يقال ان البشير والراحل الزبير ذهبا فى رحلة عمل الى حلفا ولكن المواطنين كانوا غضبانين جدا ولم يحسنوا استقبالهم فسال البشير الراحل الزبير لماذا هذا الغضب ... فاجابه بانهم لا يريدون الشريعة وعليك ان تطيب خاطرهم - حيث لا اعلام هنا ولا تلفزيونات - باننا سنلغى الشريعة ... فقام البشير بتبشيرهم بانه سيلغى الشريعة ... فما كان منهم الا ان قالوا بصوت واحد : ورمضان كمان..
دى نكتة يا ناس المشاكل والعكاليت ما تعملوها موضوع ....
08-02-2007, 10:23 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
يا عمنا قرشو : رمضان كريم .. صديقي خالد واحد من ظرفاء مدينة ام درمان .. يوم عازمنا فطور رمضان في الفتيحاب اها اذان المغرب إتأخر فقام خالد بقا يسب ويلعن ويطنطن .. قلت ليهو : تعرف يا خالد بي طنطنتك وسبّك ده إنت زي الماسك ليك موس وبتعمل شخ شخ شخ لي رمضان (في إشارة منّي لي تجريح الصيام).. قال لي يا عمر السنة دي انا شلت ليهو الموس لكن والله العظيم السنة الجاية شايل ليهو سوط عنج عدييييييييييييل كده (يعني جالدو جالدو)
08-02-2007, 10:37 AM
قرشـــو
قرشـــو
تاريخ التسجيل: 02-05-2002
مجموع المشاركات: 11385
طبعا رمضان فى السودان فظيع جدا وسخانته لا توصف مما يجعل الصيام صعبا جدا ....
قال ليك واحد قبطى زوجته كرتهو الحياة وما عارف طريقه يطلقها ... اصحابه السودانيين اشاروا عليه بالدخول فى الاسلام والانفكاك منها ... صاحبنا دخل الاسلام وسرعان ما اتى رمضان فوجد نفسه مورطا فى صيام متواصل لشهر كامل فالتقى باصحابه الذين اشارو عليه بالاسلام فقال لهم: والله رمضانكم ده اخير منو مرتى ياخى
08-02-2007, 10:45 AM
الرفاعي عبدالعاطي حجر
الرفاعي عبدالعاطي حجر
تاريخ التسجيل: 04-27-2005
مجموع المشاركات: 14684
كيفك يا جميل .. وكيف الاهل ... الامطار طوال اليوم في البلد وانت صادفت جو فنان الجرسة شنو من بدري كدا ... تحياتي للجميع مع المحبة للدفعة شيخو وام صلاح .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة