|
اااخ خ خ نسيت انو عيد ميلادي الليلة.....هل من مهنئ
|
دخلت البوست بتاع الاستاذة الشفيفة والكاتبة الاصيلة مني خوجلي لاهني بعيد ميلاد بنتها الامورة أية فأكتشفت او اتذكرت انو عيد ميلادي الليلة .....عيد ميلاد عمري مااحتفلت بيهو ولا اتذكرته الا بعد ان يفوت بي زمن.....
كل سنة وانا طيب ياجماعة...في حد عنده اضافة ولا وردة ...ان شاء الله حقت عشر بقبل بيها... اما صورة ولا غنية دي مابحلم بيها...والعاقبة عندكم في المسرات.... وللمابيهنيني....اقول ليهو بس ....... بيجي الخريف واللواري بتقيف...
|
|
|
|
|
|
|
|
Re: اااخ خ خ نسيت انو عيد ميلادي الليلة.....هل من مهنئ (Re: لؤى)
|
Quote: مبروك وتتربي في عزك الوردة الاولي ليك |
ذ عجاج...اقول ليك عيد ميلادي تقولي لي تتربي في عزك.....اتصلحي معانا ياخ
علي العموم وردتك دي اول وردة تجيني والاهم انها جات من وردة زيك
تسلمي ولك تحياتي
الشفيف لؤي اشكرك بحرارة وكل سنة وانت طيب يانسمة في عز الصيف
| |
|
|
|
|
|
|
Re: اااخ خ خ نسيت انو عيد ميلادي الليلة.....هل من مهنئ (Re: hatim ibrahim)
|
Quote: دخلت البوست بتاع الاستاذة الشفيفة والكاتبة الاصيلة مني خوجلي لاهني بعيد ميلاد بنتها الامورة أية فأكتشفت او اتذكرت انو عيد ميلادي الليلة .....عيد ميلاد عمري مااحتفلت بيهو ولا اتذكرته الا بعد ان يفوت بي زمن.....
كل سنة وانا طيب ياجماعة...في حد عنده اضافة ولا وردة ...ان شاء الله حقت عشر بقبل بيها... اما صورة ولا غنية دي مابحلم بيها...والعاقبة عندكم في المسرات.... وللمابيهنيني....اقول ليهو بس ....... بيجي الخريف واللواري بتقيف... |
خـلاص في زول كـده قـال هايحتفـل بعيـد ميلادت السـنة دء وايعزمنـا أنـا وآية بمناسـبته... لكـن الزول ده وانا كـنت لابـده ليه نسـااااااي أكـتر مـني..ولأنه مافي زل نسـاي زيي... أنـا قلت الزول ده عامـل فيها 'زغبير'.. موش هـو زول لونه أزرق جميل ولا شـنو ياربي?
كـل سـنة وانت طـيب..وكـمان فرحـان..ياياسـر.. السـنة دي وأي واحـدة بعـدها..وإن شـاء الله كـتيرات شـدييييـد..تكـون دايمـا سـعيـد وصحتك كويسة وبالك مـرتاح وكمان بيغني.. وحفلتنا ياها البـدت.. happy birthday Khalu آيـة ومني
| |
|
|
|
|
|
|
Re: اااخ خ خ نسيت انو عيد ميلادي الليلة.....هل من مهنئ (Re: Muna Khugali)
|
الجميلة ام الجميلة .....
Quote: أنـا قلت الزول ده عامـل فيها 'زغبير' |
والله ممكن اعمل فيها حامدبريمة يا مني بس لسة ما وصلت مرحلة زغبير...
يا استاذتي انيقة الكلمة انا للاسف ورثت اسوأ شيئ من اهلنا الجعليين وهو الثبات عند الكلمة والراجل عندنا بمسكوهو من لسانه.... عشان كدي اكان اجي كداري الا اوفى بوعدي لأية
بعدين زمان وقت فتحنا صيوان العزاء فوق بوستاتك الحلوات ديك باقي قلتي بتعملي لي حفلة وكدى ....اها الوعد مشي مع البوستات ولا شنو...انا صحي نساي لكن في حاجات كدا مابنساها....
تحياتي للامورة أية
| |
|
|
|
|
|
|
Re: اااخ خ خ نسيت انو عيد ميلادي الليلة.....هل من مهنئ (Re: عاطف عمر)
|
اخوي عاطف عمر شكرا جزيلا علي التهنئة وان شاء الله مانجيك في شيتا كعب...
تانيا انت بتلف وتدور فوق كم....
عمري دا سر مابيعرفوهو الا اتنين بس:
امي الحبيبة: الله يرحمها ويغفر ليها..
والتانية : التومة الداية الولدتني ودي رحلت من حلتنا من زمان ولا يعرف لها اي اثر..
