|
|
 الأرباب خالد المحرب .. سلامتك والألم بيزول .. كم كفارة ليك يأرباب
|
الأرباب المحرب .. خبارو المرض معاك ..
سلامات يازول ياكلس .. والله المرض إنته طمعتوا فيك بي كرمك ..
ألف كفارة .. وسلامة ليك .. وإنشاء في ميزان حسناتك .. المؤمن مصاب ..
مفتقدنك .. نسأل الله أن يلبثك ثوب العافية ..وترجع لأحبابك البورداب بالسلامة ..
وذي مابتقول حبوبتي ( بلاك سوداء ) ..
أخوك/ خالد سعيد
|
|
 
|
|
|
|
|
|
|
|
Re: الأرباب خالد المحرب .. سلامتك والألم بيزول .. كم كفارة ليك يأرباب (Re: tmbis)
|
Quote: دي عين واصابة المجموعة ..
بكره حليمة تجيب معاها بخـور تيمان |
تامبـــا ياحبيبنــأ
دي عين كافرة ماصلت على النبي ..
بنوصى حليمة تجيب ( شب ولبان وفاكوك وغاسول وحرمل ودمعة سايلة )
والبورداب كلهم يجي يتلموا ويبدأ البخور .
ياعيني ياعنية ..
ياكافرة يانصرانية ..
خصمتك بي تقية ..
كان في أو في البقية ..
أخرجي ..
عين الصبي شراً غبي ..
عين الوالد شراً متعارض ..
عين الجار أحر من النار ..
عين العزبة تقد العتبة ..
ود السلطان أب سبعة قمصان ..
أخرج ناقته من عين جارته ..
بعد ماكسير قامت تسير ..
أخرجي ..
| |
|
|
|
|
|
|
|
|
|
Re: الأرباب خالد المحرب .. سلامتك والألم بيزول .. كم كفارة ليك يأرباب (Re: tmbis)
|
Quote: دي عين واصابة المجموعة ..
بكره حليمة تجيب معاها بخـور تيمان |
تامبـــا ياحبيبنــأ
دي عين كافرة ماصلت على النبي ..
بنوصى حليمة تجيب ( شب ولبان وفاكوك وغاسول وحرمل ودمعة سايلة )
والبورداب كلهم يجي يتلموا ويبدأ البخور .
ياعيني ياعنية ..
ياكافرة يانصرانية ..
خصمتك بي تقية ..
كان في أو في البقية ..
أخرجي ..
عين الصبي شراً غبي ..
عين الوالد شراً متعارض ..
عين الجار أحر من النار ..
عين العزبة تقد العتبة ..
ود السلطان أب سبعة قمصان ..
أخرج ناقته من عين جارته ..
بعد ماكسير قامت تسير ..
أخرجي ..
| |
|
|
|
|
|
|
|
|
|
Re: الأرباب خالد المحرب .. سلامتك والألم بيزول .. كم كفارة ليك يأرباب (Re: مصدق مصطفى حسين)
|
Quote: أخى خالد المحرب
ألف لا بأس عليك ،
أجر و عافيه إنشاءالله و ما تشوف شر .
الأرباب .... سلامى و إشتياقاتى. |
المبدع الفنان / مصدق
أعلم أننا نراك كل يوم .. فأنت في عالمنا نجم .. يزين مساء غربتنا بإبداعه .. قد كنت موجود في كل بوستاتك ( ضيق الهدوم الفي الخرطوم .. الخريف وعمايلو .. سد كجبار .. الأحزاب .. وكل إبداعاتك .. والمبدعين الزين رحلوا باكراً ) تجدني أول الحاضرين ولاكين لايقوا قلمي على إعطائك حقك فأكتفي بالجلوس والتأمل ..
شكراً لك يامبدع ..
ودعواتنا للأرباب خالد المحرب بعاجل الشفاء
دم بخير وعافية ..
أخوك/ خالد سعيد
| |
|
|
|
|
|
|
|
|
|
Re: الأرباب خالد المحرب .. سلامتك والألم بيزول .. كم كفارة ليك يأرباب (Re: Alshafea Ibrahim)
|
اللهم يا شافي يا معافي أشفِ خالد المحرب وعافيه...
اللهم يا شافي يا معافي أشفِ خالد المحرب وعافيه...
اللهم يا شافي يا معافي أشفِ خالد المحرب وعافيه...
اللهم يا شافي يا معافي أشفِ خالد المحرب وعافيه...
