دعواتكم لزميلنا المفكر د.الباقر العفيف بالشفاء العاجل
|
|
 I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟؟؟؟؟
|
وانا واقفة امام امواج بشارع المطار كانت تقف هناك هايس لفتت نظرى
بنظافتها وجمالها والديكور الجميل من الداخل والخارج ورأيت اتنين
من الشباب بالداخل ولفيت من وراء الهايس عشان اجيهم من الباب اسألهم
الهايس دى بتمشى فى المواصلات زى الكراكيب المالية الشوارع ولا عندها
شارع براها ولا بتمشى فى الهواء عربية ما عادية وكانت المفاجأة اذا
بى اقرأ هذه العبارة { عنوان البوست } الله الله ,, يا ربى ده تمبسنا
ولا اسم على اسم ولفيت سريع خفت الهايس يتحرك وفتحت الباب واذا بعطر
عجيب الرائحة مستوى راقى فى الاختيار رجعت عاينت فى اللوحة اذا بها خضراء
اللون معناها الهايس دى مواصلات فى الشارع لكن مستحيل وسلمت على الشبان
وسألتهم الهايس بتاعت منو ؟؟ ورد على بأدب مبالغ فيع ان شاء الله خير يا
خالة قلت ليه كل خير , قال لى بتاعت اخوى واذا بالاخ يحضر فى نفس اللحظة
جاب العشاء ليهم , سلمت عليه وقبل ما اساله قال لى انا خلاص وقفت شيل الركاب
عشان عندى مواعيد محدده لكن وحات امنة امى لو ماشة مدنى اوديك والحمد لله
ربنا فاتحها على قلت ليه مشكور معاى عربية لكن عاوزه اسالك كم سؤال قال لى
اتفضلى طوالى ,, انت الهايس دى مواصلات فى الشارع ؟ قال لى ايوه شغالة فى الخط , وبالمستوى ده ؟؟ قال لى لكن ما دى عنوانى انا وبتحدد مستواى انا اسمى كمال ابراهيم عبد الله خريج هندسة معمار الخرطوم وما لقيت شغل هنا وما بفدر افارق امى عشان اغترب
جاتنى عروض مغرية شديد لكن امى اغلى من كنوز الدنيا وافقت على عرض واحد بس فى دبى مع مجموعة استشاريين على مجمع لمدة تلاتة شهور وكان نصيبى منها مائة الف دولار اشتريت
لامى بيت ارتحنا من الايجار واشتريت الهايس دى بتطلع لى فى اليوم مائة وعشرين الف صافى
من غير البنزين والكمسارى والحمد لله , طيب يا كمال العبارة الكاتبها من وراء العربية دى ما فهمتها يعنى شنو ؟؟ قال لى فى سودانيزاون لاين فى واحد اسمه تمبس عاجبنى شديد
وبحبه شديد لوجه الله وبتفاءل بيه ما عارف ليه ؟؟ لأنه لو قريت ليه حاجات كتيرة فى يوم واحد طوالى تحصل لى حاجة حلوة , قلت ليه سبحان الله ,, قال لى اوريك تفتحيه كيف ؟؟ افتحيه واقرى لتمبس والله تتكيفى بشكل ,, قلت ليه تورينى شنو ؟؟؟ دا ما تمبسنا ذاتو ,,
وعلى حس انى بعرف تمبس وزميلى فى المنبر حلف على بالعشاء الكان شايلوا ورجع يجيب عشاء تانى لناس امه ,,,,
والسلام امانة ,,,,
قال ليكم كمال برسل ليكم التحايا والود لكل السودانيين فى الموقع وخاصة بكرى ويشكرك
كتير يا بكرى وقال ليك بعرف اخبار كتير من ابناء اهله من كتاباتهم فى الموقع وانا
طبعا اتبوبرت وعرضت عليه اكتب لى بكرى يديه العضوية لكن الحمد لله قال لى بى وين اتابع الا بعد ان استلم وظيفة انا بجرى فى الشارع من صلاة الصبح لى صلاة العشاء .
