|
الفزعة يا مواطني (سودانيز أون لاين ) بالرياض وما جاورها ...........
|
وما جاورها طبعاً تشمل قٌراء (الحوش ده) من أحباب الوطن بمدينة الرياض ... ...... أخوكم بقت عندو (عُقدة) مع الأسفلت وكمية الزمن الضائع فيهو ... من الشفاء شارع المعارض إلى الملز شارع جرير 25 كيلو ، أقطعها في اليوم (4) مرات .. وأسبوعياً (28) مرة .. غير مشاوير ليل الخميس ومساء الجمعة واجتماعيات الرياض التي يكلف المشوار فيها أكثر من (50) كيلو .. لحدي ما حيلي (انهد ) .... (علي محمد علي بشير يمتنع عن التعليق ) بين المدارس والعمل والبيت أكثر من (3) ساعات ضائعة يومياً ... (21) ساعة اسبوعياً ..يعني كل اسبوع عندي يوم ضائع .. وعليكم الله ... المسافر يكلم القاعد .. شوفو لي حاجة قريبة شويه يعني بالواضح كدي بوسطكم تحلوني .... من الأسفلت والزحمة ... (المشكلة في الزحمة أكثر من الـ 25 كيلو دي ) .... بعدين ناس شتات وتمبس ديل بقوا يزعلوا عديل كدة لامن أعزمهم مخافة المشوار .. . عمر الفاروغ (ومدامه) ديل محاربننا .... . أحمد حنين مطلع المدام قريبتو (وهربان) من المشوار ...!!! . ود الطالب عامل فيها ما حافظ الرياض ...... . حميدة ساكن في لسقط لقط ( أخير أنا ) .... . داش ( دايش ) .... . الريس .. ( ديل برجهم عاجي شديد وساكنين جنب الأمراء ) .... . دكين هو زاتو بفتش ( إعلان سابق ) .. . صديق الموج ( ساكن في ريم ) ....( وبعدين أنا ما داير لي خدمة من المريخاب ديل ) . . .
كتب لي (صديق من الحوش) قائلاً :
Quote: حياتنا لاتخلو من وساطات ومع ذلك بؤسها لايزال مقيما..واضحا كما الفضيحة.. في محاولاتنا الدءوبة للإفلات من مدرات هذا البؤس نلجأ للأحباب والأصدقاء وغيرهم من من نتوسم فيم قضاء حوائج الناس والخير .. في دورة النحس الحالية انتا وإنتو الآن جزء من هذه الملاجئ التي نأمل أن تجيرنا من بؤس هذه الدورة. |
. . . .
وها أنا(أستجير) بكم فهلا مددتم يد العون .. " باقي (20) يوم على العقد القديم (حميدة ما عايزين أي إقتراحات ما بنَاءة ) ....
|
|
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: د.محمد حسن)
|
Quote: بعدين ناس شتات وتمبس ديل بقوا يزعلوا عديل كدة لامن أعزمهم مخافة المشوار .. . عمر الفاروغ (ومدامه) ديل محاربننا .... . أحمد حنين مطلع المدام قريبتو (وهربان) من المشوار ...!!! . ود الطالب عامل فيها ما حافظ الرياض ...... . حميدة ساكن في لسقط لقط ( أخير أنا ) .... . داش ( دايش ) .... . الريس .. ( ديل برجهم عاجي شديد وساكنين جنب الأمراء ) .... . دكين هو زاتو بفتش ( إعلان سابق ) .. . صديق الموج ( ساكن في ريم ) ....( وبعدين أنا ما داير لي خدمة من المريخاب ديل ) |
طيب إنت حسع دي عايز يشوفو ليك بيت .. واللا عايز تتلتل الناس دي علشان تجيك في الشفاء في اشارة المعارض ..؟ عايز ياتو واحد في الاتنين ديل وخليك واضح .. لانو اعلانــك دا ممكن يكلفك كتير الجمعة الجاية دي ..
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: ahmed haneen)
|
أخي عمران ، تحياتي ،
وطالما إنت مكان شغلك في الملز ، تبقى قريب مننا ، لأني ساكن في الملز (قريب من مكافحة المخدرات)
تحذير مبكر :
(( يعني اوعك تجي من الشفا وشايل معاك قندول واللا وزنة))!!؟
عليه يمكنني أن أبحث لك في منطقة شارع جرير إبتداءاً من بدايته عند شارع الستين وحتى نهايته شرقاً .. عند (القفلة) بس وريني تفاصيل الشقة المطلوبة 3 غرف أو غرفتين أو 4 .. الخ
والأهم من كده : في حدود كم عاوز الايجار يكون !
عشان اعمل ليك مسح على مكاتب العقار في كل الأماكن حوالينا وحول شارع جرير .
و .. حبابك عشرة إنت والعيال معنا في شقتنا حتى ترسى على بر في منطقتنا الهادئة ، ونسأل الله أن يشفيك سريعا من السكن في الشفا حتى ترتاح من المساسقة التي تهد الحيل .
