|
|
|
 Re: ابننا العزيز (انور كنغ) لقد خذلتني بهذا الخيط المخزي ! (Re: هشام هباني)
|
واكثر ما احبطني هذه العبارة خاصتك في ذاك الخيط البائس:
Quote: قررت أن افارق شئون السياسة مرة واحدة وإلى الأبد والتعامل مع الأمر الواقع بصورة عملية...
والتركيز على ما نستطيع فعله من عمل الخير... مستلهماً تجربة خالي عبد الله مأمون محمد بشير، والذي يشرف حالياً على بناء
المسجد الثاني في حياته لشغفه ببناء المساجد... مجالاتنا مختلفة، لكن شغفنا بحب الخير واحد!
والسلام
أنور فتح الرحمن أحمد دفع الله
31 يناير 2011
2:50 صباحاً
|
| |
 
|
|
|
|
|
|
|
|
Re: ابننا العزيز (انور كنغ) لقد خذلتني بهذا الخيط المخزي ! (Re: على عجب)
|
العزيز الابن دكتور انور
ارجو الا يكون الرابط ادناه ثمنا لهذا الخطاب الذي لا يشيهك ابدا ( والله اكضب الشينة)!
_______________________________________________
يا ود هباني إزيك ... جيت أصبح عليك بس وأربت على أكتافك مواسياً ... إلى حين أن يرد عليك أخونا أنور كنغ ...
تحيات أخوك ودهارون
| |
|
|
|
|
|
|
|
|
|
Re: ابننا العزيز (انور كنغ) لقد خذلتني بهذا الخيط المخزي ! (Re: Mohammed Haroun)
|
العزيز ود هارون
كيفنك وعيالك ومشتاقون
ياااخي والله ولدنا دكتور انور ده ولد جدع وليهو مواقف وطنية باسلة جدا
وعارفوكمان محبط جدا...بس ما عاوز احباطو ده انعكس على نشاطو الوطني الكعلوم وعشان كد حكاية
اخلي السياسة ده كلام شين ما بقع في الراس وخصوصا من زول زي ولدنا دكتور انور حيث امالنا عليهو كتيرة فالسياسة ما ها كورة ولا موسيقي عشان اعتزلوها فارجو ان يراجع دكتور انور كلامو ويتذكر انو عندو مهمة وطنية لم تنجز بعد حيث الظلم والفساد لا زال قائما والقتلة والمجرمون الفاسدون لا زالوا يحكمون بالقهر... وارفض التطبيع معهم مهما كانت كل المبررات....
تحياتي وسلامى لناس لندن
| |
|
|
|
|
|
|
|
|
|
Re: ابننا العزيز (انور كنغ) لقد خذلتني بهذا الخيط المخزي ! (Re: هشام هباني)
|
هشام هباني
التحية لك و لكل الشعب السوداني الصابر على الطغيان.
و الله ولدك ده ما شغال بيك نهائي. لانه يبدو قد بدأ التطبيع تماما مع سارقي قوت الشعب السوداني، و هاك الدليل:
تم عقد أول إجتماع تأسيسي لشبكة كمبيوتر محمول لكل طفل سوداني: أيديكم معانا
بالله عليكم الله مش فعلا شر البلية ما يضحك.
الطفل السوداني محتاج لفصل و مقعد و درج في المدرسة و قبل ذلك أستاذ مؤهل و مؤمن له سبل العيش الكريم.
و قبل هذا كله الطفل السوداني محتاج إلى وجبة الفطور و الأمن و الأمان.
من قبل سرقوا ميزانية مجانية التعليم لصالح جسم سرطاني في وزارة التربية إسمه وكالة النشاط الطلابي ، فركبوا العربات الفارهات و بنوا البيوت العاليات. و لكم ان (تتأملوا) في تلميذ سوداني يمارس النشاط الطلابي وهو لم يلتحق المدرسة !!