حييوا معى المهندس معمارى كمال ابراهيم عبد الله .
رمز للشباب الناجح .
تمبس كمال قال هو شاعر انه حيقابلك لو طال الزمن او قصر .
وبسلم عليك شدييييد .
والسؤال الفى عنوان البوست ده كتبتوا انا عاوزه اشوفكم بتحبوهوا زى كمال .
تحياتى
ام وضاح
|
|
 
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: essam&amal)
|
ووووب علينا يا ام وضاح...
هو نحنا من غير كلامك دا ما قادرين عليهو..
بعد دا راسه بيكبر زيادة وبيعمل لينا غلبة اكتر...
.....
اقول ليك سر..وللاخ كمال برضة..
اول زول انا عرفته في سودانيزاون لاين ..قبل ما يكون عندي عضوية
كان تمبس..
الزمن داك كان خاتي صورة ولد ولا بت ما بعرف اثيوبية...
وكان زول ظريف جدا..
اها كلمي كمال دا..قول ليهو تمبس دا من قريب شييييييييييين..
ما تتغشي فيهو ساي ياباشمهندس...
ولو داير الاكيدة اسال المسكين معتصم
| |
|
|
|
|
|
|
|
|
 Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: رشا سالم)
|
| Quote: ووووب علينا يا ام وضاح... |
 رشــا الغتيتة..
وووب عليك شنــو .. ؟ ! والله انت حقــو ( تضبحي ) عديل كــدا .. الله حلاك مني .. كنت عامل ليك برنامج قلق ووجع وش مؤسس جدا .. بس حظك السمح نقلوني من العقارية رجعوني الملــز .. كان من العقارية تلاتة دقائق بس بي رجليني .. وربع ساعة بي عربية عماد محمود المارسيدس .. طبعت لي أوراق واستيكرات مكتوب عليها ( انا أحب تمبس ) كان البرنامج انو كل ما اطلع من الشغل اجي اديكم طلــة واعمل ملصقات جدارية في باب الشقــة .. وبالميت عندي قلم شيني كبير . عاملين حيطتكم السمحة البيضاء دي ..
غايتو يا طــارق جهز حق الخروووف بس ..
.
.
يا دكتورة غايتو الله لا جابني ليكم في ( وجــع قلب )
| Quote: اها كلمي كمال دا..قول ليهو تمبس دا من قريب شييييييييييين.. |
عارفه يا رشــا .. انا في السودان عندي ( تلاتة نسخ علاء ) بي أعمار مختلفة
إنت قائله السمح ولدي دي عملوهــا لي منــو .. ما انــا القدامك ده
| |
|
|
|
|
|
|
|
|
 Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: تماضر الخنساء حمزه)
|
Quote: قلتا ليهم ماعندي بيو معرفة شديدة بس بكوس ليّ سبب أخش فيو شمال
وياني لقيتو.. |
.. تخشي فيني شمال يا تماضـر ..؟ كان بقى عندك حافلة هايس ما ضيعتيني لكن
والله يا تماضر اي زول هنــا عندي ليهو معزة خاصة جواي وبتعامل معاهو كانو عايشين في مكان واحد .. طبعا بعداك بيجي التوزيع .. في العندنــا معاهم حــرب ، في الممكن تجي تعمل ليهو فوضى في بوستاتو وتمشى ، في البتفتش ليهو كلما تشتهيهو .. وفي البتقرا ليهو وما تقدر تكتب ليهو حاجة ، وفي البتجي لمن تنوم بتودعــو وهو زاتو ما يكون خاتيك في حنــانو  ... قبل تلاتة أيام برضو كنت في سيرتك مع زول صاحبنــا شاعر .. طبعا قال لي ما لم يقله مالك في الخمــر عن تماضر الخنساء
علشان كدا يا تماضر المسائل دي ماشة عادي وياهو زي ما شايفه بنخش شمال طوالي اصلو ما بنقيف ... والله كمان لو شفتيني استلمت ليك الشاعر ده كيف وعملت ليك فيها بتاع سكرتارية .. كان تستغربي عديل كدا .. وأخوك لما يستلم ليهو زول .. عكليته بشكل ..
