|
|
 كـــــــــــلام و خـــــــطرفات حبــــــــوبات
|
من اجمل الاشياء عندنا في السودان داخل الاسرة الحــــــــبوبـــــــــــــات
هي الشخص الحنون الوحيد داخل الاسرة
هي تسهر علي اولاد ولدها او اولاد بنتها
وهي تحكي الاحاجي الجميلة التي كلها عبر
ولو تكلمنا عن ادب الحبوبات نجده دايما يرسخ لاشياء جميلة
نتحدث مثلا زمان عندما نشرب اللبن تقول الحبوبة:
يا ولدي قوم غسل خشمك عشان الدودو ما يعضيك
هذا ادب نظافة راقي جدا !!!!!!!
وعلي هذا المنوال ايضا عند تقليم الاظافر تقول لك :
ان الاظافر سوف تقوم يوم القيامة تشتكيك
ونواصل
|
|
 
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: maawia dawood)
|
في مرة من المرات
كنت اسير في السوق في زمن ازمة المواصلات الحادة
وكان يمشي بالقرب مني راجل شايب يعني في مقام الحبوبة
وعند محاولته الركوب زاحم احدي النساء
فقالت له ياحليل الرجال الذين لا يدافروا النساء
فرد الراجل الحبوبة :
وين هن النساء
وياحليل امهاتنا زمان
الواحدة زي الكديسة ما تمرق الا بليل
وقفت عند هذا الكلام باندهاش واعجاب
هل الزمن الفات الذي تحسر عليه الحاج
هو افضل ام الزمن الذي نحن فيه ؟؟؟؟؟؟؟؟
في تقديري احسن الزمن .....................
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: عبدالكريم الامين احمد)
|
حبيبي العزيز كيكي
لك كل التحيا والود بالدقري وبي القلبة اه اه اه اههههههههه
مشتاق ليك كتير يا عزيزي الجميل
وينك ووين اراضيك
شوف كلام الحبوبات دي كيف
احكي لينا عن حبوباتك
اكيد عنهم حكم
مرة من المرات كنت قاعد وجنبي حبوبتي
وبعدين بصراحة كنت قاشر شديد لانه في زواج
بس ولدي الرائع ابراهيم جائني جاري وسلام بالاحضان
طبعا لطخ الجلابية الانيقة البيضاء ( جلابية بيضاء مكوية يا معاوية بسحروك ليا )
فما كان مني الا ان صرخت به وسخت الجلابية
وكانت الحبوبة تراقب الموقف عن كثب
فقالت كلمات بسيطات لكنها حكم
مانضيف ( نظيف ) الا خصي ( الذي لا ينجب )
ونواصل
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: حسين محي الدين)
|
Quote: ãÚÇæíÉ..
الاخ حسين
لك التحايا
Ýí ÇÚÊÞÇÏí ÇáÎÇÕ Çä ãÍÇæáÉ ÇáãÞÇÑäÉ Èíä ÇáÇÒãÇä åÐå ÛíÑ ãäØÞíÉ Ýáßá Òãä ãÝÑÏÇÊå æÙÑæÝå ÇáÊí ÈÇáØÈÚ ÊÊÓã ÈÇáÊÛíÑ ÇáãÓÊãÑ.. æÍíÌí íæã ÊÈÞì ÈäÇÊ æÔÈÇÈ Çáíæãíä Ïí ÍÈæÈÇÊ æÌÏæÏ.. æÍíÞæáæÇ íÇ Íáíá ÒãÇä "ÇáãÇÓäÌÑ" æ"ÇáÏæÇä áæÏ"
ßá ÇáæÏ |
نحن مش بنقارن بين الازمان ساكت
لكن دايما المقياس هو ما يراه الاخرين جيد
يعني التعامل هو هو لا تدخل فيه التكنلوجيا وتقدم الزمن
وبرضو انا في اصرار علي زمن الحبوبات الجميل
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: حسين محي الدين)
|
الاخ حسين
سلام
والتحايا
شوف كلام الحبوبات دي ممكن يكون في زمن
بس هم ملئين بالتجارب فلذا كلامهن حكم
مرة كنت سايق العربية ومعاي حبوبتي
وفي الشارع كان امامي شخص عابر الطريق
فضربت له بوري فقال لي تضرب لي بوري ليه انا غنماية
وبعده في مكان اخر حصل نفس الموقف فلم اضرب بوري فاصبحت العربة بالقرب منه
