|
كتب الكاتب الفاتح جبرا المتوفرة بمعرض الدوحة
|
|
 Re: يخسى عليك يا خطاب مالو لو قلت انك بقيت ( جد ) (Re: الجندرية)
|
يا حبوبة اسيا وحبوبة سلمى
وحبوبة تماضر وحبوبة مريم
وجدو خطاب
كلنا حفيدنا مريود
النحكى ليك بت امى
جيت (البريك )
الضهر
التلفون كرررررررر رن
الو
ـ بت الشيخ ازيك
ـ خطاب حسن احمد ؟
ـ قلت اقول ليك انه بقيت جد
وحاتك الدموع عشرة عشرة
والف مبروك ما تديك الدرب
وطوالى تلفون لحافظ وسالى
وسالمناهو ابو مريود
وسالى كانت لسه ما صحت
والفرحة تتطاير من هنا لهناك فى مونترى
الف مبروك يا فرداتى كلكم
ومبروك الوليد وتشوف جناه وتسعد بيهو يا رب
| |
 
|
|
|
|
|
|
|
 Re: يخسى عليك يا خطاب مالو لو قلت انك بقيت ( جد ) (Re: اسيا ربيع)
|
عقبالك ، أمو الحنينة ، و ...
" ـ بت الشيخ ازيك
ـ خطاب حسن احمد ؟
ـ قلت اقول ليك انه بقيت جد
وحاتك الدموع عشرة عشرة
والف مبروك ما تديك الدرب
وطوالى تلفون لحافظ وسالى
وسالمناهو ابو مريود
وسالى كانت لسه ما صحت
والفرحة تتطاير من هنا لهناك فى مونترى
الف مبروك يا فرداتى كلكم
ومبروك الوليد وتشوف جناه وتسعد بيهو يا رب "
* آسيا ربيع ،
إزيك ،
ويا حليلك ، زمن طويل ما اتلاقينا .
شكراً على هذا الخبر الجميل .
والأجمل أن خطاب صار جداً
فهو خطاب جداً !!
* مليون مبروك ، وحمد الله على السلامه يا بنتي سالي ( فوحمر) و حافظ ،
وللجده مريم محمد الطيب ،
والمباركة مهداة للجد كتّاف ، و حبوبه أمو سلمى ،
وللأجداد ، والجدات بالثورة الحارة العاشرة ، وامتداد ناصر !
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: اسيا ربيع)
|
مرحب بيك اخت آسيا و شكرا علي البشارة
تهاني و تهاني العزيز احمد طه امفريب الذي اسعد برحابه في برلين هذه الايام.. للعزيزين حافظ و سالي التي نحمد الله علي سلامتها و سلامة المولود جعله الله غرة اعينهما و التهاني للجد خطاب و الحبوبة مريم و جميع الاهل و قبيلة المسرحيين...
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: اسيا ربيع)
|
Quote:
اها مبروك عليك تجربة الحبوبة يا مريم ويا جدو خطاب .. ووووووووب عليك عديييييييييل كده.. بختك يا حافظ يا فرده
وحمدلله على سلامة سالى. الف مبروك تانى......( طبعا سالى لسه فى المستشفي ) |
ألف مبروك أخوي حافظ .... وسالي ..... وألف مبروك خطاب ...مريم .... وأُمنا التومة وتقبل تبريكات بهجة والعيال
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: صديق الموج)
|
..
. سلا م ليكم جميع
.اسيا و الاحباب .. مبروك ليكم
. طبعاً جدو .. كان مسافر الزمن ده كلو
. من الحجرالاسود.. ولاية فرجينيا الى ..
. واشنقتون .. واخيرا ًمونتري ..بالساحل الغربى
. ولاية كالفورنيا
. والتقينا .. والمواطن القادم حديثاً الى العالم
..
. مريود حافظ خير
..
. وياله من لقاء
.
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: Azhari Nurelhuda)
|
..
. الاعزاء السنى الحنين ..اسياسيدة الضحكه الدائريه
. و سلمى ذات العيون المعبأه بدموع الفرح ..
