|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
العزيزة الفاضلة : سلمى تحية لكِ
صدق الشاعر الذي قال :
ود بيت الصُنط والدكة والنفاج والبيت الوسيع والساكنين أفواج
أحيي بنانكِ الناطق ، وكما قال الأخ بكري أبوبكر ، فإن سودانيزأونلاين سكنت أكبر مكتبات الدُنيا : مكتبة الكونغرس ، مرجعاً من مراجع الدراسات السودانية .
بقي أن معظمنا هنا في حاجة لتنضيد اللغة : صرفاً ونحواً وإملاء ، مع ترتيب أفكار المساهمات كي تصلُح لتكون مؤسسة وجامعة مفتوحة . شكراً لكِ التنبيه ، وإنها فسحة من الأمل قابلة للتنفيذ ونحن نأمل
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: عبدالله الشقليني)
|
الأستاذ القدير عبدالله الشقليني.... عساك بألف خير.....
سودانيز أونلاين هي فعلاً البيت الوسيع الجامع الناس....الله يجمعنا دايما في السمح....
Quote: وكما قال الأخ بكري أبوبكر ، فإن سودانيزأونلاين سكنت أكبر مكتبات الدُنيا : مكتبة الكونغرس ، مرجعاً من مراجع الدراسات السودانية .
|
هذا يدعو للفخر بأن هذا الصرح الشامخ يستحق منّا أن نهتم به ونفتتح جامعة باسمه ....فكيف تكون هناك مكتبة لسودانيزأونلاين ولا توجد جامعة تحتضن هذه المكتبة !!
Quote: ترتيب أفكار المساهمات كي تصلُح لتكون مؤسسة وجامعة مفتوحة . شكراً لكِ التنبيه ، وإنها فسحة من الأمل قابلة للتنفيذ ونحن نأمل
|
بل لك أنت التحية يا سيدي الفاضل وعلى نصحك ...كده أكيد حنستشيرك في وضع القواعد الأساسية لتأسيس الجامعة....فأكرمنا بكل رأي حكيم... وذي ما قلت هي فسحة من الأمل قابلة للتنفيذ والبورداب أكيد ما حيقصروا !!
كل التقدير
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: مجدي عبدالرحيم فضل)
|
أبو قصي صباحك خير....
Quote: ممكن تقبلي شخصي البسيط كاطالب في أولي جامعة سودانيز أونلاين وبعد داك نحدد المساق حسب المؤهلات
فكرة أكثر من رائعة ،، ومالو التسجيل ماشي بطئ كده
|
إيه التواضع ده يا أبو قصي..... بعدين في كلية الشعر والشعراء طوالي سجّل فيها....لكن برضو عندك الحرية للتسجيل في الكلية الإنت عاوزها...
امبارح بس فتحنا الجامعة يا أخ مجدي وبنأسس فيها عشان كده التسجيل يا دوب بادي.....
Quote: كلية الحكمة دي تناسب الريس أبوجهينة والباشمهندس أبوبكر |
يا سلااااااام اقتراح جميل
كلية الحكمة
باهنيك عليه....ويستاهلوا الأستاذين أبو جهينة وأبوبكر لشغل هذه المناصب.... تقديري لهما....
بالله اقتراحات ذي دي تاني يا ابو قصي....
.....
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: محمد مختار جعفر)
|
الأستاذ الفاضل محمد مختار.... عاطر التحايا
Quote: غايتو فى كلية كده ما حيترشح ليها غير إثنين أو ثلاثه بالكتير لأنها لا تجد منافس !! الله يستر !!
|
ما قلت لينا دييل منوووووووووووو؟
Quote: كلية البهجه والمسره دى أكيد قفلت من يوم الإعلان عنها والسيستم مغلق وعلق إعلان مكتوب فيه ، راجع المالية ، ... ياربى السماسرة دخلو ... والله شنو |
إحنا يادوووووب فتحنا التسجيل....القفلها شنو؟؟؟؟ المعلومة دي حنضمها لكليه الإشاعاااااااااااااااات...
Quote: بعدين سؤآل كلياتك دى بالإنتساب ؟ والله نظامى ؟ بعدين هل فى طريقة للناضجين أمثالنا ... ياحليلنا .. ؟؟ أها جيتك تانى .. الأمية كيف ؟ طبعا هنا أمية الرومانسيه والنضم ، والكلام السمح وغيره ، وغيره ، أها ، دى نقدم ليها كيف ..؟؟ بعدين كلية / المشو خلو ... وهى آخر كلية مطروحة .. أقترح تخليها كلية دراسات عليا ، لخريجى كلية العكننه والمشاكل .. أفتكر أنسب ..!!
|
الباب مفتوح للتسجيل بكل التسهيلات الممكنة... طبعاً الناضجين مكانهم محفوظ.....وذي ما قال الأخ مجدي وأقترح كلية الحكمة... وأديك انا كمان اقتراح.... كلية لن ننسى أياماً مضت !!! رأيك فيا شنو؟ لكن ما قلنا انتوا تقترحوا .....مش كده !!
أما كلية الرومانسية والنضم السمح دي دايرة ليها تقديم......... طوااااااااااالي تسجل يا استاذ واقتراحك ده حنعرضو ونشوف رأي البورداب ....طبعاً انت عارف الجامعة دي جامعة كل ناس المنبر فخلوهم يورونا رايهم في الفكرة دي !!!
