كتب الكاتب الفاتح جبرا المتوفرة بمعرض الدوحة
|
|
 أنا أتحدى المصارع بريمة محمد أدم في حلقة مصارعة. أي زمان وأي مكان.
|
بما أن شيخ الانداية بريمة قال هو مصارع من الجبال ولقد قام بتهديد عدد كبير من الاخوان هنا بهذا البورد.
أنا أعلن تحدي الواضح للمصارع بريمة محمد أدم الشهير بشيخ الانداية.
شروط المصارعة.
1- يتم اللقاء بعد الاستعداد التام للجانبين( ويا صلاح شعيب جهز زولك أنا جاهز)
2-لجنة تحكيم مكونة من 5 أشخاص. ويجب أن يكون لهم خبرة في الصراع.
3-اللقاء من 5 جولات. ومدة الجولة دقيقتين فقط.
4- تحديد الزمان والمكان وأنا أقترح أن يتم اللقاء في أحد حدائق ولاية فرجينيا خلال أحد الرحلات, (علشان بعد ما أخلص على بريمة أمشي أضرب شية.)
5- الشخص المهزوم عليه عدم الكتابة في البورد لمدة عام كامل .
يا بريمة.
أنا طبعا عندي لقب بتاع مصارعة قديم وح أكشف عن هذا اللقب في الوقت المناسب , بس علشان ما تهرش.
يجب أن تعتبر هذا بمثابة تحدي صريح وواضح ولا عزر لم أنزر.
المصارع الكبير...
المعروف بدينق.
|
|
 
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
Quote: ايوه يا ( دينق ) دا الكلام ..
انا اول مرة اكون معاك في حاجة ..
من زمان الامور لو مشت كدا ..
كان الناس دي بطلت ( قلة الادب ) .. |
الاخ حميدة.
هناك بعض الامور يجب أن تحسم بوسائل أخرى
| Quote: في انتظار رد ( بريمة ) .. |
أصحا يا بريمة.
Quote: ..
نبارك لاعضاء سودانيزاونلاين المستوى الجديد للـ( حوار ) .. |
الله يبارك فيك. أصلوا في ناس لازم تسعمل معها أساليب مختلفة.
دينق.
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
Quote: ايه رايك يادينق انا بعدك طوالي!
الي هذا اليوم، زول طولي، هزمني في المصارعة مافي!
يابكري ابوبكر عايزين دورة مصارعة عديل كده تنقل حية، بث مباشر!
المصارعة انواع، خلونا نتفق علي القواعد!
بعد بريمة انا عايز اصارع احمد الريح! |
يا بشاشا.
لو داير تصارع بريمة من بعدي لازم تنتظر سنة كاملة, لأان الراجل حيكون لسه بعاني من الاثار.
بعدين زولك أحمد الريح ما أظن بقدر يصارع. ده شهر ما عنده فيهوا نفقة.
دينق.
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: bayan)
|
| Quote: ويا صلاح شعيب جهز زولك أنا جاهز |
صديقنا دينق
كما قالت لك تراجي أن بريمة بقي سودان "ما بعد الجديد"
وقد تاب ومن تاب تاب الله عليه..كل ما أعرفه إنه كان مشاهدا لمصارعة حمد النيل
الجميلة ديك ولكنو ما بالحيل علي العضلات الطبش دي..ثم إن كل ما أستطيع أن أفعله في مصارعتكم دي إني حأكون رجل خط ولا المصارعة ما فيها رافع البيرك..وحكم دي ما بقدر عليها لأني حأتوصي علي جاري وزن الريشة من عضلاتك المدربة دي..وهي حتما عضلات زادها العبار تألقا ..والعبارات بتاعة بريمة دي زي ما قلت ليك روب ساكت وقيل بحلال..ويا هو العقل الباطني بتاع السودان القديم ما يزال متلبسنا..ولكن عموما "أنا بره" وعباري عسلية ساكت ومن تاب تاب الله عليه..شفت السودان القديم كيف..ولكن ما في مانع من "نص عبيبير صغير كدي" وأقش خشمي وكأن شيئا لم يكن..وبرضو أنا بره وبريمة جوه؟
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
نصيحة لله في الله يا بريمة ..
أوعك تشيلك الهاشمية وتقبل تصارع دينق دا !
أنا نويت ليهو نية سودا لمن جا الخرطوم وقلت مجرد ما أشوفو طوالي حا أمسكو كربون وأديهو بنيتين في نخرينو وشلوت في الكلاوي بتاعتو لمن يقوم جاري .. لكن مجرد ما شفتو طوالي غيرت رايي وكبيت الجرسلين وشبكتو ليك (داك كان كلام كيبورد ساي) و (المنبر حاجة وهنا حاجة تانية) ..
