|
|
 اهل الخبرة .. كيف يصنع الشبروت ؟
|
لي 13 سنة بضحي في بيتي بعيد من الاهل
ولا مرة فكرت اعمل الشربوت دا
المرة دي لازم
اها كيف الطريقة
مافي بلح ناشف هنا
العجوة بتنفع ؟
عايزة المواد والطريقة بالتفصيل الممل
بصراحة ما عندي فكرة خالص عنه
وكل سنة وانتم / ن طيبين /ات
والقابلة في منى جمعاً كدا
|
|
 
|
|
|
|
|
|
|
 Re: اهل الخبرة .. كيف يصنع الشبروت ؟ (Re: الجندرية)
|
لوووووووووووووول
السيرة ساي خلتنا نحوص
غلطت في العنوان طبعاً الصحيح شربوت 
وغلطت في الصورة الجنب العنوان كنت عايزة اعمل علامة الاستفهام طلعت اليد
عفواً طبعاً الخطأ في العنوان ما بتصلح اوالحقيقة ما بعرف كيف ؟
وربنا يستر لي قدام 
| |
|
|
|
|
|
|
|
|
 Re: اهل الخبرة .. كيف يصنع الشبروت ؟ (Re: الجندرية)
|
الجندرية
كل سنه وانتو احبتنا ونهر لامتداد الانسان فينا
قلتى لى شربوت، اها عاد النقول ليك قولة، لو الشربوت ده خمر بيبقى شنو
ده حراممممممممممممممممممممممممممممممممم والليلة لووووووووووووووووول
حقو الواحد يجىء يعيد معاكم مادام فيها { شبروت}
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: Raja)
|
جندرية سلام..
ولا يفتي في شربوت وأبا في المدينة..
الوصفة بتاعة الحاجة أم رجاء مظبوطة لكن رجاء نست حاجة مهمة..
الزريعة..ودي نكهة وروح الشربوت..
تضعي خمشة بتاعة عيش (زرة) في شوال وترشي علي موية وتخليه إلي أن يزرع
ينشف بالشمس ثم يسحن (دراش) ويوضع في قماش خفيف مع عصارة التمر كما جاء في وصف الحاجة أم رجاء
الخميرة توضع قبل العيد بيوم..ولو وضعتيها قبل تلاتة أيام يقام عليك حد السكر.
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: Raja)
|
يا رجاء إنتو بتغلوهو؟؟
الللللييييللة و اللليللة دة ما المنكر ذاتو يا بت الأستاذ
نحن بس بنبلو يومين تلاتة و الموية قدر البلح مرتين و مع البهار المذكور إضافة زنجبيل و نعناع و قرفة و قرنفل في قطعة زي بتاعة أبا و لازم يغطوهو بقطعة و إغلاق غير محكم يعني يدوهو فرصة يتنفس {الفرصة الما لقيناها نحن}.
نحن في دار سقط لقط دي مرات خمسة ستة يوم مبلول لوووووول.
بدون خميرة بيرة يا بت الأستاذ
و بدون غليان {نحن ناقصين غليان}
تسلمي
و لا أقول لك
خلللوه
إحشوه
و كل عام وانتو مشربتين و ضاربين لحمة سودانية
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: Raja)
|
Quote: أما عن شربوت الكركدي:
ضعي كمية كبيرة من الكركدي مع الماء في النار واتركيه يغلي مدة طويلة..
صفي الكركدي.. ويستحسن ان يكون ثقيلا..
اضيفي له السكر وخميرة البيرة واتركيه لمدة يومين.. |
مقادير شربوت الكركدي
الكميه المطلوبه : جردل من ماء الكركدي المغلي
نوع السكر: سكر مسحون
كمية السكر: زيادة كمية السكر لا تودي الي اضافة طعم احلي بالعكس تودي الي طعم مر غير مستساغ اذ ان كليو السكر ينتج حوالي 5% كحول
مدة التخمير: تعتمد علي درجة حرارة الغرفة في البلاد البادرة (حيث أعيش الان) اترك الكركدي لمدة اسبوعين في جردل ثم احوله في برميل صغير متين محكم القفل و مصصم لاحتمال الضغط و اتركه لمدة اسبوعين اخرين.