اللهم يا شافي يا معافي أشفِ خالد المحرب وعافيه...
اللهم يا شافي يا معافي أشفِ خالد المحرب وعافيه...
اللهم يا شافي يا معافي أشفِ خالد المحرب وعافيه...
وزي ماب يقولِن الحبوبات برضو يا خالد يا اخوي... (إنشاء الله شِرِيرَك مقسم فوق الدقَشَّم) قول آمين...
| |
|
|
|
|
|
|
|
|
|
Re: الأرباب خالد المحرب .. سلامتك والألم بيزول .. كم كفارة ليك يأرباب (Re: خالد علي محجوب المنسي)
|
الاخ خالد الارباب .
اولا دى اياها المحريه فيك ياارباب وجزاك الله خير كلمنى بناتى من الضهر بالبوست لكن غالبانى القومه
واخيرا كان لازم ارد عشان اطمن الاخوان والاخوات وبكره كان حبيان يجيكم تب مافى كلام وانشاء الله اصبح كويس اشرك الاخوان جميعا
الريس الاخ بكرى ابوبكر
والاخوة
عبدالله داش
خالد محجوب المنسي
الأستاذ احمد الشايقي
تمبس
مجاهد عبدالرحمن
الابن احمد ابوحريرة
معتصم دفع الله
مصدق مصطفى حسين
محمد عبدالجليل
الاخت غاده عبد العزيز خالد
الشفيع ابراهيم
ابو الحسين
ايمن الطيب
يوسف السماني
الخال حمزاوي
هشام هباني
ايمن البعيو
اسماعيل وراق
السموءل
بدر الدين
علي الطلاق اكان ماني تعبان كل زول الا اكتب ليهو براهو كتابة سمحه لكن عيب الزاد ولا عيب سيدو
لكم مني كل الشكر والتقدير اخوتي الاعزاء
اخوكم دوما
خالد المحرب/ابو احمد
| |
|
|
|
|
|
|
|
|
|
Re: الأرباب خالد المحرب .. سلامتك والألم بيزول .. كم كفارة ليك يأرباب (Re: Ahmed Yousif Abu Harira)
|
العم خالد
الف سلامة وربنا يشفيك ويعافيك ويخليك لاولادك واهلك وقبيلتك واخوانك يا ضو القبائل وانشاء الله ربنا يستجيب للدعاء الصادق من اخواتك وبناتك واخوانك وابناءك من قبيلة سودانيز اون لاين ويرجعلك لينا سالم غانم.
قلبك الكبير المليان بحب الناس والشايل هموم الغير والما بعرف الغل والشيل انشاء الله ما يشوف شر.
تحياتي لجميع افراد الاسرة .
اخونا ايمن الطيب ود عزاز الحلاويين نيابة عن المحرب "الجاتك من المحرب في حمته في اسمك سامحتك"
الحمد لله سمعت صوت اب احمد اليوم واكد لي انه والحمد لله من احسن الى احسن.
| |
|
|
|
|
|
|
|
|
|
Re: الأرباب خالد المحرب .. سلامتك والألم بيزول .. كم كفارة ليك يأرباب (Re: محمد عمر الفكي)
|
يا ناس على الطلاق الخبر الشين ما سمعت بيهو الا امبارح من ود المحرب ذاتو .
الله يرفعك يا عشا البايتات ومقنع الكاشفات وشيال التقيلة .
الزول ده كان اصابتو وريدة ساى ما بتلزمو السرير الزول ده قطع شك اكان ممكون بس الحمد لله الكضب الشينة .
يا الصادقاب رجال البنية والابيضاب اسياد المغارة وشيوخ البطاحين ويا الشيخ العبيد ود بدر تلحقوهو وتفزعوه .
اب احمد اخوى انا جيتك شايل البخرات والمحاية دحين انقل شوية نبخرك يبقى تكون عين .
وعليك الرسول الصورة الفي المنبر دى طلعها هى الجابت لينا الهواء .
| |
|
|
|
|
|
|
|
|
|
Re: الأرباب خالد المحرب .. سلامتك والألم بيزول .. كم كفارة ليك يأرباب (Re: Raja)
|
الحياة دى مافيها شى سمح غير اخوان وحبان توانسهم وتستانس بهم.
الاخوه والاخوات انا بطبعى بحب الناس واحب العلاقات المتوازنه واخترام الاخر وهذا ما وجدته من اخوانى وزملائى ولله الحمد شكرا لكم جميعا انا اليوم بخير .
