|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
Quote: مع التقدير أكمله للأخت الدكتورة ناهد لكن للأسف نحن شعب لا يحترم العلم ونوزع الألقاب والصكوك والشهادات بلا مقابل وهذا للأسف لا يحدث فقط علي مستوي المجاملات الشخصيةفقط لكن أحياناً حتي علي مستوي المؤسسات الجامعية فكم من شهادة أستاذية منحت للمئات بغير حقها والذين يصبحوا مضحكة أو علي الأكثر مستمعين فقط عند مشاركتهم في المؤتمرات العلمية وهنا ليس لدي أي شئ شخصي ضد د.ناهد ولكن لا أظن أنها نفسها تقبل أن يكتب عنها الدكتورة الأديبة العالمة وهي قد كتبت بنفسها أنها خريجة الدفعة السادسة عشر من جامعة الجزيرة أي لم يمضي علي تخرجها من الجامعة إلا حوالي الثمان سنوات وأظن أنها عملت حضرت تخصصها في الطب النفسي (علي ما أعتقد) في مجلس التخصصات الطبية مثلها مثل المئات من الأطباء في السودان. نعم هي واحدة من الفتيات المثقفات والتي تحاول تسخير دراساتها وإطلاعاتها للمساهمة في التنوير والمشاركة إعلامياً بنشاط كبير وهذه الكتابات عن الشخصية السودانية هي مثال لذلك وإن لم يكن عملاً فريداً لذا لا أري أن الأخ محقاً في كتابته عنها العالمة وكان يمكنه الإكتفاء بوصفها بالأديبة وعندنا هنا في البوردأخوة من أطباء وكتاب مساهماتهم الفكرية تساوي أضعاف مضاعفة لإنتاج د.ناهد ولم نصف يوماً أحدهم بالعالم أو المفكر أرجو أن تؤخذ مداخلتي هذه في حدود التوجيه بالدقة في توزيع الألقاب لا سيما وانني شخصياً ليس لي مساهمات في أي صحيفة وهي قد إختاروها نائب رئيس لإتحاد الكتاب الجديد كما أظن ولها أولاً وأخيراً التقدير والثناء
(عدل بواسطة صباح حسين طه on 18-01-2008, 06:02 ص) |
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
Quote: ومن قراء الحروف الاولي في العربية (ا و ب) فهو عالم في مداره....... ....الدكتور ناهد بكتابتها العميقة والمتقنة والسابحة عميقا في الشان السوداني والشان الادبي اري انها تستحق ان نطلق عليها العالمة والموسوعية حضرت لها عدة جلسات للتفاكر وليلة للالقاء الشعري فمارس فينا اشياء عديدة اكثرها صوتا كان هو الانبهار... موسوعية وعميقة ومالكة لمنهج واضح وشفاف في كل القضايا التي تتناولها وبلاضافة الي ذلك تمتلك كارزيما العلماء والعارفين وموشحة بالتواضع الذي هو اكثر صفات العارفين وهجا وسطوع.........
العلم لا يقاس بسنين الخروج علي كراسيه بل تفعيل المعرفة وامتصاص رحيقها والمثابرة والاجتهاد والتجارب ونحت الصخر هو يطلق مثل الاصوات المبهرة كالدكتورة ناهد.... لها كل الود والتحايا والتقدير ودوما الي الامام يا ناهد فانت فخر للمراءة السودانية |
وانا برضو يا دوما استغربت شديد وحزنت بالجد
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
Quote: يعني لو كان شالت حكايه الثناءوالتقدير في اول كتابتها واخرها دي كان الموضوع ممن يتبلع . شكرا لكتابتك دي يا كيكي |
الشي الغريب انو الاخت صباح تركت الكلام الممكتوب والمرفق زي ديشليون مقال كده ومشت طوالي للشان الرهيف والسطحي من الموضوع....
ناهد حسب علمي هي خريجة كلية الطب جامعة الجزيرة واتحدي اي شخص ان ياتي الينا باسم اخر للطبيب او الطبيبة في السودان (غير دكتورة او دكتورة)...
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
Quote: لشي الغريب انو الاخت صباح تركت الكلام الممكتوب والمرفق زي ديشليون مقال كده ومشت طوالي للشان الرهيف والسطحي من الموضوع.. |
لا يا كيكي هي ما خلت الكلام المكتوب هي عملت تقييم شامل كامل لانجازات دكتوره ناهد وقالت انها لا تستحق الراو المعمول ليها ودا المحزن في الموضوع . ولا يدخل في باب النقد والذي تتقبله دكتوره ناهد بكل سماح و طيب خاطر
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: حيدر حسن ميرغني)
|
عارف يا حيدر بس اقرا الفقره دي من كلام صباح وقل لي رائيك هل دا كان مجرد حرصها علي دقه توزيع الالقاب ؟؟؟؟!!! نحن لو ما متنا يا ولدي شقينا المقابر
Quote: أي لم يمضي علي تخرجها من الجامعة إلا حوالي الثمان سنوات وأظن أنها عملت حضرت تخصصها في الطب النفسي (علي ما أعتقد) في مجلس التخصصات الطبية مثلها مثل المئات من الأطباء في السودان. نعم هي واحدة من الفتيات المثقفات والتي تحاول تسخير دراساتها وإطلاعاتها للمساهمة في التنوير والمشاركة إعلامياً بنشاط كبير وهذه الكتابات عن الشخصية السودانية هي مثال لذلك وإن لم يكن عملاً فريداً لذا لا أري أن الأخ محقاً في كتابته عنها العالمة وكان يمكنه الإكتفاء بوصفها بالأديبة وعندنا هنا في البوردأخوة من أطباء وكتاب مساهماتهم الفكرية تساوي أضعاف مضاعفة لإنتاج د.ناهد ولم نصف يوماً أحدهم بالعالم أو المفكر |
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: مجاهد عبدالله)
|
Quote: أول مرة وكمان معاها صورة .. الليلة قلتا لنيستا زح غادي .. |
لوووووووووول حبابك يا مجاهد بس يعني الاخالتك دومه المسكينه قالوا البوستات الفيها صور بتجيب الشمشرجيه سمعت الكلام عند ود البشري اسه منتظره الود تمبس يبقي شديد عشان يهندس لي الصور من زمن الصبا الي زمن الكهوله وننزلها تخريمه سيتم العرض قريبا فترقبوه
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
Quote: لاول مره في تاريخ الشاشه البلوريه حاجه دومه ( توجد صوره)
|
معقولة يا دومة سوق بوستاتك باير للدرجة دي؟؟؟!!!