عمل الشربوت كالطبخ يحتاج لمهارة و انتباه و اواني مناسبه
و كل سنة و انتو طيبين
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: الجندرية)
|
لجندرية..إنت كويسة.. والله حصل ليك ايتها حاجة...بسم الله تلحقك وتحضرك وتجيبك في محلك...زي ما قالت ليك اشراقة الشربوت دا .لو زاغ كدة والله كدة بي يبقي حاجة تاني خالص....على آخر عمرك كمان عايزة تطشمي...
| |
|
|
|
|
|
|
|
|
 Re: اهل الخبرة .. كيف يصنع الشبروت ؟ (Re: منصوري)
|
أم الحيران أترك أم محمد تصف لك كيفية
صناعة الشربوت
المواد المطلوبة
بلح ناشف او عجوة
عرق أحمر
جنزبيل
هبهان
قرفه
حلو مر أو (( زريعة إن وجدت))
خميرة
طريقة العمل
1_ غلى البلح مرة او مرتين فى حلة كبيرة
2- تصفية البلح من الماء
3- اضافة البهارات المذكورة اعلاه الى موية البلح المصفى
وهو ساخن فى حالة جردل كبير
تضع 2 ملعقة كبيرة زنجبيل و ملعقة كبيرة عرق أحمر
و 3ملاعق هبهان وكمية من القرفة هذا ويفضل ان تكون
هذه البهارات غير مسحونة اما اذا كانت مسحونة فتربط
فى قطعة قماش وتوضع وتقلل كمية الهبهان
والمذكور اعلاه يتم قبل يومين من العيد
وليلة العيد من بدرى تضيف الى الشربوت الحلو مر
مع 2 ملعقة صغيرة خميرة
اما استعماله خلال 3 ايام من اضافة الخميرة
وما زاد على ذلك ففيه اقوال ولا يصح استعماله
ابراءا" للذمة
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: ود محجوب)
|
الجندرية لوووول شربوت بوصفة ام رجاء وزريعة ابا الله يستر، بس دقيقة اطبع البوست عشان احضر المواد ويا الخروف جاك بلى ، بس اليوم داك ما نتلاقى في البورد عشان ما يقيف قرون قرون ، ما قرون الخروف قاصد
| |
|
|
|
|
|
|
|
|
 Re: اهل الخبرة .. كيف يصنع الشبروت ؟ (Re: الطيب بشير)
|
الجندرية..
الحمد لله اللحقتك قبل ما يغشوك
اها النوريك المواصفات الصحيحه لعمل الشربوت
تجيبي حبتين عجور
ورطل شطه
وخمسه اكياس ليمون
تخلطيهن مع بعض علي خلاطه هااااااديه "يعني من غير ما تعمل صوت"
اهاااا
تشيلي الخليط دا .. وتختيهو في كوره كبيييييره وتكبي عليها شوية دقيق فينو وبالعدم دقيق فتريته .. وتبدى تحركه باستمرار لحدي ما يدك توجعك تقومي تدي تراث يحرك كمان شويه ولما يتعب تراث كمان اعرفي انو الخلطه جاهز ...
تجيبي كوره تانيه تكون برضو كبييييره ... وتكبي عليها ماء 5 لترات .. وتكبي عليها ملعقه فلفل .. ملعقه شمار .. ملعقين ونص ملح .. وما تبقي من توابل
تحركيها جيداً .. ثم كبي الكورتين في جردل متوسط
وبالعافيه
والدعاء ..يوم العيد حراااااام
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: HOPEFUL)
|
اذا ما توفرت الزريعه يا جندرية ممكن تستعملي خدعة عزابة...
ترمي في جردل التخمير " نحنا قاعدين نعملو بالجردل "...ترملبك عيش أسمر " خبز بتاع الناس العندهم السكري "....دي ممكن تدي نكهة قريبة للزريعه....و كتري القرفة.
و لو ما عندكم البلح الناشف اما تنشفس العجوة و لا ما تغليها كتير في النار...
في صحة الخروف.!!!
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: الجندرية)
|
بالسيرة بس صاحبتنا ترنحت وتلعثمت ، وبعدين كيف؟!
