|
Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد (Re: Mohamed Suleiman)
|
تعرف يا محمد المسائل دى بتحصل لمن يسلموا المسألة لمساعد الكابتن ، يعنى تدريب وكدة ويقوم يجوط المسئلة كلها لكن ما فى طريقة لازم يتعلم ، حصلت لى تجربة سخيفة زى دى وأنا راجع من واشنطن لكاليفورنيا ،حصل عطل فى ماكينة وبعد شوية فقد الطيار الاتصال ببرج المراقبة ، وملصونا بلا مؤاخذة جزمنا وقعدونا زى الاسرى ، فى اللحظة دييك اكتشفت إنو فى كمية أديان فى الدنيا دى ، كل واحد بيدعوا ربه بطريقته ، ما داير اواصل عشان ما أخوف الناس من الطيران لانو بالنسبة لى اضمن من سواقة عربيتى فى الشارع
ولكم كل الود
| |
|
|
|
|
|
|
Re: فيديو من مطار هامبورج ... طائرة إيربص بها ركاب شارفت علي التحطم أثناء الهبوط ... شاهد (Re: ترهاقا)
|
اخونا ترهاقا
يعلم الله وانا اليومين ديل على سفر من طوكيو للسودان اخاف جدا من الحاجات دي ... وكله بامر الله تعرف مرة كنت مسافر من كولومبو لبانكوك المسافة(3 ساعات) واحد خواجة سكران جدا طلب من المضيفة زيادة (العبار) فرفضت بحجة ان الكمية المسموح بها فى الجو لايمكن ان يتجاوزوها، ما كان منه الان ان مسك بـ(العدة) كلها ودفرها ودفر معاها المضيفة وتعال شوف اللخبطة والجرسة والصلوات .. وانا كنت جالس فى مقعد على الشباك على بعد كرسيين من المجنون ده
صاحبي المعاي قال لي اقرأ سورة يس الشغلة ممكن تودينا البحر قلت ليهو يس الطويلة ديك ... والله انا سورة الاخلاص بجمَع فيها بالرجالة يازول الخواجة اتلافوه ليك اثنين من المضيفين بحركة عجيبة قدموا من اتجاهين معاكسين اللي كان مواجه للخواجة لخمو بالكلام والتاني رمى فوقو طوق يقفل ذاتيا وتم تكبيله من البطن وبعدين اليدين وحقنة كبيرة وصاحبنا راح فيها لحدي وصولنا لمطار بانكوك وتعال شوف فلاشات النجدة وافراد البوليس غايتو كان ادوني فيهو فرصة فى المطار كنت قطعت فيهو كف ماكن
| |
|
|
|
|
|
|
|