|
لا تشْكي لِي .. ببْكيلك
|
إليكم جميعاً ... و إلى صديقي العزيزي عبد الحميد البرنس و سنة ملؤها السعادة لكل السودانيات و السودانيين قصيدة قديمة ... و معدلة لزوم بعض المستجدات ....
لا تشكيلي أبكيلك ... براى كايس سبب .. و العَبْرة متوسدة جوف الحَلِق .. و الدمعة في طرف المآقي .. شويـــــــة و تنزلق .. فتيل فانوس البُكا .. أرهف من رهيف .. هبْشة و يتفتق .. لو شكيتلي .. ببكيلك .. متعود.. أقعد براى متوهط الروح و النفس .. و أتحاشى النحيب وسط الخَلِق ..
لا تشكيلي أبكيلك ..
ال فيني كافي و زيادة .. كل القصص صارت مُعادة .. لا تحكي لى .. عن البنية العاشت وفية ...... و ما لاقت مُرادا ولا عن زولا هميم ... متوسد الأحزان وسادة
لا تشكيلي أبكيلك ... لا تغرك مني صرامة ولا شجاعة ... ببيع الدنيا و متاعا .. بس ما أشوف زولا ينتحب .. بتحاشى شوفتو .. و بتحاشى صوتو .. أتاوق أتمعن ملامحو .. ألقالو العذر .. إستغفر أسامحو .. حرقة حشاى ما بْتقْبل شفاعة ..
لا تشكيلي ببكيلك ...
قالوا ال بيشوف هَمْ غيرو .. بتْهون عليهو كل همومو و ال بشوف عريان ال كِسا .. بتْضيق عليهو هدومو شن بسوي ال مشلْهت يومو و بايْت القَوَا .. مع ال قام من نومو ضامن كومو
لا تشكيلي ببكيلك ..
فرْق الليل و النهار بين ال بِخُتْ القرش فوق القرِش ضايق صنقيرة الهجير و نومة البِرِش و بين ال جاهو الحظ منساب مُنْبرِش
لا تشكيلي ببكيلك ..
بحلف بالنفيس و الغالي متغرب .. بس لا جافي لا سالي و لولا حبيب ال قسا الغالي ما كنت بعرف كيف كان بكون حالي ...
لا تشكيلي .. ببكيلك
|
|
|
|
|
|
|
|
Re: لا تشْكي لِي .. ببْكيلك (Re: ابو جهينة)
|
Quote: لا تشْكي لِي .. ببْكيلك |
الحال من بعضو يا ريس
يجيك الإيجار ومصاريف الصغار ومرسال الأهل في السودان ورسوم الجامعة للصبيان وفواتير الكهرباء والتلفون وبنزين السيارة كل يوم هدوم العيد براها هموم وإجازة المدارس آلم مكتوم وعودة المدارس منبه ملغوم تجامل الناس وجيبك مخروم الله يعينيك يا عايش ويا محروم
يا ريس الحال من بعضو والله
| |
|
|
|
|
|
|
Re: لا تشْكي لِي .. ببْكيلك (Re: محمد مختار جعفر)
|
عزيزي محمد مختار جعفر
كل سنة و إنت بألف خير
Quote: ليـلى أصبـح أحـلام شــوق وتنـهدا كطيــر حزيــن ملتــاع يغــــردا قل لى ، بربك يازائرى فى ليل أدعجا كيـف توصيـنى أن أنسـى المـؤآنسا .. |
شكرا على المرور
دمت
| |
|
|
|
|
|
|
Re: لا تشْكي لِي .. ببْكيلك (Re: هاشم أحمد خلف الله)
|
والله ياريس كده ووب وهناك ووبين
الشكية ...مامزلة ...الشكية تنفيس ...ومسرة
وقفة ...شيلني ...وأشيلك ...عملوا ليها ..أضنين
عشان الأخوان وكده ...آه شايف هاشم توش دخل الفراش من تحت الصَوان بصينيتوا من كل لون أخذت نصيب
البركة فينا وفيكم ياخال.
