Post: #1 Title: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 10:54 AM
وما جاورها طبعاً تشمل قٌراء (الحوش ده) من أحباب الوطن بمدينة الرياض ... ...... أخوكم بقت عندو (عُقدة) مع الأسفلت وكمية الزمن الضائع فيهو ... من الشفاء شارع المعارض إلى الملز شارع جرير 25 كيلو ، أقطعها في اليوم (4) مرات .. وأسبوعياً (28) مرة .. غير مشاوير ليل الخميس ومساء الجمعة واجتماعيات الرياض التي يكلف المشوار فيها أكثر من (50) كيلو .. لحدي ما حيلي (انهد ) .... (علي محمد علي بشير يمتنع عن التعليق ) بين المدارس والعمل والبيت أكثر من (3) ساعات ضائعة يومياً ... (21) ساعة اسبوعياً ..يعني كل اسبوع عندي يوم ضائع .. وعليكم الله ... المسافر يكلم القاعد .. شوفو لي حاجة قريبة شويه يعني بالواضح كدي بوسطكم تحلوني .... من الأسفلت والزحمة ... (المشكلة في الزحمة أكثر من الـ 25 كيلو دي ) .... بعدين ناس شتات وتمبس ديل بقوا يزعلوا عديل كدة لامن أعزمهم مخافة المشوار .. . عمر الفاروغ (ومدامه) ديل محاربننا .... . أحمد حنين مطلع المدام قريبتو (وهربان) من المشوار ...!!! . ود الطالب عامل فيها ما حافظ الرياض ...... . حميدة ساكن في لسقط لقط ( أخير أنا ) .... . داش ( دايش ) .... . الريس .. ( ديل برجهم عاجي شديد وساكنين جنب الأمراء ) .... . دكين هو زاتو بفتش ( إعلان سابق ) .. . صديق الموج ( ساكن في ريم ) ....( وبعدين أنا ما داير لي خدمة من المريخاب ديل ) . . .
كتب لي (صديق من الحوش) قائلاً :
Quote: حياتنا لاتخلو من وساطات ومع ذلك بؤسها لايزال مقيما..واضحا كما الفضيحة.. في محاولاتنا الدءوبة للإفلات من مدرات هذا البؤس نلجأ للأحباب والأصدقاء وغيرهم من من نتوسم فيم قضاء حوائج الناس والخير .. في دورة النحس الحالية انتا وإنتو الآن جزء من هذه الملاجئ التي نأمل أن تجيرنا من بؤس هذه الدورة.
. . . .
وها أنا(أستجير) بكم فهلا مددتم يد العون .. " باقي (20) يوم على العقد القديم (حميدة ما عايزين أي إقتراحات ما بنَاءة ) ....
Post: #2 Title: Re: الفزعة يا مواطني (سودانيز أون لاين ) بالرياض وما جاورها ........... Author: د.محمد حسن Date: 06-15-2008, 11:08 AM Parent: #1
اعجبتني جرستكم الممنهجة والملونة بحلو التعابير ولكنها في النهايىة صرخة تسمى عندنا بالعامية
وااااااااااااااااااااااااااااااي
انا عندي ليك شقة جنبنا
اتصل علي وننسق
Post: #6 Title: Re: الفزعة يا مواطني (سودانيز أون لاين ) بالرياض وما جاورها ........... Author: tmbis Date: 06-15-2008, 11:30 AM Parent: #2
Quote: بعدين ناس شتات وتمبس ديل بقوا يزعلوا عديل كدة لامن أعزمهم مخافة المشوار .. . عمر الفاروغ (ومدامه) ديل محاربننا .... . أحمد حنين مطلع المدام قريبتو (وهربان) من المشوار ...!!! . ود الطالب عامل فيها ما حافظ الرياض ...... . حميدة ساكن في لسقط لقط ( أخير أنا ) .... . داش ( دايش ) .... . الريس .. ( ديل برجهم عاجي شديد وساكنين جنب الأمراء ) .... . دكين هو زاتو بفتش ( إعلان سابق ) .. . صديق الموج ( ساكن في ريم ) ....( وبعدين أنا ما داير لي خدمة من المريخاب ديل )
طيب إنت حسع دي عايز يشوفو ليك بيت .. واللا عايز تتلتل الناس دي علشان تجيك في الشفاء في اشارة المعارض ..؟ عايز ياتو واحد في الاتنين ديل وخليك واضح .. لانو اعلانــك دا ممكن يكلفك كتير الجمعة الجاية دي ..
Post: #7 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 11:44 AM Parent: #2
إنت يا بتاع (حي السفارات ) ... شوف لي جنب بيت السفير الصيني (أوضة) بس ... والمُشكَل بتاع أم محمد جاهز .. " أنزل ليكـ منو صورة قبل وبعد الطبخ يعني ؟؟؟؟"
Post: #8 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 11:46 AM Parent: #2
رسل لي رسال فاضية على رقمي يا دكتورنا ( في البروفايل ) .. الليلة إلا أحدده معاكـ ...
Post: #3 Title: Re: الفزعة يا مواطني (سودانيز أون لاين ) بالرياض وما جاورها ........... Author: على محمد على بشير Date: 06-15-2008, 11:15 AM Parent: #1
Quote: (علي محمد علي بشير يمتنع عن التعليق )
Post: #9 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 11:47 AM Parent: #3
يا علي محمد علي بشير .. السقالة الليكـ شنو ؟؟؟ ما قلنا ليكـ (بدون تعليق ) ياخي أنا معتصم ده عارفو مشغــــــــــول !!!!!!!!
Post: #4 Title: Re: الفزعة يا مواطني (سودانيز أون لاين ) بالرياض وما جاورها ........... Author: ود الباوقة Date: 06-15-2008, 11:18 AM Parent: #1
قلنا ليك تعال جنبنا .. لكن دماغك ناشف ..
بعدين الشفاء بعد المزلقان البسوو فيهو دا .. تاني دقايق وتكون وين ما تكون ..
اصمد وخليك مكانك ولا تعال معانا ..
ود الباوقة
Post: #10 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 11:49 AM Parent: #4
الحبيب ود الباوقـــة :
Quote: قلنا ليك تعال جنبنا .. لكن دماغك ناشف ..
يقوموا بعدين يحسبوني (كوز) .. ؟؟ أمشي إجازة كيف !!! ما شايفني مناضل قد شنو هنا ولا ما شايفني يعني
Post: #5 Title: Re: الفزعة يا مواطني (سودانيز أون لاين ) بالرياض وما جاورها ........... Author: ahmed haneen Date: 06-15-2008, 11:29 AM Parent: #1
افو
يا ابو محمد
حرم الرأس يشيلكم قبل الشقة ..
وانا دايرك لي جار قريب وحبيب ...
ومن الليلة .. تشرفونا انت وام محمد والمريخابي محمد ..
لحدما نلقي الشقة القريبة ...
واوعك من كلام د محمد حسن ود الباوقة ..
ديل برضهم ساكنين سقط لقط ... الشفا وما جاورها ..
خليك علي اتصال ..
Post: #12 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 11:51 AM Parent: #5
المكاتــــــــــل الحنين ........
Quote: افو يا ابو محمد حرم الرأس يشيلكم قبل الشقة .. وانا دايرك لي جار قريب وحبيب ...
جعلية آخر زمن !!!!!!!! النشوف آخرته معاكـ ....
Post: #13 Title: Re: الفزعة يا مواطني (سودانيز أون لاين ) بالرياض وما جاورها ........... Author: abdulhalim altilib Date: 06-15-2008, 11:55 AM Parent: #5
أخي عمران ، تحياتي ،
وطالما إنت مكان شغلك في الملز ، تبقى قريب مننا ، لأني ساكن في الملز (قريب من مكافحة المخدرات)
تحذير مبكر :
(( يعني اوعك تجي من الشفا وشايل معاك قندول واللا وزنة))!!؟
عليه يمكنني أن أبحث لك في منطقة شارع جرير إبتداءاً من بدايته عند شارع الستين وحتى نهايته شرقاً .. عند (القفلة) بس وريني تفاصيل الشقة المطلوبة 3 غرف أو غرفتين أو 4 .. الخ
والأهم من كده : في حدود كم عاوز الايجار يكون !
