البطاقة التعريفية الإسم : جمهورية السودان الموقع : شمال القارة الأفريقية بين خطي عرض 4-22 درجة شمالاً وخطي طول 22-38 درجة شرقاً. العاصمة : الخرطوم . عدد السكان : 34 مليون نسمة (تقديرات عام 2003). المساحة : مليون ميل مربــع .( أكبر أقطار أفريقيا مساحة ). العملة : الجنيه السوداني. التوقيت : توقيت قرينتش+ 3 ساعات. ساعات العمل الرسمية : من السابعة والنصف صباحاً حتى الثانية والنصف بعد الظهر. العيد الوطني : الأول من يناير. رموز علم السودان : اللون الأحمـــر يرمز للكفاح الثوري اللون الأبيض يرمز للسلام والتفاؤل والخير اللون الأســود يرمز إلى قومية السودان الأفريقية اللون الأخضر يرمز إلى الزراعة
لغاية هنا نحن كويسين لكن خليك متابع
09-04-2007, 11:47 PM
waleed500 waleed500
تاريخ التسجيل: 02-13-2002
مجموع المشاركات: 6653
كتب سيف الدين جبريل جبريل فى بوست(باقان، انك طالما سمت العلا، فذكراك دوما، في المحافل، ترفعو! )الكاتب واحد ضاع منو الطريق يدعى بشاشا على ما اظن.....
Quote: وبكل اسف فقد شاهد الكثير من ابناء السودان من خلال شاشات التلفزة عند تشييع جثمان الدكتور جون قرنق، كيف ان باقان اموم رفض ان يقطى جثمان الفقيد بعلم السودان، بل قام برميه على الارض وهذا جرم كبير فى بعض الدول وعلى راسها امريما يجد من يقوم بهذا العمل عقاب عسير، وهذا مسلك مرفوض فى شخص يفترض ان يكون قدوة سياسية للكثير من اعضاء الحركة.
09-04-2007, 11:49 PM
waleed500 waleed500
تاريخ التسجيل: 02-13-2002
مجموع المشاركات: 6653
Quote: انا لو محل باقان اموم لفعلت نفس الشيء موضوع العلم لم يحسم بعد وطبيعي ان يرفض الغطاء بالعلم الذي حارب ضده قرنق سنينا. وهذا ليس اسمه علم السودان هذا علم الصفوات المسيطره على الحكم في السودان الذي فرضته على السودان. الآن حركات دارفور لها اعلامها والحركه الشعبيه لها علمها واكيد حركات الشرق لها اعلامها. يبقى لحد ما ينحسم موضوع العلم ده مدي خلينا الننسى انه اسمه علم السودان.لانه ليس علم كل السودان
09-04-2007, 11:52 PM
waleed500 waleed500
تاريخ التسجيل: 02-13-2002
مجموع المشاركات: 6653
العلم الحالي الذي يسمى علم السودان زورا وبهتانا لا علاقة له بالشعب السوداني ابدا. لقد تم أختيار هذا العلم الغريب أيام الهووس العروبوي في المنطقة بواسطة جعفر النميري عندما كان يحكم البلاد بواسطة القومين العرب والشيوعين. لقد كان لدينا علم مميز(علم الاستقلال) وشعار مميز(وحيد القرن) فعندما ترى هذاالعلم لا تستطيع أن تميزه من العلم الفلسطيني أو العلم الاردني أو الكويتي إلأ من مسافة قريبة جدا. لقد حارب الزعيم الراحل قرنق لأكثر من 39 عاما من أجل تغير هذا العلم وتغير الاوضاع التي تم أختيار هذا العلم بها, فكيف يتم وضع هذا العلم على جثمان القائد؟ لقد قاتل قرنق لأكثر من 22 عاما تحت راية علم الحركة الشعبية وليس تحت راية العلم العروبوي. إذا كنا نريد سودان موحد فعلينا تنفيذ ذلك على أرض الواقع وليس مجرد شعارات هنا وهناك لا تفيد بشئ.
