دعواتكم لزميلنا المفكر د.الباقر العفيف بالشفاء العاجل
|
|
 ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
|
نادر عباس محمد الحاج.. مقيم في الدمام، مواليد 1/9/1969... من مواليد مدينة دنقلا...سوداني بالميلاد
مريم أحمد مصطفى الحسين... مقيمة في الدمام، مواليد 19/5/1980... من مواليد مدينة الخرطوم.. سودانية بالميلاد...
محمود نادر عباس .. مقيم في الدمام.. مواليد 30/7/2006... من مواليد مدينة الدوحة ..سوداني بالأم والاب...
وبكده الحسبة تبقى.. (العدد الطلعوا بيهو) + 3...
دي انا بقدمها ليكم كخدمة كمواطنة صالحة.. ومهتمه بإنه النتيجة بتاعت الانتخابات تكون accurate... عارفاكم حريصين على النقطة دي...
بالجد.... عايزين تعدّونا احنا السودانيين المغتربين برّه... للأسباب التالية:
1- مطلعين روحنا بالجواز الاخضر... محل ما نمشي معكّسه علينا
2- دافعين الضرائب المستحقة علينا... ما عارفنها بتمشي وين..
3- بنتكلم سوداني... ونقلب لهجات عربي وافرنجي .. عشان نتواءم مع غربتنا.. لانه بلدنا طارده، وسبناها ليكم..
4- اشكالنا افريقية.. مهما نحاول نلفق مع العرب ديل ما لافقين.. رغم انكم مصريّن انكم تختصرونا معاهم وبس..
5- عايزين نتشرف بعدم التصويت لأي حد في الانتخابات القادمة.. ونشعر بنشوة إبداء الرأي...حتى لو كان عدم رأي...
6- في صفقة بمليارات مع الامريكان للدعاية الانتخابية.. عايزين نشعر بالاهمية انه المبالغ دي اتصرفت عشان تقنعونا بي شي احنا لا يمكن نقتنع بيه... لكن قروش اتصرفت فينا... for a change..!
عدّونا....
بنت الحسين
|
|
 
|
|
|
|
|
|
|
 Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله (Re: مريم بنت الحسين)
|
| Quote: بالجد.... عايزين تعدّونا احنا السودانيين المغتربين برّه... |
مريم العزيزة ...سلام
والله انت متفاءلة بشكل
اذا كان بعض ناس دارفور والجنوب عدوهم بالطائرة دايره يعدونا نحن؟
تخيلى من الطائرة يعنى مسج جوى..
اتخيلى حتى لو كان العد صحيح ،مش ممكن يكونوا تشاديين؟؟
وبعدين التعداد فى الدول المتحضرة بنعمل من اجل توزيع الخدمات
من مدارس ومستشفيات وكهرباء وماء يعنى البصوروهم بالطائرة ديل
بعرفوهم كيف هل هم دون سن الدراسه ؟ام انهم محتاجين فصول محو امية؟
مريم ده عد انتخابات ساكت لابتهميهم لا انت لا نادر بتاعك ده لامحمود،فهمتى؟؟
انا غايتو البعدنى يعدوه فى النار،،،،
| |
|
|
|
|
|
|
|
|
|
Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله (Re: Hussein Mallasi)
|
مريم بت الحسين و كل المتداخلين
يا خي انتو البعااااااااااااااد ديل دايرين يعدوكم ... نحنا الهنا في الخرطوم محل الطيارة بتقوم و ما عارف مين كدا بنوم ما عدونا دايرين يعدوكم انتو؟
و ما كدا بس ناس بيتنا الفي الاقاليم البعيدة والله ما عدوهم و بعدين ناس بيتنا ديل كتار خلاص و خايف عليهم من العين اصلو البوست دا فيهو ناس عيونهم حارة بالحيل...
و لكن والله و الشهادة لله البنية العدادة جات يا بت الحسين الا مرة جيرانا هاجت فيها قالت ليه
(طيري يا قشرة معدودين في الجنا),,, و علي كدا البنية العدادة اشتغلت ليك بقاعدة اهلها (الشر يعم و الخير يخص) و علي كدا حردت كل الفريق و ما عدتهم؟
انتي يا بت الحسين كدي احتسبي فكرة العد دي و قولي محسوبين في الجنة
و جاي تاني
| |
|
|
|
|
|
|
|
|
|
Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله (Re: حافظ حسن ابراهيم)
|
Quote: و لكن والله و الشهادة لله البنية العدادة جات يا بت الحسين الا مرة جيرانا هاجت فيها قالت ليه
(طيري يا قشرة معدودين في الجنا),,, و علي كدا البنية العدادة اشتغلت ليك بقاعدة اهلها (الشر يعم و الخير يخص) و علي كدا حردت كل الفريق و ما عدتهم؟ |
الاخ حافظ .. شكرا على التعليق..