Quote: بعدين كلية / المشو خلو ... وهى آخر كلية مطروحة .. أقترح تخليها كلية دراسات عليا ، لخريجى كلية العكننه والمشاكل .. أفتكر أنسب ..!!
|
أي أسئلة تانية حاضريييييين
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: هاشم أحمد خلف الله)
|
الأخ الفاضل هاشم خلف الله
Quote: والعايز يسجل لازم يجيب ولي امره ولا يجي براهو ؟؟
|
يجي براهو لكن كان داير تجيب ولي أمرك مافي مانع ممكن كمان تختارو من المنبر.... والتسجيل أساساً ساهل جداً ....اقرا كده...
Quote: والعاوز يسجل نفسه كطالب / بة.....يكتب اسمو طوالي.....ويختار الكلية العاوزا....بس يكون متابع لأنو عدم حضورو في هذا البوست حيأثر بالتأكيد على نجاحو وإنتقالو للسنة البعدها....
|
ما قلت لينا الكلية الحابي تسجل فيها شنو؟؟؟ أو ترشح منو ولأي كلية؟ أي اقتراحات أسماء لكليات جديدة
تقديري
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
سلامات يا سلمى عندي مقترح لكليتين أتمنى يلقى الأهتمام و الدراسة - كلية الصحافة و استافها الأكاديمي من كتاب الأعمدة الصحفية و الصحفيين البورداب - كلية النقل من الصحافة و استافها البورداب ناقلي الأعمدة الصحفيةو الأخبار اليومية عن الصحف و المواقع الألكترونية والكلية الأخيرة ممكن تحتوي على عدة شعب مختلفة , مثل شعبة سبق صحفي و ارشح لها نستا شعبة الحاج وراق - منعم سليمان شعبة عووضة - فتحي البحيري شعبة الزومة - جني شعبة رزنامة كمال الجزولي - ملاسي شعبة الأخبار العامة و التحليل - اسعد الريفي شعبة الوثائق و التاريخ - بكري الصائغ شعبة رشا عوض - فدوى الشريف شعبة أخبار المحكمة الدولية - واصل علي وكدا
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: محمد البشرى الخضر)
|
وعليكم السلااااام أخ محمد البشرى.... أين كانت تختبأ تلك الأفكار النيرة!!
Quote: كلية الصحافة و استافها الأكاديمي من كتاب الأعمدة الصحفية و الصحفيين البورداب |
اختيار موفق جداً جداً.....لهم التحية
Quote: كلية النقل من الصحافة و استافها البورداب ناقلي الأعمدة الصحفيةو الأخبار اليومية عن الصحف و المواقع الألكترونية |
لهم التحية كمان!! بس ما تكون قاصد شي تاني لأنو مداخلاتك بتأنى فيها للتأكد من المغزى الحقيقى لكن خلينا نخت النية الحسنة...
Quote: والكلية الأخيرة ممكن تحتوي على عدة شعب مختلفة , مثل شعبة سبق صحفي و ارشح لها نستا شعبة الحاج وراق - منعم سليمان شعبة عووضة - فتحي البحيري شعبة الزومة - جني شعبة رزنامة كمال الجزولي - ملاسي شعبة الأخبار العامة و التحليل - اسعد الريفي شعبة الوثائق و التاريخ - بكري الصائغ شعبة رشا عوض - فدوى الشريف شعبة أخبار المحكمة الدولية - واصل علي وكدا |
لهم التحية بدووووووون أي فرز.....
لحدي ما أتأكد من نيتك شنو!!!
تقديري
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
Quote: كدي عاين لي الموضوع من الجانب المشرق.... |
حاضر...
نرجع لمشروع الجامعة كليات مقترحة أخرى كلية تنمية المجتمع و العمل الخيري - العمادة لأنعام حيمورة اكاديمية علوم السينما و الممثلين - الإستاف نخبة من الأعضاء معهد الدراسات الجندرية - الجندرية و دكتورة اشراقة كلية علوم الهوية السودانية - بشاشا كلية التربية الرياضية - نخبة من بورداب الكورة كلية الفنون بشعبها المختلفة ( موسيقى و تشكيل و تمثيل ) - نخبة من البورداب الفنانين
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: محمد البشرى الخضر)
|
Quote: وبالله لو في أي فكرة تهدف لتطوير هذه الكلية....كلية الشكل والمشاكل اكتبا لينا طوالي ..... |
هلا يا سلمي وانا كطالب محتمل لكلية الشكل والمشاكل اتوقع اني اخد كورسات مكثفة في الاتي 1-الكمين الاسفيري وده يفترض يكون فيهو تحليق وشرح مفصل بالصورة والصوت لكيفية نصب كمين اسفيري ليهو ضل ويولد شكلة ليها ضل ايضا..تلبد وين وكيف ومتي ..!!واتوقع ايضا سياحة اكاديمية عن الهدف الاسفيري (`ذا اسفيركل تارجت) وبجيك للباقي حتة حتة لنساهم في (المنهج بتاع جامعة سودانيز)
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: عبدالكريم الامين احمد)
|
الأخ الفاضل عبدالكريم الأمين أحمد...
أولاً بعتذر على تأخير الرد مداخلتك تاهت بين مشغوليات الجامعة الكتيرة...فاعذرني.... لكن ما هو المشكلة انت بتتكلم عن كلية الشكل والمشاكل ليها حق المداخلة تزوغ.....مش كده!
