الاعزاء عصام احمد -وجدى الكردى -محمد على يوسف -عبدالله الشيخ -نشأت الامام - رأفت ميلاد ابتداءا من اليوم سوف اقوم بتجميع كل صور صيد الكاميرا فى بوست واحد بناءا على اقتراح الاستاذ بلة موسى ..وفى البداية خلونا نشوف الخريف بيعمل شنو فى العاصمة الحضارية .....
08-10-2006, 02:44 PM
محمد علي يوسف
محمد علي يوسف
تاريخ التسجيل: 05-16-2006
مجموع المشاركات: 327
سلامات فوق يا عباس ولا يهمك الشباب اليومين ديل كلهم غاطسين ليهم في قصص عجيبة وما اظنهم حيطلعو منها قبال ما يطلعو عيننا لو شايف معاي اجتماعات مسلمين من جهة واجماعات مستنيرين من جهة ناس تحارب في طواحين الهواء ياخي الصور دي هي الواقع المر البيعرفة السوداني البسيط قال مسلمين قال وعشان كده مشكلة السودان دايما كانت في مثقفينه المهم
واصل يا زول وافضح زيف الكلام بي صور الواقع بلا اجتماعات معاهم ابقى فوق ودايما بي خير
عباس كما عودتنا دائماً ، تدهشنا وتدهش القراء بصورك ولقطاتك التى تحتارها بحس فنى وصحفى شفاف ، وهذا هو سر نجاحك ، واصل ولا تتردد مهما صادفتك من متاريس وعقبات - كردى وين انت الرأى العام دستة من الناس-
08-13-2006, 08:47 AM
خالد خليل محمد بحر
خالد خليل محمد بحر
تاريخ التسجيل: 07-19-2006
مجموع المشاركات: 4337
العم/عباس اتحفتحا بهذه اللقطات الرائعه واتمنى المزيد منها.عندى ليك مشروع صوره تجنن من الكوبرى الجديد ,حيث تقوم بتصوير غابه السنط التى هى فى هذه الايام فى اروع أيامها,اتمنى ان تصور هذا المنظر البديع.
08-13-2006, 09:12 AM
شول اشوانق دينق
شول اشوانق دينق
تاريخ التسجيل: 02-13-2006
مجموع المشاركات: 5332
عباس الخترى.....زمان زمن نميرى كان فى نشيدين واحد بقول امتى يا امة الامجاد واتحققت وبقينا امة امجاد وركشات والتانى بقول دايرين نشوف كل الغبش واقفين صفوف واهو وقفهم المتعافى...واصل كفاحك،،،
قامت سلطات محلية الكاملين بولاية الجزيرة يوم امس الاربعاء الموافق16 اغسطس 2006 بازالة قرية دار السلام بالباقير واجبار سكانها على الانتقال الى منطقة تقع على بعد 11 كيلو متر جنوب غرب المنطقة المزالة.. والمنطقة الجديدة تكثر فيها اشجار المسكيت ولا يوجد بها مساكن ..الجدير بالذكر ان المنطقة المزالة ستقوم على انقاضها مدينة الاحلام ( دريم لاند) لاحد المستثمرين العرب ..
وهذه الطفلة الصغيرةتطالع دروسها فى الهواء الطلق لتحقيق احلامها الصغيرة مع استبعاد حصولها على شبر فى مدينة الاحلام..
