|
|
 البشير الحرامي يختار عبد الرحيم الحـــــرامي وزيرا للدفــاع؟؟؟
|
أيعقل ايها الشرفاء في هذا البلد المنكوب ان من لم يستطع تحمل المسئولية والامانة في مجرد مشروع انشاء عمارة نهبها جهارا نهارا امام كل رؤوس الاشهاد بل اعترف بجرمه حين استقال من الوزارة علي اثر تلكم الفضيحة المدوية واستقالته حتى الان لم تتجاوز الشهرين والمهزلة ام المهازل ذات الحرامي تم تكليفه اليوم رسميا وبقرار جمهوري وزيرا لدفاع السودان المنكوب اي مهمته الاساسية هي الدفاع عن حدود الوطن وسيادته ودستوره وطن بحجم هذا السودان القارة؟؟
ألهذا الحد من البجاحة والوقاحة والقباحة والتلاحة والسقوط ياسعادة المشيرعمر البشير قدوصلت الامور الى درجة استفزاز واحتقار الشعور الوطني العام وانت عامدا وقاصدا اهانة هذا الشعب الابي حين تعلن انحيازك للسراق واللصوص وقد جسدته اليوم في اصراركم المستفز وانت تعلن اختياركم بالذات المدعو عبد الرحيم الحرامي وزيرا لادق واخطر الوزارات التي تتعلق بالسيادة والكرامة والامن الوطني الا وهي وزارة الدفاع والتي توكل دوما في كل دول العالم لاكثر العسكريين بسالة وخبرة وانضباطا ونزاهة وسجل حافل من البطولات والتضحيات وها انت تصر وبشكل يدعو للريبة والتساؤل على اختيار المدعو عبد الرحيم بعد كل هذا السجل المفضوح فيما يتعلق بذمته المالية وشرفه العسكري الوضيع في فضيحة لم تتجاوز الشهرين ؟؟أعقمت المؤسسة العسكرية من الشرفاء والانقياء الطاهرين لهذا الحد الذي جعلكم تستفزون مشاعر واحاسيس هذا الشعب التعيس وانت بكل بجاحة تدافع عن اللصوص والسراق بل امعانا في اذلال الشعب ان ترقيهم لمصاف وزراء الدفاع؟؟
ما سر اصرارك يا سعادة المشير على هذا اللص عبد الرحيم بالذات ولماذا لم تبق على بكري حسن صالح وزير الدفاع الاسبق على الاقل لم تسجل في ذمته المالية فضائح وتجاوزات مثلما هو كائن في حالة اخينا الفاسد عبد الرحيم حسين؟
بالطبع وزارة الدفاع امكانية ( اللقف) فيها متوافرة وبشكل مهول اكثر مما هو متاح في وزارة الداخلية حيث هنا في وزارة الدفاع صفقات شراء الاسلحة والعتاد الحربي وتبعاتها من عمولات في جيوب السراق الوطنيين الافذاذ وصفقات التموين والاعاشة والصرف على دورات تدريب الضباط وايفادهم الى الخارج وهنالك استثمارات تجارية واقتصادية بالتأكيد للمؤسسة العسكرية وايضا هنالك بنود سرية للصرف لا يتصرف فيها الا وزير الدفاع والقائد الاعلى فقط وهنا مربط الفرس يا سيادة المشير فأنت سيد السارقين وسيد اللصوص فرجل بقامتك سرق وطنا بكامله وبكل مقدراته في غفلة من اهله الطيبين النائمين اذن انه شيء طبيعي يتساوق مع ذات النفسية الخائنة حين ينحاز للسراق واللصوص امثال عبد الرحيم وصحبه حيث وحده عبد الرحيم ( قسيم الريد) وهذا افضل المناخات (للقف والنهب ) يا سياد المشير ( وخليك حريص انت القائد انت الرئيس وحقك محفوظ من الفلوس وعبد الرحيم حريف بلعب نضيف ؟؟)
(والف تف علي البلد الملعونة وحكامها حرامية والف تف علي البلد الملعونة وحكامها حرامية)
|
|
 
|
|
|
|
|
|
|
|
Re: البشير الحرامي يختار عبد الرحيم الحـــــرامي وزيرا للدفــاع؟؟؟ (Re: هشام هباني)
|
ده مش حرامى وبس فاسد وبليد ومعترف كمان ايه رايكم اشربوا من البحر واضربوا راسكم فى الحيط . كل الحبر الاتسودت بيهوا الاوراق بعد فضيحته من صحفيين ومنابر حوار بلوه واشربوه يمكن ينفعكم كمحايه من داء الشك في سعادتو بعد ده بقت فى يده البندقيه الماخمج . وبعدين ياخى البكتبو ديل كلهم بفهمو زى الؤتمر الوطنى الحاجات دى كلها عاملنها لى حكمه انتو ما بتعرفوها واذا شاءت الانقاذ وقدرت عليكم الامتثال والتسليم وكان ما سلمته اها حا تعملو شنو كان فى يدكم حاجه اعملوها .