. حملتنى سحابة الفرح من أقصى الشرق
. بفرجينيا جنوبا الى مطار شارلوتس بنورث كارولاينا
. لامتطى سحابة فرح ٍارحب الى أقصى الغرب .. بمونتري
. حييت كل انواع الوديان الغابات .. الاراضى الغفر ..
. والجبال المضيئه بالسكون الجليل
. تبادلت رسائل الحب و الحيوانات المتوحشه
. الطيور العظيمه و العصافير فى فوضاهاالمعربده
. فى مقامات النشيد
.
.
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: Imad Khalifa)
|
قالوا ... جنى الجنى ... أحلى من الجنى,
فهل ... ثبت ... ذلك يا خطاب؟
مع إمتداد الخبر إلى ظلال العمر وكثافة
ترميزه لكوننا { كبرنا } ... لكن فنجعل
الفرح ترياقا للزمن ... والجمال صرة العصر
والرحيق صندل المحبة والإبتسام كل العمر.
مبروك { جدو } وكل التهاني لكل الأسرة,
وربنا يحفظكم والعيال ويغطى الجميع من
كل مكروه.
شايفك لاوي عمتك وناوي على زريبة فرجينا,
فخروف السماية محمدك ...
شكرا ... آسيا ... وكل الذين حملوا باقات
الفرح إلى هنا.
... ومودتي
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: Raja)
|
| Quote: يخسى عليك يا خطاب مالو لو قلت انك بقيت ( جد ) |
مره مره بقيت تجينا نحن والله قصرنا تب وانت ما اتلومت فينا 
ياخطاب ..
ياخي اتصلح معانا و خلي تلفونكـ و تلفون الاقربين برضو يتصلح معانا
وقول لي مريم و الفكي ارفعوا التلفون برضو
زمان بالمناسبة في السبعينات كان في غنوة بتقول
التلفون يا سيدي جواركـ و ماعارفين بتكلم مين
شفنا عيونكـ تايهة و سارحه و قلبكـ زايد شوق و حنين
الغنوة دي سيدها منو
سالي يا بت الناس العُزاز
قاتل الله الخطوط .. الاثيري منها و الديجتيال
و غصبا عنهم سألتقي صوتكـ و مريود
اعدكـــــــــــــــــ
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: اسيا ربيع)
|
خطاب حسن أحمد , إسم كنا نسمعه كثيرا من هنا أم درمان ,, ولكن كغيره
من الأسماء المحببه التى علمت الاذن كيف تنتقى النضيف من الكلام , قد رحل
بعيدا ,, ياترى هل من زمن قادم تبرأ فيه الاذن مرة أخرى من الصمم الذى
أصابها , أتمنى أخى خطاب ,,
ألف مبروك يأخى المريود وأقر الله به عينيك وحمدا لله على سلامة أمه وتمتد
تهنئتى لوالده وجدته .
أسيا ربيع سلام مربع ومتمن وشوق ماليهو حدود ,, زمن طويل من شوفتك , بس
العزاء إنى متابع أخبارك ,, كيف حالك وشقيقاتك فى مدينة الضباب ,, وأخبار
محاسن (مها) فى السودان وأهلها ,, تحياتى ليهم جميعا ,,
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: كمال سالم)
|
..
. الحبيبه مُزن النيل .. وصلت تبريكاتك يا أميره
. و زيما قالت اسيا نبارك ليك كل جميل
. تحياتى لابوعبيده .. عمو عثمان ك .. ماما والاخوان
..
.اسيا ربيع و ين لبدتى .!!
. بان يا جميل ولك الامان ..
..
. عبدالله وداعه .. اين انت ايها الصديق طال بنا الزمان
. منذ ذلك .. الشارع المافى
.شوق ليك عزيزى ووافر السلا م
..
. معتصم الجبلابى ..الجار الفرجينى الفاخر
. تبريكاتك واصله .. تسلم ياحبيب
. التحايا لكل .. الفرجيناب
..
. لكم انيق الورد
.
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: عادل سهل)
|
..
. الجندريه الجميله .. امانى يابت امى
. كما يحلو لصديقى الليمونى ان يناديك
. تعرفى يابت وانتى بتتونسى مع ابو مهيار الفنان اسامه
. طوالى رجعت البيت وكلنا متلمين .. بالذات عشا رمضان ..
