|
|
|
 Re: دكتور خليل والكدمول .. هل من يعرف! .. (توجد صورة) (Re: Biraima M Adam)
|
من اقوال الحكيم المناضل الثوري خليل أبراهيم:
(الجيش السوداني هو الجيش الوحيد في العالم الذي يقتل شعبه وذلك منذ الاستقلال في العام 1956، لذلك نحن نسعى الى تحقيق سلام بين كل ابناء الشعب، وانا متفائل جدا، واول خطوة لتحقيق ذلك ان يذهب هذا النظام اذا رفض صيغة شاملة في ادارة الحكم على اسس ديمقراطية تعطي الحقوق لاهلها وتجعل من السودان وطناً لكل اهله.)
تحية له ولكل ثوار في كل بقاع السودان...
معا لاسقاط حكومة الدجالين واللصوص ...
معا لاسقاط حكومة ابناء البغاة...
الثورة حتى النصر
جوك بيونق
| |
 
|
|
|
|
|
|
|
 Re: دكتور خليل والكدمول .. هل من يعرف! .. (توجد صورة) (Re: JOK BIONG)
|
Quote: من اقوال الحكيم المناضل الثوري خليل أبراهيم:
(الجيش السوداني هو الجيش الوحيد في العالم الذي يقتل شعبه وذلك منذ الاستقلال في العام |
السيد بيونج
هل تقصد خليل الذي كان يقاتل مع الجيش السوداني الذي يقتل شعبه حتى وقت قريب
ام انك لا تعرف هذه المعلومة
اخوه عبد العزيز عشر مسئول المخابرات في الحركة
كان عسكريا في سلاح المدرعات ذلك الجيش الذي يقتل شعبه كما يقول حكيم زمانه
اها رايك شنو
| |
|
|
|
|
|
|
|
|
|
Re: دكتور خليل والكدمول .. هل من يعرف! .. (توجد صورة) (Re: JOK BIONG)
|
هو نفسه د/خليل ابراهيم امير المجاهدين فى حــــــــرب الجنوب ............يا اخى الكريم JOK BIONG
Quote: من اقوال الحكيم المناضل الثوري خليل أبراهيم:
(الجيش السوداني هو الجيش الوحيد في العالم الذي يقتل شعبه وذلك منذ الاستقلال في العام 1956، لذلك نحن نسعى الى تحقيق سلام بين كل ابناء الشعب، وانا متفائل جدا، واول خطوة لتحقيق ذلك ان يذهب هذا النظام اذا رفض صيغة شاملة في ادارة الحكم على اسس ديمقراطية تعطي الحقوق لاهلها وتجعل من السودان وطناً لكل اهله.)
|
غريبة امر الناس البتنسا سريع وسريع جدا
....................
| |
|
|
|
|
|
|
|
|
|
Re: دكتور خليل والكدمول .. هل من يعرف! .. (توجد صورة) (Re: Biraima M Adam)
|
| Quote: لماذا يرتدى د. خليل الكدمول .. هل له علاقة بالنضال أم هو زى زغاوى شعبى! |
اخي بريمة صباح الخير
حقيقي انت طرحت سؤال زكي ومهم للغاية
وتحليل هذا السؤال قد يؤدي الى نتائج مهمة من شأنها ان تسهم في حل قضية دار فور
لان يتعلق بتحليل الجانب النفسي لقيادات التمرد
حقيقي اناكنت ابحث عن هذا اجابة لهذا السؤال
واسئلة تدور في نفس الموضوع
هل سبق لخليل ابراهيم ان لبس هذا الكدمول قبل التمرد
هل لبسه حين كان وزيرا في دارفور وغيرها من الولايات
هل لبسه حين كان يقاتل مع القوات المسلحة في الجنوب
هل لبسه في المناسبات الرسمية في الخرطوم
وسؤال مهم لابناء دارفور في هذا المنبر هل هذه العمامة هي ذي شعبي ام هي لبس خمسة يرتديه المقاتلون
تحياتي بريمة ولي عودة للمحاولة للاجابة على هذه الاسئلة
| |
|
|
|
|
|
|
|
|
|
Re: دكتور خليل والكدمول .. هل من يعرف! .. (توجد صورة) (Re: Nasir Ahmed Elmustafa)
|
يا لكم من جهلة .... بريمة و هذا المدعو ناصر أحمد المصطفي ...
الكدمول ( العمامة ) هو لبس صحراوي يقي الرأس و الوجه من الحر و البرد و هبوب الصحراء و عواصف الرمل ...
هو لبس يلبسه من هم في تلك المناطق ( الطوارق مثلا )
أوكي ؟؟!!
طيب تعالوا يا جهلة .... و مادام ربطتوا الأشيائ بالوطنية و الشعب ( زي شعبي ) ...
نفس هذه العمامة كان يلبسها الجيش السوداني قبل الإستقلال و بعده بقليل ..
و كانت البرنيطة ( القبعة ) الإنجليزية هي لباس الرأس لكل القوات النظامية ( الجيش و البوليس و السجون ) ... و إستبدلت بالكاب و البريه ..
