|
Re: فـلنبارك للأخ عـوض حـمزة مقـدم فارس حـوبته الجـديد..أواب. (Re: الخير محمد عوض)
|
يا سلام يا الخير ياخ ..
عوض أخو الأخوان و الرجل الجدع .. ألف مبروك يا صاحبي .. يتربى في عزك , و منك يتعلم وقفة الرجال و أخلاقهم . فمثلك يا صاحب لم يتبق كثيرون .. ربنا يجعله من الصالحين , الأوابين الطيبين .
مليون مبروك يا عوض .. و حمدلله على السلامة .. للوالدة و المولود . أقر الله به أعينكما .
الشكر ليك يا الخير .. مبروك .
| |
|
|
|
|
|
|
Re: فـلنبارك للأخ عـوض حـمزة مقـدم فارس حـوبته الجـديد..أواب. (Re: Emad Abdulla)
|
العمدة .. الزول السمح .. سلام يا حبوب..
Quote: يا سلام يا الخير ياخ ..
عوض أخو الأخوان و الرجل الجدع .. ألف مبروك يا صاحبي .. يتربى في عزك , و منك يتعلم وقفة الرجال و أخلاقهم . فمثلك يا صاحب لم يتبق كثيرون .. ربنا يجعله من الصالحين , الأوابين الطيبين .
مليون مبروك يا عوض .. و حمدلله على السلامة .. للوالدة و المولود . أقر الله به أعينكما .
الشكر ليك يا الخير .. مبروك .
|
اخجلتنى يا رجل .. ما عدمناك .. وشكرا على كلماتك التى نزلت على بردا وسلاما.. شكرا يا وريف
| |
|
|
|
|
|
|
Re: فـلنبارك للأخ عـوض حـمزة مقـدم فارس حـوبته الجـديد..أواب. (Re: الخير محمد عوض)
|
العزيز عوض حمزة اسعدنا خبر الولد ياراجل يا شهم يا (اخو البنات والاولاد) ... بعدين ما تلزمنا بالاسم دا ! نحن سمايتنا برانا وفى الخرطوم ونختار اسمنا العايزنو ...... يتربى وسطنا كلنا والف حمدلله على سلامة رباب ... انتو بس عليكم بالجاهز ؟ الخير .... انت اظنك بعيد كتير شكلك ح تكتفى بالسماية الاسفيرية ... انت اكل دى ونحن لا نرضى بغير الحقيقية ... والف مبروك ولدكم ياسيدى وشكرا ليك
| |
|
|
|
|
|
|
Re: فـلنبارك للأخ عـوض حـمزة مقـدم فارس حـوبته الجـديد..أواب. (Re: هميمة)
|
Quote: الخير .... انت اظنك بعيد كتير شكلك ح تكتفى بالسماية الاسفيرية ... انت اكل دى ونحن لا نرضى بغير الحقيقية ... والف مبروك ولدكم ياسيدى وشكرا ليك |
هميمة الهميمـة تحياتي
هي الغربـة يا سـيدتي اوصلت قناعـاتنا للاكـتفـاء بنظرة اسفيرية متعجـلة
لصحـن شـية يجمع الاحباب على ود وحـبور...لكم الشـية ولنا التمني.
تسلمي يا هالة ونبارك ليك السمح.
| |
|
|
|
|
|
|
Re: فـلنبارك للأخ عـوض حـمزة مقـدم فارس حـوبته الجـديد..أواب. (Re: falcon)
|
اخى الحبيب Falcon سلام ..