إنتي ما عارفة موضة البوستات الساخنة اليومين ديل؟؟!!
Hint
نزلي بوست و سميهو ... آآ .. عمر الشريف ..... أو ... الفيس بريسلي ... صوفيا لورين ... and it will be sold out تجي تقولي لينا حاجة دومه ( توجد صورة ) !!!
( نسيت ... موضوع البوست ده ... شنو ؟؟!!)
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
العزيزة / دومة صباح الخير قلنا نديه دفره ...بالصورة دي......
Quote: يعدين يا اخوي الفيس برسلي وعمر الشريف وصوفيا لورين تدقش السايبر ده تلقي صورهم حبطرش لكين ماما دومه دي صورها بلقوها وين ؟؟؟ |
والله فتشت صورة خالة دومة ....حتي بالدولار مالقيته....الغالي بي غلاته . يديكي العافية هارون دياب
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
الناس دى مابتخجل , شنو خالتى دومه الشابكنك بيها دى ,
لكن انا بعذرهم لانو ماشافوك ,, ياجماعه الزوله دى لوشفتوها امانه مابكون فى جنس
كسير ,, عشان كده اى زول بيستعمل كلمة خالتو دى احسن يسحبها لانو بعدين فى كلام تانى ,,,
لوم ـــــ
اتلومتى والله ياصباح تعابيرك ماكانت موفقه ,, ولكننى اظنها( غيرة ) النساء ,,
ولايهمك دكتوره ناهد فانا اعلم ان مثل هذا الكلام لايزيدك الا علما .
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: kamal ali)
|
Quote: ا لا ادري هل هو التحيز النوعي ام ان النساء في بلادي مبدعات مبدعات مبدعات لحد بعيد هل تتعطل حاستي النقدية عندما يكون العمل لكاتبة ام ان حاستي النقدية هي التى تدلني الى هذه الكتابات الرائعة.؟!!! فانا تبهرني كتابات اماني عبدالجليل النقدية وتضيعني تفاصيل سناء جعفر وتسحرني منى احمد بالذكاء والحرفنة في الكتابة..وتغمرني كتابات حليمة عبدالرحمن ومقدرتها في عرض الظاهرة وتحليلها بصورة بسيطة ممراحة.حتى اقول اني ا ا حتى اقول اني اغرق اغرق حتى دومة الغياظة التي نختلف فكريا اختلاف الليل والنهار والتي تدعي دائما انها ما كاتبة ولا شيتين الا انها تحفر في عقلي.. عشة بت فاطنة كانت ولازالت لسنين طويلة كاتبتي المفضلة ومعلمتي رغم انها دفعتي..سلمي الشيخ التي تكتب بقلم سائل لا يجف تبكيني تداعيات الذكريات التى تسيلها كتابة ومنى خوجلي المبهرة في جدها ولهوها..بحوث ام راشد المعلمة زودتي بمعلومات
لا تتوفر لي في منفاي وكذلك تيسير النوراني ودكتورة اشراقة وكتابتها الاباداعية والنظرية ومنهجيتها العالية والكارثة تراجي..ممكونة المهمومة بالقضايا العامة ام سهى و عواطف ادريس سوميتا وعزاز شامي وميادة لنا مهدي رجاء العباسي مريم حسين
نساء كثيرات مبهرات رائعات قرأت لهن في السابير..لا حصر لهن ولا يسعني ان اذكرهن فالينتظرن الى مارس... في داخلي احتفي بهن وكل عام في يوم المرأة اجمع ما اعجبت به وانشره تحت نساء مبدعات ولكن هذه المرة في رحلتي الجميلة الى الدوحة التقيت بمن لا استطيع ان انظرها الى مارس..وهي دكتورة ناهد محمد الحسن وكانت هدية هذه الرحلة بالحق وكنت محظوظة ان التقيت بها..حيث تواعدنا على التواصل
:
|
هذا ما كتبته الدكتوره نجاه محمود الحاضره دوما معنا بحق الدكتوره ناهد محمد الحسن .