و حتي الآن لا يزال البشير و أبوريالة يلبسون البريه و الكاب ( لباس اوروبي ) كزي رسمي للجيش ( الذي يزعمون أنه قومي و سوداني ) .. و يرقصون به ..
و أنظر الي لباس الجيش ... من رأسه الي أخمص قدميه ( البوريه و القميص و البنطلون و الحذاء ) ... هل هذا زي سوداني أم زي أوروبي 100% ؟؟!!!
قال سودانيين قال
الضابط السوداني لابس رسمي ليس سوي ضابط مستعمرة أوربية ... شكلا و تدريبا ... و عقدا ...
أها .... اليس خليل هنا أكثر أصالة من أي واحد .... مزيف .... تقليد بليد ؟؟!!!
| |
|
|
|
|
|
|
|
|
|
Re: دكتور خليل والكدمول .. هل من يعرف! .. (توجد صورة) (Re: Biraima M Adam)
|
الاخوان بريمه وناصر لكم التحيه
هذا (الكدمول) يلبسه كل من يعيش في الصحراء...
يلبس لحمايه الجزء الاعلي من الجهاز التنفسي لان في الصراء بعض الحبيبات الرمليه الصغيرة الت تتطاير بفعل الرياح...
هذا(الكدمول) يلبسه ايضا العرب البدو الذين يعشون في الصحراء...
مافيه اي تحليل نفساني ولا تحليل اعصاب...
is just for protection nothing else
| |
|
|
|
|
|
|
|
|
|
Re: دكتور خليل والكدمول .. هل من يعرف! .. (توجد صورة) (Re: Biraima M Adam)
|
بريمة سلامات
وشكرا أخى سنوسى
Quote: الاخوان بريمه وناصر لكم التحيه
هذا (الكدمول) يلبسه كل من يعيش في الصحراء...
يلبس لحمايه الجزء الاعلي من الجهاز التنفسي لان في الصراء بعض الحبيبات الرمليه الصغيرة الت تتطاير بفعل الرياح...
هذا(الكدمول) يلبسه ايضا العرب البدو الذين يعشون في الصحراء...
مافيه اي تحليل نفساني ولا تحليل اعصاب...
is just for protection nothing else |
لو كان هنالك شىء فى نفس يعقوب نتمنى الا يعمينا من البديهات
وكما قيل "الغرض مرض".
بريمة ياأخوى انت داير تقول حركة خليل زغاوية كما يروج الانقاذيون
ومعروف قصدهم شنو, وهذا الكلام تجاوزه الواقع الان بكتير.
شوف ليك موضوع تانى ,المعركة دى ما معركتك.
قال تحليل عسكرى قال!
البركة فى خليل الخلى ناس بريمة من المرهاض
الى التحليل العسكرى 
| |
|
|
|
|
|
|
|
|
|
Re: دكتور خليل والكدمول .. هل من يعرف! .. (توجد صورة) (Re: Biraima M Adam)
|
Quote: هل سبق لخليل ابراهيم ان لبس هذا الكدمول قبل التمرد
هل لبسه حين كان وزيرا في دارفور وغيرها من الولايات
هل لبسه حين كان يقاتل مع القوات المسلحة في الجنوب
هل لبسه في المناسبات الرسمية في الخرطوم
وسؤال مهم لابناء دارفور في هذا المنبر هل هذه العمامة هي ذي شعبي ام هي لبس خمسة يرتديه المقاتلون |
اسئلة تحتاج الى اجابة فعلا
لان اجابتها تعنى الكثير جدا لمن لا يعرفون مجريات الامور فى دارفور
| |
|
|
|
|
|
|
|
|
|
Re: دكتور خليل والكدمول .. هل من يعرف! .. (توجد صورة) (Re: قرشـــو)
|
شكراً لكل المتداخلين .. ويبدو شخصى والأخ ناصر نبحثوا عن ذات الاسئلة ..
من جانبى لدى أهتمام أخر .. تطرق عليه بصورة فوقية الأخ محمد سليمان والأخ بدر هو أن الكدمول زى صحراوى .. لحماية الأنسان من حجير ورمال الصحراء ..
لكن بنفس المنطق لماذا لا يلبس كل سكان شمال شمال السودان، مثل الشمالية وشمال كردفان مثل هذا الكدمول ..
ثم لماذا الألوان بتلك الصورة .. وأرى فى أمكنة أخرى ألوان صفراء وأخرى بالأسود الداكن .. وأخرى مزركشه .. كل ذلك يؤكد إنه زى عكسرى أكثر من حماية صحراوية.
رأيكم شنو؟
بريمة
| |
|
|
|
|
|
|
|
|
|
Re: دكتور خليل والكدمول .. هل من يعرف! .. (توجد صورة) (Re: Biraima M Adam)
|
بعض جوانب لامستها ..
كأن تشاد تحاول تغزونا ثقافياً ..
وإذا قارنا ذلك بالطربوش المصرى .. فى زمن الخديوية نجد صلة ربط واضحه ..