بعدين لحدي ما الحفريات تنتهي والأنفاق تشتغل في طريق الشفا ، تكون إنت نزلت المعاش وولدك اتخرج في الجامعة ؟!!!
مودتي ،
( ليمو )
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: abdulhalim altilib)
|
الحبيب الجميل : ليمو ..
Quote: بس وريني تفاصيل الشقة المطلوبة 3 غرف أو غرفتين أو 4 .. الخ |
دي يا حبيب إلا بالماسنجر . ناس تمبس ديل عينم حاااااااااااااااارة
Quote: بعدين لحدي ما الحفريات تنتهي والأنفاق تشتغل في طريق الشفا ، تكون إنت نزلت المعاش وولدك اتخرج في الجامعة ؟!!! |
الظاهر عليكـ طولت من الجهات ديكــ يا ليمو (ترعة الرهد وكنانة الشفا ) قاربت على الإنتهاء من حيث الحفر .. باقي الأسمنت بس ( وحتى ده مشى مشوار طويل )
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: عمران حسن صالح)
|
Quote: . ود الطالب عامل فيها ما حافظ الرياض ...... |
بدون شكـ يا أبو محمد.. الشغل البيت وبالعكس..
Quote: حياتنا لاتخلو من وساطات |
الجاور السعيد بيسعد..
والله يا عمران كنت فاكر نحن بس.. المصابين بالفيروس اللعين ده..
لكن بحكم السكن البعيد عن مجاورة الأرزاق.. لقيت الدروب المؤدية إلى العليا مزدحمة من واقع التجربة.. خصوصاً وإنت بتختار وتفاضل ما بين طريق الملك فهد لشارع الضباب..
لقيت نفسنا نحن الوحيدين الوساطتنا ما جايبا حقها بتعريفه..
لا بتخلي مالك العقار يبقص ليكـ من إرتفاع أسعار الإيجارات ولا حتى يكسر ليكـ ناصية..
الأسعار فوق ولا بتطوي المسافة ولا بتضوي..
كده لغاية بعدين؛ نشوف يمكن تجاور الوليد 399+ 3 أدينا بس (21) ساعة..
الملز كيف..؟
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: عمران حسن صالح)
|
ياخي الرياض دي خليها أطلب نقل إلي جده البحيرة وأنا بأمن ليك المدارس بالواسطه وتقع قريب للبيت
وجده صغيرة تلفها في نص ساعة وخليك من الدكتور ونااس الحكومة الأنقاذية ديل
يأخي أنا كنت في الرياض لأربع سنوات مابعرف غير حي النسيم والدائري الشرقي وحي الروضة مقرعملي
والبطحه شفتها ثلاث مرات ذحام الخميس والجمعه ومرة الشفاء والحراج حق بن قاسم ومعارض الدائري الشرقي ومره حي السفارات وأم الحمام وغبيرة
ومنفوخ تعرف ديل عشان تلفهم بسنين عمري في الرياض ومنها جده ياخي الرياض دي خرتمية ميل وتقول السودان مليون ميل مربه المربع الواحد في
الرياض مليون في ناااس في الرياض دي ماشافوا البطحه حتي الآن تعال مارق علينا جاااي ومابتندم يعني الأسبوع كلوا تفويل تنك بس.
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: A.Razek Althalib)
|
أبو محمد
لو ما فزعنا ليك نفزع لمنو ؟
أها
شايف العمارة البيضا اللي على اليمين فيها شقة بالدو التالت ... 3 غرف و صالة و حمامين مع السطوح ( 21 ألف ريال ) دفعتين و 18 ألف دفعة واحدة.
تخريمة : تصدق المنطقة دي لو عاوز أجيها إلا أركب عربيتي و أوقفها قدام بيت ناس معنصم و تمبس و أمشي معاهم ، و يرجعوني و أسوق عربيتي للبيت.
أما بعد
بالجد كدة لو عاوز شقة جنبنا أضرب لي بعد المغرب ما عدا الخميس و الجمعة.
دمتم
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: عمران حسن صالح)
|
والله يا الشايقي
داير اموت من الضحك
Quote: أنا زاتو بعد الإعلان ده حا أحدد علاقتي بي ناس كُتار جداً جداً ... ما تقعد تملاني (فقر) يا أبو رزقة وتمر العشرين ساعة دي وألقاكـ بي هناكـ شابكنا هولكوست وما عارف إيه ؟؟ |
واحسن ليك الشفا من الهلوكست ..
وجهز قروش الأيجار .. وادينا .. اخرك كم ..
ما تبقي زي خالد الأرباب ..
بعد التعب وتجهيز الشقة عمل نايم ... ودور حلل وقطر قام في ام الحمام
والصورة محفوظة .. وام جدو جاية قريب ...
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: A.Razek Althalib)
|
ياخي انت قادي جغرافية .. جايب لينا خريطة وشاقيها لينا بالنص .. هو طريق دا لو بمشـي كدا ما بختك .. علي العموم ما تقارن نفسك بي .. انا 17 كيلو وبكون في المكتب .. وبعد الطريق الجديد الاكتشفوا اخونا ابراهيم بقت ذي 12 كيلو .. واساسا بكون ماشي عكس الناس ( الاتجاه الشمالي ) .. الزلط فاضي .. 12 كيلو في 120 السرعة .. بوصل في 8 دقايق .. بتكون الساعة تسعة ألا دقيقة ..!!
