد حامد جمعة أدانتك لتعذيب القصر خطوة في الأتجاه الصحيح ...... الإ أنها خطوة عرجاء... كيف ? يجب أن نتصدي لأس الداء ومصدر البلاء ياجمعة وأعني نظام الأقصاء والقمع ومصادرة الرأي الأخر والقوانين المقيدة للحريات وأطلاق الأجهزة الامنية بلا حسيب ولا رقيب ولا رادع......يجب أن ونتصدي للفيل نفسه لاظله!!!ما طفي للسطح ما هو الا رشح يسير لا يعدو أن يكون قمة جبل الجليد الطافيةفوق السطح فمابالك بالخبايا التي يحجبها التعتيم وأنعدام الشفافية.....? يجب أن نواجه هذا لا ظله يامحمد جمعة والا كثرت صدماتك !!!!!! .. أنتهي وأذا تعاملنا مع رد فعل جمعة من باب القحة ولا صمة الخشم يحق لنا بعدهاأن نسأل أين بقية المؤتمرجية وأذنابهم الم تحرككم الفاجعة التي جعلت الاخ جمعة الكادر الملتزم يعبر عن صدمته بهذه الشكل الواضح ... أين مواقفككم ? كمال
(عدل بواسطة kamalabas on 06-20-2008, 07:29 PM) (عدل بواسطة kamalabas on 06-20-2008, 10:51 PM)
06-20-2008, 07:28 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
يا كمال عباس انتو ما تبالغوا كمان...قال صدقتوا قال!!
Quote: وأذا تعاملنا مع رد فعل جمعة من باب القحة ولا صمة الخشم يحق لنا بعدهاأن نسأل بقية المؤتمرجية وأذنابهم الم تحرككم الفاجعة التي جعلت الاخ جمعة الكادر الملتزم يعبر عن صدمته بهذه الشكل الواضح أين مواقفككم ? كمال
يازول انت صدقته!! ما كطتبنا له هنا مليون مرة... وهو عارف...وبجي يضحك عليهم ويقر بان التعذيب جاب آخرتهم واقروا بالبيعرفوه و الما بيعرفوهوا كنت وين انت من مداخلاته هنا؟؟ّّّ!!
يازول يصموا خشمهم ولا ما يصموهو....القاعد يحصل ده حصل ومستمر ومقال جمعه لن يغيري من الامر شيئا قال ساكتب قال!!
انسيت عندما تحدثنا عن خلع ملابس الام حواء؟؟ مش جاءنا بمقال مشابهة!!وفي النهاية انتهت القصة على شنو؟؟؟
06-20-2008, 07:43 PM
Mohamed Suleiman Mohamed Suleiman
تاريخ التسجيل: 11-28-2004
مجموع المشاركات: 20453
محمد حامد جمعة ...... لا يمكن محاسبة جندي أو ضابط و نترك هتلر خارج المحاسبة .. نظامك نظام نازي .... لذا يجب إقتلاعه من الجذور و تحريم وجوده الي الأبد .
Quote: واشعر بالاسى لبعض المداخلات ، ترفقوا بانفكسم يا هؤلاء ولا تكونوا عونا للشيطان علينا
أخيرا .. حتي الشيطان إنقلب ضدكم ؟؟!!!
كما قالت الأخت تراجي ... معظم هؤلاء قد قتلوا .... هل سمعت كلام ذلك الضابط الكبير و كمان أيع كلامه في التلفزيون القومي : الأسري الإتقبضو... إتكتلو !!!
بالله ريحنا بلا صدمة بلا كلام فارغ ...
06-20-2008, 07:51 PM
Abureesh Abureesh
تاريخ التسجيل: 09-22-2003
مجموع المشاركات: 30182
لا حول ولا قوة إلا بالله. من رأى هـذه المشـاهـد ولم تذرف عيناه دمعـاً فليس إنسـانـاً ســويـاً. هـؤلاء الأطفال غير مسـؤولين عن أى شئ يفعلونه.. حتى لو فرضنا ان الحركة غررت بهـم، فهم غير مسـؤلين أيضـا.. حتى لو قاموا بهـذه الغزوة بأنفسهـم، فغير مسـؤولين أيضـا.. وكان يتوجب معاملتهم معاملة الأب لإبنه.. وكان يجب أن يرسلوا لإصلاحيـة لو ثبت تورطهم فى الهجوم، بعـد إعطائهم كامل حق الدفاع عن أنفسهـم.
لو لم تصحح الحكومـة هـذه، وبأسـرع فرصـة وكل الشفافيـة، فإن هـذا يؤرخ بدايـة السقوط. على الحكومـة إيقاف تلك الورديـة من العمل.. كلهـا.. من أكبر ضابط الى أصغـر عسكرى، فورا.. حتى يكتمل التحقيق.
06-20-2008, 07:32 PM
محمود الدقم محمود الدقم
تاريخ التسجيل: 03-19-2004
مجموع المشاركات: 8866
الاخ ود جمعة سلامات: تسجيل موقفك تجاه هذه التراجيدية اللانسانية مهم، ولكن المهم هو ان تحدد موقفك النهائي من النظام، الفليم الصادم للانسانية لو التقطته قناة اوروبية امريكية او اتحاد اوروبية وبيثته حا تبقى فضيحة ليس للنظام فحسب بل للطفولة السودانية من اقصاها الى اقصاها، هذه الصور تستظل عالقة في اذهان هؤلاء الاطفال الى ان يلقوا ربهم ولكنهم ان وجدو فرصة للانتقام فانهم لن يفكروا مرتين البتة بل سيعملوها على طول، بهذه الصور لا اعتقد ان النظام يحتاج الى دليل اضافي مستقبلا كي يثبت به ان لا علاقه له بحقوق الانسان من غريب او بعيد.وعلي النظام ان لا يبكي اطفال دارفور الذين اخذتهم منظمة فرنسية.
06-20-2008, 07:33 PM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
حقيقة تحيرني جدا مواقف محمد جمعة في المنبر وحديثه العاطفي الذي اذا ما اخذ بجدية فانه في افضل الاحوال تكريس وتبرير ساذج للافعال الشيطانية . فمثل هذه الامور البشعة لا يمكن الصمت عليها بدغدغة المشاعر مثل المني واغضبني وازعجني فمحمد جمعة اذا كان صادقا فيما يقول لادان هذا النظام واعلن موقفه الواضح في كلمتين : اقدم استقالتي . اما حديث قدموهم لمحاكمة واعتذر لكل من جرحت مشاعره بالمشاهدة فانه حديث قمئ كريه كراهة الجريمة نفسها .
06-20-2008, 07:39 PM
محمد عبدالرحمن محمد عبدالرحمن
تاريخ التسجيل: 03-15-2004
مجموع المشاركات: 9059
محمد جمعة لو ادان النظام الذى فعل ذلك .. لكان موقفه قوى ومشرف ..لكن المشاعر هنا وحدها لاتكفى يجب ان يكون هناك موقف ..وعندما يتحدث عن الجنود والضباط من حقنا ان (نشك) فى ان محمد جمعة اراد بهذا البوست تحميل الجنود الجريمة وتبرئة النظام... وتوجيه الراى العام بأن التصرف فردى وليس ممارسة دولة ...
06-20-2008, 07:42 PM
محمد عبدالرحمن محمد عبدالرحمن
تاريخ التسجيل: 03-15-2004
مجموع المشاركات: 9059
كلنا فى انتظار موقف الحركة الشعبية من مايحدث لاهل دارفور ..وفى انتظار ان يقدم نائب رئيس جهاز الامن عضو الحركة الشعبية استقالته من منصبه.. فهذا اضعف الايمان طالما انه فشل فى ايقاف انتهاكات حقوق الانسان التى يقوم به النظام ...
