|
الصرخة الاولى.باركوا لى..
|
اول صرخة كانت يوم 7 يونيو ..
الساعه 4 صباحا.
بعد حبوبتى ركبت القطر الساعة12 منتصف الليل. ورجعت لوليداتها.
انا والغتاته الكاتلانى من اليوم داك .
جيت طالعه للدنيا ام بناية قش دى.
|
|
|
|
|
|
|
|
Re: الصرخة الاولى.باركوا لى.. (Re: Sabah Hussein)
|
على فكرة عندى حاجه تانيه تستحق المباركه.
عندى ضرس فى اخر الخشم بيوجعنى.
صاحبتى قالت دا ضرس العقل داير يقوم.
يعنى ح اعقل يوهوووو.
بس انا خايفة يكون قام زمان وما لقى فايدة .
عايز يتخارج. والله يكضب الشينه.
| |
|
|
|
|
|
|
Re: الصرخة الاولى.باركوا لى.. (Re: حيدر حسن ميرغني)
|
يسعد ايامك ياحيدر.
انت عارف ياحيدر الليله اول مرة اتزكر انى اتولدتا.
وانت اول زول يقول لى عيد ميلاد سعيد.
ماعندنا فى عرفنا احتفال بعيد ميلاد ولايحزنون.
بس بجيبونا والسلام.
لكن قلتا مدام الكاشف اخوى( سلمى الشيخ) عملت عيد ميلاد هنا .
انا كمان اعمل وماحدش حوش.
بس ما ببقى عويره زيها واقول عيد ميلادى الكم.
| |
|
|
|
|
|
|
Re: الصرخة الاولى.باركوا لى.. (Re: حمزاوي)
|
Quote: اصالة عن صديق الموج ونيابة عن نفسي |
.
حمزاوى ياخوى دى بى كم عبار على قول بريمه
بالليل ماتكتب.ثمح.
Quote: نهنئكم ونقول لكم مبروك وعقبال 99 شمعة
|
.
البخل ليك شنو ما تتمها100شمعه.
بعدين صديق الموج مشى وين ؟ انت بتتأصل عنو.
| |
|
|
|
|
|
|
Re: الصرخة الاولى.باركوا لى.. (Re: tayseer alnworani)
|
Quote: بما اننا دفعة انا عارفة طبعا العمر ارشينى عشان ما اتكلم . |
.
تيثير يانورانى احثن تبطلى الابتزاز .
اختك فى وش السوق.
بعدين انا لمن كنت بشوفك فى الجامعه بتلعلعى فى الاركان ياتيثير .
انا كنت برلومه فى جمال عبد الناثر.
عليك الله اخبار عشه حسين ؟ والتجانى حسين الطويل الصغير. وجميلة محمد على.
اموت واعرف اخبارهم . بالماثنجر.
عشان اديك العربيه الثولارا.
| |
|
|
|
|
|
|
Re: الصرخة الاولى.باركوا لى.. (Re: عزاز شامي)
|
صبوحة والله قريت الصرخة الاولي وباركوا لي قلت صباح اختي دي ولدت وبعدين يا حلوة يا تقولي عمرك كم يا مافي داعي لعيد الميلاد ده من اصلو عندك خيارات يا تديني الصرفة الاولي للصندوق بتاعنا داك يا تقولي لي عمرك الحقيقي كم ؟؟؟ عالم جبانات بشكل ما تقولي عمرك كم يعني حاتموتي
خلاص لقيت ليك حل نهائي
نزلي صورتك هنا ونحنا نحكم عمرك كم ؟؟؟
لاحظي لحدي هسع ما قلت ليك كل سنة وانتي طيبة
آل رماني تاح آل !!!
| |
|
|
|
|
|
|
Re: الصرخة الاولى.باركوا لى.. (Re: هاشم أحمد خلف الله)
|
Quote: صبوحة والله قريت الصرخة الاولي وباركوا لي قلت صباح اختي دي ولدت |
.
تولد البنط ياهاشم انا عامله حملة الدفتردار عشان اعرس .تقول اختى ولدت.
عايز تطفش العريس ياحاقد.
Quote: وبعدين يا حلوة يا تقولي عمرك كم يا مافي داعي لعيد الميلاد ده من اصلو
|
.
بعدين ياخى انت بتزرزرنى ليه يعنى؟ انا عملت ليك شنو؟
ياخى انا حسع زرزرتك فى شنبك دا وقلت ليك عمرو كم سنه؟
عالم زرزار.
