|
|
 صحـوت علـى ضـربات (فنـــدك) امــي يهتــــف....................
|
وهي تهرس ثوما وشرموطا في زمن وفي وضع يحمل ذات الاسم المعشوق:
يا كيزان يا كيزان
مشروعكم راح يا جرذان
الشعب الليلة في غليان
والشعب خلاص صبح بركان
وحالف باسمك يا سودان
يشيل الظلم والبهتان
ويهد الباطل الوسخان
يا كيزان ويا كيزان
حسابكم جاي بالميزان
مقاصل راكزة في الميدان
يا كيزان ويا كيزان
ياكيزان ويا
ياكيزان
ياكيز
ياك
يا
؟
ويرد عليه ( فندك) جارتنا بت النور:
الدين دين الله
ونحن الشعب من خلق الله
ونحن ربينا في اهل الله
وعشنا وشفنا في خلق الله
ناسا تسرق باسم الله
ناسا تكتل باسم الله
ناسالاعبة باسم الله
الدين دين الله
الدين دين الله
الدين دين
الدين
الد
ال
ا
؟
اللهم اجعله خيرا؟
|
|
 
|
|
|
|
|
|
|
|
Re: صحـوت علـى ضـربات (فنـــدك) امــي يهتــــف.................... (Re: Eng. Mohammed al sayed)
|
الاعزاء/عبد الماجد وودالسيد
مساكم الله بالخير
حقا الى الان لست قادرا ان انسى وانا صغير ضربات ( فندك) الوالدة ادام الله عليها نعمة الصحة حيث له ايقاع مميز ورزم لا زال يرن في الذاكرة... وكانت عندما تبدأ هرس تلكم البهارات واشياء اخر يصادف في ذات الوقت ان جارتنا بت النور (الله اطراها بالخير) تبدأ بفندكها ذي الضربات المميزة واجبها اليوم في هرس بهارات واشياء السودان القديم الجميل.. حيث لكل امرأة من نساء قريتنا ضرباتها وايقاعاتها الفندكيةالخاصة بها...... ومن هذه السيمفونية القروية البسيطة اشعر ان تلكم الاشياء تهتف وتؤازر البشر في بلاويهم وخطوبهم ولذلك احس ان لها لغة خاصة بها..... وفي زمن الانكسارات البشريةالكبيرة اليوم في الوطن احس ان ( الفنادك)اليوم لها مواقفها الرافضة لسياسات التجويع والافقار وهي تحث الكائنات العاقلة مجازا ا ن تتخذ مواقف رافضة الظلم والتجويع....
عاشت كل ( فنادك) امهاتنا وهي اليوم تهرس عدما وفراغا وحتما ستهرس يوما عظام الظالمين في يوم الثأر العظيم.
محبتي واحترامي
| |
|
|
|
|
|
|
|
|
|
Re: صحـوت علـى ضـربات (فنـــدك) امــي يهتــــف.................... (Re: هشام هباني)
|
الفارس هبانى تحية تشبهك وتشبه شغلك الجميل البتعمل فيهو دا.
(الفنادك اليوم لها مواقفها الرافضة لسياسات التجويع والافقار )
وايضا لها مواقفها من مسالة احالتها للصالح العام, وهى ما زالت
قادرة على العطاء فى خدمة الفقراء, الذين لايملكون ثمن السحانات
والخلاطات باهظة الثمن ,عكس ما حكى عبد الحيم ابو ريالة للاستاذة
الصحفيةعفاف ابو كشوة مدعيا انهم لم يحيلوا للصالح العام الا الذين
بلغوا سن التقاعد او عديمى الكفاءة .
| |
|
|
|
|
|
|
|
|
|
Re: صحـوت علـى ضـربات (فنـــدك) امــي يهتــــف.................... (Re: فيصل عثمان الحسن)
|
الجسور الاستاذ/ فيصل
والله يا فيصل اخوي عشمنا خلاص بقى بس في (الفنادك) دي كان تقوم لينا بثورة وتهرس لينا عضام الجماعة الكلاب ديل بعد ما خلاص قنعنا تب انو بشر السودان الشايفاهم عيني ديل والمثقفاتية الفارغين ديل ما اظن فيهم امل تب بعد ما رطبوا وشغالين في وادي والبلد ماشة في وادي اخر.... كتر خيرك علي المرور واللهم اكثر من امثالك ايها الشريف الجسور مع محبتي واحترامي.
هباني
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
فيس بوك
تويتر
انستقرام
يوتيوب
بنتيريست