و سرقت ايضا مجانية العلاج و منحت إلى جسم أكثر سرطنة إسمه الأمن الطبي، فإغتنى منتسبيه بينما تدهورت المستشفيات و هجرتها الإمدادات الطبية. و يمكنكم ان تواصلوا نفس مشهد التأمل إلى (حد الدهشة) فقد تم تأمين علاج المواطن السوداني في المستشفيات الخاصة و في الاردن و مصر !!
الأن الدعوة لهذه الشبكة (الشركة) إنما هي دعوة إلى مفسدة جديدة بإسم التطور و الحداثة و الله أعلم من سوف يتحمل التكلفة ؟؟
تحياتي لك و لضيوفك الكرام
| |
|
|
|
|
|
|
|
|
|
Re: ابننا العزيز (انور كنغ) لقد خذلتني بهذا الخيط المخزي ! (Re: عمار يس النور)
|
العزيز قريبي عمار
سلامات ومشتاقون
كيفنك والوليدات وكل الدوبماب
لا زلت اعشم في ابنى دكتور انور فهو رجل صاحب مواقف باسلة جدا
ولا اعتقد انه بهذه السرعة سيبدل جلده لاجل منفعة مؤقتة فالرجل ليس
محتاجا لهؤلاء السفلة الفاسدين وبمؤهلاته الباهرة يستطيع ان يعيش حرا كريما
في اي بقعة في العالم من غير ان يبيع موقفه الوطني وكرامته
واعتقد انه مشغول جدا ومتاكد انه بشجاعته المعهودة سياتي ذات يوم ليرد
على عمه هباني الذي لا زال يامل فيه خيرا كبيرا لشعب السودان!
مودتي
| |
|
|
|
|
|
|
|
|
|
Re: ابننا العزيز (انور كنغ) لقد خذلتني بهذا الخيط المخزي ! (Re: محمد المسلمي)
|
بعدين نسيت اقول ليك حاجة ... التطرف والغلو والمبالغة والانتقال السريع من موقف للضد ينم عن تناقض يؤدي لنتائج كارثية على صاحبها .. فانت تذكر تقلب انور هذا من صور مع البشير وقادة الانقاذ واشادة بانجازاتها الى معارض متطرف يدبج المقالات ويسجل الفيديوهات عن الانقاذ ومخازيها!! فحقيقة لا استغرب هذه (النقلةالنوعية) ومن حقه ذلك فعليهو يسهل وعلينا يمهل يا اخي ..
| |
|
|
|
|
|
|
|
|
|
Re: ابننا العزيز (انور كنغ) لقد خذلتني بهذا الخيط المخزي ! (Re: محمد المسلمي)
|
د. أنور بِولِع ليهو شمعة في ضلام نِحنا غير بِنشتِم فوقو ما بِنْسو الحبه.. الزول هاجر وتِعب وإتْعلم، وشاف إنو لو عِلمو ده نشرو بِوعي غيرو، يعني بعد كمين سنة حيكون عِندنا ألف دكتور أنَور والألف حيفلِمو ألف والعلم نور، نور بِيظهر الحقيقة.. كُل زول يِسو قُدرتو، إنت تكورِك بِالكيبورد، وداك يِرسِل قُروش يمرُق بيها مُعْتقل، وديك تكشِف زيف الإنقاذ، وفُلان يِطلع مُظاهرة، وعِلان يِنْضم لِحركة مُسلحة...إلخ
- هسِع أهلكُم الشغالين في الخِدمة المدنِية في السودان مُمْكِن نقول إنهُم خذلونا بِإعْتِبار إنهُم مُسَيِرين دولة الإنقاذ!
- أهلكُم التُجار في خرطوم البشير مُمْكِن نوصِفًمْ إنهُم عُملاء بإعتِبارُم بِعمِلو حراك إقْتِصادي!
يا ناس ما تقتلو الحاجة الكُويسة.. ما تبخِسو أشياء الناس.. ما تقدِمو ولدكُم وزولك مجانًا كَدي لِمن تُناهضونهُم..
إنتو ما تسو البتعرفو.. في زول فيكُم أكان عِندو وِكْتين كُنتو في عُمر دكتور أنَور، إمْكانِياتو وعزمو وآمالو؟! سيبكُم مِن دكتور أنَور، إنتو البتِتْفاصحو ديل سويتو شنو لِلسودان، يا زول أركِز وتعال قول لينا أنا فُلان الفُلاني سويت لِلسودان كيت وكيت. سُبحان الله طوالي كِده إنْتقلتو "نقلة نَوْعِية" في وصف د. أنور وسويتوهو إنْقاذي وقابِض التمن كمان.. طَيِب السربعه العليكُم شنو وِكْتين سأل ها العمود سؤال، ما ترجو د. أنور يِجي ويِشرح.. ده طبعكُم، قطيع كاشِنو كَشْ، أنَور خذلنا، تلقى عشرين يجي ناطي نط القِرِد: [أيوه خذلنا يخسي عليهو]. ويجي غشيم بعد ده يسأل [مِن أين أتوا هؤلاء].. قديتو أضانا بإنوالإنقاذ تقتُل.. الإنقاذ ترفِد لِلصالِح العام.. الإنقاذ ديكتاتورِية.. الإنقاذ تُقصي.. الإنقاذ تُبعِد.. الإنقاذ الإنقاذ الإنقاذ.. وإنتو البتسوو فوقو ده هسِع شنو؟ والله إنتو لو حكمتو ساعة أكان تنجِضو الخلِق نجاض قبور.
| |
|
|
|
|
|
|
|
|
|
Re: ابننا العزيز (انور كنغ) لقد خذلتني بهذا الخيط المخزي ! (Re: عزام حسن فرح)
|
هباني سلام،
غايتو ابدا ما اتغشيت زيكم في الغواصة انور كوز!
بالذات لما فجأة قعد يوعظ معلق ليهو سماعات في رقبتو، عن طريق الفيديو!
الجهوي الاستعلائي القديم رجع لي مراحو الاعرج!
زي غيرو مادي القرعة، او كايسلو كده من نظام القتلة!
الطريف قال ودعت السياسة قال، او حيتعامل مع "الامر الواقع"!
والتعامل مع امر النظام الواقع، ما سياسة؟
طبعا بتذاكي، كالعادة!
| |
|
|
|
|
|
|
|
|
|
Re: ابننا العزيز (انور كنغ) لقد خذلتني بهذا الخيط المخزي ! (Re: Bashasha)
|
Quote: - هسِع أهلكُم الشغالين في الخِدمة المدنِية في السودان مُمْكِن نقول إنهُم خذلونا بِإعْتِبار إنهُم مُسَيِرين دولة الإنقاذ!
- أهلكُم التُجار في خرطوم البشير مُمْكِن نوصِفًمْ إنهُم عُملاء بإعتِبارُم بِعمِلو حراك إقْتِصادي! |
اخونا عزام هسع مقارنتك دي تفتكرهاعادلةاو عندها علاقة بالموضوع دا.؟؟
| |
|
|
|
|
|
|
|
|
|
Re: ابننا العزيز (انور كنغ) لقد خذلتني بهذا الخيط المخزي ! (Re: Abdlaziz Eisa)
|
وارفض التطبيع معهم مهما كانت كل المبررات....
تحياتي وسلامى لناس لندن
___________________________
يا ودهباني حبابك ... يا أخي أصبر شوية الخمسة سنوات القادمة ستكون حاسمة جداً في العالم العربي والأفريقي كمان ...ثورة تونس ومصر ستنتظم العالم بأسره..
ما تنسى التطور التكنولوجي المذهل سيضطر كل الأنظمة الدكتاتورية لتغيير ممارساتها التي تفتقر إلى الشفافية والعدالة ...
أرقد عافية
تحيات أخوك ودهارون
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
Mohamed E. Seliaman
Mohammed Haroun
عمار يس النور
Abdlaziz Eisa
محمد المسلمي
BAKTASH
محمد فرح
عزام حسن فرح
Bashasha
فيس بوك
تويتر
انستقرام
يوتيوب
بنتيريست