عشان اعمل ليك مسح على مكاتب العقار في كل الأماكن حوالينا وحول شارع جرير .
و .. حبابك عشرة إنت والعيال معنا في شقتنا حتى ترسى على بر في منطقتنا الهادئة ، ونسأل الله أن يشفيك سريعا من السكن في الشفا حتى ترتاح من المساسقة التي تهد الحيل .
بعدين لحدي ما الحفريات تنتهي والأنفاق تشتغل في طريق الشفا ، تكون إنت نزلت المعاش وولدك اتخرج في الجامعة ؟!!!
مودتي ،
( ليمو )
Post: #15 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 12:02 PM Parent: #13
الحبيب الجميل : ليمو ..
Quote: بس وريني تفاصيل الشقة المطلوبة 3 غرف أو غرفتين أو 4 .. الخ
دي يا حبيب إلا بالماسنجر . ناس تمبس ديل عينم حاااااااااااااااارة
Quote: بعدين لحدي ما الحفريات تنتهي والأنفاق تشتغل في طريق الشفا ، تكون إنت نزلت المعاش وولدك اتخرج في الجامعة ؟!!!
الظاهر عليكـ طولت من الجهات ديكــ يا ليمو (ترعة الرهد وكنانة الشفا ) قاربت على الإنتهاء من حيث الحفر .. باقي الأسمنت بس ( وحتى ده مشى مشوار طويل )
Post: #11 Title: Re: الفزعة يا مواطني (سودانيز أون لاين ) بالرياض وما جاورها ........... Author: A.Razek Althalib Date: 06-15-2008, 11:50 AM Parent: #1
Quote: . ود الطالب عامل فيها ما حافظ الرياض ......
بدون شكـ يا أبو محمد.. الشغل البيت وبالعكس..
Quote: حياتنا لاتخلو من وساطات
الجاور السعيد بيسعد..
والله يا عمران كنت فاكر نحن بس.. المصابين بالفيروس اللعين ده..
لكن بحكم السكن البعيد عن مجاورة الأرزاق.. لقيت الدروب المؤدية إلى العليا مزدحمة من واقع التجربة.. خصوصاً وإنت بتختار وتفاضل ما بين طريق الملك فهد لشارع الضباب..
لقيت نفسنا نحن الوحيدين الوساطتنا ما جايبا حقها بتعريفه..
لا بتخلي مالك العقار يبقص ليكـ من إرتفاع أسعار الإيجارات ولا حتى يكسر ليكـ ناصية..
أنا زاتو بعد الإعلان ده حا أحدد علاقتي بي ناس كُتار جداً جداً ... ما تقعد تملاني (فقر) يا أبو رزقة وتمر العشرين ساعة دي وألقاكـ بي هناكـ شابكنا هولكوست وما عارف إيه ؟؟؟؟
Quote: الملز كيف..؟
ما ده زاتو الكاتل بوبي . . . يا وليد 399 ما تقعد (تتاوق بي برة) وسيب الحركات دي ؟؟؟؟؟
ياخي الرياض دي خليها أطلب نقل إلي جده البحيرة وأنا بأمن ليك المدارس بالواسطه وتقع قريب للبيت
وجده صغيرة تلفها في نص ساعة وخليك من الدكتور ونااس الحكومة الأنقاذية ديل
يأخي أنا كنت في الرياض لأربع سنوات مابعرف غير حي النسيم والدائري الشرقي وحي الروضة مقرعملي
والبطحه شفتها ثلاث مرات ذحام الخميس والجمعه ومرة الشفاء والحراج حق بن قاسم ومعارض الدائري الشرقي ومره حي السفارات وأم الحمام وغبيرة
ومنفوخ تعرف ديل عشان تلفهم بسنين عمري في الرياض ومنها جده ياخي الرياض دي خرتمية ميل وتقول السودان مليون ميل مربه المربع الواحد في
الرياض مليون في ناااس في الرياض دي ماشافوا البطحه حتي الآن تعال مارق علينا جاااي ومابتندم يعني الأسبوع كلوا تفويل تنك بس.
Post: #19 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 12:29 PM Parent: #16
الأخ الزميل : مجدي
Quote: ياخي الرياض دي خليها أطلب نقل إلي جده
مجدي يا حبيب أنا اخدت حقي ( من الرطوبة ) ... ومشاوير المطار الحرم الساعة (3) صباحاً .. أسال صديق رحمة !! وكان أصلو في شي في جدة (كاتل) حيلي ياهو جداد البيكـ ده.. أدونا (فرع) هنــا واضمن ليكـ العُمرة دي بنسويها في خلا نجد
شايف العمارة البيضا اللي على اليمين فيها شقة بالدو التالت ... 3 غرف و صالة و حمامين مع السطوح ( 21 ألف ريال ) دفعتين و 18 ألف دفعة واحدة.
تخريمة : تصدق المنطقة دي لو عاوز أجيها إلا أركب عربيتي و أوقفها قدام بيت ناس معنصم و تمبس و أمشي معاهم ، و يرجعوني و أسوق عربيتي للبيت.
أما بعد
بالجد كدة لو عاوز شقة جنبنا أضرب لي بعد المغرب ما عدا الخميس و الجمعة.
دمتم
Post: #20 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 12:32 PM Parent: #17
الريس الحبيب جلال : الصورة الفوق دي بالرياض حقتنا دي ؟؟؟؟؟؟؟؟ أنا عايز (أتفكه) من الظلط الكتير ده يا أبو جهينة .. وأجي قريب هنا بالملز وما جاورها .. لو في طريقة !!! بس كمان خليكـ (حنين) شوية وبلاش عشرينات دي
Post: #18 Title: Re: الفزعة يا مواطني (سودانيز أون لاين ) بالرياض وما جاورها ........... Author: ahmed haneen Date: 06-15-2008, 12:24 PM Parent: #1
والله يا الشايقي
داير اموت من الضحك
Quote: أنا زاتو بعد الإعلان ده حا أحدد علاقتي بي ناس كُتار جداً جداً ... ما تقعد تملاني (فقر) يا أبو رزقة وتمر العشرين ساعة دي وألقاكـ بي هناكـ شابكنا هولكوست وما عارف إيه ؟؟
واحسن ليك الشفا من الهلوكست ..
وجهز قروش الأيجار .. وادينا .. اخرك كم ..
ما تبقي زي خالد الأرباب ..
بعد التعب وتجهيز الشقة عمل نايم ... ودور حلل وقطر قام في ام الحمام
والصورة محفوظة .. وام جدو جاية قريب ...
Post: #21 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 12:38 PM Parent: #18
المكاتــــل الحنين : والله يا الشايقي داير اموت من الضحك
بالله ما تدخل لينا (الجهوية) في الموضوع .. وكمان بلاش سياسة ده موضوع إجتماعي بحت ونحتاج فيه إلى كل الكيزان والإتحاديين والبوليص تمبس والبعثيين (السابقين) .. والشايتين ضفاري (ناس حميدة) ...وناس قريعتي راحت (احمد حنين ) ... الخ
الجرسة خليها والله الرياض كلها بقت زحمة والواحد ماعارف يصل البيت كيف وبى ياتوشارع لكن الحمد الله لقيت لى شقة فى منفوحة مع شارع الستين طبعا المدام جاية الشهر الجاى
شاكر حامد
Post: #23 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 12:55 PM Parent: #22
شاكر الله يرضى عليكــ عاين للخط الأحمر ده .. وكمية الأحياء الفي النص .. ده مشوار نصاح ده ...؟؟؟
يبدو أن نفس الأخوان عصروا عليك شوية وطالبوك كمان بتنزيل نعي !!!! لي قدام تاني ما تستعجل يا أحمد وتشيلك الهاشمية وتكتب كلام فارغ .. الموت ما فيهو شماتة ..
