|
|
 الفنان المبدع النور الجيلاني ولي من اولياء الله المبدعين؟؟
|
بعدمنتصف ليلة السبت البارحة اي صباح هذا اليوم الاحد وانا ايب البيت بعد منتصف الليل والطقس كان باردا طنطن (كمبيوتر) التاكسي معلنا عن شارة ترسلها كمبيوترات التاكسي وهي مربوطة بساتلايت تقدم عرضا بمشوار لزبون بشارع ما.. قبلت العرض وضغطت علي ذر الموافقة وقبلتها علي مضض في ذلك الزمان المتأخر من الليل بسبب ( عطية السوداني) والذي لا زال يلاحقنا حتى في بلاد العم سام مضيقا ارزاقنا كما يلا حق ديوان الزكاة وجهاز شئون المغتربين اولئك المهاجرين الفقراء ...وكانت الاشارة في منطقة تعد خطرة واحتمالات السطو علي جماعات التاكسي يها كبير جدا حيث لدينا فوبيا هذه المناطق وانت ( قلبك في ايدك) حينما يكون زبونك منها ودوما اثناء قيادتك التاكسي تعيش قلقا ووساويس من هذا المجهول الذي يجلس وراءك مباشرة ولا حاجز واق بينك وبينه و تتوقع في كل لحظة ( فوهة مسدس صاقطة تلج في عنقرتك) والموت اليك في هذه المهن وفي هذه المناطق وذاك الوقت اقرب من حبل الوريد ظااااااااطو.
وصلت المكان وكان مجمعا سكنيا فقيرا فضغطت علي ذر الكمبيوتر لمناداة الزبون وهو عبر الساتلايت يرسل شارة الى هاتف الزبون المقصود ليخرج اليك برسالة مسجلة تخبره بأن التاكسي في الانتظار....
جاء زبوني وكان من ابناء الخالة (اولاد قرف واقف لمبة) وتشهدت وقلت في داخلي ( اللهم اجعله خيرا والله انعلك يا عمر البشير في القبل الاربعة يا حقير ويا عصابة يا اولاد الكلب..)يعني كان حدسي قد اكد لي ان لا محالة هالك في هذه الرحلة المشؤومة وهنيئا لكم يا جبهجية ود هباني هلك في شر اعماله جزاء ما اقترف من تطاولات في حق الشرفاء والصالحين الرساليين وهذا جزاء المتطاولين والسفهاء....
حياني زبوني وحييته بتحية اقوى منها وقلت في نفسي (الصقر ان وقع كترة البتابت عيب)
وكانت الجهة التي يقصدها العن من الاولي ولعنت الانقاذ والبشير وكل السفلة نيابة عن كل السودانيين الذين يخدمون في هذه المهن الخطرة (التاكسي والبيتزا)؟؟
قررت ان اكسر هذا الصمت الرهيب بتشغيل اسطوانة احتفظ بها للرائع النور الجيلاني وفعلا .. بدأت الاسطوانة وكانت الاغنية (فيفيان) ورفعت مؤشر الصوت الى اعلاه... حينها وقف صاحبي من الطنطنة التي كانت تصاحبه وبدأ في الرقص من خلفي والصياح وسالني عن هذا الفنان واخبرته هذا فنان من افريقيا من بلادي وهو الافضل علي الاطلاق.. هنا بدأت استرخي وادركت ان ( ود الجيلاني ولي من اولياء الله الصالحين) حيث هدأ بلحنه من روعي وكفي عني شر الاختطاف والسطو وروض هذا الوحش الكاسر الذي بيني وبينه فقط الكرسي و( عنقرة) لا تقوى علي مسدسات تكساس و(في تكساس الضرب رصاص)
وصلنا المكان المنشود وهنا صاح صاحبي معجبا بهذا اللحن الجميل وسألني عن معني الاغنية واي موضوع تتحدث فسمحت لنفسي بشيء من الكذب الحلال فقلت له : هذه الاغنية تتحدث عن الثورة في افريقيا ضد الاستعمار الابيض وتمجد في الامة السوداء... فعانقني بن الخالة وكان المشوار قد كلف حوالي العشرين دولارا واعطاني بقشيشا ثلاثين دولارا وهو معجب بالنور الجيلاني وافريقيا قارته الام.... تنفست الصعداء وهتفت : عاشت افريقيا وعاش النور الجيلاني هذا الصالح الولي الرائع وان اولياء الله لا خوف عليهم ولا هم يحزنون..