06-20-2008, 07:43 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
نعم يا منعم انه تفسير الماء بالماء مثل هذه الجرائم البشعة تقام لها الدنيا ولاتقعدها عن الباحثين عن الحقيقة من اهل السلطة الرابعة.. فالاعتذار لا يفيد..ولمن سيكون الاعتذار ومن يملك حق الاعتذار ... مثل الجمعيات التي تطل عقب كل قبوض بالثابتة للنظام الرعديد خلفها مهمة في اكثر ملامحها هي امتصاص الغضبة وتممييع الامر وذر التراب فوق العيون.. المنظومة واحدة ومن عذاب هولا لايختلف عن من يلوي الحقيقة ويلتف حول الكثير من القضايا الانقاذية الظالمة في كل محفل
06-20-2008, 08:04 PM
محمد صباحى محمد صباحى
تاريخ التسجيل: 05-31-2007
مجموع المشاركات: 1132
انا دا موقفى ، وضميرى ، وقرارى ، هنا وفى غيرو كلامى واحد وما كايس بيهو دعاية لنفسى ولا تبرير لحاجة غلط وشينة وقبيحة ومنكرة فرجاء ما عاوز مزايدة وكلام فارغ خارج الاطار دا لانو كلو بالمناسبة بيدل على انو فى ناس لا بعجبهم العجب لا الصيام فى رجب والنوعية دى البتقوى تيار العنف والبطش فى الحكومة ، لانو اى زول منها لو فكر انو يقول غلط ويعتذر بدل ما يلقى التفهم للموقف بيلقى السخرية والاذلال فيضطر يرجع ليكون من الفئة ذات الشوكة لانو الاعتذار مرفوض لانك ابن ستين هرمة وما عندك دم ولا احساس وانت شيطان حتى لو جئت فى صف الملائكة وهم فقط اى انتم الثوار الاحرار الذين يحق لهم الحديث عن الوطن والحق والجمال والبراءة والاخرون لا يملكون معكم شيئا ، كلكم فى تنظيماتكم جرائم وسحل وقتل وتزوير وبلاوى زرقة ، ليه لمن تعتذرو عن واحد منها يكون منكم مقبولا ومنى دموع تماسيح والله لو انه موقف صارم منى ومن دواخل نفسى لقلت اننى نادم على كل سطر فى هذا البوست لكننى لن اقول حتى ارى اخر هذه المسالة وهل غلطان انا ام غلطان سعار التحامل فى هذا المنبر ضدى بالحق والباطل ، حاجة تقرف وتطمم البطن
06-20-2008, 08:21 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
Quote: والله لو انه موقف صارم منى ومن دواخل نفسى لقلت اننى نادم على كل سطر فى هذا البوست لكننى لن اقول حتى ارى اخر هذه المسالة وهل غلطان انا ام غلطان سعار التحامل فى هذا المنبر ضدى بالحق والباطل ، حاجة تقرف وتطمم البطن
انت يا محمد جمعة اخترت وبارداتك ان تكون واجهة للنظام..يعني مافي زول جرجرك من يدك وقال ليك تعال اعكس خط النظام هنا...(والا تكون هناك مستجدات جديدة علينا وتبقي دي حاجة تانية).. عشان كده ما تتخيل انو الناس حتصفق ليك وتقول (حييييييي)..!! ليس ما حصل في الفيديو هو اول الانتهاكات ولا اخرها والناس لمن تكورك وتجوط وتكتب وتزرزر حريصة علي عدم تكرار مثل هذا الفعل المذل المهين ويريحك انت من المواقف التي تطمم القلب ... حتي ذلك الزمان سيظل فضح هذه الاشياء فضح يتناول كل التجاوزات المدورة في البلد دي... ....
06-20-2008, 08:33 PM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
Quote: والناس لمن تكورك وتجوط وتكتب وتزرزر حريصة علي عدم تكرار مثل هذا الفعل المذل المهين ويريحك انت من المواقف التي تطمم القلب
الناس شنو والناس منو وما الضباط العملو العملية دى قائدهم الثانى سلفاكير الشريك فى الحكومة ومنو هنا الما عندو زول فيها ، يقولو ليك الحكومة بتاكل محمد حامد ما حكومة الجن دى بتصرف مرتبات لنواب الحزب الشيوعى شايفهم بشيلوها وساكتين ديل كلهم النشوف رجالتهم وفعلهم انا المعفن دا خلونى ونشوفهم هم بعملو شنو
06-20-2008, 08:37 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
والله يامحمد جمعة الكلام ده تمشي تقولو لناس الحركة الشعبية والشيوعيون..بهناك لكن احنا مواطنين عنقالة لا ورانا حمد ولاابكر.. دايرين في السودان ده ما يكون في فعل وانتهاك زي الحسع انت عامل فيها بتبكي فيهو ده... ... تبرير انو الحركة والشيوعيين وزيت ولا بيلو مشاركين في السلطة لايعفي الانقاذ من الانتهاكات التي دورت في البلد دي منذ 89.. ...
06-20-2008, 08:51 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32520
يخلوك كيف يازول مش انت القبل يومين داقي كيتة في الموضوع ده وعامل لينا طابور انقاذ...حسع عمال تقول خلوني..!! حنخليك يا محمد جمعة لمن انت تخلي التبشير بعمايل الموتمر الوطني القاعد الكابوس في صدر الناس.. وتدين كل الانتهاك والتعذيب وتعتزر عن المنظومة كلها وتساهم مع الجميع في المناداة بدولة الحقوق والديمقراطية وحق الانسان.. ولكن حتي ذلك الزمان ستدرش درش تقيل حتي تطم بطنك كما طمت الان..
انا دا موقفى ، وضميرى ، وقرارى ، هنا وفى غيرو كلامى واحد وما كايس بيهو دعاية لنفسى ولا تبرير لحاجة غلط وشينة وقبيحة ومنكرة فرجاء ما عاوز مزايدة وكلام فارغ خارج الاطار دا لانو كلو بالمناسبة بيدل على انو فى ناس لا بعجبهم العجب لا الصيام فى رجب والنوعية دى البتقوى تيار العنف والبطش فى الحكومة ، لانو اى زول منها لو فكر انو يقول غلط ويعتذر بدل ما يلقى التفهم للموقف بيلقى السخرية والاذلال فيضطر يرجع ليكون من الفئة ذات الشوكة لانو الاعتذار مرفوض لانك ابن ستين هرمة وما عندك دم ولا احساس وانت شيطان حتى لو جئت فى صف الملائكة وهم فقط اى انتم الثوار الاحرار الذين يحق لهم الحديث عن الوطن والحق والجمال والبراءة والاخرون لا يملكون معكم شيئا ، كلكم فى تنظيماتكم جرائم وسحل وقتل وتزوير وبلاوى زرقة ، ليه لمن تعتذرو عن واحد منها يكون منكم مقبولا ومنى دموع تماسيح والله لو انه موقف صارم منى ومن دواخل نفسى لقلت اننى نادم على كل سطر فى هذا البوست لكننى لن اقول حتى ارى اخر هذه المسالة وهل غلطان انا ام غلطان سعار التحامل فى هذا المنبر ضدى بالحق والباطل ، حاجة تقرف وتطمم البطن
انت زعلت ولا شنو يادكتور??????
06-20-2008, 08:18 PM
صلاح شعيب صلاح شعيب
تاريخ التسجيل: 04-24-2005
مجموع المشاركات: 2954
Quote: على الحكومـة إيقاف تلك الورديـة من العمل.. كلهـا.. من أكبر ضابط الى أصغـر عسكرى، فورا.. حتى يكتمل التحقيق.
