كتب الكاتب الفاتح جبرا المتوفرة بمعرض الدوحة
|
|
 لا أستثني أحد في الدوحة
|
فجاءة كده قرر بعض الأولاد الحلوين
القادمين من الخرطوم
أن يعملوا حفل بمناسبة سفر ساندرا لماليزيا
الحفلة اليوم الجمعة الموافق 29/6/2007
في منزلنا الكائن في غرافة الريان
حايشارك فيه فنان قادم من السودان حايكون مفاجأة
وآخرين
والعوة عامة ولا أستثني أحد
والذين هم خارج الدوحة / قطر يمكنهم المشاركة بالهواتف النقالة
وبشعورهم الحية
الحفل حايبدأ الساعة ثمانية
والباربكيو
الشواء على الهواء
|
|
 
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
الأخ أبو سا ندرا
مبروك لساندرا و ربنا إن شاء الله يوفقها و يسهل عليها و يقر بيها عيونكم إنت و أمها.
بس....
Quote: والعوة عامة ولا أستثني أحد
|
الله يستر من العوة العامة دي...
Just kidding
| |
|
|
|
|
|
|
|
|
|
Re: لا أستثني أحد في الدوحة (Re: Elawad)
|
ياعمر سعدوياسر مبيوع . انا متحرك قدامكم لانو معاى ادروب بتاع
السلات . اللحمه سودانيه وارد اليوم . يلا ياجماعه فاأبو ساندرا
لم يستثنى أحد... اما الفنان فقد استمعت له قبل يومين لديه حنجره
جبليه يعنى صوت قوى متفرد سوف يكون له شأن كبير فى مستقبل الاغنيه
السودانيه. انشاء الله سوف تكون ليله من ذات الليالى , صلاح عبدالله
اتمنى ان اراك هناك
| |
|
|
|
|
|
|
|
|
|
Re: لا أستثني أحد في الدوحة (Re: عصام علي أحمد)
|
| Quote: لا أستثني أحد في الدوحة |
بالله ؟؟؟
ناس دعوتها بالتلفون ..
و ناس عزومة مراكبية ؟؟؟
طيب .. تسنيم و آلاء حفلتهم قريب ..
كدي تعال لافي ساكت بهناك ..
تشوف بس .
تحياتي يا ساندرا يا بتي ..
بالسلامة و التوفيق .. إنتي و دينا و التومات ..
و تحية كبيرة لرشيدة و ماهي .. معاها همسة جنباوي :
الجُلُك ما إستان , كابي منسى موسى لعبدالرحيم أبو ذكري و كده ..
طوالي حقو تخشو ليهو عبدالله الرباطابي بأبو جنزير قبل ما يخستك بالغُستان و يخش أستاذ جدعة بعادل حجر و تبقو بعد داك في عبدالرحمن الضوري و ...
قردابي .. صاحبك غنج ..
و .. أبو لي بيه يا اللبن .. أبو لي بيه .
| |
|
|
|
|
|
|
|
|
|
Re: لا أستثني أحد في الدوحة (Re: Ibrahim Algrefwi)
|
وانا ايضا
لا استثني احدا في الدوحه
من تحياتي
وعاطر امنياتي
ولساندرا اغنياتي
وتشكراتي
بالتوفيق
وانشالله يارب
في كل خطوه سلامه
يلا همتكم معانا كده يابنات
نشيل اسم الراجل العجوز دا
محبتي
وسلاماتي
وكده
| |
|
|
|
|
|
|
|
|
|
Re: لا أستثني أحد في الدوحة (Re: Ibrahim Algrefwi)
|
العزيز ... أبوساندرا
تسلم ... والاسرة الكريمة ,
أظن بهذا أن الحفل قد إنتهى
وليتكم تكونوا قد سعدتم بوقت
طيب جميل ... طبعا نحن خلف
الأطلنطي ... ولا بنشم ريحة
شواءكم حتى وإن شاء إنفعكم .
تحياتي لساندرا من عمها حيدر
بأقاصي الشمال الأمريكي وأتمناها
التوفيق والتفوق .