| |
|
|
|
|
|
|
|
|
|
Re: البشير الحرامي يختار عبد الرحيم الحـــــرامي وزيرا للدفــاع؟؟؟ (Re: wadalzain)
|
العزيز ود الزين
صباحك خير
والله يا عزيزي نحن الان نعيش اكثر المراحل انحطاطا في تاريخ السودان حديثه وقديمه والبلاد ( ما عندها وجيع) اي الناس في مطلق حالة الغيبوبة وردود افعالها غير سوية امام هذه السلسلة من الاستفزازات المهينة والمحطة لكرامة الانسان السوداني حيث صارت المجاهرة بالباطل والعزة بالاثم امرا بطوليا له مروجوه ومسوقوه وطبالوه من انصاف الرجال ممن يوالون هذا الباطل الماثل في البلاد (والله يكون في عونك يا بلد) مع معزتي واحترامي ولي قدام.
هباني
| |
|
|
|
|
|
|
|
|
|
Re: البشير الحرامي يختار عبد الرحيم الحـــــرامي وزيرا للدفــاع؟؟؟ (Re: هشام هباني)
|
الاخ المحترم هشام هبانى
صباح الخير
لصوص الخرطوم يا سيدى العزيز كالكلب
ان تركته يلهث وان حملت عليه يلهث
وهم فى حالة سباق مريع لانتزاع أخر لقمة عيش من فم هذا الشعب الجائع
وبما اننا شعب انصرافى...
لا نهتم كثيرا بالرد على المجرمين
ونوفر لهم كل الفرص الممكنة لمزيد من النهب والسلب والبطش والقمع
ونعمل مبمدأ عفا الله عما سلف حتى وان لم يكن سلف
ونسعى وراء مصالحنا الخاصة ومن بعدنا الطوفان..
بصراحة كدا نستاهل...
| |
|
|
|
|
|
|
|
|
|
Re: البشير الحرامي يختار عبد الرحيم الحـــــرامي وزيرا للدفــاع؟؟؟ (Re: حسام يوسف)
|
العزيز / هباني و الجميع
لكم حبال الود ممدودة.
يا جماعة عندك ليكم اسئلة بسيطة للغاية ... وهي الاتية : هل هنالك وزارة دفاع في السودان؟ و عن ما>ا تدافع ؟ و من هو العدو ال>ي سينازله وزير الدفاع الجديد او حتي القديم ؟
يا جماعة الشغلانية (ام فكوا ساي ) و لا تحتاج لوزارة دفاع و لا هم يحزنون ... و من الطبيعي جدا ان يكون عبد الرحيم حسين وزيرا للدفاع لانه لا يوجد عدو ينازله ود حسين ... كما ان ود حسين من اهل الثقة ... و ما هي فائدة ود حسين ان لم يسرق في ه>ا العهد و يعود وزيرا للدفاع بدون مهام دفاعية؟
و لعلكم تتفقون معي بان المؤسسة العسكرية المحترفة قد اتلحست ... و ما عادت كما كانت في السابق ... ل>لك يمكن ان يكون ضابط صحة من جناح المؤتمر الوطني في سوق ليبيا وزيرا للدفاع ... و قد يكون احد ضباط المطافي وزيرا للداخلية ان كان من جناح البشير ... فالشغلانية ساهلة و لا يجب ان تقارنوها بوزارات الدفاع في البلدان الاخري... فلا وجود لاوجه التشابه.
