كتب الكاتب الفاتح جبرا المتوفرة بمعرض الدوحة
|
Re: صور وصول محجوب شريف الى مطار هيثرو اليوم (Re: بكرى ابوبكر)
|
" .. لما أفوتك من دون خاطر أو دون خاطر مني تفوتي بلقي حبايب في كل حتة و كل بيوت الفقرا بيوتي لا غيرت وراكي الجتة لا بدلت ملامح صوتي لا غفلني و هادن فني غامل المدن الماعرفتني . . أغني لشعبي و مين يمنعني أغني لقلبي إذا لوعني .. " عودا حميدا مستطاب !
| |
|
|
|
|
|
|
Re: صور وصول محجوب شريف الى مطار هيثرو اليوم (Re: عصام أحمد)
|
شكرا بكري ابوبكر
وشكرا لشرفاء الوطن الكانوا في استقباله
وان شاء الله ترجع معافاة ومبسوط بلقاء اخوانك وحبانك ابناء شعبك الاتشردوا في المنافي.
وترجع تحتفل بالسلام الذي نحلم به ان يعم كل ربوع السودان.
وتعود لتقرأ اشعارك لاطفال الغرب و الشرق و الوسط و الجنوب و الشمال.
ونعود نغني للخرطوم ونشد اوتار المغني.
لك الود واصدق الدعوات بتماما الشفاء.
تراجي.
| |
|
|
|
|
|
|
Re: مرحبا بشاعر الوطن محجوب شريف (Re: mohamed kabbar)
|
عافية وشفاعاجل
تمشى الوطن قادل
يا قلبك الاخضر ويا بالك الماهل
يارشة المطرة فى رملة الساحل
ما من تلا نظمك
وفضل وراه جاهل
ما من تبع خطوك
دربا ولا ساهل
يا عشقك الصوفى ..
مشرور .. ومتماهل
ماخد على خاطرك؟
جابر خواطرنا..
رافع جباهنا ضحى
ومعلى سيرتنا ..
قادلين كما الطاووس
شعرك هتاف وغنا
فى دربنا..محسوس
داير تكبرنا..دايرنا نبقى شموس
شاهد على عصرك
متجاوزا عصرك
وتغنى فى "قصرك"
قصر المحبة الخام
والعشق والالهام
علمتنا نحيا علمتنا الاقدام
وماخد على خاطرك.؟؟
يارب يسر خاطرك
تضحك يبين فاطرك
يارب
يسر
خاطرك
| |
|
|
|
|
|
|
Re: صور وصول محجوب شريف الى مطار هيثرو اليوم (Re: ودالعباسية)
|
Quote: شعرك هتاف وغنا
فى دربنا..محسوس
داير تكبرنا..دايرنا نبقى شموس
شاهد على عصرك
متجاوزا عصرك
وتغنى فى "قصرك"
قصر المحبة الخام
والعشق والالهام
علمتنا نحيا علمتنا الاقدام
وماخد على خاطرك.؟؟
يارب يسر خاطرك
تضحك يبين فاطرك
يارب
يسر
خاطرك |
نرددمع تماضر يا رب يسر خاطرك يا صوت االغلابا وترجع ليهو متعافي وطننا البنحلم بيهو يوماتي .
| |
|
|
|
|
|
|
عافية وشفاعاجل (Re: بكرى ابوبكر)
|
شكرا بكري شكرا عز الدين المصور..
قلوبنا ودعواتنا أن تبلغ العافية ويتم الشفاء وتسعد بالناس ويسعدوا بوجودك، ونسعد نحن يا "هذا الهمام"، ويفرحن مريم ومي وأمهم..
وشكرا لتماضر على القصيدة الجميلة الرائعة.. قالت تماضر:
Quote: عافية وشفاعاجل
تمشى الوطن قادل
يا قلبك الاخضر ويا بالك الماهل
يارشة المطرة فى رملة الساحل
ما من تلا نظمك
وفضل وراه جاهل
ما من تبع خطوك
دربا ولا ساهل
يا عشقك الصوفى ..