مع مودتي
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
أهلآ بالأحباء أعلاه
وإعتذار ، فقد كنت غائب
في الركائب
حيث لا انترنت لاوجع راس اسفيري
وكل الشكر للأعزاء الذين شاركوا في الحفل
الذين سيأتي شكرهم واحدآ تلو الأخر
أما هنا فنذرآ عليا أرد على كل مداخلة على إنفراد
ونفرع بأميرة الشيخ التي قالت :| Quote: نحن منتظرين انو ينقل على الهوى.. |
يا بت يا لذيذة ، أحيي مثابرتك وتمسكك بالهوىبس أوع يطيرك
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
أبو ساندرا .....
لي أكتر من شهر دخولي المنبر بالمجابدة (أكل العيش غلاّب)
والنتيجة إنو بوست مهم زي ده ما أشوفو إلاّ الليلة (1/7)
التحية للإبنة ساندرا .. ورحلة موفقة وملياااانه تحصيل.
مودتي
(أبو ساندرا راجع ميلك الداخلي)
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كتبت الحترمة/ نراجي مصطفى
Quote: ابو ساندرا
نحن عايزن عدس رشيده المعروف.
الف مبروك قبول ساندرا
وربنا يوصلها بالسلامه |
والله حارمانا من العدس ليها سنة إمكن
قالت إكتشفت ليها أكلات جديدة
بيني وبينك الأكلات شهية و {شديدة}*
أصلها البت شديدة دي طباخة ماهرة
يباركوليك الأفراح والليالي الملاح
# شديدة ، إسم أخر يطلق عليها على سبيل السربعة
ومامتذكر ناجره فقد يكون عبدالرحيم محمد الحسن مدني
أو عصمت محمد مختار ، وعصمت ده حايحكي ليكم عنه يومآ ما طارق الأمين
أما عبدالحيم فحكاياته تخصص رؤوف جميل
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
العزيز الغالي (ابوساندرا)
تحياتي لك ولكل الاسرة
وتمنياتي للا خت ساندرا
بالتوفيق في مسيرتها العلمية
ولك العتبي حتي ترضي لعدم تلبية الدعوة
لاني كنت غائبا عن المنبر ولم اري هذا
البوست الا اليوم
ياها ذاتا عزمو فطور جاء غداء
مذيد من الاذدهار والتقدم
| |
|
|
|
|
|
|
|
|
|
Re: لا أستثني أحد في الدوحة (Re: مهلب خلف الله القريش)
|
مرحب ابوساندرا
والمرسال مشي وجاء علي برق طائر اليمامة
وكنت اتمني اكون معاكم وامارس الدهشة اولا في الترحال الي بيتكم الابعد من القضارف في
الغرافة ولا عد حسين الدوحة ماعارف ...
لكن الشاهد ان هاشم كرار وصفه وهو محملا ذات ليلا ما بانه يحتاج الي اجازة حتي تصل اليه
وداها ساندرا
ونتحري كما الهلال تماما معرفة نتيجة دينا
وفي انتظار حقنا من ماهية (ماهي) الاولي
وسلام لرشيدة الرشيدة
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
يا ابوساندرا
الف شكر علي هذة الدعوه الكريمة يعني لو كلمتنا من بدري كنا لقينا حجز
ويا سلام علي نجاح البنات لة طعم خاص!!!!!!!!!!! تسافر بالسلامة يارب
وعقبال الباقيات. وانشاله تكون من بنات الغربة الصالحات.