.. امن يا يا اهالي .. امن قاليك .. عايز تبقينا بواليص بي مزاجك ..؟ وكان جاك حميدة البعرفو انا .. احتمال بيتك دا زاتو بكره الصباح تلقاهو مافيش .. وتقعد تفتش للبرجعك الشفا ..
عبد الرازق ... حسع الجاب الكلام الفارغ الكتبتو تحت هنا دا لي البوست دا شنـو.. وعلاقتو شنـو بي كلام عمران وكلام الناس هنا دا ؟؟
ياخي انت قادي جغرافية .. جايب لينا خريطة وشاقيها لينا بالنص .. هو طريق دا لو بمشـي كدا ما بختك .. علي العموم ما تقارن نفسك بي .. انا 17 كيلو وبكون في المكتب .. وبعد الطريق الجديد الاكتشفوا اخونا ابراهيم بقت ذي 12 كيلو .. واساسا بكون ماشي عكس الناس ( الاتجاه الشمالي ) .. الزلط فاضي .. 12 كيلو في 120 السرعة .. بوصل في 8 دقايق .. بتكون الساعة تسعة ألا دقيقة ..!!
.. ..
نرجع لموضوع السكن .. وبما انه ما داير ادخل في حيرة دكين .. طوالي مشيت فتشت لي شقة .. عندك حي الازدهار جميل جدا .. بس برضو بعيد .. حاول تغير الشغل .. وبجيب ليك شقة فيهو ..!!
Post: #31 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 01:54 PM Parent: #27
سكن الراجحى,,,غبيرا شارع البطحاء,,,شقق جديدة لنج الغرفة حدادى مدادى,,,ووسط المدينة,,,وجوار الافندى
بس بتنجح مع الناس ارباب ال شركات تمام
يعنى بدل سكن 20 الف,,,او 5 شهور من الراتب
عموما لو بنفع معاك حى العود جاهزين,,,,وحى العود دا هو شارع غرب مطعم التيسير غبيرا ودمت
Post: #32 Title: Re: الفزعة يا مواطني (سودانيز أون لاين ) بالرياض وما جاورها ........... Author: محمد خليل إسماعيل Date: 06-15-2008, 03:25 PM Parent: #30
أخوي عمران ( ابو محمد )
والله حالتك صعبة وتحنن
بس نصيحة أخوان الملز أقرب المناطق ليها وبدون زحمة ولا طريق الملك فهد ولا خريص هي ( الوزارات -المعذر - الناصرية )
أو الخيار الافضل منهم ( شرق الرياض ) كل المناطق الواقعة شرق الدائري حتى حدود النسيم( النسيم حدك شارع الأربعين ) شرقاً أبعد منو بعيد .
انا ساكن حي السلام ( بطلع بشارع البيت الزبير بن العوام لحدي الدائري وإشارة مخرج 14 تطلعو تكون في الملز ( 10 دقيقة وأحيانا تصل 15 دقيقة) حسب حالة الإشارات لكن مافي زحام ولا شي . والحركة منسابة جدا
عشان كدة فتش في المناطق دي ( الربوة - الروابي - حي السلام - الريان - إمتداد أحمد بن حنبل حتي إشارة الأربعين - والمناطق الواقعة حولها ) وأنا سأجتهد أن ابحث لك إن قبلت المناطق أعلاه .( بس حدد القيمة المطلوبة ) ونحن جاهزين ومرحب بيك في حي السلام أو الروابي لو وافقت )
ابوشهد
راجع ليك
Post: #41 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 06:47 AM Parent: #32
أبو شهد العزيز ..
Quote: والله حالتك صعبة وتحنن
يلا همتك معانا وزيد فوق إجارك (الزادو ليكـ ) الفين تلاثة وأنا موافق بس أقرب مكان لي شارعنا ده ... تسلم يا محمد كتير ...
Post: #40 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 06:45 AM Parent: #30
العزيز : abuguta تعرف عمارة الراجحي دي كان عندكـ سماية ساكت داير ليكـ (زريبة) كاملة عشان تكفي الساكنين .. ياخي دي فيها دشليون شقة وأكيد حا يسكنوها أهلنا .. وإنت عارف سهولة الدخلة فيهم .. بعدين (حمام جمعة ) ساكت يكملوا موية الخزانات كلها ... عموماً لكـ شكري لإهتمامكـ
Quote: صديق الموج ( ساكن في ريم ) ....( وبعدين أنا ما داير لي خدمة من المريخاب ديل )
غايتو نحن غلطنا جنس غلط،كونو نديك امدرمانية ومريخابيه والله كان عارفنك كده ما كان اديناك ليها كلها.. احى من المغسة.. المهم انت ما البتحدد مكان السكن بلغ المدام تبلغنا حتى نتحرك.. قال حيلى انهده قال!!! غايتو جنس زى ما بقول ود الصائم،،،،
Post: #42 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 06:50 AM Parent: #33
الأولى هينة (أموت في أم درمان أنا ) بس التانية دي ما كانت من ضمن بنود المعاينة ( يعني أنا الدقست فيها )
Post: #34 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمر الفاروق Date: 06-15-2008, 04:01 PM Parent: #1
Quote: عمر الفاروغ (ومدامه) ديل محاربننا ....
طالما فتحت الموضوع ده فعوضنا الله النحكي ليك .. انا المحاربكم والسبب بكل بساطة إنكم حرمتوني من أجمل جلسة صباحية لإرتشاف كوب من الشاي مع المدام بسبب ضياع فردة الكباية التانية المكملة فتشنا فتشنا فتشنا ما لقيناها في النهاااااااااية كده إتزكرت في زول شالا مننا وما جابا !!!!! اما السبب الرئيسي فبكل بساطة إبنكم المصون محمد قال للمدام " ياخ إنتو بيتكم مالو شين كده ؟؟؟" وحاولت حرمكم المصون برضو تصليح الموضوع وقالت ليهو يا حمودي قصدك يعني بيتهم ما كبير شديد ؟؟ قال ليها لالالالالالالالا يا ماما شيييييييييييييييييييييييييييين .. وبعد ده تقول لي ما نحاربكم ؟ هي الحرب دي بتكون كيف؟
Post: #35 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 04:46 PM Parent: #34
والله يا (معرفة الأسافير) الفيكم إتعرفت !!!!!! كدي أنا أسة والله قاضي .. ( وحيلي مهدود " كيةً في المريخابي المهبب الفوق ده " ) والضحكـ شارطني عديل كدة .. وما شي أفتش شقة ( المهبب الآخر وليد 399 لاطعني قدام بيتو ونظام ناسي الجوال مع مرتو"طبعاً حنكـ بيش " وفقع مرارتي الأصلو مفقوعة من حميدة . وبجيكم صادي يا معرفة الأسافير .. حميدة والفاروغ وجابت ليها صديق الموج كمان .. الله يمحنكـ يا دنيا .. قال كباية شلناها ..... هو في صباح هنــا عشان كمان تقعد ليهو وتشرب فيهو شاي ... فكنا كده ولا كده عامل بيتكم الشين ده "" شفت ولاد الكاتشب والمايونيز ديل عاملين كيف ؟؟؟؟؟؟؟
Post: #36 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-15-2008, 08:39 PM Parent: #35
الظاهر مع بوستات (الخليل) النازلة مطر دي ، بوست (الشحده) حقي ده حا يروح السماء الرابعة .. ساعدونا بالفوق يا ناس الحلة .. وباالمرة شوفوا لينا شقة قريبة من الملز ........