دينق.
09-04-2007, 11:56 PM
waleed500 waleed500
تاريخ التسجيل: 02-13-2002
مجموع المشاركات: 6653
Quote: وبكل اسف فقد شاهد الكثير من ابناء السودان من خلال شاشات التلفزة عند تشييع جثمان الدكتور جون قرنق، كيف ان باقان اموم رفض ان يقطى جثمان الفقيد بعلم السودان، بل قام برميه على الارض وهذا جرم كبير فى بعض الدول وعلى راسها امريما يجد من يقوم بهذا العمل عقاب عسير، وهذا مسلك مرفوض فى شخص يفترض ان يكون قدوة سياسية للكثير من اعضاء الحركة
اولا لو كنت حاضر او فى مكان من كانو موجودين لكنت اطلقت النار على باقان ولا بغبغان ده فى الحال ولمسحت به الارض ولرميته فى اقرب قمامة ........
انهم يتكلمون عن علم السودان كما يتكلمون عن شى لا يمثلهم غصبا عنكم وعن البغيغان بتاعكم ده سوف يكون ده علم السودان الذى نقدسه والذى نفديه باروحنا متى تطلب منا ذلك............
منبر منفلت والا لما سمح لهولاء الجرابيع من النيل من علم السودان الذى قاتل من اجله الاجداد ....يجونا فى اخر الزمن شوية صعاليق ما معروف الواحد وضعو كيف فى حالة وعى ولا انعدم وعى ويجو ينظرو فينا هنا حريقة تحرقكم وتحرق باقان بتاعكم معكم
09-05-2007, 00:14 AM
Abdelmuhsin Said Abdelmuhsin Said
تاريخ التسجيل: 10-10-2006
مجموع المشاركات: 2678
Quote: إنهم يتكلمون عن علم السودان كما يتكلمون عن شى لا يمثلهم غصبا عنكم وعن البغيغان بتاعكم ده سوف يكون ده علم السودان الذى نقدسه والذى نفديه باروحنا متى تطلب منا ذلك............
خليك من علم السودان ... نحن نتكلم عن السودان زاتو الما بيمثلنا ...... السودان الإنت تضايقت فيهو من الأفارقة السود مزاحمنك في الخرطوم ..... تتذكر بوستك داك و لا نجيبو ليك من الإرشيف يا عنصري ...
Quote: منبر منفلت والا لما سمح لهولاء الجرابيع من النيل من علم السودان الذى قاتل من اجله الاجداد .
منبر منفلت ... و لا ... بلد منفلتة فيها الزيك ده يكضب كتابة .... أي معركة قاتل فيها أجدادك من اجل هذا العلم ؟؟!!!!
ما تقول لي الميل 40 ... أو ديسة .... أو الكرمك ....؟؟؟؟ خلي أجدادك ..... إنت وين و علمك ده قلعو ه و مرغو ا به الأرض في حلايب ؟؟!! أمشي شوف ياتو علم يرفرف في حلايب ؟؟!!!
09-05-2007, 01:16 AM
waleed500 waleed500
تاريخ التسجيل: 02-13-2002
مجموع المشاركات: 6653
Quote: أي معركة قاتل فيها أجدادك من اجل هذا العلم ؟؟!!!!