فاحتج الرجل وقال انت ما عندك بوري
فضحكت وضحكت الحبوبة وقالت
ناس الزمن ديل مابعجهم العجب ولا الصيام في رجب
ونواصل
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: maawia dawood)
|
ديفيد ياحبيب
كل سنة وانت واسرتك بخير
مشتاقين كتير والله ولكن برضو ملومك شديد
انت مشيت من هنا ونسيتنا من هنا ولااقول ليك
انت نسيتنا قبل ماتمشى ودى كانت مامحرية منك
لانك كنت واحد مننا ياديفيد وعارف افتقادنا للاصدقاء
والاخوان فى هذه الغربة اللئيمة وتعرف كم يسعدنا ان
يتواصل معنا من هم بمثل روعتك فمازالت لديك الفرصة
لتصحح اخطاؤك ياوهم .... بس ادينى تلفونك سريع
وخلى الباقى على
تحياتى لابراهيم وامه
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: احمد التجانى احمد)
|
تحياتنا ياهندسه واول مره اعرف انك ديفيد
اللـــــــــه اللـــــــــه
الي قبل سبع سنوات كنت عندما احضر في زيارة الي منزل حبوبتي لامي الحاجه سروره رحمها الله كانت تقف بنفسها لضيافتي كنوع من اظهار المحبه لي مثلا اذا دخلت المنزل وقت عدا لا تسالني بل تقوم بتجهيز الغداء بنفسها وكذلك سائر الاوقات.....
حبوبتي الحاجه سروره مجامله لابعد حد ممكن تصل القاصي والقريب تسافر وتدافر من مواصلات ل مواصلات عشان عزاء او فرح ولا نتظر ان يجود احد من ابناءها لتوصيلها...في كثير من الاحيان كنت اصاحبها في تجوالها وكانت تبرر بان الاولاد مشغوليين وماعاوزه اشغلهم زيادهالحاجه سروره مراءة تقيه وورعه تصلي الصبح حاضر وتصلي الجمعة بثوبها الابيض في المسجد وتستمع للخطبه وتعمل بما يذكر الامام....تجلت وتسامت في شموخ عجيب في رعايه جدي عندما اصيب ب شلل في رجله ويده ولا يسمح جدي لاي كاين حتي ابنائه ان يرعاه اذا ابعدتها الظروف عنه لساعات....والحب بينهم ود(وجعلنا بينهم موده ورحمة) والود اسمي درجه من الحب....جدي كان لااجل صعب المراس قوي لا يجامل في الحق اي حد عندما تكون الحاجه غير موجودة بالمنزل يكون قلقا ويتسال في قلق امكم ما جات والسؤال لي....
كذلك الحاجه الرحمه رحمها الله حبوبتي لابي عالم اخر من الجمال ....الصباح بدري تذهب لتشتري لقيمات لي ولنفسها ب جنيه 20 حبه لقيمات وتحرص ان اشرب شاي الصباح معاها ولا ترضي ان تمشي الدكتور الا وانا موجود....تلك مقدمه لسبر اغوار حياه ثقافيه واجتماعيه راسخه وقويه ليس هناك مجال للتحدث عنها
من نعم الله علي اني حظيت كاول حفيد للاسرة بعنايه ورعايه من حبوباتي لامي وابي عايشت حياة اجتماعيه وثقافيه كامله لمست روعة وضرورة وجود الحبويه في المنزل وكا متداد طبيعي لارث الحبوبات الام واقصد امي...ففي وجود امي وام زوجتي(نسيبتي) حبوبات احمد ابني لم نحتاج لكبير عناء في ايجاد افضل الطرق لرعايه ابني احمد
تتفوق الحبوبه اجتماعيا علي الجميع بحكم الخبرة الطويل في ادارة شئون الحياة مدعومه بتجارب وبارث قوي
كذلك ثقافيا فالحبوبه شاعر(الشعر للاحفاد) وحكيمه وامثالهن دليل ذلك
والكلام كثير لكن قصدت ان احكي تجربه شخصيه ربما تساهم في المافظه علي هذا الارث العظيم....
