Post: #1
Title: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-15-2009, 11:52 PM
نادر عباس محمد الحاج.. مقيم في الدمام، مواليد 1/9/1969... من مواليد مدينة دنقلا...سوداني بالميلاد
مريم أحمد مصطفى الحسين... مقيمة في الدمام، مواليد 19/5/1980... من مواليد مدينة الخرطوم.. سودانية بالميلاد...
محمود نادر عباس .. مقيم في الدمام.. مواليد 30/7/2006... من مواليد مدينة الدوحة ..سوداني بالأم والاب...
وبكده الحسبة تبقى.. (العدد الطلعوا بيهو) + 3...
دي انا بقدمها ليكم كخدمة كمواطنة صالحة.. ومهتمه بإنه النتيجة بتاعت الانتخابات تكون accurate... عارفاكم حريصين على النقطة دي...
بالجد.... عايزين تعدّونا احنا السودانيين المغتربين برّه... للأسباب التالية:
1- مطلعين روحنا بالجواز الاخضر... محل ما نمشي معكّسه علينا
2- دافعين الضرائب المستحقة علينا... ما عارفنها بتمشي وين..
3- بنتكلم سوداني... ونقلب لهجات عربي وافرنجي .. عشان نتواءم مع غربتنا.. لانه بلدنا طارده، وسبناها ليكم..
4- اشكالنا افريقية.. مهما نحاول نلفق مع العرب ديل ما لافقين.. رغم انكم مصريّن انكم تختصرونا معاهم وبس..
5- عايزين نتشرف بعدم التصويت لأي حد في الانتخابات القادمة.. ونشعر بنشوة إبداء الرأي...حتى لو كان عدم رأي...
6- في صفقة بمليارات مع الامريكان للدعاية الانتخابية.. عايزين نشعر بالاهمية انه المبالغ دي اتصرفت عشان تقنعونا بي شي احنا لا يمكن نقتنع بيه... لكن قروش اتصرفت فينا... for a change..!
عدّونا....
بنت الحسين
|
Post: #2
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: سلمى الشيخ سلامة
Date: 08-16-2009, 00:00 AM
Parent: #1
كلميهم لينا عليك الله
نحنا ما عدونا بالجد
يعنى معاك اتنين
عزة وامها
سمح ؟
محبتى يا ام محمود
|
Post: #3
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: محمد الطيب يوسف
Date: 08-16-2009, 00:09 AM
Parent: #2
طيب أضيفوا معاكم بالمرة
محمد الطيب يوسف
زوجته/ تهاني عثمان عبد الرحيم
بنته /غفران محمد الطيب
باقي لي مااتحسبوا برضو
تحياتي لصاحبة البوست
|
Post: #5
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-16-2009, 00:28 AM
Parent: #3
اخونا محمد الطيب يوسف...
10+3=13...
مرحب بيك.. وشكرا ليك
+13
|
Post: #4
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-16-2009, 00:20 AM
Parent: #2
الغالية سلمى الشيخ سلامة
انا متأكده برضه انه أحمد الحسين وعلوية حسن ومحمود الحسين في الامارات ومازن الحسين في الاردن ومروان الحسين في كندا برضهم ما اتعدّوا...
يبقى
3+2 (ديل انتو)+5=10
عليك الله ما رقم !
|
Post: #6
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-16-2009, 00:51 AM
Parent: #4
عندي خمسة جارات...
عائلة رقم (1)... زوجين... وما شاء الله جاهم طفل مولود جديد=13+3=16
عائلة رقم (2) .. زوجين وطفلهم=16+3=19
عائلة رقم (3)... زوجين وطفلينهم=19+4=23
عائلة رقم (4) .. زوجين وطفلهم=23+3=26
عائلة رقم (5) .. زوجين=26+2=28
العدد بقى 28
عدّونا
|
Post: #7
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-16-2009, 11:24 AM
Parent: #6
عدّونا
|
Post: #8
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Hussein Mallasi
Date: 08-16-2009, 11:29 AM
Parent: #6
| Quote: نادر عباس محمد الحاج |
كويس الما عدوهو.