أن الغزو العكسرى يحمل معه جينات ثقافية .. بالذات عندما يكون ذلك الغزو بنكهة فرنسية ..
فرنسا مشهورة بالغزو الثقافى .. ومن ثم الشعوب التى تدين لها مثل تشاد تسلك ذات المنحى.
لدى مساحة تصالح أن الكدمول زى زغاوى شعبى .. وبالتالى لا ضرر فيه لأن الزغاوة جزء أصيل من المكون السودانى.
بريمة
| |
|
|
|
|
|
|
|
|
|
Re: دكتور خليل والكدمول .. هل من يعرف! .. (توجد صورة) (Re: Biraima M Adam)
|
Quote: بريمة ياأخوى انت داير تقول حركة خليل زغاوية كما يروج الانقاذيون
ومعروف قصدهم شنو, وهذا الكلام تجاوزه الواقع الان بكتير.
شوف ليك موضوع تانى ,المعركة دى ما معركتك. |
حركة خليل مش زغاوية لانو الزغاوة زاتم بدو ينفضو منو ثلاثة اخوان من بيت واحد يسيطرو على الحركةخليل وجبريل وعشر
ولي علمكم كانو يتقلدون احسن الوظائف في الخرطوم خليل ذهب لدراسة الماجستير خارج السودان علي حساب الغلابة وكب الزوغة
| |
|
|
|
|
|
|
|
|
|
Re: دكتور خليل والكدمول .. هل من يعرف! .. (توجد صورة) (Re: Biraima M Adam)
|
والله يا سيف ضحكتني جدا بلاقتباس اعلاه...
قال حل لمشكة دارفور بالكدمول...
وبالمناسبه هاك دي...
قالوا في واحد لابس ليهو سكروته وعمه سمحه جدا...
مشي ليهو حفله واتاخر فيها ...و لامن جاي في الطريق لاقوه رباطه قلعو ليك هدومو كلها بالسروال التحتانى ...ما خلوا ليهو اي حاجة ينستر بيها غير طاقيه صغيرونه في راسه....
والرجل وصل الفريق (الحله) ولاقوه الناس آ زول مالك...
قال لهم لاقوني رباطيه وشالو ملابسي.. في واحد ساله قال والطاقيه مالها ما شالوها...قال ليهو دي كان شالوها الدم كان سال للركب...
زي صاحبك ده القال الكدمول ممكن يساعد في حل قضيه دارفور...
ناصر اخوي انت كنت بتقرأ الالغاز المغامرين الخمسه بتاعة ناس تختخ ولوزه ونوسة ومعاهم الشاويش فرقع ولا شنو...
قال كدمول قال..
| |
|
|
|
|
|
|
|
|
 Re: دكتور خليل والكدمول .. هل من يعرف! .. (توجد صورة) (Re: Elsanosi Badr)
|
| Quote: في واحد ساله قال والطاقيه مالها ما شالوها...قال ليهو دي كان شالوها الدم كان سال للركب... |
اها دحين يا السنوسي يا اخوي دكتور خليل كان اتعرف لابس الكدمول ده
ليه احتمال الدم يا يسيل جداول يا يقيف مرة واحدة..
انا غايتو اول مرة اعرف اسم المصيبة البيلبسوها ناس الصحراء ديل
و بالمناسبة ناس تختخ عندهم مغامرة اسمها الرجال الزرق احداثها
كانت مع الطوارق في الصحراء الكبرى
| |
|
|
|
|
|
|
|
|
|
Re: دكتور خليل والكدمول .. هل من يعرف! .. (توجد صورة) (Re: Elsanosi Badr)
|
بدر
سلامات ..
Quote: والله يا سيف انا كان عرفت انه الكدمول ده بيحل مشكلة دارفور...
كنت جبت واحد هنا فرتقته حته حته...
|
مازلت يا بدر أنت تصر على رؤية سطحية .. ناصر يرى الكدمول شيئ رمزى لأدبيات الثورة ..
وأنا أقول لك نفس الشيئ حصل بالنسبة للجنوب والزى الأفريقى ..
أنظر اليوم كل الفرق الموسيقية مثل الهيلاهوب .. ماذا يرتدون؟ ولماذا؟
فى جنوب كردفان رفض بعض النوبة لزوجاتهم لبس التوب ومنعوا لبس الجلابية وبدلاً عنهما يلبسون الزى الأفريقى ..
هذه أدبيات ثورة .. أنت الكدمول بتاعك أعمل العايز تعمل به .. لكن كدمول د. خليل سوف يحدد مصير قضية دارفور ..
شوف الزول المصرم دا تفتكر كل الصريمة دى على فاضى .. لكن اليوم الذى ينزع فيه خليل الكدمول سوف تكون المشكلة أنحلت ..
بريمة
| |
|
|
|
|
|
|
| |
Biraima M Adam
JOK BIONG
Nasir Ahmed Elmustafa
Mohamed Suleiman
Elsanosi Badr
قرشـــو
Balla Musa
Sabah Hussein
فيس بوك
تويتر
انستقرام
يوتيوب
بنتيريست