الزميل ابو الريش
سلامات
شكرا على مداخلتك القيمة..وأعتقد أن ايقاف الوردية ومحاسبتها جزء من المحاسبة داخل إطار الحكومة..ولكن السؤال من يحاسب أهل الحكومة ـ في شقهم الاسلاموي ـ الذين مهدوا بسياساتهم وتصريحاتهم وشفراتهم الارضية التي تحض على الأخذ بالابرياء هكذا..لا بد ان تلك الوردية التي تعنيها، وبهذا الحصر في اختيارهالأداء هذا التعذيب، تصرفت بناء على عدم وجود المحاسبة أو ثقافتها. هذه الوردية كما قلت في احد البوستات ترجمت فقط ما هو سائد من ثقافة تجاه المعتقلين..وبيوت الاشباح لم تأت من فراغ حتى نوقف الورديات التي عذبت ود الريح. هي جزء اصيل من طبيعة الدولة التوتاليتارية الاسلاموية والتي إنتهت إلى دولة تمزج التفكير الإثني بالاصولية الاسلاموية لتسيير بلد تعدد وتنوع ثقافي وديني وعرقي ولوني أيضا..وطبعا انت تدري أن هذين التفكيرين قاتلين ليس فقط للمعارضة والمعارضين وإنما للبلد نفسها.. هؤلاء الضباط والجنود ما كان لهم أن يكونوا في هذا الموقف إذا كانت هناك ثقافة حقوق انسان ترسخت بواسطة الدولة المركزية.وفاقد الشئ لا يعطيه، وليس من حقه أن يأخذه إن وجد..وأنتم اهل الفكر الجمهوري تدركون أن الإصلاح لا يأتي بالنظر إلى سطح الارض وأخذ الضباط والجنود الذين يعذبون الناس إلى المحاكمة..فإصلاح السلطة وضباطها وجنودها إنما هو عمل مسبوق بتشريح طبيعتهم الثقافية والفكرية والارضيات الاخلاقية التي ينطلقون منها..
دعنا نوقف وردية الحكومة كلها للمحاسبة..وبعدها سنوجد ضباط وجنود ـ للحاضر والمستقبل ـ يعرفون ثقافة حقوق الانسان..بشكلها المجرد..!! مع تحياتي
فعلا مؤلمة المناظر الموجودة في الفيديو، لكن استعجب لمن صدم او فوجئ بها، من لم يكن "يعلم" ان الانقاذ/الجبهة تفعل ما هو اسوا من هذا بمئات المرات فليراجع نفسه ، من لم يكن "يصدق" ان الانقاذ/الجبهة تفعل ما هو اسوا من هذا بمئات المرات فليراجع نفسه , من لم يكن "يتوقع" ان الانقاذ/الجبهة تفعل ما هو اسوا من هذا بمئات المرات فليراجع نفسه
و سيواصل قادة الانقاذ/الجبهة فعل ذلك ما لم تطير عدة رؤوس تخبرهم ان هناك حساب قبل يوم الحساب. غير كده حيواصلو .
و حيواصلو طالما زى فهلوة م.ح.ج. دى بتمشي للمرة المليون على الناس هنا .... ياخى لو اى كوز جبتو في منبر علنى و سالتو من "مشاعرو" حيقول ليك انصدمت و انقهمت و قلبي اتشق و يحاسبوهم... هو منو البحاسب؟ اذا كان الفوق البحاسبو هم زاتهم مفروض يتحاسبو .... يحاسبهم وزير الدفاع؟ عيان يحاسب ميت؟؟؟
و كم مرة محج ـ المهذب الصبور الشنو ما عارف ـ ادان و شجب و طالب، اها و بعد داك؟ عادى يواصل في محلو زاتو، تجى الكفوة البعدها: انا ادين واشجب و اطالب... المرة دي جابت ليها "انصدامات"
الكلام المهم قالوهو ليك هنا بوضوح: - ده system , نظام ومؤسسات تقوم بذلك، موش انفلاتات و حالات فردية. - حتى امكانية الشكوى والتظلم غير وارد نجاحها ـ زى حالة ابوغريب ـ، لان السلطات المفترض تتولى ذلك هى جزء من كل المؤسسة دى. - التعذيب مؤسس و مقنن في مؤسسات الانقاذ الامنية/العسكرية، من بيوت الاشباح انتهاءا بمناطق العمليات في دارفور. الفرق فرق مقدار فقط.
يا م.ح.ج. و من يشابهه في الصدمات والادانات بالقطاعى و حسب الطلب و مزاج الجمهور
الي حين اعلانكم موقف قاطع و متكامل مما يحدث ـ نظام/مؤسسات/سياسات ـ لمو صدماتاكم و ادناتاكم و مطالباتكم عليكم .... تظلوا جزء من هذا النظام و تتحملو تبعات هذا الخيار.
و للتذكير حول ما هو دور/طريقة م.ح.ج.
Quote: محج بعمل في شغلو المكلف بيهو من قبل التنظيم/النظام، شغلو هو تعبئة/تضليل/جهجهة الراى العام ، تقريب الراى العام من النظام، حملات علاقات عامة الخ، لو ما عمل شغلو ده كويس برشوهو، بقطعو عيشو، لا زولا كبير زى عبدالرحيم حسين يبوظ اى حاجة ماسكا و يظل قاعد و لا ود بيوت من بيوتات الحركة الاسلامية يتسند عليها.
والمزيد من فتيح العيون و العقول في كلام محسن خالد:
Quote: غايتو يا كمندان ضحكتني جنس ضحك، ما خليت فيني مصران. الفيلم بتاعك قبل شوييية ما كان مدوِّر في أمان الله: البجي بساطور بنلاقيهو بساطور، والبجي بأم عشرة بنلاقيهو براجمة وألا بشنو ما بعرفو. أها مالك قلبت (انحننكم) و(اتمسكن ليكم). هوببااا من قناة (الأكشن) طوالي لقناة (دريمز) وألا (رومانتيك)! ياخي بالغت! شخصياً بلاحظ ليك في بوستاتك إنّك فاهم سايكلوجي الإنسان السوداني بشكل لا بأس به، عارف وين تخلف ليه الشتم، ووين ترفع ليه المناحة!؟ ومعاك ناس تانين برضو، مثلاً من بوستات السايكلوجي السوداني البوست بتاع الأستاذ الطقي، يا أخوانا قريبي لطشتو دانة، وقريبك منو؟ قريبي قائد عسكري كبير حارس الإذاعة، ويجوك الجماعة الطيبين، كفارة يا الطقي، كفارة يا زول، إن شاء الله يقوم لوليداتو. يتلّب محمّد حامد جمعة (بعد أن يضع –جانباً- شعار الساطور لمن تسوطر علينا، والبندقية لمن يتسلّح في وجهنا) ويقعد ينيييص، هددوني، قالوا لي بنكتلك، وأنا بمشي للشركة وواك واك واك، خليل صعبٌ علينا لا نقدر عليه وحدنا، نريدكم تتعاطفوا معنا، تساعدونا يعني، بالفيها الساهلة أنصرونا في الزنقة دي، الزنقة دي حقتنا كلّنا، وأولاد الغرب جوا عشانكم يا جلابة. هووووووووي يا ود جمعة، دكتور خليل دا كان جرسكم قدر كدي لموا ليهو أهلو من الخلاء دا وهو براهو تاني بتلم. أركز يا كمندان ومافيش داعي للرومانسية جوّه خط البارود، الفتحتو ببوستك براااك. أركز يا كمندان وبلّغ تحياتي لعمر البشير وقوليهو محسن خالد قال ليك وين الحي بيك الأيامات دي (ينقصنا عدم رؤياكم الغالية) قول ليهو: يا جنرال أرفع صلبك من الواطـة وكفاك دفن دقن، خليل قَدَّ سلك ومرقها في تشاد. تنقرش قلت لي في السايكلوجي السوداني، داير الطيبين ناس ندين ونشجب ونستنكر. هوووووي يا الطيبين، إنتو مفتكرين روحكم الناس ديل بطيروا من وشكم بلا أم اللفخ دي، والله فالحين.
