Post: #1
Title: مبااااااااااااااااالغة ..!!
Author: عمر الفاروق
Date: 08-02-2007, 09:54 AM
مسطول سألوهو تحب تهدي شنو للأمة الإسلامية بمناسبة إقتراب قدوم شهر رمضان ..قال ليهم بهدي أغنية الفنانة هيفاء وهبي:
رجب حووووووووووووووووووش صحبك عنّي ..
|
Post: #2
Title: Re: مبااااااااااااااااالغة ..!!
Author: Nesta
Date: 08-02-2007, 09:56 AM
Parent: #1
سلامات يا عمر ..
مبالغتين والله ..
|
Post: #3
Title: Re: مبااااااااااااااااالغة ..!!
Author: عمر الفاروق
Date: 08-02-2007, 10:02 AM
Parent: #1
ابو نون يا حبيب:
ليست مبالغة واحدو ولا مبالغتين
بل ثلاثة مبالغات ..
|
Post: #4
Title: Re: مبااااااااااااااااالغة ..!!
Author: قرشـــو
Date: 08-02-2007, 10:05 AM
Parent: #1
سلام مربع يا عمر الفاروق
الجرسة بدت من هسع ؟؟؟؟
احكى ليك النكتة دى دون غضب اهلنا الحلفاويين ....
يقال ان البشير والراحل الزبير ذهبا فى رحلة عمل الى حلفا ولكن المواطنين كانوا غضبانين جدا ولم يحسنوا استقبالهم فسال البشير الراحل الزبير لماذا هذا الغضب ... فاجابه بانهم لا يريدون الشريعة وعليك ان تطيب خاطرهم - حيث لا اعلام هنا ولا تلفزيونات - باننا سنلغى الشريعة ...
فقام البشير بتبشيرهم بانه سيلغى الشريعة ... فما كان منهم الا ان قالوا بصوت واحد : ورمضان كمان..
دى نكتة يا ناس المشاكل والعكاليت ما تعملوها موضوع ....
|
Post: #5
Title: Re: مبااااااااااااااااالغة ..!!
Author: عمر الفاروق
Date: 08-02-2007, 10:23 AM
Parent: #1
يا عمنا قرشو :
رمضان كريم ..
صديقي خالد واحد من ظرفاء مدينة ام درمان ..
يوم عازمنا فطور رمضان في الفتيحاب اها اذان المغرب إتأخر فقام خالد بقا يسب ويلعن ويطنطن ..
قلت ليهو :
تعرف يا خالد بي طنطنتك وسبّك ده إنت زي الماسك ليك موس وبتعمل شخ شخ شخ لي رمضان (في إشارة منّي لي تجريح الصيام)..
قال لي يا عمر السنة دي انا شلت ليهو الموس لكن والله العظيم السنة الجاية شايل ليهو سوط عنج عدييييييييييييل كده (يعني جالدو جالدو)
|
Post: #6
Title: Re: مبااااااااااااااااالغة ..!!
Author: قرشـــو
Date: 08-02-2007, 10:37 AM
Parent: #1
عمر الفاروق
لك التحية
طبعا رمضان فى السودان فظيع جدا وسخانته لا توصف مما يجعل الصيام صعبا جدا ....
قال ليك واحد قبطى زوجته كرتهو الحياة وما عارف طريقه يطلقها ...
اصحابه السودانيين اشاروا عليه بالدخول فى الاسلام والانفكاك منها ...
صاحبنا دخل الاسلام وسرعان ما اتى رمضان فوجد نفسه مورطا فى صيام متواصل لشهر كامل
فالتقى باصحابه الذين اشارو عليه بالاسلام فقال لهم: والله رمضانكم ده اخير منو مرتى ياخى
|
Post: #7
Title: Re: مبااااااااااااااااالغة ..!!
Author: الرفاعي عبدالعاطي حجر
Date: 08-02-2007, 10:45 AM
Parent: #1
عمر الفاروق ...
كيفك يا جميل .. وكيف الاهل ... الامطار طوال اليوم في البلد وانت صادفت جو فنان الجرسة شنو من بدري كدا ... تحياتي للجميع مع المحبة للدفعة شيخو وام صلاح .
...............................حجر
|
|