تدخلي يمين تدخلي شمال يا تماضــر .. اصلو ما عندك مشكلة .. طالما الحب ده في .. الحبه مافي ..
ااكد ليك الريده دي .. وإلتزامي التام بيها والناس دي شاهدة .. وبلاي تاني كان سالوك مني يا تماضر ما تنكريني خليك حربية زي أم وضاح دي .. خشي شمال طوالي ..
| |
|
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: essam&amal)
|
تمبس انسان خلوق وولد اصيل جدا وندمان الما بعرفه والله
تعرفت عليه ايام حملة التضامن الذي اقامتها روابط البورداب بالشرقية لعلاج زوجي زهير , فكان تمبس من الناس الذين وهبو كل امكانياتهم ووقتهم للعمل الصبور برغم المسافة بين الرياض والدمام لكن حقيقة اولاد ربنا يحفظهم
وتواصلت علاقتي بتمبس وكنت احس حقيقة كانه اخي الذي ولدته امي "وما زال هذا الاحساس"
ربنا يحفظه بكل خصاله الجميلة ومرحه "ويديه بنت الحلال البتستاهلو
ومنو القال تمبس ما وجيه؟؟؟؟دي حسادة يا ربي ولا شنو؟
شكرا يا امال لهذا البوست الخفيف الجميل
| |
|
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: أم سهى)
|
أم سهــى ..
ياخ ما تخلينــا نحب بعض كده كاتم صــوت ..
عارفه يا إقبــال .. عندي استاذة درستني في الإبتدائي متذكر اسمهــا ست فاطنة .. بعدما نتهيت من الإبتدائي ملامحة فضلت معاي .. وبتذكره في كل لحظة وبتمنى في كل لحظة اني اقابله ، جيت بالصدفــة القريبة جدا .. لاقيته وانا في تــالتة ثانوي وانا لابس لبس الثانوي .. وجاي من المدرسة .. تتخيلي هي الصاحت لي .. يا ولـد يا علاء اتلفته عليهــا نفس الملامح والشبــه .. هي قصيرونــة شوية اللحظة ديك جاني احساس اني اشيله اهتــف بيها .. وجدتها وجدتهــا..
كلما القــاك يا ام سهي بجيني احساس أهتـــف بيك .. اهتف بيك عديل يا ام سهى .. عارفه في لحظة من اللحظـات انا والمجموعة القلتيها دي . اكان صلاح شتات والا معتصم والا محمد الشيخ .. ويوسف حمد النيل الناس الحواليني ديل كلنــا يا أم سهى كنا بنستمد ( طاقتنــا) منك .. ما فترنــا لما شفناك قدامنــا ومليانة إصرار ...
ياخي أنت زولة عظيمة يا ام سهى علشان كده قلت ليك يا فردة خلينا نحب ساكت كاتم صــوت ..
