والله يا وطن الغبش رغم الخراب العما فيك رغم ارهاب الدقون ولمعة الخوف في العيون رغم جوع الناس والام البطون رغم البيحصل والمضي ربما قد يكون بلقاك جواي ديمه تكبر وتكبر اجمل يا وطن
*******
بلقاك جواي تجري نيل جواي بيشيل النخيل جواي يكبر عشقي لوطن الغبش ويكبر معاهو املي في الصبح الجميل واقعد افكر في الغنا كيف يكون وكتين تكون الدنيا ضـو لمن يكون الليل سمر والصبح انجاز مستمر لمن يكون الشعب قائد للمسيرة والعدل حايم في الشوارع يهدي للناس الامان ويدعو للخير والفضيلة ياوطن بلقاك جواي ديمه تكبر وتكبر اجمل يا وطن يا وطن ما انت دمي البيهو عايش وانت همي الفيهو تتمدد مساحة الوعي فيني وتبقى اكبر يا وطن نيلك انت ياهو نيلك ياهو نفس الغنى ليهو زمان خليلك وشعبك انت ياهو شعبك في شمالك وفي جنوبك كان فصح او كان رطن ياهو شعبك يا وطن ****** يلا يا وطن الغبش وحد صفوفك استعد واجه مصيرك مستعد اطرد اشباح الظلام حقق الخطوه الامام طهر مياه النيل فرد جناحات الحمام وابقى اكبر في الحقيقة ما خيال ما انت جواي ديمه تكبر وديمه اجمل يا وطن
******
نادر عباس/ دالاس/ تكساس
شكرا للرائع المناضل الجسور صديقي نادر عباس سندة: نادر ظاااااطو تكاسي رفيق درب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
Abomihyar
فيس بوك
تويتر
انستقرام
يوتيوب
بنتيريست