خليك من اجدادى وليس الفتى من يقول كان جدى انما نحن الان من هم على فوهة الحكم ومن هم صنعو السلام واخرجو التشادين من بلدنا هم اهلى واجدادى واحبابى من انت؟؟؟؟؟؟؟؟؟
09-05-2007, 00:41 AM
سلمى الشيخ سلامة سلمى الشيخ سلامة
تاريخ التسجيل: 12-14-2003
مجموع المشاركات: 10754
وليد العزيز لغاية الان مع العلم القديم لانه درسونا ليهو زمن الجهل كنا صغار والمخ نضيف حفظنا الوانه وحبيناها ولو سالتنى هسى تركيبة الوان العلم الجديد دا ما بعرفا نعمنى زى ما قلت ليك حفظنا القديم ومشتاقين ليهو يرجع علمى انت رجائى انت عنوان الولاء لونك الازرق ماء لونك الاصغر ارض يفتديها الاوفياء لون الاخضر زرع الى اخر القصيدة
09-05-2007, 01:03 AM
waleed500 waleed500
تاريخ التسجيل: 02-13-2002
مجموع المشاركات: 6653
العزيزة سلمى الشيخ سلامة خوالص تحياتى واهديك ما كتبه السنى دفع الله
أعيدوا لنا علمنا
بقلم : محمد السني دفع الله ( ممثل ومخرج )
علمي أنت رجائي أنت عنوان الولاء أنت رمز للفداء يفتديك الأوفياء ،،، ،،، ،،، ،،،
كنا كعصافير الغابات الاستوائية ، نحلق صباحاً تحت السحب الركامية ، مع صوت غنائنا ونحن نشدو في طابور المدرسة للعلم ثلاثي الألوان أزرق ،، أصفر ،، أخضر.
هذا العلم الذي رفعه الزعيم الأزهري ، في يوم الأحد 1/ 1/ 1956 م الساعة التاسعة وعشر دقائق صباحاً، ورفرف فوق السارية السامقة بقصر الشعب الجمهوري وتحته ملايين من البشر السمر بملابسهم وعمائمهم البيضاء ،وهتافهم الفرح يعانق السماء المفتوحة لهفهفة العلم وتحته الزعيم رمز السيادة والمحجوب والرأي الآخر في الدولة (المعارضة) وصف ضابط الجاك بخيت الذي سلم الحاكم العام علمه وهو مشدود كرمح إفريقي رمزاً للجندية السودانية الأبية ... ثلاثة كانوا حكومة ومعارضة وجيش وبجانبهم حواء الطقطاقة بثوبها السوداني الأصيل وألوانه الثلاثة ، أزرق ،، أصفر ،، أخضر.
إرتفع العلم بعد معركة فنية ألوانية زاهية ، فالفنان الذي قام برسمه هو التشكيلي حسن محمود ، وكان قد سمع الكثير من الآراء والجدل حول الألوان الأساسية ومدى قدرتها في فرض قوتها على الفضاء والمكان وأثرها في بصر الرائي ، فالألوان الأزرق والأخضر بينهما الأصفر ،، في حالة إثبات وجود ، كل لون يفرض بريقه وألقه ، وبالرغم من تعدد الآراء ومدى قوة الألوان أو إضعاف الأصفر للأزرق أو نتيجة تمازج الأصفر والأزرق وميلادهم للأخضر إلا أن هذا العلم بأخطائه وحسناته ظل يرقص على السارية ملوناً لوجداننا طوال سنوات العمر ،،، أزرق ،، أصفر ،، أخضر.
يحكي أبي ، يرحمه الله ، أنهم كانوا في المدرسة يكتبون على الأوراق الرسمية بعد الإسم القبيلة ولكن بعد رفع العلم قال لي : كتبنا كلمة جديدة ، سوداني بدلاً عن القبيلة... وغنوا تحت العلم : جعلي وشايقي دنقلاوي وشلكاوي أيش فايداني غير خلت أخوي عاداني يكفي النيل أبونا والجنس سوداني
كلمة شلكاوي أضافها فنان الشعب الفكي عبدالرحمن إبان دعوته لقومية المسرح السوداني وأخذتها منه بتصرفه ، لنؤكد أن السلام موجود فينا لهذا الوطن ثلاثي الأمكنة وليس رباعي الاتجاهات ،،، شمال ووسط وجنوب ،،، تلاقحت فيه حضارات الدنيا من المنبع إلى المصب ، ومن الهند إلى تمبكتو ، وامتزجت فيه ألوان الناس الزرق والصفر والخضر ، وهذا العلم وحدنا بألوانه الثلاثة أزرق ،، أصفر ،، أخضر.