وبلاي رشــا دي ما تهتمي لي كلامة ده .. انــا هــاني شــاكر زاتو ممكن أعمل ليكم ليهو نفسيات
| |
|
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: essam&amal)
|
تمبس انسان خلوق وولد اصيل جدا وندمان الما بعرفه والله
تعرفت عليه ايام حملة التضامن الذي اقامتها روابط البورداب بالشرقية لعلاج زوجي زهير , فكان تمبس من الناس الذين وهبو كل امكانياتهم ووقتهم للعمل الصبور برغم المسافة بين الرياض والدمام لكن حقيقة اولاد ربنا يحفظهم
وتواصلت علاقتي بتمبس وكنت احس حقيقة كانه اخي الذي ولدته امي "وما زال هذا الاحساس"
ربنا يحفظه بكل خصاله الجميلة ومرحه "ويديه بنت الحلال البتستاهلو
ام سهى الغالية شكرا ليك
والله انا ما بعرفه الا من خلال بوستاته هنا فى المنبر
لكنه رجل فاضل ويستحق كل ما يقال
وفعلا ندمان الما بعرفه
ان شاء الله نلتقى بيه فى الخرطوم
ام سهى بعد كلامك ده باقى لى كمال بكابس عشان يديه اخته
تحياتى للجميع
ام وضاح
| |
|
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: essam&amal)
|
يا أم وضاح ..
كيف حالك ..
والله أنا في الإجازة الفاتت اشتريت لي بيت ، قرّبت أكتبو بي إسم ( تمبس ) من شدة ما أنا متكيف منو ..
تصدقي الود ده لو ما كان ود ناس بيتهم ، كان ح يكون ود ناس بيتنا .. مرات بقرّب أناديه ( للعشاء ) ..
تمبس يستاهل كل الحب والاحترام ، لإنه زول ظريف ، وبيدخل القلب دون استئذان ..
تسلمي يا أستاذة ، ويسلم الود ( شعار الحافلة) ..
ويا تمبس بالله ما تجي بي جاي .. عشان ما تسمع ( الشُكُر ) في وشك ، وقالوا الشكرو قدامو نبذوه ، وانت حاشاك ..
أخوك .
صلاح عبدلله
ود ناس بيتكم الهناك ..
| |
|
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: essam&amal)
|
يا تمبس ود ناس صلاح عبد الله
انت وين الليلة ,,,,,
والله يا صلاح يا اخوى الله يكفيه شر العين فى ناس يقولوا ليك منبركم ده كم ناس تمبس ما كنا قريناه , اشمعنا ما بقولوا لو ما عشانكم انتوا ,,
غايتوا كان جاء الخرطوم نحن بنناديهوا للوجبات كلها .
والله يستر ما نسجل ليه بيت اولادنا نلحق صلاح عبد الله لو ما ربنا ستر .
ليك تحياتى اخى صلاح ,,,,
ام وضاح
| |
|
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: essam&amal)
|
نهال الحبيبة
اقعدى اتوهطى كويس وتابعى تمبس
والله تحبيه حب ,,,,,,,,,,,,
يدخل القلب من غير استئذان
وقلب ابيااااااااااااض
ناصع البياض ,
وتحلفى تقولى اخوى شقيقى
لك الود ام وضاح
| |
|
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: essam&amal)
|
| Quote: انا اسمى كمال ابراهيم عبد الله خريج هندسة معمار الخرطوم وما لقيت شغل هنا وما بفدر افارق امى عشان اغترب .. جاتنى عروض مغرية شديد لكن امى اغلى من كنوز الدنيا وافقت على عرض واحد بس فى دبى مع مجموعة استشاريين على مجمع لمدة تلاتة شهور وكان نصيبى منها مائة الف دولار اشتريت .. لامى بيت ارتحنا من الايجار واشتريت الهايس دى بتطلع لى فى اليوم مائة وعشرين الف صافى ..من غير البنزين والكمسارى والحمد لله . |
..العزيزة جدا أم وضــاح .. أنــا برضــو بتفأل بيك يا غالية ولما اشوفك في البورد بحس أننا ممكن نغلب اي فريق ..