06-20-2008, 08:22 PM
kamalabas kamalabas
تاريخ التسجيل: 02-07-2003
مجموع المشاركات: 10673
انا دا موقفى ، وضميرى ، وقرارى ، هنا وفى غيرو كلامى واحد وما كايس بيهو دعاية لنفسى ولا تبرير لحاجة غلط وشينة وقبيحة ومنكرة فرجاء ما عاوز مزايدة وكلام فارغ خارج الاطار دا لانو كلو بالمناسبة بيدل على انو فى ناس لا بعجبهم العجب لا الصيام فى رجب والنوعية دى البتقوى تيار العنف والبطش فى الحكومة ، لانو اى زول منها لو فكر انو يقول غلط ويعتذر بدل ما يلقى التفهم للموقف بيلقى السخرية والاذلال فيضطر يرجع ليكون من الفئة ذات الشوكة لانو الاعتذار مرفوض لانك ابن ستين هرمة وما عندك دم ولا احساس وانت شيطان حتى لو جئت فى صف الملائكة وهم فقط اى انتم الثوار الاحرار الذين يحق لهم الحديث عن الوطن والحق والجمال والبراءة والاخرون لا يملكون معكم شيئا ، كلكم فى تنظيماتكم جرائم وسحل وقتل وتزوير وبلاوى زرقة ، ليه لمن تعتذرو عن واحد منها يكون منكم مقبولا ومنى دموع تماسيح والله لو انه موقف صارم منى ومن دواخل نفسى لقلت اننى نادم على كل سطر فى هذا البوست لكننى لن اقول حتى ارى اخر هذه المسالة وهل غلطان انا ام غلطان سعار التحامل فى هذا المنبر ضدى بالحق والباطل ، حاجة تقرف وتطمم البطن
.........وأنت زعلان ونفسك قائم مالك ? من الطبيعي أن تجد من يختلف مع مقالك ومن يتفق ومن يتحفظ ومن يطالبك بأن تقف موقف حاسم من الخلل والكارثة التي أفرزت وتفرز ما أدنته هنا! كمال
06-20-2008, 10:34 PM
عثمان عبدالقادر عثمان عبدالقادر
تاريخ التسجيل: 09-16-2005
مجموع المشاركات: 1296
Quote: الذين مهدوا بسياساتهم وتصريحاتهم وشفراتهم الارضية التي تحض على الأخذ بالابرياء هكذا..لا بد ان تلك الوردية التي تعنيها، وبهذا الحصر في اختيارهالأداء هذا التعذيب، تصرفت بناء على عدم وجود المحاسبة أو ثقافتها. هذه الوردية كما قلت في احد البوستات ترجمت فقط ما هو سائد من ثقافة تجاه المعتقلين..وبيوت الاشباح لم تأت من فراغ حتى نوقف الورديات التي عذبت ود الريح. هي جزء اصيل من طبيعة الدولة التوتاليتارية الاسلاموية والتي إنتهت إلى دولة تمزج التفكير الإثني بالاصولية الاسلاموية لتسيير بلد تعدد وتنوع ثقافي وديني وعرقي ولوني أيضا
هذا هو الوضع ببساطة فكل المسئولية تقع على أهل النظام فمعرفتنا البسيطة تقول أن الذي تسنّم السلطة بالشوكة والغلبة لا يتوقع لنفسه عدلاً ناهيك عن الرحمة والرأفة فخلقه محتوم بالظرف الذي وضع نفسه فيه ولا يتوقع منه غير العنف مع الخصوم وأخذهم بالقسوة والشدة ، فالأمر يكون بالنسبة له قاتلاً أو مقتولاً إلا أن يكون معصوما ًوهذا ما لا يقول به أحد، كما أن الله أخبرنا بأن من لا يجد دفعاً بقوة موازنة يفسد وكذلك علمنا من العلم التجريبي وهذا الأمر لا يتجاوز بشراً فمن هو داخل السلطة كمن هو خارجها والفرق بينهم أن الأول وضع نفسه في ظرف يدرك حتميته لهذا وجب عليه تحمل كافة المسئولية ولن يجد منّا نصيراً. وفي زعمي أن هذه الحتميّة ليس فيه فصال ولست أدري إن كان الأخ محمد حامد يعلمها أم لا فلو كان لي الخيار لما نصحته بهذه المبادرة فأخذ الأمر إلى نهاياته صعب عليه لأن الذين يمارسون الموقف الفكري أندر من الزئبق الأحمر .
أبوحمـــــــــــــــــــــــــــد
06-20-2008, 08:31 PM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
الاعزاء المرور من هنا هذا ليس اول الضرب وليس اخره ... الانقاذ جلدت الاطفال والنساء والشيوخ والشباب كل منا اخذ حصته من الضرب انا شخصيا اخذت حصتي في العمارة في موقف بحري وعلي يد عبد الغفار الشريف ومعاونيه يا جنابو .... ياخي حكومتك دي حرقت قرى كامله كان يسكن فيها اهل هولاء الاطفال لعنة الله علي الانقاذ
06-20-2008, 08:51 PM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
Quote: يا زول خلي سلفاكير في حالو شغلكم دا لا بعرفوا لا عندو دخل فيهو .
نعلم ان سلفاكير والحركة الشعبية براءة من ماحدث.. ولكن ننتظر رد فعلها بعد ان تعلم ماحدث ..فما يقوم به المؤتمر الوطنى من انتهاك لحقوق انسان دارفور فاق الحد ..ولايستطيع احد اتخاذ فعل قوى يؤثر فى الحاصل دا غير الحركة الشعبية ..ننتظر رد فعل قوى ومؤثر من قيادة الحركة الشعبية تجاه مايمارسه المؤتمر الوطنى من انتهاك لحقوق اهل دارفور ..
Quote: بالنسبة للتسجيل البشع الذى يصور تعرض مجموعة من الاسرى الاطفال للضرب ، وبكل الوضوح والصراحة والشفافية وقول الحق كان او كان على اؤكد استهجانى ورفضى وشعورى العميق بالصدمة فاولئك الصغار وغض النظر عن كونهم مذنبين او لا اقبل تعرضهم لما رايت ، واطالب السلطات بمساءلة الضباط والجنود المسئولين عن ذلكم الفعل وعميق اسفى واعتذارى الشخصى لكل من المه المشهد وحسبنا الله وهو نعم الوكيل
Quote: حقيقة تحيرني جدا مواقف محمد جمعة في المنبر وحديثه العاطفي الذي اذا ما اخذ بجدية فانه في افضل الاحوال تكريس وتبرير ساذج للافعال الشيطانية . فمثل هذه الامور البشعة لا يمكن الصمت عليها بدغدغة المشاعر مثل المني واغضبني وازعجني فمحمد جمعة اذا كان صادقا فيما يقول لادان هذا النظام واعلن موقفه الواضح في كلمتين : اقدم استقالتي . اما حديث قدموهم لمحاكمة واعتذر لكل من جرحت مشاعره بالمشاهدة فانه حديث قمئ كريه كراهة الجريمة نفسها .
الاخ محمد حامد جمعة عندي سؤال بسيط وواضح بما انو كان في امكانك رايك ده تكتبو هنا ضرب الاطفال ... اسري حركة العدل و المساواة ( فيديو) ما هو هدفك من فتح هذا البوست ؟؟؟ عدم الجرأة ؟؟ الخوف من المساءلة ؟؟ ام لجرجرة الموضوع الاساسي لمواضيع جانبية ؟ كاتهامك للحركة الشعبية و محاولة تحميلها جزء من المسؤولية الاخوة و الاخوات انتبهوا ... ما تقعوا في الفخ الذي ينصبه لكم
06-20-2008, 09:39 PM
ود محجوب ود محجوب
تاريخ التسجيل: 04-22-2003
مجموع المشاركات: 7643
انا غايتو تخصص جمعة وملاسي وعندي بوست شرف عملتوا في جرهم للمواضيع وانصرافيتهم . بس قلنا شوية انشوف محمد اصلو راقد لو فوق رأي وعاوزين نجيب اخرتو . بدأ بالحركة وسالناه عن مجزرة ابيي زاغ اها حيجي لشنو تاني الشيوعيين ناس يوسف حسن وسليمان حامد ديل اتنين ووالله ال بعملوا فيه جوه البرلمان وخاصة سليمان 100 راجل من البعرفهم محمد دا ما يعملوا اها خم وصر باقي منو الزهاوي مبررووك عليكم يا معرد
06-20-2008, 09:40 PM
Balla Musa Balla Musa
تاريخ التسجيل: 12-30-2004
مجموع المشاركات: 15238
الأمر وكأنه في ابوغريب..، لا حول ولا قوة ال بالله العلي العظيم..، قد تكون ردة فعل فورية لما حدث وهذا حال معظم السودانيين .. ولكنهاجاءت في حق اطفال .. وهذا ما يستوجب عليه العقاب والمسآلة..
