|
مبروك لحكومة الجنوب ارهاصات وبشائر الانفصال وعقبال الدارفوريين!
|
Quote: واشنطن ترفع الحظر عن جنوب السودان
قيادي جنوبي: الظروف الراهنة تدفع الجنوبيين للتفكير في الانفصال باقان اموم واشنطن: طلحة جبريل قررت الإدارة الأميركية استثناء جنوب السودان من الحظر التجاري المفروض على السودان منذ سنوات، فيما بدأت بمنح تصاريح للشركات الأميركية بالعمل هناك. وقال باقان اموم الأمين العام لحزب الحركة الشعبية ثاني اكبر شريك في حكومة الوحدة الوطنية في السودان، لـ«الشرق الأوسط»، إن هذا القرار اتخذ بعد محادثات اجراها برفقة وفد جنوبي مع هنري بالسون وزير الخزانة الأميركية، مشيراً الى ان الحظر سيرفع فورا، وان الوزارة ستمنح رخصاً للشركات الأميركية للعمل في الجنوب، مؤكداً ان هذه الرخص ستصدر اعتبارا من الخميس (امس). وقال اموم الذي يزور واشنطن حاليا، إنه ناقش كذلك سبل رفع الحظر المفروض ضد باقي انحاء البلاد، موضحا ان هذه العقوبات هي في الواقع ضد حزب المؤتمر الوطني (الحزب الحاكم في الخرطوم)، واشار الى أن الغاء العقوبات مرتبط بتطبيق اتفاقية السلام الشامل بين الشمال والجنوب، وكذلك بالوضع في دارفور. وأكد اموم انه بحث مع الجانب الأميركي مسألة زيادة المساعدات للجنوب، وكذلك المساهمة في إعادة تعمير المنطقة. وتفادى اموم الحديث عما راج بشأن تطرقه خلال محادثاته في واشنطن الى الوضع الجنوب، بعد الاستفتاء حول تقرير المصير المفترض تنظيمه في اكتوبر (تشرين اول) من عام 2011 في الجنوب، واحتمال انفصاله، بيد انه قال ان «الاستفتاء سيكون اما لصالح وحدة على اسس جديدة، او الانفصال»، واستدرك قائلا «لكن كل الظروف الراهنة تجعل الجنوبيين يفكرون في الانفصال، لأنهم يعاملون حتى الآن كمواطنين من الدرجة الثانية».
وشدد على ضرورة العمل من اجل ازالة التهميش وزاد يقول «حتى في حالة الانفصال فإن البلدين لابد ان يرتبطا بعلاقات وطيدة». واعتبر ان الانفصال يعني فقط «ان تكون لديك حدود جديدة وتدفع الرسوم الجمركية وتتنقل بواسطة جوازات سفر». وبشأن مصير الشماليين الذين يوجدون في الجنوب، والجنوبيون الذين يعيشون في الشمال قال اموم «السودانيون سيختارون البلد الذي يريدونه ووجودهم على الجانبين سيؤدي الى خلق تواصل بينهما». |
لا نملك الا ان نتمنى للدولة الفتية القادمة فى الجنوب الا السلام والازدهار كما نتمنى للاخوةة الاشفاء المهمشين ان تتحقق امامنيهم فى اطار السودان الموحد او بعبدا اذا ما اختاروا تقرير المصير! جنى
|
|
|
|
|
|
|
|
Re: مبروك لحكومة الجنوب ارهاصات وبشائر الانفصال وعقبال الدارفوريين! (Re: jini)
|
Quote: وقال اموم الذي يزور واشنطن حاليا، إنه ناقش كذلك سبل رفع الحظر المفروض ضد باقي انحاء البلاد، |
كتــر خيـرك , يا باقان ... , ما قصـرت تــب,
Quote: موضحا ان هذه العقوبات هي في الواقع ضد حزب المؤتمر الوطني (الحزب الحاكم في الخرطوم)، |
مفهــوم , باقان , مفهـوم ...