حينما تطوف في السودان تكون أبعد نقطة لحد الشوق هي الأفق الممتد والسماء الرحيبة وأقرب نقطة إليك الحقول الخضراء أو الأشجار التي حولك أو الأعشاب ،،، ببساطة عندما تجرد اللوحة التي أمامك سيتحد الأزرق والأصفر والأخضر والخطوط المريحة . إن الخطوط والألوان عمل احترافي ، فحينما نفكر لماذا كانت الأشياء أجمل في الماضي ومتقنة أكثر من أي وقت نقول لأن وراء الأعمال الجمالية في بلادي كان هناك فنان تشكيلي .فالطوابع الراسخة في أذهاننا بصورها التي تم جلبها من كل السودان كان فيها روح بسطاوي بغدادي ومحمد الأمين بابكر ، والعملة كان فيها نفس شبرين ودسوقي والعلم حسن الهادي والملابس العسكرية كان فيها لمسات رباح وعربي والمدرسية كان فيها روح نصيف ، لم يكن هناك مجال للصدفة ، بل كان كل فنان يؤمن بدوره وقوة فكره و أسسوا مدارس للفن السوداني جعلته موضوع انتباه العالم، فجاءت للدنيا مدرسة الخرطوم والرعوية والكرستالية والغابة والصحراء ، وامتزجت الألوان أزرق أصفر أخضر ، ناس القوم جاءوا من كل فجاج السودان معهم النوبة والراية ،،، والنار التي أوقدت التقابة ،،،واللوح والشرافة ، والحبر والدواية ،،، والفاتحة وآيات الله ،،،والذكر والدراويش ، ،،والجبة المرقعة أزرق أصفر أخضر ،و ناس التعليم والثقافة ومعهم أدبهم وعلمهم ، وقـفوا أمام الجذور والأصول وبحثوا عن الهوية ، رقصوا مع الطبول الإفريقية ، وتقدموا صفوف الجنود المروية ،تحت راية بيانجي وبالعربي يكتب بعانخي ، والشعراء وقفوا على أبواب التاريخ استدعوا حراس سنار وسلاطين السلطنة الزرقاء ،، وشراتي المسبعات وكجور الأماتونج وجبال النوبة وحجر كواتو المقدس ومعهم راياتهم الزرقاء والصفراء والخضراء ،،، وناس الفن ،،، المداحون والهدّايون ،،، وناس الحكايات وحبوبات الحجى والحكّامات وناس الغنا ،،،، الدوباي والشاشاي ، والنمة والرمية ، والجابودي والجراي ، والمردوم والتم تم ، وصفقة الطمبور ودقة الدولكة ،، والعرضة صقرية ، والأقدام الحافية ترقص في دائرة الفرح المنداح على امتداد سهول بلادي وحلمها البهيج ، وهيلاهوب وكم في الخط ثلاثة خطوط أزرق أصفر أخضر، وشد يا أحمد ، واحمد غايب في الركايب جانا غول سنونو صفر رجع احمد وكتل الغول وشال سبعة شعرات من راسه المقطوع رماها مع اتجاه الريح وانقرضت الغيلان وحلب الناقة في الشنقاقة وشرب ومعاه فاطنة السمحة ولعّـبوا الشفع في ساحات البلد المنورة بضي القمرة ، ويا قمرة ارمي السنسنة الحمرا لي أولاد الرحمتات وقلة مليانة موية النيل نشرب ونكسّر على أبواب متاكية مفتوحة للضيف الجاي مع النجمة الصباحية ومعانا قدح اللقمة وابوخرز المليان حنية اللمة ، وراجي ناس البوش ، والفزع والنفير والسيرة المرقت عصًر وغصن الليمون وجريد النخل وهوي يا ليلة هوي وهوي يا ليلة هوي ... وتوب العفة ساترك مقنع ، والسني أبوي جلابية بيضا مكوية ، ومريال واللاوو قيافة مليان بفرة وأبوفاطنة وسربادوق تحتو سيف العزة ، ونايل عراقي مشمِّـر لي طق الصمغ الشافي وحلو ، وتاجوج والمحلق وحًب مزركش الوديان وحجيتكم ما بجيتكم جانا وجاكم قعد معاكم واكل عشاكم، وعندي طبق بشيل كم ؟ بشيل ثلاثة ألوان ، أزرق أصفر أخضر ...
