|
عينا باردة / اولاد حيمورة جوا والصيوان ملو
|
ما ولدة غلا ودعتوا لي اب شرا اريدك يا علاء التقيلة بتقدرها
غنى ياآمال وشيلي يا منى وانتي يا اشراقة رتلي الغنا قومي يا الهام دا يوم المنى
اولاد حيمورة جوا والصيوان ملو ارقصي يا انعام دا اليوم الحلو
يارب العباد تم لي المراد تعالي يا سعاد وأبشر يا عماد
قومي يا سهام حضري النظام لي سمح الكلام العقبى لي عصام
يوم شدينا الضل ويوم فرحنا الكل ارقصي يارباح مع محمد فضل
الخالة حنانة
هييييييييييييع عافي منك دنيا واخرة يا ام علوية دى العولمة الما خمج
|
|
|
|
|
|
|
|
Re: عينا باردة / اولاد حيمورة جوا والصيوان ملو (Re: الطيب شيقوق)
|
اولاد حيمورة جوا والصيوان ملو أرقصي يا انعام دا اليوم الحلو
الطيب شيقوق / بوست عديل/ والله عفيت منك ..
طبعا البيت دا لما يغنوه انا بكون في غاية السعادة .. لانو فخر لي ان اسمي يرتبط بي بآل حيمورة كلهم ..
لك الشكر وغد سانزل قصيدة آل حيمورة كون معي
| |
|
|
|
|
|
|
Re: عينا باردة / اولاد حيمورة جوا والصيوان ملو (Re: انعام حيمورة)
|
سلمي السمحة وعاصم الوجيه وانعام الجميلة
بوست عديييييييييييييل يا انعام وعندو راى نصوّت اما لبقائه او سقوطه وقطعا آل حيمورة بيسقّطوا اى عدد معارض حتى لو بكري ابو بكر استعمل حق الفيتو الحموراب بيقاطعوا المنبر العام بتاعو وتاني يكون المنبر لا طعم ولا لون له .
هلا هلا يا الحموراب الما ركز فيكم يخم ويصر
| |
|
|
|
|
|
|
Re: عينا باردة / اولاد حيمورة جوا والصيوان ملو (Re: علاء الدين حيموره)
|
Quote: اذا كسب الناس المعالي بالندي ......... فأنك تعطي في نداك المعاليا |
يديك العافية يا علوية
والله يا علوية المنبر ده حيكون حاجة (غير) ، بكلام الخليجيين ، لو انضمت الاستاذة حنانة اليه .
لكن بيني وبينك تاني لازم نعمل الف حساب لما تدخل الخالة بالذات انتو . وهى حتكون مراقبة مداخلاتكم في بوست الحب في المنبر العام بتاع مرتضى وبتحذركم من بوستات عواطف ووصال العالم . ونحن ذاتنا تاني ما بنتداخل في البوستات ديك الا بعد الخالة تغفل مننا .
بس انت يوم الخالة تسافر تكلمني عشان انسحب وامشى اشبع في بوستات ناس مرتضى وعواطف .
تاني اخوك اول ما يدخل المنبر العام بيعمل كلك في الحضور فوق يشوف المتواجدين منو .
| |
|
|
|
|
|
|
Re: عينا باردة / اولاد حيمورة جوا والصيوان ملو (Re: الطيب شيقوق)
|
امبارح كنت في محكمة مسقط عاين جاى وجاى وجاى عايز اسال حد عن محل ملفات القضايا قابلتنى محامية وساعدتنى شديد قلت ليها انت آآآآآآآآآآ الاخ من فين في السودان ؟ قالت لى انا اسمى سوسن حيمورة من الحصاحيصا !!!!!!!!!!!!!!!!!!!!!!! اتفرجوا الواحد بقى محاصر جوا وارضا وبحرا بالحيموراب .
بالمناسبة انا لقيت ابن عمي ابراهيم شيقوق المهندس الزراعي متزوج قريبة سوسن حيمورة دى وهى من طابت والمناصير ناس عفيفي والجاك المنصورى .
هيييييييييييييع بقيت لحمة ودم حيمورابي
| |
|
|
|
|
|
|
Re: عينا باردة / اولاد حيمورة جوا والصيوان ملو (Re: علاء الدين حيموره)
|
علوية ود خالتي كيقك
Quote: حبابك يا اصيل في حوش حيموره ..
عبرك تحياتي للاخت سوسن عبد الرحيم |
بالطبع ستبلغ كل رسائلك للاستاذة التى احسب انها استلهمت الكثير من خواص خالتها فهى بحق وحقيقة اربابة بكل ما تحمل الكلمة من معنى وساكون معها والاخ الجميل بيضاب في وجبة غداء بعيد صلاة الجمعة وسيكون موضوع الحكي هو امنا حنانة والشأن الحيموري عامة.
