|
حلـــــــــــــوا الغــلـــوتية دي يا اهل البمبــــــــــــر؟؟
|
في الجانب الاول:
الترابي يلتقي باسمرا الرئيس الاريتري اسياس افورقي والمؤتمر الشعبي والجبهة الشعبية للعدالة والمساواة يصدران بيانا مشتركا .. الترابي سيقابل قيادات من فصائل المعارضةالسودانية المسلحة باريتريا للتشاور حول الاوضاع في الوطن؟؟
الترابي في لقاء بقناة الجزيرة يهاجم فيه نظام الخرطوم؟؟
الترابي يلتقي السيد محمد ابراهيم نقد بمنزله بالمنشية ويتباحثان حول التطورات الراهنة في البلاد والبحث عن حلول للخروج من الازمة وذلك بتنسيق الجهود؟؟
الترابي يلتقي السيد الصادق المهدي ويبحثان في مستجدات الاحداث على الساحة الوطنية وامكانية تنسيق الجهود المشتركة بين الامة والشعبي؟؟
في الجانب الثاني:
السيد محمد عثمان الميرغني رئيس التجمع الوطني يلتقي وفدا من المؤتمر الوطني الحاكم بالقاهرة ويبحثان في صيغة الاتفاق حول المناصب التنفيذية والتشريعية الممنوحة للتجمع وفقا لاتفاق القاهر ويبلغهم تحياته الاخوية للسيد نائب رئيس الجمهورية ويعلن تمسكه بكل المواثيق التي تمت في جدة وفي القاهرة و( التحت تحت والقبيض قبيض)؟؟
عبد الرحمن سعيد وابوعيسى واحمد سعد عمر مرشحون لمناصب تنفيذية هامة في الحكومة؟؟
السيدالامام الصادق المهدي يلتقي بن عمه السيد مبارك المهدي في افطار اسري وياخذان صورا تذكارية في جو ودي يبعث على التفاؤل ويبشر بالتئام الشمل؟؟
السيد الزهاوي ابراهيم مالك وزيرالثقافة والاعلام يلتقي وفدا اعلاميا ايرانيا بمكتبه بالخرطوم لتنسيق الجهود الاعلامية المشتركة بين الدولتين الاسلاميتين الشقيقتين في مواجهة اعلام وحملات الشيطان الاكبر؟؟ السيد جلال الدقير وزير الصناعة يجري مباحثات هامة مع الوفد الصيني الزائر للبلاد في اطار التعاون المشترك الصناعي بين الصين الشيوعية وجمهورية السودان الاسلامية؟؟
الحزب الاتحادي الديموقراطي يشترك في السلطة التشريعية بحكومة الجنوب في اطار تطبيع العلاقات الازلية بين الجلابة الماندوكرو واشقائهم الجنوبيين؟؟
الجانب الثالث: الشعب السوداني .............شــاهد ماشـافـــش حاجـــــــــة والزارعة الله في الحجر بتقـــــــــــــــــوم؟؟
الجانب الرابع: المثقفاتية والوطننجيون : لا بطقعوا ولا بجيبوا الحجارة و دي بطينــــة ودي بعجينــــــــــــــة؟؟
الجانب الخامس: الشرفاء الوطنيون .... العين بصيرة والايـــــــــــد قصيرة؟؟
المجتمع الدولي : شعــــب السودان طلع فشنــك ساكت قدونا العبيد ديل نحن اهل الثورات ونحن الذين في اقل من ربع قرن من الزمان فجرنا اكبر ثورتين شعبيتين ونحن الساس ونحن الراس..........امة من المخستكيــــــــــــــــــن والكضابين ؟؟
الجانب الخامس: ابليــــــــس : اللهم اني اعوذ بك من خبث حكام الخرطوم والترابي ابوحلقوم والانقاذ ام دلدوم ؟؟
انتهـــــــــــــــــــى
حلوا القلوطيــــــــــــــــــــــــــة دي يا مثقفاتية البمبـــــــــر؟؟
|
|
|
|
|
|
|
|
Re: حلـــــــــــــوا الغــلـــوتية دي يا اهل البمبــــــــــــر؟؟ (Re: ghariba)
|
الاخوة عبد الناص , محمد عثمان ,اساسي, غريبة
عاطرالتحايا ورمضان كريم وشكرا على المرور
أليس وضعا محيرا هذا الوضع وهو ينحو منحى دراميا يثير شفقة الاخرين على شعب السودان من هذه المصائب التي المت به بفعل الطاغوت وزبانية الظلام والانكي هو غياب ردة الفعل الوطنيةالسوية الداحضة للباطل التي عرف بها شعبنا عند الملمات ةوهو شعب يمتلك تجارب ثرة في النضال والكفاح في مقارعة الشموليات وهو ينتصر عليها والان مطلق الاستكانة حد الموات وهو يتقبل الامر كانما قدر كان مقضيا .. وحتى (المثقفاتية) في حالة صمت جبان تدعو للرثاء لحالهم ولذلك الوعي الذي كان مناطا به اخراجنا من وعثاء الظلام الى نور الحق والحقيقة والله المستعان لك الله يا وطني.... ولا زالت فزورة في انتظار الحلول..