Quote: عندك خيارات يا تديني الصرفة الاولي للصندوق بتاعنا داك يا تقولي لي عمرك الحقيقي كم ؟؟؟ |
. اديتك الصندوق كلو وماتدفع ولا مليم احمر. بس ماتجيب سيرة البحر دا تانى.
Quote: عالم جبانات بشكل ما تقولي عمرك كم يعني حاتموتي
|
.
فى الحقيقة انا بتشاوم من قولة العمر دى. اصلو عندنا جارنا طوالى بقول هو عمرو كم.وبيسأل الناس
برضو من عمرهم.قام مات.
Quote: نزلي صورتك هنا ونحنا نحكم عمرك كم ؟؟؟.
لي لى لك. عشان تسحرونى.
|
.
Quote: آل رماني تاح آل !!! |
.
رمانى منو دى.انا بتك ياحسين .البرمينى امو لسع ماولدتو.
واحسن تقول كل سنه وانا طيبه والسنه الجايه (رغم انها بعيده) عروس.
| |
|
|
|
|
|
|
Re: الصرخة الاولى.باركوا لى.. (Re: motaz)
|
اولن شى كل سنه وانتى طيبة تانين شى انا قدرك ولا لحم سدرك ؟ ياخلق ما تلموا اهاليكم وبعدين يا سجم ما قلتى لى ليه ؟ ما كنا بنتكلم (فوق )التلفون الله يديك الصحة والعافية كان هسى يا يمة (كسبت اللوترى ) وجييتك بالطيارة حقتى وديك يا الحفلة (بمايكل المغربى ) ويايمة ليك كنت حاعزمك فى الجزيرة حقتى
اوعك تانى تجيبى لى سيرة اللوترى دا بكتلك كل لحظة وانتى طيبة محبتى
| |
|
|
|
|
|
|
Re: الصرخة الاولى.باركوا لى.. (Re: Biraima M Adam)
|
ايييييييييك والله صحي السنين بتجري والناس ماماخده باله معقوله وصلتي الست وستين بالسرعه دي والبشوفك يقول قدر خالتي دومه في التلتينات
تعرفي عندنا شحنه بتاعت ورد كنا عايزين نبيعه لكن مادام جات مع عيد ميلادك ما خساره فيك
Quote: وما تحتفلي بعيد ميلادك الا واولدنا مدروشين في جامعة الخرطوم؟؟
|
الماكلين ليها شنو والحمار ضنبو مقطوع
غايتو ياتراجي والله كتلتيني بالضحك تاني ياصباح لو شربتي مويه تقول ليك شاربه ليه وناس ال........الخ
كل سنه وانتن طيبات
| |
|
|
|
|
|
|
Re: الصرخة الاولى.باركوا لى.. (Re: Tragie Mustafa)
|
Quote: عيني جايه تتحنكشي على آخر عمرك؟؟؟ وما تحتفلي بعيد ميلادك الا واولدنا مدروشين في جامعة الخرطوم؟؟
|
.
اها جاتنى تراجى تخصص نكد وعكننة.يعنى الواحد مرة واحدة كدا بالغلط مايطلع من علبو معاك.
بس قاعدة لى للدرش فى خلق الله.
Quote: كدي اظهري وانكربي معنا محتاجين لجهودك بهنك |
.
معليش ياتراجى انتى عارفة البير وغطاها . ماعندى مؤهلات للكرب.
ياخى وانتى طيبه ويخليى ليك وليداتك طيبين يارب.
ولو فكرتى تعرسى زى يديك ود الحلال. اليحميك المنبر يارب.
| |
|
|
|
|
|
|
Re: الصرخة الاولى.باركوا لى.. (Re: حواء سليمان ابراهيم)
|
Quote: و كل سنة وانتى اجمل صبوحة
|
.
ياسلام عليك ياحواء كلك زوق. ووردك حلو.
بس شوفى العالم المايتسماش .
اقول ليهم اول مرة احتفل بدل ما يرفعوا معنوياتى جايين يحبطوها.
الله يخليك لى السنه الجايه برسل ليك دعوه خاصه. بس ماتجيبى سيره للعالم المحبط دا.
| |
|
|
|
|
|
|
Re: الصرخة الاولى.باركوا لى.. (Re: سلمى الشيخ سلامة)
|
Quote: اولن شى كل سنه وانتى طيبة |
.
وانتى طيبه يختى.
Quote: انا قدرك ولا لحم سدرك ؟ ياخلق ما تلموا اهاليكم
|
.
الردحى لزومو شنو يختى. حرم لوكسبتى اللوترى تعريفه مانى دايرها منك.
