|
|
|
 Re: مارايك لوذهبت زميلتك اوختك اوبنت عمك الى ديسكو (Re: Tragie Mustafa)
|
Quote: محمد عادل السودان بيئاته متباينه
هنالك من تذهب للديسكو مع اخوها كمان
وهنالك من يسمح لها اهوها تذهب من غيره
وهنالك البقطعوا رقبتها,انتو من اي عينه اولا؟؟؟ |
دا من العينة البتسبب كتابته الكابه والبؤس
والله يا تراجى لى زمن ما قاعد اقرا لعادل دا موضوع بس لقيت اسمك فى اخر مداخله وجيت متلب
والنتيجه ياها جنس الحال دا
ما تحكيها كدى سيب الزول يتجدع
فى زول هنا بعزك شديد وقال عاوز يسلم عليك
قلت ليه اسهل طريق انو تسك بكرى سنتين عشان يديك عضويه وتجى تسلم على تراجى براك
اى شئ ولا يجيك كرسى طائر
| |
 
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: محمد عادل)
|
محمد عادل ,,,,,,,,,,شنو!!
فى الأول حدد الديسكو المشتو أختكم فى الإنسانية ده وين بعدين نتناقر!!!!!!
أفريكانا! ميناهاوس!!شبرد!! Crazy House !! ! Exit, Amoon
عشان نحدد مستوى النقاش!!!يا نقش!!
بعدين فى قاهرة المعز ومصر المؤمنة دي كضاب كان بتدور تمسك البنوّت من الديسكو!!!!!
الماشة التمشى ياللخو!!!أبقى عشرة على روحك وكل شاة معلقة من عرقوبا ولا سبيل لإيقاف
هذا المد الزاحف بعنف من أعالى الحضارات البعيدة!!!
من الآن فصاعدا إسمك الحركى محمد شلاكة!!!!!!!!!
دمت للشوت الضفارى يا ملح المنبر زى ما قال محمد البشرى الخضر
You made my day dear.
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: محمد عادل)
|
سلامات الأخت بنت الكارب,
لإثراء النقاش فقط
لعناية الأخوات الكريمات بالنيابة عن أخونا محمد عادل
Quote: مارايك لوقال اخوك او زميل لك انا الليلة ماشى ديسكو
رايك شنو فى الموقف دا
بس انا عاوز اسمع رايكم وبجيكم راجع للقصة
افيدونى بالله عليكم |
فى إنتظار إفادتكم
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: محمد عادل)
|
الحلاوي سلامات يا قريبى,
Quote: Quote: وهنالك البقطعوا رقبتها,انتو من اي عينه اولا؟؟؟
وبقطعوا رقبة أخوها ..لأنهم ناس عندهم نخوة وليس فيهم تيس ديوث |
معنى كلامك الفوق ده ببساطة شديدة سوف تكون هنالك مجازر ومذابح جماعية
فى قاهرة المعز وعدة مدن أوروبية وعالمية أخرى
تعرف يا حلاوى لم يحكى لى ولم اسمع بل شهدت بعينى وسمعت بأذنى, مرة واحد
سودانى إنفعل مع أمريكى إعتقد مخطئاأنه يضايق بت بلدنا وأعذرنى أن أشرح
لك ماذا رأى صديقى هذا وماذا أغضبه! والله جاءت الشابة وطلبت منى صراحة أن
أسحب صديقى(السكران ده)!! على حد قولها لأنها تعتقد أنها تركت هذه التعاقيد
المتخلفةخلفها فى السودان وعليه أن يفهم أنها غير متضايقة من الأمريكى صديقها
وهو إنسان محترم ومهذب وأننا أى السودانيين يجب أن نتفهم أن هذه ليست القرية ولا
سبيل للعيش بأخلاق القرية فى أى مكان وكادت أن تسمعنى محاضرة عن صراع
الحضارات وإلى أى حضارة تفضل أن تنتمى هى!!!!! !!
أنا شخصيا تفهمت وجهة نظرها وإحترمت رغبتها وسحبت صديقى الهائج من المكان!!
يا أخوانا أصحوا,,,,, الدنيا تغيرت والمفاهيم والأخلاق وما تراه أنت صحيحا قد
يراه غيرك خطا وهكذا الحال رضينا أم أبينا!!!
مودتى يا قريبى.