06-20-2008, 10:09 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
مجرم جندهم ومجرم يعذبهم بعد سقوطهم في الأسر.. خليل هو نفسه النظام الحاكم فعليا في السودان..فهو يحمل نفس الأيدولوجيه وهو الذي شاركهم افي أغتيال سلطة الشعب..
تعذيب الأطفال ليس جديدا في السودان..ولا ارسالهم ليقاتلوا معارك الغير بجديد.. كما يعذب هؤلاء الأطفال الأبرياء الآن.. عذب أطفال كثيرون في تجنيدهم الأجباري في حرب الجهاد في التسعينات..ومذابح المعسكرات تشهد وبالتحديد العيلفون..
ما يحدث في السودان بدا منذ سنين طويله والعقليه التي تنفذه موجوده حتي ولو انشقت من النظام الحاكم.. مساكين هؤلاء الأطفال الواقعين بين فكي كماشة القتله!
السيد محمد جمعه..
يجب أن نهنئك علي ادانتك وعلي الجهر بها..فماذا يفيدنا ان خسرنا ضميرنا؟
ودائما افضل ان يحدث الشيء المطلوب من أن لا يحدث علي الأطلاق..
06-20-2008, 09:45 PM
عبد المنعم سليمان عبد المنعم سليمان
تاريخ التسجيل: 09-02-2006
مجموع المشاركات: 12158
كان عليك يا محمد حامد جمعة ان تعرض الصيغة على اللات والعزى ومناة , او يكتبونها هم ثم تقوم بعرضها هنا ,, وتأكد مهما كانت الصيغة انه قد حق فيك القول وسبق فيك الحكم ,, ما كان يجدر بك ابدا ان تبدي اسفك وموقفك ورفضك لما حدث ,,,على الأقل ليس في هذا المكان ,, لن تتاثر الإنقاذ على كل حال بعرض مثل هذا العمل المخزي ولن تثنيها اي قوة عن تكراره ,,كل يفعل ما يبرع فيه. استغرب سؤال البعض : اين كنت لما حدث كذا وكذا ؟وكأن الناس على توجه واحد .. ويكلمونك بعدها عن التعددية وان السودان بلد متعدد مش عارف ايه ,,, فليعلموا ان لكل شئ أبواقه ,, لو انك أيدت اوباما في حملته مع منافسته الشمطاء ومن بعد ذلك شددت من ازرة في منافسته لمكين ضد التمكين لكنت على الأقل كسبت بشاشا واللاة والعزى ولكنت اليوم بيننا تمساحا مسكينا من غير دموع .
لا حول ولا قوة إلا بالله ,,
06-20-2008, 11:57 PM
عمر ادريس محمد عمر ادريس محمد
تاريخ التسجيل: 03-27-2005
مجموع المشاركات: 6787
قبل مساءلة الضباط والجنود على قسوتهم وفظاظتهم فى معاملة هؤلاء الاطفال , وإدانتهم على سلوكهم الهمجى والفاظهم المنحطة . يجب الان وفورا توقيف من اصدروا لهم الاوامر للقيام بهذا العمل المخزى
وهم :-
1- عمر حسن احمد البشير
2- عبد الرحيم محمد حسين
3- صلاح عبد الله قوش
4 - وزير الداخلية
06-21-2008, 00:48 AM
علاء الدين صلاح محمد علاء الدين صلاح محمد
تاريخ التسجيل: 12-30-2004
مجموع المشاركات: 4804
Quote: محاسبة الجنود و الضباط لا تكفي... لأن ما رأيناه يثبت أن هناك بيئة لا تستنكر هذه الجرائم... و التحقيق و المحاسبة يجب أن يشمل المسئوليين عن توفر هذه البيئة قبل الذين ارتكبوا الجريمة بأيديهم.
التحية للسيد محمد حامد جمعة على هذا الموقف الإنساني وهذه الصيحة التي اعتقد انها جاءت متأخرة جدا . لكن العبرة في انها جاءت ويكفى هذا وقرض على كد يا ود جمعة و الأجمل يا محمد لو رفضت البيئة التي تولد هكذا تعذيب
Quote: ورحم الله الشهيد على فضل وكل المناضلين الذين مروا ببيوت الاشباح ومنهم من قضى نحبه..ترى كم من مثل هذه المشاهد ذهبت في جوف الليل والنهار دون أن تجد التوثيق ..وكم من الانات والآهات والزفرات خرجت وبلعتها الغرف المظلمة..وكم من الاساءات والشتائم والاهانات تخطاها الاثير ولم يرها الناس..وكم من نماذج التعذيب التي رواها العميد ود الريح ذهبت دون توثيق
ترى ماذا قال و يقول محمد حامد جمعة الذي يرفض اليوم تعذيب القوات النظامية الأسرى الأطفال عن تعذيب ذات القوات الشهيد د. على فضل حتى الموت وما هو رأيه فيما تعرض له العميد محمد احمد الريح من تعذيب . ومن قبل رأيه في بيوت الأشباح لا يمكن أخذا عملية التعذيب بالقطاعي تعذيب الأطفال مرفوض ومستهجن بنفس القدر الذي نرفض تعذيب الشهيد د. على فضل والعميد محمد الريح لا للتعذيب بكل اشكاله وصنوفه
Quote: رغم أن محمدحامد جمعة قاعد وسط البلد وفي متناول قبضة هؤلاء الضباط والجنود الذين يمكن ان يبطشوا به بسبب ما كتبه !! ..
لا يمكن أن يبطش جنود بضابط معهم برتبة عالية
ثانياً .. الموقف ليس فيه ما يستحق الإشادة ... و لم يخرج موقف الإدانة إلا بعد خروج الفيديو للعلن فلم يعد من الممكن الإنكار .. و الحل تحويل المسؤولية إلى مسؤولية أفراد بدل عقلية جهاز دولة كامل و منظم و متعمد
ثالثاً ... متى يكف البعض عن الإشادة بإحترام جهاز الأمن للحريات ... و صحة سياسات عبدالرحيم المتعلقة بالسدود ... و وطنية الصادق المهدي و قومية عمر البشير
Quote: : لا يمكن أن يبطش جنود بضابط معهم برتبة عالية
محض افتراء وكذب هل يمكن ان تخبرنا رتبة هذا الضابط وفي اي قوى نظامية؟
الاهداف النبيلة نصل اليها بالسبل النبيلة...
ونصيحة ليك ما تستقي معلوماتك عن الاعضاء من هذا المنبر لانها كلها اكاذيب ولا اساس لها من الصحة يالفها الاعضاء هنا ضد من يقيفون لهم في حلقهم.
Quote: الزول لي روحو دي ما بيخجل !!!!
سؤال بمليون يورو..
بيان ضد اشانة السمعة ونشر الاكاذيب..
نفهم شنو الأعضاء الهنا الضد الحكومة كلهم كذابين و مافقين ... و عملاء الحكومة و مجملي صورتها هم أصحاب الأخلاق الرفيعة الذين يشاد بمواقفهم و يعطون العظات الأخلاقية لللآخرين
لو زول ما عندو فكرة عن السودان قرا زي الكلام ده بقوم يتخيل إنو معارضين الحكومة هم البعذبوا في الشفع في الفيديو و هم أسياد بيوت الأشباح و هم البسرقوا المال العام !!!!!
معلومتي متأكد منها و الزول البيثق في مصداقيتك و مصداقية محمد حامد جمعة اليصدقك و الزول البيثق في مصداقيتي اليصدقني كده أفتكر ده حل عادل
الأعضاء الهنا في عدد مقدر منهم بيتمتع بدرجة عالية من المصداقية و النزاهة و التأريخ المشرف و بالتالي في غنى عن قبول نصيحتك لأنها مبنية على تعميمك صفة الكذب على الجميع .. و ليس هناك منطق في إعتبار الجميع كاذبين و إستثنائك أنت من دون كل الأعضاء و إعتبارك الصادقة الوحيدة ولا شنو ؟
Quote: معلومتي متأكد منها و الزول البيثق في مصداقيتك و مصداقية محمد حامد جمعة اليصدقك
لا يمكنن تتأكد من معلوماتك الا بطريقتين انك تكون في الجهاز او قبضك محمد حامد دا واستجوبك... لانه ما ممكن يجي زول من الجهاز يكلمك ساكت كدا ويكشف الامنجية ليك..