. و بالذات.. لمن يكون الرز باللبن .. وذلك الانس الضاحك الحميم
. لا يهم شكل صيام الغد..
. ولا درجة حرارته ..
. لا يهم كثيرا ً الفطور ..
. المهم تلك اللحظات التى تجمعناللأنس الرحيق
. و تلك اللمه .. حتى لو كانت حول الصبه.. وتعنى فى قاموس البيت الرُز
. كما نعتها عنتر بن شداد حسن احمد .. اول المفتتحين للمنافى من اهل البيت
..
. لك الورد لعثمان ولصديقى محمد مصطفى محمداحمد
..
.
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: khatab)
|
..
. العزيز ايمن
. ح اوزع لالف تهنئه بالتساوى علي اهل مريود
. وهم مليون حب مربع .. ف حقو تضاعف التهنئه شويتين
. فى عيد الميلاد القادم لي مريود.. ولا شنو .!
..
.nasr
. كيفك يا صديق .. تباريكك واصله للجميع
. نبارك ليك كل جميل ..
. المواطن الجديد يهديك احدى ابتساماته النادره
..
. الاخ خالد
. صديقنا الاسترالى كيفنك يابا..
. و كيف هى احوال كل الاسترالا ب .. من محمد الجزولى
. الى سمندل خيرى الى عفيفى اسماعيل وعاصم الطيب وبالعكس
. حافله من الاشواق اليكم من البعيد
. الى البعيد
..
. و من اذاعاتنا العامله , و غيرها
. اهديهم هذه الحقيبه ..
. من بعيد لي بعيد
. وري العين جمالك
.
.
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: khatab)
|
انه الصادق الرضى
.
يا مريود دقيقه .. خلينى اسمع اغنيه من خالك و عمك ده
يا مريود ود الرضى ده.. حكايه تانيه
.. لا لا ما ود الرضى الكبير .. ما بتاع الاهليه كملت .!
الغنوها ناس جدك عثمان النو ..
. ده بتاع .. ايواا
. ولد شاطر..
شوفت الولد ده حريف كيف يا الصادق .!
.ايواا
.بتاع .. غناء العزله .. ااي ضد العزله الغناها مصطفى
.تعرف و كمان كان داير اغنيها..جدك عركى بس ..
.
تصدق ياصادق قال لي شنو..
بكلمك بعدين
.
قال ليك سلامات
يا صاحب بابا
.
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: khatab)
|
..
. المنوت فى فرعو غنا .. كيفك يا ايها الساموراى العجيب
. اشواق يا صديقى من رحيق الايام يتبعك الى كل منافيك
. تلويحات من الابن مريود و تحايا من الجميع
..
. العزيز بله محمد الفاضل شكرا لك يا صديق
. واصلة تبريكاتك الى الجميع
. لك وافر التحايا والتقدير
..
. الجميله منى خوجلى كيف هو حال حفيدك الوسيم
. اكيد ان ملامحه قد اتضضحت الان
. كلنا على الدرب الفاتن نسير
. افتكر انها حركه لذيذه ..
. حبوبه منى .. جدو خطاب .. ولا شنو .!
..
. لكم بديع الورد
.
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: khatab)
|
..
. اتضح شغل اذاعه
. ماتلفزيون ..
..
. و قال ليكم التسميه ما عندها علاقه
. بى ادب .. استاذنا الطيب صالح ..
. و أفاد الحفيد فى لقاء مطول مع جدو, هذا الصباح
. بعد اقناعُه بعدم السفر ..
. أنو الموضوع مازال قيد البحث بينو ما بين
. الوالدين
. وبي تثاؤبه غير متوقعه .. قرض
. عفوا ً
. قفل النقاش
..
. شوفت كيف حُبك بيعمل
. يا حليلك
. يا محمد اللمين ,ليه مين
. أشتكيكا..
. سربع الله وجه ذاك ..
. التوفيق صالح جبريل
. و ثوار اربعه وعشرين
. من القرن الماضى ..
. وهكذا الثورات تختار أوقاتها ..
..
. و لنا و أفول نجم الظلم
. مواقيت ..
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: khatab)
|
Adilissak
ياريت يا عادل لو كتبتك بالعربى .. ياخى عشان أكتبك بالنقليزى دى
عملت فينى جنس عمايل ..!