| |
|
|
|
|
|
|
Re: حلـــــــــــــوا الغــلـــوتية دي يا اهل البمبــــــــــــر؟؟ (Re: هشام هباني)
|
العزيز والحبيب امادو الذى تفتقده المنتديات منذ زمان ليس بالقصير قال لى غداة حادثة تفجير احد البصات فى دمشق انا بكره مسافرمعاك لأنو انسب يوم للسفر لانو شركات البصات حاتكون عامله حسابا واجراءات الامن حتكون مشدده والبصات حاتسافر فاضيه يعنى الواحد ينزل الكرسى للنهايه بدون مايضايق زول والخدمه حاتكون ممتازه يعنىوممكن تدبل الوجبه وتقول لى معاون البص بالله شغل لينا مسرحية عادل امام ديك الغريبه كلامو طلع صاح وبى كل التفاصيل اها من الخرطوم السوق الشعبى حااسأل أخر بص عمل حادث كان بتاع ياتو شركه واركب ليك فى الكرسى القدام طبعابعد مااعاين فى السواق واشوف وشو وش موت والا لا واقول ليهو بالله شغل لينا شريط ابو اللمين بتاع ودمدنى خلينا نسلطن ولمن البص يصل السوق الشعبى اعزل ليك اسمح تكسى واركب واقول للسواق ودينىالسوق الكبير محل موقف البصات واوقف ليك بتاع التكسى بين موقف عووضه وحى النصر واقول ليهو استنانى شويه اها اتفرخ فى نص التلتوار وارفع يدينى للسماء واصرخ بى طول حسى يارب ندهتك بالرسول وبى جدى الكبير سيد البنيه وبى حبوبتى الصلايه حاجه نفيسه بى اهلى الصالحين وبى شيخى الادريسى تزح مننا العنصريه والجهويه والانقاذويه وكل اصحاب الاجنده الخفيه المتوالين والمنافقين وتجار الدين يارب زى طلعت الترك والانجليز تسل احفادهم سلةالشوكه من الكراع وتنتقم من اى زولةعاوز يفرق الشعب ويقسم البلد وكل حرامى ومرتشى وكل بتاع امن صعلوك وافاق ومرتزق يامنتقم ياجبار اللهم آمين
| |
|
|
|
|
|
|
Re: حلـــــــــــــوا الغــلـــوتية دي يا اهل البمبــــــــــــر؟؟ (Re: هشام هباني)
|
Quote: المجتمع الدولي : شعــــب السودان طلع فشنــك ساكت قدونا العبيد ديل نحن اهل الثورات ونحن الذين في اقل من ربع قرن من الزمان فجرنا اكبر ثورتين شعبيتين ونحن الساس ونحن الراس..........امة من المخستكيــــــــــــــــــن والكضابين ؟؟
|
يازول كدى ما تكون تجيك واحدة ثــورة بملاح تراجى تقلية كدى انسالك سعال قال ليك خت كلمة العبـــيد ديــل شنو تــراجى بتجرجر فى توبة وجايك عديل
انا بـــره عنصــــــرية ووووووووووووووب
تحية عطره
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|