.. ..
نرجع لموضوع السكن .. وبما انه ما داير ادخل في حيرة دكين .. طوالي مشيت فتشت لي شقة .. عندك حي الازدهار جميل جدا .. بس برضو بعيد .. حاول تغير الشغل .. وبجيب ليك شقة فيهو ..!!
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: humida)
|
يا حمى :
Quote: ياخي انت قادي جغرافية .. جايب لينا خريطة وشاقيها لينا بالنص .. |
ياخي اعتبر مجموع الضلعين الهناكـ ديلكـ يساوي البتاع الفوق ده رغم إنو فوق قلنا ليكـ ...
Quote: (حميدة ما عايزين أي إقتراحات ما بنَاءة ) .... |
. . أسه العربي الكتير الفوق ده فيهو معلومة عن شقة .. قديتنا ساي ... . .
Quote: حاول تغير الشغل .. وبجيب ليك شقة فيهو ..!! |
مرارتي يا ناس .. مرارتي
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: عمران حسن صالح)
|
عمران سلام
سكن الراجحى,,,غبيرا شارع البطحاء,,,شقق جديدة لنج الغرفة حدادى مدادى,,,ووسط المدينة,,,وجوار الافندى
بس بتنجح مع الناس ارباب ال شركات تمام
يعنى بدل سكن 20 الف,,,او 5 شهور من الراتب
عموما لو بنفع معاك حى العود جاهزين,,,,وحى العود دا هو شارع غرب مطعم التيسير غبيرا ودمت
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: عمران حسن صالح)
|
Quote: عمر الفاروغ (ومدامه) ديل محاربننا .... |
طالما فتحت الموضوع ده فعوضنا الله النحكي ليك .. انا المحاربكم والسبب بكل بساطة إنكم حرمتوني من أجمل جلسة صباحية لإرتشاف كوب من الشاي مع المدام بسبب ضياع فردة الكباية التانية المكملة فتشنا فتشنا فتشنا ما لقيناها في النهاااااااااية كده إتزكرت في زول شالا مننا وما جابا !!!!! اما السبب الرئيسي فبكل بساطة إبنكم المصون محمد قال للمدام " ياخ إنتو بيتكم مالو شين كده ؟؟؟" وحاولت حرمكم المصون برضو تصليح الموضوع وقالت ليهو يا حمودي قصدك يعني بيتهم ما كبير شديد ؟؟ قال ليها لالالالالالالالا يا ماما شيييييييييييييييييييييييييييين .. وبعد ده تقول لي ما نحاربكم ؟ هي الحرب دي بتكون كيف؟
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: عمر الفاروق)
|
والله يا (معرفة الأسافير) الفيكم إتعرفت !!!!!! كدي أنا أسة والله قاضي .. ( وحيلي مهدود " كيةً في المريخابي المهبب الفوق ده " ) والضحكـ شارطني عديل كدة .. وما شي أفتش شقة ( المهبب الآخر وليد 399 لاطعني قدام بيتو ونظام ناسي الجوال مع مرتو"طبعاً حنكـ بيش " وفقع مرارتي الأصلو مفقوعة من حميدة . وبجيكم صادي يا معرفة الأسافير .. حميدة والفاروغ وجابت ليها صديق الموج كمان .. الله يمحنكـ يا دنيا .. قال كباية شلناها ..... هو في صباح هنــا عشان كمان تقعد ليهو وتشرب فيهو شاي ... فكنا كده ولا كده عامل بيتكم الشين ده "" شفت ولاد الكاتشب والمايونيز ديل عاملين كيف ؟؟؟؟؟؟؟
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: عمران حسن صالح)
|
Quote: اما السبب الرئيسي فبكل بساطة إبنكم المصون محمد قال للمدام " ياخ إنتو بيتكم مالو شين كده ؟؟؟" وحاولت حرمكم المصون برضو تصليح الموضوع وقالت ليهو يا حمودي قصدك يعني بيتهم ما كبير شديد ؟؟ قال ليها لالالالالالالالا يا ماما شيييييييييييييييييييييييييييين ..وبعد ده تقول لي ما نحاربكم ؟ هي الحرب دي بتكون كيف؟ |
... والله لكن حمودي مبالغة .. بقت عليك يا عمر حكاية الشافع مع النضارة مع الزول الما عندو اضنين .. ..
ما يستفاد من هذه المداخله: 1- اعجبتني حرية التعبير المقرونة بالملاحظة من حمودي. 2- التحليل العميق وشفافية عمر الفاروق في التعامل مع الأمر من كل الجوانب (مما حدا به) إلى الإشارة به هنـا .. (وهذا إن دل إنما يدل) على تصالح عمر مع نفسه كما عودنـا دائما..