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
هلا يا دوما واها بعدما القصة بردت ونفسي برد شوية اتذكرت اهلنا (النوير) الواحد فيهم لو لقي (نويراوي*) عامل شكلة بخش فيها وبعد الكبع ينتهي يسال (ياجماعة الحاصل شنو؟؟؟)
فدحين يا دومة
ويييييييين الصور وياتو شاسة بلورية الظهرتي فيها اوع تكون بتاعة الجماعة اياهم؟؟؟(وش مكرمش وعاوز يولع تاني)
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: عبدالكريم الامين احمد)
|
الجميلة الحبيبة :دومة قرأت هذا البوست بصحبة أبنوسة ونادوس(عشاقك المخلصين) الذين يعرفون نبلك وأصلك , أنت والاصدقاء أخجلتونى بإحاطتى بكل هذا الحب والايمان واليقين , عدا ان لقب دكتور منحه العرف الاجتماعى للاطباء منذ غابر التاريخ..لا اظن ان الالقاب العلمية يمكنها ان تنوب عن الابداع والفكر وشخصيا أعتبر لقب أديبة أكثر من محرد ثناء عابر..واكتفى به عن رؤية سوءات ما بعده ..ولك يادومة كل الود , انتظرينا انا وابنوسة العام القادم ننوى ان نخص اوروبا بجنون سودانى نسوى م نوع خاص ويابيان استعدى انت واشراقة مصطفى ...الى لقاء
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: عبدالكريم الامين احمد)
|
Quote: لا يا دوما واها بعدما القصة بردت ونفسي برد شوية اتذكرت اهلنا (النوير) الواحد فيهم لو لقي (نويراوي*) عامل شكلة بخش فيها وبعد الكبع ينتهي يسال (ياجماعة الحاصل شنو؟؟؟)
|
لووووووووووول يا كيكي كلنا نوير يا ولدي Quote: ويييييييين الصور وياتو شاسة بلورية الظهرتي فيها اوع تكون بتاعة الجماعة اياهم؟؟؟(وش مكرمش وعاوز يولع تاني) |
الصور بتجيك في الخاص الصور العامه منتظرين عمليه تمبس تلتئم ويقعد يصلحها بالفوتوشوب كان ننافس بنوت الهامش . بري وشك ما يتعفرت امك دومه البوديها الشاشه البلوريه شنو ؟؟؟ انا قاصده الشبكه العنكبوتيه الا من الزعل طلعت بلوريه
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: Deng)
|
دوما طبعا انا زي كيكي اخوي ده كان كحيتي انت برضو بجي جاريه.
اولا يا د.صباح حسين الصحفيه عارفه د.ناهد محمد الحسن دي لو ماكتبت اي حاجة مقالها الوحيد عن ستسات الشاي يكفيها,يكفيها لنتوجها انسانه ومخلصه لانسانيتها.اين انتم الصحفيات عن هموم ستات الشاي؟؟؟؟ومش ستات الشاي عن هموم الوطن عموما؟؟؟ما كل واحده ضابه باس وردها وقاعده تتفرج محل المقالات بقروش احتمال بتكتبوا لكن محل المجاننا ده الا تجوا تشاكلوا في ناس ناهد ديل.
ويا دوما عليك الله ختي لينا اللينك بتاع مداخلاتها عشان نفتش ونقرأ هي صباح حسين دي قاعدة تكتب شنو. اصلا في اكثر من صباح حسين هنا.
ويا كيكي كتلتني بالضحك:
Quote: دومة دي لو (كحت) ساكت انا اول زول بجي جاري وعشان اعمل توازن قوي وهامش وجلابة تراجي برضها لو كحت بتلقاني جاي جاري
كرهونا الجري والمساككة يا بو كمال الناس ديل.. |
ربنا يديك العافيه وتجري كمان وكمان .
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
غايتو انت بشاشا ده موجعك بالحيل:
Quote: اهلا يا ملك يا زول محظوظه انا الشفتك انت في خريف عمري اسمعني بشاشا وصل امريكا ؟؟؟ غايتو لقيت محس خالد في بوست الليركس جيهو جيهه تمام انا عافيه منو محسن دا عفويا يتقيهو ويوقيهو |
يازول محسن خالد يجيه شنو؟؟؟ولا منو؟؟؟؟ انتو فاقعكم بشاشا ولا الباقر العفيف ولاالباقر موسى ولا عبد المنعم ابراهيم الحاج ولا....الخ القائمه قاعدة تطول وشرفاء السودان ومستنيريه لن يسكتوا ابدا آخير تصلحوا فهمك ده وتبطلوا البتعملوا فيه ده.
و الاستنارة المستترة زي حقتكم دي بقت ما بتأكل عيش.