وتقبل سلام الصغير احمد
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: احمد التجانى احمد)
|
وينك يا تيقــــــــــــــــــــــا
يا جمل زول
يا ود يا طراوة
والله انت من اكثر الناس الذين اعزهم
فمكانك الدواخل يا اجمل صلعــــــــــــــــــة
التلفون 0912113730
وبعدين انت جئت السودان كتير وترجع بدون احم ولا دستور
لك مني التحايا والحب
وبعدين عايزين كلام حبوبات
انت زول راقي اكيد حبوباتك راقيات
لك التحايا انت و ...... الخلال
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: احمد التجانى احمد)
|
احمد التجاني
سلام يا احلي تيقا
طبعا يا تيقا نحن حبوبتنا من النيل الابيض
يعني حبوبات هاديات كهدو بحر ابيض
لا يحبين الجوطة والزخم الاجتماعي الشديد
مرة كنا ماشين في الشارع
وكانت في زحمة شديدة في الشارع
وعند وصولنالمكان الزحمة وكان الكيوووووووور كاتلني
فما كان منها الا ان تنهرني امضي ياولد
مالك ومال المطاميس
قلت ليها عايز اشوف الغلطان منو فيهم
قالت لي ما شايفوهم هم كيف كل واحد ينفخ في اشداقه انه صاح والاخر مخطي
يعني ديل يكون الغلط عملو منو البعاتي يعني ؟؟؟؟!!!!!!!
وقالت باستفزاز شديد
ناس الزمن العلينا ده
مافي واحد يرضي يقولوا ليه غلطان
وما يرضي التوجيه
يعني هم بيعتبروا انفسهم مكملين بدون اخطاء
في حين ان الانسان خطاء وخيرهم التوابون
ونواصل
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: maawia dawood)
|
طبعا الحبوبات ديل ناس حلوين
وهن يعرفن ايضا في السياسة كثيرا وفي بعض الاحيان
تكون ارائهم احسن من افضل سياسي بالبلد
يعني كنت ادردش مع هذه الحبوبة الرائعة وفي نيتي اتريق عليها
وقلت ليها انت في زمن الانجليز اي الاستعمار كنتم مرتاحين
واي حاجة متوفرة في البلد ماكلين شاربين لابسين
لكن الزمن دي بعد السلطة اصبحت لدي الوطنييين عسكريين او مدنيين الحال اصبح متردي شديد
بعدان قلت لها هذا الكلام فوجئت بها زعلانة
رغم انها تحبني كثيرا لكنها رمقتني بنظرة مليئة بالحنق
فحاولت الطف الجوء شوية واعرف السبب شنو
وقلت ليها مالك يا حبوبة زعلت مني
فردت بغضب اييييييييي انت لو بتحب الوطن انا بحبه اكثر منك
ولو الناس الحكموا البلد دي بعد الانجليز سجمانين هذا لا يعني ان الانجليز افضل
بس شوفوا خللكم وين انتم يا ولدي
ونحن بنعرف الاتي
ان الغنماية بعد يقفلوها في الزريبة تحاول الهرب منها
رغم ان في الزريبة موفر ليهااي شئ من اكل ومشرب
لكن يا ولـــــــــــــــدي عشـــــــــــــان تعرف
الحـــــــــــــريــــــــــــــــة زيها مافــــــــــــي
تبقي جعان عريان اي حاجة بس يا ولدي تكون
حـــــــــــر
عرفت ياولد انا زعلت ليه
نحن ما بنحب الاستعمار
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: maawia dawood)
|
الحبوبة الجميلة الرائعةمرة قالت لي
يا ولدي زح من الحر
وقتها كنت اعمل في شئ بالمنزل بالشمس
وما سمعت كلامها واصلت في عملي
وما كان منها
الا اتت بولدي الذي احبه
وجعلته في الشمس
ولما رايته صرخت بها ليه