التوصيات: بحكم معرفتي بالكثير من أحياء الرياض والخارطة السكانية والتركيبة الاجتماعية السودانية .. ارشح عمر الفاروق بإنو يشوف ليهو شقة على جهات ملاهي الحكير بالربوة ودي منطقة هادية بالاضافة إلى انو فيها زول بيعمل (فـــول) مبالغة .. ولي قدام شوية في بتاع فطاير حاجة ما تخلص .. مع المشكل بتاع ام محمد + تحلية مدام عمر الفاروق .. تبقى المسالة ظابطة بصورة غريبة خلاص .. .. في حال عدم توفر الشقة في المنطقة دي .. (اوصي) بمنح قطعة أرض سكنية في المنطقة الواقعة بين ( بنـده) جرير ومحطة التسهيلات .. على ان يقوم عمران بالبناء حسب المواصفات الفنية المعروفة اوضتين وبرندتين خلف خلاف بي منافعم .. ويعمل لينا راكوبة ومزيرة وبيت جداد ..
شكرا لكم جميعا ..
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: عمران حسن صالح)
|
غايتو يا عمران حكاية جدّيتك في الرحول دي ماااااا مريحاني شديد .. إنتو يا الشوايقة ماااا بتسوو حاجة سااااي كده لله في لله .. ذكرتني الشايقي الأدوهو بيت في الجنة باعوا ومشى إشترى بيتين في النار أسة إنت بتكون ماشي الملز ماااااا عشان القرب والحنك البيش ده .. إعترف يا عمرااااان ..إعترف .. تخريمة : اها موضوع الكباية عملتوا لينا فيهو شنو ؟ في أمل تجينا راجعة ولا ننسى موضوع الشاي ده ؟ البوست ده انا حا احتل فيهو حتلان لحدي ما كبايتنا ترجع لينا وانا متفائل جداً إنو الكباية ترجع قبل ما انت تلم في الشقة ..
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: A.Razek Althalib)
|
ود الطالب ياخي مرة واحدة كدة قول ليكـ كلام فيهو (شِعِر) ولا إنشاء الله كلمة طيبة حتي للذي تحس بأنو(زعلكـ ) .. مش قالو عشان عين أكرم خرتمية .. ياخي اعتبرني عين واكرمني بي سكاتكـ ( بس لامن ألقى شقة ) .. بعدين بصراحة كدة (جيرة) المكاتل الحنين ما برفضه ... وكمان كان الله (هدى) تمبس ودخل حوش الأسر بسكن معاهو في البيت .. ياخي ده برنامج جاهز ... هو الواحد لاقي ليهو برنامج جاهز في بلد الأسمنت دي ..(التقول جارك حمزة بن عبد المطلب ) .. أبو رزقة أقول ليكـ حاجة : إستلم البوست وكان جاب ليهو نتيجة (شقة يعني ) أرسل لي رسالة ... . . لا حولاااااااااااااا ياخي ..(ملكـ القد والبري والهكر عديل كده )
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: A.Razek Althalib)
|
Quote: Quote: اللهم أرحم موتانا الأحياء منهم والأموات وموتي المسلمين.. |
أعد ....... |
ربنا يتقبل منا صالح الأعمال..
Quote: والله تاني تجي تتحاوم لي بي هنا وما عندكـ موضوع إلا أشيل البوست ده من أساسو |
تحركـ بالضغط على الأسهم.. أو أضغط على الصورة للتكبير..
وإنت جاي من البطحاء عند تقاطع شارع الضباب مع الوشم
ناصية على يدكـ اليسار مقابل مخابز يا مال الشام
الناصية الجنوبية الغربية..
الدور التالت.. تشطيب فخم ديلوكس..
تلاته غرف وحمامين ومجلس..
24,000 ريال إيجار سنوي قابل للزيادة حسب الإعلان..
بس ما تستعجل..
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: عمران حسن صالح)
|
Quote: الفهم قسم.. والله يا تمبس ما فارغ إلا جمجمتكـ الكبيرة دي.. إنت حتفهم متين .. ياخي عمران بيسأل عن سكن.. وأهلنا بيقولوا.. والجار قبل الدار.. |
طبعا كونك دمك تقيل دي اصلو ما عايزه ليها درس عصـر .. لكن وجودك برضو مفيد في البوست دا .. لكن اي وجود ليك في اي حاجة تانية سوا ان كانت انسانية او اجتماعية او اي حاجة تانية اشك في انك ممكن تعمل فيها حاجة .. واحمد ربك اني ما بتعمد اشتم .. ولا عندي اعتراض على حكمة الخالق في مخاليقو .. كان ما كدا والله يا عبد الرازق كان تاني لما تتصفح الموقع دا تتأكد اني نايم واللا صاحي حتين تدخـل .. ارحم نفسك ياخ وارحم العباد..
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: tmbis)
|
Quote: واحمد ربك اني ما بتعمد اشتم |
ياخي ما تتسلبط ساي وتتلبس ليكـ قيم ما مقاسكـ.. فعلاً رأسكـ كبير وفاضي ساي.. هسعي الشتمكـ منو..؟ ياخي إسقاطاتكـ النفسية دي أجرى أعملها بعيد هناكـ..