كل الوصفات أعلاه ما حا يكون عندها أثر لو ما تم حقنه بنصيه ، ولفض الإشتباك لازم تفصلوا الجرادل حق تراث هو المفروض يحقن ، وده لو هوبتي ناحيته حا تبديها بعشه أم رشيرش ، وتختموها بالليلة ما جه سيد ريدي ما جه ، أو بالندامى.
واحد صاحبي عمل كده وما وسم جردلو ، الولية ضربت وإنبسطت ،قال لي اليوم داك ما خلت غنية ما غنتها ورقصت ليه رقيص العروس رقصة رقصة ، قال لي كانت ممتعة جدآ ، حتى انه تعمد في العيد التاني ان يورطها مرة أخرى.
واحد صاحبنا تالت سمع الحكاية فقام طبقها ، تاني يوم قال لي (الحيوانه سكرته زي سكر أخوها كلو غلاط وشكل)
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: الجندرية)
|
الجندرية
Quote:
مافي بلح ناشف هنا
العجوة بتنفع ؟
|
Quote:
والقابلة في منى جمعاً كدا
|
والله خمجتيها خمج يا جندرية
صديقتنا رجاء
تصدقي ما جرتو كلو كلو
غايتو النحاول ولكم ( أجر ) التشجيع !!!
قريبي خالد الحاج
Quote:
تضعي خمشة بتاعة عيش (زرة) في شوال وترشي علي موية وتخليه إلي أن يزرع ينشف بالشمس ثم يسحن دراش
|
يا زول دي ( مريسة ) أديييل كده
ود محجوب
والله شفتا القبة قلتا تحتا فكي هههههههههههه
رحمابي
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: الجندرية)
|
الغالية اشراقة
نحن في ديك الساعة
لو الشربوت بجيبكم نعملو من غير ضحية
بعدين عليك الله هو فضل شنو في فقة الجماعة ديل ما حرام
طلع السودانيين /ات ديل لا بعرفوا الاسلام لا جو بجنبوا
الله يهدينا ويهديهم
ولهم دينهم ولنا ديننا
**************
فنانا الجميل ابو هديل
لووووووووووووول
حول مقياس الرسم إلى مقياس زمني
السنتمتر = كم يوم ؟
************************
العزيزة رجاء
والغالية ام رجاء
كتر خيركم كتير
بس ما وريتوني مقادير البلح للموية كيف
وفي حالة العجوة كيف ؟ اغليه برضو ؟
بعدين البهارات قدر شنو ؟
يعني بالفنجان ولا المعلقة ؟
وشربوت الكركدي
المقادير كيف ؟
الف شكر يا رجاء
السنة الجاية تشربيه في بيتك متهنية وتفرحي الحاجة بي تيمان كمان
**********
العزيز خالد
والله وصفتك دي تعجيزية
يعني هسي ازرع العيش دا متين وينشف متين مع غيم بلدنا دا ؟
لكن بجربها السنة الجاية
بدس من زريعة رمضان
لوووووووووول الخبرات عندك والله
*******
الطيب ود ابواتي
ناس امي برضو ما بغلوه لكن ما عندي باقي التفاصيل
ما شاء الله عليك اظنك كنت تحت كرعين الحاجة
بعدين ما حنكشة غبى وطشيش سااااااااااااااااااااااي
والفرق كبير .. مرة جيت افتي للناس البيت قلت ليهم قريت انه الزول لو صايم وتعب من العطش ممكن يشرب كباية موية ويواصل اليوم بس يقضيه
أختي عوجت خشمها وقالت لي : ميششششششششش دا ادوكم ليه في اتحاد الكتاب ولا سمعتيه في ندوة إرهاص ؟
في حنكوشة بتعرف تعمل موليتة
ولا بتضفر المصراين ؟
قلت لي ام بشير عملت نعناع
لكن النعناع دا ريحته بتطغى على باقي البهارات
تعرف خليني السنة دي اجرب التقليدي
بعدين السنة الجاية لو ربنا حيانا والموت خلانا
بنجرب ابداعات ام بشير
والف سلام ليها بالله
**********
صديق اخوي
كيفنك
ما تخاف علي اختك شديدة ولضييدة ما بتخليه يزوغ
بعدين في السقط دا يزوغ يمشي وين ما عندو طريقة
***********
ود محجوب
سلاااااااااااام
شايفاك لصقت لي ( ام الحيران دي ) وحيرتني
