|
|
|
 Re: ياعمر التنبل ووزيرك ابو ريالة: كيف دخل وزير دفاع دولة اجنبية ترابنا الوطني من غير علمكما؟؟ (Re: ABDELMAGID ABDELMAGID)
|
Quote: السودان يرفض زيارة وزير دفاع الدنمارك رداً على الإساءة
الخرطوم: د ب أ
أصدر الرئيس السوداني عمر البشير توجيهات لوزير الدفاع برفض زيارة نظيره الدنماركي للخرطوم ردا على الإساءة التي وجهتها إحدى الصحف الدنماركية للنبي محمد صلى الله عليه وسلم.
وأكد الرئيس البشير في تصريح له مساء أول من أمس أن "السودان لن يسمح لأي مسؤول دنماركي بأن يطأ أرضه حتى يعتذروا رسميا عن هذه الإساءة في حق الرسول صلى الله عليه وسلم"، وأضاف البشير: "إن العداء ضد الإسلام والسودان ليس بالجديد ولن ينتهي، بل تتغير تكتيكاته".
|
ود هبانى
دكنور عبدالماجد
عندما قرأت فى صفحات الأخبار تصريحات عمر البشير (لن يسمح لأى مسؤول دنماركى بأن يطأ أرضه) وتوجيهاته لوزير الدفاع (الذى يحمل دبابير فى كتفه تزن خمسة أرطال) كنت أعتقد أن المقاتلات السودانية سوف تعترض طائرة وزير دفاع الدنمارك وهى فى الجو وتمنعها من دخول الأجواء السودانية، لكن كالعادة تفاجئنا الإنقاذ كل يوم بالجديد. توجيهات الرئيس لوزير الدفاع يتم تحويلها لحاكم الولاية لإخراج الموظفين من مكاتبهم والطلاب من مدارسهم والجنجويد وبعض المرتزقة من زعماء القبائل والمرتزقة من أئمة المساجد والأمن والشرطة، للتظاهر فى مطار الفاشر وخلق حالة من الفوضى.
عمر البشير لا يحمل السلاح إلا فى وجه الشعب السودانى، يا لها من شجاعة.
| |
 
|
|
|
|
|
|
|
|
Re: ياعمر التنبل ووزيرك ابو ريالة: كيف دخل وزير دفاع دولة اجنبية ترابنا الوطني من غير علمكما؟؟ (Re: Abureesh)
|
اخوي عبد الماجد
عارف يا خوي بقولوا اهلنا في الفاشر طيارة زي دي اصلها ما شافوها.... وزول احمر زي ده زي الفشفاش اصلوما شافوه.......واخونا الوالي ( عصمان ود كبر) قالوا ليك....لاندروبرين اتنين دخلوا مطار الفاشر ...جنب الطيارة..الزول الاحمر ظاااطو نزل من سلم الطيارة وسلم علي عصمان... واداه قالوا عشرة كراتين مقفلة...واداهو صعوط دنماركي احسن من صعوط الفاشر ظاااطو.....وقالوا عصمان اخد ليهو سفة من صعوط الخواجة...وقام قرب من اضان الخواجة... والخواجة ضحك لمن اتشنقل علي قفاه لمن سمع كلام عصمان.....قاموا الناس ظعلت ظعل شضيض....وهجموا علي عصمان وقربوا اجيبوا اجلو... وسعلوهو....دحين قلت للكافر شنو؟؟ والكافر ده الضحكو شنو؟؟ وضحك عصمان لمن اتشنقل من اللندروبن .... وقال ليهم :الخواجة ده النزلو من السما خرمة صعوط وجانا داير اشتري صعوط عماري بتاع الفاشر....وجاتو خرمة في الجو فوق وعشان كده ما اتحمل الخرمة و نزل في الفاشر من خرمتو وما عارف الفاشر دي ظاططها وين .... وانا سفيت منو وضقت تمباكهم.....وكلمتو في اضانو وقلت ليهو والله تمباكو حلو يا الاخو.....واتكيف مني وضحك وقال لي : شيل العشرة كراتين ديل واديهن لاخونا الرئيس البشير في الخرطوم..... وقالوا زعلان مننا .شان ترضيهو وتسكت الخشامة والشمات................
| |
|
|
|
|
|
|
|
|
|
Re: ياعمر التنبل ووزيرك ابو ريالة: كيف دخل وزير دفاع دولة اجنبية ترابنا الوطني من غير علمكما؟؟ (Re: هشام هباني)
|
عارف يا ود بدر الدين اخوي
البشير اخوناده الخواجات ديل كملوا ليهو فهمو وطلع زولا ماعندو طايوق و طيروا ليهو رجالتو في راسو.. والزمن ده خلا الرقيص والكشف والنسف والعرضات وحليفة الطلاق......يعني سبعتاشر سنة والناس ما عارفة(المدفع الرزام) الزول ده طلع ورل كبير وفشوش....يا حليلك يا جدنا المك نمر زولا صعب ما بترضي الحقارة ..لكن اهلنا قالوا النار تلد الرماد...يعني المقاطعة بس للبضائع الدنماركيةولكن حكاية الطيارة دي ووزير الدفاع الدنماركي ظااااطو الركوا في الفاشر قدام خاق الله عاملين منها حميـــــل عديل ودي بطينة ودي بعجينة..والله نحن بنحكها لمن تجيب الدم لمن نعرف اخرتها
ونشوف الرجالة ديك وينها؟؟
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
هشام هباني
Hashim Badr Eldin
Abureesh
محمد خليل إسماعيل
فيس بوك
تويتر
انستقرام
يوتيوب
بنتيريست