اه كده كلمينا باقي المخابارت قالت شنو؟؟ اميرنا الوكشي في الطريق الينا ام لازال يواصل تعبئة مهمشي الداخل؟؟؟
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: Muna Khugali)
|
اها يا د. بيان الفيك اتعرفت قلتي لي شايقيات وجعليات ساي و الباقي يركب الظلت :
Quote: ا لا ادري هل هو التحيز النوعي ام ان النساء في بلادي مبدعات مبدعات مبدعات لحد بعيد هل تتعطل حاستي النقدية عندما يكون العمل لكاتبة ام ان حاستي النقدية هي التى تدلني الى هذه الكتابات الرائعة.؟!!! فانا تبهرني كتابات اماني عبدالجليل النقدية وتضيعني تفاصيل سناء جعفر وتسحرني منى احمد بالذكاء والحرفنة في الكتابة..وتغمرني كتابات حليمة عبدالرحمن ومقدرتها في عرض الظاهرة وتحليلها بصورة بسيطة ممراحة.حتى اقول اني ا ا حتى اقول اني اغرق اغرق حتى دومة الغياظة التي نختلف فكريا اختلاف الليل والنهار والتي تدعي دائما انها ما كاتبة ولا شيتين الا انها تحفر في عقلي.. عشة بت فاطنة كانت ولازالت لسنين طويلة كاتبتي المفضلة ومعلمتي رغم انها دفعتي..سلمي الشيخ التي تكتب بقلم سائل لا يجف تبكيني تداعيات الذكريات التى تسيلها كتابة ومنى خوجلي المبهرة في جدها ولهوها..بحوث ام راشد المعلمة زودتي بمعلومات
لا تتوفر لي في منفاي وكذلك تيسير النوراني ودكتورة اشراقة وكتابتها الاباداعية والنظرية ومنهجيتها العالية و الكارثة تراجي..ممكونة المهمومة بالقضايا العامة ام سهى و عواطف ادريس سوميتا وعزاز شامي وميادة لنا مهدي رجاء العباسي مريم حسين
نساء كثيرات مبهرات رائعات قرأت لهن في السابير..لا حصر لهن ولا يسعني ان اذكرهن فالينتظرن الى مارس... في داخلي احتفي بهن وكل عام في يوم المرأة اجمع ما اعجبت به وانشره تحت نساء مبدعات ولكن هذه المرة في رحلتي الجميلة الى الدوحة التقيت بمن لا استطيع ان انظرها الى مارس..وهي دكتورة ناهد محمد الحسن وكانت هدية هذه الرحلة بالحق وكنت محظوظة ان التقيت بها..حيث تواعدنا على التواصل
:
|
طبعا ناس الهامش لما يذكروا يذكر معهم البؤس!!وانهم (كوارث)!! غايتو كثر خيرك الطعمتيها بام راشد الدنقلاويه
كدي امشي اقري بوست عسكوري الحج مروي...!! عشان تآمني!!
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: Tragie Mustafa)
|
بنوت الهامش ديل يا عني منو؟؟؟
Quote: الصور العامه منتظرين عمليه تمبس تلتئم ويقعد يصلحها بالفوتوشوب كان ننافس بنوت الهامش . |
وحياتك شوية حركات اتعلموها من بنات الجلابه ديل يعني فلاحتك فيهم..وله ما شايفه عمايل الجلابيات؟؟؟تكثري بنملا لك البوست ده كله صور بنوت اهلك ونخلي القارئ يتفرج ونشوف المشغول بالقضية الفارغه دي منو؟؟؟
وبرضو ما تقولي شكل ده كله في عالم ونستنا بتاعت 2008 وزي ما قلت لك اتقاعدنا و الحمد لله.
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: Tragie Mustafa)
|
Quote: وحياتك شوية حركات اتعلموها من بنات الجلابه ديل يعني فلاحتك فيهم..وله ما شايفه عمايل الجلابيات؟؟؟تكثري بنملا لك البوست ده كله صور بنوت اهلك ونخلي القارئ يتفرج ونشوف المشغول بالقضية الفارغه دي منو؟؟؟
وبرضو ما تقولي شكل ده كله في عالم ونستنا بتاعت 2008 وزي ما قلت لك اتقاعدنا و الحمد لله. |
تراجي انت نجاه كانت قالت عليك كارثه ما خاتيه يا زوله تصدقي ابدا ما فكرت في الكلام بالصوره دي من حيث انه اهتمام فارغ انا زاتي بريد اتفرج في الصور وبالجد اعجبت بصورك جدا بحب بس اكاويك يا معبوده شباب بورسودان (والحلال المجاوره لزوم التهميش وكدا )
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: Muna Khugali)
|
Quote: هي قد كتبت بنفسها أنها خريجة الدفعة السادسة عشر من جامعة الجزيرة أي لم يمضي علي تخرجها من الجامعة إلا حوالي الثمان سنوات |
عالمة ام لواء فى الجيش! الكسب العلمى للمتميزين يحسب بالعرض وليس بالطول (الأقدمية) ثمانية سنوات ليست بالأمر الهين! صديقنا الناشط فى مجال الانسان الدكتور مضوى ابراهيم آدم اكمل الدكتوراة فى الهتدسة الميكانيكة خلال عامين فقط اكرر فقط واضطر الى الانتظار لمدة سنة كاملة من اجل الحد الادنى الذىفى تخصص دقيق تحت اشراف بروفيسر ناندى! دكتور مضوى ظل ناشطا وهو طالب فى الجامعة وبعده وظلت الانقاذ تلاحقه وتنقله من سجن الى سجن واشبعته تعذيبا يشيب له الولدان برغم مرضه وضالة بنياته ولم تطلقه الا بعد مناشدات حقوق الانسان ومنظمة العفو وعندما ارادت المنظمة العامة لحقوق