لكن غايته ده ما عذر ابداً.. البنية كان زعلت .. ولا خافت.. يا تمشي تجيب معاها موظف .. يا يكون معاها ضابط يساعدها.. التعداد ده مسألة مهمة جداً... بعدين الحرد شنو يعني!!؟ ده وظيفة حكومية بتاخد عليها مرتب... غايته حق اليوم داك ببقى حرام...
نعدّك حسي مع الرقم العندنا ده؟ وبنقول ما شاء الله
بنت الحسين
| |
|
|
|
|
|
|
|
|
|
Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله (Re: محمد الجزولي)
|
| Quote: سوداني بالأم والاب... |
الأخت الكريمة مريم
تحياتي
أظن و أرجو تصحيحي إن كنت مخطئا أن محمودا (ربنا يحفظه ليكم) يعتبر سوداني بالميلاد.... لأن كلمة بالميلاد التي تضاف إلى الجنسية المقصود بها أن حاملها استحق الجنسية منذ لحظة ميلاده للتفريق بينه و بين من نال الجنسية لاحقا بسبب الإقامة أو الزواج أو غيرها و يطلق على نوع جنسيته بالتجنس. فليس المقصود سوداني بالميلاد أي ولد بالسودان.
بالنسبة للتعداد هم العدوهم عملوا ليهم شنو؟ بس الله يسهل و البلا دا يترفع عننا و الحاجات دي كلها تتعمل من الأول.
| |
|
|
|
|
|
|
|
|
|
Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله (Re: معتصم دفع الله)
|
معتصم ازيك ...
والله انا اول مره اسمع بقصة مخافة العين دي... ولو جينا من ناحية الخدمات البتجي بعد العد.. دي مافي زول عنده فيها اي امل ... وما دايرنها تاني زاتو!
يا معتصم الناس ديل ولا كشكروا يعدّونا.. يعني ما جوكم في الرياض وقالوا ليكم في لجنة من التعداد بعد صلاة العشاء، تعالوا.. لا ديل ما حاولوا زاتو!! ولا فكروا إنهم يحاولوا...
انا غايته عايزاهم يعدّوني... يعني انا شايله الجواز ده منظر ساي؟!! هو انا اصلا لو لقيت، اول جواز محترم يجيني بشيله.. لكن إلى ذلك الحين.. انا رقم، لازم يضيفوه (ملوحظة، رقم هنا ما وهمه مني.. رقم هنا بتعني 1 لازم يضيفوه..)
بنت الحسين
| |
|
|
|
|
|
|
|
|
|
Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله (Re: مريم بنت الحسين)
|
مريم بت الحسين ... سلام..
شعار التعداد كان ... (اى زول يوم التعداد بايت برة البيت ما بتعد)
تقولى لى نحن ...
الناس ديل يكونو اتصلو بناس الجوازات وقالو ليهم المغتربين ديل عددهم زى 20 مليون
15 مليون هاجرو بعد الانقاذ ...وديل يا معارضة ياصالح عام ياممغوصين من الحكومة دى
وممكن يصوتو ويفوزو اى زول ...بس ما الحكومة
اها ناس العد قالو كان كدى يلقوها عند الغافل ... ويشوفو ليهم زول يعدهم ...
عليك الله عدينى انا وعمر بوب ومنال وباسل ولين ...
اجيب ليك اللستة بتاعة ناس الدوحة؟
| |
|
|
|
|
|
|
| |
مريم بنت الحسين
سلمى الشيخ سلامة
Hussein Mallasi
Mohammed Elhaj
صديق الموج
بشير جبريل علي
وجن
smart_ana2001
جعفر محي الدين
حافظ حسن ابراهيم
ghariba
عبدالعزيز الفاضلابى
Elmosley
محمد الجزولي
Elawad
معتصم دفع الله
فيس بوك
تويتر
انستقرام
يوتيوب
بنتيريست