Quote: كان ما كدا والله يا عبد الرازق كان تاني لما تتصفح الموقع دا تتأكد اني نايم واللا صاحي حتين تدخـل .. |
لا حول ولا قوة إلا بالله.. خوفتني يا قرقور الموردة..
عليك الله.. برأسكـ الكبير ده زح كده ولا كده.. قيم إنسانية نبيلة بتاعة فنلتكـ الجاي قاشر بيها هنا..
بالله عليكم عاينو لجنس الوهم ده..
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: A.Razek Althalib)
|
Quote: ياخي ما تتسلبط ساي وتتلبس ليكـ قيم ما مقاسكـ.. فعلاً رأسكـ كبير وفاضي ساي.. هسعي الشتمكـ منو..؟ ياخي إسقاطاتكـ النفسية دي أجرى أعملها بعيد هناكـ.. |
.. Quote: عليك الله.. برأسكـ الكبير ده زح كده ولا كده.. قيم إنسانية نبيلة بتاعة فنلتكـ الجاي قاشر بيها هنا.. بالله عليكم عاينو لجنس الوهم ده.. |
والله تعرف يا المفكر عبد الرازق الطالب .. إنت كونك ترد على دي يا تتحسب انك واحد من الناس القاعدين هنا في البوست دا وناس الرياض تحديدا .. دي اكبر شتيمة في تاريخ البشرية .. والشتيمة الا كبر اننا حسبناك زول زينا كدا وعاملناك معاملة البني آدمين وإنت بتطعن في الخلف وتسب وتتهم فينا وتتهم كل زول.. والمفاجأة الاكبر في دا كلو جاي تحاضر عن الاسقاطات النفسية .. والفنايل.. هوووي هـــا .. سامع هوووي هـا دي ..؟ ارعى بقيدك انا زول تنفيذي والخرمجة بتاعتك البتعمل فيها ليك فترة دي عارف كويس انو ما بتنفع معاي ولو لقيت ليك فرقه وبديت تتواقح معاي .. اعرف حدودك كويس يا عبد الرازق يا طـالب .. لانو الحساب لما نجي نتحاسبو .. بنتحاسب الحساب ولد وكل زول بياخد حقـو .. فهمت كلامي دا كويس ..؟؟
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: tmbis)
|
Quote: والله تعرف يا المفكر عبد الرازق الطالب .. إنت كونك ترد على دي يا تتحسب انك واحد من الناس القاعدين هنا في البوست دا وناس الرياض تحديدا .. دي اكبر شتيمة في تاريخ البشرية .. والشتيمة الا كبر اننا حسبناك زول زينا كدا وعاملناك معاملة البني آدمين وإنت بتطعن في الخلف وتسب وتتهم فينا وتتهم كل زول.. |
تعرف يا إستيف.. كونكـ إمعة وبتطعن في الخلف دي ما دايرة ليها درس عصر .. كونكـ شخص أهبل وبتنفذ في أجندة الصهاينة بكل وقاحتها وعايز تقشر بيها زي فنلتكـ بتاعت الحملة إياها الأبعد من القيم الإنسانية برضو ما دايرة ليها قوة إحتياطي مركزي من عينة إرسين لوبين عشان يشوفها.. إذا ما كنت عارف إنكـ خنجر مسموم ومغروز في خاصرتنا أعرف.. إنو حمية مناصرة حنين دي أصلاً ما نابعة إلا من الفراغ الروحي البتعيش فيهو..
Quote: والمفاجأة الاكبر في دا كلو جاي تحاضر عن الاسقاطات النفسية .. والفنايل.. هوووي هـــا .. سامع هوووي هـا دي ..؟ |
وهاكـ زيادة الكوم دي كمان من بوست صاحبكـ المشبوه علاء الدين حيمورة: Re: شكرا آمنة مختار (بت الصول )...
Quote: عموماً علماء النفس قالوا عن الشخصية الدونية إنها حين تثار لا تشير باللوم علي نفسها مؤشرة على نواحي تقصيرها.. لا بل تكابر وتبحث عن مؤثر خارجي.. يمكن ان يكون مناسبا ومبررا لنواحي تقصيرها.. يعني زي لاعب الكورة لامن يشوت ليهو كورة في الآوت.. بيضرب الكدارة على الأرض مبرراً أن الغلط من الكدارة وليس منه.. |
الله يعينكـ في تتمة الباقي بدون حسادة..
Quote: ارعى بقيدك انا زول تنفيذي |
من الأمثلة الشائعة يا تمبس في بلدنا السودان المثل البيقول.. السواي ما حداث.. تهديدكـ ووعيدكـ أجري قوم بيهو سداري هناكـ بعيد مننا.. لأنو مسائل الشفتنة بتاعت هندبات شفوت صغار (الهوسا) البيربطو بيها طريق (البركة) لشفع المدارس المزوغين عشان يقلعو بيها منهم (تعريفة) الفطور قبل ما تبقى (شلن) ما بتآكل معانا عيش يا إستيف..
عشان كده بنقول ليكـ..
