|
|
|
 Re: بسبب ترديده اغنية ( ما بنختلف) للمبدع كمال ترباس ... اعتقلوه !! (Re: خدر)
|
هشام هباني
سبق وقلت ليك أذيتنا بالسفاهة البتكتب فيها هنا وخلينا ليك المنبر لمن أصريت إنك تتمادى في السفه وباسم النضال ومعارضة الكيزان ملأت هذا المنبر الذي يعتبر أقوى موقع يكشف زيف الكيزان ويفضح ممارساتهم للعالم كله وبه من الكتاب من نفاخر به الكون ولكنك بما كنت تتقيح به من ساقط القول وفاحشة من ألفاظ بذيئة ملأت بها المنبر ويوميا جاي منزل ليك تلاتة أربعة بوستات بهذه اللغة التي حتى الغواني يستحين منها وكانت نتائج بذاءتك هذه توقف عدد كبير من الكتاب الذين نحتاج لكتاباتهم وأفسدت الموقع فأصبح كل أب حريص على أولاده لا يسمح لهم بدخول المنبر حتى لا يقرؤوا شيئا من بذاءاتك وبالتالي فقد المنبر أهم شريحة يستهدفها بالوعي وهي شريحة فتيان الغد ولا توجد معارضة في العالم تحترم نفسها أن تأتي بعبارة واحده من البذاءة التي تنثرها هنا يوميا وبإصرارك العجيب هذا على المواصلة تكون بتقدم في خدمة كبيرة للنظام الذي تدعي إنك تعارضه ولا يوجد أدنى فرق بينك وبين محمد حامد جمعة سوى أن ذاك تم صنفرته وتلميعه سايبريا لهدف محدد وهو نسف هذا الموقع ولكنه لم ينجح بكل ما قام به من أساليب وما الوقفة الأخيرة التي وقفها جميع الشرفاء في هذا المنبر إلا دليلا على أنه مهما حاول نظام القتل هذا بقصد أو بدون قصد فهناك من سيتصدى لهم وأنت تخدم فيهم بهذه البذاءة وكأنك لا تدري..
موضوع المداخلة الأساسي...
هشام هباني مسموح لك بأن تتسافه قدر ما شئت ويجوا المطبلين بتاعينك ويقولوا إنت ما غلطان وشفت ما شفت من الكيزان عشان كده معذور وكأنو الإنقاذ دي لمن جات ما آذت سوداني غير هشام هباني ...
ولكن توصل درجة سفاهتك أن تستخدم كلمات خلدت في وجدات الشعب السوداني ورحل من قدماها عليهم الرحمة والمغفرة فدا ما مقبول بأي حال من الأحوال وإنت مطالب بالإعتذار لشاعر الأغنية ولمؤديها عليهما الرحمة وللشعب السوداني بأكمله وسحب كلامك الفوق دا فورا بدون كلام كتير وتبريرات فارغة..
ومنتظرك
| |
 
|
|
|
|
|
|
|
 Re: بسبب ترديده اغنية ( ما بنختلف) للمبدع كمال ترباس ... اعتقلوه !! (Re: عثمان حسن الزبير)
|
الجميل خدر
تشكر علي التنبيه..بالطبع اخوك داغس سبعتاشر سنةواختلطت اسماء الفنانين ..لكن ما فرقت ما بنختلف واعتذاري !!
محبتي
الاخ/ عثمان الزبير
ما بنختلف يا جميل....واعتذاري لصاحب الكلمات والمؤدي وعليهما الرحمة والبركة...
لكن يا عزيزي بالله عليك ايها الجميل اين البذاءة هذه المرة في كلمات هباني ظااطو في قولي هذا ايها الرجل الشريف....حدد لي هذه البذاءة وعندهاساعتذر لك انت ايها العفيف بملء فمي وقلمي بعد كل هذه الاساءات في حقي وما بنختلف!!
محبتي واحترامي
ظااااااطو
| |
|
|
|
|
|
|
|
|
|
Re: بسبب ترديده اغنية ( ما بنختلف) للمبدع كمال ترباس ... اعتقلوه !! (Re: خدر)
|
الجميل خدر
سلامات
وكتر خيرك علي التصويب وتاني كمان نحن بنعتذر للجميل عثمان..وبنقول ليهو البركة فيكم والدوام لله وجعل الجنة مثوى عمنا المرحوم والدكم الشاعر حسن الزبير وحسن اولئك رفيقا...وما بنختلف!!