Quote: وانا كطالب محتمل لكلية الشكل والمشاكل اتوقع اني اخد كورسات مكثفة في الاتي 1-الكمين الاسفيري وده يفترض يكون فيهو تحليق وشرح مفصل بالصورة والصوت لكيفية نصب كمين اسفيري ليهو ضل ويولد شكلة ليها ضل ايضا..تلبد وين وكيف ومتي ..!!واتوقع ايضا سياحة اكاديمية عن الهدف الاسفيري (`ذا اسفيركل تارجت) وبجيك للباقي حتة حتة لنساهم في (المنهج بتاع جامعة سودانيز) |
بعد القريتو ده تستحق منصب أعلى من طالب لأنوا الأفكار دي أفكار نيّرة جداً.....
متابعين معاك...
...
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
ياسلمي
اها جامعتك دي accredited وبعدين بتدي degree واللا diploma ممكن شهادات بالمراسلة لانو الطلاب البرة(البيقرو) اكتر من الجو (المشتركيين) وبرضو اعضاء تدريس متعاونيين من برا ..ممكن ؟ فيها اعانات مالية واللا بس الواحد يقرا ويباصر بطريقتو ؟ اها والمهم الاهم بالنسبة للعايز يجي لحد جوا ويلتحق .. في اقامة ؟؟؟ الناس الدايرين يهاجرو امريكا زي كيكوفيتش في احتمال ما ينجحو ممكن اعادة ؟؟ بعدين الكوسة دي شنو؟؟ ليه قريبتي "نها" تشيل كل العمادات الحلوة .. ابتدينا من اولها .. يعني هاشم يشتغل رئيس شعبة ؟؟؟ وسناء دي بتنوم كتير ممكن ما تكمل ساعات الكورس كان طالبة او محاضرة فخليها مساعد اكاديمي يادوبك ؟؟
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: abubakr)
|
استاذنا القدير أبوبكر.... قبل ما أجاوبك ما شفت الأخ مجدي عبدالرحيم اقترح فوق إنضمامك لياتو كليه !!!!
Quote: اها جامعتك دي accredited وبعدين بتدي degree واللا diploma ممكن شهادات بالمراسلة لانو الطلاب البرة(البيقرو) اكتر من الجو (المشتركيين) وبرضو اعضاء تدريس متعاونيين من برا ..ممكن ؟
|
طبعاً accredited الا الأستاذ بكري أبوبكر يكون عندو رأي تاني..... بتدي degree ....دي أحلى جامعة عشان كده قلتا مهما تقارن ما حتلقى ذيها....بس احنا قلنا في شروط للتخرج....
Quote: تقييم الدرجات لكل شخص والإنتقال للسنة البعدها حتى التخرج مبني على أساس التالي... _ عدد مشاركات كل عضو في هذا البوست _ رأي البورداب .....( الرأي الفيه شكر طبعاً ) والزول الما بيشكروه البورداب كان الله في عونه الى الخلف در ....او مكانك قف....
|
بالإضافة للحضور الدائم في البوست ده...
Quote: فيها اعانات مالية واللا بس الواحد يقرا ويباصر بطريقتو ؟ اها والمهم الاهم بالنسبة للعايز يجي لحد جوا ويلتحق .. في اقامة ؟؟؟ الناس الدايرين يهاجرو امريكا زي كيكوفيتش في احتمال ما ينجحو ممكن اعادة ؟؟
|
الإعانات المالية دي الا نخلي انعام حيمورة تلمها...والتحية للزولة الجميلة انعام حيمورة كيكو فيتش ليه يعرض نفسو للمأزق ده لكن ما مشكله قلنا في اللمحة التعريفية عن الجامعة انوافي لجنة استرحام.... ( أقرا البنود فوق يا استاذ أبوبكر )... الإقامة دي لازم يحددها الأستاذ بكري أبوبكر ذات نفسو يعني الا بي باسوورد....وإحتمال الزول ينتظر كتير لحدي ما يديه بكرى الباسوورد أو.....يرسل اليه فوراً.... Quote: بعدين الكوسة دي شنو؟؟ ليه قريبتي "نها" تشيل كل العمادات الحلوة .. ابتدينا من اولها .. يعني هاشم يشتغل رئيس شعبة ؟؟؟وسناء دي بتنوم كتير ممكن ما تكمل ساعات الكورس كان طالبة او محاضرة فخليها مساعد اكاديمي يادوبك ؟؟ |
الحياة فرص واللي سبق أكل النبق... بس في شي مهم رأي الأغلبية ممكن يحدد من الذي يشغل المنصب المعين...إذاً في فرص أخرى
أها انشاء الله أكون جاوبت....
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
تصفيق حار في البداية ...
سلومة ومحمد البشرى كيفكم ..
Quote: كلية تنمية المجتمع و العمل الخيري - العمادة لأنعام حيمورة |
والله يا سلوم انا جاية اسجل لعمادة Quote: كلية الونسة والبهجة والمسرة |
دي خفيفة ومريحة ومقدور عليها ...
علا كلية محمد البشرى فيها مسئولية كبيرة ..
انا بعدل في اقتراحه ويبقوا منفصلتين ..
كلية تنمية المجتمع .. ودي بقترح عمادتها على حيدر قاسم
كلية العمل الخيري .. و دي تب ماسكة عمادتها ..
وبرشحك تكوني عميدة الشئون العملية بدرجة وزيرة..
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: انعام حيمورة)
|
العزيزة انعام حيمورة دمت ريحانة معطرة تنثر عبيرها على أبواب الخير
الأخ محمد البشري رشحك طواااااااالي ومش بس هو احنا كمان بننضم ليه.....