يازول صاحبك حافظ .. انا غايتو بوصل ليهو التهانى .. حرف حرف
..
. نصار كيفنك يابا قُت لي مع امفريب .!
. ياخى سلم عليهو طبعا ً بعد ماتسلم عليك ..
. و قول ليهو القصه جابت ليها .. أندر قراديوييدس كد ..
. ( وجه ضاحك )
..
. جدو خطاب
..
.
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: Nun Osman Yousif)
|
Quote: قبل السلام ياخي النزل اغنية عبدالقادر سالم دة زول/ة كيفني في ديني...
سلام كلكم وشكرا استاذة اسيا علي الخبر الجميل....
الف مبروك يا عمو جدو خطاب.. مريود امانة ما اسم علي مسمي ياخ ده احلي من العسل...
سلامي
خالت مريود
نون بت سارة |
نون كيفنك بت امي .. المريود بخيت و سعيد عليك
..
اها انزل ليك الغنية تاني ؟.. عشان مريود يفرح لى فرحك دا
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: اسيا ربيع)
|
..
. اخونا احمد موسى .. سلام ليك كتير
. و سلامات تانيات ابارنك .. بمعنى اتابعوك يعنى
من محل لي بكان ..
بمعنى مكان ..
تعرف يا احمد انا بتكيف ليك .
من .. البوست داك ..
حبيبتك ,
زوجتكم الصديقه ..
وأول ما أجى الخرطوم , التى لابد منها.. وان بعدت المنافى ,
..عندى معاك كمحامى , قضايا كتيره معلقه ..
و حأأخوش فى الموضوع طوالى ..
..
ياخى الناس ديل .. باعو واطاتى
ليزول و الزول .. بدا ابنى فبها..
الكلام ده فى الحِتانه..
الواطه دى انا مشتريها بي حُر مالي .ّ! من سنة اربعه و تمانين
وكيلى بعدالله .. حاج وليد .. الوليد حسن احمد
و انت كاحمد موسى المحامى
..
قول للزول الطيب ده..البنا في واطاتى
..
: ياخى الواطه دى بتاعة خطاب ..
.. جد مريود
ولو ما اقتنع قول ليهو خطاب لما يجى حينزل هنا فى البيت ده
لانو ما عندو غيرو مسقط راس ..
بمعنى جهز السراير و البسكويت
..
اما باقى القضايا المعلقه , بنتكلم فيها بعدين
..
تباريكك واصله ياصديق للجميع
تحايا كثيفه .. لي بهجه والولاد
سلملى عل البلاد
..
.
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: khatab)
|
..
. كنت كتبت بورد قبل كدة
حول
جيل الرفض في خمسيناتهم
ما أجملهم
وأقول لمريود
ما أحلى أن نصير أجدادا لك
كما كان جميلا أن نكون آباء لجيلكم
إبننا الصادق
جدو الباقر موسى
..
. طبعا ً يا مريود جدك الباقر موسى ده .. حكايه تانيه
. فنان يا مريود جنس فن
. اسكت سنه اسمع ليك و اقول ليك كلمتين
. لاكين الكلمتين البقولهم ليك
. كل واحده فيهم شايله سته شهور
. من الحكمه البليغه واضحه كالشمس ..
. صوتو عميق .. الحروف مرتاحه فى حنجرتو لحدى ما مرات
. اشيل العود و اقعد اغنى ..
. العجب الرسم .. تدي يامريود ربك العجب
. أصلو جدك اب سفه ..
. والباقر و صاحبهم التالت .. جدك باردوس
. اسمو فتح الرحمن خير الله باردوس
, أها باردوس ده كمان .. انا عازمك منو ضحكه
..
.
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: اسيا ربيع)
|
..
. مريود يا عمتو ااسيا .. بسلم عليك كتير السلا م
. و صرح بى تثاؤبه طويله .. كما السنين
. انو الصور .. جايه
. و قال ليك ..
. خلي بابا.. حافظ ..
. ارسلها ليك لأنو ماماسالى ,
. مشفوله بي شديد
. وانا ..
. المهم برضع كويس
. و المهم التانى , يا ااسيا انك تكونى كويسه ..