08-17-2006, 12:40 PM
ناصر الحاج
ناصر الحاج
تاريخ التسجيل: 11-07-2005
مجموع المشاركات: 326
كم هذا مؤلم .... كل مااطالع صور اهلى الغبش ..وماتمارسه حكومه الجبهه فى حقهم بشتى انواع الموت وخاصه البطئ منه ...من جراء المياه الملوثه والملاريا والاغذيه الفاسده وبروميدات البوتاسيوم وووو لا اعرف الى اين؟ وماذا بقى من بلاء لم تمارسه حكومه الجبهه فى حق اهلناالغلابه؟!! حقا انها ماساه كبييييييييييييييييره ... ويبقى السؤال ثم ماذا بعد؟؟؟ هل يكفى الشجب والادانه ووووو !! اسلئه كثره تدور كثيرا ...بداخلى وخاصه وانا ارى المواضيع الانصرافيه للعديد من البوستات فكيف ينام لنا جفن ويهداء بال و اخواننا يصارعون الموت كل يوم حتى اصبح الموت شبح دائم فى كل بيت كم هذا محزن...مرت ت العديد من البوستات التى تلمس قضايانا ووتمر كل يوم ولكنها سرعان ماتذهب لتظل البوستات الفارغه المضمون ..ومابها من خلافات وضغائن ..وانا حقا اشعر بتقصيرنا جميعا تجاه اهلنا اتمنى ان نفعل شى لهولا ...فالتغير يبداء بخطوه لااريد التنظير ولكنى ارحب باى شى يساعدهم ولو كنا كلنا نطمح لتغير جزرى وانتفاضه قويه تعيد لشعبنا امجاده وتحفظ له كرامته ا اقترح ان يكون هناك حساب جارى باسم الموقع وان يساهم كل من يستطيع كل شهر مثلا بدولار / يورو ريال/ جنيه/ دينار واحد فقط على اسوء الفروض وهذا ليس مبلغ كبير ولكنه يعنى الكثير للمحتاجين وفى نفس الوقت هو صدقه واجر للمتبرع ..سواء اعضاء فى الموقع او قراء وان يكون هذا الصندوق للطوارى لمساعده المحتاجين ليس لدى تصور كامل غير اننى اتمنى ان نسعى لاى شكل يساعد ماديا اهلنا الغلابه والمشريدين ويمكن لاعضاء البورد المقيمين فى السودان ان يشرفوا على توذيعه مثلا على الفئات المحتاجه..اتمنى ان يظل البوست فوق واتمنى من الاخ بكرى تثبيته كما اتمنى ان نعمل من اجل التغير كل باسلوبه المهم ان نذيل القبح ونسعى من اجل التغير الكبير شكرا كثيرا اخ عباس .
(عدل بواسطة ناصر الحاج on 08-17-2006, 12:45 PM) (عدل بواسطة ناصر الحاج on 08-17-2006, 12:47 PM) (عدل بواسطة ناصر الحاج on 08-17-2006, 12:48 PM)
Quote: قامت سلطات محلية الكاملين بولاية الجزيرة يوم امس الاربعاء الموافق16 اغسطس 2006 بازالة قرية دار السلام بالباقير واجبار سكانها على الانتقال الى منطقة تقع على بعد 11 كيلو متر جنوب غرب المنطقة المزالة.. والمنطقة الجديدة تكثر فيها اشجار المسكيت ولا يوجد بها مساكن ..الجدير بالذكر ان المنطقة المزالة ستقوم على انقاضها مدينة الاحلام ( دريم لاند) لاحد المستثمرين العرب ..
تعرف يا عباس عزت كان ما كان التاس دول غبش وسود كنت غالطك وقلت ليك الصوره دى فى غزه ولا الضفه الغربية يعنى اليهود صدروا لينا ثقافه قاتل الله الظلم قاتل الله الظلم قاتل الله الظلم قاتل الله الظلم قاتل الله الظلم قاتل الله الظلم رأفت ميلاد
الاستاذ/عباس عزت بالله حقو ترسل الصور الى السيد رئيس الجمهورية السيد النائب الاول لرئيس الجمهورية السيد النائب الثانى لرئيس الجمهورية السيد كبير مساعدى الرئيس السادة مستشارى الرئيس السادة مساعدى الرئيس السادة الوزراء السادة وزراء الدولة السادة نواب الوزراء السادة نواب وزراء الدولة السادة اعضاء المجلس الوطنى ( طبعا ماممكن اكونوا نواب ) السادة الولاة السادة مستشارى الولاة السادة وزراء الولايات السادة المحافظين السادة نواب المحافظين . . . . . . .
شايف الناس دى كلها بتصرف مرتبات ومخصصات وعربات وحراس وبنزين وووو والشعب يتلاشى ويذوب كحليب النيدو
لك شكرنا وتقديرنا
08-19-2006, 04:39 AM
محمد سنى دفع الله
محمد سنى دفع الله
تاريخ التسجيل: 12-10-2005
مجموع المشاركات: 10986
شكرا لك وانت تنقل لنا الخرطوم.. بؤس المواطن السوداني... سمعت ان الوالي قد قال ما ممكن يخسروا كمية القروش المحتاجين ليها لعمل صرف صحي عشان مطرتين تلاتة في السنة.. يعني ما كوست افكتف..
عجبتني صورة الصف الغير متناهي بالجد اول مرة اشوف صف في السودان منضبط..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة