|
Re: الغبي النافع ... والافادة الخفية للكيزان ...... (Re: وليد محمد المبارك)
|
موضوعك محير...
Quote: الغبي النافع ... والافادة الخفية للكيزان |
الإفادة الخفية دي شنو؟؟؟ تقصد الإستفادة؟؟
Quote: ولم يدور بخلد هذا الغبي النافع ... ان الكيزان في اكثر التعدادات املاً .. لا يتعدون المائة الف .. وان المعارضة لاتتعدى المليون .. في بلد فيه 39 مليون في اخر الاحصائيات .. فل نقل بالاحصايئة القديمة 30 مليون .. فما انتم وما الكيزان نسبة الى الشعب السوداني غير المسيس . ويعتقد هذا الغبي النافع .. ان منبر سودانير اون لاين .. هو بضعة الالوف التي ترد والتي لها صلاحيات الرد .. واعتقد ان الاعضاء لايتعدون الالفين باي حال ومن الاحوال .. فلنقل خمسة الاف |
إحصائياتك دي أوعى تكون من نفس المصدر (داك)....
عموما ..ليه حصرت الظاهرة في (إستفادة)الكيزان فقط...مش ممكن يكون في كوز (مفيد) لغيرو سلام
| |
|
|
|
|
|
|
Re: الغبي النافع ... والافادة الخفية للكيزان ...... (Re: وليد محمد المبارك)
|
استغربت جدا وانا اراك بالتحليل "الهندسى" الدقيق ده ..تقلل من قيمة العمل السياسى او الاهتمام بالسياسة بين افراد الشعب السودانى ..
الشعب السودانى يتعاطى السياسة مع كل لقمة عيش تشبعه "او كل لقمة عيش تجيعه" المهاجرون هاجروا لاسباب سياسية والمرابضون لاسباب سياسية ..وكل من ارسل للدفاع الشعبى اقحمت امه وخالته فى المفهوم الساسى وكل من قتل فى حرب وتيتم ابناؤه فتح عيونهم على السياسة.. وكل امراة اغتصبت او شوه بدنها بيد ظالم جرىء تعرف ما هى السياسة ..وكل من اعتقل وعذب فى بيوت الاشباح اقحم بنيه واصدقاءه وزملاءه فى العملية السياسية ..وكل موظف ينتهى به شارع الوطيفة المتعرج الى سياسى ما وكل فاقد وظيفة جالس على كبرى فوق لستك ما يعرف ان السياسة هى التى اجلسته عاطلا عن العمل فوق ذلك اللستك..والذين اسموهم بالنازحين والذين تكشهم قوات البوليس فى كل يوم اغبر وكل طالب او تلميذ فى السلم التعليمى او ما فوقه هو جالس فى وضع سياسى قبل ان يكون اكاديميا .. وفى كل كبد رطب ....سياسة..
بالله كيف اتيت بهذه الاحصائيات التى تجمل عدد المتعاملين حتى بحب الاستطلاع على سياسة السودان الى بضعة الاف او قل بضعة ملايين لا تسد رمق الواقع السياسى؟؟
وليد؟؟ من انت؟؟
| |
|
|
|
|
|
|
Re: الغبي النافع ... والافادة الخفية للكيزان ...... (Re: Tumadir)
|
يا وليد ........سلااااامات ياخ عارف من هوجة اخونا عبد العزيز ضدنا (الما قدم فيها دليل بس انصرف لجر الناس لاحاديث انشائية ) صرت اتحاشى بعض البوستات او كل البوستات الفيها ذكر للكيزان والاسلاميين رغم اننى منهم وساظل الى ان يثبت دليل بالدليل القاطع انهم خطأ ، طيب عارف ليه ما (بخش ) لانى حسيت انو فى ناس كدا ما موضوعية وعاوزة بس تلطم طبعا انا المسالة دى ادتنى قناعة ان البناء الجميل واللامع والكلام الكتير عن الوعى والاستنارة والتميز والفهم بتاع خصوم الاسلاميين بره السودان وجوه السودان ثبت لى انو معظمه ادعاء وانو الحكومة بتكسب بشتيمها وتهييج الناس عليها بالاباطيل اكثر مما تخسر وكذا الاسلاميين طبعا - فى فرق بين الاتنين - ولو كنت طلبت نصيحتى كان نصحتك انك تلزم الصمت وتمارس المقاطعة مع البوستات الفيها مبالغة وتحقير وشتم للناس وانا فهمت من كلامك انو بعض الناس من حيث ارادت تفيد تنظيماتها وقناعاتها فانها تضرها ودا واضح ..هسة شوف فى كم زول مشنكل مع اخوهو ولا رفيق نضالو فى حاجات حتى الاسلاميين ما ليهم دخل بها (خلافات شخصية وداخلية بيناتهم ) وعموما غايتو (شيل شيلتك ) يطلعوك دفعة الفريق عبد الماجد حامد خليل ولا يقولو ان السجان الشنق محمود محمد طه الناس هنا بتابى النصيحة يا اخوى