لك معزتي
| |
|
|
|
|
|
|
Re: عينا باردة / اولاد حيمورة جوا والصيوان ملو (Re: الطيب شيقوق)
|
الأستاذ المعاون مولانا الطيب شيقوق..
و على ذكر(المعاون) فأعنى القانون.. و مولانا تعنى إيضآ الصلة بالقانون
و خاصة القضاء.. أما بخصوص بوست القضاء السودانى بالتعاون مع مولانا
الفاتح ميرغنى فأوعدكم بمداخلة ظريفة عن القضاء الأهلى و محاكم العمد
أما بخصوص البوست المفتوح الآن والمحصص لآل حيمورة فلقد جعلنى فجأة أن أستحضر علاقاتى بآل حيمورة ليس على النت و لكن في السودان ...1
فهل علاء الدين حيمورة هو صديقي و زميلي في الخرطوم الثانوية القديمة
و الرجل الديموقراطى الفكر إبن عم رجل الأعمال مهدي حيمورة هو نفس الشخص
الذي يكتب الآن في هذا المنبر!! إن كان هو و هؤلاء أهله فياخجلتى منه..
فلقد علمتنا التجارب في النت أن الأسماء تتشابه علينا كتشابه مياه
الخريف و الأمطار في موسم الشوق الحلو.. فإن كانوا هموا نفس الناس و الأسرة التي أقصد فيا له من حدث تميل له الوجدان و الذكريات..
فإن لم يكنوا هموا فمرحبآ بآل حيمورة المستقدمين عن طريق مولانا الطيب
شيقوق الدندراوي الأصلي..
أخوكم/ عادل نجيلة بتوقيع ملامح من المجتمع السودانى كتاب ألفه الأب الراحل حسن نجيلة و لكم التقدير و الإحترام...
| |
|
|
|
|
|
|
Re: عينا باردة / اولاد حيمورة جوا والصيوان ملو (Re: malamih)
|
اخي الرائع عادل نجيلة
Quote: بتوقيع ملامح من المجتمع السودانى كتاب ألفه الأب الراحل حسن نجيلة و لكم التقدير و الإحترام... |
نمنى النفس اخي عادل بان نسمع منك الكثير من كتابات استاذنا حسن نجيلة الذى تعلم منه اباؤنا. وقد اسس استاذنا حسن نجيلة اول مدرسة بقريتنا والتى ما زالت معالمها ماثلة في حينا.
رحم الله صاحب مجلة القلم ورحلتي الى بادية الكبابيش .
لك معزتي
| |
|
|
|
|
|
|
Re: عينا باردة / اولاد حيمورة جوا والصيوان ملو (Re: الطيب شيقوق)
|
أخي العزيز الطيب !!!
بوست غاية في الروعة يؤكد طيب معدنك وأصالة آل حيمورة ربنا يحفظم ويغتيهم إنشاء الله مع تحياتي
للحلوين ,, علاء ,,, إنعام ,, إشراقة ,,,
| |
|
|
|
|
|
|
Re: عينا باردة / اولاد حيمورة جوا والصيوان ملو (Re: الطيب شيقوق)
|
محطة النجيلة ومحطة الزهرة ......
مؤكد ارتسمت البسمة على وجهك أخي عادل ..
ذكريات لاتنسي يا اخي وصديقي وزميلي عادل حسن نجيلة ..
فعلا فقد طال الزمن وبين الحين والاخر اترقب طلتك لاني قد وجدت أحد النجيلاب له اشراقات في هذا المنبر وفي واحدة من مداخلاتي معه سألت عنك ولكن لم اجد الجواب الشافي ..
اعلم انك في بلاد الغرب وسيرتك لم تنقطع مع الاخ عماد محمود (مربع3) ..
أحمد لهذه التكنولوجيا أنها جمعتني بك وليتنا نعيد تلك الايام ..
الشكر اجزله للاخ الطيب شيقوق ..
وسوف اكون على تواصل معك بأذن الله اخي عادل ..
00966509285299
تخريمة عشان اخونا شيقوق بتعجبو الحاجات دي :
زمان يا ود شيقوق كنا بنركب الباص من محطتين يا محطة النجيلة ولا محطة الزهرة وكانت والدة الاخ عادل الحاجة الزهرة ..
فكنا بنقول لعادل أها نركب من محطة ابوك ولا امك ....
وسوف نلتقي في بوست كامل عن الكاتب حسن نجيلة ..
| |
|
|
|
|
|
|
|