كتب الكاتب الفاتح جبرا المتوفرة بمعرض الدوحة
|
نَـفــَســـِك هــِيــــــــْل
|
غَـامَتْ بِيْن أمْوَاج الْغُرْبَـة الحْـَالْكَة
وْقَالـَت
قَـلْـبَكْ قـِنْدِيـلْ
مـَاجَتْ
بِين أمْوَاج أَحْزَانِي وحِزْنَت ،
نَزَلِتْ مِنَّهَا دَمْعَة وقَاَلتْ
قَلْبَكْ مِنْدِيْل .
ِبْين اْلِفْعل
وَصَدّ الْفِعل
تَاهَتْ مِنَّها كُل خَطْوَاتَها
هِي الْمَمْدُوَدة
ِبْين الْشَمسِ
وَشاطِي الّليْل
نَدَهَت َيازُوْلاً عَاشِق
شَايِلْ تـَاج الْعِزَّة
ورَاُيه سَدَيـْد
أبْقَالـِي دَلِيْل.
نـَامَت بِيْن أَجْفَان أحْلامِي
وْحِلْمَتْ
شَافَت
قِيْفَة تْطَارِد مُوجةَ اْلِنْيل،
صَرخَت
هُوي
يـَاصِْبَيَّنْ سَدَرُوا
وخَلّوا الْشَتْل النَّيْ عَطْشَان
أقـِيْفــُو ا
وشِيْلوا مَلَوْد الْمَغْنَى
عَشَان
َنبْذِر كِلْمَة تَْجابْه الْرِيْح
هوي
يـَا جَنُّويـَاً
يِسِنْدُوا الحِْيْل
الْبــَلَد
الْقَيَّل فِيْ مَرْجَاكُم
صَابِر،
أسْرِجُوُا صَهْوَ الجِّْن الْجَامِح
خِيْل
وصُدُّوا عَلَيْهُ
الْبَلَد الْوَاقْف
فِي الْحَرَّايَة
هَجِيْرَها الَّلافِح
رَاجِي ضِلِيْل.
شَافَتْ غِيْمَة مْسَافْرَة رُؤاك
صَرَخَت اصْحِي،
فَزِّيْتِي
وجِيْتِي عَلَيْ
قَلْبـِك يِضْرُب زَيْ (هَبَّابَة)
حُضْنَك
حُضْنَكْ
وجَرَيْت تَالاَك
وِطِيْت الْجَمْر الْبِيْنِي وبِيْنِك
وَانَا حَفْيَان
حُضْنِك إنْتِ
مَلاذِي الآمِنْ
لَهَجِك طَاهِر
ونَفَسِك هِيْل
يَا مُشْوَار رِيْدَتْنَا الْحَانِي
ويا مُرْوَاد الْسَّهَر الْسّاكِن
فِي الْعِيْنِيْن
يَا مُشْهَاد الْنَّاس الْوَاقْفَة
تْعَايِنْ
رَغْم الْجَمْر الْبِيْنِي وْبِيْنَها
ورَغْم الضِيْم الشَّاِقْق صَدْرَهَا ،
لْمَّا يِجِيْنِي الْبَرْد الْشَّاتِي
صَدْرَها دَافِي.
هَدَأَتْ بِيْن أَنْفَاسِي وقَالَت
رَغْم الْجَمْر الْبِيْنِي وبِيْنَك
قَلْبَك صَامِد زَيَّك
ولِسَّة حَنِيْن.
ولِسَّة مَوَسَّم وَسْم الْنِيْل
لَمَّن يِكْبَر يِفِيْض الْخِيْر
ولَمّن يِزْعَل يِهْدِر سِيْل
|
|
|
|
|
|
|
|
Re: نَـفــَســـِك هــِيــــــــْل (Re: د.محمد حسن)
|
يا جنا إتْ ماك نصيح ؟
Quote: غَـامَتْ بِيْن أمْوَاج الْغُرْبَـة الحْـَالْكَة
وْقَالـَت
قَـلْـبَكْ قـِنْدِيـلْ |
و أنا صبري قليل ... فتيل القنديل يمكن يخلص ..
Quote: مـَاجَتْ
بِين أمْوَاج أَحْزَانِي وحِزْنَت ،
نَزَلِتْ مِنَّهَا دَمْعَة وقَاَلتْ
قَلْبَكْ مِنْدِيْل . |
و دة ال خلّى كل المحبوبات يعتمدن على مناديل قلوبنا .. هن يبْكن .. و نحن نمصر
Quote: ِبْين اْلِفْعل
وَصَدّ الْفِعل
تَاهَتْ مِنَّها كُل خَطْوَاتَها
هِي الْمَمْدُوَدة
ِبْين الْشَمسِ
وَشاطِي الّليْل |
بين الشمس و شاطي الليل ... و قلبها في النهاية حيكون دليلها
Quote: نَدَهَت
َيازُوْلاً عَاشِق
شَايِلْ تـَاج الْعِزَّة
ورَاُيه سَدَيـْد
أبْقَالـِي دَلِيْل. |
مش قلت ليك ؟
Quote: نـَامَت بِيْن أَجْفَان أحْلامِي
وْحِلْمَتْ
شَافَت
قِيْفَة تْطَارِد مُوجةَ اْلِنْيل، |
تشبيه بليغ يا دكتور .. بليغ .. فيهو عكس المعنى لتثبيت المستحيل.