مشرور .. ومتماهل
ماخد على خاطرك؟
جابر خواطرنا..
رافع جباهنا ضحى
ومعلى سيرتنا ..
قادلين كما الطاووس
شعرك هتاف وغنا
فى دربنا..محسوس
داير تكبرنا..دايرنا نبقى شموس
شاهد على عصرك
متجاوزا عصرك
وتغنى فى "قصرك"
قصر المحبة الخام
والعشق والالهام
علمتنا نحيا علمتنا الاقدام
وماخد على خاطرك.؟؟
يارب يسر خاطرك
تضحك يبين فاطرك
يارب
يسر
خاطرك |
| |
|
|
|
|
|
|
Re: عافية وشفاعاجل (Re: خالد عبد الله محمود)
|
Quote: علمتنا نحيا علمتنا الاقدام
وماخد على خاطرك.؟؟
يارب يسر خاطرك
تضحك يبين فاطرك
يارب
يسر
خاطرك
|
والله ما وجدت اصدق من هذا الغناء...كدعوة من القلب لشفاء محجوب شريف...وانا موقن بالاستجابة...
وسيعود قريبا للدكة والنفاج...والحوش الوسيع للساكنين افواج...ولي اللمة التي ربت جنا المحتاج
| |
|
|
|
|
|
|
Re: صور وصول محجوب شريف الى مطار هيثرو اليوم (Re: أبو ساندرا)
|
Quote: عافية وشفاعاجل تمشى الوطن قادل يا قلبك الاخضر ويا بالك الماهل يارشة المطرة فى رملة الساحل ما من تلا نظمك وفضل وراه جاهل ما من تبع خطوك دربا ولا ساهل يا عشقك الصوفى .. مشرور .. ومتماهل
ماخد على خاطرك؟ جابر خواطرنا.. رافع جباهنا ضحى ومعلى سيرتنا .. قادلين كما الطاووس شعرك هتاف وغنا فى دربنا..محسوس داير تكبرنا.. دايرنا نبقى شموس شاهد على عصرك متجاوزا عصرك وتغنى فى "قصرك" قصر المحبة الخام والعشق والالهام علمتنا نحيا علمتنا الاقدام وماخد على خاطرك.؟؟ يارب يسر خاطرك تضحك يبين فاطرك يارب يسر خاطرك |
.. تضحك يفرهد حس تبراك ( واعيه ) شمس و النيل رهانو عليك ترجع يسوي عرس و الضفتين بتهز شباله نخلاتو و تقيف على صدرك تكشح عليك عافيه موزونه ليك قافيه من ناس محاوطنك في النبض داسنك محروس و شايلينك تلقي الوطن صاحي للجاي صباحي جرتقتو في إيدك بيهني بجديدك يازول محال حصرك ( شاهد على عصرك ) ياعافية موسومة وجبهانا ليك قومه يا رب يسر خاطرك يا رب ..
| |
|
|
|
|
|
|
Re: صور وصول محجوب شريف الى مطار هيثرو اليوم (Re: Dia)
|
شكراً بكري أبوبكر ، وشكراً عزالدين طه ، وشكراً أيضا البروف المعز عمر بخيت ، وشكراً لكل مستقبلي الشاعر الكبير محجوب شريف .
حمدلله ألف على سلامة الوصول ، وربنا يديك العافية يا أيها المقاتل الصنديد .
نسأل الله أن يدثر شاعرنا ، شاعر الوطن الكبير محجوب شريف بثياب العافية ، وأن يعود إلينا سالماً معافىً ليواصل عطاءه الثر في رحاب وطن حدادي مدادي ، ولنردد معاً مع أستاذتنا تماضر :
تمشي الوطن قادل .. يا قلبك الأخضر .. ويا بالك الماهل ..
ونقول ليهو : يا محجوب :
يا ضفة تزرع في الشروق .. وضفة بتقاوم الألم .. شمعة الألم التهد .. ليل الكوابيس .. زمن الودار .. في صدى الليل الهياج ، الاحتضار .