الانسان تكريمه فى ايرلندا لكسبه الانسانى اعادته حكومتنا من المطار ولم تنسى ان تتهمه بالتجسس لصالح دولة اجنبية! تخيلوا ان دكتور مضوى يعيش فى دولة تحترم فيها حقوق الانسان وهو الذى نال الدكتوراة فى سنتين فى تخصصمن انواع الحركة كانت تعالجها الناسا فى ذلك الوقت! ماذا كان يمكن ان يكون لو تفرغ للكسب العلمى! السودانيين تميزوا بالنشاط العلمى المميز فى كل انحاء العالم اثروا البحث العلمى فى انجلترا وامريكا وكانت انجلترا وامريكا تمنح السودان مئات المنح فى كافة التخصصات ح! من الطريف ان صديقنا برسى ذهب الى انجلترا فى بعثة من ضمن كثيرين من انحاء العالم لنيل درجة الماجستير فى الهندسة المدنية على ان يتم منح الافضل اداءا منهم فرص تحضير درجة الكتوراة! اخونا التابغة برسى اكمل الماجستير فى احدى عشرة شهرا باداء مشرف اذهل المشرفين الذين قرروا ان من العبث اهدار الوقت لانتظار نتيجة الاخرين فلن يحرزوا ما احرزها فضلا عن ان يتجاوزوه وتم منحه فرصة التحضير على الدكتوراة وزملاءه فى بعض الاقطار لا زالو يستفون عفشهم للحضور للماجستير! هذا فى بريطانيا بلد البيروقراطية والتقاليد الراسخة يا صباح! جنى
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
سلام دوما و د. ناهد و كيكي و تراجي
سنوات العمر لا تعكس و لا تقيس ابداع و مقدرات الانسان
و يملاني الفرح لم اسمع انسانه ذات شفافيه لا مست السحاب
و خاصه د. ناهد الدفعه 16 جامعه الجزيره
يكفي و ضوح و شفافيه الروح التي تدفعها بقوه لاعالي الجبال
(من الدفعه 14) ________________________________________ تخريمه شنو يادوما عارفه الناس مكسريين عدييل
بكتباتك كمان عاوزه تجيبي الصوره؟
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
انا غايتو عندي راي تاني
ما تزعلوا مني لكن صباح كلامها وقع لي
يعني الزول البقعد عمرو كلو من ماستر لي دكتوراه زيو وزي القرا خمسة ولا ستة سنين طب
نحن بيتنا كلو خريجين طب
لكن في الطب ذاتو في الماستر و الدكتوراه
و السودانيين عندهم حب الالقاب عشان نكون واضحين
يعني انا العفين ده زمان وانا طالب جامعه لمن اجي اقرا الشعر في جامعة تانية لطلبة زي و زيهم بقدرة قادر ببقى اسمي الاستاذ الفاضلابي
ناهد نثنق بيرسونال لكن الموضوع محتاج نقاش
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: fadlabi)
|
يا فاضلابي انا موضوعي ابدا ما الدال القدام اسم ناهد من اليوم بشيلها برا لانها طبيبه موضوعي هو التقييم السلبي لانجازاتها يا جماعه يا انا ما بعرف اقرا ولا انتوا ما بتعرفوا تقروا لكين غالبا اكون انا Quote: والتي تحاول تسخير دراساتها وإطلاعاتها للمساهمة في التنوير والمشاركة إعلامياً بنشاط كبير وهذه الكتابات عن الشخصية السودانية هي مثال لذلك وإن لم يكن عملاً فريداً لذا لا أري أن الأخ محقاً في كتابته عنها العالمة وكان يمكنه الإكتفاء بوصفها بالأديبة وعندنا هنا في البوردأخوة من أطباء وكتاب مساهماتهم الفكرية تساوي أضعاف مضاعفة لإنتاج د.ناهد ولم نصف يوماً أحدهم بالعالم أو المفكر |
وكتاب مساهماتهم الفكرية تساوي أضعاف مضاعفة لإنتاج د.ناهد
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
دوما..حبابك يا صديقة غايتو بالغتي عديل.. اخيرا المدرسة الهشامية الهبانية (ينفع اسم لطريقة مش؟) .. اتت اكلها و خريجاتتها كمان..
غايتو انا ما عارف الحاصل شنو.. لكن..!
من ما جيت المنتدى ده .. ما حصل قلت لصديقنا بكري ابوبكر (في موسم الأرشفة) ارشف موضوع لزول ولا زولة.. لكن القاعدة دي اتكسرت في موسم الأرشفة الأخير ..و طلبت منو أن يقوم بأرشفة موضوع لزولة..و الزولة دي كانت ناهد محمد الحسن.. اها قاموا بعض من اصحابي مروا بذلك الطلب..و بقت القصة مدورة.. كل واحد ولا واحدة يوصي التاني..و يقول ليهو اسمع في كتابة بتاعة زولة اسمها ناهد محمد الحسن خلي بالك منها.. لأنو عمك كبر طلب يأرشفوا ليها موضوع..شفتي جنس اللذاذة دي كيف؟..طبعا انا ذاتي اتكيفت من الحتة دي و استثمرتها غرورا..و كيف لا..و الواحد صبح مرجعية (طبعا على نطاق دايرة اصحابه و صاحباتو المحدودة جدا)..اها كن انا عندي حبة شوف في القراية.. قاعد اقرا لكثيرين و كثيرات..و احدثهم اضافة ناهد محمد الحسن دي..و فرحان بالحيل انو المنتدى التفت لكتابات ناهد..(الشكر لأخونا و صديقنا طارق الفزاري..ود زينب.. الذي جمع بعض من كتابابتها في بوست واحد..و سهل علينا كثير من الجري و الطيران)..