،،،،أبوقصى،،،،
| |
|
|
|
|
|
|
Re: لا تشْكي لِي .. ببْكيلك (Re: عواطف ادريس اسماعيل)
|
شاعرنا الانيق واديبنا ابوجهينة
اسعد الله صباحاتك وكل سنة وانت بالف خير وعافية
جميل هو بوحك وحرفك المورق دهشة و صفاء
وسبحان الله ,, هنا وفي سودانيز وقبل اكثر من عامين استفذاني نفس العنوان
وقصيدة تحمل نفس المضمون لحبيبنا الصحفي والشاعر خضر عطا المنان وقمت بالرد علية ساعتها
بنص مني قلت فيه:
بدون تشكيلي ببكيلك ولا منك ولا مني ودموع عيني بتشكيلك وتحكيلك مآل الحال وكيف جوايا تشكيلك بفرهد كل يوم جواي وبسعد اني بس هيلك واغنيلك وقت اشتاق واشيل اشواقي وامشيلك اسافر في بحار عينيك عشان عينيا تحكيلك حكاية زول بسافر فيك مراكب ريدو بتجيلك وتبكيلك .. ظلم نيلك وليل الغربة في عينيك مقسّم فيهو تفصيلك واشاشيلك مساي وصباح عشان تشرق قناديلك وادوبيلك عشان احلم ومن احلامي اديلك محنة وذكرى للايام اضحك بيها سر ليلك وظلم الدنيا لما تجور وتتوسد ممواويلك واتوسد سواد عينيك وانا العيني بتضويلك وتهديلك دموع الشوق وانا الاشواقي تبكيلك
ونصك الرائع اعاد لي نفس المشهد دمت بخير ولك سحائب المودة والاحترام
| |
|
|
|
|
|
|
Re: لا تشْكي لِي .. ببْكيلك (Re: عبدالله وداعه الامين)
|
Quote: لا تشكيلي أبكيلك ... براى كايس سبب .. و العَبْرة متوسدة جوف الحَلِق .. و الدمعة في طرف المآقي .. شويـــــــة و تنزلق .. فتيل فانوس البُكا .. أرهف من رهيف .. هبْشة و يتفتق .. لو شكيتلي .. ببكيلك .. متعود.. أقعد براى متوهط الروح و النفس .. و أتحاشى النحيب وسط الخَلِق ..
لا تشكيلي أبكيلك ..
ال فيني كافي و زيادة .. كل القصص صارت مُعادة .. لا تحكي لى .. عن البنية العاشت وفية ...... و ما لاقت مُرادا ولا عن زولا هميم ... متوسد الأحزان وسادة
لا تشكيلي أبكيلك ... لا تغرك مني صرامة ولا شجاعة ... ببيع الدنيا و متاعا .. بس ما أشوف زولا ينتحب .. بتحاشى شوفتو .. و بتحاشى صوتو .. أتاوق أتمعن ملامحو .. ألقالو العذر .. إستغفر أسامحو .. حرقة حشاى ما بْتقْبل شفاعة ..
لا تشكيلي ببكيلك ...
قالوا ال بيشوف هَمْ غيرو .. بتْهون عليهو كل همومو و ال بشوف عريان ال كِسا .. بتْضيق عليهو هدومو شن بسوي ال مشلْهت يومو و بايْت القَوَا .. مع ال قام من نومو ضامن كومو
لا تشكيلي ببكيلك ..
فرْق الليل و النهار بين ال بِخُتْ القرش فوق القرِش ضايق صنقيرة الهجير و نومة البِرِش و بين ال جاهو الحظ منساب مُنْبرِش
لا تشكيلي ببكيلك ..
بحلف بالنفيس و الغالي متغرب .. بس لا جافي لا سالي و لولا حبيب ال قسا الغالي ما كنت بعرف كيف كان بكون حالي ...