ما عارفة اوافق عليها من باب البقولوا ليهو سمين يقول آمين ، والتشبه بالصالحين فلاح
ولا اتمسك بـ : الطريق لمن صدق وليس لمن سبق
واعترف اني ما عندي الحبة غير محبة " القوم العزو مريدهم "
امانة شغل الاوراد ما صعب
ربك يعين بدعواتكم بس
ام محمد الله يخليها ما قصرت معاي
بس لو تكمل جميلها وتوريني
نسبة الموية للبلح كم ؟
وبعدين الحلو مرة فكرة كويسة بدل زريعة خالد المافي ليها طريقة
لكن اعمل كيف؟
يعني كم طرقة كدي ؟
واكبهم شخصياً ولا بعد ما اصفيه ولا كيف ؟
والسنة الجاية نشربها جبنة ان شاء الله في منى
****
الغالية عشوشة
بالهنا ان شاء الله
وما تخافي من القرون
جماعة القرون ديل نديهم / ن جك جكين
بنقلبوا / ن رومانسيين / ات وبتاعين غناء وبكى بس
لووووووووووووووووووووول
******
العزيز جمال
جابوا ليك لبن الحمارة ؟
حمد لله على السلامة ياخوي
وصفتك دي برضو بتنفع
ناخد منها للمرارة
واهلنا قالوا مافي شي بضر إلا الكلام المرض
الله يكفينا شره
ما قصرت ما تقصر ايامك
اها نوع الدعاء دا يوم العيد كيف معاك ؟
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: الجندرية)
|
مانديلا
ما شاء الله
عاد بنات الزمن دا غرتن لي صرتن
العذابة حتى الشربوت بعرفوا
ابو ساندرا
لا الكلام دا بجيب الغلط
احسن كل زول بي جردلو يا اخوي
ويا دار ما دخلك شر
الرحمابي
بري وحات خوتك ما خمجتها
الشربوت السودانيين كان بتنشف ليهم متل الكسرى
كان شالوا منى زاتها
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: الجندرية)
|
الجندريه
كيفنك
يخيل لي البتاع ده متوفر في السوبرماركت ( اشكال الوان )
بس المشكله بطول التخزين بتحصل فيه بعض التفاعلات ( السعيده )
عشان كده قزازه عمرها اكثر من عشره سنوات ابعدي منها , ولا اسرعي بيها
لاقرب ( شارح ) لاختبار ( الرخصه ) .
تحياتي لكم جميعا .
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: ابراهيم حموده)
|
ابراهيم حمودة
ويييييييين اراضيك
اوعى تكون اشتريت ليك شربوت من السوبرماركت ويكون اكسبير ولا حاجة
ربنا يطمنا عليك
وشكراً على زيارتك
بس ياخوي حق الخواجات نحن ما بخارج معانا
عايزين ( شغل ايديا وحياة عينيا )
عملتو براااااااااي وطلع شربوت بنات علي
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: Raja)
|
الحـاجـة الوحيــدة الما فهمتهـا من المداخلات دى كلهـا، هى كلام
رجــاء الأخيـر إنو نص كيلـة تسـاوى ربـع!!
لو أينشتاين زاتو جا ما بقدر يحل المشكلـة الرياضيـة دى، كدى أشرحى لينا يا بت العباسـى، عشــان نستفيــد.
ملحوظـة: أنا عارف نص كيلة يساوى ربع، لكن كيف؟
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: الجندرية)
|
حاولت البحث في الانترنت عن كلمة شربوت عسي و لعل أن نساعدك في ايجاد طريقة علمية حديثة لصناعته ولكن " قوقل " لقاها في موقعين أثنين فقط هما " سودانيز أون لاين " و كتاب " أخبار البلاد و اسرار العباد" و كلمة " شربوت " وردت في ذلك الكتاب علي انها نوع من انواع الطيور و ربما الاسماك .
حينذاك قلت لنفسي لابد أن الكلمة الصحيحة هي " شبروت" و ضربت الكلمة في ماكينة قوقل وكانت النتيجة كمايلي :
لم يفلح بحثك عن الشبروت في إرجاع أية نتائج.
