هـل سـيـقـبـل اهـل الـمـركـز ان يـحـكـمـهم اهـل الـهـامـش ؟؟؟؟؟؟

Quote: الاخ زول سلامات و كل عام و انتم بخير ليس من حقى ان اتكلم بلسان اهل المركز او الجلابة كما تطلق عليهم احيانا

Quote: كلام تمام يا زول واحد ..... ( ما داير أجيب سيرة ال G word يجو ناس يخربوا هذا الحوار الجميل ) .

Quote: الشمالية تقع في منطقة صحراوية وتعتبر طاردة بينما باقي البلاد...

Quote: ما داير أجيب سيرة ال G word يجو ناس يخربوا هذا الحوار الجميل ) .

Quote: أخي الفاضل زول واحد وبقية الإخوة المتداخلين الكرام... إن الحديث عن أن الحكم يجب أن يوكل إلى خير الناس أو أكثرهم كفاءة يكون أحيانا مضللا.. لأننا إذا أخذنا بهذا المبدأ فكان من الأجدى أن نترك الإنجليز يحكمونا لأنهم كانوا أفضل ممن خلفهم... هناك حاجة نفسية لأن يكون الحاكم قريبا من المحكومين.. إذا أردنا أن نعرف حقيقة التهميش فعلينا نعتبر من تجربة الجنوب قبل نيفاشا وبعدها.. فما حصل عليه الجنوب بعد التفاقية يبين مدى التهميش الذي عاشه خلال الخمسين سنة الماضية. أهل المركز لن يقبلوا بأن يحكمهم أهل الهامش وأهل الهامش يجب أن يتحرروا من حكم المركز فجميل أن يحكم المرء نفسه حتى لا يتحلل من غبينة الاستعمار والإحساس بالدونية.

Quote: الأخ/زول واحد كلامك سمح ، وكثيرا ما استمتع بقراءة ما تكتب..

Quote: ممكن سؤال؟ اشرح لى يعنى شنو مركز وهامش. وناس المركز جو من وين وناس الهامش جو من وين؟ وانت قضيتك شنو ؟

Quote: السؤال "هل من يدلني على اسباب رفض المركز ان يحكمه اهل الهامش" أنا لحدي الآن ما لاقاني واحد قال أنو بيرفض أن يحكموه أهل الهامش. أمكن ناس كثيرين ما فكروا في الموضوع من أصلو، أو لأنو إمكن يكونوا رافضين مسألة المركز والهامش من أصلها.

Quote: الاخ زول هل يشمل مصطلح اهل المركز ابناء المناطق المهمشة الذين ولدوا فى الوسط ؟ اين ينتهى مصطلح مهمش؟ بالنسبة للذين تعلموا و عملوا فى الخرطوم مثلا هل هم مهمشين ؟ يعنى اذا كان ابناء عمومتك مهمشين و فى مناطق مهمشة و انت تقيم فى قصر و ريف و ذو و ظيفة محترمة هل انت مهمش ؟ اذا كنت مهاجر خارج السودان مثلك مثلى و تكد و تكدح فى بلاد الغربة ما الذى يجعلك مهمش ويجعلنى جلابى و مستعمر ؟

Quote: الخال الحبيب كل عام وانت بخير وكل سوداننا بخير و البشريه جمعاء بخير.

Quote: نعم، والحق يقال أنني لم أرد مشاهد إنتقام أكثر من تلك التي طالت الشيوعيين بعيد إنقلاب 19 يوليو 1971. الإنتقام المقصود ما كان رأي الشارع السودان، كان عمايل سلطة ديكتاتورية أحست بخطر علي وجودها. بوضوح شديد لم تك المسألة حينها أنو ناس المركز ما دايرين حكم ناس الهامش.

Quote: ممكن سؤال؟ اشرح لى يعنى شنو مركز وهامش. وناس المركز جو من وين وناس الهامش جو من وين؟ وانت قضيتك شنو ؟

الأخ زول واحد كل سنة وانت طيب.