اها بالنسبة لموضوع الألقاب..مرة كنت بتناقش لي مع شباب هنا في كندا..و اشيل و ارزح.. ابكر ادم ..و ما ادريك ما ابكر ادم.. قام واحد فوينع كده قال لي : قصدك دكتور ابكر ادم؟..طبعا طنشت..و الراجل شالها معاي تقيلة..خلاص..و اعتبرني في عداد من يبخس الناس اشيائهم.. فكرة الألقاب .. تم نقاشها هنا (في سوالف ايام المنتدى)..و جابت مجابدات كتيرة..و اشهرها بوست صديقنا اسامة الخواض عن مفهوم المتأكدم.. و انا عندي معاها حساسية شخصية (ياخي بسببها لغاية الان ما باركت لصديقتي اشراقة مصطفى الدال بتاعتها.. شفت جنس الحقد ده كيف؟لأنو الفكرة عندي.. اشراقة دي ليها اجتهاداتها قبل الدال..و الدال في النهاية تمام خياطة بالحرير زي ما بيقولوا اهلنا).. فكرة دال ناهد محمد الحسن..و قبلها دال اخونا ابكر ادم اسماعيل..و قبلهما دال صديقنا الشاعر معز عمر بخيت (عشان ما ينط لي واحد في حلقي ساكت.. انا بتكلم عن تجربتي لمن قريت السراب و الملتقى سنة 1985).. هي فكرة اساطير بيخلقها المجتمع..و هي بريئة في كثير من مقاصدها ..يعني أي خريج طب (بيطري.. اسنان.. صيدلة.. بشري) هو عندنا دكتور..و ده اللبس الأساسي في المسألة .. يعني نحن كده (كمجتمع ).. عندنا حول تجاه الحاجات.. المحامي استاذ..و استاذ التأريخ استاذ..و لاعب الكورة استاذ..و هكذا..و الأستاذية كأسطورة اجتماعية ..زيها و زي الدكترة.. ما عندها حدود معينة.. يبقى المعيار ليس في اللقب ..و انما في القدرة على انتاج المستفز (يعني كتابة سواءا كانت بحث او خواطر..بتستفزك بالأسئلة..و تدخلك في حيص بيص مع نفسك) هو المهم عندي..
الغريبة ليه صديقتنا صباح حسين ما انتبهت لأخونا دكتور بشار صقر؟
كبر
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: Kabar)
|
يا كبر الكبر حصل ولا شنو؟؟؟ الزول اسمه ود الزين وليس ود زينب طارق الفزاري
Quote: ..(الشكر لأخونا و صديقنا طارق الفزاري..ود زينب.. الذي جمع بعض من كتابابتها في بوست واحد..و سهل علينا كثير من الجري و الطيران).. |
بعدين يا اخوي صداقة صداقة السجم حسه انت ما منتبه لانه طارق الفزاري غادر المنبر محتجا له فترة قرابة العام؟؟؟
بعدين انت حسه راجل كبير وما بتخجل تدخل في لغو الصبيه: بعد ما قلت هذا:
Quote: و هي بريئة في كثير من مقاصدها ..يعني أي خريج طب (بيطري.. اسنان.. صيدلة.. بشري) هو عندنا دكتور.. |
البخليك تجيب سيرة البحر شنو ثاني:
Quote: الغريبة ليه صديقتنا صباح حسين ما انتبهت لأخونا دكتور بشار صقر؟ |
يعني عايز تقول شنو؟؟؟د.بشارة ولا واحد في ديل الفوق؟؟؟ يا راجل اختشي انا خجلت لك.
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: حبيب نورة)
|
حجة دومة سلام
مستنين الصور .. بعد ما ملحتونا فى الشتاء التانى ومشيتى السودان
جايى أعاتبك فى حق صباح أحمد .. عنوان البوست خلا الموضوع زى النميمة وهى ما جايبة خبر .. ومافى مسنجر ..
أرجو محاولة الأخوان / ت لفت نظرها للدفاع عن نفسها ..
هذا لا يعنى أنى من وجهة نظرها .. فالتحية والأجلال للأديبة د. ناهد
محبتى
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: رأفت ميلاد)
|
Quote: جايى أعاتبك فى حق صباح أحمد .. عنوان البوست خلا الموضوع زى النميمة وهى ما جايبة خبر .. |
لووووووووول يا رآفت عتابك مقبول ا لا بالغت فوكا عنوان البوست بتاع الصور دا جاب محمد سليمان يعني دا بوست ما في زول بنطه الاالراسخين في العلم . وانتظر لما انزل الصور ما لاقيه زول يساعدني لانه حجمها كبير قلت انتظر ولدي تمبس لانه فنان في الحكايات دي لانه انا وكوستاوي خوه فرتقت زممممان . بعدين يا اخوي لما اعلنت في الصيف الفات عن مجئ لبلدكم وكتبت في البور دا طنشتني اها لفيت بلدكم السمحه دي ورجعت قواعدي سالمه . والصيف دا لوربنا هون بنجئ نحن لو ما زرنا جبال الالب دي ما بنرتاح في كل عام مره .دا برنامج شبه ثابت الا بس يمنعنا الشديد القوي ( الفلس)
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
Quote: انت بس خليك قريب لما تنزل الصور ح تكسر ركبه هنا وتقيف وسط البلد وتهتف بريييييييييدك يا صباح عمري يعدين يا اخوي الفيس برسلي وعمر الشريف وصوفيا لورين تدقش السايبر ده تلقي صورهم حبطرش لكين ماما دومه دي صورها بلقوها وين ؟؟؟ الا ذو حظ عظيم |
عارفه يا دومة..أنا غايتو من غير ما أشوف صورتك.. ضبطتك متلبسة بالجمال ..فى بوست تراجى بتاع آلن ديلون السودانى .. لأنك قلت على نفسك شينة..وطبعا الزول الشين أبدا ما بقول على نفسو شين.. يا حلوة انتى يا جلابية بيضا مكوية
والله بعد كلامكم ده الواحد يمشى يقرا ( للعلامة) ناهد محمد الحسن دى.. معليش يا د. ناهد ما سمعت بيك قبل كده ..وما قريت ليك .. أنا اساسا بره الشبكة..فى حاجات كتيره.