Quote: الف مبروك اخي عوض حمزة اواب جعله الله نعم العبد تعرف عندي ولد اسمو اواب لما كنت عاوز اطلع ليهو شهادة الميلاد بعد تعب شديد حتى الموظف فهم معني الاسم يتربي في عزكم امشاء الله |
مشكور يا ابو اواب .. تعرف الزول الما بعرف معنى الاسم (اواب) مفروض يتحول لموظف ( كوفير) مثلا.. طيب بعد ما شرحت لية فهم ؟؟
مشكور يا جميل وربنا يحفظ الاوابين ويحيطهما بحفظة
| |
|
|
|
|
|
|
Re: فـلنبارك للأخ عـوض حـمزة مقـدم فارس حـوبته الجـديد..أواب. (Re: lana mahdi)
|
الاميرة لنا.. اختى الحبيبة.. يا نبيلة..
Quote: الحبيب عوض و الحبيب الخير ألف مليون مبروك فارس العائلة الجديد شايل شهامة و بطولة جدوده وأهله آل حمزة و آل الأمير عمر أزرق ومسار أعمامه و خيلانه الأشاوس وبي جاي حنسوي سماية برااااااااانا خاصة مع الأهل و الحبايب الموجودين و الجونا زيارات |
قربت اخد لى عرضة قدام كومبيوترى ده .. خفتة يقولو الزول (شوطن)..
شكرا يا بنت ملوك النيل.. وسلام واشواق الى العم د/ مهدى والوالدة وكل من هم طرفكم هناك
تسلمى لنا يا لنا..
| |
|
|
|
|
|
|
Re: فـلنبارك للأخ عـوض حـمزة مقـدم فارس حـوبته الجـديد..أواب. (Re: بهاء بكري)
|
صديقى اللدود بهاء الدين بكرى ابو الكيد..
Quote: العزيز الخير ........ سلام والف مبروك اواب وطبعا اكثركم سعادة هو الابن احمد الذي كان وحيدا وهو الان يجهز في نظريات التربية حتي يصل باخيه لبر الامان ........ مبروك لعمنامحمد عوض حمزة وخالتنا علوية بت الخير عمر ازرق ولعموم العمراب والصادقاب ولنا نحن وفي النهاية للصديق عوض وام احمد |
شكرا على المرور الانيق .. تعرف يا بهاء ...احمد الايامات دى متمرد للطيش .. قال لى اواب ده بكاى ماينوم معانا !!!!! شوف ليك حالة ..
| |
|
|
|
|
|
|
Re: فـلنبارك للأخ عـوض حـمزة مقـدم فارس حـوبته الجـديد..أواب. (Re: الخير محمد عوض)
|
عزيزى ... اخى وصديقى..ورفيق الايام الجميلة خيرنا .. وضوء ليالينا الجميلة.. سبد الناس .. ابو رزان..
شكرا يا حبوب .. الولد خال دى قديمة .. اواب عم طالع على عمو (شقى ومجنون) وابشرك كمان .. باكر من صباحا بدرى حا نعمل ليه ( اول جديد بالبنج) وبجيك راجع اونسك ونسه دقااااااق ...
الناس الحلوين المرو من هنا حا اجيهم واحد واحد تسلم يا عشاء البايتات..
عوض حمزة
| |
|
|
|
|
|
|
Re: فـلنبارك للأخ عـوض حـمزة مقـدم فارس حـوبته الجـديد..أواب. (Re: عواطف الطيب حسن)
|
الاعزاء والعزيزات *عادل التجاني *لنا مهدي *بهاء بكري *ابو ساندرا *ياسر حامد *عمر بوب *علاء الدين (تمبس) *اسماعيل وراق *احمد معتصم الطيب *معتصم دفع الله *محمد ابو العزائم ابو الريش *هيثم عبد العزيز *عواطف الطيب حسـن
تعجـز كلماتي عن مـدى سـروري بمروركم الباهي الانيق الاليق
وانتم تودعون من الحروف ما يطيب النفس ويجعلها حفية محتفية
في معصم امانيكم الطيبات للحبيب عوض الذي زان عقد اسـرته
المتماسك بهوا ومحبة باواب الجميل...كلماتكم تقول من انتم..
جعل الله ايامكم كلها عقد محبة لا ينفرط.
وسلمتم.
| |
|
|
|
|
|
|
|