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
يا شباب أسمحوا لي أفطكم كلكم وعدم التقيد بالدور
إحتفاءآ بالمحترمة نوال جحا
يانوال كنت جاية وين ؟
الدعوة كانت شواء على الهواء
يعني مافيها فلافل*
يا زولة الجايات أكتر من الرايحات
وشكرآ على المشاركة
والتمنيات الطيبة
* لو راجعتوا بروفايل نوال حاتلقوا وجبتها المفضلة شنو
| |
|
|
|
|
|
|
|
|
|
Re: لا أستثني أحد في الدوحة (Re: عزالدين محمد عثمان)
|
الاخ ابوساندرا
والاخت (ام ساندرا)
مبروك للابنة ساندرا ونتمنى لها التوفيق والنجاح وهى تخطو اولى خطوات (الاعتماد على النفس والمسئولية) ولا شك لدى بانها مسلحة تمام التسليح لخوض التجربة والنجاح باذن الله
تحياتى
طلعت الطيب والاسرة
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كتب القرضابي / القردابي
Quote: غايتو الديامة ديل؟؟
والله ليتنا هناك
لكم الحب
لكل الديامة المعاك
وأخص الحبيب عماد عبدالله |
الواحد معاكم أصلو ما يغلط ولايدقس
إلا الدقسة كانت في محلها
فقد كانت { عوة } بمزاج
الغريبة الديامة ماجونا في يومنا الحلو
وما إعتذروا حتى
واحد مشغول ببت وصلعة ، عامل للبت خلعة وللصلعة لمعة
والتاني مشغول ب { الآدب }
و {الهراء} النظيف
شكرآ على الطلة يا حبيب
وعلى العوة
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
الكريم ابو ساندرا
شكرا للدعوة التي لم تستثني احد ولو كنا اطلعنا على البوست في موعده لما بخلنا بالمشاركة ولحضرنا (على انجلات) هذه الحاتمية التي لا يتاجسر عليها أحد ممن عرفنا من شعوب الارض الأخرى الا "زول الله السوداني ده"
مبروك لساندرا وبالتوفيق
وعقبال النجاحات الكبيرة ان شاء الله
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
Quote: العزيز/ أبو ساندرا
سجلنا غياب، عشان كده راح علينا أن نكون من أوائل المهنئين.
وللإبنة ساندرا
عجبني ..... وسرّ بالي.
ألف ألف مبروك .... ولي قدام ...
وكويس انك تقشي لينا الدرب للعيال ..
وأوصيك بضرورة التميز ...
إنتي ناجحة ناجحة بإذن الله،
لكن أهم حاجة لازم تكوني متميزة.
لازم
لازم
لازم
ألف مبروك .... وربنا يوفقك .... وشدي حيلك.
عمك/ عثمان علي |
وهذه رسالة عزيزة من العزيز عثمان علي آدم لإبنتنا ساندرا
نبارك ليك فرح العيال
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كتب عزيزنا خالد محمد سليمان:
Quote: ياكا زعيمنا و كبيرنا
تسلم يا ابو ساندرا |
الكلام ده بيجيب ليك { الهوى } على زعمات أميرة الشيخ يا خالد
وبيصنفك
شكرآ على المشاركة يا وجيه
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
العزيز ابو ساندرا
الولد الاسمو محمد عثمان ده مشكله ياخ انا قاعد جنبو بتهز من شده وقوه وعزوبيه صوتو الليل كلو ماقادر انوم ربنا يسامحو
والاستاذه ساندرا ربنا يوفقه ونتمني ليها النجاح والاعتماد علي روحه ودي المحريه فيها وعقبال الباقين
وخليك مترقب بوست جميل قريبا للولد محمد عثمان وهو يصدح بعزه في هواك والذي ختم بها امسيتكم الجميله
ودنا
| |
|
|
|
|
|
|
|
|
|
مبروك (Re: أبو ساندرا)
|
أخي أبو ساندرا
عرفت مؤخراً بالمناسبة الجميلة
مبروك على إبنتنا ساندرا وإلى الأمام وبعدين (ما شاء الله على بناتك الشاطرات وأمهم الأشطر) وعقبال النتائج العليا
عادل التجانى
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كتبت رشا سالم
Quote: يا فيها..
يا نقلب كراسيها..