Post: #37 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 05:54 AM Parent: #36
Post: #48 Title: Re: الفزعة يا مواطني (سودانيز أون لاين ) بالرياض وما جاورها ........... Author: tmbis Date: 06-16-2008, 07:15 AM Parent: #37
Quote: اما السبب الرئيسي فبكل بساطة إبنكم المصون محمد قال للمدام " ياخ إنتو بيتكم مالو شين كده ؟؟؟" وحاولت حرمكم المصون برضو تصليح الموضوع وقالت ليهو يا حمودي قصدك يعني بيتهم ما كبير شديد ؟؟ قال ليها لالالالالالالالا يا ماما شيييييييييييييييييييييييييييين ..وبعد ده تقول لي ما نحاربكم ؟ هي الحرب دي بتكون كيف؟
... والله لكن حمودي مبالغة .. بقت عليك يا عمر حكاية الشافع مع النضارة مع الزول الما عندو اضنين .. ..
ما يستفاد من هذه المداخله: 1- اعجبتني حرية التعبير المقرونة بالملاحظة من حمودي. 2- التحليل العميق وشفافية عمر الفاروق في التعامل مع الأمر من كل الجوانب (مما حدا به) إلى الإشارة به هنـا .. (وهذا إن دل إنما يدل) على تصالح عمر مع نفسه كما عودنـا دائما..
التوصيات: بحكم معرفتي بالكثير من أحياء الرياض والخارطة السكانية والتركيبة الاجتماعية السودانية .. ارشح عمر الفاروق بإنو يشوف ليهو شقة على جهات ملاهي الحكير بالربوة ودي منطقة هادية بالاضافة إلى انو فيها زول بيعمل (فـــول) مبالغة .. ولي قدام شوية في بتاع فطاير حاجة ما تخلص .. مع المشكل بتاع ام محمد + تحلية مدام عمر الفاروق .. تبقى المسالة ظابطة بصورة غريبة خلاص .. .. في حال عدم توفر الشقة في المنطقة دي .. (اوصي) بمنح قطعة أرض سكنية في المنطقة الواقعة بين ( بنـده) جرير ومحطة التسهيلات .. على ان يقوم عمران بالبناء حسب المواصفات الفنية المعروفة اوضتين وبرندتين خلف خلاف بي منافعم .. ويعمل لينا راكوبة ومزيرة وبيت جداد ..
شكرا لكم جميعا ..
Post: #38 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمر الفاروق Date: 06-16-2008, 06:32 AM Parent: #1
غايتو يا عمران حكاية جدّيتك في الرحول دي ماااااا مريحاني شديد .. إنتو يا الشوايقة ماااا بتسوو حاجة سااااي كده لله في لله .. ذكرتني الشايقي الأدوهو بيت في الجنة باعوا ومشى إشترى بيتين في النار أسة إنت بتكون ماشي الملز ماااااا عشان القرب والحنك البيش ده .. إعترف يا عمرااااان ..إعترف .. تخريمة : اها موضوع الكباية عملتوا لينا فيهو شنو ؟ في أمل تجينا راجعة ولا ننسى موضوع الشاي ده ؟ البوست ده انا حا احتل فيهو حتلان لحدي ما كبايتنا ترجع لينا وانا متفائل جداً إنو الكباية ترجع قبل ما انت تلم في الشقة ..
Post: #39 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 06:39 AM Parent: #38
يا بتــــــــاع الكباية ...
Post: #43 Title: Re: الفزعة يا مواطني (سودانيز أون لاين ) بالرياض وما جاورها ........... Author: A.Razek Althalib Date: 06-16-2008, 06:53 AM Parent: #39
Quote: عبد الرازق ... حسع الجاب الكلام الفارغ الكتبتو
الفهم قسم.. والله يا تمبس ما فارغ إلا جمجمتكـ الكبيرة دي.. إنت حتفهم متين ..
ياخي عمران بيسأل عن سكن..
وأهلنا بيقولوا.. والجار قبل الدار..
ياخي ما تبطل السخف البتعمل فيهو ده..
هو جاء قال ليك دافع عني..
ما تبقى مأجور ساآآآي..
Post: #44 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 07:01 AM Parent: #43
ود الطالب ياخي مرة واحدة كدة قول ليكـ كلام فيهو (شِعِر) ولا إنشاء الله كلمة طيبة حتي للذي تحس بأنو(زعلكـ ) .. مش قالو عشان عين أكرم خرتمية .. ياخي اعتبرني عين واكرمني بي سكاتكـ ( بس لامن ألقى شقة ) .. بعدين بصراحة كدة (جيرة) المكاتل الحنين ما برفضه ... وكمان كان الله (هدى) تمبس ودخل حوش الأسر بسكن معاهو في البيت .. ياخي ده برنامج جاهز ... هو الواحد لاقي ليهو برنامج جاهز في بلد الأسمنت دي ..(التقول جارك حمزة بن عبد المطلب ) .. أبو رزقة أقول ليكـ حاجة : إستلم البوست وكان جاب ليهو نتيجة (شقة يعني ) أرسل لي رسالة ... . . لا حولاااااااااااااا ياخي ..(ملكـ القد والبري والهكر عديل كده )
Post: #50 Title: Re: الفزعة يا مواطني (سودانيز أون لاين ) بالرياض وما جاورها ........... Author: A.Razek Althalib Date: 06-16-2008, 07:24 AM Parent: #43
Quote:
Quote: اللهم أرحم موتانا الأحياء منهم والأموات وموتي المسلمين..
أعد .......
ربنا يتقبل منا صالح الأعمال..
Quote: والله تاني تجي تتحاوم لي بي هنا وما عندكـ موضوع إلا أشيل البوست ده من أساسو
تحركـ بالضغط على الأسهم.. أو أضغط على الصورة للتكبير..
وإنت جاي من البطحاء عند تقاطع شارع الضباب مع الوشم
ناصية على يدكـ اليسار مقابل مخابز يا مال الشام
الناصية الجنوبية الغربية..
الدور التالت.. تشطيب فخم ديلوكس..
تلاته غرف وحمامين ومجلس..
24,000 ريال إيجار سنوي قابل للزيادة حسب الإعلان..
بس ما تستعجل..
Post: #45 Title: Re: الفزعة يا مواطني (سودانيز أون لاين ) بالرياض وما جاورها ........... Author: عماد محمود علي Date: 06-16-2008, 07:01 AM Parent: #39
عمران يارااايق
أنا قلت النقوم نفزع لي أخونا عمران ده ونشوفوا مالو ، اها لقيت الموضوع بسيط جداً .. جنبنا الشقق فاااضية وقريبة كمان من شغلك بس لقيت الكلام ده :
Quote: ....( وبعدين أنا ما داير لي خدمة من المريخاب ديل )
أها قمت إتخارجته طواااااالي .
مودتي
عماد محمود
Post: #46 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 07:08 AM Parent: #45
مراحب بالعمدة الجميل ، صديق الكل ... طبعاً (كلامكـ ) الفوق ده كلام مريخاب سااااااااااااكت .. وحنكـ بيش .. والله العظيم إنت بالذات وحسب معرفة الجميع هنا جمل شيل وأخو أخوان ( شفت رمي الطعمية ده كيف ؟؟؟) بس ألحس كلامكـ الفوق ده
Quote: جنبنا الشقق فاااضية وقريبة كمان من شغلك بس لقيت الكلام ده : أها قمت إتخارجته طواااااالي
Post: #49 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 07:15 AM Parent: #46
بس رسالة يا من جاورهـــا ... قُراء الحوش ده من ناس الرياض (الكٌتار) ديل ... بلاهي تقول نحن في أم بده !!! بلاش (مسكين كول ) بلاهي عشان ما تحرجونا ... على الرقم :
0506408622
( هسي يجي الوغد دكين يقول (مٌُشركـ بيهو) ... ما تزعِل أم محمد يا وغد
Post: #47 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمر الفاروق Date: 06-16-2008, 07:14 AM Parent: #1
Quote: بالرياض وما جاورها
حفر العتش كيف معاك ؟ مربوع كاااامل مش شقة بي 7 الف .. اها نقول تم؟
Post: #51 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 07:25 AM Parent: #47
قادي عربي يا بتاع الكباية : الها راجعه لناس سودانيز (المتصفحين) يعني .. الجاورو ناس الحوش ديل .. شكلو الموضوع ده حا أخليهو ... مرارتي حا تروح في ستين ... حالتو لسه حميدة ما جاء ... ... ياخي أكتب فوق عديل كده بدل الإقتراحات الما بناءة دي ...