|
Post: #9
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Mohammed Elhaj
Date: 08-16-2009, 12:20 PM
Parent: #8
يا حسين نادر دا انت حتجيب ليهو جلطة يوم والله
|
Post: #10
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Hussein Mallasi
Date: 08-16-2009, 12:41 PM
Parent: #9
أعمل ليهو شنو بس يا جدو .. ما ياهو كدا.
|
Post: #11
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Mohammed Elhaj
Date: 08-16-2009, 12:51 PM
Parent: #10
 كدا أنا اتجلطتا يا سحس
|
Post: #12
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-16-2009, 01:30 PM
Parent: #9
جدّو ازيك...
كده العدد بقى 28 +1 = 29
نصك الحلو اعدها، ولا عدّوها.. :)
|
Post: #13
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Mohammed Elhaj
Date: 08-16-2009, 03:59 PM
Parent: #12
ولا عدّوها
|
Post: #14
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: نادر
Date: 08-16-2009, 04:09 PM
Parent: #12
هاهاهاهاها
والله بوست طاعم
بالجد فكرتهم شنو في انو ما نتحسب في التعداد السكاني يعني؟، يشيلو قروشنا وما يحسبونا معاهم وغايتو ياهو ضمن الهرجلة العاملينها ليهم عشرين سنة.
-------------
يا جدو زولك ده أنا العامل ليهو جلطة مش هو حيعمل لي جلطة، هسع مزاككتو لي من بوست لي بوست ما براها جلطة عليك الله؟؟
|
Post: #15
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-16-2009, 04:34 PM
Parent: #14
تشكر يا ندورات
لكن الناس ما دايرين يعدوهم...
معقوله بس!؟
والله انا حاسه بالحقارة عديل كده...
|
Post: #16
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: صديق الموج
Date: 08-16-2009, 04:50 PM
Parent: #15
| Quote: بالجد.... عايزين تعدّونا احنا السودانيين المغتربين برّه... |
مريم العزيزة ...سلام
والله انت متفاءلة بشكل
اذا كان بعض ناس دارفور والجنوب عدوهم بالطائرة دايره يعدونا نحن؟
تخيلى من الطائرة يعنى مسج جوى..
اتخيلى حتى لو كان العد صحيح ،مش ممكن يكونوا تشاديين؟؟
وبعدين التعداد فى الدول المتحضرة بنعمل من اجل توزيع الخدمات
من مدارس ومستشفيات وكهرباء وماء يعنى البصوروهم بالطائرة ديل
بعرفوهم كيف هل هم دون سن الدراسه ؟ام انهم محتاجين فصول محو امية؟
مريم ده عد انتخابات ساكت لابتهميهم لا انت لا نادر بتاعك ده لامحمود،فهمتى؟؟
انا غايتو البعدنى يعدوه فى النار،،،،
|
Post: #19
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-16-2009, 07:54 PM
Parent: #16
عمو صديق الموج ازيك
والله دي اصلو ما سمعته بيها؟! بالله عدوا ناس الجنوب ودارفور بالطيارة.... تعرف هم بكونوا قدروها تقدير..
شوف بالله احنا الطيارات زاتها مستخسرنها فينا... على الاقل عبروهم.. وحاولوا يقولوا انهم بذلوا مجهود في انهم يعدّوا السكّان..
لكن احنا مافي ولا زول جايب سيرتنا زاتو...
غايته انا عايزه اعدّك.. رايك شنو؟
29+1= 30
موافق؟
|
Post: #17
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: احمد العمار
Date: 08-16-2009, 05:03 PM
Parent: #1
يا بنت الحسين تحياتى
والله انا و اولادى برضو ماعدونا
الفكرة حلوة سجلى عندك :
أحمد العمار
هويدا الفاضل
وضاح أحمد
ومضة أحمد
وضحة أحمد
وقاص أحمد
وسام أحمد
كدا طلعنا كم ؟؟؟؟؟؟
أحمد العمار
|
Post: #18
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: بشير جبريل علي
Date: 08-16-2009, 05:24 PM
Parent: #17
أبينا ..
|
Post: #20
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-16-2009, 07:56 PM
Parent: #17
احمد العمار.. تحية...