الواطة حارة رجعيه الضل
قالت لي ليه
قلت لها لانه صغير ما بستحمل
فردت و البسمة تعلو محياها
طيب انت ولدي وصغير
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: maawia dawood)
|
هل ناس الغرب عنهم
حبوبات زينا
وهل جميلات وحكيمات
زي حبوباتنا ؟
وما اجملهن يا صديقى هنا
فى المدينة التى اعيش فيها الحبوبة اهم من الام نفسها
ولمن الطفل يقول ليك ماشين لحبوبة
بكون حتى ملامحه تنطوى على حب غريب
حتى نظرته تدل على انه سعيد
تسافر الحبوبة لاحفادها مثلما تفعل حبوباتنا
ترحل من مدينة لمدينة وكانها ستذهب للقاء حبيب
شهدت حبوبة تجئ لحفيدتها فى المدرسة التى اعمل فيها
تجئ كل يوم تقريبا
وهى من البيرو
وحفيدتها لام امريكية واب فرنسى هو ابنها حيث والده فرنسى
تتحدث الى حفيدتها التى لم تكمل العام بعد بالاسبانية
حين سالتها لماذا تتحدث اليها بتلك اللغة ؟
قالت
ـ حتى تعرف لغة اهلها
واختهاالكبيرة ايضا تتحدث ثلاث لغات (الانجليزية والفرنسية والاسبانية )
ونحن يا صديقى امهات اطفالنا ينسين فى غمرة الحياة ان يعلمن اطفالهن لغة الام
ناهيك عن الحبوبة
فالاطفال هنا تحت رعاية الحبوبة وبامتياز
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: سلمى الشيخ سلامة)
|
الاخت سلمي
السلام عليكم
طبعا تعلمنا ان في بلاد الغرب
لا توجد اسرة مترابطة ذي عندنا هنا
لكن برضو حب الحبوبة لاحفادها شي طبيعي
زي ماقالوا اهلنا المصرين
احلي الولد ولد الولد
لكن السؤال المطروح هل الحبوبة في الغرب
لها نفس الدور الاجتماعي الهو عندنا هنا في السودان
الذي اندثر في الاونة الاخيرة بسبب الجري الشديد
زمان كان البيت بكون فيه الاب بس البشتغل والباقي ياكل ويشرب بس
ما كسل لكن الزمن سمح . الوضع اصبح صعب
الذي خلي السودانيين ذي الفلاتة البيت كله يشتغل عشان ياكلو وبرضو بصعوبة
يعني الزمن صعب
لكن يا اخت سلمي لو كنت تتذكري تماما
ان الحبوبة كان ليها دور كبير في الحراك الثقافي في البلد
يعني ليها صولات وجولات
ربنا يرجع ايامها
ايام
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: maawia dawood)
|
الحبوبات الجميلات
لا يذكرن اسم زوج بناتهن ابدا
وهذه جعلت اسم جدو يكثر في السودان
واذكر نكتة في هذا الصدد
ان الحبوبة ناسبها نسيب جديد اسمه ابراهيم
وفي الصلاة عند التشهد
الهم صلي علي سيدنا محمد كما صليت علي ابراهيم
فعندما وصلت اسم ابراهيم لم تذكر الاسم بل تمتمت بكلمة غير مفهومة
في تقديري وتقدير الحبوبات ان هذا منتهي الاحترام
وذي المثل البقول
النسيب عين شمس
يعني لا تستطيع ان تنظر اليه
وبعدين الحبوبة لا يمكن ان تاكل او تشرب اما زوج بنتها
ونواصل
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: عواطف ادريس اسماعيل)
|
الاخت عواطف
السلام عليكم
والله يا عواطف ذكرتيني حاجات حلوة شديد
الحاجات دي كنت دايرة اقولها لكني خفت يقولوا كبير
الحبوبة زمان كانت تقول
ما تخلف يدينك فوق راسك
لان هذه بتجيب كارثة
بعدين في انواع طيور تظهر في الخريف
اسمها ام بيوض !!!!!!