فتكم بعافية.
ملحوظة : الحرف غير الواضح هو شقيق حرف الزاي او الزين في الرضاعة... ما عارف اعمل ليه شنو اختفي من الكيبورد... فهل من مساعدة لارجاع حرفي الضائع علي الاقل ... لانني قنعت من ود حسين و من عمايلو في خلق الله.
| |
|
|
|
|
|
|
|
|
|
Re: البشير الحرامي يختار عبد الرحيم الحـــــرامي وزيرا للدفــاع؟؟؟ (Re: هشام هباني)
|
الأخ هاشم هباني
لك التحية وأخشى أن تنحصر حربنا ضد الفساد في الكتابة فقط لأن الانقاذ واضح انها شغالة بسياسة الجمل ماشي والكلب ينبح.
لقد دار قبل يومين حوار في منتدي الراكوبة عن وضع الجيش السوداني. أنقل لكم فقط الموضوع ومداخلة واحدة تكشف شئ بيسط عن ضياع الجيش السوداني لما كانت القيادة بتاعته كانت حارمية حبة (مش مافيا عبد الرحيم حسين)
الإنقاذ (عصابة مافيا) ما فيها ولو طفل ما حرامي محترف. لكن الكتابة والكلام ما بينفع يجب التفكير في برنامج عمل يجعل من المجتمع المدني قوة ضاغطة لكشف الفساد ومحاربته والضغط في اتجاه سيادة حكم القانون والشفافية والمحاسبة.
اليك الموضوع
بسم الله الرحمن الرحيم
من المعروف في كل انحاء المعموره ان الجيوش هي حامية حما الاوطان والمدافع الاول عن سياده الشعوب ام في السودان فهذا كان في سابق الزمان وانتهي بنهاية عبد الله خليل وابراهيم عبود عليهم رحمة الله مع انهم هم ايضا خريجي مدرسة الجيش الانجليزي ولكن روح الوطنيه كانت هي الاقوي والمسيطره علي افكارهم وابعدت عنهم حب السلط والتسلط
ترك لنا المستعمر اسس قام عليها الجيش لا تتشابه مع الفهم والعادات والتقاليد والمنهج السوداني لا يمكن ان وصفها لا بانها فاسده وجات الانقاذ وزادة الفساد قبحا ومكرا وخبثا وطمست الهويه
العسكري في السودان دائما ينظر الي نفسه بانه هو فوق القانون والمدني يجب عليه السمع والطاعه والخضوع والتنازل عن حقوقه الادميه تجاه العسكري هذه هي القيم التي تقوم عليها مؤسسه الجيش العسكريه وفي نفس الوقت نجد ان جيشنا هو الوحيد في المنطقه له الفضل في جلب الكوارث الاسياسيه والاقتصاديه والامنيه والعنصريه وله الفضل في تقويض واجهاض كل مبادي الديمقراطيه في السودان وهذا يحرم عليه تمثل السودان واهله و وقوميته خصوصا بعد ان تحول لمليشيات تخدم النظام باسم الشعب وكثيرا ما ينجح في قمع الشعب
جيشا منذ خروج المستعمر وحتي اليوم لم نجده اطلق رصاصه واحده في حربا خارجيه من اجل الوطن وحلائب صارت مصريه
لقد دخل الجيش السوداني دنيا السياسه ومارس السلطه القمعيه والارهاب وفرض الافكار الهمجيه لذا التخلص منه سيكون نصرا وطريقا لقوه وطنيه قوميه جديده تحمي حما السودان تقوم علي اسس وقيم تتطابق مع نهج السودان والسودانين قوه حياديه وحدويه تمنع العنصريه والتميز بين اهل السودان
لذا يجب ان نستنكر قوميته اولا وان نستنكر تمثيله لاهل السودان عرقيا وسياسيا وجغرافيا خاصة بعد ان فقد هيبته المميزه واصبح المدني يوجه ويصرف تعليماته علي الجيش العسكري كما اصبح معبر لكل طامعا في السلطه منتميا اليه كل هذا يتناقض مع المنطق وحكمة العقل ولكل ذلك ولما لم يرد زكره نطالب بحل الجيش السوداني اليوم
الأخ هبار لك التحية
والتحية على هذا الموضوع
الحقيقة وجع بلدنا كثير بدأ قبل الانقاذ لكن جرائم الانقاذ في حق هذا البلد وهذا الشعب هي الأسوأ في تاريخ السودان ولا يحضرني مثال لها إلا حكم بينوشيه في شيلي.