| |
|
|
|
|
|
|
Re: الغبي النافع ... والافادة الخفية للكيزان ...... (Re: وليد محمد المبارك)
|
يا وليد .......انسى الناس دى يا تكون (اعوج ) يا انك ظلامى وخاش تبوظ عليهم وتدمر احزابهم ووحدتهم يعنى التقول قناعاتهم دى (كراتين ) ممكن مجرد نصيحة تفرتكهم .. غايتو يا اصبر يا عاين ساااااااااااكت ، نحن الناس الجوه السودان كوز ولا شيوعى ما المشكلة لكن المشكلة انو الناس البره عايشة فى وادى وتفكير ونظرة الناس للاوضاع فى حتة تانية غايتو ..يا حاج ولى ...بس خلى مسلسل دكتور معز دا يكمل ...الشكلة متحمداك
| |
|
|
|
|
|
|
Re: الغبي النافع ... والافادة الخفية للكيزان ...... (Re: وليد محمد المبارك)
|
هو بالله يا محمد حامد ده الجايننا بيه المعارضين الاشاوس
تفتح خشمك نطردك بره يا تتكلم كلامنا يا تشوف ليك محل تاني يعني كان هم ضاقو وزهجو مننا في البورد الصغير ده لمن يحكمو البلد دي حا يمرقونا وين
نحنا لينا الله
ومافي شي بجريني
هم قالو كلامهم والكيزان قالو كلامهم وعملو عملهم
وانا والزي بي جاي بنقول كلامنا
العجبو عجبو والما عجبو يناقشنا والما عجبو وما عاوز يناقشنا يشرب من اقرب محيط جمبو
| |
|
|
|
|
|
|
اعوذ بالله من الكيزان .. ومن الشيطان الرجيم (Re: وليد محمد المبارك)
|
اعوذ بالله من الكيزان .. ومن الشيطان الرجيم
والله حوار محير فعلا .. زي مصارين خروف الضحية ما معروف وين مدخلها والاهم مخرجها .. بس عارفين يا شباب طلعت من كلامكم دا بنتيجة مفيدة .. فعلا نحن لا نطيق من يعارضنا الراي وحتى لو تظاهرنا ببعض العبارات الدبلوماسية في الحوار فان الثقافة الغالبة هي ثقافة الاقصاء الفكري للاخر .. بعدين تعالوا هنا : هل الكيزان ديل فعلا بعبع مخيف للدرجة دي ؟ وهل مجرد الحديث عنهم سواء سلبا او ايجابا ربما يضع العضو في محل استفهام مفعول به .؟ تنفق الان جميعا على اقصاء الكيزان -وان حدث بعد السلام كما نحلم - سوف نختلف جميعا من جديد
اقول لكم قاعدة اؤمن بها .. ان اكون منتميا لاي حزب في العالم لا يعني هذا انني مؤمن 100% بكل مواقف الحزب وافكاره .. وهذا ان حدث فانه يعني ببساطة انني "مفغل نافع" لا استخدم عقلي الا كي اقول "نعم" .. واللبيب بالاشارة يفهم
وتصحبون على وطن ينتظر منكم الكثير
| |
|
|
|
|
|
|
Re: الغبي النافع ... والافادة الخفية للكيزان ...... (Re: وليد محمد المبارك)
|
الأخ وليد واصبح الواحد يخاف من كلمة أخ فيتم ادراجه تبع المغضوب عليهم من شلليات البورد .. انت عارف يا وليد اييييي زول قاعد جوة السودان في نظر الشلليات دي هو طواااالي كوز او موالي للحكومة عايزين كللللللل الناس دي تطلع برة السودان وتعارض ويبقا ماف زول زاتو عشان الحكومة تحكمو ونبقا كلللللللنا معارضين .. واي زول بيحاول اكتب اي حاجة في غير مصلحة تلك الشلليات فهو كوز يعني يا تكتب عن المناضل عبد العزيز خالد ولا تقول عرمان ارجل زول ولا تهتف بي حياة جون قرنق ولا اوووووووعك تكتب .. عشان كده انا بقترح عليك وعلينا كلللنا ان نكتب فقط عن جنة الاطفال أو اغنية جديدة لي فرفور أو رقيص العروس أو موضوع غير السياسة لانها اصبحت حكر وماركة مسجلة لي الشباب ديل .. معليش للتخريمة دي واجيك في موضوعك .. الشعب السوداني فعلا قلبو مات سياسيا لانو جرب كل الوان الطيف يعني بدينا مستعمرين بقينا ديمقراطيين وجربنا الاشتراكية وجربنا حكم الاحزاب وجربنا الديكتاتورية وحكم العسكر والاسياد واييييييييييييي شي وبرضو ما نفع يعني بس فضل لينا نكون بدون حكومة واي زول بي جازو ... كل المعارضين الحاليين كانو في الحكم من قبل فماذا فعلوا؟؟؟؟؟؟؟؟ اذن لنا الحق من يصيبنا الاحباط السياسي لاننا ندرك بأن القادم سيكون ليس بالافضل من الموجود والموجود ليس بافضل من سابقه وووووو
| |
|
|
|
|
|
|
Re: الغبي النافع ... والافادة الخفية للكيزان ...... (Re: عمر الفاروق شيخ الدين)
|
ديل بتكلمو كلام غريب
يعني يا تداهنهم يا ما تدخل هنا
اتحداهم كلم نحنا النجضنا في البلد دي عشان ما عندنا حزب ولا واسطه تمرقنا لي بره
انا دخلتالحراسة 3 مرات الثلاث مرات مشكلة مع الكيزان والثلاث مرات ما مشاكل سياسية مشاكل اجتماعية(عشان ما تقولوا عامل فيها جيفارا)
مره عشان بتاع شرطة شعبية شاغل بت حلتنا دقيتو وصادف انو اليوم ده كان عيد الشرطه الشعبية وحياتك جوني بكسيين بكلاشاتهم وكل واحد فيهو 10 رجال
وودوني القسم وبت هناك انا واخو البت
لاكن بس الله ستر انو القاضي كان نزيه ومرقني انا واخو البت براءة وشاكل العسكري
تاني مرة برضو عشان استاذ شحد بت زميلتنا (راوده عن نفسها) الكلام في الجامعة وطلع الاستاذ كوز تاني يوم جاني رائد عديل كده ودوني القسم وكتبوني تعهد بعد التعرض للاستاذ بالله شوف
التالته كنت مسافر كسلا فتشونا تفتيش الشايلين بنقو لمن احتجيت ودوني الحراسة
ما البتكلمو كلهم ديل ضاربين السقط في امريكا ودول اوربا وياني انا البطلع للمواصلات بعد صلاة الصبح عشان احصل الشغل والله العظيم انا في محل شغلي مدير عديل كده لاكن ما عندي عربية عشان ما كوز وسايقين العربات كيزان اتعينو بعدي بي اربعة سنين
تماضر بتتكلم عن الدفاع الشعبي انا دخلتا دفاع شعبي عشان اقراء الجامعة- اها رايك شنو تماضر بتتكلم عن بيوت الاشباح والحراسات- اها انا دخلت حراسة وبسبب مشكلة مع الكيزان لاكن ما سياسية اها رايك شنو تماضر بتتكلم عن الشغل والاتهاض والطرد- اها انا اشفت زول بتاع كمبيوتر في وزارتنا وما عندي عربية والكيزان الاتعينو بعدي سايقين عربات
تماضر بتتكلم عن الكشات والنازحين - ادوني بيت محلات النازحين خطه اسكانة بستحقها عشان شغال في الحكومة ومن مواليد الخرطوم ومتزوج وعند ولد وبت درجاتي ادني بيت في خطه شعبية - وحياتك ما قادر ادفع الثلاثة مليون عشان اشيل بيتي الواقع بعد الحاره 72 وخلف المناطق البتقولي عليها دي
الشي الخلصتا ليه اني ببر للكيزان افعالهم ديك كلها عارف ليه عشان المعارضة لقت ليها سلطه في بورد فقط مارست لينا لتحكم والتعالي الفكري والطرد والاقصاء الحزبي( المصطلحات القبلي شوية دي جايبها من راسي عشان ماتمسكو لي فيها وتقولو لي جبتها من وين)
اكان المعارضة دي مسكت الحكومة البحصل شنو من القراءه لمداخلات البورد ده
شكرا لجميع المتداخلين والواحد بياسف انو ناس كان بعتقد فيهم يلقاهم بفكروا فيهو بالشكل ده انا محمد احمد الما كوز ولا تجمع وطني
ومن هسع نفتش لينا حزباً نتلما تحتو عشان ما ننداس فس الرجلين
| |
|
|
|
|
|
|
Re: الغبي النافع ... والافادة الخفية للكيزان ...... (Re: وليد محمد المبارك)
|
تعرف يا وليد انا طلعت مشوار بعد كتبت ليك المداخلة دى وجيت اشوف ردك بخصوص الموضوع الانا دايراك تناقشنى فيه..اللى هو بالتحديد الاحصائية ..