Quote: والله يا سلوم انا جاية اسجل لعمادة كلية الونسة والبهجة والمسرة
دي خفيفة ومريحة ومقدور عليها ... |
دي غايتوا شايفة الإقبال عليها كتير....انت وحظك
Quote: وبرشحك تكوني عميدة الشئون العملية بدرجة وزيرة.. |
عديييييييييل كده ! هسي احنا في تأسيس الجامعة....دعواتك
كل الود
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
انا غايتو حبيبـه عايزه كليـة اللهو الخفى لازم تضفيها لى عارفه ياسلمى فعلا سودانيزاون لاين دى ماتقل عن اى جامعة وان كان شكل الكليات فيها مختلف لكن الواحد بيتعلم فيها الكتير وتقايل فيها الكتير واهم مافيها انها مفتوحه ذى الجامعة المفتوحة العندنا هنا تقرى وتتعلم فى وقتك الخاص البتحددو انت والاهم انو مشكله اللغة محلوله هنا بتكون، يعنى مافى انسان بيتوقع الكمال فى لغتك خاصة وانو الموضوع هنا مااحتراف ،المهم حبيبتى انا معاكى الجامعه عايزة ليها قسم ذى بتاع اللهو الخفى مهم والله حبيبه اذا وافقتو عليه انا ماعندى مانع ممكن اوريك تفاصيل مهمتو... مشتااااقين انتى كويسه انتى ... تسلمى يارب كتير...
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: اساسي)
|
الأخ الفاضل اساسي عاطر التحايا
Quote: انا بصراحة متقدم بعطاء لادارة كافتيريا الجامعة .. طبعا لما تمسك الكفتريا زي البكري اداك صلاحيات علي الدخول لماسنجرات الاعضاء الشمارات كلها حتكون عندي ( منو المجكس منو , ومنو البحنك في منو , ومنو الشوكشت منو, ومنو العافص لي منو , ومنو الجاري ورا منو, وكدا ..) |
غايتوا بالوظيفة دي حتكون مسكت الجامعة في ايدك....الإقتراح ده ما سبقك عليه أي زول لحدي الآن....الا إذا اتقدم بوردابي بعرض أحسن....إنت وحظك..... يا ربي حتكون الوظيفة دي مرغوبة؟؟؟؟
نشوف !
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: ماجدة عوض خوجلى)
|
ماجدة العزيزة....
Quote: مشتااااقين انتى كويسه انتى ... |
تمام....وإحنا مشتاقين بالأكتر
Quote: انا غايتو حبيبـه عايزه كليـة اللهو الخفى لازم تضفيها لى |
بس كده انت تأمري يا ماجدة....
Quote: سودانيزاون لاين دى ماتقل عن اى جامعة وان كان شكل الكليات فيها مختلف لكن الواحد بيتعلم فيها الكتير وتقابل فيها الكتير واهم مافيها انها مفتوحه ذى الجامعة المفتوحة العندنا هنا |
مش كده بالله يا ماجدة.... همتك معانا لتأسيس هذه الجامعة....
Quote: اذا وافقتو عليه انا ماعندى مانع ممكن اوريك تفاصيل مهمتو... |
موافييييييين.... مستنين التفاصيل
كل الود....
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: انعام عبد الحفيظ)
|
يا جماعة في عطاء مقدم من كل من الفاضلة انعام عبد الحفيظ والأخ الفاضل أساسي.... بخصوص إدارة كافتيريا الجامعة
ساعدونا نشوف يرسى على منو؟؟؟
والداير يقدم الفرص برضو موجودة...
اليكم أهداف كل واحد...
1- الأخ الفاضل أساسي
Quote: انا بصراحة متقدم بعطاء لادارة كافتيريا الجامعة .. طبعا لما تمسك الكفتريا زي البكري اداك صلاحيات علي الدخول لماسنجرات الاعضاء الشمارات كلها حتكون عندي ( منو المجكس منو , ومنو البحنك في منو , ومنو الشوكشت منو, ومنو العافص لي منو , ومنو الجاري ورا منو, وكدا ..) |
2- الأخت الفاضلة إنعام
Quote: انا برضو عايزة عطاء لكافتيريا في الجامعة بس على شرط تكون كافتيريا زي حقات النشاط الفي الجامعات بتاعتنا عشان بكون فيها اركان النقاش والشكل والندوات وشايفه البورد مسيطرين عليه تقريباً المناضلين الجماعة يتشاكلوا وريقهم ينشف ويجوني جارين على الكافتريا فأكيد الكافتريا ح تجيب لي قروش كتيرة |
... من ستختااااار؟؟؟؟
بالتوفيق
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
انعام عبد الحفيظ
Quote: سلمى بورداب لا
يقوموا يفوزوا أساسي
إنتي يا سلمى كدا ح تخلي العطاء يرسى عليهو |
منو القال ليك يمكن تفوزي إنت ؟ والجامعة دي فيها الناس الكلها نزاهة وعندها ضمير حي ( ) كدي اصبري نشوف الردود....
Quote: وتقوم تطلع ليهو في راسو يبتزاهم ليك ويدفّعهم ليك قروش
عشان يديهم الماسنجرات ويروح على العطاء (وش زعلان) |
بالله !!!اممممممم
Quote: خليني أدفع ليك وإنتي تخلي العطاء يرسى على بلا لجان بلا بورداب ياخ
وحقك محفوظ |
هسي يا انعام ناس كلية الإشاعات دي فرصتهم ...وبالبنط العرييييض
رشوة في سودانيزاونلاين
......