Quote: لو زول ما عندو فكرة عن السودان قرا زي الكلام ده بقوم يتخيل إنو معارضين الحكومة هم البعذبوا في الشفع في الفيديو و هم أسياد بيوت الأشباح و هم البسرقوا المال العام !!!!!
ياتو معارضين ديل؟ اوعي يكونو الهنا ديل بتاعين الولفير؟ المال العام دا في اي مكان مال عام في امريكا ولا كندا ولا بيرطانيا ولا فرنسا الخ الخ اي زول يشيل معونات مبنية على اكاذيب دا سارق للمال العام.. ودي تشمل الحرامية من ناس الانقاذ والحرامية من المعارضين.. بيوت الاشباح دي بداها حزبكم لما اسس جهاز الامن وكان حينها الجهة التي تعتقل بتخت الناس في كوبر.. لما وصل حزبكم الميمون بانقلاب واسس جهاز الامن وصادر الحريات وقتل ناس الجزيرة ابا وودنوباوي..
Quote: الأعضاء الهنا في عدد مقدر منهم بيتمتع بدرجة عالية من المصداقية و النزاهة و التأريخ المشرف و بالتالي في غنى عن قبول نصيحتك لأنها مبنية على تعميمك صفة الكذب على الجميع .. و ليس هناك منطق في إعتبار الجميع كاذبين و إستثنائك أنت من دون كل الأعضاء و إعتبارك الصادقة الوحيدة
عدد مقدر من الصادقين كلامك صاح وفيه عدد مقدر من الانبياء الكذبة بتاعين فلان كوز وفلان امنجي وعلانة صعلوقة .. ومن قال انه محمد حامد في الامن يتبعون للفئة الثانية والغريبة غالبيتهم ينتمون الى حزبك موش غريبة؟
انت تقعد تردد في كضبهم دا حتششمل معاهم.. وتبقى لعزيزي القاري مجرد مناضل كيبورد كضاب جديد يتبع لزفة الكضابين الهنا البفتكرو انه النضال كضب واشاعات ضد كل من لا يتفق معهم.. انت شاب صغير احسن ليك تلحق روحك وتراجع نفسك ولا تقبل اي كضبات ولا كلام موثوق من علان ومصدر شنو.. لانه اثبتت الايام ان بالبورد هذا كذبة كتار جو طلقو كلام هنا وثبت انه كذب بالدليل القاطع.. ذي سرقة محمد جمعة لجثمان الخاتم رحمة الله عليه..
Quote: إستثنائك أنت من دون كل الأعضاء و إعتبارك الصادقة الوحيدة
هل كتبت اني الصادقة الوحيدة؟ في عصام دهب وفي تمبس(شهيد الحقيقة والصدق في قصة الخاتم) وفي احمد الريح وفي العوض وفي وفي كل الناس البختوهم ناسكم في قوائم مايسمى بالكيزان والامنجية ديل كولهم صادقين وكضابين ناس حزبكم ما عدا قلة قليلة جدا..
Quote: عملاء الحكومة و مجملي صورتها هم أصحاب الأخلاق الرفيعة الذين يشاد بمواقفهم و يعطون العظات الأخلاقية لللآخرين
آوتش الزول دا بطاعن؟ اوكي نديك التحدي الدائم بنديه لناسكم هنا بكبو الزوغة انا بكتب من سنة 1999 في المنابر دي تمشي تجيب كوت واحد بيوري اني بجمل وجه الحكومة كما طاعنت ولو ما رجعت بالكوت او اعتذرت تبقى كذاب وبتاع اشاعات وتلفيقات ذي ناسكديل.. موش قلت ليك انك بتستقي معلواتك عن الناس من المبرطعين في المنبر دا؟ لانك بتردد نفس الكلام الهم قالوه وبلعوه بعداك لانه ما قدرو يجبو اي دليل انت شايل القفة ساكت.. ا اعلم يا بني ان 99% من مناضلين الكيبورد كذبة وكيسهم فاضي والى وقت غريب قبل اللجوء لا تأريخ نضالي لهم ولا وجود لهم في الحركة الطلابية,,عايزين يحللو الكضب بتاع اللجوء وجدو هذه المساحة وهيصو فيها...بقو اي زول ما يتفق معاهم كوز وامنجي.. وانهم حولو محمد حامد الى هدف لانه كتب في مكان الحزب مؤتمر وطني ومن حقه يكون ما يريد لو عندك حاجة ضدو ذي قبضك ولا وقفك تعال اكتبها هنا ما عندك يجب الا تروج الاشاعات عنه او عن غيره..
بيان ضد اشانة السمعة ونشر الاكاذيب وتشويه النضال
06-21-2008, 11:01 AM
amin siddig amin siddig
تاريخ التسجيل: 07-21-2007
مجموع المشاركات: 1489
Quote: لا يمكنن تتأكد من معلوماتك الا بطريقتين انك تكون في الجهاز او قبضك محمد حامد دا واستجوبك... لانه ما ممكن يجي زول من الجهاز يكلمك ساكت كدا ويكشف الامنجية ليك..
ممكن
Quote: ياتو معارضين ديل؟ اوعي يكونو الهنا ديل بتاعين الولفير؟ المال العام دا في اي مكان مال عام في امريكا ولا كندا ولا بيرطانيا ولا فرنسا الخ الخ اي زول يشيل معونات مبنية على اكاذيب دا سارق للمال العام.. ودي تشمل الحرامية من ناس الانقاذ والحرامية من المعارضين..
إنتي بتتكلمي عن شنو و بتقصدي منو تحديداً بالزول الشايل معونات مبنية على أكاذيب ؟؟ ورينا أشان أقدر أرد عليك .. و يردوا عليك هم زاتهم .. أنا ما حأقيف موقف تعميمي و أقول ليك المعارضين ملائكة كلهم و كلامك غلط فقط بطالبك بذكر حالات محددة ... أما حرامية الكيزان فما أفتكر إنها حدث إستثنائي عابر و أسطع من ضوء الشمس تشهد عليها قصور صغار الموظفين الموالين و الطائرات التي تتهاوى و الطرق التي تتشقق بعد أيام من تشييدها و العمارات التي تتهاوى كما البسكويت المبتل ... و أقارب المسؤولين الذين إمتلكوا الشركات المتعاقدة مع الحكومة و الفاشلة في إنجاز عقوداتها و التي لا يعرف مصدر رأس مالها .. و هذا قليل فقط
Quote: عدد مقدر من الصادقين كلامك صاح وفيه عدد مقدر من الانبياء الكذبة بتاعين فلان كوز وفلان امنجي وعلانة صعلوقة .. ومن قال انه محمد حامد في الامن يتبعون للفئة الثانية
أنا أقول و مصر على أن محمد حامد جمعة في الأمن .. ورغم ذلك كلام علانة صعلوقة لا يمثلني يبقى تصنيفك للفئات ده إعتباطي ساي
Quote: انت تقعد تردد في كضبهم دا حتششمل معاهم.. وتبقى لعزيزي القاري مجرد مناضل كيبورد كضاب جديد يتبع لزفة الكضابين الهنا البفتكرو انه النضال كضب واشاعات ضد كل من لا يتفق معهم.. انت شاب صغير احسن ليك تلحق روحك وتراجع نفسك ولا تقبل اي كضبات ولا كلام موثوق من علان ومصدر شنو.. لانه اثبتت الايام ان بالبورد هذا كذبة كتار جو طلقو كلام هنا وثبت انه كذب بالدليل القاطع..