. و عركى سلم علي .. لاكين كنت نايم
.
. عبد القادر سالم لذيذ
.
. اول ما اصحى بضرب لييه
. طارق ابو عبيده ,
. واشوف البلد دى
. فيها حكومه وللا مافى
..
.
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: اسيا ربيع)
|
Quote:
..
. اخونا احمد موسى .. سلام ليك كتير
. و سلامات تانيات ابارنك .. بمعنى اتابعوك يعنى
من محل لي بكان ..
بمعنى مكان ..
تعرف يا احمد انا بتكيف ليك .
من .. البوست داك ..
حبيبتك ,
زوجتكم الصديقه ..
وأول ما أجى الخرطوم , التى لابد منها.. وان بعدت المنافى ,
..عندى معاك كمحامى , قضايا كتيره معلقه ..
و حأأخوش فى الموضوع طوالى ..
..
ياخى الناس ديل .. باعو واطاتى
ليزول و الزول .. بدا ابنى فبها..
الكلام ده فى الحِتانه..
الواطه دى انا مشتريها بي حُر مالي .ّ! من سنة اربعه و تمانين
وكيلى بعدالله .. حاج وليد .. الوليد حسن احمد
و انت كاحمد موسى المحامى
..
قول للزول الطيب ده..البنا في واطاتى
..
: ياخى الواطه دى بتاعة خطاب ..
.. جد مريود
ولو ما اقتنع قول ليهو خطاب لما يجى حينزل هنا فى البيت ده
لانو ما عندو غيرو مسقط راس ..
بمعنى جهز السراير و البسكويت
..
اما باقى القضايا المعلقه , بنتكلم فيها بعدين
..
تباريكك واصله ياصديق للجميع
تحايا كثيفه .. لي بهجه والولاد
سلملى عل البلاد
..
. |
خطاب أخوي وواحد من أساتذتي في المسرح (للدقة) الكوتيشينات للكلام الدايره أها أنا كلامك كلوا درتوا عشان كدا كلو كوتشنتوا بي نقاطوا زاتها ...
قضيتك مقضية بإذن واحد أحد .... وهي سااااااااهلة سهولية ونسة مع أصحاب .... قضايا (الواطة) أنا إشتغلتها لمان فِترت مني ... أها واطتك دي إنكان عندك ليها ورق رسمي أعتبرها في حفظ الله وصونه ...... وأنا راجيك أصيلاً أو عبر وكيلك الوليد .... عن طريق (قرني) يلقاني .... عن طريق (الرشيد أحمد عيسى ) يلقاني ... عن طريق أيتها مسرحي يلقاني .....إيميلي خاتيهوا في البروفايل للجنس دا .... وأنا راجي ....
.....
.....
.....
بهجة وكافة العيال التلاتة بسلموا عليك وعلى كل أصحابي البحبهم وبحبوني
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: Ahmed musa)
|
..
. كتر خيرك يابا
. رسالتك تماما وصلت .. و من جمالها حسيت بى كرسى قماش
. قدام البيت ..
. كما على المك , فى مدينه من تراب
. كمان يا احمد ما تنسى ..
. ولا حظ انى بقيت جد ..
. وبعد قعدة الكرسى ديك ,
. غشونى الصحبان من الجيران
. عشان نصلى المغرب جماعه ..
..
. و انا واطاتى ما بخليها..
. نتكلم بهناك ..
. لبهجه والعيال
. الامانى الطيبات
.
..
. جدو
.
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: khatab)
|
مبروك المريود
خطاب و الأسرة الغريضة بأمتداد الوطن و المنافى
بنياتى
سالى فو حمرو عزة فوق راى
و حافظ الضحية بين اينه وخطاب ( بندرشاه)
و فى الجدودية...جدة
العقبان عندك يا أخى خطاب و فى المسرات البسيطة بساطة الأيام فى الحجر الأسود
قرفة بكون بقى جد لا ايدو لا كراعو؟؟
تحياتى
تاج السر الملك و الأسرة...سامى اب جدعه عنهم
| |
|
|
|
|
|
|
|
|
|
Re: يخسى عليك يا خطاب مالو لو قلت انك بقيت ( جد ) (Re: Tagelsir Elmelik)
|
..