بس لكن لسه يا عثمان اخوي حارقاني حكاية البذاءة في الكلام ده...عشان هباني الطكاسي بحسب ثقافة الطكاسة في طكساس مرات بدغس كتير وحمدا لله الايام دي شهادة حسن السير والسلوك بتاعتو كويسة.. ومتحسن شوية ...فنحن محتاجون لتصويبكم وتقييمكم....وبعدين ممكن بكل سهولة الما عاوز اقرا للطكاسي هباني بس ما اقرب من بوستاتو السجمانة دي واشفر الحكاية علي وليداتو.............وما بنختلف يا عثمان اخوي!!
ظااااااااطو
| |
|
|
|
|
|
|
|
|
|
Re: بسبب ترديده اغنية ( ما بنختلف) للمبدع كمال ترباس ... اعتقلوه !! (Re: هشام هباني)
|
بس لكن لسه يا عثمان اخوي حارقاني حكاية البذاءة في الكلام ده...عشان هباني الطكاسي بحسب ثقافة الطكاسة في طكساس مرات بدغس كتير وحمدا لله الايام دي شهادة حسن السير والسلوك بتاعتو كويسة.. ومتحسن شوية ...فنحن محتاجون لتصويبكم وتقييمكم....وبعدين ممكن بكل سهولة الما عاوز اقرا للطكاسي هباني بس ما اقرب من بوستاتو السجمانة دي واشفر الحكاية علي وليداتو.............وما بنختلف يا عثمان اخوي!!
هشام هباني
حقيقة نتمنى ان تعود للغة الجميلة ولا تتدع فرصة لكي يشمت بنا أولئك القتلة وتأكد أنه عندما تعود للقلم النظيف ستكون أشد عليهم من هذه اللغة وبعدين مافي زول بقدر يمنع زول من إنو يخش بوستات فلان وما يخش بوستات فلان عشان كده واصل لينا في الكتابة النضيفة وشهادتك بتاعت حسن السير والسلوك دي واصل فيها ودعها دائما معلقة على صدرك ...
وواصل في كتاباتك وفضحك لهم فلا أحد منا يريد أن تتوقف..
مع الاحترام
| |
|
|
|
|
|
|
|
|
|
Re: بسبب ترديده اغنية ( ما بنختلف) للمبدع كمال ترباس ... اعتقلوه !! (Re: خدر)
|
هشام هباني
ياخي قبلي كده في البوست الطالبتك فيه بتغيير أسلوبك خاطبتك بكل إحترام وأحترام لقضيتك في بداية كلامي وفي آخره ولم توقف لغتك المرفوضة على الأقل من آباء حرموا أبناءهم من الدخول للموقع ولم تستجب للرجاء وهذا خيارك ولا أستطيع أن أفرض عليك رأيي وكان الموضوع كلو مجرد نصيحة لكاتب بدأ أول ما بدأ يكتب بمنطق وأسلوب جميل وتعرية لأشياء كانت غائبة عن الكثيرين وهذه تحسب لك حينها وأحببنا حينها هذا الكاتب وأسلوبه الواضح إلى أن انحرفت الكتابات وتبدلك اللغة ...
ولكن أن تستخدم أغنية خلدت في وجداننا بهذه الطريقة هذا مرفوض تماما ليس بالضرورة أن تكون هناك بذاءة واضحة فيما كتبته باقتباسك لكلمات الأغنية فالفكرة أساسا تشوه هذا التاريخ الجميل فيكفي أنك ربط القافية بكلماتك ضد الكيزان لكي تكون مرفوضة فهل نستخدم الجميل ضد أشد أنواع القبح بهذا الشكل المسيء للأغنية فيمكنك أن تستخدم أي قافية تشاء وهذا حقك ولكن لا تستخدم ما نراه جميلا ..
وأنا أتقدم بإعتذاري لك في ردي الأول أثناء إنفعالي إذا أسأت إليك ولكني أطلب منك سحب الكلمة حتى لا تربط بهذا القبح ..
قد تأتي وتقول لي ليس من حقي أن أطلب منك سحب ما بنختلف ولكن إعلم أن هذا تراث ليس ملكي وحدي بل ملك جيل بأكمله عشق الراحلان وما قدماه لذا ففي المرة الأولى طلبت منك سحب الكلام وهذه المرة أرجوك..