وليك يا آخر الخيول .. فرس الرهان الما كبا .. وهج الشموس ، الاشتعال وانكسار المستحيل .. شقيتو بي سيل الحروف .. الطالعة دابا من الصدف ، مجرى البحر ..
ويا جراحك يا ود شريف .. لما تفرد غيم جناحك .. فوق عذابات الوطن .. يا صباحك يا محجوب شريف ..
يا أيها المترع بحب الوطن
القومة والعافية ليك دوماً وأبداً .
| |
|
|
|
|
|
|
Re: صور وصول محجوب شريف الى مطار هيثرو اليوم (Re: بكرى ابوبكر)
|
أهلا أهلا بالأعياد مرحب مرحب بالأجداد أكتب أكتب يا تاريخ أمجاد أمجاد أكتب محضر بإسم الشعب ورسم الشعب وخط الشعب ديل الشهداء اتخطوا الزاد وبينهم وبين الموت خطوات الجايين من قلب الشارع والجايين لقلب الشارع من سكنات سجل أنحنا برغم جرحنا إجتزنا المحنة ونحن الليلة أشد ثبات ونحن بخير ونحن وراكم في الجايات وشعبنا ليكم بالمرصاد
............
دعواتنا لشاعر الشعب .........
ولصوت الشعب .........
ولنبض الشعب .........
........... ان يكون دائما بخير
| |
|
|
|
|
|
|
Re: صور وصول محجوب شريف الى مطار هيثرو اليوم (Re: مزاحم الضوي)
|
الف سلامة... واجر وعافية
ودعواتنا وقلوبنا معاك ... وعازه ما بتفتر..ح تفضل تدعى ليك وانت هناك
عازه السودانية قمره ضواية وبهية ساطعه فوق رملة بلادنا المخمليه تدى للكلمات معانى تحول الانات اغانى ولائها تدى لكل سودانى وضد دقون الجبهجية ...................... الالف ..الام..السين..الواو..الدال..الالف..النون بريدك يا العديل والزين بريدك يا قمر دورين بشيلك جوه فى العينين رضاك متل رضا الوالدين
بريدك يا قمر ضواى بريدك يا نغيمة ناى ويا امل الصباح الجاى بشيلك لى وليد تاتاى ولى ولدا هميم قراى يقول سودانى دايره معاى بدورك تبقى قدامى لا برضاك تبقى وراى لا برضاك تمشى حداى بريدك كان بقيت مرساى و بريدك كان بقيت منفاى
| |
|
|
|
|
|
|
Re: صور وصول محجوب شريف الى مطار هيثرو اليوم (Re: بكرى ابوبكر)
|
الشعب السوداني، كلو:
شعوب وقبايل
ملل ونحل
حمر وزرق
عرب ورطانة
بحر وضهرة
رحل ومقيمين
الشتات والداخل
طوائف وأحزاب
رجال ونساء
متعلمين وأميين
هذا الشعب لم يجمع في تاريخه على أمر واحد كما أجمع على حبك ياأأأأأأأأأأأأأأأأأأأأأأأ شريف.
لأنك أحببته بلا زيف.
الآن يتجلى هذا الحب الكبير.
عشت لتهنأ بهذا الحب المتبادل.
أعمارنا فداك.
| |
|
|
|
|
|
|
Re: صور وصول محجوب شريف الى مطار هيثرو اليوم (Re: بكرى ابوبكر)
|
Quote: عافية وشفاعاجل
تمشى الوطن قادل
يا قلبك الاخضر ويا بالك الماهل
يارشة المطرة فى رملة الساحل
ما من تلا نظمك
وفضل وراه جاهل
ما من تبع خطوك
دربا ولا ساهل
يا عشقك الصوفى ..
مشرور .. ومتماهل
ماخد على خاطرك؟
جابر خواطرنا..
رافع جباهنا ضحى
ومعلى سيرتنا ..