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: أيمن الطيب)
|
فى صيف 1995 ذهبت وصديق لي لهولندا وحينها كنت مقيم فى المانيا وفى مدينة روتردام حيث كنا نتسكع فى شوارع المدينة ونضايق الحسناوات فى نشوة الشباب الباكر والصبأ المتفتق واذ نتفاجأ بأثنين سودانيات يتسكعن ايضآ فى شوارع روتردام ويدخن الكواميت وتعرف عندنا بالبنقو ، وساعتها قامت ثورة صديقى عليهن فى نفس الحين هو كان لتوه قد اكمل بابورين بنقو تمام اى سجارتين كاربات مع العلم ان القانون الهولندى يسمح بتداول البنقو ولكن كان رد هؤلا البنات عنيف حيث سألهن صديقى لماذا تدخنون البنقو... فكان ردهن وكمان..." بنتنأ....." وذهبن كانما لا شئ حصل.
فالسؤال الذى يطرح نفسه فقبل ان نجاوب على هذا السؤال لماذا لا نسأل الرجل او الولد عندما يذهب للدسكو او يحتسي الخمر قبل ان نوجه هذا السؤال للنساء وهلم جر كما يقول الامام الصادق.
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: محمد عادل)
|
سلام
انتوا الناس اللي بيكتبوا مثل هذه البوستات عايشين معانا هنا فس السودان؟؟؟؟
الديسكو دا هو وين في الخرطوم؟؟؟ ام دول الناس العايشين في الامريكيا وكندا
وغيرها من البلاد اللي عندها المراة ممكن تعمل اللي عاوزاه؟؟؟ بالله ما تسمموا علينا مجتمعنا
خلونا في حالنا نحن حفلة جارك يا الله تمشي تقيف ببعيد بعيد عشان تبارك وتجي راجع ...
يا جماعة الخير والله دا انحطاط ما بعده انحطاط انتو نسيتوا ابواتكم واجدادكم الهزوا الارض
شجاعة واقدام حفاظا على مكارم اخلاق ورثوها كابر عن جد ... والله حليلكم ابواتنا تعالوا
شوفوا ولادة دا الزمن دا بتقول شنو؟؟؟ ما رايك لو ان اختك مشت الديسكو؟؟؟ عليك الله دا سؤال تسألو
الجواب : كان خليتها مشت انت اياك السجم والرماد وكان مشيت انت برضو انت السجم والرماد
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: اسامه هاشم)
|
الاه اسامه هاشم
يا اهي اتقي الله في الرجل شكله معقد زيك ما كان تشتمه ساي
كان تقرأ له بتأني
Quote: سلام
انتوا الناس اللي بيكتبوا مثل هذه البوستات عايشين معانا هنا فس السودان؟؟؟؟
الديسكو دا هو وين في الخرطوم؟؟؟ ام دول الناس العايشين في الامريكيا وكندا
وغيرها من البلاد اللي عندها المراة ممكن تعمل اللي عاوزاه؟؟؟ بالله ما تسمموا علينا مجتمعنا
خلونا في حالنا نحن حفلة جارك يا الله تمشي تقيف ببعيد بعيد عشان تبارك وتجي راجع ...
يا جماعة الخير والله دا انحطاط ما بعده انحطاط انتو نسيتوا ابواتكم واجدادكم الهزوا الارض
شجاعة واقدام حفاظا على مكارم اخلاق ورثوها كابر عن جد ... والله حليلكم ابواتنا تعالوا
شوفوا ولادة دا الزمن دا بتقول شنو؟؟؟ ما رايك لو ان اختك مشت الديسكو؟؟؟ عليك الله دا سؤال تسألو
الجواب : كان خليتها مشت انت اياك السجم والرماد وكان مشيت انت برضو انت السجم والرماد |
اليس الكلام التحته خط موجه لكاتب البوست الاصلي؟؟؟
هو لم يقل انه يؤيد اذن من اين جبت هذا الكلام؟؟؟
اما انا ردي لك لازم تضع في اعتبارك تنوع كل هذه الردود لتعرف انه السودان متعدد ومتباين في قيمه
وسودانك الذي تتحدث عنه ليس سودان الجميع هنا.
مع كامل الاحترام لك بان تقول رايك
ولكن عليك معرفة النسبه الحقيقيه التي تتفق مع رايك.
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: محمد عادل)
|
يا محمد عادل!!!
يا ماااااااااااااااااااااااااااااااااان!!
أعمل حسابك لما تجى راجع وشاهده بعينيك قبل
نشره!!!!!!وكان بتسمع كلام أخوك ماتجى راجع!!
أرخى يا الخو أرخى وخت الكورة واطة!!!!!!!!
..........................................
البورد ده فيهو كروت صفراء وكروت حمراء لكن
شكلو كده حا يحتاج ليهو حكم قريب
* ارشح محمد البشرى الخضر كبير مراقبى بوستات
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: محمد عادل)
|
ما الفرق بين الديسكو وحفل عام في المكتبة القبطية الخرطوم او اي كازينو من كازينوهات شارع.