Quote: صَرخَت
هُوي
يـَاصِْبَيَّنْ سَدَرُوا
وخَلّوا الْشَتْل النَّيْ عَطْشَان
أقـِيْفــُو ا
وشِيْلوا مَلَوْد الْمَغْنَى
عَشَان
َنبْذِر كِلْمَة تَْجابْه الْرِيْح
هوي
يـَا جَنُّويـَاً
يِسِنْدُوا الحِْيْل |
و الحيل إنْهدَّ .. و بير الوجعة ما بْينسدَّ
Quote: الْبــَلَد
الْقَيَّل فِيْ مَرْجَاكُم
صَابِر،
أسْرِجُوُا صَهْوَ الجِّْن الْجَامِح
خِيْل |
مساير بنوتنا لجام ... خدود أولادنا ركايب
Quote: وصُدُّوا عَلَيْهُ
الْبَلَد الْوَاقْف
فِي الْحَرَّايَة
هَجِيْرَها الَّلافِح
رَاجِي ضِلِيْل. |
و ما زلنا نستجير بالرمضاء من النار
Quote: شَافَتْ غِيْمَة مْسَافْرَة رُؤاك
صَرَخَت اصْحِي،
فَزِّيْتِي
وجِيْتِي عَلَيْ
قَلْبـِك يِضْرُب زَيْ (هَبَّابَة)
حُضْنَك
حُضْنَكْ
وجَرَيْت تَالاَك
وِطِيْت الْجَمْر الْبِيْنِي وبِيْنِك
وَانَا حَفْيَان
حُضْنِك إنْتِ
مَلاذِي الآمِنْ
لَهَجِك طَاهِر
ونَفَسِك هِيْل
يَا مُشْوَار رِيْدَتْنَا الْحَانِي
ويا مُرْوَاد الْسَّهَر الْسّاكِن
فِي الْعِيْنِيْن
يَا مُشْهَاد الْنَّاس الْوَاقْفَة
تْعَايِنْ
رَغْم الْجَمْر الْبِيْنِي وْبِيْنَها
ورَغْم الضِيْم الشَّاِقْق صَدْرَهَا ،
لْمَّا يِجِيْنِي الْبَرْد الْشَّاتِي
صَدْرَها دَافِي.
هَدَأَتْ بِيْن أَنْفَاسِي وقَالَت
رَغْم الْجَمْر الْبِيْنِي وبِيْنَك
قَلْبَك صَامِد زَيَّك
ولِسَّة حَنِيْن.
ولِسَّة مَوَسَّم وَسْم الْنِيْل
لَمَّن يِكْبَر يِفِيْض الْخِيْر
ولَمّن يِزْعَل يِهْدِر سِيْل |
رَغْم الْجَمْر الْبِيْنِي وبِيْنَك
قَلْبَك صَامِد زَيَّك
ولِسَّة حَنِيْن.
من أجمل ما قرأت مؤخرا يديك العافية
قبلة على جبين التومات
| |
|
|
|
|
|
|
Re: نَـفــَســـِك هــِيــــــــْل (Re: ابو جهينة)
|
دووك ،،،أبو النسَب ،،،
Quote: ويا مُرْوَاد الْسَّهَر الْسّاكِن
فِي الْعِيْنِيْن
يَا مُشْهَاد الْنَّاس الْوَاقْفَة
تْعَايِنْ
رَغْم الْجَمْر الْبِيْنِي وْبِيْنَها
|
وماتفضل به حادينا الريس من ترجمان للأحاسيس
نجلس عند القيفة الواقفه فوقه بين جمر البين والبينك وبينها
دي مصاهرتنا عديـــل.
يديك العافية يادووك محمد نعجز أن ندخل هذا المحرآب إلا لو وقفة الحروف عن نزيفها حتي تجفف المناديل.
،،،،أبوقصى،،،،
| |
|
|
|
|
|
|
Re: نَـفــَســـِك هــِيــــــــْل (Re: د.محمد حسن)
|
د. محمد!!!