Post: #52 Title: Re: الفزعة يا مواطني (سودانيز أون لاين ) بالرياض وما جاورها ........... Author: tmbis Date: 06-16-2008, 07:33 AM Parent: #51
Quote: الفهم قسم.. والله يا تمبس ما فارغ إلا جمجمتكـ الكبيرة دي.. إنت حتفهم متين .. ياخي عمران بيسأل عن سكن.. وأهلنا بيقولوا.. والجار قبل الدار..
طبعا كونك دمك تقيل دي اصلو ما عايزه ليها درس عصـر .. لكن وجودك برضو مفيد في البوست دا .. لكن اي وجود ليك في اي حاجة تانية سوا ان كانت انسانية او اجتماعية او اي حاجة تانية اشك في انك ممكن تعمل فيها حاجة .. واحمد ربك اني ما بتعمد اشتم .. ولا عندي اعتراض على حكمة الخالق في مخاليقو .. كان ما كدا والله يا عبد الرازق كان تاني لما تتصفح الموقع دا تتأكد اني نايم واللا صاحي حتين تدخـل .. ارحم نفسك ياخ وارحم العباد..
Post: #53 Title: Re: الفزعة يا مواطني (سودانيز أون لاين ) بالرياض وما جاورها ........... Author: A.Razek Althalib Date: 06-16-2008, 08:14 AM Parent: #52
Quote: واحمد ربك اني ما بتعمد اشتم
ياخي ما تتسلبط ساي وتتلبس ليكـ قيم ما مقاسكـ.. فعلاً رأسكـ كبير وفاضي ساي.. هسعي الشتمكـ منو..؟ ياخي إسقاطاتكـ النفسية دي أجرى أعملها بعيد هناكـ..
Quote: كان ما كدا والله يا عبد الرازق كان تاني لما تتصفح الموقع دا تتأكد اني نايم واللا صاحي حتين تدخـل ..
لا حول ولا قوة إلا بالله.. خوفتني يا قرقور الموردة..
عليك الله.. برأسكـ الكبير ده زح كده ولا كده.. قيم إنسانية نبيلة بتاعة فنلتكـ الجاي قاشر بيها هنا..
بالله عليكم عاينو لجنس الوهم ده..
Post: #54 Title: Re: الفزعة يا مواطني (سودانيز أون لاين ) بالرياض وما جاورها ........... Author: tmbis Date: 06-16-2008, 08:34 AM Parent: #53
Quote: ياخي ما تتسلبط ساي وتتلبس ليكـ قيم ما مقاسكـ.. فعلاً رأسكـ كبير وفاضي ساي.. هسعي الشتمكـ منو..؟ ياخي إسقاطاتكـ النفسية دي أجرى أعملها بعيد هناكـ..
..
Quote: عليك الله.. برأسكـ الكبير ده زح كده ولا كده.. قيم إنسانية نبيلة بتاعة فنلتكـ الجاي قاشر بيها هنا.. بالله عليكم عاينو لجنس الوهم ده..
والله تعرف يا المفكر عبد الرازق الطالب .. إنت كونك ترد على دي يا تتحسب انك واحد من الناس القاعدين هنا في البوست دا وناس الرياض تحديدا .. دي اكبر شتيمة في تاريخ البشرية .. والشتيمة الا كبر اننا حسبناك زول زينا كدا وعاملناك معاملة البني آدمين وإنت بتطعن في الخلف وتسب وتتهم فينا وتتهم كل زول.. والمفاجأة الاكبر في دا كلو جاي تحاضر عن الاسقاطات النفسية .. والفنايل.. هوووي هـــا .. سامع هوووي هـا دي ..؟ ارعى بقيدك انا زول تنفيذي والخرمجة بتاعتك البتعمل فيها ليك فترة دي عارف كويس انو ما بتنفع معاي ولو لقيت ليك فرقه وبديت تتواقح معاي .. اعرف حدودك كويس يا عبد الرازق يا طـالب .. لانو الحساب لما نجي نتحاسبو .. بنتحاسب الحساب ولد وكل زول بياخد حقـو .. فهمت كلامي دا كويس ..؟؟
Post: #55 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 09:00 AM Parent: #54
نموذج " لفقع " المرارة ( ناس السكري والضغط يمتنعون)
Post: #56 Title: Re: الفزعة يا مواطني (سودانيز أون لاين ) بالرياض وما جاورها ........... Author: A.Razek Althalib Date: 06-16-2008, 09:12 AM Parent: #54
Quote: والله تعرف يا المفكر عبد الرازق الطالب .. إنت كونك ترد على دي يا تتحسب انك واحد من الناس القاعدين هنا في البوست دا وناس الرياض تحديدا .. دي اكبر شتيمة في تاريخ البشرية .. والشتيمة الا كبر اننا حسبناك زول زينا كدا وعاملناك معاملة البني آدمين وإنت بتطعن في الخلف وتسب وتتهم فينا وتتهم كل زول..
تعرف يا إستيف.. كونكـ إمعة وبتطعن في الخلف دي ما دايرة ليها درس عصر .. كونكـ شخص أهبل وبتنفذ في أجندة الصهاينة بكل وقاحتها وعايز تقشر بيها زي فنلتكـ بتاعت الحملة إياها الأبعد من القيم الإنسانية برضو ما دايرة ليها قوة إحتياطي مركزي من عينة إرسين لوبين عشان يشوفها.. إذا ما كنت عارف إنكـ خنجر مسموم ومغروز في خاصرتنا أعرف.. إنو حمية مناصرة حنين دي أصلاً ما نابعة إلا من الفراغ الروحي البتعيش فيهو..
Quote: والمفاجأة الاكبر في دا كلو جاي تحاضر عن الاسقاطات النفسية .. والفنايل.. هوووي هـــا .. سامع هوووي هـا دي ..؟
Quote: عموماً علماء النفس قالوا عن الشخصية الدونية إنها حين تثار لا تشير باللوم علي نفسها مؤشرة على نواحي تقصيرها.. لا بل تكابر وتبحث عن مؤثر خارجي.. يمكن ان يكون مناسبا ومبررا لنواحي تقصيرها.. يعني زي لاعب الكورة لامن يشوت ليهو كورة في الآوت.. بيضرب الكدارة على الأرض مبرراً أن الغلط من الكدارة وليس منه..
الله يعينكـ في تتمة الباقي بدون حسادة..
Quote: ارعى بقيدك انا زول تنفيذي
من الأمثلة الشائعة يا تمبس في بلدنا السودان المثل البيقول.. السواي ما حداث.. تهديدكـ ووعيدكـ أجري قوم بيهو سداري هناكـ بعيد مننا.. لأنو مسائل الشفتنة بتاعت هندبات شفوت صغار (الهوسا) البيربطو بيها طريق (البركة) لشفع المدارس المزوغين عشان يقلعو بيها منهم (تعريفة) الفطور قبل ما تبقى (شلن) ما بتآكل معانا عيش يا إستيف..
عشان كده بنقول ليكـ..
أكل هالوككـ بدودو يا أستيف..