لم يُعثر على أية صفحة تحتوي على الكلمة "الشبروت" .
إليك بعض الاقتراحات لبحث أكثر جدوى:
- احرص على تهجئة الكلمات تهجئةً صحيحة.
- جرّب كلمات مختلفة
- جرب استخدام كلمات أكثر شيوعاً.
- حاول التعبير عن مقصدك بكلمات أقل.
ولذلك اقترح انك تشوفي ليك شايقية نجيضة تشاوريها في الموضوع ده و هم احسن من يصنع الشربوت و لازم تكون من البلد يعني "لكة" .
عيد سعيد وكل سنة وانتو طيبين ز
يللا باي
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: Khalid Eltayeb)
|
| Quote: ولذلك اقترح انك تشوفي ليك شايقية نجيضة تشاوريها في الموضوع ده و هم احسن من يصنع الشربوت و لازم تكون من البلد يعني "لكة" . |
خالد الطيب
نان يا مصيبة هي جندرية شربوت ما قدرت تكتبها ليك تقوم تقول ليها (لكة)
أها دي يا الملكي يا الشايقي. وبالشايفو أنا شربوت يختاك ماهو نعيم
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: خالد الحاج)
|
الاخت الجندرية
العمل السبحة يكتب من المسبحين
والماعندو محبة ما عندو الحبة
وحسب تعليمات أم محمد البلح والماء
حسب ما ذكرته الاخت رجاء
أما الحلو مر يوضع بحاله أقل من طرقه شوية
الأخ الرحمابى
أشرب حار وأكتب حار
يأخى ما ذكرنا ما زاد على ثلاثة أيام ده
ما مسؤليتنا
أما يوم ويومين ده أسالنا منو
ولكم الشكر
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: الجندرية)
|
الجندرية
وصفة الحاجة أم رجاء لا يعلى عليها بس إضافة الخميرة قبل تلاتة يوم من القرطعة بتجيب الغناء والضحك .. إضافتي الوحيدة للوصفة دي تمشي السوبرماركت وتشتري ليك قزازة ماكنة حقت عصير عنب - العنب الأسود - وتضيفيها للشربوت بعد التصفية وتضيفي ليهو كمان عنب بناتي طازج فرش مش الناشف داك بدل الخميرة وبعد تلاتة يوم أطرينا بالخير وإذا كان لابد من الخميرة خلي الجردل بدون خميرة وأضيفي شوية خميرة للكمية الناوية تقدميها لأحبابك قبل ساعات من الاستخدام
وما تنسي القاعدة -هيييي ما القاعدة دييييك - ما أسكر كثيره فقليله حرام . وبالهناء والشفاء
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: الجندرية)
|
الشربوت حرام ،
لكن إذا تم تعديله إلى شبروت فأنه يكون مباحا ، وهو مشروب رجالي فقط ، وليس للنساء فيه نصيب ،خاصة اللائي لا يعرفن تأدية رقصة العروس ،
يضر بمرضى القولون العصبي ، ويدفع شاربه إلى مضاعفة نصيبه من لحم الخروف ، فتصيبه التخمة ويهلكه الكلوسترول .
هو اختراع سوداني يتحايل به غير الشاربين في السودان للدخول إلى عالم الشرب والسكر ،
حاولت تجميد الشربوت المعد مسبقا ، ووضعته في الديب فريزر لشهرين لأهديه لصديق ، ولما حاول ذلك الصديق شربه وجد ماءه منفصلا عن بقية مكوناته .
ليه ما يكون في شربوت جاهز للبيع ‘ عشان نتحايل على قوانين سبتمبر ،
يازول إنت شارب حاجة
أبدا والله شارب شربوت بس
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: الجندرية)
|
يا ناس
عملتوها في الجندرية وقعدتو
الحاصل ليها شنو يا سكرتوها يا ناس الكشة جوها
رجاء
| Quote: في شربوت بتاع كركدي.. |
ده شربوت ولا دردمة
نصيحة بوردية
تبقى للعيد خمسة أيام شدو شربوتكم بعد بكرة وتأكدوا من ربط الخروف جيداً قبل النوم.