لقد عبثت الانقاذ ببنية كل القوات النظامية واستهانت بحق المواطن وقوانين القوات المسلحة وبدافع الضرائب المغلوب على أمره وسخرت امكانات الدولة المادية لمنفعة حفنة من الأوغاد الشخصية. هل سمعتم بملازم أول يحال للصالح العام فقط لأن عمه بن عم ابوهو كان شيوعي؟؟ بعد ان صرف عليه الشعب السوداني أعوام من الدراسة وسنوات من الإعداد العسكري في الكلية الحربية؟؟ وماذا يفعل هذا الملازم الذي درس وتأهل ليكون ضابطاً في القوات المسلحة (عسكري يعني ) حيشتغل شنو؟؟
ايضاً حولت الانقاذ المؤسسة العسكرية لملعب كبير تسلل اليه المدنيين العاطلين عن المواهب الا التجسس على المواطنين وجرائم غسيل الأموال وما قضية الضابط أسعد الجليدي ببعيدة عن الذاكرة.
عبثت الانقاذ بالشعب السوداني ومرغت هيبة الدولة والجيش في الوحل وغاصت في مستنقع يستحيل عليها الخروج منه الآن وأن حاولت نحن الآن منتظرين قاعدين في مقاعد المتفرجين وشايفين كلما الحركة تمد يدها على حتة الانقاذ تجري تجر التوب خوفاً من كشف المستور.
| |
|
|
|
|
|
|
|
|
 Re: البشير الحرامي يختار عبد الرحيم الحـــــرامي وزيرا للدفــاع؟؟؟ (Re: هشام هباني)
|
سلامات يا هشام،
قبل عدة سنوات قرأت خبرا يقول أن شخصا إسمه "النحيلة" أو شئ من هذا القبيل متهم باختلاس 30 مليون جنيه.. هل يذكر أحد هذه الواقعة؟؟ نواحي القضارف تقريبا..
جاءت الأخبار أن النحيلة هذا كانت له أيادي على البشير وأنه قد وفر له "الاختباء" أو شئ من هذا القبيل..
لو كان هناك من يتذكر مثل هذه التفاصيل أرجو كتابتها..
وشكرا..
ياسر
| |
|
|
|
|
|
|
|
|
|
Re: البشير الحرامي يختار عبد الرحيم الحـــــرامي وزيرا للدفــاع؟؟؟ (Re: برير اسماعيل يوسف)
|
نرجو رفع هذا البوست عاليا كيتا فى اصحاب الخطوط الحمراء
ويا هشام نقف معك ونثنى كلامك عبدالرحيم حرامى وفاسد ومحابى بنى ليهو المقاول بيتو مجانا وهو ارسى للمقاول مبانى الكليه الانهارت
وعبد الرحيم حرامى وفاسد لانو تلب للناس بالليل واستولى على السلطه وهى ما حقتو لا ورثه عن ابوهو ولا اداها ليهو الشعب برضاهو ولا يحمل اى مؤهلات عشان يكتسبها بعلمه وكدحه وينافس فيها منافسه شريفه
ولا يحيق المكر السىء الا بأهله
ويا على من لعن الناس ارتدت اليه لعنته
| |
|
|
|
|
|
|
|
|
|
Re: البشير الحرامي يختار عبد الرحيم الحـــــرامي وزيرا للدفــاع؟؟؟ (Re: هشام هباني)
|
جاء في صحيفة الميدان " العدد رقم 2000، مارس 2005"
Quote: نقاط فوق ركام مبنى الرباط ( بوظو الشغلانية )
صرح السيد محمد حسن صاحب شركة رويال أن لا علاقة بينه ووزير الداخلية، ونحن نعرف ان شقيقه ( مدير عام بنك كبير) صديق الوزير الشخصي وأن أغلب الموظفين في شركته تم تعيينهم بواسطة ( أبوبكر ) إبن عبد الرحيم محمد حسين.