ماشاء الله.. ربنا يخلي ليك زوجتك وعيالك... اخترتوا حرف صعب "الواو"... لكن ماشاء الله اسماءم جمعيا حلوه...
كده بقينا 37
|
Post: #21
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: وجن
Date: 08-16-2009, 08:53 PM
Parent: #20
ازيك يا عسل تحياتي لعزوتك وربنا يخلي ليك
زمااااااااااااااااااان أول ما بدو التعداد دقيت تلفون السودان طوالي لناس البيت
قلت ليهم أرسل ليكم شنو عشان يعدونا معاكم جنسية جواز شهادة ميلاد
قالوا سألناهم قالوا المغتربين بعدوهم من منازلم ولا عد ولا يحزنون نحن مكتوب علينا
الشقى داخل وخارج
المهم بركة اللقينا مكان نتعدا فيه
عدينا معاك يا ست الناس
وجن
محمد أمين
لمار
|
Post: #23
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-16-2009, 09:41 PM
Parent: #21
وجن العزيزة..
كيفك وكيف بعلك وبنيتك...
والله لي كم يوم عايزه اتصل بيك.. بس ضارباني ليك نزله.. بنوم بالنهار وبصحى بالليل..
كده بقينا 40 زول...
|
Post: #35
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: وجن
Date: 08-18-2009, 08:50 AM
Parent: #23
سلامات ألف لا بأس عليك يا غالية
ولا يهمك مادام زمنك مشقلب إتصلي في أي وقت تحبي ولو بقيت صاحية برد عليك
في إنتظارك
|
Post: #22
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: smart_ana2001
Date: 08-16-2009, 09:05 PM
Parent: #20
عارفه يا مريم..احنا ما عدونا
و انا اصلا ما عاوزاهم يعدونا....اصلا هو فارق؟
و ما عاوزه اصوت فى اى انتخابات...اصلا ما فى زول ممكن اصوت ليه.
|
Post: #24
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-16-2009, 09:53 PM
Parent: #22
سمارت صاحبتي ازيك... ومشتاقين وكده..
انت وقت ما عدوك الدهب والتياب من دبي ليك شنو.. احنا والله ولا كشكروا لينا زاتو...
انا غايته حأعدك انت وراجلك وولدك...
لحدي حسي بضحك في (شريف وفضيلة)...
محبتي...
وبقينا 33
|
Post: #25
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-17-2009, 07:55 AM
Parent: #24
عدّونا
|
Post: #26
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Hala Hassan
Date: 08-17-2009, 07:59 AM
Parent: #24
يا مريم كيفك؟؟؟
إنتى القاعدة برة زعلانة الما عدوكى؟؟
طيب نحنا القاعدين جوة الجوة،
نقول شنو؟؟
غايتو أنا من شدة ما زعلانة بعد اسبوعين من بداية التعداد،
لقيت ليكى د. ياسين الحاج عابدين،
قلت ليهو التعداد حددتوا ليه نهايتو متين؟؟
فى لحظة كدة، حسيت بيه فكرو راح لبعيد،،،،
اصلوا،،،، فى الحقيقة،،،و البروسيس،،،،،،
على طول طمنته و اوضحت ليه، أنا قاصدة يجونا فى البيت و يقولوا واحد إتنين تلاتة،
لأنو مافى زول جانا،
ليه إنتوا بيتكم وين؟؟؟
فى أول الرياض،،،
لا طبعا بكونوا قدروكم ،،،،
أنتهى الحوار،
و عرفت إنو ما عندنا حظ فى الثروة و السلطة،،،،
|
Post: #28
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-17-2009, 08:29 AM
Parent: #26
هاله حسن...
عليك الله؟!!!! والله ده حوار ولا في الخيال.. يعني ناس دارفور والجنوب، عدوهم بالطياره...