قادلين كما الطاووس
شعرك هتاف وغنا
فى دربنا..محسوس
داير تكبرنا..دايرنا نبقى شموس
شاهد على عصرك
متجاوزا عصرك
وتغنى فى "قصرك"
قصر المحبة الخام
والعشق والالهام
علمتنا نحيا علمتنا الاقدام
وماخد على خاطرك.؟؟
يارب يسر خاطرك
تضحك يبين فاطرك
يارب
يسر
خاطرك |
كل الامنيات بالشفاء لشاعر الوطن
شكرا بكرى، و التحية لمن استقبلوه/نه فى المطار
| |
|
|
|
|
|
|
Re: صور وصول محجوب شريف الى مطار هيثرو اليوم (Re: هشام كمال)
|
الاستاذ بكري ابوبكر
تحية واحترام
لك الشكر اجزلة
وللاستاذ المصور عزالدين طه
واحي عبرك الاستاذ الشاعر الشفيف
والانسان المبدع محجوب شريف
واسرته الكريمه والاحباب الاعزاء
اميرة الجزولي ومريومه ومي ومهاالجزولي
وكل الرائعين الذين كانوا في استقبالهم
ودعواتنا لشاعر الشعب بعاجل الشفاء
والعودة الي اىلوطن سالم غانم
والف حمدالله علي السلامة
عفاف ابوكشوه
القاهرة
| |
|
|
|
|
|
|
Re: صور وصول محجوب شريف الى مطار هيثرو اليوم (Re: عبدالله الشقليني)
|
يمة شفتك فى المنام
وانتِ بين سربين حمام
نازله سكّه وادى أخضر
شايله سلّة ورد أحمر
وحزمتين أحلى الكلام
يتبعوك طفلين حلاوه
طاروا عصفورين علىَّ
ركّوا فى اسود عينىّ
ورحت في غمرة ندواه
كنتَ مُجْهد
قلبي فَرْهد
ورشّ أيامى الغمام
صحيت وقفت
مشيت أعاين
القى بينى وبين عيونك
كم ضواحى
وكم مداين
وانطوت كل الجناين
فى غيابك
وفى الظلام
محبّه البينا..
ولاّ صداقه؟
ولاّ بداية فرقه طويله؟
أهو بنتقابل نمشى ونضحك
وياما نعدّى أماسى جميله
وكم بتساءل..
وكم بتفاءل
ومرّه أكون غلبان الحيله
واسارع أسارع
أطوى الشارع
وبرضو
خطايا بشوفا تقيله
واساهر..
أطرّز باسمك غنيه
وأنوم والشمسِ
مسح منديلا
جبين الدنيا ولفّ جديله
وأقول أكتبلك..
أنا من قبلك
يمكن تبقى الخطوة عديله
وأقول أصبّر
يمكن نكبر
أكبر من تغلبنا وسيله
وتانى الشوق يشعلنى فتيلة
وافتش عنك..