أما علاقته الأخرى فإننا نتساءل اذا لم يكن هناك علاقة فما هو السبب الذي يجعل صاحب رويال يبني منزلاً للوزير وآخر للحضيري ( مدير عام الشرطة )، وكما حدث من قبل عندما احترقت محطة بري الحرارية ( قريباً من المبنى المنهار ) خاطب وزير الداخلية الصحفيين مجيباً " البتاع جا في الهناي وبوظ الشغلانية " فالواضح أن أصحاب شركة رويال ( بوظو الشغلانية ). |
هباني يا أخوي
لما البتاع يحكم الهناي بيحصل شنو للهناي وخصوصاً لما البتاع يكون بتاع ربنا، كلنا بتاتيع ربنا.
فاهم حاجة!؟
غايتو فكر فيها، إذا غلبتك استعين بـ " صديق " يكون فاهم لما البتاع يجي في الهناي بيحصل شنو للهناي!!.
من السجل اللغوي للإنقاذ
| |
|
|
|
|
|
|
|
|
|
Re: البشير الحرامي يختار عبد الرحيم الحـــــرامي وزيرا للدفــاع؟؟؟ (Re: صديق الموج)
|
اخوي صديق الموج
مساك الله بالخير
الزمن ده يبدو اخر زمن يعني زول النصيحة اخير ليهو اجيب عكازو عديل واخش المنبر لكن الصديق اخوي هسع انا زول قاعد هناك في سقط لقط في امريكا والزول المكاجرني ده قالوا قاعد في السودان يعني كان بدور اطالعوا الخلا ساكت شان نتخابت بعكاكيزنا ساكت زي شكل الجهال الزمان والله الا كان الاقيه في موريتانيا ولا رايك شنو؟؟
محبتي واحترامي
هباني
| |
|
|
|
|
|
|
|
|
|
Re: البشير الحرامي يختار عبد الرحيم الحـــــرامي وزيرا للدفــاع؟؟؟ (Re: محسن عبدالقادر)
|
فى البدايه ياأخوانى ماطالبينى حليفه لكن والله الأحد هذا ماحدث بالفعل والشهود قاعدين.
فى مدينه كسلا وفى أحد الشاحنات لنقل الدواء من الخرطوم إلى كسلا وتوزيعه وعند مغادره الشاحنه مدينه كسلا عثر رجال المباحث على كمية كبيره من الخمور مهربه من الجاره أريتيريا فى طريقها للخرطوم .
الحصل يا أخوانى إنو تقرير المعمل الجنائي فى الخرطوم أوضح فى تقريره بأن الكميه المضبوطه خمره(بضم الخاء) وليست خمره(بفتح الخاء)وذلك لخطأ فى كتابه يوميه التحرى وأعلن القاضى المشهور...... (من مدينه مدنى ) إطلاقى سراح المتهمين نسبه لعدم ثبوت جريمه التهريب( صناعه محليه).
الغريب فى الأمر هو راعى العمليه وهو يمت بصله قرابه قويه للمتهمين السيد/ عبد الرحيم محمد حسين وزير البشير.
سبحـــــــــان الله
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
wadalzain
AMNA MUKHTAR
nour tawir
حسام يوسف
Yasir Elsharif
الواثق تاج السر عبدالله
صديق الموج
محسن عبدالقادر
WADKASSALA
فيس بوك
تويتر
انستقرام
يوتيوب
بنتيريست