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
Quote: بغض النظرعن انها ذهبت الي اي حد كلامها يفتقر الي اللباقه والذوق |
سلامات يا doma، وكل عام جديد وأنت بخير.
قرأت ما نقلتيه عن زميلتنا صباح حسين طه. ورغم اختلافي مع بعضه "خاصة فيما يتعلق بعدد السنوات التي تلت تخرج د. ناهد"، لكن من الواضح أن صباح ركزت فعلا على مسألة "المبالغة" في إطلاق الألقاب، وهو "أي هذا الاحتفاء حق مشروع". وقد عبرت عن رأيها هذا دون أن تتعرض بالسوء لدكتورة ناهد، بل أنصفت مساهماتها بوضوح.
افتقار كلمات صباح للباقة والذوق - ولا أتفق معك هنا- لا يبرر تخصيص مقال يتناول رأيها هذا. وإن كان لا بد، كان من الأفضل -كما أرى- أن تتضح فكرة مقالك هذا إذا كنت ترومين مجادلة صباح، فما أسهل أن يتحول مقال كهذا للنيل من صباح بدلا عن إنصاف دكتورة ناهد.
وعلى العموم: أتمنى إني أستمتع بpost يناقش ما كتبته صباح، لأنه مثير للجدل فعلا.
... وما أظني محتاج أقول ليك أو لدكتورة ناهد: nothing personal. _____________________________
تحياتي -عبرك- لدكتورة بيان.
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: jini)
|
Quote: دى الوجيبة المرقت من الزريبة! دومة دى عملوها بى قالب وعفصو القالب يعنى ما فى حاجة نشبها ليك بيها! غايتوا عاين لى البركل لو لقيتوا...! بتشوف دومة جنى |
لول جني عين الرضا عن كل عيب كليلة .... و عين السخط تبدئ المساوي. او كما قال . انت من زمن سماح دومه ؟؟؟ لا يصلح العطار ما افسده الدهر يا صديق . البركه في وليداتي ووليداتهم
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: Ashraf el-Halabi)
|
اهلا باشرف الحلبي عاش من شافك لو كنا عارفين كدا كان كل يوم ننزل صوره . يا ولدي سمعت بالمثل اليقول اسمعك ولا اراك دي مامه دومه زاتها. ما شايف تبلدينا قال لي شنو؟؟؟ وابو الحسين قال الصوره بتودي البوست دا الارشيف مع اني اظن انه يقصد الخور . وكذلك طالبت بعدم انزالها ابنتي الحبيبه ناهد علي . وحرصا منا علي عدم ترويع الآمنيين واستجا به لنداءات ابنائي وبناتي سامتنع عن تنزيل الصوره .
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
العزيزة /دومه صباح الخير لما قلته انوا الصورة مالقيته حتي بالدولار....! اجابني الاخ الاخ حسن يوسف
Quote: بسـيطة جـدا عزيزي دياب ..
ابحث عنهـا داخل قلوبنـا ..
حتمـا سـتجدهـا .. |
انا اكان لي.... اذا زول قال فوقي جنس الكلام ده.... وحاتك الااكان اقفل البوست عديييييييييييييييييل كده..... شكرا ياحسن. وداومي علي كده ....يادومتنا. التحايا النواضر هارون دياب
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
Quote: ما عارفه انت من وين جبت حكايه انها او اني بفتكر انها تعرضت للدكتوره ناهد بسوء ؟؟؟؟!!!
ابدا دا ما رائي ولا فكرتي عما كتبته صباح كل ما ازعجني هو عدم الذوق والكلام بعدم لباقه في رائي انا ودا اختلاف تقدير ذوقي يا احمد بيني وبينك اي ما تراه انت جميلا ولبقا اراه انا غير لبق او جميل |
سلامات مرة تانية، وشكرا على التعقيب.
أنا لم أقل أنك "تظنين أن صباح تعرضت بالسوء لدكتورة ناهد"، لكني قصدت إبراز تلك الفقرة بالذات باللون الأحمر حتى يطلع عليها غيري فيعيد البصر كرتين فيما كتبته صباح قبل أن يكون عنه فكرة سالبة من واقع "الشكل العام لفكرة الpost".
اعتبار كلام بعينه على أنه "عدم ذوق وكلام بعدم لباقة" أمر نسبي كما تفضلت، لكنه كان موجها من زميلة "سـت بيت" إلى زميلة "سـت بيت"، ولم يكن موجها من زميلة إلى "ضـيفة" ، وأظن يا زميلة هذا المنبر أن اللباقة وعدم الذوق -إن صحـا- لا يقارنان بالإساءات التي تلبس ثوب إبداء الرأي.