نمد الأيادي لكل الفرقاء الذين اجتمعوا على طاولة السلام نقول لهم أعيدوا لنا علمنا ليرفرف فوقكم لأن في وجدان كل منكم علم زاهي كان يرفعه فوق بيته يوم الاستقلال أو يجري به من المدرسة حينما نستقبل كبار الزوار لبلادنا، أعيدوا لنا علمنا كما هو وليكن صقر الجديان شعار للعلم لأن اختيار حيوان انتهى زمانه . في الماضي كانوا يختارون الحيوان للقوة والندرة ولكن الآن الشعار رمزه شفاف يحلق بخيال الناس والنسور والصقور في العالم العربي تحلق نحو مرافئ جديدة وعند الإفريقي النسور تحلق نحو الشمس فصقر الجديان بلونه الأبيض والأسود هو رمز لآمالنا المحلقة نحو الشمس ،وتحية للعلم الثلاثي الألوان ،،، أزرق أصفر أخضر ...
ملحوظة : لا ينبري لي أحد ليصحح لي مقولة أن : ( علمنا أخذته دولة أخرى ) ، حيث لا يحق لأي دولة أن تأخذ علم دولة أخرى ، وإنما يمكنها أن تحول الألوان بطريقة أخرى ، وهذا ما حدث فالدولة التي أخذت ألوان علمنا جعلت الأخضر فوق – نحن نريد علمنا كما هو ،،، أزرق أصفر أخضر .
الآن نحن أمام سارية عليها علم بلا نكهة،،، فارفعوا علمنا زاهي الألوان أزرق أصفر أخضر ، لأننا سوف ندخل في جدل عدمي لثلاثة خيارات إما عمل علم جديد ، وإما دمج علم الحركة الشعبية مع علم النميري وعلم الأزهري والناتج سوف يكون شبيه أو نسخة من علم جنوب إفريقيا ، وإما أن يعود لهذه السارية علم الاستقلال وهذا ما نرضاه علم يعانق سماء بلادي ،،، أزرق أصفر أخضر .
09-05-2007, 01:25 AM
Deng Deng
تاريخ التسجيل: 11-28-2002
مجموع المشاركات: 52548
Quote: اولا لو كنت حاضر او فى مكان من كانو موجودين لكنت اطلقت النار على باقان ولا بغبغان ده فى الحال ولمسحت به الارض ولرميته فى اقرب قمامة ........
انهم يتكلمون عن علم السودان كما يتكلمون عن شى لا يمثلهم غصبا عنكم وعن البغيغان بتاعكم ده سوف يكون ده علم السودان الذى نقدسه والذى نفديه باروحنا متى تطلب منا ذلك............
منبر منفلت والا لما سمح لهولاء الجرابيع من النيل من علم السودان الذى قاتل من اجله الاجداد ....يجونا فى اخر الزمن شوية صعاليق ما معروف الواحد وضعو كيف فى حالة وعى ولا انعدم وعى ويجو ينظرو فينا هنا حريقة تحرقكم وتحرق باقان بتاعكم معكم
وليد500
بطل تهديداتك الفارغة دي وجاوب على كلامي الزكرته أنا هل هي وقائع تاريخية أم لا. بعدين أول مرة أعرف أنه كانت لنا معارك خاضها الاجداد تحت راية علم جعفر النميري وبعض الحكومات من بعده. يمكن تكون معركة كرري يا ربي؟ وليد500 لا تحاول تزييف التاريخ.
دينق.