وأنا داخل على صلاة الجمعة .. جاني اتصال من صديقة عزيزة جدا ( وسغيلـة ) في نفس الوقت  وغالية علي شديد قلت ليها سامع الإمام بتكلم عن المرأة العاملة في الخطبة قالت لي:
ممكن تديني مداخلة معاهــو ؟؟ .. قالت لي في بوست لذيذ فاتحاهو أم وضاح عنك وما قالت لي بيتكلم عن شنــو لكن كان عاجبه.. وللصدفة العجيبة دخلت المسجد .. واثناء الخطبة ( قلبي انشغل بي أمي ) مندون سبب والله العظيم .. طبعا بعدما دخلت خليت ( البورد ) بي وراي قلت انتهي من الصلاة وامشي اشوف الحاصل شنــو .. وطالما البوست من أم وضاح اكيد ح يكون اجمل ما انكتب وراضي بيهو قبال ما يتفتح ..
اتذكرت امي يا باشمهندس كمال واثناء السجــود كنت بدعى ليها زي كل ما بعمل في الخمسة صلوات البصليها وحيات خوتك .. مش حــاجة غريبة يا باشمهندس في الربط ده بين امي وأمك وأم وضــاح ..؟؟ الله يخليهم كلهم .. وكل الأمهــات الفي الدنيا دي ..
انتهيت من الصلاة ورجعت البيت .. فتحت الغرفة لقيت معتصم دفع الله قاعد قدام الجهـاز ما عارفو رجع متين .. جيت داخل قال لي بي ضحكة:
بقو يكتبوك في الحافلات يا عواليق ..؟!
يا رضا الله ورضا الوالدين ومحبة النــاس ..
أعز اصدقائي .. واول من عرفتهم اثناء شهور غربتي الأولى .. صديقي الراحــل عليه رحمة الله نورالدين .. كنت بلاقيهــو في الطريق وما بعرفــو . كان برفع لي يدو ويسلم علي من بعيد .. ما بعرفو .. لكن كنت بحس بي طمأنينة غريبة جدا ولما ما الاقيهو كنت بنتظرو عشان مدت الايد بتاعت الدقيقتين دي .. بعد فترة بقيت اقابلو واتطورت المسالة اصبح يجي يسلم علي في يدي .. وللصدفة العجيبة جدا يوم لقيتو قدامي في نفس المكان الشغال فيهو انــا ومن دون ميعاد ولا ترتيب واكتشفت انو شغال قريب جدا لي .. وبقينا اصحاب وسكنا مع بعض .. اطهــر ما لاقيت على البسيطة .. كنا بنتصل انا وهـو على ( أمــو ) في السودان وعلي ( امي ) ونفس الوصية البتقوله لي ( أمي ) كانت بتقوله لي ( أمـو ) Copy & Paste نزل السودان قدامي واصبح ود ناس بيتنــا بيتصل علي كان من بين ناس بيتنــا .. بيقوللي هــاك كلم الحاجة .. رجــع وكنت نازل انــا السودان . وكنت ناوي أعمل نفس الحركة بتاعتــو بعدما رجع آخــر مكالمة مع ( امــو ) كانت بتوصيني عليـهو بي كل لهفــة اقــل من شهــر من بعد ما جــاء .. كان مصر انو ماشي نهائي السودان وقدم استقالتو وحدد مواعيد السفــر .. كان معاي الساعة عشرة بالليل .. ورحــل واحدة صباحــا.. من سبعة سنوات لحدي الآن ما قادر اتكلم مع ( أمــو ) ولا قــادر امر على المكان المدفون فيهـو .. والحياة ماشة ..
