|
Re: هدية للعزيز العريس النذير حجازي وعروسته! (Re: Salwa Seyam)
|
الشقيق العزيز وأستاذي والمناضل الحبيب والسوداني الأصيل ود هباني، والله ياعمدة كُنتا بدور فيك ساي ، والتدوير هو أبلغ آيات التعبير لشوقي وفقدي لكم أيها الأحبة والأشقاء الحقيقيون، وسكنا ببلدة ٍ وسكنتم بأخرى ولكن، لم ولن تتقطع مواثقنا والعهود، ولما لا إشتاق إليكم ، فقد: إتعلمت منك يا (هشام) يا (هباني) كيفن أجمع وعي وفكرة وتبقى مبدأ وكيفن أدرس كيفن أحسب قبل أبدأ وكيفن أطرح كلُ خاين فى بلدنا من عددنا وكيفن أسمع وكيفن أقرا كيفن أسأل لما تغلبني المعاني وياتو مرجع من دروسك بلقى فيهو المعنى تاني وكيفن أصمُد لما تجتاحنا العواصف وكيفن أحمل راية (وطنا) بيها صابر وديمة واقف*
أشكرك أنا والعروسة على هذه الهدية العذبة، وتهنئتك لوحدها أنفس الهدايا، وعقبال ما نهدي ليك يا عمدة فى فرح نضال وحمودي والهدايا على مقدار مُهديها، ولو كان يُهدى للناس قيمتهم لشق الأمر علي فمقداركم – أيها الأصيل – هو الدُنيا بما فيها.
ولك أيها الحبيب، الثلثان من قلبي وثلثا ثلثه الباقي وثلث الثلث سأدخره لبقية أحبابي، ولك أيضاً أيها السوداني والوطني الغيور كل إعزازي وفائق تقديري
---- * مع إعتذاري لشاعرنا الثائر هاشم صديق بتغيير- فقط - ماكان بداخل القوسين فى رائعته أغنية للشوارع.
| |
|
|
|
|