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: WAD ELGAALI#4)
|
WAD ELGAALI#4
Quote: ما شايف زول قدم للمدير اها أنا أول زول أقدم ماتجى تنطى لى تقولى لى انتخابات لانو فى ناس حتزورا ونروح فى الرجلين |
وأخيراً زول قلبه قوي قدم لمنصب المدير....ولا عشان من دار جعل...
والمبادرة منك بالتقديم لهذه الوظيفه ما موضوع ساهل.....يعني ليك الأولوية بين المتقدمين.... وما في شي بيروح .....لانو حنعمل نوعين من طرق الإختيار....
إنتخابات......دي لو ما وصلنا فيها لي حل يبقى...
قرعة....
ولو جليت من الأولى بإذن الله حتحصل التانية....
تقديري
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
لفض إشتباك عطاء الكافتريا اقترح انشاء عدد من الكافتريات حسب تصنيفات معينة وكل كافتريا فئة ينال عطاءها واحد من المنتسبين للفئة المعنية مثلا - كافتريا المناضلين - كافتريا الما مناضلين - كافتريا الشعراء - كافتريا الفنانين - كافتريا الرياضيين - كافتريا البكايين - كافتريا جلابة دون خوف - كافتريا جلابة بخوف - كافتريا مهمشين سنة ناعمة - كافتريا مهمشين بالجد - كافتريا السوق الشعبي - كافتريا البكايات
(المرشحين خليتهم ليك يا سلمى عشان ما تتأني في فهم المغزى وكدا)
ومن الكليات المهمة المقترحة - كلية ادب الإعتذار - مدرسة علوم اغتيال الشخصية - مدرسة علوم إختيار العناوين الجاذبة (برضو بدون ترشيحات للعمادة والإستاف)
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: محمد البشرى الخضر)
|
Quote: لفض إشتباك عطاء الكافتريا اقترح انشاء عدد من الكافتريات حسب تصنيفات معينة وكل كافتريا فئة ينال عطاءها واحد من المنتسبين للفئة المعنية مثلا - كافتريا المناضلين - كافتريا الما مناضلين - كافتريا الشعراء - كافتريا الفنانين - كافتريا الرياضيين - كافتريا البكايين - كافتريا جلابة دون خوف - كافتريا جلابة بخوف - كافتريا مهمشين سنة ناعمة - كافتريا مهمشين بالجد - كافتريا السوق الشعبي - كافتريا البكايات |
ود البشرى الفيك انعرفت
هسه في داعي كل كلية تعمل ليها كافتريا وتوقف شغلناياخ
انا ضد اقتراحك دا وما تجهجه لينا العطاءات ياخ
هسه حتى الآن مافي غيري وغير أساسي
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: abubakr)
|
Quote: يا هووي الخدمات (من كافتريات وخلافو ) تخصص وما اطن انتو بتعرفو الشغلة دي احسن من الرطاني(انا) غخليكم في كلياتكم ومحاضراتكم .. انا حاقوم بكافة الخدمات ومجانا ..انت بس ذاكرو كويس |
مجاناً !!!!!!!!!!!!! يا لهوي على قول المصريين
وطيب نحنا ح نعمل بزنس كيف
غايتو يا ابو بكر شكلك كدا عايز تقدم معانا في العطاء بتاع الكافتريا
وليس الكافتريات (على قول ود البشرى) لأنو برضو ناوي يشتت جهودنا
يا سلمى هووووووووي تعالي احسمي لينا موضوع الكافتريا دا سريع قبل ما تروح مننا
وحقك محفوظ ياخ ( ماتخافي من ناس كلية الإشاعة) كدا كدا الموضوع بطلع
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: انعام عبد الحفيظ)
|
انعام عبد الحفيظ
Quote: تعالي احسمي لينا موضوع الكافتريا دا سريع قبل ما تروح مننا
وحقك محفوظ ياخ ( ماتخافي من ناس كلية الإشاعة) كدا كدا الموضوع بطلع |
والله دي مشكلة يا انعام كنا بنقول انت والأخ أساسي ...... هسي استاذ أبوبكر قدم عطاءه.... والأخ أساسي اختفى !! الأوضاع دي ما بتطمن !
لكن وين البورداب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
من ترشحوا يا جماعة لإدارة الكافتريا؟؟؟؟؟؟؟؟؟؟؟
من؟؟؟؟؟
ناس الإشاعة ما مستنينا يا نعومة لما يطلعوا الموضوع .....الموضوع مشى الصفحة التانية....
......
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: محمد البشرى الخضر)
|
الأخ الفاضل محمد البشرى الخضر...
Quote: المرشحين خليتهم ليك يا سلمى عشان ما تتأني في فهم المغزى وكدا |
Quote: برضو بدون ترشيحات للعمادة والإستاف |
ده كلام زعل عدييييييل ! معقول بس تكون زعلت مننا يا استاذ محمد....معقولة بس بعدين تأسيس الجامعة دي داير شغل جماعي ...الزول براه ما ببقى ولا شنو! انا ما حارشح حاخلي ليك الموضوع انت تكملوا.....اوكي !! وبارجع لي اقتراحاتك بي رواقة....
Quote: لفض إشتباك عطاء الكافتريا اقترح انشاء عدد من الكافتريات
|
يا اخوانا وين المتقدمين لإدارة الكافتيريا....
وين انعام؟
والأخ أساسي؟
............
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: محمد البشرى الخضر)
|
مقترح جديد من الأخ محمد البشرى الخضر...