اشكر الاحباب جميعا
مجاهد عبد الرحمن
malamih سكن تسلم الاسم ملامح ولا انا غلطان
الدافورى هارون اسرم
ناس اسلانج منصور المفتاح
اخونا ايمن الطيب الحمى كانت شديده
ناس مدنى و الدوحه طارق ابراهيم (المطوع)
ابننا البطحانى الزاكيابى محمد عمر الفكى
عريبى الدندر استاذنا الطيب بن شيقوق
ناس القاهره الصديقه العزيزه رجا العباسى
| |
|
|
|
|
|
|
|
|
|
Re: الأرباب خالد المحرب .. سلامتك والألم بيزول .. كم كفارة ليك يأرباب (Re: خالد المحرب)
|
البورداب ... أخوان التقيلة .. أهل الفزعة .
عامر جمعكم أن شاءالله ما ينفضه
المتداخلين جميعاً فرداً فرداً بدون فرز .. أنتوا معزومين لي كرامة المحرب يوم الجمعة بإذن الله في إستراحة كلاسك مخرج (18) .
والخارج السعودية .. حنرسل ليهم حقهم ناشف .. معلبات ..
والله بدور أرد عليكم واحد واحد .. إلا في حضرت الأرباب المحرب .. بخلص الكلام .. وهو زول جود وكرم .. بشوش .. بشارت خير .. خريف الدالي والمزموم .. بعرف قدركم .. دحين بخليكم في وداعت الله .. وكرم الأرباب المحرب ..
الأرباب خالد المحرب
أياك عز القبائل والكرم فيك طبعه
حمداً لله على سلامتك .. يازول يانيل ..
أخوك / خالد سعيد
| |
|
|
|
|
|
|
|
|
|
Re: الأرباب خالد المحرب .. سلامتك والألم بيزول .. كم كفارة ليك يأرباب (Re: سارة عمر)
|
بكم ومنكم نستمد كل شى جميل احبتى واخوانى واخواتى لكم الشكر جميعا وانا ملكت الصحه والحمدلله .
اشكر الاحباب .
الاخ اسماعيل عباس ناس امدرمان مدينة الانسانيه والفن والادب وكل الحاجات السمحه .
الاخ صلاح غريبه واسرته الكريمه صديق جديد واتمنى ان تدوم المحبه والخوة اخى صلاح .
الفاتح ميرغنى ناس اصليين فى بلد الاصلى والاصلى غالى وامكن يكون معدوم . اليابان.
الابنه الصحفيه الناجحه ساره عمر اتمنى ليك التوفيق فى الرحله والعوده لنا بالسلامه
وتقلبى سلام كل افراد الاسره وشكرا وكتر خيرك
| |
|
|
|
|
|
|
|
|
|
Re: الأرباب خالد المحرب .. سلامتك والألم بيزول .. كم كفارة ليك يأرباب (Re: خالد المحرب)
|
وزائرتي كأن بها حياءاً فليس تزور إلا في الظلام
بذلت لها المطارف والحشايا فعافتها وباتت في عظام
يقول لي الطبيب أكلت شيئاً وداؤك في شرابك والطعام
وما في طبه أني جواد أضر بجسمه طول الجمام
تعود أن يغبر في السرايا ويدخل من قتام في قتام
فإن أمرض فما مرض إصطباري وإن أحمم فما حم إعتزامي
وإن أسلم فما أبقي، ولكن سلمت من الحمام إلى الحمام
أبنت الدهر عندي كل بنت فكيف أتيت أنتي من الزحام
جرحت مجرحا لم يبق فيه مكان للسيوف ولا السهام
| |
|
|
|
|
|
|
| |
Khalid Saeed
بكرى ابوبكر
خالد علي محجوب المنسي
أحمد الشايقي
tmbis
مجاهد عبد الرحمن
Ahmed Yousif Abu Harira
معتصم دفع الله
Mohamed Abdelgaleel
غادة عبدالعزيز خالد
أبو الحسين
أيمن الطيب
يوسف السماني يوسف
هشام هباني
إسماعيل وراق
السمؤال بدرالدين
خالد المحرب
haroon asram
munswor almophtah
محمد عمر الفكي
الطيب شيقوق
Raja
فاروق حامد محمد
على احمد النعيم
ismeil abbas
ghariba
الفاتح ميرغني
سارة عمر
رأفت ميلاد
فيس بوك
تويتر
انستقرام
يوتيوب
بنتيريست