وانتو قدّروكم..
اها سمح عدّوا منو بالضبط؟؟!!!
الناس ديل كانوا فالقننا بالتكنولوجيا الاستخدموها.. وشي GIS وشي Automated forms... وما محتاجه ادخال، scanning بس!
غايته يا هالة .. اديني عدد ناس بيتكم... نضيفهم لعددنا ده...
حتى حينه.. نضيفك لعدد العندي ده...
بقينا 41 بي هالة حسن
تحياتي
|
Post: #29
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Hala Hassan
Date: 08-17-2009, 09:19 AM
Parent: #28
يا مريم،،
| Quote: الناس ديل كانوا فالقننا بالتكنولوجيا الاستخدموها.. وشي GIS وشي Automated forms... وما محتاجه ادخال، scanning بس! |
غايتو يا مريمAutomated forms ما عارفة،،،
لكن حد علمى،
إدخال البيانات دة براهو كانو موضوع ليه جدول زمنى كبير (بالشهور) بواسطة جيش من العاملين،،،
يكون دة الإسكاننج،،،
للضمان كدة،،
إحنا 3،
ناس أخوى 5،
أمى و أخوى و أختى 3،
و لسه ما عرفت ناس أختى و نسابتها و خالاتى و عمتى مثلا جوهم ولا لأ!!!!
|
Post: #37
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-18-2009, 12:43 PM
Parent: #29
هاله ازيك.. والله شوف عيني الراجل في التلفزيون بتفشخر بي انه عملية ادخال المعلومات بقت automatic!!! بالله طلع كلام ساي!!! لكن تعرفي.. السودانيين (بشكل عام).. عندهم طريقة في جعل التكنولوجيا الجديدة، وبالا عليهم قبل ان تكون نعمة.. وبدل تسرّع الحاجات.. تزيد الامور تعقيد...
البركة في الرواتب الovertime الاخدوها الاشتغلوا في الموضوع.. مصائب قوم!
محبتي..
|
Post: #27
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: احمد العمار
Date: 08-17-2009, 08:23 AM
Parent: #20
| Quote: ماشاء الله.. ربنا يخلي ليك زوجتك وعيالك... اخترتوا حرف صعب "الواو"... لكن ماشاء الله اسماءم جمعيا حلوه... |
تسلمى يا ستى .. الحلو زوقك
أحمد العمار
|
Post: #30
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: نادر
Date: 08-17-2009, 10:17 AM
Parent: #27
أها يا مريم دي نتيجة التعداد السكاني الأخير أضيفي الرقم النهائي البتتوصلي ليهو مع العدد الاجمالي الهنا ده ورسليها للجهاز المركزي للاحصاء على الويب سايد بتاعهم دهhttp://www.cbs.gov.sd/Tiedadat/Tiedadat3.htm وقولي ليهم مافي مشكلة كلما ألقى لي زول ما عديتوهو بعمليكم update واتفاهمي معاهم على السعر برضو عشان الأولو شرط آخرو نور
|
Post: #31
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Hussein Mallasi
Date: 08-17-2009, 10:24 AM
Parent: #30
| Quote: ورسليها للجهاز المركزي للاحصاء على الويب سايد بتاعهم |
سايد و داير يعدوهو !!
|
Post: #32
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: جعفر محي الدين
Date: 08-17-2009, 10:53 AM
Parent: #31
مريم بنت الحسين
أ
أمانة ما ظلمت الحكومة ظلم الحسن والحسين الحكومة دي بتعدها وهي طايرة والدليل إنو المغتربين كلهم بيدفعوا ضرائب المهم خلي لينا البوست مرفوع لحدت الانتخابات عشان نصوت هنا شكلوا ما في طريقة نصوت في أي حتة تانية
|
Post: #33
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Hussein Mallasi
Date: 08-18-2009, 07:55 AM
Parent: #32
Quote:
يا محمد الحاج
حسين ملاسي الكريه ده
عرف "جدو" دي
من وين؟
ما عرفتكـ بتباري العفن انت زول راقي؟
زح من الكوشة دي عليكـ الله.