يعني العب غيرها
بعدين ذكرتني حكاية حكاها لي زمان احد موظفي وزارة الخارجية البلجيكية وهو سوداني الاصل:
قال لي كانوا زمان عايزين يدوا تأشيرات لوفد من الخارجية السودانية لزيارة بلجيكا...وطبعا هنا
تاريخ الميلاد اهم من الاسم...فلما طلبوا تاريخ ميلادهم كلهم كان بيبدأ بي يواحد شهر واحد
{يعني كلهم تسنين} القصة دي عملت مشكلة كبيرة وقربوا ما يدوهم التأشيرة
| |
|
|
|
|
|
|
Re: اااخ خ خ نسيت انو عيد ميلادي الليلة.....هل من مهنئ (Re: yasir Abdelgadir)
|
Quote: والتانية : التومة الداية الولدتني ودي رحلت من حلتنا من زمان ولا يعرف لها اي اثر..
يعني العب غيرها |
سلامات يا ياسر
يا حبيب ما دام إنت من زمن ( الدايات ) البيولدوا خلاص عرفنا عمرك
بمناسبة طرفتك الجميلة أحكي لك واحدة مشابهة
عند جاء ناس الإنقاذ للسلطة أبرزت الصحف السير الذاتية للضباط الذين نفذوا الإنقلاب . كان اللافت للنظر أن معظمهم من مواليد الأول من يناير ، مما حدا بشيخ ظرفاء أمدرمان الهادي نصرالدين ( الضلالي ) لإطلاق طرفته الشهيرة
" يا كافي البلا الجماعة ديل ما فيهم ولا واحد مولود في مستشفى الدايات ؟؟ "
| |
|
|
|
|
|
|
Re: اااخ خ خ نسيت انو عيد ميلادي الليلة.....هل من مهنئ (Re: ALGARADABI)
|
Quote: والله ممكن اعمل فيها حامدبريمة يا مني بس لسة ما وصلت مرحلة زغبير... |
Quote: يا استاذتي انيقة الكلمة انا للاسف ورثت اسوأ شيئ من اهلنا الجعليين وهو الثبات عند الكلمة والراجل عندنا بمسكوهو من لسانه.... عشان كدي اكان اجي كداري الا اوفى بوعدي لأية
بعدين زمان وقت فتحنا صيوان العزاء فوق بوستاتك الحلوات ديك باقي قلتي بتعملي لي حفلة وكدى ....اها الوعد مشي مع البوستات ولا شنو...انا صحي نساي لكن في حاجات كدا مابنساها....
تحياتي للامورة أية |
أزرق صـافي سـمح...
انت ماسامع الموسـيقي ولا شـنو?
| |
|
|
|
|
|
|
Re: اااخ خ خ نسيت انو عيد ميلادي الليلة.....هل من مهنئ (Re: أحمد الشايقي)
|
Quote: ياسر / مني
انا معكم ما سبتكم لحظه احتفلت معكـم طوال ليل الوييكـ اند راقصت مني كثيرا و دخنا ياسر وانا اكثر من مره و تمشينا بطول ليل السبت ندخن في صمت خارجا .. و غنينا مع صالح الضي
مستني منكـ كلمة .. بس كلمة ما اكتر يخضر بيها ربيعي و عمر المظالم يقصر |
وديل عشـانك ياحـلو ربنا يخلي ليك لقـاء وأمها قـول آمـين..
انت وصـالح الضي تمام التمام...
| |
|
|
|
|
|
|
Re: اااخ خ خ نسيت انو عيد ميلادي الليلة.....هل من مهنئ (Re: Tumadir)
|
Quote: وعقبال تطفى الشمعة المية ..يا لجنن عبد القادر |
الاستاذة الراقية تماضر
كل عام وانتي كبيرة فنا ومكانة في نظري ونظر الالاف من معجبيك
فنحن نعشق فيك الفن والتمثيل ونضرب بك المثل في ذلك....
ومازلت ارمز للفن بك وكناية عن القول اني اعشق التمثيل والفن منذ نعومة اظافري فأستعير بأسمك الرمز في ذلك...ليس كناية عن العمر{ فأنت مازلت في ريعان الشباب امد الله في عمرك كمان وكمان واقول ذلك عن معرفة وليس من باب المجاملة}
لذلك اقول دوما اعشق تماضر منذ نعومة اظافري لان الفن هو تماضر وتماضر هي الفن
| |
|
|
|
|
|
|
Re: اااخ خ خ نسيت انو عيد ميلادي الليلة.....هل من مهنئ (Re: منصور شاشاتي)
|
Quote: والله انت فايق يا ياسر |
الاخ العزيز منصور شاشاتي
قليل من الفياقة مفيد جدا صدقني
وعلاج لبعض امراض الدهر المستعصية
فخصص بعضا من وقتك وخليك فايق شوية
Quote: أطال الله عمرك ومتعك بالصحة والعافية وحقق لك امانيك |
تسلم علي الدعوة الجميلة وانت كذلك متعك الله بموفور الصحة والعافية فهما اهم مافي الوجود
ودمت
| |
|
|
|
|
|
|
| |