او قل حفلة( قيدومه عروس).....
انا اقول اننا في زمن متغير ولكن الشكل واحد مع اختلاف الموسيقى والمكان
اخي حديثك هذا فكرني ايام كانت الناس تهدر في الشوارع ضد حكما في السودان وجماعة اخرى منقمصه في ما هو المسواك الشرعي.
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: Abd Alla Elhabib)
|
الاخ محمد عادل شكلك زعلت من مداخلتي
وانا لم اصفك بالمتخلف حاشا الله
| Quote: نحنا من الناس المتخلفين ياستاذة تراجى |
انا فعلا قصدت لك ما اثبته الآخرون بعدي
بأن كله فينا موجود هنا
ولاحز تنوع الردود
مابين من وصفك انت بانك معقد جدا
الي من وصفك بانك منحل لانه اعتقد خاطيء انك تؤيد ذلك.
ولازلت انتظر ان تحدد لي لاي مجموعه تنتمي انت.
رغم امكانية استنباط الحكم انك تراه عيبا,اليس كذلك؟؟؟
تخريمه:
الا انني لا اعتقد ان زعيمك مبارك الفاضل يتفق معك
ولو عايز امشي فتش تاريخه
تلقاهو زول بهجه وبتاع ديسكوهات درجه اولى في شبابه
ولو عايز بنونسك اكثر بكل ما يفعله سادتكم ويجوا لعندكم
يلبسوا العمه و الجلابيه ويعملوا شيوخ زمانهم.
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: Tragie Mustafa)
|
قال الديسكو قال!! كدي اول حاجة خلونا نتفق علي ان من حقها ان تقول انا ماشة الديسكو او انا ماشة نيالا!! و خلونا نتفق علي مبدأ ان من حق الناس ان تمشي الي الديسكو كما تمشي للجامع او للكنيسة ... بعد داك السؤال ده اجابته بتكون من دقنو و افتل ليهو!!و ربما لا نحتاج لطرحه حتي!! من يدري!!
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: Tragie Mustafa)
|
والله ياتراجى
شى يوجد به شى حرام فى نظرى حرام
حتى لوكنت انظر بكحل عينى فانا اعتبر متخلف
جدا فى الاشياء دا
وبسبب الحكاية دا قطعت علاقتى مع زميلة لى
اليوم ديسكو وبكرة ممكن تشرب صاح وبكرة ماشى انوم مع البوى فرند بتاعى
والله قياداتنا عارفنها شنو وعارفين شبابهم قضو كيف
سيد مبارك شابو ضيعو فى صحارى لندن وكان احد قيادات الجبهة الوطنية
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: محمد عادل)
|
Quote: وبسبب الحكاية دا قطعت علاقتى مع زميلة لى
اليوم ديسكو وبكرة ممكن تشرب صاح وبكرة ماشى انوم مع البوى فرند بتاعى |
لا حول ولا قوة الا بالله!!
ده كلام مخيف جدا وكبير جدا..
الحاجات ما بالشناعه دي يا محمد عادل..
ما قدر ده يعني..
المخاوف من الحاجات ما بيعني انحدارها كلها في الأتجاه ده!
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: محمد عادل)
|
Quote: والله ياتراجى
شى يوجد به شى حرام فى نظرى حرام
حتى لوكنت انظر بكحل عينى فانا اعتبر متخلف
جدا فى الاشياء دا
وبسبب الحكاية دا قطعت علاقتى مع زميلة لى
اليوم ديسكو وبكرة ممكن تشرب صاح وبكرة ماشى انوم مع البوى فرند بتاعى
والله قياداتنا عارفنها شنو وعارفين شبابهم قضو كيف
سيد مبارك شابو ضيعو فى صحارى لندن وكان احد قيادات الجبهة الوطنية |
صديقى أبوحميد أبيض السريرة سلامات!!!
الشراب الصاااااح الدايره تشربو زميلتك دى جنسو شنو؟ موية! بنزين !خمرة!!!! شربات ليمون
إنت يا محمد بتقرأ فى أم القرى ولا 6 أكتوبر
صحارى لندن !!!!!!!!يا رااااااااااااااااااااااااجل!!
ما قلت ليك أرخى!!! وخت الكورة واطة
سلام جاك يا عزيز.
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: محمد عادل)
|
Quote: أها يا ايمن
تاني غالط , شفت الحالة دي
Quote: صحارى لندن
مبالغة مش |
وغابات أرض الكنانة!!!!!!!!!!!!!!! الأسمنتية!!!!!
والمدن الضبابية السرابية الكآبة!!!!!!!!!!!!!!!
وكان أسياف العشر!!!!!!