بتعرفيها يبدو لي دي بعرفوها ناس الاقاليم بس
لانها في الخرطوم مافي زمان
اسع ما عارف يمكن تكون في الله اعلم
المهم الحبوبة كانت تقول ليها
ام بيوضة هاكي خضارتي اديني بياضك !!!!!!
مع حركة بالايدي جميلة
ونواصل
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: نيازي عبدالله مرحوم احمد)
|
حبويتي (لوالدتي )التي لم أفارقها من الطفولة إلا بعد دخولي الجامعة كانت بيني وبينها مودة خاصة حيث أنني أكبر أحفادها وسميت بنتي على اسمها.
في مرة من المرات كانت تنوي السفر لمشاهدة بنتها التي غابت عنها لمدة لا تتعدى الثلاثة أشهر وكان أخوالي معترضسين على ذلك باعتبار أن بنتها ستأتي لزيارتها بعد شهر.
حاولت بكل السبل ولم يوافق أخوالي.
قامت نادتني وقالت لي بعدين أنا بأجي ,افتح الموضوع أمامكم وإنت أقنع أخوالك بضرورة سفري. فقلت ليها حاضر ياحاجة وليك علي باكر دا تسافري.
كنت أكثر إشفاقا عليها من أخوالي من مشقة السفر وعندما جات وفتحت الموضوع وضامنة الموافقة قمت فأجأتها بأن موضوع السفر دا تنساهو خالص وتنتظر بنتها لمن تجيها.
فوجئت بموقفي ومن شدة الزعل قالت لي
"أنا كان ماني بت غلفة أجيبك إنت يا باطل الرجال أجاويد؟؟؟؟"
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: shammashi)
|
شماشي كيف حالك يا حبيبي
السلام عليكم
طبعا حقيقي الحبوبات ديل خطيرات ولا يمكن ان نستغنوا عنهم
مرة من المرات كنت قاعد جنب حبوبتي وهي بتسوي حاجة في النار وبعدين عايزة
تنزل الشغال بتاع الجبنة ( القهوة ) من النار لكن الشغال كان سخن شديد
فقالت لي جيب لي ورقة انزل بيها الشغال دي .
ومشيت جبت ليها ورقة كانت وسخانة شوية . فنهرتني شديد قوم شيل الوسخ من جنبي
تلقي ( تكون ) واحدة اتنضفت بيها.
وفي مرة من المرات كان عندنا مناسبة في البيت وبعدي
نواصلن ما لقيت اولاد يعملوا
الصيوان فبديت اعمله انا وتعبت وبديت الهث من التعب
فسالتني الحبوبة انتم ما عندكم نفير
فسالتها ما هو النفير ؟؟؟؟؟
النفييييييييييييييييييييييير
النفير
نواصل
الذي اختفي من مجتمعنا
| |
|
|
|
|
|
|
|
|
|
Re: كـــــــــــلام و خـــــــطرفات حبــــــــوبات (Re: maawia dawood)
|
النفير
ده شنو يا حبوبة
انا عارفة انكم في حاجات كتيرة ما بتعرفوها
النفــــــــــــــــــــــير ده يا ولدي
عندما يكون في احد في القرية او الحي يريد ان يعمل اي شئ
يحتاج لمجهود اكثر من شخص فان كل الجيران يقوموا ويعملوا
معه في هذا العمل وذلك بدون اجر او اي شئ يذكر
ما عدا ان صاحب العمل يعمل لهم الاكل والشرب فقط
وفي اخر المطاف يذهب الجيران وتتبعهم كلمات الشكر والثناء
واخر حاجة من حاجات النفير واندثرت قريبا
في مناسبات الاتراح !!!!!!!!!!! اهل الميت لا يعملوا اي
اكل بل الجيران من يقومون بذلك ويتركوا اهل الميت للبكاء فقط !!!!!!!!!
عرفت يا ولدي النفير
ونواصل
| |
|
|
|
|
|
|
| |
حسين محي الدين
عبدالكريم الامين احمد
احمد التجانى احمد
نيازي عبدالله مرحوم احمد
سلمى الشيخ سلامة
عواطف ادريس اسماعيل
فيس بوك
تويتر
انستقرام
يوتيوب
بنتيريست