كلامي الشين ده أبيت أمكتبو هناك في بوست مريم - المقام لا يسمح - |
بكدا المقام بقى يسمح.
|
Post: #34
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: حافظ حسن ابراهيم
Date: 08-18-2009, 08:42 AM
Parent: #33
مريم بت الحسين و كل المتداخلين
يا خي انتو البعااااااااااااااد ديل دايرين يعدوكم ... نحنا الهنا في الخرطوم محل الطيارة بتقوم و ما عارف مين كدا بنوم ما عدونا دايرين يعدوكم انتو؟
و ما كدا بس ناس بيتنا الفي الاقاليم البعيدة والله ما عدوهم و بعدين ناس بيتنا ديل كتار خلاص و خايف عليهم من العين اصلو البوست دا فيهو ناس عيونهم حارة بالحيل...
و لكن والله و الشهادة لله البنية العدادة جات يا بت الحسين الا مرة جيرانا هاجت فيها قالت ليه
(طيري يا قشرة معدودين في الجنا),,, و علي كدا البنية العدادة اشتغلت ليك بقاعدة اهلها (الشر يعم و الخير يخص) و علي كدا حردت كل الفريق و ما عدتهم؟
انتي يا بت الحسين كدي احتسبي فكرة العد دي و قولي محسوبين في الجنة
و جاي تاني
|
Post: #36
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Hussein Mallasi
Date: 08-18-2009, 10:55 AM
Parent: #34
| Quote: كلامي الشين ده أبيت أمكتبو هناك في بوست مريم |
كلامك الشين الأبيت تمكتبو في بوست مريم اتمكتب غصباً عنك يا سيد سايد.
|
Post: #44
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-19-2009, 10:45 AM
Parent: #34
Quote: و لكن والله و الشهادة لله البنية العدادة جات يا بت الحسين الا مرة جيرانا هاجت فيها قالت ليه
(طيري يا قشرة معدودين في الجنا),,, و علي كدا البنية العدادة اشتغلت ليك بقاعدة اهلها (الشر يعم و الخير يخص) و علي كدا حردت كل الفريق و ما عدتهم؟ |
الاخ حافظ .. شكرا على التعليق..
لكن غايته ده ما عذر ابداً.. البنية كان زعلت .. ولا خافت.. يا تمشي تجيب معاها موظف .. يا يكون معاها ضابط يساعدها.. التعداد ده مسألة مهمة جداً... بعدين الحرد شنو يعني!!؟ ده وظيفة حكومية بتاخد عليها مرتب... غايته حق اليوم داك ببقى حرام...
نعدّك حسي مع الرقم العندنا ده؟ وبنقول ما شاء الله
بنت الحسين
|
Post: #39
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-18-2009, 04:31 PM
Parent: #32
أخي جعفر...
بالله.. قلت لي بتعدنا وهي طايره.. والله كلامك صاح...
يعني اقل شي المغترب البدفع دم قلبه من حق غربته.. ومن عمره... ومابلقى شي في المقابل.. المرفوض يعني يعبروه شويه.. مروان اخوي مشى كندا قبل شهر تقريبا عشان يدرس هناك.. قال لي.. ياخ هنا الضرائب البدفعها.. معروفه بتمشي لرجال المطافي والشرطة... والباقي برجعوه لي بعد سنة.. انتو ضرائبكم بتمشي وين!؟
ولا إجابة..
ألف شكر على المشاركة
|
Post: #38
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-18-2009, 01:13 PM
Parent: #30
نادر.. والله الموقع فيه حاجات مضحكه بشكل... الغريبة انه ده موقع حكومي.. والزول العامل زول هاوي عمل صفحات انترنت!! ده شغل قديم ومكركرع.. زي البيانات بتاعتهم الناجرنها من راسهم...