مرة ثانية أنا هنا مطالب بالثقة فيك أنت من دون خلق الله .. و أن تحددي لي أثق في منو و ما أثق في منو .. بل تتقدمين خطوة أكثر من ذلك و تتوعدين بأنك ستشملينني في قائمتك للذين تدعين بأنهم كاذبين .. و مصدر سلطتك ( عزيزي القارئ ) كما قلت الذي بلا شك يعتبرك نبية الحقيقة المطلقة
أنا ما بردد في كلام زول .. صاح ولا كضب دي قناعاتي و بالمناسبة رأيي إنو محمد حامد جمعة ضابط في الأمن دي ما جبتها من زول في البورد
تاني شي أنا ما حصل وصفت نفسي بي مناضل أصلاً .. أشان تعتبريني مناضل كيبورد و لا مناضل شوارع .. أنا هنا أكتب عن آرائي الشخصية
Quote: هل كتبت اني الصادقة الوحيدة؟ في عصام دهب وفي تمبس(شهيد الحقيقة والصدق في قصة الخاتم) وفي احمد الريح وفي العوض وفي وفي كل الناس البختوهم ناسكم في قوائم مايسمى بالكيزان والامنجية
يعني أنا ما مقتنع بي كلامك حأقتنع بالقائمة الجبتيها إنتي ؟ ... عموماً موضوع الخاتم ما إطلعت عليهو
Quote: : عملاء الحكومة و مجملي صورتها هم أصحاب الأخلاق الرفيعة الذين يشاد بمواقفهم و يعطون العظات الأخلاقية لللآخرين
آوتش الزول دا بطاعن؟ اوكي نديك التحدي الدائم بنديه لناسكم هنا بكبو الزوغة انا بكتب من سنة 1999 في المنابر دي تمشي تجيب كوت واحد بيوري اني بجمل وجه الحكومة كما طاعنت ولو ما رجعت بالكوت او اعتذرت تبقى كذاب وبتاع اشاعات وتلفيقات ذي ناسكديل.. موش قلت ليك انك بتستقي معلواتك عن الناس من المبرطعين في المنبر دا؟ لانك بتردد نفس الكلام الهم قالوه وبلعوه بعداك لانه ما قدرو يجبو اي دليل انت شايل القفة ساكت..
وريني وين أنا قلت إنك تحديداً بتجملي وجه الحكومة .. أنا ما قلت كده و لذلك ما حأجيب كوت و لا حأعتذر ، و بطلب منك سحب أوصاف كذاب وبتاع إشاعات دي
أنت لا تجملين وجه الحكومة بطريقة مباشرة .. ما تقومين به هو إستهداف المعارضين و المنتقدين لهذه الحكومة و إطلاق التعميمات على الأشخاص الذين ينتقدون الحكومة بطريقة تشويه سمعة جماعي و أحياناً تختاري أشخاص بعينهم لتشوهي سمعتهم .. و لا يحتاج الأمر لعناء كبير لإدراك لمصلحة من يتم ذلك
Quote: ن 99% من مناضلين الكيبورد كذبة وكيسهم فاضي والى وقت غريب قبل اللجوء لا تأريخ نضالي لهم ولا وجود لهم في الحركة الطلابية,,عايزين يحللو الكضب بتاع اللجوء وجدو هذه المساحة وهيصو فيها...بقو اي زول ما يتفق معاهم كوز وامنجي.. وانهم حولو محمد حامد الى هدف لانه كتب في مكان الحزب مؤتمر وطني ومن حقه يكون ما يريد لو عندك حاجة ضدو ذي قبضك ولا وقفك تعال اكتبها هنا ما عندك يجب الا تروج الاشاعات عنه او عن غيره..
ما عارفك إنتي قاصدة منو بالضبط بي مناضلي الكيبورد .. أشان كده ما عندي تعليق على الجزء الأول
تاني شي أنا شخصياً عندي ما يكفي من الأسباب لأكون ضد المؤتمر الوطني .. مايكفي لأن يكون لدي موقف ضد أي عضو في المؤتمر الوطني
Quote: بيوت الاشباح دي بداها حزبكم لما اسس جهاز الامن وكان حينها الجهة التي تعتقل بتخت الناس في كوبر.. لما وصل حزبكم الميمون بانقلاب واسس جهاز الامن وصادر الحريات وقتل ناس الجزيرة ابا وودنوباوي. ديل كولهم صادقين وكضابين ناس حزبكم ما عدا قلة قليلة جدا...
عن أي حزب تتحدثين ؟ لست عضواً .. حالياً أو سابقاً .. في حزب بالمواصفات التي ذكرتها !!!!!!!!!!!
Quote: بيان ضد اشانة السمعة ونشر الاكاذيب
بيان ضد نفسها
06-21-2008, 02:38 AM
Mohamed Doudi Mohamed Doudi
تاريخ التسجيل: 01-27-2005
مجموع المشاركات: 3871
الاخ محمد حامد موقف نبيل يحسب ليك وسوف تؤجر عليه من عندالله لانك على الاقل واجهت المنكر بلسانك (قلمك)
تعذيب الاسير مهما كان ضد كل القوانين السماويه والوضعيه واضافه طفل لاسير والله دى ابليس ما يعملها...والله انا ما عارف ناس صلاح قوش ديل عاوزين يودوا البلد دى لوين؟؟؟حاجه تغرف...
على الحركه الشعبيه والتجمع بالبرلمان والحكومه استجواب صلاح قوش ومحاسبه كل من انتهك حقوق هؤلاء الصبيه حسبى الله نعم الوكيل التحيه مره اخرى لموقف محمد حامد جمعه والله يكتر من امثالك فى المؤتمر الوطنى لان لتغيير لابد ان ياتى من داخل مؤسسه المؤتمر الوطنى
دودى
06-21-2008, 03:05 AM
Elwaleed M. Ahmed Elwaleed M. Ahmed
تاريخ التسجيل: 11-26-2004
مجموع المشاركات: 1029
(I) من أنت لتعتذر لهؤلاء الأطفال السزج الذين تم إغتصابهم في عز الظهر؟
(II) هل شاركت في هذة الجريمة؟
(III) أم جئت هنا ممثلا للنظام.. مفوضا منه بالأعتذار.. نائبا عنه وعن مرتكبي هذة المجزرة البشعة؟
أعجب من هذا الموقف الغريب منك! لقد توقعت إدانتك لمرتكبي هذا الفعل الغير سوداني - ولقد ادنته - فنحن كما عهدناك فارسا في كتاباتك ومواقفك الشجاعة... أما أن تعتذر... فلا وألف لا!!!!
ليس هنا مكان للاعتذار لهؤلاء الأطفال وذويهم.. ولن يجدي إعتذارك مالم تكن مدانا مثل من شاهدناهم على الشريط وأكتافهم مزينة بعلم السودان.. ويتدلى منها السلاح.. وسياط حملتها أيديهم ينتهكون بها أجساد أطفال عطشى يصرخون
لا يا أخي محمد.. أنت لست منهم ولا تشبههم لتعتذر عنهم
رجائي سحب إعتذارك وإبقاء إدانتك
06-21-2008, 04:07 AM
Omer Abdalla Omer Abdalla
تاريخ التسجيل: 01-03-2003
مجموع المشاركات: 3083
عندما عرض تلفزيون السودان قبل أيام برنامج يتحدث فيه عن التزام السودان بحقوق الطفل ومصادقته على القوانين الدولية التي ترعى هذه الحقوق وتحدث عن المعاملة الراقية التي عاملت بها حكومة الانقاذ اطفال دارفور في المعسكرات وتلك التي لقيها الاطفال الذين شاركوا مع قوات خليل (اظهرتهم الكاميرا في ملابس جديدة وفي سكن لايحلم به 90% من سكان السودان) عرفت أن وراء الأمر كذبة كبيرة فقد عودتنا وسائل اعلام الجبهة الاسلامية الكذب الذي استحقوا به احتفال عمر البشير بهم واطلاقه عليهم "كتيبة" الاعلام فهم جزء من وسائل حرب نظام الجبهة ضد الشعب السوداني .. فشكرا للدكتور نبيل على اعطائي الدليل الذي بدد شكوكي .. الانقاذ وحقوق الطفل وإدمان الكذب عمر
نحترم موقفك ولكن يظل موقف فردى لا يغير شئى من ما يحدث داخل المعتقلات ستستمر الانقاذ فى ما تفعل وستسقط من حساباتها المتعاطفون مع الشعب لانهم يعملون ضد مصلحتها , العساكرو والضباط ينتمون للوبى واحدولا يفعلون شئى بدون اوردر من القيادة هم مجرد ادوات .