أكل هالوككـ بدودو يا أستيف..
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: A.Razek Althalib)
|
Quote: تعرف يا إستيف.. كونكـ إمعة وبتطعن في الخلف دي ما دايرة ليها درس عصر .. كونكـ شخص أهبــل وبتنفذ في أجندة الصهاينة بكل وقاحتها وعايز تقشر بيها زي فنلتكـ بتاعت الحملة إياها الأبعد من القيم الإنسانية برضو ما دايرة ليها قوة إحتياطي مركزي من عينة إرسين لوبين عشان يشوفها.. إذا ما كنت عارف إنكـ خنجر مسموم ومغروز في خاصرتنا أعرف.. إنو حمية مناصرة حنين دي أصلاً ما نابعة إلا من الفراغ الروحي البتعيش فيهو.. |
.. تعرف يا المفكــر دجانقو .. في محلات بيع الزهور بتاعت البلاستيك ودي اظنك ما بتعرف مكانه بي وين .. في بببغاء بشتغل بي حجار البطارية .. بتصفر قدامو بصفر قدامك .. إنت الظاهر لي شكلك لقيت ليك ببغاء حجار في كوشة من كوش الرياض دي اثناء مرورك وجبت ليهو حجار بطارية وبدل ما تقول للببغاء .. الببغاء بقى يقول ليك ويصفر ليك .. وإنت تصفر بي وراهـو .. تعرف يا عبد الرازق طبعا حرام انو الواحد يشتمك ويرد ليك الشتيمة الفوق دي لانو الشتيمة الاخدتها هنا دي في البورد دا .. لو بتسمن كانت عملت ليك فاخوره .. لكــن بختك في العزلة العايش فيها دي مسالة انك تدخل وتسب اي زول من ناس الرياض الانت معزول عنهم كما مريض الجزام .. وللاسف الشديد انا وغيري يتعدو بالاصابع بالانساية الفينا دي بي خنجره بتاع الببغاء بتاعك دا للاسف الشديد خلقنا منك بني آدم وعملنا ليك .. وعملنا ليك وكل مرة كنا بنحاول نطلعك من العزلة المفروضة حولك من كونك شخص لا تستحق انك تكون مع اوضع واحد هنا في الرياض .. وكل مرة كنت بتخذلنـا .. وكل مرة موطي راسنا في الأرض .. ولا استغرب في اي محفل تجي فيهو ممكن يدوك بالبرطوش .. وبي دا كلو ح تلقانا نحن زاتنا القاعدين نتصدى لي قيحك دا وشتيمتك من طرف واتهاماتك .. بتلقانا نحن يانا .. لكن بعد كدا بتشوف ليك مليان شبكات كيف من الحشاشين .. بعدين تهديد شنو يا ابو خنجـر مسموم .. إنت عايز تصنع من نفسك بطل بالعافية .. والله واسمع والله دي كويس .. شفت زي نوعيتك دي بي النفسيات العندها وحقدها دا .. الواحد مفترض يأجر ليهو بتاع ليموزين باكستاني .. ويدفع ليهو خمسمية ريال ويربطك في محل الاستبنة ويطول ليك الحبل .. ويقول ليهو لف بيهو الرياض دي طول وعرض .. وعشيهو بي فول قلابة ووديهو اجدعو قدام البيت .. إنت فعلا يا عبد الرازق تستاهل الجلد في ميدان عام .. وقطع اللسان.
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: tmbis)
|
يا عمــران .. دبل سوري .. زي ما قلت ليك الواحد مرات كدا بتكون يف بوستات بيخاف يدخـل فيها .. لكن بتلقى نفسك غصبا عنك دخلت .. البوست .. سمح لكن طبعا دجــانقو عندو فهم خاص للسماحة حقتو دي .. بشوف بي نخرتو ما بي عينو .. وبيفهم يب نفس الفهم بتاع الحمار الشايل الصناديق المعلقة وشايلو وفرحان بيهو .. اعذرنـا يا ابو محمد .. إنو ادينا للوضيع دا قيمة في البوست دا .. لانو قاعد في النص زي الكلمة الشاذة ودا وضعو الطبيعي في الدنيا دي .. واعذرني مرة تانية لو بقيت سبب انو البوست دا ينحرف شويتين. لكن اهندي خياراتنا في الدنيا دي نسوي شنـو عليك الله ..؟ تكون همك فاضي الله يسلط ليك زي النوعية دي ويشبكوك كلام خارم بارم ما تعرف فوقو اي حاجة ..
واصل كفاحك واعتذراي للشباب الكانو داخلين معاي في نفس المود بتاع البوست دا ..