بنت الحسين
|
Post: #40
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: ghariba
Date: 08-18-2009, 04:49 PM
Parent: #38
انا الحمد لله عدوني
|
Post: #41
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: عبدالعزيز الفاضلابى
Date: 08-18-2009, 10:28 PM
Parent: #40
ناس التعداد يامريومة نامن مشوا يعدو ا بسألوا اهل الزول
عندكن زول مغترب
اها اهل الزول كان مقتنعين بأهمية التعداد بقولوا نعم عندنا جنايا
ساكن/ساكنة فى البلد الفلانى .
وكان بخافوا من العين بغترشوا عليهن .
|
Post: #42
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Hussein Mallasi
Date: 08-19-2009, 07:57 AM
Parent: #41
زول ما عارف الفرق بين سايت و سايد كفاية عليهو يعدوهو
ناس الجوازات .. الجوازات عموم و ليس جوازات المغتربين!
|
Post: #43
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: د.نجاة محمود
Date: 08-19-2009, 08:22 AM
Parent: #42
تعرفي يا مريم الصورة دي اخطر صورة ظهرت في البوردات دي
لانها بتكشف كذبة الرجال الكبرى البسببها يبرر التعدد
انه عدد النساء اكبر من الرجال
عشان كدا لازم يحصل تعدد..
بقت عليك تفاحة نيوتن الليلة..
شكرا ليك..
|
Post: #51
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-19-2009, 07:18 PM
Parent: #43
|
Post: #50
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-19-2009, 07:14 PM
Parent: #41
عبدالعزيز الفاضلابي...
والله ضحّكتني.. قلت لي لو خايفين من العين ما بتكلموا... غايته لو سألو أهل نادر زوجي... بلقوهم هناك.. لكن لو فتشوا اهلي، اهلي كلهم مافي البلد...
التقديرات كترت في موضوع التعداد ده...
ما قلت لي.. نعدّك هنا ولا لأ؟
|
Post: #45
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-19-2009, 10:52 AM
Parent: #40
استاذ غريبة.. تحية...اشمعنا يعني عدّوك... ؟؟؟؟
حتصوت ليهم في الانتخابات الجايه؟ ولا حتنتظر تشوف البرامج الانتخابية للمرشحين؟ :)
بنت الحسين
|
Post: #46
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Elmosley
Date: 08-19-2009, 10:55 AM
Parent: #1
حفظكما الله ومحمودكم
يابنتنا مريم وابننا نادر
|
Post: #47
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Hussein Mallasi
Date: 08-19-2009, 01:56 PM
Parent: #46
يا كافي البلا .. ما لقيت ليك زول بيعرف كمبيوتر
– أو انجليزي على الأقل – يوريك انها "سايت" قبال تجي تكتبها هنا.
______
أكرر نصيحتي .. أن اعتذر لناس الجوازات.
|
Post: #48
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: محمد الجزولي
Date: 08-19-2009, 02:07 PM
Parent: #47
يازول انت الرُجال منتظرينك في ديوانك هناك ! أجِي !!!!
ـــ
سلام بت الحسين وممكن تعَدونا معاكم اربعة بالله .. رايح لينا عَدهَ ... لوووول ...
|
Post: #49
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Elawad
Date: 08-19-2009, 05:14 PM
Parent: #48
| Quote: سوداني بالأم والاب... |
الأخت الكريمة مريم
تحياتي
أظن و أرجو تصحيحي إن كنت مخطئا أن محمودا (ربنا يحفظه ليكم) يعتبر سوداني بالميلاد.... لأن كلمة بالميلاد التي تضاف إلى الجنسية المقصود بها أن حاملها استحق الجنسية منذ لحظة ميلاده للتفريق بينه و بين من نال الجنسية لاحقا بسبب الإقامة أو الزواج أو غيرها و يطلق على نوع جنسيته بالتجنس. فليس المقصود سوداني بالميلاد أي ولد بالسودان.
