كتب الكاتب الفاتح جبرا المتوفرة بمعرض الدوحة
|
Re: اها اخوانا وحات شيخي حسن ود حيسونة.. اتفضلوا وضوقوا كرامة التاكسي الجديد!! (Re: Azhari Nurelhuda)
|
هلا هلا المبروك ود العمدة نور الهدى
ادخل لا جووووه.... والجاهل اب قوبة المعاك ده اب راسا مسوكب زي بيضة الحصان ده هولك!؟ خليه العب مع احمد........يا احمد احمد....لا اله الا الله الجاهل المنعول ده اكون غتس وين بالغتتيسة التجيب اجلو! خش لا جووووه ود العمدة... وان شاء الله حمارتك ربطتها قوي...الله استر عليها من ابو كدير حمار ود اب عتلة علي الحرام مجهجه حمير الضيفان من الصباح.. ومسخ علينا القعدة وخلا حريمنا وبنياتنا اضايرن من كشاشة لكشاشة قليل الادب زي سيدو ود اب عتلة المسخوت مكره العوين في السوق مشية الجزر بلسانو الزفر ده!؟
| |
|
|
|
|
|
|
Re: اها اخوانا وحات شيخي حسن ود حيسونة.. اتفضلوا وضوقوا كرامة التاكسي الجديد!! (Re: محمد عمر الفكي)
|
هلا هلا ود الفكي البطحاني ود عمنا
حبابك الف.... الهمباتي ترب الهمباتة اخوان البنات ...ناس ود ضحوية الرجال الزين ..هيييييع ادخل لاجوه......علي الحلال ده بتدور لك انداية عديل ننزل لك بيرقها.... ونجيب اللحم الخروف في قنيطة الخروف! احمد احمد يا جني هوووووي ...يا جماعة وين الجاهل المسنوح ده..تعال بتزازي وين يا جنا النعامة التزازي بيك لي يوم القيامة....تعال لحقنا بالشية والمريسة لعمك ود الفكي وكتر لو في المريسة وافقشلو فحل بصلا سمح من الشوال داك التفقش كلع عدووووك!!
| |
|
|
|
|
|
|
Re: اها اخوانا وحات شيخي حسن ود حيسونة.. اتفضلوا وضوقوا كرامة التاكسي الجديد!! (Re: محمد عادل)
|
امحمد ود عادل
كيفنك ..طيب.....وكيفن حال العجيز ..ابوووووووك مالو ما جاناان شاء وجع الضهر رااااح منو واكان ما راااااح بقسملك من هيل الخروووووف ده وصوني ناس ود اب كوارة قالوا بودر وجع الضهر تب..بس اشيل اشوي منو في النار واياكل.....اها امشي العبوا بغادي....وامشي لخالتك تغرف لك ملاح وتضوق كمان شية عمبلوقنا....اهاااااا...ابعد من المريسة دي...مو كويسة ليكم يا وليدي!
| |
|
|
|
|
|
|
Re: اها اخوانا وحات شيخي حسن ود حيسونة.. اتفضلوا وضوقوا كرامة التاكسي الجديد!! (Re: هشام هباني)
|
اها يا الحبان دي مريسة خالتكم حاجة الصبر...هدية قالت لكرامة التكسي ومريسة والله طاعنة وطاعمة....تك تك تك تك بس علا التيس الشين اب وشا طويل البشبه عبد الرحيم ده خايف اقوم عليها واجقمها كلها....بدقينتو الحرامي لعنة الله عليهو والله ما مقاشرو الا في دقينتو الشينة دي..وعارفو المسيكين مو بهيمة ساكت لكن قشرتي ليهو في دقينتو....زي ناس الحيكومة ابان دقون الحرامية اولاد الغلفاء! احمد احمد بالحمو اليفسخ عدوووووك...تعال انهر التيس الشين ده!
| |
|
|
|
|
|
|
Re: اها اخوانا وحات شيخي حسن ود حيسونة.. اتفضلوا وضوقوا كرامة التاكسي الجديد!! (Re: هشام هباني)
|
دحين اللاخوان سمع اضاني من راديو حاج النور سمعت قالوا الزول اب فشق ده هولنا سافر اليومين ديل مرق في مصر.....ومعاه الولية الجديدة..واخوهو الحرامي الضكتور وكمان قالوا تاني خفس في فاس الما وراها ناس ان شاء الله بالفاس الاكسر راسو و بالسكين التخفس فشفاشو....الودر علينا بلدنا السمحة...وطقانا الفقر والجوع والمرض وبقينا ننساسق للرزق من صباح الرحمن ولمن نرجع علي النعمة دي الواحد من التعب وشو العن قفاهو.....واولاد الحرام ابان دقون اشيلوا واكضبوا باسم الله..والله قال والنبي قال..... ونشفوا البلد من الخير وماخلوا ملينة واحدة في خزينة البلد والنسون السمحات تب عرسوهن وكمان يا ود عتمان اخووووي قالوا اليومين ديل جابوا ليهم كلام كتر في الدين تب............بقولوا الدين بحلل لينا نرضع الحريم من طرف....زي المتاليب البلاقن اماتن ساعة اجن من السرووووووح!