Quote: ما كنا بنتكلم (فوق )التلفون الله يديك الصحة والعافية كان هسى يا يمة (كسبت اللوترى ) وجييتك بالطيارة حقتى وديك يا الحفلة (بمايكل المغربى ) ويايمة ليك كنت حاعزمك فى الجزيرة حقتى |
.
الموضوع دا خلاهو لى يوم اكشف حالك.
بس بعد يفصلونى من الشغل دا. واكون فاضيه ليك.
مشتاقين ياعسل .
يمكن نجيكم فى شلعوها فى الاجازه.
| |
|
|
|
|
|
|
Re: الصرخة الاولى.باركوا لى.. (Re: Sabah Hussein)
|
العزيزة صباح كل سنة وانتي طيبة
هديتك قاعدة بس ما عندي العنوان ارسلها ليك كيف ؟؟
بالله انتي يا دوب داير يقوم ليك ضرس العقل لا حول الله تراك صغيرونة لسع بدري اسعدي بحياتك انا غايتو الحالة دي مرت بي قولي كدي وانا حامل بولدي الاول اللي ما شاء الله حسع نازل اولى ثانوي افتكر بتعرفي تحسبي كويس يعني بعد كدة الزول براحة ممكن يقول ليك الابنة صباح مش؟
كل سنة وانتي طيبة ماما صفية
| |
|
|
|
|
|
|
Re: الصرخة الاولى.باركوا لى.. (Re: أحمد الشايقي)
|
Quote: سنه حلوة يا جمييييييل
كل عام والورد الأحمر قاني وأنضـر
والدنيا حلوة بوجودك يا صبوحـة
هابي بيرث داي تووو يووووووو
أحمــد |
.
حيلك شويه ياخوى. دا الكلام البجنن بوبى.( بوبى اسم الدلع بتاع الكلب الصغيرون.)
| |
|
|
|
|
|
|
Re: الصرخة الاولى.باركوا لى.. (Re: Safia Mohamed)
|
Quote: هديتك قاعدة بس ما عندي العنوان ارسلها ليك كيف ؟؟
|
.
صفصف بطلى الحركات الارعا دى ورسلى الهديه.
Quote: بالله انتي يا دوب داير يقوم ليك ضرس العقل لا حول الله تراك صغيرونة لسع بدري اسعدي بحياتك انا غايتو الحالة دي مرت بي قولي كدي وانا حامل بولدي الاول اللي ما شاء الله حسع نازل اولى ثانوي افتكر بتعرفي تحسبي كويس يعني بعد كدة الزول براحة ممكن يقول ليك الابنة صباح مش؟ |
.
راكبا من محطة كم ياصفصف.حرم بتى اكبر من ولدك.بس خلى الكلام دا فى سرك .مايسمعوهو الجكاسى.
| |
|
|
|
|
|
|
Re: الصرخة الاولى.باركوا لى.. (Re: emad altaib)
|
Quote: إشششششششكة .. ياود رواج
|
.
عماد ياخوى دى شكر ولا نبز .وحاتك طولتا من الراندوك.
بنادى ليك معاز حسن يورينى دا . كان ماجيت.
Quote: قلت لي الصرخة .... الأولي ؟!
|
. يعنى انت ما صرختا .ولا جيت تتكشم من يومك.
| |
|
|
|
|
|
|
Re: الصرخة الاولى.باركوا لى.. (Re: Sabah Hussein)
|
Quote: عماد ياخوى دى شكر ولا نبز |
صباح والصباح الفي عيونك ياأختي أنا ما بعرف النبز ولا الأذية والأسية والحمد لله القلب فيه حب وتصافي بيكره الجفا والرزية وحاااات الله جيت أبارك ليك بكل سجية وشايل في يدي زهرة هدية , وكان قليله روحي تفديك وتفدي ألف قضية
Quote: وحاتك طولتا من الراندوك |
ما تحتاج كثير من الراندوك دا هي ذي كلمة عييييك بمعني إنك اول مرة تعلني دي صرختك الاولي وبكل جدية ..بس دا,كل الكلمة ولو عارفها .. بتفسد مباركتي ليك وما كان كتبتها ليك أبداً
Quote: بنادى ليك معاز حسن يورينى دا . كان ماجيت. |
معاذحسن سعيد بمعرفتي ليه معاكي هنا..طبعاً ما بشاكل اخواتي اللي زيك كدا , ولا بعرف أجيب ليهن (الكلام المعتد)..معاذ دا انا بعتبرو اخوي ما بقدر يشاكلني ولا انا بضربه , والله لا جاب المشاكل
ولحالي بجيك , البوست , ما بيقطعو ليه تذكره ولا مسافه بيقيسوها وكلو أن شاء الله في المحبة ,وحب الحياة لغيرنا
Quote: يعنى انت ما صرختا .ولا جيت تتكشم من يومك |
الله الله والله ما عارف كان صرخت ولا لآ ... المشكلة (الداية) ذااااتها الله يرحمها ماتت , وامي الله يديها العافيه والوكت داك ما متذكراني ذاتو ما أعتقد حصل تكشتم من غيرسبب لكن ليك الحق تزعلي , لانو ما بتعرفو الجوه النية شنو؟!