(وش زعلان بالجد).. |
لو ماكنت فيها أنت يا دكتورة طيب منو الحايكون
مازال مقعدك شاغر
ومازلنا ننتظر طلتك في الدوحة
ومعاك طارق الحوري
وتوابعه
أو
زوابعه
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كتب كمال سالم : { بللا كمال علي بللا لمة}
Quote: ياعمر سعدوياسر مبيوع . انا متحرك قدامكم لانو معاى ادروب بتاع
السلات . اللحمه سودانيه وارد اليوم . يلا ياجماعه فاأبو ساندرا
لم يستثنى أحد... اما الفنان فقد استمعت له قبل يومين لديه حنجره
جبليه يعنى صوت قوى متفرد سوف يكون له شأن كبير فى مستقبل الاغنيه
السودانيه. انشاء الله سوف تكون ليله من ذات الليالى , |
والله يا كمال يا زعيم أنت طالبني شكر خاص
لحرصك على الحضور مبكرآ
ولدعمنا بمالذ وطاب
من اللحم والأنخاب
ولمشاركتك المتميزة
وحرصك الواضح على الإحتفاء بساندرا
أدامك الله لنا زخرآ
وأخآ كريمآ
وصديق معتبر
ورفيق يقود إلى التهلكة الماتعة
أما بخصوص ولدنا الفنان محمد عثمان
فهو فعلآ يمتلك صوت قوي وشجي
كنا بنحاول تنزيل بعض الأغنيات التي غناها في ذلك المساء
ومن ضمنها عزة في هواك
ونأمل أن ننجح اليوم في إنزالها ورفد البوست بها
| |
|
|
|
|
|
|
|
|
|
Re: لا أستثني أحد في الدوحة (Re: محمد الطيب حسن)
|
والله عالمه غريبه بشكل؟
يا ابوساندرا انا بيتى من بيتك (فركة كعب) يعنى مس كول بس كان جيت ناطى لكن انت قاصد تعمل بوست وانا كنت حالف ما ادخل فى البوست ده.. لكن ماعشانك عشان بتنا الجميله المهذبه الشاطرة ساندى ربنا يوفقها ويسترها ويسدد خطاها وتجينا راجعه بالشهادات الماخمج وعشان امها اختنا الغاليه رشيده الارجل منك والاكرم منك..
الجايات اكتر من الرايحات وعقبال نجاح الامورات الاخر..
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كتب عصام علي احمد :
Quote: أبوساندرا
النجاح حليف ساندرا دائما
تحياتى للاسرة |
أهلآ يا عصام ، والله شرفت ونورت
وين أراضيك
لا تلفون يجيني منك
لاخبر يطمني عنك
وأنت عارف لا المسافة ولا البعاد
يحرمني منك
وعارفني منك
غايتو يومآ ما سوف أبدد عطلة نهاية الأسبوع معاك
العقبى لعيالك القادمون
يا ولد شد حيلك
فضحتنا
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كتب عماد عبدالله :
أها ، أول الكفر إنك مستغرب
وتتسائل ببرآءة الأطفال
وب 3 كويتشن مارك
يا أب 3 ورقات
أنا عايز أقشر بيك
وفي رواية أخرى
عايز أقزقز بيك
فحضر حالك إذا بتريد
وحانبدأ القزقزة معاك
بالسؤال التالي :
{ عارف ليه الزول بيريد الزول } ؟
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كتب إبراهيم الجريفاوي :
{سلامات ياساندرا ويا بابا ساندرا ، تمشي وتجي سالمة وغانمة ودكتورة }
بوجودك يا قرمبوز
ياريتك لو كنت معانا وسمعت صاحبك محمد عثمان الحاج
الذي سمعته عبر الأقمار أمان الجندرية
تشكرات
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كتب طارق الأمين :
{ولساندرا اغنياتي
وتشكراتي
بالتوفيق
وانشالله يارب
في كل خطوه سلامه
يلا همتكم معانا كده يابنات
نشيل اسم الراجل العجوز دا
محبتي
وسلاماتي
وكده }
شكرآ يا طارق
ولو شلتو إسمو
الهواء بيقسمو
وممكن الهوى برضو
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كتب حيدر قاسم :
{تحياتي لساندرا من عمها حيدر
بأقاصي الشمال الأمريكي وأتمناها
التوفيق والتفوق }
شكرآ يا {عمو} حيدر
ويارب تكون من أصحاب الدعاء المستجاب
وتتفوق ساندرا
قبل أن { ينفق } أبوها
فعلآ يا حيدر فقد إستمتعنا بصوت الولد الغناي محمد عثمان
عندو صوت قوي
وصفه القاص الفنان فيصل عباس ب { الصوت الجبلي }
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كتبت آمنة مختار :
{ولا حتى معتز القرش }
أنت يا أم سنينات
وكتبت :
Quote: تمنياتى لساندرا بالتوفيق..