Quote: اختلاف اراء شيئ طبيعي و مطلوب مادام مكلل بالإحترام دا بيقودني لمقترح كلية آداب الحوار و علم الإختلاف ودي مفروض منتسبي الكليات التانية يقروا فيها سنة البرلم الإعدادية إجباري وأرشح لعمادتها الأميرة لنا مهدي وللسنت كل من حيدر قاسم و طلعت الطيب و مامون محمد ابراهيم و غيرهم |
العندو أي تعليق بالله أو تعديل في مقترح الأخ محمد البشرى يكتب لينا طوالي ما في أي مشاكل
نسعى لما فيه خير الجميع....
ونواصل.......
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: ismeil abbas)
|
الأخ الفاضل اسماعيل عباس.....
Quote: وأنا طالب..
فى:كلية كلها رومانسية
فى الصباح ورد وتنوم على ورد...ده الكلام البنفع |
والله ريحت نفسك راحة.....لكن منو القال كلها ورد....دي فيها كمية من الصدمات !!
انت ما سمعت قيس بن الملوّح قال شنو...
خليلى لا والله لا املك الذى قضى الله فى ليلى ولا ماقضى ليا قضاها لغيرى وابتلانى بحبها فهلا بشىء غير ليلى ابتلانيا فما طلع النجم الذى يهتدى به ولا الصبح الا هيجا ذكرها ليا ولا سرت ميلا من دمشق ولا بدا سهيل لاهل الشام الا بدا ليا ولا سميت عندى لها من سمية من الناس الا بل دمعى ردائيا فان تمنعوا عنى ليلى وتحموا بلادها على فلن تحموا على القوافيا
برضو حندعو ليك بالتوفيق... ....
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
يا استاذه سلمى ,, ده مشروع ناجح ,,
انا عايزه اعرف عندكم كورسات بالمسا ؟؟ عشام انا دايره لي كم كليه كده !! اول حاجه عايزه اسجل في كلية الناس الصعبه خلاص !! ما عارفه هم بعملوا شنو لكن شكلهم كده ناس مهمين , وانا حأكون ابلد تلميذ في الكليه دي , لاني حأكون بتفرج فيهم وما حأركز مع المحاضرات !! شكلهم كده ناس بجوا الكليه لابسين بدل ونظارات سودا , وتحت تحت كده شايلين مسدسات !! خلي بالك الجماعه ديل يكونوا مخابرات !!
اها ,, والمسا , دايره اسجل في كلية الونسه بي مزاااااااج !! وفي الويك اند , والمناسبات السعيده واعياد ال(فالانتاين) , عايزه اسجل في كلية اللهو الخفي ,,
والله يقدرني على القرايه دي كلها ,, ويساعد اهلنا البدفعوا لينا القروش دي كلها عشان نقرا ونتعلم !! بالمناسبه , جامعتكم دي بالدولار ولا بالجنيه ؟؟؟
غايتو انا ورقي جاهز ,,
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: د.نبراس)
|
د. نبراس أنا قلت وينك؟؟؟؟
Quote: انا عايزه اعرف عندكم كورسات بالمسا...عشان انا دايره لي كم كليه كده !! ؟؟ |
الله يبعد عنك العيون ....والله مجتهدة....
Quote: اول حاجه عايزه اسجل في كلية الناس الصعبه خلاص !! ما عارفه هم بعملوا شنو لكن شكلهم كده ناس مهمين , وانا حأكون ابلد تلميذ في الكليه دي , لاني حأكون بتفرج فيهم وما حأركز مع المحاضرات !! شكلهم كده ناس بجوا الكليه لابسين بدل ونظارات سودا , وتحت تحت كده شايلين مسدسات !! خلي بالك الجماعه ديل يكونوا مخابرات !!
|
يا حول الله أنا خفت من وصفك للكلية دي يا نبراس.....والدخلك فيها شنو؟ دي كلية صعبة خلاص حكاية ما عارفة هم بيعملوا شنو دي؟ خليتها للبورداب هم يتخيلوا ممكن الكلية دي تكون عبارة عن شنو وطلابها وعميدها منو؟ والله يستر....لكن هي والله كلية صعبة خلاص....
Quote: والمسا , دايره اسجل في كلية الونسه بي مزاااااااج !! وفي الويك اند , والمناسبات السعيده واعياد ال(فالانتاين) , عايزه اسجل في كلية اللهو الخفي ,, |
Quote: والله يقدرني على القرايه دي كلها ,, |
د. نبراس مش دايرة تسجلي في كلية الونسة....يا هو الماقريت...
Quote: جامعتكم دي بالدولار ولا بالجنيه |
والله فتحت لينا باب....كنا حنعمل السنة الأولى مجاناً لجذب البورداب ...لكن طمعنا مدام في بالدولار.... سؤال.........انت من ناس شهادة عربية ولا شنو؟؟؟
مودتي
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
اهة يا سلوم ...ماشة كيف ؟؟
شكرا عمو ابو بكر لترشيحك لي وكيل للجماعة (الله عليو) !! وموافقة وكمان اكون تحت ادارة ود الجعلي .. ممتاز لانه زول مهذب وحكيم ...
وعنده مقومات الادارة الحقيقية للجامعة ... ولانه بعرف يتعامل كويس مع ناس الضرائب !! يعني ممكن يسك لينا اعفاء منهم بي جدارة !!
_______________________
بالنسبة لي انعام عبد الحفيظ وبما انو (هي من ناس كومي وكدة) فبصوت ليها لتفوز بعطاء الكافتيرا !!..
وبما اني وكيل الجامعة وعميد الكلية ديك يبقى ممكن يكون عندي صوتين ..
اهة الصوت التاني بديه لي عموا ابو بكر - لزوم انو رشحني لمنصب الوكيل .. !!