Quote: سلامات صاحب البوست و المتداخلين الآن خطاب الهامش يوظفه التحالف الطفيلي القابض على السلطة لتعزيز سيطرته .. وظف الترابي من قبل الخطاب الديني .. فجعل بعض الغير مستفيدين من النظام إجتماعياً و إقتصادياً يقفون أقوى مدافع عنه ضد آخرين منطق المصالح الإقتصادية يحتم وقوفهم إلى جانبهم و الان المؤتمر الوطني و مؤسساته الحليفة تعيد إنتاج الوعي المضاد لأهل الهامش من أجل تعزيز السيطرة على الدولة و الإقتصاد.. هذا الخطاب هو الوحيد الذي سيجعل إنساناً لا يملك قوت يومه في الشمال يؤيد هذا النظام .. عندما يتصور أن البديل سيقتلعه من الوجود المواطن الشمالي البسيط الذي يعادي حركات الهامش لا يقف ضدها لأنه يتصور أنها ستقلص سلطات المركز .. هذه ليست طريقة التفكير السائدة .. إنه يقف ضدها لأنه يتصور أنها ستبيده من الوجود فعلياً و ليس مجازياً .. أو أنها تريد إقتلاع ممتلكاته الشخصية .. إلخ .. لذلك تجدهم لا يرفضون إنفصال الأقاليم .. و هم يتصورون الحروب المشتعلة في أقاليم السودان كحروب دفاعية هذا الوعي الشمالي ليس عائداً فقط لأسباب ثقافية أو عرقية .. هذا تعميم مخل ... لهذا الموضوع علاقة بحقب للوراء في تأريخ السودان هناك أحداث صاغت الوعي الشمالي ... المهدية كمثال .. أنا لا أطرح وجهة نظر هنا و لكن أرى أن أثر الأحداث التأريخية هذه يجب أن ينال مزيداً من الدراسة ........................ وحول عنوان البوست .. نعم جون قرنق كان يحظى بتأييد واسع وكان ليحكم السودان .. السؤال هو ما الفرق بين جون قرنق و الآخرين ؟ ما الذي جعله مقبولاً حتى للعقلية الشمالية التقليدية .. ما الفرق بينه و بين الآخرين ؟

Quote: عليكم الله شفتو جنس الأسئلة التطشيشية دى!! العملية الكبيرة لتشريح بعوضة التهميش ما زالت مستمرة الأخ زول واحد كل سنة وانت طيب.

Quote: هم سمحين ونحنا شينين؟ هم يفهموا ونحنا ما بنفهم؟ هم اصولهم عربية ونحنا اصولنا افريقية؟ هم يملكون الثروة الاقتصادية ونحن عالة عليهم؟ هم منتجون ونحن لا؟

(عدل بواسطة يوسف الولى on 01-01-2008, 05:06 AM)

Quote: التبس الامر عندى هنا هل اعلاه اسئله مطلوب الاجابه عليها ام حقيقه جاءت فى شكل تساؤلات

Quote: الواضح أنو نحن ما أختلفنا علي فشل النخبة الحاكمة. بس أنت بتقول أنهم فشلوا لأنهم جايين من جهة (جغرافية) معينة، بينما أنا أرجع فشلهم لطبيعة تكوينهم الطبقي والبرنامج الذي دخلوا بيهو معركة الإستقلال. بالنسبة لي المسألة طبقية أولا وجغرافية ثانيا.... ولا كيف؟؟؟

Quote: هل من يدلني على اسباب رفض المركز ان يحكمه اهل الهامش هم سمحين ونحنا شينين؟ هم يفهموا ونحنا ما بنفهم؟ هم اصولهم عربية ونحنا اصولنا افريقية؟ هم يملكون الثروة الاقتصادية ونحن عالة عليهم؟ هم منتجون ونحن لا؟

Quote: دهيه تلمكم كلكم يا سبب تخلف افريقيا والعالم

Quote: انا سعيد جدا اننى شمالى وجلابى لم أحلم بأن اكون غير ذلك

Quote: e: يعني حسه تخيل مثلا : 1)انه 2 دارفورين مثلا اعضاء لجنة مركزيه للحزب الشيوعي و2 جنوبين وواحد بجاوي. 2)و1 في لجنة حق المركزيه وواحد جنوبي و2 بجا 3)3 في لجنةحزب الامه وواحد جنوبي وواحد بجاوي 2 من كردفان 4)الاتحادي تخيل برضوا 3 بجا واحد درافوري واحد جنوبي 5)المؤتمر الشعبي 4 دارفورين 1 جنوبي 1 بجاوي 6)المؤتمر الوطني 2 دارفورين 1 جنوبي 1 بجاوي