ويبقى الإحترام
مولانا خدر
البركة فيكم وفينا وربنا يجعلهم من ساكني جناته ويتغمدهم بوافر رحمته ويسكنهم بجواره مع الصديقين والشهداء..
وسلمت يداك
| |
|
|
|
|
|
|
|
|
|
Re: بسبب ترديده اغنية ( ما بنختلف) للمبدع كمال ترباس ... اعتقلوه !! (Re: عثمان حسن الزبير)
|
اخي عثمان
سلامات يا زول
يا اخي لقد ذهب بك التاويل والظنون بعيدا وانت تخلق من الحبة قبة..وتنسي الناس موضوع البوست الاساسي وهو الاهم لتجرنا في مماحكة بائخة مصحوبة بالتجريح وبالشتائم الشخصية وتجاوزنا ذلك علي مضض بشيء من باقي حلم وسعة صدر نستعملها عند اللزوم لصالح الاخوان الطيبين امثالكم.. وكنت تظن بان هذا الهباني التعيس كان قاصدا الاساءة لشخصكم من خلال تلكم الكلمة والتي هي عنوان اغنية للمرحوم والدكم رحمه الله ويرحمنا ايضا والتي لا يدري هذا التعيس هباني شاعرها ولا مؤديها....مجرد كلمة خطرت في البال وحتى باقي القصيدة لا يعرف اولها ولا اخرها..
المهم...اذا كان يرضيك ان اسحبها فقط لاسباب نفسية وشخصية وعائلية تهمك يا اخي عثمان..ما بنختلف !!وانا غير مقتنع بذلك فسوف اسحبها لتلكم الاسباب.. مجاملة وتقديرا لشعوركم (بس شوف لي كلمة مرادفة لها) لان موضوع البوست كله قائم علي هذا المعنى في هذه الكلمة التي اصبحت بين عشية وضحاهاملكية شخصية لسيادتكم لانها من ميراث الوالد عليه الرحمة والبركة وفي النهاية ما بنختلف !!
الود والاحترام
سندة: غايتو دبر الموضوع مع بكري تشيلو الكلمة تختوها تشقلبوها بس باقي موضوعي خلوهو لي لانو ايضا ملكية خاصة بالطكاسي هباني ...
| |
|
|
|
|
|
|
|
|
|
Re: بسبب ترديده اغنية ( ما بنختلف) للمبدع كمال ترباس ... اعتقلوه !! (Re: هشام هباني)
|
هشام هباني
هو وينو موضوع البوست أسي الشغلت الناس عنو؟؟؟ وبعدين ياخي اعتذرنا ليك وإترجيناك وخاطبناك بكل أدب قلنا ممكن ينفع .. وقلت أن ملكية الأغنية ميراث وجداني لكل الشعب السوداني ولم أقول انها ملكي ولم أطالب بحذفها مراعاة لشعوري أنا فقط فاستعمالك لها بهذا الشكل يسيء للكثيرين ويمكنك بكل بساطة تعديل موضوعك أو حتى حذفه فهذه مسئوليتك أنت وبعدين انا ما عندي معاك مشكلة ولا عايز أفتعل مشكلة معاك الموضوع واضح ما بتحتاج كل التطويل والمراوغة البتعمل فيها دي ياخي خش تعديل وعدل موضوعك والعنوان بعداك مشكلتو هينة..
وإنشا الله ماترجعنا ليك في البوست ده تاني..
| |
|
|
|
|
|
|
|
|
|
Re: بسبب ترديده اغنية ( ما بنختلف) للمبدع كمال ترباس ... اعتقلوه !! (Re: عثمان حسن الزبير)
|
الاخ/عثمان
صباح الخير
نزولا عند رغبتك الاكيدة وحفاظا علي تراثنا الغنائي الوطني..ومنه تلكم الاغنية الخالدة لوالدكم عليه الرحمة والمغفرة..( ما بنتخلف) والتي استلفنا فقط اسمها لاستخدامه بشكل وطني سليم في قضية عامة من غير الاخلال والاساءة للقصيدة الخالدة..فقد قررنا سحب هذا البوست ارضاء فقط لمشاعركم المرهفة وغيرتكم( الفايدة الحد) في الحفاظ علي التراث الوطني الخالد وفي الختام لك محبتي واحترامي وما بنختلف!!