| |
|
|
|
|
|
|
Re: اها اخوانا وحات شيخي حسن ود حيسونة.. اتفضلوا وضوقوا كرامة التاكسي الجديد!! (Re: Mohammed Haroun)
|
حبابك الف اخونا امحمد ودهارون
اتفضل لا جووووووووه....كدي شيل لك كضم مرارة والكمونية ان شاء الله بتجي بس علا العسلية دي...اليومين ديل مافي ...كانت بتسويها عاشةام نفلين علا اليومين ديل هي في الحج....اها لمن تجي من الحج تعال لنا هنا وبنجيهك تمام التمام!
تك تك تك ...احمد يا جنايا مسنوح انا قت لك التيس البشبه عبد الرحيم ده امرقوا من البيت ده سراق عجين..كمان اقوم الهط مريستنا واودر علينا الكيف! الله انعلو وانعل ابان دقون محل ما يقبلوا!
| |
|
|
|
|
|
|
Re: اها اخوانا وحات شيخي حسن ود حيسونة.. اتفضلوا وضوقوا كرامة التاكسي الجديد!! (Re: هشام هباني)
|
Quote: ادخل لا جووووه الزول الزين... ود المكي ..الحق اااااجني...احمد يا جنا بالحمو الافسخ عدووووك...كلم الحق عمك بالشية والبقنية... وكلم النسون اعوسن الكسرة والحقن عمك التقلية...حبابك الف حبابك الف الزول السمح! |
الناظر ... مبروك ( الحديده ! ) الجديده ... انشاء الله ( تكسرا ! ) بعرق العافية ! !! كسرة :
الحكايه بس ناقصه ( الدلوكه ! ) و ( السوط ! ) و ( الشتم ! ) ... هييييييييييييييييييييييييييع عبدالماجد
| |
|
|
|
|
|
|
Re: اها اخوانا وحات شيخي حسن ود حيسونة.. اتفضلوا وضوقوا كرامة التاكسي الجديد!! (Re: abdalla elshaikh)
|
هييع هلا هلا الزول النجيض عبد الله ود الشيخ عوافي عوافي بالرجالة
كدي ااااخوووي برررك جملك ده... وادخل علي القطية ديك...قطية باردة وبلحقك الجاهل احمد بالمرارة والشية....ااحمد اااااجنا الجن الاركبك وين الجاهل المنعووول ...ده....تعال سوق عمك ود الشيخ للقطية ديك وجيب لو برمة المريسة وكلم العوين امرقن مرارة الخروف التاني...واجهزن الشية وعلق لجمل عمك من القصب الفوق راس الكشاشة الجنب الدردر داك.. واعمل حسابك من كليبة ود اب شاتين!!
| |
|
|
|
|
|
|
Re: اها اخوانا وحات شيخي حسن ود حيسونة.. اتفضلوا وضوقوا كرامة التاكسي الجديد!! (Re: على عمر على)
|
هلا هلا الجني علي ود تروس
اتفضل لا جووووووه يااخوووي علي وحق الله وبق الله...اها اشعق حبل حمارتك فوق داك البرمندي وتعال لا جووووه اقطع عطشتك بمريسة حاجة الصبر...اديها الله العافية واغتي عليها! احمد يا جني...احححححمد....الجنا المسنوح ده ااااجماعة غتس وين....تعالي يا جنى الحق عمك علي ده بالمرارة والشية وما تنسي ارفع معاك الكوز داك ...الله العنن دنيا واخرة كيزان الحديد و كيزان الانس!
| |
|
|
|
|
|
|
Re: اها اخوانا وحات شيخي حسن ود حيسونة.. اتفضلوا وضوقوا كرامة التاكسي الجديد!! (Re: عزيز عيسى)
|
العزيز ود عيسي
عوافي عوافي ادخل لا جوووووه..اعمل حسابك من عود الكشاشة المفندر ده علا بعوقك! وان شاء الله جيتنا بحمارا ضكر......افكنا من مزازاة ابو كدير حمار ود ابعتلة فوق قفا الصريف والله طير لينا المريسة من راسنا...بسبب حماركم الشايعة دي يا اخوان!!
احمد يا جنا هووووي الحق عمك ود عيسي بقدح العصيدة والويكاب وقول لامك كتري السمن والشية الحارةوما تنسي الملاحة والشطة القبانيت...وجيب لو موية باردة من زير ناس خالتك حكم الله زيرا مويتو باردة وجيبها بالقرعة عليك الله ما بالكوز.....والله قشرتي يا الاخوان الشراب بالكيزان!
| |
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
|
|