Quote: السلام عليكم الأخ زول واحد شكراً على الطرح العقلاني وادارة الحوار المنظمة سأرجع لك والى ذلك الحين فيجب أن يبقى هذا البوست عالياً لمزيد من القراءة ............................. وما الناس إلا هالك وأبن هالك *** وذو نسب في الهالكين عريق

Quote: هـل سـيـقـبـل اهـل الـمـركـز ان يـحـكـمـهم اهـل الـهـامـش ؟؟؟؟؟؟

Quote: الملايين التى استقبلت جون قرنق عند عودته الى السودان لا احد يشك فى انها كانت ستصوت له فى اول انتخابات وربما ادى ذلك الى نهايته المأساوية! السؤال هل يملك اهل الهامش عملاق فى قامة قرنق يتحدث عن مياه الشرب لكل اهل السودان! جنى

Quote: شكري للمتداخلين و العابرين و المتاوقين ايضا.

Quote: هذا الوعي الشمالي ليس عائداً فقط لأسباب ثقافية أو عرقية .. هذا تعميم مخل ... لهذا الموضوع علاقة بحقب للوراء في تأريخ السودان هناك أحداث صاغت الوعي الشمالي ... المهدية كمثال .. أنا لا أطرح وجهة نظر هنا و لكن أرى أن أثر الأحداث التأريخية هذه يجب أن ينال مزيداً من الدراسة

Quote: أخى المحترم زول وحيد أو واحد .. تحياتى إحترامي . صراحة طرحك موضوعى وهادف ونقدك مؤسس وبناء يحفظ الله ويرعاك برغم أن هنالك من يريد ان يزج بك في اشياء انت ارفع منها كثيرا وعايزين يقولك ما لم تقله لكن صراحة بصيرتك نافذة ووعيك كبير !! والله عجبنى البوست ولربما يفضى إلى شئ مفيد من العقلاء واصحاب الفهم عشان كده نحن حنكون من المتاوقين !!

Quote: في إنتخابات حرة ديمقراطية والمرشحين زيد من ناس الهامش (الجنوب، الغرب، جبال النوبة) وعبيد من ناس المركز هل سترفض التصويت لزيد لمجرد أنه من ناس الهامش؟؟؟؟؟؟؟

Quote: سنبدأ مناقشتك أخي زول واحد حالما ترجع والى ذلك الوقت ليظل هذا البوست عالياً لمزيد من القراءة

Quote: قضيتي ان يكون السودان بلدا يتساوى فيه المواطنين في الحقوق والواجبات وان ينال كل شخص موقعه حسب اجتهاده ومقدراته ... مش دا (ود ناس فلان) ودي ( بت ناس فلان). اتذكرت حاجة سمعتها من واحد هامشي عن نفسه. تخرج بدرجة شرف، اول الدفعة، وتقدم لمعاينة تحتاج لتخصصه. في المعاينة طلب منه قراءة ايات من سورة لا يحفظها ولا علاقة لحفظ القراءن بتخصصه. زميلته في نفس المعاينة تحكي انها سئلت (انت بنت الفنان فلان؟) ردت: نعم. قال ليها (انتو شايقية ولا دناقلة) قالت ليهو ما انت عارف. سالها عن التيمم. قالت ليهو ان الموية عندهم ما بتقطع .. لكن هي بتشوف الناس بيشيلوا تراب وبيمسحوا وجوههم. قال ليها مبروك. البنت خرجت من المعاينة وقد ضمنت الوظيفة رغم تدني درجاتها مقارنة الى تحصيله. صاحبنا خرج من السودان نهائيا . من اين سيجد قريبا له في لجنة معاينة؟؟؟؟؟ ظهور القبيلة بهذا السفور في وظائف الدولة كارثة كبيرة.

(عدل بواسطة doma on 01-06-2008, 05:08 AM)

Quote: العزيز الزول تحيه طيبه متابعه لقصتك دي عايزاك لو امكن تحكي لينا عن زميل ذكرته انت في معرض كلامك عن عدم انصاف ابناء دارفور وهو رجل معروف الشفيع احمد من ابناء دارفور ممكن توريني المناصب التي تقلدها الشفيع احمد محمد وعلاقتها بتخصصه الدراسي وهو دارفوري يعني ما جلابي ؟؟