|
|
|
 Re: الواتساب عمل اغراق يومي خيالي للنكات .. مصير فرق النكات شنو ؟! (Re: مجاهد محمد الهادي)
|
سلام مجاهد ....
Quote: وخوفاً من كدة بتعامل بحذر شديد مع هذه الاستحداثات التقنية - ليس جهلا والحمدلله لكني أؤمن أنها سوف تجعل حياتي مملة لا طعم ولا رائحة لها
لم أعمل واتساب ولا سمارت فون ولا خلافو ومتردد بالجد حتى لا تنسرق الدهشة مني وهي نعمة لا أريد لها أن تُسرق |
حتي قبل شهرين كنت احمل تلفونا صينيا أب تلاتة شرائح وكان يكفيني تماما ..
لكن ما صمدت لانو العالم داير وسائل تواصل سريعة ووقتية فأضظريت الحق بأخر عربات العولمة ..
| |
 
|
|
|
|
|
|
|
|
Re: الواتساب عمل اغراق يومي خيالي للنكات .. مصير فرق النكات شنو ؟! (Re: ناذر محمد الخليفة)
|
والله يا ناذر
انا لامن شكيت فى قدراتى التذوقية
اسمع نكت كل يوم فى القنوات الفضائية
واقول هسا النكتة وين
المفارقة وين
المضحك شنو
طبعا مهم فى النكتة الاداء
ودا مفقود فى الغالبية
الاكلشيهات والعبارات المكررة تفقد النكتة تاثيرها
الفرق الكوميدية زادها فقير جدا ومتشابه
ابكر وابكرونا
واحد رباطابى مسيخ
واحد حبشى
تقليد للاطفال
تقليد للفنانيين
واستضافات فى القنوات
وسهرات فى الفنادق
وحفلات فى الجامعات
حكى لى باسى الصديق عادل حربى نائب عميد كلية الدراما
ان كليات الجامعة والتى تضم كلية الدراما
تستضيف فرق الكوميديا بنكاتها العنصرية وبادائها الباهت داخل حرم الجامعة
| |
|
|
|
|
|
|
|
|
|
Re: الواتساب عمل اغراق يومي خيالي للنكات .. مصير فرق النكات شنو ؟! (Re: جلال الدين القرشي أحمد محمد)
|
الفنان ناذر. لك التحايا ولضيوفك...... والله انا انبسطت جدا لفكرة اندثار فرق النكات دي... لانها ضارة اكثر من نافعة..... النكتة او الطرفة منذ بدء الخليقة يتداولها الناس في مجالسهم واي شخص ممكن يحكي النكتة وما بتحتاج لقدرات.... ففكرة انه يكون في فريق كامل يردد النكات امام جمهور ما هي فكرة جات في زمن الجدب الثقافي الذي نعيشه الان... والغريبة انهم مصنفين نغسهم دراميين.... هذه الفرق اذكت نار العنصرية وتناولت بدونية مهن وشخصيات ومواقف.... اتمني شخصيا اندثارها....
| |
|
|
|
|
|
|
|
|
|
Re: الواتساب عمل اغراق يومي خيالي للنكات .. مصير فرق النكات شنو ؟! (Re: Abd-Elrhman sorkati)
|
ظروف العمل لم تمكنني من الرد علي جميع المتداخلين ..
المهم .. البوست بوستكم والصالون صالونكم ..
واصلو النقاش والمداخلات وأنا متابع للجميع ..
بس في حاجة داير أقولا ...
جبيل واحدة من القنوات بثت حفل تكريم للممثلة القديرة فايزة عمسيب من النادي الالماني في الخرطوم ..
جايبين فرقة اسمها همبريب للنكات وتقليد الفنانين والحاجات المستنسخة دي ..
الحاجة الداير اقولا انو نكاتم القالوها كلها دون استثناء حتى الواتساب يخجل يرسلا لو قلنا ليهو رسلا ..
نكات من زمن المتوسط الكاكي بي ردا ..
بعدين ياخي شنو الفهم يجيبو زول يقلد كم فنان ؟!! الزول دا لو عندو موهبة زي دي مش احسن ليهو يكون فنان مستقل بي نفسو ؟!!
| |
|
|
|
|
|
|
|
ناذر محمد الخليفة
عبدالعزيز عثمان
)
الفاتح علي التوم
عمر الفاروق عبد الله الشيخ
ود الخليفه
مجاهد محمد الهادي
Mohamed E. Seliaman
Frankly
سفيان عثمان قرضيه
mohmmed said ahmed
Abd-Elrhman sorkati
فيس بوك
تويتر
انستقرام
يوتيوب
بنتيريست