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: hammama)
|
والله ياجماعة تابعت الحاجة دي كويس جداً ، واشكر كل الذين قدموا وصفات واضح انها دقيقة وناتجة عن تجربة حقيقة ، خاصة او منقولة، لكن يحدي الآن ما وريتونا نقطر الحاجة دي كيف عشان تطلع في شكلها النهائي . الوقت ضايق والعيد قرب . ارجو إفادتنا سريعا.
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: الجندرية)
|
أها دي يا الملكي يا الشايقي. وبالشايفو أنا شربوت يختاك ماهو نعيم
كدى روقو ... وكان تنادو الخباز فى الاول
الملكى بدأت توصف لكم وصف ساااكت البورد طش ثلاثة يوم منها
تمر الشربوت نحن هناك بنبعدو من بدري
واماتنا بكونو شيايلات همو قدر هم الرجال للضحية
شايفة الجكاكة تتاقش لمن ريقي جرى عديييل
ناس رجاء قالو استعدو
اها يالجندرية الشغلانة مشت معاكى
ولانلحقك بباقتين ثلاثة من عندينا
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: ملكة سبأ)
|
Quote: الملكى بدأت توصف لكم وصف ساااكت البورد طش ثلاثة يوم منها
تمر الشربوت نحن هناك بنبعدو من بدري
واماتنا بكونو شيايلات همو قدر هم الرجال للضحية
شايفة الجكاكة تتاقش لمن ريقي جرى عديييل
ناس رجاء قالو استعدو
اها يالجندرية الشغلانة مشت معاكى
ولانلحقك بباقتين ثلاثة من عندينا
--------------------------------------------------------------------------------
آه ياغبش
ماعندي ليكم غير نغيم .. برجوه ينفض لغبار زمن القسا .. الكتاحة
يهد عرجون نخل صبر الغلابة الطال ..
يحت يخرت تباريح الاسى الممدودة فوق نور الدغش |
| |
|
|
|
|
|
|
|
|
|
اهل الخبرة (Re: الجندرية)
|
والله يا رجاء انت زولة بريئة
تراث يقول ليك نقطرو كيف عشان يبقى فى شكلو النهائى
تقولى يصفو وفى التلاجة وبالهنا والشف
يا طيقيشة
تحياتى للحاجة علوية
وسارة الابت البورد
| |
|
|
|
|
|
|
|
|
|
Re: اهل الخبرة .. كيف يصنع الشبروت ؟ (Re: Khalid Eltayeb)
|
طريقة الشمالية
زريعة فيتريتة مضاف ليها عيش احمر شوية تطحن وتضاف ليها البهارات ( كسبرة ، قرفة ، شوية فلفل اسود) ويضاف ليها خمار طبيعي (خمارة عجين وليس خميرة) يخمر الكل لمدة يومين مع إحكام القفل بقطعة قماش ويحرك جيداً عند الخلط (بمكرار)
البلح الجاوي الناشف (ليس الحلو من غير عجوة) يغسل بالماء الحار وينظف ثم يضاف إليه ماء ساخن جديد نقي (نقاع) ويضاف له الحرجل والمحريب ويترك لمدة يومين مع إحكام القفل بالكامل مع قليل من الملح
بعد مرور اليومين يتم خلط الجميع وتترك الخلطة لمدة ثلاثة أيام مع إحكام القفل بقطعة قماش في مكان عتمة
تصفى الخلطة بعد ثلاثة أيام بمصفى كبير الفتحات بعد التحريك الجيد (بمكرار)
يترك المصفى لمدة يومين بدون تحريك
شربوتنا ولا بيبسي جيرانا
بس اوكم من الترنح الجماعة قالو الترنح جريمة
| |
|
|
|
|
|
|
| |
الجندرية
Raja
Ishraga Mustafa
Elmosley
الطيب بشير
منصوري
ود محجوب
عشة بت فاطنة
HOPEFUL
أبو ساندرا
AlRa7mabi
Ibrahim Algrefwi
Abureesh
Khalid Eltayeb
Mayada
ودقاسم
hammama
تراث
ملكة سبأ
Haydar Badawi Sadig
معتصم دفع الله
sharnobi
mohmmed said ahmed
المسافر
فيس بوك
تويتر
انستقرام
يوتيوب
بنتيريست