06-21-2008, 04:55 AM
Al-Shaygi Al-Shaygi
تاريخ التسجيل: 11-16-2002
مجموع المشاركات: 7904
Quote: محمد حامد جمعة بقي راجل وشجاع وعبر عن ادانته لسلوك الضباط والجنود الذين تعاملوا بقسوة مع أطفال د. خليل ـ رغم أن محمدحامد جمعة قاعد وسط البلد وفي متناول قبضة هؤلاء الضباط والجنود الذين يمكن ان يبطشوا به بسبب ما كتبه !! .. ولكنكم في المقابل لم أري واحد فيكم بقي راجل وأدان حركة العدل والمساواة علي تجنيد هؤلاء الأطفال واقحامهم في معركة انتحارية خاسرة ثم الهروب وتركهم تحت رحمة اعدائهم .. رغم بعدكم عن أي خطورة علي حياتكم وانتم بالخارج !!!!!! .. تعسآ للمعايير المزدوجة ..والبطولات الزائفة !!!!..
ويا ضباط وجنود قواتنا المسلحة .. شيم الفرسان هي في معاملة الأسير بالعدل ، وخاصة إذا كان طفلآ.. فالرأفة به والرحمة أولي .. فإنهم صبية قاصرون مضللون ممن يحرضهم ويختطفهم ويزجهم غصبآ عنهم في الحريق ثم يهرب !!!! ..
لا فض فوك أخي منير بكل أسف تخاطب تماثيل جوفاء كيف يدينوا من يقتاتون تحت ظله ومن جرمه؟؟؟ أنت يازول ماك نصيح؟ يعني كده داير تقطع عيشهم وعيشتهم. ويضيع عليهم اللجوء والدولارات التي ترف على الجيوب؟؟؟ داير ناس الحركة يرسلوا ليهم طرود ملغومه؟؟؟
تصور أنه مر الآن ما يقارب الشهر ونصف، ولم يطل علينا أحد/ى أبطال النضال المزيف ليدين أستغلال الأطفال من قبل الحركة، ولا حتى أدانة قتل المدنيين وتدمير ممتلكاتهم بل عندما تحدث الشرفاء عن هذا الأمر قفذ ذلك المعتوه وأتي بتصريح المصري المرافق لجثامين المصرين الذين قتلتهم الحركة في مصنع الطوب غرب أمدرمان وحجته أنه الجنود أحتموا بالمصنع وبلا خجلة الرواية التي أتى بها تتحدث بعفوية عن حفنة جنود وجيش جرار من اللآندكروزرات تطاردهم وتضرب المصنع بمن فيه وبالمناسبة صاحب المصنع نفسه أستشهد داخله وهو مهندس من أبناء جزيرة مساوي.
Quote: مجرم جندهم ومجرم يعذبهم بعد سقوطهم في الأسر.. خليل هو نفسه النظام الحاكم فعليا في السودان..فهو يحمل نفس الأيدولوجيه وهو الذي شاركهم افي أغتيال سلطة الشعب.
06-21-2008, 05:19 AM
saadeldin abdelrahman saadeldin abdelrahman
تاريخ التسجيل: 09-03-2004
مجموع المشاركات: 8857
كلنا حزن لرؤية فيديو الانتهاك الصارخ ..وهذا ما دعانا لكره العسكرية و الحروب و امرائها و دبابيها و الداعين بالويل والثبور سواء من داخل الخرطوم - السودان أو من منافي الملل المخملية.. حزني لأني اعتقدت أن الحكومة قد صدقتنا - على الاقل هذه المرة - بشأن هؤلاء الاطفال الذين غرر بهم من فعل.. لأني لن استطيع أن اصدق اي خبر رسمي يزايد فيه بهؤلاء الاطفال و أننا لن نعرف مصيرهم أو (من تبقى منهم) و هل تم اضافة بعض المشردين و الابرياء من اطراف الخرطوم ام لا!
هذ الفيديو فتح الباب واسعا امام كل الاخبار السيئة و غيرها.. اعتقد أن خير ما يمكن فعله هو الوصول لاخبار حقيقية عن الاطفال (أو من بقى منهم) و متابعتهم ليعرف الناس حقيقة ما آلوا اليه
و كلي أسف يا انسان.
06-21-2008, 05:25 AM
wesamm wesamm
تاريخ التسجيل: 05-02-2006
مجموع المشاركات: 5128
تنبا الرسول صلعم لعمار بن ياسر قائلا تقتلك الفئة الباغية! وعندما قتل عمار احتدم الجدال والتبرير فى من قتله فقال معاوية بن سفيان قتله الذين اخرجوه للحرب! يجب ادانة كل الاطراف و ليس محج الذى ادان! الانقاذ بشقيها مؤتمر وحركة وكذلك العدل المساواة لا تتوقعوا ان يجلب نظام الفاجر الاسكريم لهؤلاء البؤساء المغرر بهم! جنى
06-21-2008, 07:35 AM
Hatim Yousif Hatim Yousif
تاريخ التسجيل: 06-17-2007
مجموع المشاركات: 697
Quote: تنبا الرسول صلعم لعمار بن ياسر قائلا تقتلك الفئة الباغية! وعندما قتل عمار احتدم الجدال والتبرير فى من قتله فقال معاوية بن سفيان قتله الذين اخرجوه للحرب! يجب ادانة كل الاطراف و ليس محج الذى ادان! الانقاذ بشقيها مؤتمر وحركة وكذلك العدل المساواة لا تتوقعوا ان يجلب نظام الفاجر الاسكريم لهؤلاء البؤساء المغرر بهم!جنى
تسلم ياجني ....
...
06-21-2008, 05:55 AM
osman righeem osman righeem
تاريخ التسجيل: 06-21-2007
مجموع المشاركات: 10872
انها لقطة من مسلسل الحاكمية المسيطر علي اتجهات الاسلام السياسي من الموددي الي البنا الي يومنا هذا ترتكز ثقافة العنف في الاسلام السياسي علي قاعدة ان الاخر كافر مسلوب الحقوق ومهدر دمه .
العنف وهدر الحقوق الذي مارسته الجبهة الاسلامية في السودان ( بمختلف مسمياتها) لا يمكن محوه بسجود سهو
وشكرا لمراعاة مشاعرنا
06-21-2008, 06:35 AM
ahmed haneen ahmed haneen
تاريخ التسجيل: 11-20-2003
مجموع المشاركات: 7982
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد حامد جمعه
محمد عبدالرحمن
كمال علي الزين
Ayoub Osman Nahar
صلاح شعيب
عاصم ابوبكر حامد
حسن الجزولي
Mahjob Abdalla
doma
Tragie Mustafa
عبد المنعم سليمان
بكرى ابوبكر
Elawad
abubakr
ناظم ابراهيم
Deng
Murtada Gafar
Kostawi
Munir
Abd Alla Elhabib
Rawia
amir jabir
Ishraga Mustafa
Medhat Osman
Inaam Saad
NGABY AJOOZ
عبدالكريم الامين احمد
Emad Abdulla
Yasir Elsharif
kamalabas
Mohamed Suleiman
Abureesh
محمود الدقم
محمد صباحى
omar altom
عثمان عبدالقادر
معتصم ود الجمام
nabielo
ود محجوب
Muna Khugali
العوض المسلمي
عمر ادريس محمد
علاء الدين صلاح محمد
Mohamed Doudi
Elwaleed M. Ahmed
Mohamed Yassin Khalifa
Omer Abdalla
Al-Shaygi
Ahmed Abdallah
saadeldin abdelrahman
wesamm
jini
Hatim Yousif
osman righeem
ahmed haneen
فيس بوك
تويتر
انستقرام
يوتيوب
بنتيريست