Post: #57 Title: Re: الفزعة يا مواطني (سودانيز أون لاين ) بالرياض وما جاورها ........... Author: tmbis Date: 06-16-2008, 09:36 AM Parent: #56
Quote: تعرف يا إستيف.. كونكـ إمعة وبتطعن في الخلف دي ما دايرة ليها درس عصر .. كونكـ شخص أهبــل وبتنفذ في أجندة الصهاينة بكل وقاحتها وعايز تقشر بيها زي فنلتكـ بتاعت الحملة إياها الأبعد من القيم الإنسانية برضو ما دايرة ليها قوة إحتياطي مركزي من عينة إرسين لوبين عشان يشوفها.. إذا ما كنت عارف إنكـ خنجر مسموم ومغروز في خاصرتنا أعرف.. إنو حمية مناصرة حنين دي أصلاً ما نابعة إلا من الفراغ الروحي البتعيش فيهو..
.. تعرف يا المفكــر دجانقو .. في محلات بيع الزهور بتاعت البلاستيك ودي اظنك ما بتعرف مكانه بي وين .. في بببغاء بشتغل بي حجار البطارية .. بتصفر قدامو بصفر قدامك .. إنت الظاهر لي شكلك لقيت ليك ببغاء حجار في كوشة من كوش الرياض دي اثناء مرورك وجبت ليهو حجار بطارية وبدل ما تقول للببغاء .. الببغاء بقى يقول ليك ويصفر ليك .. وإنت تصفر بي وراهـو .. تعرف يا عبد الرازق طبعا حرام انو الواحد يشتمك ويرد ليك الشتيمة الفوق دي لانو الشتيمة الاخدتها هنا دي في البورد دا .. لو بتسمن كانت عملت ليك فاخوره .. لكــن بختك في العزلة العايش فيها دي مسالة انك تدخل وتسب اي زول من ناس الرياض الانت معزول عنهم كما مريض الجزام .. وللاسف الشديد انا وغيري يتعدو بالاصابع بالانساية الفينا دي بي خنجره بتاع الببغاء بتاعك دا للاسف الشديد خلقنا منك بني آدم وعملنا ليك .. وعملنا ليك وكل مرة كنا بنحاول نطلعك من العزلة المفروضة حولك من كونك شخص لا تستحق انك تكون مع اوضع واحد هنا في الرياض .. وكل مرة كنت بتخذلنـا .. وكل مرة موطي راسنا في الأرض .. ولا استغرب في اي محفل تجي فيهو ممكن يدوك بالبرطوش .. وبي دا كلو ح تلقانا نحن زاتنا القاعدين نتصدى لي قيحك دا وشتيمتك من طرف واتهاماتك .. بتلقانا نحن يانا .. لكن بعد كدا بتشوف ليك مليان شبكات كيف من الحشاشين .. بعدين تهديد شنو يا ابو خنجـر مسموم .. إنت عايز تصنع من نفسك بطل بالعافية .. والله واسمع والله دي كويس .. شفت زي نوعيتك دي بي النفسيات العندها وحقدها دا .. الواحد مفترض يأجر ليهو بتاع ليموزين باكستاني .. ويدفع ليهو خمسمية ريال ويربطك في محل الاستبنة ويطول ليك الحبل .. ويقول ليهو لف بيهو الرياض دي طول وعرض .. وعشيهو بي فول قلابة ووديهو اجدعو قدام البيت .. إنت فعلا يا عبد الرازق تستاهل الجلد في ميدان عام .. وقطع اللسان.
Post: #58 Title: Re: الفزعة يا مواطني (سودانيز أون لاين ) بالرياض وما جاورها ........... Author: tmbis Date: 06-16-2008, 10:17 AM Parent: #57
يا عمــران .. دبل سوري .. زي ما قلت ليك الواحد مرات كدا بتكون يف بوستات بيخاف يدخـل فيها .. لكن بتلقى نفسك غصبا عنك دخلت .. البوست .. سمح لكن طبعا دجــانقو عندو فهم خاص للسماحة حقتو دي .. بشوف بي نخرتو ما بي عينو .. وبيفهم يب نفس الفهم بتاع الحمار الشايل الصناديق المعلقة وشايلو وفرحان بيهو .. اعذرنـا يا ابو محمد .. إنو ادينا للوضيع دا قيمة في البوست دا .. لانو قاعد في النص زي الكلمة الشاذة ودا وضعو الطبيعي في الدنيا دي .. واعذرني مرة تانية لو بقيت سبب انو البوست دا ينحرف شويتين. لكن اهندي خياراتنا في الدنيا دي نسوي شنـو عليك الله ..؟ تكون همك فاضي الله يسلط ليك زي النوعية دي ويشبكوك كلام خارم بارم ما تعرف فوقو اي حاجة ..
واصل كفاحك واعتذراي للشباب الكانو داخلين معاي في نفس المود بتاع البوست دا ..
اما انت يا حاقد زي ما قلت ليك .. بعرف انظمك كويس
Post: #60 Title: Re: الفزعة يا مواطني (سودانيز أون لاين ) بالرياض وما جاورها ........... Author: A.Razek Althalib Date: 06-16-2008, 10:49 AM Parent: #58
Quote: اما انت يا حاقد زي ما قلت ليك ..
أبلغ تجسيد للشخصية الدونية يا صاحبي..
Quote: بعرف انظمك كويس
بتشبه بكلم ليكـ أخوي..
ياخي بتعرف بيتنا كويس زي جوع بطنكـ.. بدون ما أنزل ليكـ خريطة قوقل الفوقانية دي..
وحساب بتاع الليموزين طرفنا..
قصرنا معاكـ..
Post: #59 Title: Re: الفزعة يا مواطني (سودانيز أون لاين ) بالرياض وما جاورها ........... Author: A.Razek Althalib Date: 06-16-2008, 10:38 AM Parent: #57
Quote: بختك في العزلة العايش فيها دي مسالة انك تدخل وتسب اي زول من ناس الرياض الانت معزول عنهم كما مريض الجزام .. وللاسف الشديد انا وغيري يتعدو بالاصابع بالانساية الفينا دي بي خنجره بتاع الببغاء بتاعك دا للاسف الشديد خلقنا منك بني آدم وعملنا ليك .. وعملنا ليك وكل مرة كنا بنحاول نطلعك من العزلة المفروضة حولك من كونك شخص لا تستحق انك تكون مع اوضع واحد هنا في الرياض .. وكل مرة كنت بتخذلنـا .. وكل مرة موطي راسنا في الأرض .. ولا استغرب في اي محفل تجي فيهو ممكن يدوك بالبرطوش .. وبي دا كلو ح تلقانا نحن زاتنا القاعدين نتصدى لي قيحك دا وشتيمتك من طرف واتهاماتك .. بتلقانا نحن يانا ..
نرجسية فاقت حد التصور.. للأسف الشديد الرجال كالأرقام قيمتهم تتوقف عند مواضعهم.. لأسف طلعت كضاب ببغاوي كمان يا تمبس زيكـ زي أحمد حنين واحد.. على وزن البتشابهو بيطيروا.. وداير تتجمل تكمل ليهو الخياطة بالحرير.. قال خلقنا منكـ قال.. حاشاكـ لا بل غير.. موش ياها حالتكـ [الجزامية] ذاتها الخلت خالد المحرب ينجع منكم في حملتكم الميئوسة ولا حاجة تانية.. يا زول ده إنت طلعت زول أي كلام بعد ما الناس عرفت الجواكـ من كم عقد فارغة.. والله إذا وزعت على أهل الرياض لفاض زبدها.. لدرجة إنو هشام هباني يرقص فيكـ وبقيت فرجة للغاشي والماشي..
الله يحلها ليكـ..
نوعيتكـ دي بنخليها تنش بالسخلان.. تسرح في طرف القوز على بُعد مرمي بصرنا..
بعد ما نعلق ليهو شنطة دمورية في كتفو جواها رادي ناشونال قصير الموجة.. وأسبير حجر أفريدي.. وصُرة شاي وسكر في الجيب الخلفي..
وبنقول ليهو شيل برادكـ وأسرح يا بطل..
حاسب ليطق ليكـ عرق من الزعل..