حسب فهمى العجيب تاريهو..انت قلت انه بالكتير المهتمين بالسياسة فى السودان ما بزيدوا عن رقم انا شفتو ضعيف وصغير..حاولت افهمك انه الناس المهتمين بالسياسة تقريبا "كل زول" فى السودان..لاسباب انا سقتها فى امثال ...
ما حصل كلامى ده احتوى على تهمة موجهة ليك انت شخصيا..كدى ارجع اقراه بررررررراحة وتعال شوف ردك المنفعل ده كان ليه؟
انا ما بفتش قلوب الناس ولا بعرف ما تخفى الصدور..
سالتك بالواضح "من انت؟" اى اقصد من اى المنطلقات اتيت بهذا التحليل؟ الغريبة رايى يعطى الحق لكل فرد سودانى ببمارسة السياسة ...وبقدرة قادر طلعت "احجر السياسة" على فئات معينة..
ماعارفة الحاجات دى بتتعمل كيف؟ تفتكر كان احسن تكتب الكتبتو ده بدون نقاش؟؟ جدا تانى مافى نقاش
الله يديك العافية
| |
|
|
|
|
|
|
Re: الغبي النافع ... والافادة الخفية للكيزان ...... (Re: عمر الفاروق شيخ الدين)
|
اسف جدا يا تماضر
يمكن ربط كلامك مع كلام دينق ولا يمكن عشان بشاشا قال لي ياكوز في موضوع الشمال ودارفور داك من اول يوم هيجني
كل الناس رديت عليهم بي برود لاكن لمن فسرت كلامك انت بالذات بالصورة الغلط الفهمتها بيه زعلتا جد
صعب على الزول كلام يحرقو من زول بعزو
ولك العتب حتى تستغيثي
سوال كده بره الموضوع انت الفي الصورة ده شعرك ولا باروكه
| |
|
|
|
|
|
|
Re: الغبي النافع ... والافادة الخفية للكيزان ...... (Re: Tumadir)
|
لوووووووووووووووووووول
والله فى بوستات رايحة على عشان مشغولة الايام دى بناضل بالكيىبورد
البوست دا فى السلك.. معناها فى اجيال جديدة بدأت تشيل راية الظلام مننا.. ما تشتغل بالناس الوهم دى.. لانها بتوزع التهم مجانا... وعادى هنا يلبسوك تهمة بدون سبب اسع حيقولو انك فى الامن كمان..مزروع هنا عشان الحكومة مضايقة شديد وخااااااااائفة موت من نضال الكىبورد يقلبها..بعد النضال بالسلاح ما نفع
انعم بطول سلامة يا مربع
I LOVE THE BIG BROTHER*
راجع كتاب جورج اورويل 1984
| |
|
|
|
|
|
|
Re: الغبي النافع ... والافادة الخفية للكيزان ...... (Re: وليد محمد المبارك)
|
والله يا وليد نحن ناسنا ديل في الفهم يحيروك كللللللللللهم لكن مشكلتهم بيخرمجو بعد يصلو القمة .. افهم سياسي مرة علي البلد دي كان المحجوب الله يرحمو وده الزول الوحيد الكان صاح لحدي ما مات .. الترابي ما جابا بي حقو شديييييد كده لانو وصل ليها بي طريقة غير مباشرة عن طريق نسبه مع ال المهدي والتي اسهمت بدور كبييير وفاعل في تثبيته سياسيا ولكن رغم ذلك لا احد ينكر عقبريته التي بدأت تأفل وتتضارب وتتلخبط عندما ضربه هاشم بدر الدين ومن دييييييك وعيييييييييييق ... كل السودانييين فاهمين سياسة كل السودانين ما فاهمين تطبيقا تصبح علي خير يا مان زمني ابتسم ولي قريب انشاء الله
| |
|
|
|
|
|
|