____________________________________________________ ود البشرى البوست دا الفائز للربع الاول 2008
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: Ahmed Abdallah)
|
دقيقه ندخل علي خوف وعلي عجل..اصله وراي مسئوليات جسيمه.. عندي كم طلب كده.. انا عايزه اقدم لوظيفة فراشه..بس تكون بارتايم.. لأنه عيني برضه علي ركن الشاي والقهوه جنب الباب..مافي البوقيه.. ما بحب اقطع رزق الناس..
واذا اترفض طلبي...لأي سبب من الأسباب المقنعه او الغير المقنعه.. فبيكون عندي طلب من نوع عايزه أكون اول ماشطح نطح واقدم لوظيفه تانيه..
ممكن اكون رئيسة قسم اجتماع في كلية الآداب؟؟
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: Muna Khugali)
|
Quote: ممكن اكون رئيسة قسم اجتماع في كلية الآداب؟؟ |
في ذمتك هسع شايفة ليكي كلية اداب في الجامعة بشان تسالي عن الاجتماع..خليكي في الخدمات معاي واصلو حاخد الكافتيريات قبل ما الوالي ياخدا اصلو انعام والبشري من هسع ما عارفيين يديروها كيف ودة شغل تخصص بتاعنا وقلنا مجانا والبيقدر يخدم كام الف واحدة وواحد سندوتشات بيرقر وماكدونالد وبيتزا وشاورما وايس كريم وكابشينو وووووالخ يجي ينافس اما حكي ساااي فما في.
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: abubakr)
|
Quote: في ذمتك هسع شايفة ليكي كلية اداب في الجامعة بشان تسالي عن الاجتماع..خليكي في الخدمات معاي واصلو حاخد الكافتيريات قبل ما الوالي ياخدا اصلو انعام والبشري من هسع ما عارفيين يديروها كيف ودة شغل تخصص بتاعنا وقلنا مجانا والبيقدر يخدم كام الف واحدة وواحد سندوتشات بيرقر وماكدونالد وبيتزا وشاورما وايس كريم وكابشينو وووووالخ يجي ينافس اما حكي ساااي فما في. |
ماتآخذونيش! لكن جامعه من غير آداب فايدتها شنو؟؟ الأدب مهم برضه! ثم ثانيا..مافي كليه آداب..مافي قسم أجتماع.. الناس دي تدرس تغيير اجتماعي..نظريات وانحراف.. نظام اجتماعي وغيره وين؟؟ المجتمع الأسفيري ايضا يحتاج الي باحثين اجتماعيين وكده..وأحيانا اصلاحيه ودار ايتام.. اما من حيث البوفيه وماشابه..ابدا..لن اتنازل عن رغبتي في بيع الشاي والقهوه جنب الباب.. لأسباب عديده...منها حبي للهواء الطلق..وفي البوفيه انت شكلك كده ناوي تقعدني جنب النار..وانا بخاف من النار في الحته المقفوله.. ثانيا..كده انت بقي في البوفيه بتديني ماهيه..وأنا من النوع اليحب رزق اليوميه الممتد..يعني مش الشغل بتاع الأجره بالساعه..لكن الشغل بعدد الزباين..وبصراحه الزباين بيحبوا يقعدوا في البنابر جنبي انا ست الشاي والقهوه.. ثم ثالثا..دي شغله بارتايم مع الفراشه..الحياه غاليه والتكاليف كثيره..ولازم شغلتين..
وهذا من حيث كأنه..مهم للغايه!
(ماتتاثر شديد بلغتي العربيه الغريبه دي..فيها جانب من الدهشه)
لازم يا سلمي كلية آداب!
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: Muna Khugali)
|
منى خوجلي يا عسسسسسسسسل.....
Quote: لأنه عيني برضه علي ركن الشاي والقهوه جنب الباب..مافي البوقيه.. ما بحب اقطع رزق الناس.. |
والله فيك الخير اصلو انعام عبد الحفيظ براها قلبها مقطوع من عطاء أساسي لقت كمان الأستاذ أبوبكر ....تقومي تجيها إنت ....ما بعرف يحصل ليها شنو؟
نسيت برضو الأخ محمد البشرى الخضر عمل للكافتيريا branches ......
Quote: ممكن اكون رئيسة قسم اجتماع في كلية الآداب؟؟ |
ناس شكسبير وكده يعني ولا بالمفهوم التاني....
طلبك مجاب.....ولو فتحنا ليك باب الترشيح أنا متأكده حتكسبي...!!!
........
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
منى خوجلي....
Quote: لازم يا سلمي كلية آداب! |
Quote: نظام اجتماعي وغيره وين؟؟ |
كلية الآداب بقت مهمة عارفة ليه؟؟؟؟؟ خطرت لي فكررررررررة جهنمية من موضوع النظام الإجتماعي ده عارفة هي شنو؟؟؟؟؟
مثلاً
توفيق راسين في الحلال
دي ضميها لقسم الإجتماع يا منى والله بتلقى الأجر وبتسعدي ناس كتيرة
Quote: لن اتنازل عن رغبتي في بيع الشاي والقهوه جنب الباب.. |
ما قلنا قبل شوية فيك الخير ...وطمّنا انعام عبد الحفيظ ....كده برضو حتجهجهيها....