ـــ ثاني بقوليك مبروك ميلادك يا صباح وعقبال 100سنه والله يخليك لبنياتك ... وكان في العمر بقية السنه الجاية بفتحو ليك البوست ده
اديني خاطرك وخاطر معاذ حسن كمان وداعة امنه
(عدل بواسطة emad altaib on 06-14-2008, 04:31 AM) (عدل بواسطة emad altaib on 06-14-2008, 04:40 AM)
| |
|
|
|
|
|
|
Re: الصرخة الاولى.باركوا لى.. (Re: emad altaib)
|
Quote: صباح والصباح الفي عيونك ياأختي أنا ما بعرف النبز ولا الأذية والأسية والحمد لله القلب فيه حب وتصافي بيكره الجفا والرزية وحاااات الله جيت أبارك ليك بكل سجية وشايل في يدي زهرة هدية |
.
كر على ياعماد اخوى. دخلتنى فى اضافرينى بكلامك دا.
ماتبقى حساس كدا.كلو دردشة عندنا ودرش عند تراجى.
Quote: .Quote: روحي تفديك وتفدي ألف قضية
|
|
.
تسلم روححك ياود امى ويديك العافيه. ويديك افى مرادك انشاء الله.
Quote: معاذحسن سعيد بمعرفتي ليه معاكي هنا..طبعاً ما بشاكل اخواتي اللي زيك كدا , ولا بعرف أجيب ليهن (الكلام المعتد)..معاذ دا انا بعتبرو اخوي ما بقدر يشاكلني ولا انا بضربه , والله لا جاب المشاكل
|
.
معاز والشهادة لله راجل راجل طيب. وخفيف الظل ( شوفتا خفيف الظل دى كيف.).
ومابتاع مشاكل.
بس انا قولتا انخوفك بيهو. عشان ترجع.
Quote: ولحالي بجيك , البوست , ما بيقطعو ليه تذكره ولا مسافه بيقيسوها وكلو أن شاء الله في المحبة ,وحب الحياة لغيرنا
|
.
كسرت لى الدش فلى يدى ليه .كان عندى مزاج شكله معاك.
Quote: الله الله والله ما عارف كان صرخت ولا لآ ... المشكلة (الداية) ذااااتها الله يرحمها ماتت , وامي الله يديها العافيه والوكت داك ما متذكراني ذاتو ما أعتقد حصل تكشتم من غيرسبب لكن ليك الحق تزعلي , لانو ما بتعرفو الجوه النية شنو؟!
|
.
يازول هووى قالوا اى طفل بيصرخ اول ما يطلع.
دايتك الله يرحمها. والحاجه الله يديها العافيه. بس كان نقيت للحاجه بتوريتك ليهو.
.
بنياتك دى شنو ياخوى واحدة بس. داير تكبرنى مالك. وتطير العريس .اصلو طاير خلقه.
Quote: اديني خاطرك وخاطر معاذ حسن كمان
|
.
عافية ليك تب. عفويا يخضرك ويبطرك. وامسحا لى فى وشى.اتلومتا بالحيل معاك.
ادينى رضاك قدامى سفر.
| |
|
|
|
|
|
|
Re: الصرخة الاولى.باركوا لى.. (Re: haroon diyab)
|
تحركنا من حلوان الى مصر الجديدة نحمل هديتنا..وكرت مكتوب عليه الى العروسة الحلوة (لولا) عمك مسعود..وخالو منعم قضينا يوما جميلا..بصحبة عدد من الاصدقاء..كان احتفالا رائعا وهاهى والدتها البنت الشقية صباح كما كتب لى الصديق مبارك محمد عثمان بالامس تحتفل بعيدها (...)فقد تزاملنا بالجامعة كل سنة وانت(صبوحة)
| |
|
|
|
|
|
|
| |