بعدها ( اخوكم ما صدق قام ســــــــــــداري فللي بالتاكسي واتخارج ) وشتمت البشير والانقاذ وكل السفلة الاوغاد الذين شردونا في هذه المهالك وهم بمال وارزاق الشعب يعبثون؟؟
محبتي
|
|
 
|
|
|
|
|
|
|
|
Re: الفنان المبدع النور الجيلاني ولي من اولياء الله المبدعين؟؟ (Re: هشام هباني)
|
صديقي الجميل هشام
(بالمناسبة عندك قريب معانا هنا مكرهنا الدنيا وعيشتها اسمه ابراهيم مهدي هباني، ما تشوفوا ليهو قرين كارد ولا أي حاجة عشان يتخارج، وبمجرد ما يصلك بالله رسلو الحتات الخطرة دي)
أرجع لموضوع البوست.. النور الجيلاني، ليك حق يا هشام. أنا كنت في لندن قبل سنتين وشوية وتصادف إنو كان في (كرنفال الكاريبي) هناك. ثلاثة أيام لندن كلها (طينة) ورقص في الشوارع مع الايقاعات الكاريبية الساخنة. ايقاعات جميلة جدا. قلت في سري إنو والله نحن مضيعين النور الجيلاني ساكت. صوت وألحان وابداع واحساس و(ستايل) ينفع تماما في الغرب. أنا زيك أحبك النور جدا، واعتبره واحد من قممنا الفنية
| |
|
|
|
|
|
|
|
|
|
Re: الفنان المبدع النور الجيلاني ولي من اولياء الله المبدعين؟؟ (Re: خالد عويس)
|
ود هباني الله يحفظك
ويغطيك من الجماعة إياهم
وخلي التقي الورع النور الجيلاني دايماً معاك
والطيب عبد الله ما تنساه
لو ركب خواجة شغل ليه إنت يا الأبيض ضميرك
وقول ليه الأغنية دي في مستر كمبوني المدفون بأجمل كنيسة في أفريقيا والعالم العربي بمدينةالأبيض
لو ركب معاك عربي سكران وقوي الجسمان آها حتعمل معاه شنو؟
| |
|
|
|
|
|
|
|
|
|
Re: الفنان المبدع النور الجيلاني ولي من اولياء الله المبدعين؟؟ (Re: othman mohmmadien)
|
الرائع الظريف/ خالد عويس
مساكم الله بالخير
تشكر علي المرور وقد امنت بحق وحقيقة اننا شعب في احشائنادرر من الرائعين وقامات من المبدعين في قامة هذا الجميل النور الجيلاني فلولا روعته وسحر صوته وادائه المتميز الذي روض ذاك الوحش الكاسر من خلفي لهلك اخوك ود هباني وحينها سيشمت الكثيرون من الاوغاد من التابعين والجادين في الدفاع عن باطل عصابة الخرطوم...محبتي
سندة/ بمناسبة بن خالتي ابراهيم هباني ( جدو) والله لو لقيت اي طريقة ان شاء الله بنبلة رسلوا لينا فبيني وبينه سبعة عشر عاما من الفراق وليهو وحشة..
الجميل / عثمان محمدين
بيني وبينك في الزنقات الشديدة المخارجة بتتلقي ولو كان الزبون عربيا حأقول ليهو الفنان ده ود خالة شارون ظاااااااتو اعمل حسابك ؟؟؟
محبتي
| |
|
|
|
|
|
|
|
|
|
Re: الفنان المبدع النور الجيلاني ولي من اولياء الله المبدعين؟؟ (Re: هشام هباني)
|
أولا إزيك يا هشام يا طويل يا بتاع ودالنجومي مشتاقين والله العظيم
أنا طبعا زيك متيم بالنور الجيلاني وكنت في سبيل ذلك
أتحمل بعض ثقالات المثقفين الذين سموه طرزان في ذلك الزمان
وسواء رضي هؤلاء أم لم يرضو سيبقي الجيلاني ساكنا في
وجداننا كواحد من أعمق الأصوات وأعمقها وواحدا من أكثر
فنانينا احساسا بالغناء.
له القيام وكل الاحترام.
ولك انت يا رفيق السنين الجميلة كل الحب ونلتفي إن شاء الله
رغم كيد الخائنين.
أخوك/الدالي رحمةالله
الكريدة
| |
|
|
|
|
|
|
|
|
|
Re: الفنان المبدع النور الجيلاني ولي من اولياء الله المبدعين؟؟ (Re: dalihabboub)
|
هععععععععععععع عوافي عوافي
حبابك الف.. حبابك الف
امانة المنبر ما نور تب بود الصلاح كريدة الشيخ عمر هعععععععععععععع
ازيك عزيزنا الجميل من الزمن الجميل مولانا/ الدالي رحمة الله ظاااااطو
كل العام وانت والاسرة والوطن بالف خير وكل اهلنا في الكريدة الجميلة بخير
(عالم ضيق ضيق شديد) مع نعمة الانترنت وبالذات ونحن نعيش الشتات ومعاناته ردحا من الزمان في زمن تفيه ينحاز للاوغاد ولكن النصر قريب...
لك عاطر التحايا ولكل الاصدقاء الجميلين بالسلطنة .. وحاولت مهاتفتك مرتين ولم اوفق في ذلك واخر مرة قبل اسبوع ويبدو ان الوقت كان متأخرا لديكم والاولى وانا معزيا نفسي واياك وكل الاخوة في رحيل حبيبنا وصديقنا الغالي بشير حسين وزوجته الراحلة الاخت نبيهة رحمة الله عليهما....
عموما بحمدالله لا زلت مدينا لتلكم الفترة الجميلة والقصيرة بجامعة الخرطوم في الزمن الجميل وهي قد عززت وصالا رائعا بيينا وبين اخوة رائعين مثلكم و لازالوا اوفياء اصيلين ورائعين.
محبتي واحترامي
هشام هباني( مش بتاع ود النجومي بتاع نعيمة)
هاتفي بالولايات المتحدة 4696825300
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
othman mohmmadien
dalihabboub
فيس بوك
تويتر
انستقرام
يوتيوب
بنتيريست