وأوصيها أن لا تبارى الكيزان هناك
فهم كثر |
شكرآ على الأمنيات الطيبة يا أمونة
أما بشأن الوصية فساندرا واعية
والواعي مابيوصوا
البت مدربة ومكربة
وراسها ناشف
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كوييييييييييييس يا بابا عبدالرحمن.
تخلوني أرجع الخرطوم وشيتكم وراي دخاخينا ضاربة؟؟!
عموماُعندى عندكم تلاتة كيلو من سوق الناقة لمن تجى راجع.
تمنياتي بالتوفيق لى سندو وعقبال البنات.
تخريمة:
ماهي حتجي متين؟
س.م
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
كتب عبدالكريم الأمين :
Quote: مرحب ابوساندرا
والمرسال مشي وجاء علي برق طائر اليمامة |
طيب ماتقنت يا كرومة
مضى خميس
والآخر كاد
ولا رسالة تطمني عنك
ولا { الميدان }
{وما بنتي
ولا التذكار
ولا كنتي}
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
يا ابو ساندرا مبروك للبنية..
ياخي ما تفجوا لناس الرياض وتدونا معاكم فرقة..
مادام فيها لمة وباربيكيو والذي منه..(ما تسالني من الذي
منه، عشان انا ذاتي ما عارفاها.. اهو عبارة ولفقت معاي)
اضربوا الشية هنا سااااكت!!!، والله في السودان
لما تجي ضيف يضبحوا ليك الخروف، تلف الحلة
للفواتح، لما تجي راجع تلقا حللو وصاجو تتراقش ،
مغسسسسسسلة..
جنس مغسة ياخواني..!!!
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
ياشباب ، أسمحوا لي أفطكم لإنجلات البنت حليمة
الفارشة سنونها الضواية زي دعاية السينجال
ما شاء الله ، تبارك الله
والتي كتبت :
{لما تجي ضيف يضبحوا ليك الخروف، تلف الحلة
للفواتح، لما تجي راجع تلقا حللو وصاجو تتراقش ،
مغسسسسسسلة..
جنس مغسة ياخواني}
تستاهلي
ماكان في الأول تعضي
وتلهطي
وبعدين الفواتح ملحوقة
شكرآ على المشاركة اللذيذة
| |
|
|
|
|
|
|
|
|
|
Re: لا أستثني أحد في الدوحة (Re: أبو ساندرا)
|
ياشباب عايز أوجه ليكم شكر بالجملة
مع إعتذاري الشديد فقد كنت وعدت بالرد المخصوص
على كل مداخلة
لكن يبدو أن هناك معارك في الأفق ، أو في غير معترك
لذا أعذروني
و أعترف أن كل المداخلات للمذكورين بعد كانت بمنتهى الروعة وتستحق رد مخصوص
التحية ل ك
- فيصل محمد خليل
- ابوالريش
- عزالدين محمد عثمان
- طلعت الطيب
- قاسم المهداوي
- حبوبة بيان
- أحمد يوسف أبوحريرة
- محمد الطيب حسن
- عادل التيجاني
- ضحية إبراهيم
- الوليد محمد أحمد
- فيصل عباس
- أميرة عثمان ،، التي ذكرتني شعار كنا بنرفعو في حفل وداع رفاقنا
بمناسبة ذهابهم للخارج للدراسة الجامعية
- سامبا 2003
| |
|
|
|
|
|
|
| |
أبو ساندرا
Tragie Mustafa
ALGARADABI
خالد محمد سليمان
رشا سالم
Elawad
kamal ali
عصام علي أحمد
Emad Abdulla
Ibrahim Algrefwi
HAYDER GASIM
AMNA MUKHTAR
محمد أبوالعزائم أبوالريش
مهلب خلف الله القريش
عبدالكريم الامين احمد
شهاب الفاتح عثمان
Nawal giha
فيصل محمد خليل
Abureesh
عزالدين محمد عثمان
طلعت الطيب
قاسم المهداوى
bayan
Ahmed Yousif Abu Harira
محمد الطيب حسن
عادل التجانى
ضحيه ابراهيم
Elwaleed M. Ahmed
فيصل عباس
حليمة محمد عبد الرحمن
فيس بوك
تويتر
انستقرام
يوتيوب
بنتيريست