ودي
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: salma subhi)
|
Quote: توفيق راسين في الحلال
دي ضميها لقسم الإجتماع يا منى والله بتلقى الأجر وبتسعدي ناس كتيرة |
فعلا والله يا سلمي..فكره جهنميه.. عارفه بفي وشطحا مما اقترح..اقترح برضه قسم فلك ونجوم..ونقوم ايه نعمل فيه جامعه شعبيه.. يعني كمان الناس الوقفت قرايه من زمان تجي..ونقوم ايه..نشوف برج مين ينفع مع مين.. ونشيل من هنا ونحط هنا..واخده بالك معاي؟؟ وبدل راسين بس ..نقرب رؤوس كتيره.. سبحان الله يا سلمي علي هذه الأفكار المنبثقه والتي تبعثرت في زمن ما..ثم عادت لتلتقي..
شوفي الجمله نفسها موسيقيه كيف؟؟
"راسين في الحلال"
سبحان الله لا بيجي معاها ريحة بصل وتوم..ولا صراخ شفع يحموكي النوم..ولا شكله طايره في المصاريف.. ولا فيها احتجاج ليه ما فسحتني الأسبوع الفات..ابدا..فيها رومانسيه للأبد..لا تبدأ بدين و لتكاليف الزواج ولا حاجه!
طيب سلومي حبيبتي انبثقت في راسي فكره أخري تعضد من قيام فكرتك..كلية المباني الوهميه للعرسان.. ماهم برضه لما يتوفقوا في الحلال عايزين داهيه يسكنوا فيها؟؟ بيوت من كونتيرات ومن ورق لو ممكن لا تتأثر بالحراره ولا بالهبوب في ساعة ذروتها..ولا بالفياضنات البقت تعبد السودان..
ازاي؟؟ ده دور المناهج في الكليه..شوفيهم يعملوا دراسه..
طيب.. انا موافقه اقدم وبأصرار شديد في كلية الآداب قسم اجتماع..ومصره علي ركن الشاي والقهوه ومصره كذلك أنا علي الفراشه..والحمد لله معي اسرتي تساعدني.. وأوعدك..اعمل في مشروعك الذي اقترحتيه بجديه مافيها هظار..اصله دي أمور مافيها لعب..ولو حصل..سريعا ما تنقشع الأمور وتظهر من غير يمه أرحميني..
ومن حيث هنا أكتفي بهذا القدر العجيب من الأقتراحات والقبول بالمسئوليات..
وارجو أن تعيري لغتي كثير من الأهتمام...علشان لو نفعت..عايزه أقدم رئيس لشعبة اللغه العربيه.. ساقدم بروح واثقه مطمئنه!
لغتي حلوه..صح؟؟
| |
|
|
|
|
|
|
Re: جــــامعة ســـودانيزأونلايـن .....بالله أدخل وعااااين وبعدين قاااارن !!! (Re: Muna Khugali)
|
منــــــــى خوجلــي....
Quote: راسين في الحلال.... فعلا والله يا سلمي..فكره جهنميه.. عارفه بفي وشطحا مما اقترح..اقترح برضه قسم فلك ونجوم..ونقوم ايه نعمل فيه جامعه شعبيه.. يعني كمان الناس الوقفت قرايه من زمان تجي..ونقوم ايه..نشوف برج مين ينفع مع مين.. ونشيل من هنا ونحط هنا..واخده بالك معاي؟؟ وبدل راسين بس ..نقرب رؤوس كتيره.. سبحان الله يا سلمي علي هذه الأفكار المنبثقه والتي تبعثرت في زمن ما..ثم عادت لتلتقي..
|
والله انت الأفكارك جهنمية....بقت بدل راسين نقرب رؤوس كتيرة.....بس الله يستر يا منى ما يتخابتوا في بعض.... ده هسي ما بقى مشروع عرس جماعي !!!
Quote: شوفي الجمله نفسها موسيقيه كيف؟؟
"راسين في الحلال"
سبحان الله لا بيجي معاها ريحة بصل وتوم..ولا صراخ شفع يحموكي النوم..ولا شكله طايره في المصاريف.. ولا فيها احتجاج ليه ما فسحتني الأسبوع الفات..ابدا..فيها رومانسيه للأبد..لا تبدأ بدين و لتكاليف الزواج ولا حاجه! |
يا منى يا عسسسسسسسسسل ده كلو بيجي بعد ما الراسين يجتمعوا...
Quote: طيب سلومي حبيبتي انبثقت في راسي فكره أخري تعضد من قيام فكرتك..كلية المباني الوهميه للعرسان.. ماهم برضه لما يتوفقوا في الحلال عايزين داهيه يسكنوا فيها؟؟ بيوت من كونتيرات ومن ورق لو ممكن لا تتأثر بالحراره ولا بالهبوب في ساعة ذروتها..ولا بالفياضنات البقت تعبد السودان.. |
منى كدي قولي بسم الله من العرسان بقينا في السكن وشكلك حتودينا لي تربية الشفّع....البيخارجنا شنو تاني... كدي هدّي الطموح ده شوية.... والله أثبت لينا انك زولة بتشتغل صاح لكن الناس كده ما حيقروا حيطمعوا فينا ونبقى في عمل بوست نداء لإنعام حيمورة لمساعدة الأزواج وإييييييييييييييييييك الحكاية دي ما معروفة نهايتها وين.....
Quote: وارجو أن تعيري لغتي كثير من الأهتمام...علشان لو نفعت..عايزه أقدم رئيس لشعبة اللغه العربيه.. ساقدم بروح واثقه مطمئنه! |
كدي خلينا نحل موضوع قسم الإجتماع الدخلنا فيه ده في الأول ....دي ورطة يا منى....
بينّا لقاءات وإجتماعات....
.....
| |
|
|
|
|
|
|
|