خلاصة الأمر اختلاف آراء وأذواق، ابتدرتيه يا أستاذتي بوصفه بالغريب والعجيب ، وعندما قرأته لم أجد فيه لا غرابة ولا عجبا، وتعين على إبداء رأيي هذا، خاصة أنه يختلف مع كل الآراء التي سبقته إلا قليلا "حيدر+فاضلابي+نوعا ما رأفت".
باختصار: يهمني جدا أن "ياخد الواحد فينا راحتو" في التعبير عن قناعاتو دون أن يجد نفسه مواجها بموجة من الاستنكار لأن البعض يرى أنه تحدث بعدم لباقة مع زميل آخر ، أو لأن البعض الآخر يظن أن وراء قناعاته هذه دوافع شخصية "غيرة نساء/محاربة نجاح/تبخيس ونحو ذلك".
شكرا ليك، ولى صباح التي عبرت عن رأيها، ولدكتورة ناهد على اجتهادها الذي حاز إعجاب الكثيرين وثناءهم.
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: Ahmed Alrayah)
|
Quote: باختصار: يهمني جدا أن "ياخد الواحد فينا راحتو" في التعبير عن قناعاتو دون أن يجد نفسه مواجها بموجة من الاستنكار |
وباختصار جدا يا احمد يهمني انه برضو الناس تاخد راحتها في التعبير عن ان فلان مفكرا او عالما دون ان يطالبها الا خر الذي يعتقد خلاف ذلك الا تفعل لانه لا يوافق رائيه الشخصي في كتابه فلان او علان . ولو لم تستنكر الزميله صباح هذا لما استنكرت عليها فرض رؤيتها .
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
Quote: اسه منتظره الود تمبس يبقي شديد عشان يهندس لي الصور من زمن الصبا الي زمن الكهوله وننزلها |
كيفك يا خالة .. أنا اليومين ديل شغال ممرض للزول دا وممكن ناخد توكيل منه بهندسة الصور دي يا خالة تمبس كلمني إنك اتصلتي وقتها كنت خارج المستشفى شكلنا ما محظوظين بسماع صوتك .. تحياتي للدكتورة ناهد ونتمنى نقرأ ليها الكثير ..
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: معتصم دفع الله)
|
معتصم دفع الله يا زين الشباب حبابك اي والله ما لقيتك واتونست مع ولدي تمبس ولقيتوا عال العال وحكي لي عن الدفاتر والكتبه بتاعين كشف الحال وفرجختهم واحد عن اليمين ووا حد عن الشمال وعجبتني كثير محنتكم ووقفتكم مع بعض يا اجمل ناس يا ابناء السودان وبناته . حقيقي انتم اناس منقطع بكم . نمرتك عندي بس القي كرت بديك تلفون واسمع صوتك
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
ماما دوما والله ليك وحشة وطلتك دي عندنا بالدنيا صور شنو ياماماالانتي عائزة تنزليها نقوم نحرد المنبر دة ونطاير وله شنو والله لو بت حيمورة نزلت صورتك وانتي في المطار تاني مانلم فيك قريب...(احكي ليهم )
شكر لروعة حديثك.. شكر د.ناهد لجاذبيت ردودك وفهمك العالي فانتي تربية الاستاذ/عمر علي احمد ومنكم نتعلم شكل الحوار وجاذبية الرد وايضا شكر لكي صباح للتعبير عن رائك ولو ان به بعض الاجحاف .
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: ناهد علي)
|
[ Quote: ماما دوما والله ليك وحشة وطلتك دي عندنا بالدنيا صور شنو ياماماالانتي عائزة تنزليها نقوم نحرد المنبر دة ونطاير وله شنو والله لو بت حيمورة نزلت صورتك وانتي في المطار تاني مانلم فيك قريب...(احكي ليهم ) |
ناهد علي بتي الجميله وحبيبه
بت حيموره البت النخله تكون عملت خيانات ما رسلت لي صوره المطار دي اليوم ح ازرها ليك لوووووووول . شكرا يا انيقه للمرور وتحياتي لاهل البيت العامر بناتي الحبيبات اخواتك واخوانك واولادهم .
| |
|
|
|
|
|
|
Re: لاول مره في تاريخ الشاشه البلوريه حاجه دومه ( توجد صوره) (Re: doma)
|
Quote: لووووووووول يا رآفت عتابك مقبول ا لا بالغت فوكا عنوان البوست بتاع الصور دا جاب محمد سليمان يعني دا بوست ما في زول بنطه الاالراسخين في العلم . |
يختى البوست ده بجيبنى أنا ومحمد سليمان جرى .. خاصة ما بعد النميمة مع منى .. صباح شغلتا شنو مع الصور .. إلا تجى تجيب اللتا .. بس ما تجيبى لينا بتاعة قبال 12 سنة زى بتاعتى أنا والموصلى Quote: بعدين يا اخوي لما اعلنت في الصيف الفات عن مجئ لبلدكم وكتبت في البور دا طنشتني اها لفيت بلدكم السمحه دي ورجعت قواعدي سالمه . |
على باليمين ما شفتها .. قلتى ليها لى مرة فى بوست سلمى العسل .. ومنها صيف وراه شتا .. لا أتر لا خبر Quote: نحن لو ما زرنا جبال الالب دي ما بنرتاح في كل عام مره .دا برنامج شبه ثابت الا بس يمنعنا الشديد القوي ( الفلس) |
نعمل ليكم صندوق ونديك الصرفة الأولى ..
راجين والصيف قرب
| |
|
|
|
|
|
|
|