Post: #61 Title: Re: الفزعة يا مواطني (سودانيز أون لاين ) بالرياض وما جاورها ........... Author: tmbis Date: 06-16-2008, 11:04 AM Parent: #59
Quote: نرجسية فاقت حد التصور.. للأسف الشديد الرجال كالأرقام قيمتهم تتوقف عند مواضعهم.. لأسف طلعت كضاب ببغاوي كمان يا تمبس زيكـ زي أحمد حنين واحد.. على وزن البتشابهو بيطيروا.. وداير تتجمل تكمل ليهو الخياطة بالحرير.. قال خلقنا منكـ قال..
تعرف يا دجانقو كان فهمت حاجة من الكاتبو دا يضربني الصاروخ ..
Quote: حاشاكـ لا بل غير.. موش ياها حالتكـ [الجزامية] ذاتها الخلت خالد المحرب ينجع منكم في حملتكم الميئوسة ولا حاجة تانية.. يا زول ده إنت طلعت زول أي كلام بعد ما الناس عرفت الجواكـ من كم عقد فارغة.. والله إذا وزعت على أهل الرياض لفاض زبدها.. لدرجة إنو هشام هباني يرقص فيكـ وبقيت فرجة للغاشي والماشي..
.. الليلة الفورة الف ومعاك الحد في خرمجتك دي .. عشان كمان المسالة جابت ليها قلة ادب زيادة عن اللزوم .. والظاهر لي العزلة العايش فيها دي كترت ليك من الوهم الفي راسك وبقيت تتمادى .. يللا بلاي اديني من العقد العندك لشخصي .. يعني مثلا: 1- عقدة 2- اتنين عقدة .. إلخ .. بعدين خالد المحــرب الجابو شنو هنا دا .. ؟ علاقتو شنـو بالحاصل دا ..؟ لحدي الآن انا بتناقش معاك .. جبت لي ناس ما لي علاقة بالكلام البكتب فيهو دا .. أحمد حنين .. علاء حيمورة ..واخيرا خالد المحـرب .. انا القدامك دا خليك مركز معاي .. بعدين انت عارف شنو عن حملة دارفور .. وكت انت ناقد فني كدا وسياسي .. مالك ما جيت قلت كلامك دا والله كان تنطرد زي الجا مسك المكرفون وقال يا جلابة داك .. والله احتمال كمان ينادو ليك الشرطة تستلمك وداقين ليك قيد .. دا طبعا ما باي تهمة .. دا علشان حفاظا على كوم اللحم الباقي منك .. بقيت فرجة للغاشي والماشي دي سمحة .. عجبتني يا دجانقو امير المجاهدين .. لكن انت قايل نفسك شفت ليك فرجة .. اديها صنة يا معزول .. طالما بقيت تقل في ادبك .. بنوريك الرفاهية كيفنها يا عبد الرازق الطالب ..
Quote: الله يحلها ليكـ..
شنو دي ..؟ عايز تعرس لي كمان واكون ما عارف ..؟ واللا يحل لي شنو يا بائس ..؟
Quote: نوعيتكـ دي بنخليها تنش بالسخلان.. تسرح في طرف القوز على بُعد مرمي بصرنا.. بعد ما نعلق ليهو شنطة دمورية في كتفو جواها رادي ناشونال قصير الموجة.. وأسبير حجر أفريدي.. وصُرة شاي وسكر في الجيب الخلفي.. وبنقول ليهو شيل برادكـ وأسرح يا بطل.. حاسب ليطق ليكـ عرق من الزعل..
.. تعرف العاجبني شنو فيك ..؟ متغمص شخصية السيد والرعية .. والله يا عبد الرازق زمان لما كنت صغير كان عندي كلب .. الكلب دا من سلالة نادرة .. نادرة جدا كنت بمشي اجيب ليهو اللحمة من السوق تتسلق ليهو ومعاها شوية ملح .. بتربط بالنهار وبفكو بالليل في الحوش .. كان زوقو عالي جدا .. بيسمع لي (فاجنــر) وبول موريه .. الكلب دا يا سيدي يوم طلع الشارع بالصدفة .. جا راجع مزعـور .. كان عرفت السبب شنـو .. بعد كدا ح اعمل بي نصيحتك دي علشان ما يطق لي عرق .. قلت لي يسرحو بالرادي وشنطة الدمورية .. وكمان في كتفــو ..؟ اهـــا والوكت داك بتكونو وين إنتو .. اوعــه تكونو مصيفين في القصر بتاعكم الفي الشانزليزيه ..؟
تعرف يا عبد الارازق اتفه حاجة انا ندمان عليها شنـو..؟ انو برغم التحذير من التعامل مع مثلك .. كنت بديك قيمتك كبني آدم .. كنت لما اجي اسلم عليك وانا قاعد كنت بقيف ليك على طولي زيك وزي اي بشر .. لما تجي البيت بقوم ليك من السرير وانا مرات بكون واقف حيلي يا قعدت في اي حتة .. ما اظنك لاحظته لي الحاجات دي لانو نوعيتك دي ما بتعرف ليها .. لكن اكتشفت انـو في نوعية كدا ما تخليها تجي ماشه بي جمبك .. لانو تعرف يا عبد الرازق زي نوعيتك دي لما تجي تسلم علي مفترض الواحد يكون بارك على ركبو .. وبيحبى وينجر بالواطـه ..
معليش للتعليق الفوق دا ما تضايق منو دا الوضع الطبيعي يا عبد الرازق المفترض تتعامل بيهو لكن.. شكلك كدا الانوار الكتيرة والكمبيوتر القاعد قدامك دا .. خلاك تزغلل شوية .. وتقول اي كلام لي اي زول وتقفل الكمبيوتر وتمشي تتغدى وتنوم.
Quote: تعرف يا دجانقو كان فهمت حاجة من الكاتبو دا يضربني الصاروخ ..
خلاص قامت ليكـ الحالة سطاشر..؟ عموماً؛ الحمد لله نحن بنعتبركـ بني آدم وبنمد أيادينا نسلم عليكـ زي بقية الخلق..
Quote: لحدي الآن انا بتناقش معاك .. جبت لي ناس ما لي علاقة بالكلام البكتب فيهو دا .. أحمد حنين .. علاء حيمورة ..واخيرا خالد المحـرب .. انا القدامك دا خليك مركز معاي ..
يا إرسين لوبين..
إنت قاعد بتنسى إنو متلبس ليكـ روح قطيع ولا شنو..؟ ياخي ديل موش ياهم ذاتم ناس لجنتكم العشرينية بتاعت حملتكـم الكونتو بيها علاقاتكـم النبيلة والإنسانية ولا حاجة تانية..
ما تقعد تنطط زي الأرنب البري المجلينو بسفروكـ.. وتتسلبط ساآآآي.. تقوم تفوت من الخلعة.. حكاية إنكـ عامل فيها عبيط وما عارف خالد المحرب.. يا غشيم.. زي حكاية مكابرتكـ للفضيحة المصاحبة للحملة الصهيونية.. بدون جهد عقلي يذكر..
يا باشا لأن تفكر فيما يحتاجه الناس أولاً ثم تجهد نفسكـ في إختراعه أمر محمود.. لكن يجيكـ سيناريو جاهز عشان تنزلوا أرض الواقع.. بدون ما تتمعن مقاصدو شنو..
شيء بيختكـ في خانة اليكـ تحت النني.. أو مثل المغفل نافع كما ذكرناها ليكـ في نفس البوست الإنت عارفو زي جوع بطنكـ..
Quote: يا باشا لأن تكفر فيما يحتاج الناس أولاً ثم تجهد نفسكـ في إختراعه أمر محمود.. لكن يجيكـ سيناريو جاهز عشان تنزلوا أرض الواقع.. بدون ما تتمعن مقاصدو شنو.. شيء بيختكـ في خانة اليكـ تحت النني.. أو مثل المغفل نافع كما ذكرناها ليكـ في نفس البوست الإنت عارفو زي جوع بطنكـ..