لكن مازال ملح المنبر كما قلت يا ود البشرى,,,,,,
أبوحميد صاحبى القايلنى صهيونى ! !
ياتراجى !!!!!رجاءا عدم التعرض للرموز
محمد !!!!حبيبى المنقة والتفاح ويا لندن نجيك نقدل
نمشى فيك !!!وأهدى الأغنيتين لكل اصحاب الشقاو للأهل
والمجاهدين بغابات لندن وديسكوهات القاهرة وطول لى
بالك حتى نصل إلى حل,,,,,,,,,,,,خلى أطول من السلبة.
وأنا أيضابلا شك أحترمك .
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: محمد عادل)
|
الاخ محمد عادل
الموضوع ما موضوع ديسكو..
فمايمكن ان يتم امام دكان عبدالكريم
او مقابل طابونة العيش
او في عرس سعاد و ايمن
او في الطريق من والى المدرسة/الجامعة/الشغل
اكثر بلاءا واسهل تدبيرا..
وزمان قال الاطباء: لوعلم ابوعضل
بهشاشة جسده وسهولة تكسيحه
لما خرج من داره..
نحن (فلاسفة الخرطوم جنوب - ونادي الاسرة) نقول:
لو علم الرجل
كم من عرض ينتهك
وكم من عاري يرتكب
وكم من اغواء ينطلق
وكم من براءة تنسلب
بالمواصلات العامة...
لما سمح لنفسه بارتيادها
فكيف باناث دمه او حييه؟؟
وبالمناسبة: اقراء لنا الاسلام للسيد مبارك
اسكتش جانبي:
(صحاري لندن) واسعة شوية
ماناقص ليك غير تقول جليد الظهران
اتمنى ان تقوم بالتصحيح .. وليس التعديل
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: bayan)
|
Quote: قصة اعترافي انه الطيب سيخة قتل بولاد
تفوت دي وتجي لصحاري لندن؟ |
حكاي إعترافك دي عادية في البورد
و ما فيها جديد
لكن صحاري لندن
دي عبقري فريدة
تغيير لثوابت جغرافية الكون و المناخ العالمي
فيها إستشراف للمستقبل و قراءة مستقبلية لظاهرة البيت الأخضر و التغيييرات الماخية المتوقعة.
و من ناحية تانية فيها مجاز لغوي بلاغي رهيب
مش بروف عبدالله الطيب قال بلندن مالي من أنيس و لا مال
و تيب
| Quote: خليك في المواضيع الاجتماعية دي طيب؟ |
حاضرين
أوعدك لما تخلصي غزوة فاروق "اللانهائية" تلقيني حاضر في أول موضوع غير إجتماعي- إن شاء الله
| |
|
|
|
|
|
|
|
|
|
Re: مارايك لوذهبت زميلتك اوختك اوبنت عمك الى ديسكو (Re: محمد عادل)
|
تحياتي قطب حزب الامة محمد عادل
هل يا تري هذا يدخل في باب تحديد حرية المراة في الحركة؟
اين ومتي وكيف تلبس ؟
عزيزي الخلط اصبح في السنوات الاخيرة مكانه جامعة القران الكريم بالقربمن بوابة عبد القيوم
واسهل اكاكن ايضا بعد صلاة التراويح في المساجد بعد ليالي رمضانية
ولنا مثل سوداني يقول الله يكفيك
الجدادة الكاكاية والمرة الصلاية؟
وانا غير مسئؤل عن المثل بس ياسيدي
للمراة الحق فيما تفعل مثلما للرجل
لان الخطيئة لها وجهان رجل وامراة
باب تضييق الحريات اصبح لا يجدي واذا قريبتك او قريبتي قررت ما تفعل انت وانا لا نعرف ولا نستشار وهذا عهد الوصاية ونحن الان في عصر الحرية والمسئؤلية
كيب لو لك ود عم او اخ او ابن اخت او صديق اتجه في طريق الهوس الديني والتحي وامتشق السيف وركب له مكنة لصحابي في القرن السايع الميلادي ماذا يكون الجواب ؟؟؟؟؟
| |
|
|
|
|
|
|
| |
محمد عادل
محمد حيدر
Tragie Mustafa
أيمن الطيب
Elmoiz Abunura
Rabab Elkarib
عبدالرحمن الحلاوي
Saifeldin Gibreel
Abd Alla Elhabib
برير اسماعيل يوسف
Muna Khugali
محمد البشرى الخضر
Nader Abu Kadouk
Walid Safwat
مكاوى محجوب الشريف
Ahmed Abdallah
bayan
Sobajo
فيس بوك
تويتر
انستقرام
يوتيوب
بنتيريست