لا تشكيلي .. ببكيلك |
Quote: بدون تشكيلي ببكيلك ولا منك ولا مني ودموع عيني بتشكيلك وتحكيلك مآل الحال وكيف جوايا تشكيلك بفرهد كل يوم جواي وبسعد اني بس هيلك واغنيلك وقت اشتاق واشيل اشواقي وامشيلك اسافر في بحار عينيك عشان عينيا تحكيلك حكاية زول بسافر فيك مراكب ريدو بتجيلك وتبكيلك .. ظلم نيلك وليل الغربة في عينيك مقسّم فيهو تفصيلك واشاشيلك مساي وصباح عشان تشرق قناديلك وادوبيلك عشان احلم ومن احلامي اديلك محنة وذكرى للايام اضحك بيها سر ليلك وظلم الدنيا لما تجور وتتوسد ممواويلك واتوسد سواد عينيك وانا العيني بتضويلك وتهديلك دموع الشوق وانا الاشواقي تبكيلك |
قبال تشكيلي ببكيلك وأوسِّد حلمي بين إيديك بخلِّي أحلامي تحكيلك عن أشواقي لي عينيك سيب ألبيَّ يمشيلك حتعرف مين بريدو غُناك ومين بالريد بغنيلك حتعرف اني جد بشتاق كتير بحتاج وأناديلك
أنا حالي مشتاق ليك تعال وريني أحاويلك وهل مرَّت عليك أيّام بدون ماشمسي تضويلك أو مرَّت بخاطرك ..انت عيون بالريد تشاشيلك أنا المشتاق وبنده ليك أنا المشتاق بناديلك يرفرف قلبي بي ذِكراك وأعيش محروم..وأديلك نبض الفؤاد والريد وسهادي بباهي بي ليلك
| |
|
|
|
|
|
|
Re: لا تشْكي لِي .. ببْكيلك (Re: تماضر الخنساء حمزه)
|
تماضر
قبال تشكيلي ببكيلك وأوسِّد حلمي بين إيديك بخلِّي أحلامي تحكيلك عن أشواقي لي عينيك سيب ألبيَّ يمشيلك حتعرف مين بريدو غُناك ومين بالريد بغنيلك حتعرف اني جد بشتاق كتير بحتاج وأناديلك
أنا حالي مشتاق ليك تعال وريني أحاويلك وهل مرَّت عليك أيّام بدون ماشمسي تضويلك أو مرَّت بخاطرك ..انت عيون بالريد تشاشيلك أنا المشتاق وبنده ليك أنا المشتاق بناديلك يرفرف قلبي بي ذِكراك وأعيش محروم..وأديلك نبض الفؤاد والريد وسهادي بباهي بي ليلك
| |
|
|
|
|
|
|
Re: لا تشْكي لِي .. ببْكيلك (Re: عبدالله وداعه الامين)
|
أستاذنا و شاعرنا أخي عبدالله وداعة
كل عام و أنت و كل من تحب بألف خير شكرا على المداخلة الفخمة
Quote: وسبحان الله ,, هنا وفي سودانيز وقبل اكثر من عامين استفذاني نفس العنوان
وقصيدة تحمل نفس المضمون لحبيبنا الصحفي والشاعر خضر عطا المنان وقمت بالرد علية ساعتها
بنص مني قلت فيه:
بدون تشكيلي ببكيلك ولا منك ولا مني ودموع عيني بتشكيلك وتحكيلك مآل الحال وكيف جوايا تشكيلك بفرهد كل يوم جواي وبسعد اني بس هيلك واغنيلك وقت اشتاق واشيل اشواقي وامشيلك اسافر في بحار عينيك عشان عينيا تحكيلك حكاية زول بسافر فيك مراكب ريدو بتجيلك وتبكيلك .. ظلم نيلك وليل الغربة في عينيك مقسّم فيهو تفصيلك واشاشيلك مساي وصباح عشان تشرق قناديلك وادوبيلك عشان احلم ومن احلامي اديلك محنة وذكرى للايام اضحك بيها سر ليلك وظلم الدنيا لما تجور وتتوسد ممواويلك واتوسد سواد عينيك وانا العيني بتضويلك وتهديلك دموع الشوق وانا الاشواقي تبكيلك |
نص رائع جدا قرأته في حينه .. و خصوصا البيت دة :
وظلم الدنيا لما تجور وتتوسد ممواويلك واتوسد سواد عينيك
روعة
لك أطنان من الود و المودة
| |
|
|
|
|
|
|
Re: لا تشْكي لِي .. ببْكيلك (Re: عواطف ادريس اسماعيل)
|
Quote: لا تشكيلي أبكيلك ... براى كايس سبب .. و العَبْرة متوسدة جوف الحَلِق .. و الدمعة في طرف المآقي .. شويـــــــة و تنزلق .. فتيل فانوس البُكا .. أرهف من رهيف .. هبْشة و يتفتق .. لو شكيتلي .. ببكيلك .. متعود.. أقعد براى متوهط الروح و النفس .. و أتحاشى النحيب وسط الخَلِق .. |
لى مين نشتكى بصحيح !!! الكل على الهبشة
سنة حلوة عليك تفتح صفحة اولى من دفتر الامل ...