بالنسبة للتعداد هم العدوهم عملوا ليهم شنو؟ بس الله يسهل و البلا دا يترفع عننا و الحاجات دي كلها تتعمل من الأول.
|
Post: #54
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-19-2009, 07:30 PM
Parent: #49
والله يا العوض انت كده دخلت شك في فهمي للقصة.. عشان كده ما حأقدر اصححك.. لاني شكيت في فهمي للمسألة برضه.. لكن أميل اكتر لتفسيرك للأمر..
افهم من كده انكم عدّوكم؟
ياخ والله حاره جدا قصة الاستثناء دي... والله حاسه بانهم اتجاهلوني كده وحقروا بي
|
Post: #53
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-19-2009, 07:27 PM
Parent: #48
محمد الجزولي ازيك...
جداً.. نعدّكم.. ماشاء الله.. ربنا يخلي...
الرقم بقى: 45
انا عايزه اتأكد من حاجه كده.. انت متزوج إقبال وابنك اسمه حسن؟ ولا انا لفيت غلط؟
بنت الحسين
|
Post: #55
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: محمد الجزولي
Date: 08-19-2009, 07:40 PM
Parent: #53
سلام مريم
| Quote: انا عايزه اتأكد من حاجه كده.. انت متزوج إقبال وابنك اسمه حسن؟ ولا انا لفيت غلط؟ |
حَشاك اللف الغلط
وأنا بشحمي ولحمي بس ثُلاثينا زاد (نعمة) أخر العنقود ...
وتحياتي لمحمود
ــ
نادر اصلو بلاقيه في الدُشمان بيقادي 
|
Post: #60
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-20-2009, 10:24 AM
Parent: #55
محمد الجزولي... ياسلاااام... احنا ما "اهل" عديل كده...
نسابتك ديل أكتر من أهل بالنسبة لينا.. ان شاء الله نلاقيكم على خير.. وألف مبروك العروسه...
شفته دي بركات العد
بنت الحسين
|
Post: #52
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-19-2009, 07:18 PM
Parent: #46
عمو الموصلي.. ازيك.. وربنا يحفظك ويحفظ ليك عائلتك الكريمة.. ويخليك لينا ان شاء الله...
انت "قطع شك" ما بتكونوا عدّوكم.. هو احنا القُراب بي جاي ما عدونا.. :)
اها .. نضيف كم للعدد بتاعنا؟
|
Post: #56
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: لطفي علي لطفي
Date: 08-19-2009, 08:25 PM
Parent: #52
سلام يا مريم
ما تنسوا ناس ديم لطفي
(ماشاء الله)
لطفي
|
Post: #57
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: لطفي علي لطفي
Date: 08-19-2009, 08:27 PM
Parent: #56
| Quote: أكرر نصيحتي .. أن اعتذر لناس الجوازات. |
و انا انصحك يا حسين ملاسي ان تتخارج من هذا الدار
لطفي
|
Post: #58
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Hussein Mallasi
Date: 08-20-2009, 07:45 AM
Parent: #57
Quote: | Quote: أكرر نصيحتي .. أن اعتذر لناس الجوازات. |
و انا انصحك يا حسين ملاسي ان تتخارج من هذا الدار |
لو كنت في - سوء - موقفه ما كان رفضت النصيحة.. و للا عشان يدك في الموية!!
|
Post: #59
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: معتصم دفع الله
Date: 08-20-2009, 08:09 AM
Parent: #58
مريم إزيك ..
زمان لما يكون في تعداد الناس كان بتخاف تعدهم عشان العين حسب ظنهم ..
هسي العادين ليها شنو كان مافي خدمات مقابل التعداد دا ..
أهلنا أظنهم عرفوا الحاجة دي عشان كده ما قاعدين يتجاوبوا معاها ..
إنتخابات ح تعمل ليها كم يوم ومافي زول تاني بشتغل بيهم ..
وخدمات محلك سر ..
|
Post: #62
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-20-2009, 10:35 AM
Parent: #59
معتصم ازيك ...
والله انا اول مره اسمع بقصة مخافة العين دي... ولو جينا من ناحية الخدمات البتجي بعد العد.. دي مافي زول عنده فيها اي امل ... وما دايرنها تاني زاتو!