واهرب منك
وسيرتك دايماً بمشى واجيلا
*
محبة البينا ولاّ صداقه
ولاّ بداية فرقة طويله
سلامات يازول ياجميل واصيل
| |
|
|
|
|
|
|
Re: صور وصول محجوب شريف الى مطار هيثرو اليوم (Re: بكرى ابوبكر)
|
بطاقة شخصية الاسم الكامل: إنسان الشعب الطيب والديّ الشعب حبيبي وشرياني أدّاني بطاقة شخصيّه من غيرو الدنيا وقبّالوا قدامي جزائر وهميّه لا لون... لا طعم ولا ريحه وأيام مطفيّه مصابيحها زي نجمه بعيده ومنسيّه المهنه بناضل وبتعلّم تلميذ في مدرسة الشعب
المدرسه فاتحه على الشارع والشارع فاتح في القلب
والقلب مساكن شعبيّه
ودّيني محل ما تودّيني شرّد أخواتي وأخواني فتّش أصحابي وجيراني خلّيني في سجنك وإنساني في سجنك جوّه زنازين أرميني وكتّف ايديّ من أجل الشعب السوداني وعشان أطفالنا الجايين والطالع ماشي الورديّه وحياة الشعب السوداني في وش المدفع تلقاني
قدام السونكي حتلقاني
وأنا بهتف تحت السكين الثورة طريقي وأيامي... معدوده و تحيا الحريه
كوبر 1971
| |
|
|
|
|
|
|
Re: صور وصول محجوب شريف الى مطار هيثرو اليوم (Re: مزاحم الضوي)
|
طرف عالم رجع سالم صوابع اليد بعد كمل سنين العد..... زمان كنا وزمان يا حليل نشيل الود فرح مطلوق عمار السوق دخول ومروق على الشارع وكان الشارع طويل فارع وهسى كيف غشنا الصيف صبح دغرى العمر مسروق حمد الله الف على السلامه الاستاذ محجوب شريف من صوت اللاجئين القاهرة
| |
|
|
|
|
|
|
Re: صور وصول محجوب شريف الى مطار هيثرو اليوم (Re: على عمر على)
|
كل أشكال الح والتضامن ، والتعابير التي كتبها من سبقني في هذا البوست ، أكتبها وأنقلها لشاعرنا هنا .. وأكثر ..
الآن وقد وصل بحمد الله الى لندن .. أرجو من الأخوة أعضاء سودانيز أون لاين هناك ، تزويدنا بتفاصيل ومراحل العلاج حتى نطمئن ويطمئن الشعب السوداني كله ..
تسلم يا نبض الوطن ومرآته ،، وترجع سالم معافى لأهلك ..
صلاح عبدالله
| |
|
|
|
|
|
|
[B]تمنياتي بالشفاء العاجل أستاذي محجوب شريف (Re: بكرى ابوبكر)
|
تمنياتي بالشفاء العاجل أستاذي محجوب شريف
تمنياتي لك الشفاء العاجل من صميم فؤادي ودعاء من القلب بدموع الامل من الله العلي القدير ان يمن عليك أستاذي بالشفاء العاجل يارب . نقول لك مكانك موجود في قلوبنا بعون الله وفضلة سوف تكون بكل عافيه عن قريب ، لك خالص دعواتي لله بالشفاء العاجل .، أعادك الله إلى محبيك سالما مشافى, لطالما صدحت بقول الحقيقة وطالما قدمت لنا الكثير والكثير . نسأل الله ان يرعاك بعينه التي لا تنام. بقول المتنبي وهو يواسي سيف الدولة في مرض ألم به إذ قال: أرابك من زمانك ما يريب وهل ترقى إلى الفلك الخطوب وكيف تعلك الدنيا بداء وأنت لعلة الدنيا طبيب. وتحياتي لكل الزملاء والزميلات في إستقبالة ،،
ودمــــــــتم أستاذي الفاضل
| |
|
|
|
|
|
|
Re: صور وصول محجوب شريف الى مطار هيثرو اليوم (Re: بكرى ابوبكر)
|
المقدام ..صوت الشعب محجوب شريف
ترحب بيك قلوبنا وترحب بيك كل المدن و تفرح بيك بلاد ديكنز ونيوتن والعمة مارجريت صاحبة الكوخ الجميل المطل على التيمز.
تتعافى وتملأ كل الأرض المحبة
فرحتنا بمجئيك لاتوصف.
الف مرحب بيك وسط اهلك واحبابك وعقبان تكتمل العافية.
حمدالله على سلامة الوصول
| |
|
|
|
|
|
|
Re: صور وصول محجوب شريف الى مطار هيثرو اليوم (Re: خالدة البدوي)
|
ياجماعة وين الصور لندن في كل ملف استديو والكاميرات ماليها حد والله (( مع الاعتزار للأغنية))
اولاد وبنات الجزولي وناس شرق وغرب وناس الشمال والجنوب وناس فوق وناس تحت والسافل والصعيد الــــصــــــور وررررررررووووورررررررروووووككككككك الصــــــــــــــــــــــــور
| |
|
|
|
|
|
|
|