Re: الغبي النافع ... والافادة الخفية للكيزان ...... (Re: عمر الفاروق شيخ الدين)
|
الأخ وليـد محمـد المبارك، يا خوى مالك داير تلخبط شـويـة السياســة الفى روسين الناس دى. كل المرات اللى الترابى خش فيهـا الحكومة ما كانت، لا من راسـو لا من كراسـو.. وإنما تسلقـا على أكتاف الغيـر. ففى العهـد الديمقـراطى، كان يعتمـد على الطائفيـة (ويكيـد لهـم فى الخفـاء).. ثم حلف اليمين الغليظـة لمايـو وحل الأخوان المسلمين (للمرة الكم) وأستـوزر النميـرى حتى وزره.. ثم إستغل أشــرف كيان ســودانى، وهـو القـوات المسلحـة، وجاء على الدبابـة، عنـدما سـقط فى الإنتخابات فى الصحـافـة، ولو نجـح فيهـا ودخل البرلمـان لكان لك الحق فى وصفـه بأنـه جابا بضـراعـو. بعدين بينى وبينك.. الذى يبنى المجـد بالكفاح الشـريف النضيف لا يفقــده فى لمحـة بصـر، مثلمـا يفقـد المقامــر الملايين فى لحظــة!!
| |
|
|
|
|
|
|
Re: الغبي النافع ... والافادة الخفية للكيزان ...... (Re: وليد محمد المبارك)
|
وليد تحياتي.
الكوزنة ماعضوية، عقلية!
فاذا بتقول لي لازم اوريك عقيدتي شنو، قبل ماتناقشني، وكشرط، فانت بهذا انما تنبئ عن ذهنية كيزانية.
اعتقاد الواحد خاص بالواحد ولايحق لكائن من كان التطفل بالسؤال في الحتة دي.
في كل ثقافات الارض، هناك حرمة مرعية لعلاقة الزوجة بزوجها مثلا حيث لا يصح الخوض فيها بالسؤال، فمابالك بالخالق، او علاقة مخلوقو بيهو؟
ده فهم للاسلام وافد اجنبي ودخيل علي قيم سماحة اسلامنا الصوفي الوديع، المترع بالنبل والاخلاق العالية، حيث التوحيد او الدين ممارسة، وليس مجموعة نصوص تحفظ وتسمع كما اشرطة الكسيت!
ولهذا لاوجود للدين كشحنة روحية في حياة الكوز، وكنتيجة، نجده اجرم وافسد خلق الله في السودان اليوم!
| |
|
|
|
|
|
|
Re: الغبي النافع ... والافادة الخفية للكيزان ...... (Re: Bashasha)
|
بشاشا يا هادي مرحب بيك
وبي نفس الهداوه
اولا كلام لاذم توريني عقيدتك انا قلتو لي بكري في موضوع الشمال والغرب
وده عشان في كلامو قال مشكتهم مع الشماليين ما مع حزب او لون سياسي ورجع مشكلة الشماليين لي الدين وتعلقهم بالعرب ومصطلح الاسلموعربية واضح
فانا قلتا ليه لو عاوز تتكلم عن الشماليين وعن دينهم وعن انو سبب في مشاكل البلد دي
اول شي افصح عن دينك
عشان ما من العدل تنتقد دين وانت ما موضح دينك مامكن تيكون المشكله في دينو هو
يعني الكلام ده انا ماقلتو لي زول تاني في موضوع تاني الكلام ده لي بكري وحتى بكري بس في موضوع بتاع الشمال
اما حكاية انك توصفني بالكوذة عشان غلطه او فسرت الدين غلط مع اني ماشايف غلط او لي مجرد اني سالت لي سوال مافي محلو وبرضو شايف سوالي في محلو ده كلام ما بقبلو ياخي راجع نفسك وانا ما بسمح لا ليك ولا لي امي زاتها تقول لي كوز
وشكرا على المداخله الهاديه
| |
|
|
|
|
|
|
|