| |
|
|
|
|
|
|
Re: لا تشْكي لِي .. ببْكيلك (Re: عواطف ادريس اسماعيل)
|
الأخت العزيزة عواطف
كل سنة و إنت طيبة و الأسرة الكريمة
Quote: هل الشكوى لغير الله مذلة ؟؟؟ |
الشكوى نوعان في إعتقادي
هناك شكوى ينتطر منها الشاكي إستجابة ملموسة في رزقه و صحته و أمور دينه و دنياه.
و هناك شجوى يجْأر بها الإنسان جراء قسوة المحبوب أو خصامه أو دلاله .. و هذا شكوى مطلوبة لتخفيف المعاناة الروحية و النفسية ...
دمت
| |
|
|
|
|
|
|
Re: لا تشْكي لِي .. ببْكيلك (Re: د.محمد حسن)
|
د. محمد
Quote: كلام ولا في الاحلام |
تشكرات أبو التومات
Quote: سؤال : البكا كيف ؟ |
البكاء يكون في العلن و بصوت مسموع .. و هو محاولة لإشراك الحضور في الحزن النحيب .. يكون مكتوماً... و هو تعبير على أن الحزن خاص به وحده هذا المنتحب
الفرق الرئيسي بين الإتنين هو أن الأول لا يخفي مشاعره. و الثاني يدفن نفسه في أحزانه
إنت كيف ؟
| |
|
|
|
|
|
|
Re: لا تشْكي لِي .. ببْكيلك (Re: ابو جهينة)
|
فى زمان ما وأنت تذكر ذلك جيداَ عندما كنا نجتاز المسافات بإجترار القصص والوجع ..وو .........
وأنا كأني لفى غياب . أشيكك غُلب الدهر وكفره وأبكيلك بكاى ..
شـكوة حالي عيب جداً على حـالي زمن خالي وخواء في عســجد النوم إشـتهاك توحُـم الشوق إشـتها صحيح إني ارتضيت أرجـاك بشارة رمل خط تالت صحيح هضربت بيك حلمان بضـو فالت يِجـيب طيفــك
وتمتد هذه الشكوه إلى الضفة الاخري
أبوجهينه العزيز
كن كما اود
| |
|
|
|
|
|
|
Re: لا تشْكي لِي .. ببْكيلك (Re: عبدالله داش)
|
داش
تمنياتي الطيبة
Quote: شـكوة حالي عيب جداً على حـالي زمن خالي وخواء في عســجد النوم إشـتهاك توحُـم الشوق إشـتها صحيح إني ارتضيت أرجـاك بشارة رمل خط تالت صحيح هضربت بيك حلمان بضـو فالت يِجـيب طيفــك |
و بس
| |
|
|
|
|
|
|
Re: لا تشْكي لِي .. ببْكيلك (Re: ابو جهينة)
|
اشكيلك شقا عمري وسهر ليلي ضياع عمري... ونحيب وجعي وفي الاخر ببكي لك
ابو جهينة لقيتني كيف؟؟؟ (وجه ضاحك) زي ما قال الاخ لقيت الناس كلها على الهبشة كلهم وقعوا ليك بكاء صديقي ...
كل سنة وانت بالف الف خير
| |
|
|
|
|
|
|
Re: لا تشْكي لِي .. ببْكيلك (Re: أم سهى)
|
أم سهى
سلام كبير جدا و كل عام و أنت و أبو سهى و البنيات بألف خير
Quote: اشكيلك شقا عمري وسهر ليلي ضياع عمري... ونحيب وجعي وفي الاخر ببكي لك
ابو جهينة لقيتني كيف؟؟؟ (وجه ضاحك) |
لقيتك زى زمان .. تلك الأم الحنون و الزوجة الوفية و الصامدة ... أمنياتي لكم جميعا بعمر مديد و عافية و صحة
تحياتي لزهير و البنات
| |
|
|
|
|
|
|
|