اما انت يا حاقد زي ما قلت ليك .. بعرف انظمك كويس
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: tmbis)
|
Quote: بختك في العزلة العايش فيها دي مسالة انك تدخل وتسب اي زول من ناس الرياض الانت معزول عنهم كما مريض الجزام .. وللاسف الشديد انا وغيري يتعدو بالاصابع بالانساية الفينا دي بي خنجره بتاع الببغاء بتاعك دا للاسف الشديد خلقنا منك بني آدم وعملنا ليك .. وعملنا ليك وكل مرة كنا بنحاول نطلعك من العزلة المفروضة حولك من كونك شخص لا تستحق انك تكون مع اوضع واحد هنا في الرياض .. وكل مرة كنت بتخذلنـا .. وكل مرة موطي راسنا في الأرض .. ولا استغرب في اي محفل تجي فيهو ممكن يدوك بالبرطوش .. وبي دا كلو ح تلقانا نحن زاتنا القاعدين نتصدى لي قيحك دا وشتيمتك من طرف واتهاماتك .. بتلقانا نحن يانا .. |
نرجسية فاقت حد التصور.. للأسف الشديد الرجال كالأرقام قيمتهم تتوقف عند مواضعهم.. لأسف طلعت كضاب ببغاوي كمان يا تمبس زيكـ زي أحمد حنين واحد.. على وزن البتشابهو بيطيروا.. وداير تتجمل تكمل ليهو الخياطة بالحرير.. قال خلقنا منكـ قال.. حاشاكـ لا بل غير.. موش ياها حالتكـ [الجزامية] ذاتها الخلت خالد المحرب ينجع منكم في حملتكم الميئوسة ولا حاجة تانية.. يا زول ده إنت طلعت زول أي كلام بعد ما الناس عرفت الجواكـ من كم عقد فارغة.. والله إذا وزعت على أهل الرياض لفاض زبدها.. لدرجة إنو هشام هباني يرقص فيكـ وبقيت فرجة للغاشي والماشي..
الله يحلها ليكـ..
نوعيتكـ دي بنخليها تنش بالسخلان.. تسرح في طرف القوز على بُعد مرمي بصرنا..
بعد ما نعلق ليهو شنطة دمورية في كتفو جواها رادي ناشونال قصير الموجة.. وأسبير حجر أفريدي.. وصُرة شاي وسكر في الجيب الخلفي..
وبنقول ليهو شيل برادكـ وأسرح يا بطل..
حاسب ليطق ليكـ عرق من الزعل..
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: A.Razek Althalib)
|
Quote: يا باشا لأن تكفر فيما يحتاج الناس أولاً ثم تجهد نفسكـ في إختراعه أمر محمود.. لكن يجيكـ سيناريو جاهز عشان تنزلوا أرض الواقع.. بدون ما تتمعن مقاصدو شنو.. شيء بيختكـ في خانة اليكـ تحت النني.. أو مثل المغفل نافع كما ذكرناها ليكـ في نفس البوست الإنت عارفو زي جوع بطنكـ.. |
.. والله الفوق دا برضو ما فهمتو يا دجانقو.. إنت بتكتب بي ياتو مداد ؟؟ خانة يك شنـو ..؟ ونني شنـو يا سيد الناس .. يا بتاع الراديوهات انت ..؟
Quote: ما تقعد تنطط زي الأرنب البري المجلينو بسفروكـ.. |
... كلامك بتاع الارنب والسفروك دا وتنطط ويهود وفلاشا وبتاع دا ما بياكلنا نحن .. انا كلامي واضح معاك .. وكلامك الفارغ البتقول فيهو دا وعامل فيها الود بتاع مباحث .. تعال في اقرب فرصة للجنة العشرينية دي .. وتعال قل ادبك هناك .. شوف البيحصل ليك شنـو يا مقطع .. إنت كان فيك بركة وفايده كان جيت شتمت الناس واتهمتهم بالسرقة وهم بيقطعوا من لحمم وبيدفعوا من جيوبهم .. بتشبه لي بعض الثوار هنا دا .. الواحد فيهم لا عايز يرحم لا يخلي رحمة الله تنزل .. اها بقوله ليك حسع دي لو بقيت من الرجــال البتقيف .. جهز نفسك .. واللبس ليك لبس علشان تقابل بيهو الناس وتعال عندنا قريبات دي احتفال كبير جدا بيهمنا نوعيتك دي تجينا إنت والجا قال يا جلابـة داك .. جهز نفسك وتعال طول لسانك هناك وجيب اتهاماتك دي وما عندك مشكلة بنديك المكرفون زي المرة الفاتت علشان تمتع نفسك ..
Quote: يا باشا لأن تكفر فيما يحتاج الناس أولاً ثم تجهد نفسكـ في إختراعه أمر محمود.. لكن يجيكـ سيناريو جاهز عشان تنزلوا أرض الواقع.. بدون ما تتمعن مقاصدو شنو.. شيء بيختكـ في خانة اليكـ تحت النني.. أو مثل المغفل نافع كما ذكرناها ليكـ في نفس البوست الإنت عارفو زي جوع بطنكـ.. أركز وركز وشوف إنت قاعد بتقول في شنو..؟ |
.. اسمع عندك زول بيقدر يفهمني كلامك دا ..؟؟ وحات الله .. والله ما فاهم .. والله ما فاهم يا دجانقو..