Quote: واشار الى أن الغاء العقوبات مرتبط بتطبيق اتفاقية السلام الشامل بين الشمال والجنوب، وكذلك بالوضع في دارفور |
مادام الانفصال قائـم فلماذا الـتطبيـق ؟؟؟
أحمـد الشـايقي
| |
|
|
|
|
|
|
Re: مبروك لحكومة الجنوب ارهاصات وبشائر الانفصال وعقبال الدارفوريين! (Re: jini)
|
Quote: Jini يا اخوى يفتح الله! نحن عندنا هناك بالكتير 5000 الاف وانت عندك اربعة مليون! رجع لى رسايلى والرسائل العندى شيللا شيلا! شيل الاحزمة حقتك ودى وفرتق يعنى داير تخلى لينا قنابل موقوتة وتمشى! مادام الانفصال قبلى! يبقى اى شلكاوى اودينكاوى او نويراوى يشيل حاجاتو ويتوكل على الله وكذلك اى جلابى يشيل عصايتو ومخلايتو ويفرتق! دايرين تدقسونا تانى! ويا باقان ابقى راجل وفر ليهم حياة المهمشين العايشين فى الشمال! اها من اسه ابنى ليك عشرة سينمات وكدا! جنى |
يا جنى مرحب بيك شااااايفك حاكيها للاخر شوف يا ود الناس لو مشاكل السودان بتتحل بطريقتك دى كان زماااااان العالم دى موزع لبيوت انت وضح اتجاهك يا اخى عشان الواحد يعرف يتناقش معاك والله مرات احس بيك شكل خليك واضح انت مع الكيزان قول لى انت زول طنى بس قول لى برضو عشان اقدر اردك ليك مرات تكتب حاجة كويسة ومرات تشوت لينا ضفارى
وبعدين منو اللى قال ليك انحنا بتاعن سنمات يا اخوى كل السودان فيها بتاع وبتاع عشان كدة خلينا من الموال دى
وبعدين( لو) انفصل الحنوب انت اللى حارقك شنو كدة
| |
|
|
|
|
|
|
Re: مبروك لحكومة الجنوب ارهاصات وبشائر الانفصال وعقبال الدارفوريين! (Re: jini)
|
جني يا أخوي رأيك شنو نطالب بتقرير المصير للشمال ونفصله عشان الأمريكان ديل يرفعوا عننا الحظر!!!!
أما أخونا محمد سليمان والله حيرتنا تقولوا تقرير مصير وأنفصال ولامن نقول ليكم الله معاكم تزعل وتقعد تنتحب وتسوي لينا جلابة ومهمشين وإذا رأيت وإذا سمعت. يا أخوي حدد موقفك أنت داير شنو بالضبط؟ داير تجيب لأهلك الإستقرار والتنمية ولا داير تدمر وتقتل الجلابة؟؟؟ كان الأولى والله نحن معاك قلباً وقالب وما عندنا أي مشكلة مع أي زول ونتمنى الرخاء والسلام لكل أهلنا على كل شبر من أرض المليون ميل. أما الثانية فنصيحتى لك أن تمرن لسانك على لحس أضانك وكان نجحت في دي يمكن تنجح في التانية وأنا ما راح أتعبك كتير يومك التلم فيني راح أرقد وأمد ليك رقبتي عشان تضبحني وأوعدك أنني لن أفرفر لأنه أهلنا علمونا أنه الصقر كان وقع كترت البابت عيب.
الشايقي
| |
|
|
|
|
|
|
Re: مبروك لحكومة الجنوب ارهاصات وبشائر الانفصال وعقبال الدارفوريين! (Re: Al-Shaygi)
|
جني سلامات وآخير وصلت لمنطقة منير؟؟؟؟
كتبت لك مداخله عند بوست وداعك لدينق الغريبه لقت عندها علاقه بما كتبت انت هنا:
Quote: يا جني سلامات انت فاتت عليك دي؟؟؟
Quote: وبشأن مصير الشماليين الذين يوجدون في الجنوب، والجنوبيون الذين يعيشون في الشمال قال اموم «السودانيون سيختارون البلد الذي يريدونه ووجودهم على الجانبين سيؤدي الى خلق تواصل بينهما».
اها يا جني باقان خلى لك دينق امانه في رقبتك لو اختار يقعد معاك تقبل وين؟؟؟
دينق مواطن خرطومي حيب هذه المدينه ونشأ فيها,ويعرف انديتها وشعرائها وملاعبها وبقالتها اكثر مما يعرف اي بقعه سودانيه....ومثل دينق كثيرين...ترى هل فكر الانفاصلين الشمالين بأن امثال دينق من حقهم البقاء؟؟وهل يعلمون الذين يقولوا (قشة ما تعتر ليهم )لكل من يطالب بالعاداله الاجتماعيه...بان حسب قوانين حقوق الانسان بان من حق ابناء الجنوب المقيمين في الخرطوم البقاء بها؟؟؟ وهل يعلم الطيب مصطفى ان لاقوة قادره على اخراجهم من خرطومهم؟؟؟ وكذلك لمن يعرض الانفصال على اهل دارفور هل يعلمون بان من حق درافوري الخرطون البقاء بها؟؟؟
اذن لا حل لمن يرغب في الخلاص من الاحزمه السوداء للعاصمه الخرطوم هي واقع وحقيقيه وباقيه. |
واضيف لك سكان الاحزمه السوداء ليسو قنابل موقوته لكنهم بشر ومن حقهم الاقامه حيث ولدوا. اها اعرف لا باقان ولا الطيب مصطفى ولا انت من حقهم يقولوا الكلام ده. وامشي فتش في تجارب البلاد الاتفتفتت وشوف الحصل كان شنو؟؟,هل كان هنالك امر رسمي باجلاء احد من مكانا ما؟؟؟لا وانما كانت هنالك مغادرة طوعيه,مثل باكستان.
| |
|
|
|
|
|
|
Re: مبروك لحكومة الجنوب ارهاصات وبشائر الانفصال وعقبال الدارفوريين! (Re: Al-Shaygi)
|
Quote: ما الثانية فنصيحتى لك أن تمرن لسانك على لحس أضانك وكان نجحت في دي يمكن تنجح في التانية وأنا ما راح أتعبك كتير يومك التلم فيني راح أرقد وأمد ليك رقبتي عشان تضبحني وأوعدك أنني لن أفرفر لأنه أهلنا علمونا أنه الصقر كان وقع كترت البابت عيب. |
ألقاهو مكتوفا فى اليم وقال له اياك اياك ان تبتل بالماء! محمد سليمان سليمان سواتو البسوى فيها دى سوات زول عندو اضان ولا لسان! الزول دا راس نيفة ساكت! جنى
| |
|
|
|
|
|
|
Re: مبروك لحكومة الجنوب ارهاصات وبشائر الانفصال وعقبال الدارفوريين! (Re: jini)
|
الإتفاقية الموقعة بين الحركة الشعبية والمؤتمر الوطنى الحاكم في السودان تنص على حق تقرير المصير بالنسبة لمواطنى جنوب السو=دان، وتقرير المصير هذا سيكون أحدى شيئين لا ثالث لهما وهو إما الإنفصال أو البقاء تحت إطار السودان الموحد، وعليه الطرفين العمل على جعل الوحدة جاذبة، فإذا نجحا في ذلك ستكون النتيجة هي سودان واحد، أما إذا فشلا في ذلك (لأي سبب يراه الطرفان مقنعاً) فسيؤدي ذلك إلى تكوين دولتين.
بالسيناريو أعلاه لا أرى أي مشكلة، فالسودان بحدوده الحالية ليس مقدساً، وهذه الحدود نفسها (هي صنيعة الإستعمار) وبقيت كذلك بموجب قرارا الإتحاد الأفريقي الذي قرر الإبقاء عليها درئاً للمشاكل مع العلم أن المستعمر عمل هذه الحدود لخدمة أهدافه الإستعمارية.
وبالتالى إذا تمّ الإنفصال، أو رأت شعوباً سودانية أخري أنها لا يمكن أن تعيش مع شعوب أخري تحت سقف وطن واحد، فذلك من حقها لأننا قبلنا حدود المستعمر والتى لم تتم بإستشارتنا (فلماذا لا نقبل ما نتفق عليه؟؟؟؟).
| |
|
|
|
|
|
|
Re: مبروك لحكومة الجنوب ارهاصات وبشائر الانفصال وعقبال الدارفوريين! (Re: Tragie Mustafa)
|
Quote: جني ده رفع يده من الثانيه انت خليك مركز معنا. تحياتي. |
فى مرة كبيرة واقفة فى شارع الموردة ما شة الدايات اى تاكسى تاشر ليهو الدايات يقول لا الكورة يا والدة اها لمن الكورة انتهت فى بتاع تاكسى قال ليها الدايات يا والدة! قالت ليهو لا الكورة يا ولدى! اها انا زاتى تقرير المصير يا تراجى اختى! انفصال جاذب! قايلننا داخلين على طمع! اليشوفكم يقول عدكم ورث (ميراث) جنى
| |
|
|
|
|
|
|
Re: مبروك لحكومة الجنوب ارهاصات وبشائر الانفصال وعقبال الدارفوريين! (Re: jini)
|
Quote: وبعدين( لو) انفصل الحنوب انت اللى حارقك شنو كدة |
الجنوب اذا انفصل ما ينفصل ايرلندا ولا الباسك! انا لا اكلت انناس وقشط جوب ولا اتفسحت فى مريدى! انتوا الدايرين الانفصال وحاربتوا من اجله الصادق المهدى حتى اسقطوا حكومته الديمقراطية! انا مع السودان الديمقراطى الليبرالى العلمانى لا بعرف ولا بعترف باى حاجة غير ذلك الداير يقعد فيهو يقعد وسنظل نعارض الانقاذ حتى يذهب ريحها عشان نبنى سودانا البنحلم بيهو يوماتى! جنى
| |
|
|
|
|
|
|
الجنوب اذا انفصل ما ينفصل ايرلندا ولا الباسك! انا لا اكلت انناس وقشط جوب ولا اتفسحت فى مريدى! انتوا الدايرين الانفصال وحاربتوا من اجله الصادق المهدى حتى اسقطوا حكومته الديمقراطية! انا مع السودان الديمقراطى الليبرالى العلمانى لا بعرف ولا بعترف باى حاجة غير ذلك الداير يقعد فيهو يقعد وسنظل نعارض الانقاذ حتى يذهب ريحها عشان نبنى سودانا البنحلم بيهو يوماتى! جنى |
يا اخى وكتين الكلام كدة مالك محرق روحك وعامل فيها وطنى واللذى منو انت لو ما محروق شديد ما كنت اساسا شابكنى من الصباح بكاء وعويل الجنوب انفصل وداعا يا دينق ووووو ما عارف شنو
يا اخوى انت لا بتعارض الانقاذ ولا شتين انت مع الانقاذ قلبا وقالبا او انك ما عارف نفسك زاتو بتسوى فى شنو او انك بس بتكتب اى شئ يخطر على بالك
يا اخوى جنى نصيحة اخوية لله والرسول
لمن تجى عايز تعارض او تحارب زول بتعرفه اول شئ وبتحاول تتكلم بمنطقه وباسلحته وما تناقض نفسك وترجع تانى تقول (واى) خليك فى موقف واضح لانك لو بتعارض الانقاذ فاكيد قلبك على السودان
وكتاباتك دى بتاجج مشاعر ناس كتار انحنا فى المرحلة دى محتاجنهم لان مع كل زول بيفكر بعقله
هسع كلامك دى زعلنى لكن عشان عين تكرم الف عين بس فى ناس عندها العين بالعين السن بالسن
دحين اخوى جنى
لو صح صح انت زولا وطنى بالصح
تعال خت يدك فى يدنا ونطلع الانقاذ من الحكم وبعدين نشوف حكاية الوحدة والانفصال دى
لو عملنا الخطوة الاولى يبقى السودان تانى ما عليها خوف لو واكيد الوحدة ستكون خيارا
وفى اسواء الظورف انفصل الجنوب على الاقل انت بتكون عارف الحكام فى الشمال (بنى ادمين)
فتك بعافية
| |
|
|
|
|
|