هباني ظاااااااطو
| |
|
|
|
|
|
|
|
|
|
Re: بسبب ترديده اغنية ( ما بنختلف) للمبدع كمال ترباس ... اعتقلوه !! (Re: ABDELMAGID ABDELMAGID)
|
الأخ عثمان الزبير
والله انا شايفك انت ماخد الموضوع بحساسية عالية شوية ..
انا اذكر ونحن اطفال صغار ان هناك منلوجست يدعى بلبل على ما أظن وقد اقتبس لحن العميد احمد المصطفى لأغنية (حياتى حياتى .احيك انتى كحبى لذاتى ) وبالتاكيد وانت يبدو عليك راجل فنان ابن راجل فنان رحمه الله اكيد تذكر تلك الأغنية للعميد..وقد قام المنلوجست بلبل رحمه الله قد غير كلمة (حياتى)الى (حماتى) وبنفس اللحن غير كل كلمات اغنية احمد المصطفى بكلمات ترقى لمستوى السب العلنى فى حماته وقد كان الأستاذ احمد المصطفى اول من يضحك لذلك المنولوج لعلمه بأن ذلك المنولوج لا يعدو ان يكون ضرب من ضروب الفنون الذى يجب ان نأخذه على علاته , وانا الآن للأسف لا احفظ كلمات ذلك المنلوج ,وان كان قطع شك موجود بأرشيف الأذاعة..
ياود الزبير طول بالك وخلى روحك رياضية اسوة بالمرحوم احمد المصطفى..
الأخ عبدالماجد..
انا لا اوافقك على كل ما كتبت فى بوستك الأخير فى حق الأخ ود الزبير بتشبهاتك الغير لطيفة فى حقه وارجو بل وأأمل ان تقوم بالأعتذار له ولنا لأنى حقيقة اعتقد انو الموضوع لم يصل لتلك الدرجة من الخصومة .
مع تحياتى واحترامى للجميع
| |
|
|
|
|
|
|
|
|
|
Re: بسبب ترديده اغنية ( ما بنختلف) للمبدع كمال ترباس ... اعتقلوه !! (Re: هشام هباني)
|
إزيكم؟؟
يا عثمان ويا هشام كيفنكم؟
لا أري داعي لتحويل مجري البوست بهذه الطريقة..ومعروف للجميع من هو شاعر الأغنية الا وهو المرحوم الأستاذ الكبير حسن الزبير
وهشام لم يكن يقصد في الاساس كما هو واضح للجميع سوي إستخدام العنوان فقط لاغير .
وهاهو هشام يضرب مثلا جميلا في البورد هنا بسحبه للبوست تقديرا لشاعرنا لأستاذنا الراحل معلم الأجيال( عدم الإختلاف)
ودعونا بعنوان هشام هذا نترحم علي الرائعين المرحوم الأستاذ حسن الزبير,
والأستاذ المرحوم خوجلي عثمان
وهي فرصة أعطانا لها هشام حتي نزكرهما بما قدماه لنا كشعب سوداني جميل.
ت ح ي ا ت ي
| |
|
|
|
|
|
|
|
|
|
Re: بسبب ترديده اغنية ( ما بنختلف) للمبدع كمال ترباس ... اعتقلوه !! (Re: عصام أحمد)
|
الأستاذ هشام هباني
لك كريم الشكر على حسن تفهمك واستجابتك الكريمة بخطوة تحسب لك وأدب جديد في المنبر أنت أول من سناه لكي يرى الفجار أي جمالا فينا حين نختلف وحين نأتلف....
ودمت أنت الكبير
عبد الماجد
الكلاب هم من ينبحون لتأجيج الصراع فقط من أجل النباح وأولئك شر الكلاب..
الأخ قلقو
ياجميل مشكور على السرد الضافي وذي ما بقولوا الموضوع انتهى بالاستجابة الكريمة من عمنا هشام هباني وإنشاء الله ما يكون هناك خلاف وتنطوي هذه الصفحة التي لا تشبهنا جميعنا ..
الأخ عصام أحمد
سلمت يا جميل ومعاك أقول ما بنختلف ونترحم على روح الفقيدين بقدر ما أحبهم الناس وخلدوا في وجداننا بما قدموا ...
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
خدر
Kabar
قلقو
فيس بوك
تويتر
انستقرام
يوتيوب
بنتيريست