09-05-2007, 03:40 AM
waleed500 waleed500
تاريخ التسجيل: 02-13-2002
مجموع المشاركات: 6653
بطل تهديداتك الفارغة دي وجاوب على كلامي الزكرته أنا هل هي وقائع تاريخية أم لا.
يا زول انا ما قاعد اهدد والاعور عندى اعور وممكن اقول ذلك فى اى محفل
Quote: بعدين أول مرة أعرف أنه كانت لنا معارك خاضها الاجداد تحت راية علم جعفر النميري وبعض الحكومات من بعده. يمكن تكون معركة كرري يا ربي؟ وليد500 لا تحاول تزييف التاريخ.
دينك...انا ما بقصد لونية علم بعينه انما علم السودان الذى يمثل السودان الفى عهد عبود والازهرى ونميرى بيعنى عندى علم السودان الذى يجب احترامه واعلا شانه فهمت على وكان ما فهمت تعال قابلنى فى الخرطوم تلاته فى الكفتريا الفيها رزاز المويه المنعش لحظتها اقدر افهمك ...اوكى
09-05-2007, 02:39 AM
Bashasha Bashasha
تاريخ التسجيل: 10-08-2003
مجموع المشاركات: 25803
Quote: اولا لو كنت حاضر او فى مكان من كانو موجودين لكنت اطلقت النار على باقان ولا بغبغان ده فى الحال ولمسحت به الارض ولرميته فى اقرب قمامة ........
الكوز مراسل الانتباهة وليد،
اولا، ان تطلق النار علي باقان، فهذا معلوم بغض النظر عن زريعة العلم، لانك كاحد اوباش الجلابة، تكره امثال باقان، لله في الله، كانعكاس لي كراهيتك لي نفسك كذنجي، لاعق لحذاء اسياده الاعراب!
لهذا بعدما اشعلتم محارق التطهير علي امثال باقان بدل مجرد اطلاق نار، عدتم لتمضو لي باقان شيك علي بياض قسبا عنكم او جو عينكم!
الزول المضي الشيك "شيخ علي" كعقاب ليهو شلتو برة، والان خوفا من جحافل باقان انت او مثلك الاعلي، النازي الطيب مصطفي، تسعون لفصل الشمال، وتقديمه، لسيدكم العربي كهدية!
09-05-2007, 06:26 AM
waleed500 waleed500
تاريخ التسجيل: 02-13-2002
مجموع المشاركات: 6653
اولا، ان تطلق النار علي باقان، فهذا معلوم بغض النظر عن زريعة العلم، لانك كاحد اوباش الجلابة، تكره امثال باقان، لله في الله، كانعكاس لي كراهيتك لي نفسك كذنجي، لاعق لحذاء اسياده الاعراب!
شبشب قلت كذنجى تعرف سبيبة شعر واحده منى ممكن تقعد تنافخ بيها اسيادك الامريكان العاملين ليك عقدة الزنوج والعاوز تفكها فينا هنا بعد الشى الانت ما عارفو
انا شعرى بسرحو بى اصابعى فقط ما متلك لغاية ما تجيب ليك كماشة لجذب شعره او شعرتين خلينى اتكلم معاك بعنصرية لانك محتاج لعدة جرعات حتى تركب الشارع عديل....
Quote: والان خوفا من جحافل باقان انت او مثلك الاعلي، النازي الطيب مصطفي، تسعون لفصل الشمال، وتقديمه، لسيدكم العربي كهدية!
هههههه قلت لى جحافل باقان يا زول انت حلمان باقان بتاعك ده اسالو حينما يلتقى الجمعان مين بيكون سيد الطحان والدروس التتتعلمها قائدكم المخستك ده بتكفى الاف السنين ما يفكر يعتدى على اى عربى ايا كانت الاسباب وتوريت بتشهد على ذلك....