يا معتصم الناس ديل ولا كشكروا يعدّونا.. يعني ما جوكم في الرياض وقالوا ليكم في لجنة من التعداد بعد صلاة العشاء، تعالوا.. لا ديل ما حاولوا زاتو!! ولا فكروا إنهم يحاولوا...
انا غايته عايزاهم يعدّوني... يعني انا شايله الجواز ده منظر ساي؟!! هو انا اصلا لو لقيت، اول جواز محترم يجيني بشيله.. لكن إلى ذلك الحين.. انا رقم، لازم يضيفوه (ملوحظة، رقم هنا ما وهمه مني.. رقم هنا بتعني 1 لازم يضيفوه..)
بنت الحسين
|
Post: #61
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-20-2009, 10:30 AM
Parent: #56
"عمو" لطفي ازيك.. معقول ما يكونوا مشوا ديم لطفي؟!!!
اصلوا ما ممكن ... معناها رفاعة قدّام زاتها ما وصلوها..! معقول رفاعة بزاتها ما يكونوا وصلوها...!
لا لا.. ما اظن..
اها .. نعدّكم؟
|
Post: #63
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: لطفي علي لطفي
Date: 08-20-2009, 03:20 PM
Parent: #61
Quote: "عمو" لطفي ازيك.. معقول ما يكونوا مشوا ديم لطفي؟!!!
اصلوا ما ممكن ... معناها رفاعة قدّام زاتها ما وصلوها..! معقول رفاعة بزاتها ما يكونوا وصلوها...!
لا لا.. ما اظن..
اها .. نعدّكم؟ |
مريومه عمتي
ديم لطفي في امريكا
لطفي
|
Post: #64
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-20-2009, 11:28 PM
Parent: #63
هههههههههههههههههههه... والله ديم لطفي الفي امريكا نسيتو تب....
|
Post: #65
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: Amira Elsheikh
Date: 08-21-2009, 00:28 AM
Parent: #64
مريم بت الحسين ... سلام..
شعار التعداد كان ... (اى زول يوم التعداد بايت برة البيت ما بتعد)
تقولى لى نحن ...
الناس ديل يكونو اتصلو بناس الجوازات وقالو ليهم المغتربين ديل عددهم زى 20 مليون
15 مليون هاجرو بعد الانقاذ ...وديل يا معارضة ياصالح عام ياممغوصين من الحكومة دى
وممكن يصوتو ويفوزو اى زول ...بس ما الحكومة
اها ناس العد قالو كان كدى يلقوها عند الغافل ... ويشوفو ليهم زول يعدهم ...
عليك الله عدينى انا وعمر بوب ومنال وباسل ولين ...
اجيب ليك اللستة بتاعة ناس الدوحة؟
|
Post: #66
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-21-2009, 00:51 AM
Parent: #65
أميره ازيك...
عليك الله زولة زي د.منال دي ما يعدّوها!! زولة تتخت في الجرح يطيب...
حسي كده قلنا كم؟ خمسة.. على العدد العندنا....
بقينا
50...
|
Post: #67
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: لطفي علي لطفي
Date: 08-21-2009, 02:07 PM
Parent: #66
| Quote: لو كنت في - سوء - موقفه ما كان رفضت النصيحة.. و للا عشان يدك في الموية!! |
ياتو موية دي؟
موية الماسوره القاطعه؟
ولا موية طملة المطره التي تفاجاكم كل سنة؟
ما قدر لماضغيك ان يمضغاه فلابد ان يمضغاه فخذه بعزة نفس تربت يداك لا تأخذه بذلة نفس
|
Post: #68
Title: Re: ياناس العد.. انا ونادر ومحمود نسيتو يعدونا مع السودانيين.. ضيفوا تلاته للعدد العندكم بالله
Author: مريم بنت الحسين
Date: 08-21-2009, 02:30 PM
Parent: #67
حُذِف الرد أعلاه على د.نجاة... لأن الوقوف بجانب زوجي تهمة أسعى لإثباتها كل يوم
|
|