ودي ,,,
يديك العافية والسعادة بقدر ما أدخلت في نفوسنا هذا الكم من الوهج والإشعاع وهذا الكيف من الإبداع
والشفافية ,, كلماتك تكاد تنطق ,,, لا غرو أنها تأتلق وأنها بالعبير تعبق ,,, ربنا يسعدك ...
| |
|
|
|
|
|
|
Re: نَـفــَســـِك هــِيــــــــْل (Re: د.محمد حسن)
|
Quote: وجِيْتِي عَلَيْ
قَلْبـِك يِضْرُب زَيْ (هَبَّابَة)
حُضْنَك
حُضْنَكْ
وجَرَيْت تَالاَك
وِطِيْت الْجَمْر الْبِيْنِي وبِيْنِك
وَانَا حَفْيَان
حُضْنِك إنْتِ
مَلاذِي الآمِنْ
لَهَجِك طَاهِر
ونَفَسِك هِيْل
يَا مُشْوَار رِيْدَتْنَا الْحَانِي
ويا مُرْوَاد الْسَّهَر الْسّاكِن
فِي الْعِيْنِيْن
يَا مُشْهَاد الْنَّاس الْوَاقْفَة
تْعَايِنْ |
وجيت أتلفَّح قولة أهلاً بين عينيك الوطن الضايع مني لقيتو فيهو حبايب شالوا الكلمة الطيبة وماني ملام لو إني ..هويتو
| |
|
|
|
|
|
|
Re: نَـفــَســـِك هــِيــــــــْل (Re: د.محمد حسن)
|
Quote: وجيت أتلفَّح قولة أهلاً بين عينيك الوطن الضايع مني لقيتو فيهو حبايب شالوا الكلمة الطيبة وماني ملام لو إني ..هويتو |
Quote: د.محمد حسن
الوعد البينا
في الغيب مكتوب
بنية صبية
وشاعرعاشق
وبينا الحرف الحائر
ووطنا
في الضيم مغلوب
واتلاقينا
كلام
وقصيد
وشعر منضوم
يفرح عين
ويسري قلوب |
كلامكم الاتنين اجمل من بعض تحياتى وتسلمو
| |
|
|
|
|
|
|
Re: نَـفــَســـِك هــِيــــــــْل (Re: د.محمد حسن)
|
Quote: شَافَت
قِيْفَة تْطَارِد مُوجةَ اْلِنْيل،
صَرخَت
هُوي
يـَاصِْبَيَّنْ سَدَرُوا
وخَلّوا الْشَتْل النَّيْ عَطْشَان
أقـِيْفــُو ا
وشِيْلوا مَلَوْد الْمَغْنَى
عَشَان
َنبْذِر كِلْمَة تَْجابْه الْرِيْح
هوي
يـَا جَنُّويـَاً
يِسِنْدُوا الحِْيْل
الْبــَلَد
الْقَيَّل فِيْ مَرْجَاكُم
صَابِر،
أسْرِجُوُا صَهْوَ الجِّْن الْجَامِح
خِيْل
وصُدُّوا عَلَيْهُ
الْبَلَد الْوَاقْف
فِي الْحَرَّايَة
هَجِيْرَها الَّلافِح
رَاجِي ضِلِيْل. |
ياخى ده كلام .... والله ما عارف أقول شنو !!!
الله يسمِّح قلمك ، أكتر مما هو سمح ،،،
| |
|
|
|
|
|
|
Re: نَـفــَســـِك هــِيــــــــْل (Re: د.محمد حسن)
|
Quote: هَدَأَتْ بِيْن أَنْفَاسِي وقَالَت
رَغْم الْجَمْر الْبِيْنِي وبِيْنَك
قَلْبَك صَامِد زَيَّك
ولِسَّة حَنِيْن.
ولِسَّة مَوَسَّم وَسْم الْنِيْل
لَمَّن يِكْبَر يِفِيْض الْخِيْر
ولَمّن يِزْعَل يِهْدِر سِيْل |
كنت بتاوق وارجع تانى اتضارا وامرق وتانى اتاوق اقرا الحرف اللفح الخوف خريف ودرت واشوف النغم الدمدم غيم.. مطرا ضهرى نيلا يجرى وفرحا يسرى شوق وحنين وفال سمحين وبرضو اتاوق فشان اغربل نضمى الناس السمحة وارتب حجوات البت القمحة وارص خريزات عروسنا ام طرحة واجيك اتدبا وفى غفلة اشتت نضمى واجرى اتوارى من سماحة هرجك الدوزن عصب الحس الجوة د/ محمد حسن شكرا هيل
| |
|
|
|
|
|
|
Re: نَـفــَســـِك هــِيــــــــْل (Re: soma)
|
Quote: كنت بتاوق وارجع تانى اتضارا وامرق وتانى اتاوق اقرا الحرف اللفح الخوف خريف ودرت واشوف النغم الدمدم غيم.. مطرا ضهرى نيلا يجرى وفرحا يسرى شوق وحنين وفال سمحين وبرضو اتاوق فشان اغربل نضمى الناس السمحة وارتب حجوات البت القمحة وارص خريزات عروسنا ام طرحة واجيك اتدبا وفى غفلة اشتت نضمى واجرى اتوارى من سماحة هرجك الدوزن عصب الحس الجوة B] |
وجيتك اتاوق
ورجع تاني
اتململ وامرق
القي خطاي تتراجف ليك
اكتب وامسح
القى الحرف الجاي عليك
بيشيش يتضارى وليك يسارق
ياسمحة وقمحة
ومنك شال القمر الناير
حبة لمحة ا
| |
|
|
|
|
|
|
| |