ولسع هنالك تكفت خليك جاهز
09-05-2007, 02:46 AM
Abdelmuhsin Said Abdelmuhsin Said
تاريخ التسجيل: 10-10-2006
مجموع المشاركات: 2678
Quote: دينك...انا ما بقصد لونية علم بعينه انما علم السودان الذى يمثل السودان الفى عهد عبود والازهرى ونميرى بيعنى عندى علم السودان الذى يجب احترامه واعلا شانه فهمت على وكان ما فهمت تعال قابلنى فى الخرطوم تلاته فى الكفتريا الفيها رزاز المويه المنعش لحظتها اقدر افهمك ...اوكى
وليد 500
بطل هبالة.
في أسباب تاريخية وموضوعية أدت الى رفض علم السودان الحالي بواسطة القائد باقان أموم, أذا أنت لا تدري قصة وتاريخ العلم السوداني القديم والحالي فهذا يعني بأنني أضيع وقتي معك فقط. حاول أن تعرف قصة العلم السوداني في المقام الاول وبعدين تعال ناقش.
دينق.
09-05-2007, 05:03 AM
Mohamed Suleiman Mohamed Suleiman
تاريخ التسجيل: 11-28-2004
مجموع المشاركات: 20453
Quote: خليك من اجدادى وليس الفتى من يقول كان جدى انما نحن الان من هم على فوهة الحكم ومن هم صنعو السلام واخرجو التشادين من بلدنا هم اهلى واجدادى واحبابى من انت؟؟؟؟؟؟؟؟؟
تشاديين ؟؟؟؟!!!!!!! قر قر قر قر قر قر قر قر !!!!
يا أخي جيش السودان الذي حولتموه الي جيش عنصري فالح فقط في قمع النساء و الأطفال ... أصبح ملطشة لكل جيوش الجيران .... من الفشقة الي حلايب الي أدري الي أفريقيا الوسطي .... غايتو آخر معركة يتذكرها الناس بين جيشكم و جيش تشاد بعدها سمعنا أسطوانة مشروخة منذ النكسة تصدر من الخرطوم ( سنرد في الوقت المناسب ) . صحيح إنتو اليوم جالسين علي فوهة الحكم ... فوهة بركان ..... إنبطاح للكل .... و لن يفيد إنبطاحكم ..... فالبركان يغلي .... و انتم بالضبط في المكان الذي يريدكم فيه أعدائكم ... في الفوهة .
09-06-2007, 00:09 AM
waleed500 waleed500
تاريخ التسجيل: 02-13-2002
مجموع المشاركات: 6653
في أسباب تاريخية وموضوعية أدت الى رفض علم السودان الحالي بواسطة القائد باقان أموم, أذا أنت لا تدري قصة وتاريخ العلم السوداني القديم والحالي فهذا يعني بأنني أضيع وقتي معك فقط. حاول أن تعرف قصة العلم السوداني في المقام الاول وبعدين تعال ناقش.
دينق.
المتعنطس دينك او طفل الانابيب كم يحلو لى ان اناديك رفض العلم الحالى ما بتكون بمرمطته ورميه على الارض وارجو ان لا تطلق اسم قائد على المعتوه بتاعك باقان ده امامى
فهو لا يصلح ان يقود مجموعة من الخرفان خليك من بنى ادميين
09-05-2007, 05:13 AM
Mahathir Mahathir
تاريخ التسجيل: 03-09-2003
مجموع المشاركات: 622
د.امين حسن عمر فى محاضرته فى ماليزيا عمل سرد تاريخى للسودان ...وركز على تاصل العروبه فى السودان وارتباط اللغه العربيه بالاسلام...وعرض علم نميرى فى البروجيكتر وقال "ودا علم الاستقلال" ..... ......... ...... اظن الناس دى ماشا بفكره "اكذبوا واعيدوا الكذب حتى تصير الكذبه حقيقه"
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
waleed500
Abdelmuhsin Said
Mohamed Suleiman
سلمى الشيخ سلامة
Deng
Bashasha
Mahathir
فيس بوك
تويتر
انستقرام
يوتيوب
بنتيريست