|
عائز اشتغل في الحبل الدبلوماسي
|
يا اخوانا
احلي وظيفة واسهل وظيفة في الدنيا انك تشتغل سفير
سفر كتير سكن ملح تعليم ملح اولادك اتكلموا لغات زي داليا البحيري
وفي المكتب مرطب
وانشاء الله يا خليل تبقي لي سفير
|
|
|
|
|
|
|
|
Re: عائز اشتغل في الحبل الدبلوماسي (Re: khaleel)
|
عليك بالسلك الحربي اولا" يعني تخش الكلية الحربية وبعد داك يمكن تمسك الحبال كلها وتوزع لمن تشاء الذكورمنهم والاناث لكن ياربي بي اسمك ده ح يقبلوك في حته تاني
بس وصيتي ليك امسك في حبل الله احسن ليك من اللف واللولوة بتاع ا لحبال
لووول يكه
زاتوووو
| |
|
|
|
|
|
|
Re: عائز اشتغل في الحبل الدبلوماسي (Re: khaleel)
|
Quote: عايز اشتغل فى الحبل الدبلوماسى |
خليل سلامات ذكرتنى موقف طريف كنت مع واحده صديقتى عمانية تعمل موظفة فى غرفة تجارة وصناعة عمان
وكنا نتصفح فى بعض المجلات الخاصة بالغرفة واحينا تاتيهم مراسلات من بعض الدول فى اثناء تصفحنا لقينا مجلة من تونس مكتوب عليها(( حجرة تجارة وصناعة صفاقص)) قعدنا ساعة نضحك فى كلمة حجرة ونحن بنعتبرها كلمة عادية نتداولا فى الحياة العامة مع انه المعنيين واحد زى حكاية السلك والحبل
| |
|
|
|
|
|
|
Re: عائز اشتغل في الحبل الدبلوماسي (Re: soma)
|
خليل وديني انت احلي زول في المنبر ده كلو
حبل دبلوماسي عديل كده ؟؟ خلي بالك السلك بلطش
خاصة لو كان ضغط عالي ومنبرنا ده يا مافيهو بلاوي
اخير ليك الحبل لا بكهربك ولا .... كده بس
وبعدين يا الحبيب مافي زول بقول عايز اشتغل
الدبلوماسي ده بلاقي نفسو شغال براهو دبلوماسي
حتي لو ما درس جامعة ظاتوووووو وينك انت يا الفالح
آل عايز يشتغل آل ابقي قابلني لو إشتغلت
| |
|
|
|
|
|
|
Re: عائز اشتغل في الحبل الدبلوماسي (Re: soma)
|
Quote: مكتوب عليها(( حجرة تجارة وصناعة صفاقص)) |
سومة
عارفة لما كنت سفير في تونس التوانسة بقولو (برشا)
وانا كنت فاكرة من الانبراشة ولكنها طلعت معناها كتير
ومن تعلم لغة قوم امن مكرهم
| |
|
|
|
|
|
|
Re: عائز اشتغل في الحبل الدبلوماسي (Re: khaleel)
|
خلو ..
سلامات لكن ما ضحكتني ..
عارف الحبل الدبلوماسي دي ذكرتني بي حبل الغسيل البتشرن فيه جكسات جامعة الخرطوم زمان لما كانت
جامعة يعني قبل ما تنتكس وتبقى روضة .. حتى في شاعر حلمنتيشي قال ..
يا الغسلتنا وشريتنا..
لما نشفنا ليه ما كويتنا ..
ياالفي كانون هواك حميتنا..
لامن زيتنا فاح شميتنا ..
سعادة سفير السودان لدى جزر الواغ واغ ... لك ودي
| |
|
|
|
|
|
|
Re: عائز اشتغل في الحبل الدبلوماسي (Re: عواطف ادريس اسماعيل)
|
خليل زي ما قالت ليك الاخت عزاز
Quote: المشرورين فيهو أحسن منك في شنو؟ |
غطيت المؤتمر الصحفي للرئيس عمر البشير خلال مشاركته في مؤتمر طوكيو الدولي الرابع للتنمية في افريقيا. أول مرة اشوف لي مترجم رئيس جمهورية- سفير بدرجة مستشار في القصر- في مؤتمر صحفي بصلحوا الحضور، وبذكر المؤنث وبأنث المذكر، وما بيعرف الفرق بين اللواء والكتيبة لدرجة تدخل الرئيس بإنجليزيته الضعيفة أكثر من مرة لتصحيحه.
ياخي أنا بقول ليك مبروك مقدمابس عليك الله سوق معاك صاحبي حيدر ده
| |
|
|
|
|
|
|
|