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: tmbis)
|
Quote: يا باشا لأن تفكر فيما يحتاجه الناس أولاً ثم تجهد نفسكـ في إختراعه أمر محمود.. لكن يجيكـ سيناريو جاهز عشان تنزلوا أرض الواقع.. بدون ما تتمعن مقاصدو شنو..
شيء بيختكـ في خانة اليكـ تحت النني.. |
Quote: وحات الله .. والله ما فاهم .. والله ما فاهم يا دجانقو.. |
برضو الفهم قسم.. أصلاً: ما غلطان الواحد لامن وصفكـ بالفراغ.. عموماً.. باكر بنجي نشرح ليكـ..
وبنختها ليكـ واضحة زي إنفعالاتنا الجاتكـ كتاحتها على الهواء مباشرة.. تحمل درشنا وما تستعبط..
وعامل فيها جايب الديب من ديلو..
- .. ليلة هانئة بدون كوابيس مزعجة.. على ذكرى المحرب..
نوم وأتغطي كويس..
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: A.Razek Althalib)
|
Quote: وبنختها ليكـ واضحة زي إنفعالاتنا الجاتكـ كتاحتها على الهواء مباشرة.. تحمل درشنا وما تستعبط.. وعامل فيها جايب الديب من ديلو.. - .. ليلة هانئة بدون كوابيس مزعجة.. على ذكرى المحرب.. نوم وأتغطي كويس.. |
.. دجانقو .. وين ماشي لسه بدري .. لسه بدري يا بتاع الانفعالات .. والله تعرف لو المحـرب وحنين ديل فتحو فيك بلاغ اشانة سمعة .. ما تلقى البدفع ليك خمسين ريال كفالة لانو اصلو ما عندك وجيع ومرمي الله اصلو ما بترفع .. ونحن غلطانين الحاولنا نرفعك ونبقيك زول لكن الكلب احسن منك على الاقل الكلب ما بعضي سيدو إلا لما يسعر ويفقد الكنترول .. وإنت فاقد الكنترول وبتعضي من طرف وكان ما لقيت ليك حته تعضي فيها تقعد تهوهو كدا دا .. وفي النهاية تعضي نفسك .. لكن عشان ما تضر نفسك يا بتاع الرادي الدمورية خلينا نقلع ليك سنونك دي .. الهوهووه مقدور عليها .. لما تجي المرة الجاية جيب معاك صرة الهدوم حقتك .. علشان نوديها ليك الغسال يا جربـان .. واقع في الناس شتيمة واتهامات من طرف والناس ساكته ليك قايل نفسك منو إنت ..؟
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: tmbis)
|
يا أبو اللوووووووووووووول إزيكـ بس عشان خاطر بوستيكـ داكـ الفيهو معتصم دفع الله بشبه منو كده ما عارف وأنا بشبه عقد الجلاد .. بس عليكـ الله شوف لينا بتاع الكباية الفوق ده بشبه منو ... ... إنت طبعاً شاطر في دقة الملاحيظ وكده .. أنا البوست ده خلاص (قلبته) خِلَقتوا والشقة خليناها ... (الشقة الجابت لينا النضمي دي ) شوف لي طريقة يا لؤي في (داماكـ) أو إنشاء الله (أرامكو) بس في الدمام فقط ... أنا عندي وش (خجلان) ركبتوا هنا وبعتذر بيهو لي ناس الرياض (الما مسجلين معانا هنا واتصلوا علي ) .. الله يديهم العافية وبقطعه في مصاريني ... . . يارب ما أكون نسيت شولة ولا ضمة يجي أبو اللول يهريني بيها هنا ...
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: عمران حسن صالح)
|
Quote: شوفني كان شرحت ليكـ |
.. يازول انا الايامات دي ما بقبل اي كلام كتير .. شرحك دا خليهو معاك .. الدنيا آخـر شهر .. الكاركتير الفوق دا مشروح وشارح نفسو بالتالي .. ما تعذب (حالك) .. عندك البنكنوت دا مرحبتين .. ما عندك عليك الله ما تملانا فقر وكلام كتير ..
بالمناسبة: ما تشبكني بحول ليك بالبنك يا بكتب ليك شيك .. اصلو اليومين دي قالو البلزك ما برميك .. وكان لزوك ووقعته بتقع علي (جيبـك)
| |
|
|
|
|
|
|
Re: الفزعة يا مواطني (سودانيز أون لاين ) بالرياض وما جاورها ........... (Re: ahmed haneen)
|
شكراً أبو محمد [عمران] على الهدية.. وتسلم من كل حيمورة خدود خجلانة.. وتبقى سالم من رشحات أنفلونزا الطيور.. وكتاحاتها..
آههاآآآآآآآآآآ..
الستة غرف بمطبخا وزيادة مجلسين حريم ورجال وحمامين جندريين.. غرقانة لعضانة تحت الأرض.. ما بتلفق معاكـ خصوصاً وإنت زولاً إتعودت تشوي على الهواء الطلق..
يعني.. البدروم بتاع كوبري الوشم أبو تلاته ألف ما بيلفق معاكـ.. عبركـ سردب لينا..
أنبل التحايا لأم محمد وولدها..؟
| |
|
|
|
|
|
|
|