. صديق ياموج بعرف يكون دافر لا تسعه الضفاف
. و بعرف انساب ونسه ,, و نضم حنين و دقاق
. صديق يا موج ازرق ضاج بالطمى الغنيان
. غنيات
. ويا ابيض مرتاح و طويل البال
. شال للحلال فوق كتفه الخير
. فى جيوبُه الحلوى , اناشيد للاطفال
. صديق يا موج
..
. اها كفاك وللا ازيدك .!
. سلامات يازول
. سلامات
.
| |
|
|
|
|
|
|
|
|
 شكراً يا أصدقاء... (Re: اسيا ربيع)
|
آسيا ربيع يا آسيا ربيع
يا صديقتنا التي في لندن....
سلامات ومحبة.
أراك يا صديقتي - ممتناً ومفعماً بك - تحتفلين هنا وعلى الهواء الطلق
بوصول مريود الى العالم (ضاحكاً)
وبـ"جدية" خطاب حسن أحمد في الأمر..
ونحن ، أنا وسالي ومريودي، نحتفل بكِ وبخطاب
وبأصدقائنا وصديقاتنا - واحدةً واحداً - وبكلماتهم وبفرحهم
وكم، كم نمتنُّ للكلمات وللموسيقى وللأغنيات...
الأعزاء والعزيزات
المحبة والود المقيم
ح.خ
..
..
| |
|
|
|
|
|
|
|
|
|
Re: شكراً يا أصدقاء... (Re: khatab)
|
..
. بحكي ليكـ قصة عبدو الاتورطـ في اقرب تلفون
..
. تعرف يا طارق
كتب مصطفى احمدالخليفه مره فى برنامج رمضانى اذاعى اسمو
حكايه كل يوم حلقه.. عن زول ركب الباص , شايل لفه.!!
طلعت فى فضول واحد من الركاب .! لازم اعرف مافى اللفه
و هاك يا محاولات ..
ِِو سع ليهو عشان اقعد : لانوالحاجه الجوه اللفه دى امكن تتكسر.!
اعتزر الزول ..
البص ياابن العم زحمه.! امكن تتدفق لو ضغطك واحد من الركاب .!
شكرا ليك مابتتدفق ..
المهم يا صاحب لحدى ما انتهت الحلقه , صاحبك ما ادرك لللفه سبيل
..
المشكله انوالقصه امتدت للمستمعين .. نظام - حرييق رووح-
و مشيت البيت
واحده من الخالات , جارات الوالده بعد الضحكه و التعليق على الحلقه اياها
والله اجازي محنك يا خطاب .. قطعتو مصارينا من الضحك والذى منو ..
عامله حريفه و نحن برانا علي جمبه..
: عليك الرسول يا ولدى انت المخرج .. خسمتك بالنبى و ما بكلم زول
: هى اللفه دي فيها شنو؟؟
..
.فيا صديقى .. وعلى جنبه كده و ماحاكلم حتى مريود
. فى ثرثرة جدود..
.
: عبدو اتورط كيف !!
..
.
| |
|
|
|
|
|
|
| |
اسيا ربيع
محمد سنى دفع الله
fohamer
مزن ابوعبيدة النيل
معتصم مصطفي الجبلابي
الجندرية
سلمى الشيخ سلامة
Aymen Tabir
Nasr
خالد العبيد
Alsadig Alraady
منوت
بله محمد الفاضل
Muna Khugali
Adil Isaac
نصار
Ahmed musa
nada ali
Elbagir Osman
صديق الموج
khatab
خدر
محمد عبد الماجد الصايم
Alsa7afa_30
Mutwakil Mahmoud
Saifeldin Gibreel
ahmed khidir
ناذر محمد الخليفة
سامى عتبانى
Azhari Nurelhuda
عبدالله شمس الدين مصطفى
Imad Khalifa
HAYDER GASIM
Raja
كمال سالم
عادل سهل
Osman Musa
Nun Osman Yousif
salah elamin
Tagelsir Elmelik
farda
الطيب شيقوق
معتصم ود الجمام
فيس بوك
تويتر
انستقرام
يوتيوب
بنتيريست