.. والله الفوق دا برضو ما فهمتو يا دجانقو.. إنت بتكتب بي ياتو مداد ؟؟ خانة يك شنـو ..؟ ونني شنـو يا سيد الناس .. يا بتاع الراديوهات انت ..؟
Quote: ما تقعد تنطط زي الأرنب البري المجلينو بسفروكـ..
... كلامك بتاع الارنب والسفروك دا وتنطط ويهود وفلاشا وبتاع دا ما بياكلنا نحن .. انا كلامي واضح معاك .. وكلامك الفارغ البتقول فيهو دا وعامل فيها الود بتاع مباحث .. تعال في اقرب فرصة للجنة العشرينية دي .. وتعال قل ادبك هناك .. شوف البيحصل ليك شنـو يا مقطع .. إنت كان فيك بركة وفايده كان جيت شتمت الناس واتهمتهم بالسرقة وهم بيقطعوا من لحمم وبيدفعوا من جيوبهم .. بتشبه لي بعض الثوار هنا دا .. الواحد فيهم لا عايز يرحم لا يخلي رحمة الله تنزل .. اها بقوله ليك حسع دي لو بقيت من الرجــال البتقيف .. جهز نفسك .. واللبس ليك لبس علشان تقابل بيهو الناس وتعال عندنا قريبات دي احتفال كبير جدا بيهمنا نوعيتك دي تجينا إنت والجا قال يا جلابـة داك .. جهز نفسك وتعال طول لسانك هناك وجيب اتهاماتك دي وما عندك مشكلة بنديك المكرفون زي المرة الفاتت علشان تمتع نفسك ..
Quote: يا باشا لأن تكفر فيما يحتاج الناس أولاً ثم تجهد نفسكـ في إختراعه أمر محمود.. لكن يجيكـ سيناريو جاهز عشان تنزلوا أرض الواقع.. بدون ما تتمعن مقاصدو شنو.. شيء بيختكـ في خانة اليكـ تحت النني.. أو مثل المغفل نافع كما ذكرناها ليكـ في نفس البوست الإنت عارفو زي جوع بطنكـ.. أركز وركز وشوف إنت قاعد بتقول في شنو..؟
.. اسمع عندك زول بيقدر يفهمني كلامك دا ..؟؟ وحات الله .. والله ما فاهم .. والله ما فاهم يا دجانقو..
Quote: يا باشا لأن تفكر فيما يحتاجه الناس أولاً ثم تجهد نفسكـ في إختراعه أمر محمود.. لكن يجيكـ سيناريو جاهز عشان تنزلوا أرض الواقع.. بدون ما تتمعن مقاصدو شنو..
شيء بيختكـ في خانة اليكـ تحت النني..
Quote: وحات الله .. والله ما فاهم .. والله ما فاهم يا دجانقو..
برضو الفهم قسم.. أصلاً: ما غلطان الواحد لامن وصفكـ بالفراغ.. عموماً.. باكر بنجي نشرح ليكـ..
وبنختها ليكـ واضحة زي إنفعالاتنا الجاتكـ كتاحتها على الهواء مباشرة.. تحمل درشنا وما تستعبط..
وعامل فيها جايب الديب من ديلو..
- .. ليلة هانئة بدون كوابيس مزعجة.. على ذكرى المحرب..
Quote: وبنختها ليكـ واضحة زي إنفعالاتنا الجاتكـ كتاحتها على الهواء مباشرة.. تحمل درشنا وما تستعبط.. وعامل فيها جايب الديب من ديلو.. - .. ليلة هانئة بدون كوابيس مزعجة.. على ذكرى المحرب.. نوم وأتغطي كويس..
.. دجانقو .. وين ماشي لسه بدري .. لسه بدري يا بتاع الانفعالات .. والله تعرف لو المحـرب وحنين ديل فتحو فيك بلاغ اشانة سمعة .. ما تلقى البدفع ليك خمسين ريال كفالة لانو اصلو ما عندك وجيع ومرمي الله اصلو ما بترفع .. ونحن غلطانين الحاولنا نرفعك ونبقيك زول لكن الكلب احسن منك على الاقل الكلب ما بعضي سيدو إلا لما يسعر ويفقد الكنترول .. وإنت فاقد الكنترول وبتعضي من طرف وكان ما لقيت ليك حته تعضي فيها تقعد تهوهو كدا دا .. وفي النهاية تعضي نفسك .. لكن عشان ما تضر نفسك يا بتاع الرادي الدمورية خلينا نقلع ليك سنونك دي .. الهوهووه مقدور عليها .. لما تجي المرة الجاية جيب معاك صرة الهدوم حقتك .. علشان نوديها ليك الغسال يا جربـان .. واقع في الناس شتيمة واتهامات من طرف والناس ساكته ليك قايل نفسك منو إنت ..؟
Post: #66 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 01:39 PM Parent: #65
يا أبو اللوووووووووووووول إزيكـ بس عشان خاطر بوستيكـ داكـ الفيهو معتصم دفع الله بشبه منو كده ما عارف وأنا بشبه عقد الجلاد .. بس عليكـ الله شوف لينا بتاع الكباية الفوق ده بشبه منو ... ... إنت طبعاً شاطر في دقة الملاحيظ وكده .. أنا البوست ده خلاص (قلبته) خِلَقتوا والشقة خليناها ... (الشقة الجابت لينا النضمي دي ) شوف لي طريقة يا لؤي في (داماكـ) أو إنشاء الله (أرامكو) بس في الدمام فقط ... أنا عندي وش (خجلان) ركبتوا هنا وبعتذر بيهو لي ناس الرياض (الما مسجلين معانا هنا واتصلوا علي ) .. الله يديهم العافية وبقطعه في مصاريني ... . . يارب ما أكون نسيت شولة ولا ضمة يجي أبو اللول يهريني بيها هنا ...
Post: #67 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 02:21 PM Parent: #66
إهــــــداء إلى ود الطالب ( وش إسفيري ) ...
في فقع المرارة الفوووق داكـ سأل (الفاقع) (المفقوع) إنت من النوكياب .... وبعدين شرح ليهو ... أها يا الأخو بإعتباري (المفقوع) وأنت (الفاقع) أشرح ليكـ التركتر الفوق ده .... يعني : اللجنة العشرينية وعيال دارفور وتمبس وشقة عمران كلها من نواقض الوضوء ...
Post: #68 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-16-2008, 02:37 PM Parent: #67
وكمان إهداء إلى تمبس " وش إسفيري تاني "
إنت لمتين حا (تحلم) ... أشرح ولا ما في داعي ... إنت بس قول أشرح . . . . . . . . . . . . . . . شوفني كان شرحت ليكـ .....
.. يازول انا الايامات دي ما بقبل اي كلام كتير .. شرحك دا خليهو معاك .. الدنيا آخـر شهر .. الكاركتير الفوق دا مشروح وشارح نفسو بالتالي .. ما تعذب (حالك) .. عندك البنكنوت دا مرحبتين .. ما عندك عليك الله ما تملانا فقر وكلام كتير ..
بالمناسبة: ما تشبكني بحول ليك بالبنك يا بكتب ليك شيك .. اصلو اليومين دي قالو البلزك ما برميك .. وكان لزوك ووقعته بتقع علي (جيبـك)
Post: #75 Title: Re: الفزعة يا مواطني (سودانيز أون لاين ) بالرياض وما جاورها ........... Author: عمران حسن صالح Date: 06-22-2008, 01:56 PM Parent: #74
Quote: بالمناسبة: ما تشبكني بحول ليك بالبنك يا بكتب ليك شيك .. اصلو اليومين دي قالو البلزك ما برميك .. وكان لزوك ووقعته بتقع علي (جيبـك)
يا عين يا (عنيَة) ... يا كافرة يا (نصرانية) .. العود الـ (يلحق) جيبكـ (أمَات بلة) ...