معليش يا باشمهندس ويا أم وضــاح ... لكــن محبة الناس هي من رضا الوالدين والأم بالذات .. فيا باشمهندس .. الله يحلك مني أنت شخصيا والكرسي القدامي ده محجوز من حسع دي ( الحافلة دي عندنا فيها النص علشان حقوق النشــر .. أما السيدة ست الحبايب فربنــا يخليها ليك وتدخل بيها الجنة يـــارب .. وجميل انك ما بعدت من السودان كتير وربنا يوفقك ويوسع رزقــك .. كلامي معاك كتير جدا وما ح يكمل .. وح ابقى ليك في رقبتك ويحلك مني ( بله والزول قريبو الحلاهــو ) .. يا ام وضــاح خليني افضى ليك بس .. والفورة ألف
| |
|
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: tmbis)
|
العزيزة أم وضاح تحياتي القلبية لك ولكل مطلع علي هذا البوست , الأخ تمبس والله مهما أقول فيهو
بشعر اني مقصر في حقه , وسبحان الله أول ماشوفته حسيت اني بعرفه من زمان خالص ويوم قابلته بعد
دخول عالم سودانيز اون لاين , قلت ليهو والله يا تمبس أنا بحبك بشكل غير عادي وفي احدي المناسبات
جلسنا مع بعض نتونس وخلال الونسة إتضح لي انو صديق ابن أختي في الموردة - خور ابو عنجة وأنا
علاقتي مع أبناء اخواتي قوية جداً وهم أصحابي خالص والأن انا بعتبر تمبس ابن أختي ايضاً وما شاءالله
ما نقوم نسحره , وعندي بنتي الصغيرة بتقول ليهو ( ترمس عديل كده ) وهذا من حبها الشديد ليهو
وللترمس . الشكر كثير ليك يا ام وضاح ان اتحتي لنا فرصة التعبير عن حبنا الكبير
لابننا تمبس .
| |
|
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: tmbis)
|
من احبه الله
حبب خلقه فيه
انت بتدعوا لامك فى الصلوات الخمسة وامكن من غير مواعيد صلاة بتتذكرها
وتدعوا ليها , الغريب شنو انه الناس دى كلها تحبك وتدعوا ليك ؟؟؟؟؟
تمبس ازيك وآسفة للتأخير انتظرتك نهار امس وطبعا الجمعة والضيوف بعتذر للتأخير ليك ولى احبابك المتداخلين ديل كلهم .
والله الا تشوف بعينك محبة كمال ليك ووصفه كأنه اخوك ودعاه وامنياته وبتفاءل بيك عديل كده
وما غريب عليك يا اصيل .
لكن كلم صاحبك قول ليه لو شفت الحافلة الفيها اسمى تخلى الاغتراب .
ولو شاف الكاتب يا محمد اشفع لى { ص } كان قال شنو ؟؟؟؟؟
بشكرك على الثقة والقلم البكتب عنك الشين لسة ما صنعوه ,,
تحياتى
وراجعة ليك
ام وضاح
| |
|
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: Hani Abuelgasim)
|
يا جماعة هوووي دقيقة بس ..
أنا والله بي صراحة شغلكم دا ما بقدر عليهــو .. جني وجـن الحب الشديد ده
حسع انا أردرد أقول شنــو ..؟
..
.
رشــا سالم تعالي يا غتيتة شوفي الميرندا دي .. شــان بعدين كان ( طرشقت ) ليكم في شارع العليا العام .. يكون عندي حــق ..
.
.
يا عماد عبد الله .. الرووووب
وينك يا اصلي تعال حلني من ( الكلوجــة ) دي .. أخوك ( اتكلوج ) وأنت عامل نائم ؟؟ أخوك الكبير طلع أأصـــل منك
يا باشمهندس كمــال .. كلــو منك ..
ياخ أنت تمبس دي ما كان تكتبه بي قدام محلات ممنوع التحدث مع السائق .. يا العفش داخل الحافلة على مسؤولية صاحبه..
