|
Re: لندن، الأحد 8 يونيو: عاطف خيري – أمسية شعرية خاصة، بصحبة الصادق الرضي وحافظ خير (Re: Ahmed musa)
|
والحاضر يكلّم الغايب
كيفك يا فردة؟ يا حافظ ما تسمع كلام حسن الجزولي لما يقول ليك راجع المسنجر بقه بتاع حركات، والله يا حسن فتّشت مسنجر البورد، والهوتمل، والياهو، وجيبي ذاتو فتّشتو ما لقيت منّك رسالة، نتم الزرزرة دي معاك يوم الشعر إن بقينا حيين. مشتاقين يا شاب
--------- ملاسي... هالللو، ياخي ناس عاطف والصادق وحافظ ديل معانا مش مع الخيانة. إنت ما داير تجي اليو كي؟ يا زول إنتو ما قاعدين تكفتو في الشعوب السودانية الطيره دي عشرين سنة، كان كفتوكم مرّة واحدة ما تخلوا روحكم رياضية! بضحك أنا، عشان ما تعملو جد، لأنّك دائماً بتتضحك في الحاجات الجد. الضحك في الحاجات الجد حار، مش؟ إنت قبل كدا ما (اتغرضت) لمحاولة اغتيال من طلال عفيفي في صورة، بتتضحك بيها يعني على مواطن سوداني شريف بتكلم إنو تعرّض لإعاقة من التعذيب، ودخلوا ليه (قزازة) في عورته، أيهما أنكأ يا عديم الحياء!؟ بل الأنكأ -والأظرط- أن تزوره أنت في بيته وتسمع وترى بنفسك وتجي تتغرّض لمحاولة اغتيال، مش؟ أقول ليك يا زول!؟ أنا محسن خالد دا: (1) أدين (2) أشجب (3) أستنكر (4) أُندِّد ما حدث للتيجاني والناس المعاه. (5) وأرفض العنف بالمبدأ في الممارسة السياسية، وفي مجمل الوجود والحياة. وعليه فعُد إلى بوستي الذي يتحدّث عن (تظاهرة) سلمية و(مرخّصة) و(قانونية) في وجه (زمبار الشيطان) أمين حسن عمر و(الزول الدقّوهو دا). فدع عنك الأكاذيب يا دجّال! وألا دايرين تخوفو أي زول يدعو لعمل سياسي ضدكم كان راشد وألا كان غير راشد بالتهم الكاذبة!؟ يسمّكم! أنا براي ما خايف من أي زول ابن أنثى زيي كدا على وجه هذه البسيطة. عاطف والصادق وحافظ أولاد البروش، والجالوص، والفيتريتة أم جوع زيهم وزي أي سوداني نضيف، جوا زاروني هنا في بيتي دا.. بيّتوا بدون عشاء وناموا في الواطـة، ما جوا متسحسحين بقروش الشعوب السودانية، وأموال بترول دارفور، الطلعوا أهلها مرتزقة بعد ما طلع ليهم بترول! تصدّق!؟ الشباب الحلوين ديل في عينين القلب، بعدين ديل شعراء ما كُتّاب ليركس، وتشوف براك جمهورهم في لندن ببوسهم لاعن وين في خد المحبّة، تبوس الجير العاولة فيه العنكبوت.. يا مستهبل!
--- بشاشا يا صديقي العزيز، ما تقول ناسيك يا كمال قاعد أسوط ليك في سم كتابة عن الجلابة، وبجيبو ليك أحنطرك بيهو هنا. بعدين ياخي إنت بتفهم (سيناريو اليابسة) دا بقول شنو!؟ وألا (أقاصي شاشة الإصغاء) دا النضم فيه كيفنّو!؟ والله حكاية تتلّب في أي موضوع تسرّحو بذات المشط أبو سنّة واحدة دا، بقت تحش لينا رأسنا.. وماااا بتكوفتو. يا ديجانغو ما تفرز وتخلي الشتره بتاعتك دي.
| |
|
|
|
|
|
|
Re: لندن، الأحد 8 يونيو: عاطف خيري – أمسية شعرية خاصة، بصحبة الصادق الرضي وحافظ خير (Re: Ahmed musa)
|
{{يا حافظ ما تسمع كلام حسن الجزولي لما يقول ليك راجع المسنجر بقه بتاع حركات، والله يا حسن فتّشت مسنجر البورد، والهوتمل، والياهو، جيبي ذاتو فتّشتو ما لقيت منّك رسالة،}}
محسن أيها الخالد فينا!
طبعآ مش جيت متداخلآ بخصوص {حنبرة!..فروما لاتخصني في شئ ..أحرقها وتوكل}! فقط جيت أعلق علي تحريضك الفوق ده.. عشان أقول ليك كضبآ كاضب ..أمشي تاوق تاني لمسنجرك وبعد داك سنجر وريني الحاصل شنو!
وأما بخصوص الإيميل التاني الوصيت حافظ يراجعو, أها الحمدلله حافظ لقاهو ونقل الوصية!..بأمارة إنو ماإحتاج لتنبيهي إنو مالقاش حاجة!!..(فلا زرزرة ولا زرزار).. (ثم لاضرر ولا ضرار)!. وتحايا لفردة!
| |
|
|
|
|
|
|
|