حسع كان عملتها امجــاد مالو ..؟؟
عليك الله عيب لي الأمجــاد صغيرة وجاهله
| |
|
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: Salah Waspa)
|
انا برضوا بحبوا والله ودعونى احكى ليكم عن الولد الحبوب ده كانت ابنتى الصغيره هاجر
طريحه بالمستشفى واتصل على الولد المحبوب ده اكثر من مره ليحدثنى عن برنامج لقاء لبورداب الرياض وعلم من زميل لى ان ابنتى بالمستشفى وعندما حضرت مساء اخبرتنى ام ختم
ان هناك اثنين شباب حضروا وشافوا هاجر وكان ذلكم الأثنين هم تمبس والعزيز شتات
فهم يجسدون عظمة السودان وابناء السودان ونحن بنعتبر نفسنا جيل لايتكرر فى الود والأعتزاز بالصداقه والعشره ولكن اثبت هؤلاء الشباب ان السودان بخير مش لى الحق احبوا
واحب البحبوا كمان وشوقى يتعاظم لصلاح شتات كنت اتمنى ان اراه مرة اخرى اين هو؟
ابو ختم
| |
|
|
|
|
|
|
|
|
|
Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: محمد المرتضى حامد)
|
قولي لي يا أم وضاح:
في أقصى طرف الخصومة يبقى عفيف اللسان ، يعرف مايكتب ، وهي سمة المتصالحين مع أنفسهم ،
يتقن عمله وهذا من أسس النجاح ، عندما يكاد أوكسجين البورد ينفد ولايكفي المتبقي من المخزون لتنفس ثلاثة أعضاء يطل تمبس ومعه (الأسطوانات) فينتقي من الألحان أشجاها فيخرج الجميع من شفير الأختناق الى ما يشبه الجزالة والأيفوريا euphoria ، وإن أفرد أشرعة الهوى أبكى الجلاميد، وأنا مبسوط منو لأنو بكّاي ويحمل نيشانا مورريتانياً في هذا الاتجاه قلّدته إياه المعلومة بنت الميداح رضي العشق عنها.
تبقى لغته الساخرة نسيج وحدها وأما تراكيبه اللفظية فيمكنه تسجيلها كملكية فكرية لتفردها تحت رقم متسلسل هو (السهل الممتنع) ، تلك اللغة لها ماتخلفه من مفاجآت وحالات (لاتوقع) عند القارئ ،
شوفوا محمد المرتضى قال شنو فى تمبس ؟؟
ده اسمه رأى بفهم .
تحياتى
ام وضاح
| |
|
|
|
|
|
|
|
|
 Re: I LOVE TIMBS {{ لا بعرفنى ولا بعرفه لوجه الله }} انا بحب تمبس يا ربى انتوا بتحبوه؟؟؟ (Re: essam&amal)
|
والله يا تمبس بقيت من الأمس ..
تعرف قريت البوست دا قلت صاحبي دا بقى زي أنا أحب باكستان I Pakistan البتتكتب في العربات ديك ..
شكراً يا أم وضاح على هذا البوست الراقي زيك ..
مهما حاولت أن أكتب عن تمبس ما ح أقدر وشهادتي فيهو مجروحة ..
بس عايز أقول حاجة إنو تمبس أخوي ودي الحاجة البعرفه ..
والشكر أيضاً للأخ كمال وزي ما بيقولوا المحبة دي من عند الله ..
وفي ناس تحبهم من غير تشوفهم وهذا ما حصل ..
ربنا يخلي ليك الوالدة ويخلي لينا جميع الأمهات ..
تحياتي مره أخرى ومودتي ..
| |
|
|
|
|
|
|
| |
essam&amal
رشا سالم
حيدر حسن ميرغني
tmbis
أم سهى
نهال الطيب
عفاف أبو حريرة
هاشم أحمد خلف الله
ASAAD IBRAHIM
Raja
Hani Abuelgasim
عمران حسن صالح
الملك
ALGARADABI
القلب النابض
حسام يوسف
fadlabi
Salah Waspa
الحارث سرالختم عبد الله
محمد المرتضى حامد
الجندرية
معتصم دفع الله
ملكة سبأ
Yassir Tayfour
محمد سنى دفع الله
أبو الحسين
فيصل نوبي
mohamed elshiekh
bayan
ماجدة عوض خوجلى
معاذ حسن
فيس بوك
تويتر
انستقرام
يوتيوب
بنتيريست