مش كدة وبس ..
كمان في كل لقاءات البورداب في الخرطوم كنت واقف على خدمتو من تجهيز الشاي والعصائر والعبابير وأنا أدعو ربنا دينق ما يتذكر مداخلاتي الحارة المعاهو ديك .. فكان كل ما يجيب سيرة المنبر بغير طوالي الموضوع وأقول ليهو (بلا منبر بلا بطيخ .. إيه رايك نمشي الديوم نضرب كوارع نهضم الشي الفي بطننا دا ؟) وبالطريقة دي ختيت شرو لحدي ما سافر وخسران فيهو ما أقل من أربعة ألف دولار ..!
أعمل حسابك شديد يا بريمة عشان الشغلة لو جابت رهان أنا بالتأكيد ما براهن على حصان خاسر .
شنكل :
مسئول من الخير يا دينق .. بريمة ما جا بارك لي عرسي لييه ؟!!!!!!
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
Quote: يا ابو كمش؟
هي حصلت؟
بالله لو سمحت ممكن اتكلم مع الرابوت حقك؟
يكون لخبط العبابير بحاجات تانية
عملت ليك هلوسة..
زمان قلنا ليك احسن ليك حسناء..من الرابوت..
تلزها من الطابق السابع ترجع ليك تقوليك بطل الهزار الخشن دا * |
شيخة الظلام.
أها ده صراع عديل كده أنتي موقفك وين من الصراع ده؟
أنا ما عندي أي مشكلة ممكن نوفر لك أنثي تصارعك برضه
علشان نشوف فصاحتك دي حدها وين.
المصارع...
المعروف بدينق.
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
Quote: صديقنا دينق
كما قالت لك تراجي أن بريمة بقي سودان "ما بعد الجديد"
وقد تاب ومن تاب تاب الله عليه..كل ما أعرفه إنه كان مشاهدا لمصارعة حمد النيل
الجميلة ديك ولكنو ما بالحيل علي العضلات الطبش دي..ثم إن كل ما أستطيع أن أفعله في مصارعتكم دي إني حأكون رجل خط ولا المصارعة ما فيها رافع البيرك..وحكم دي ما بقدر عليها لأني حأتوصي علي جاري وزن الريشة من عضلاتك المدربة دي..وهي حتما عضلات زادها العبار تألقا ..والعبارات بتاعة بريمة دي زي ما قلت ليك روب ساكت وقيل بحلال..ويا هو العقل الباطني بتاع السودان القديم ما يزال متلبسنا..ولكن عموما "أنا بره" وعباري عسلية ساكت ومن تاب تاب الله عليه..شفت السودان القديم كيف..ولكن ما في مانع من "نص عبيبير صغير كدي" وأقش خشمي وكأن شيئا لم يكن..وبرضو أنا بره وبريمة جوه؟ |
حبيبنا صلاح شعيب.
قصة عصاية قايمة وعصاية نازلة ما بنفع معانا. بريمة لازم يقول أنو سودان جديد بأعلى صوت وبدون خوف, ونحن بنقيف من وراهو, لكن الرمادية دي ما بتنفع معانا. ياأبيض ولا أسود. أنا أخترتك لتجهز صاحبك ده لأنو غير جاهز ولا عزر لمن أنزر. أنت عارف كويس يا صلاح الصراع ده عاوز مشك وعصيدة وعبابير سمسم وأنا مجهز كل شئ وح أدخل في معسكر مقفول قريبا. بعدين العسلية دي لقيتا وين في أمريكا دي؟
دينق.
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
Quote: نصيحة لله في الله يا بريمة ..
أوعك تشيلك الهاشمية وتقبل تصارع دينق دا !
أنا نويت ليهو نية سودا لمن جا الخرطوم وقلت مجرد ما أشوفو طوالي حا أمسكو كربون وأديهو بنيتين في نخرينو وشلوت في الكلاوي بتاعتو لمن يقوم جاري .. لكن مجرد ما شفتو طوالي غيرت رايي وكبيت الجرسلين وشبكتو ليك (داك كان كلام كيبورد ساي) و (المنبر حاجة وهنا حاجة تانية) ..
مش كدة وبس ..
كمان في كل لقاءات البورداب في الخرطوم كنت واقف على خدمتو من تجهيز الشاي والعصائر والعبابير وأنا أدعو ربنا دينق ما يتذكر مداخلاتي الحارة المعاهو ديك .. فكان كل ما يجيب سيرة المنبر بغير طوالي الموضوع وأقول ليهو (بلا منبر بلا بطيخ .. إيه رايك نمشي الديوم نضرب كوارع نهضم الشي الفي بطننا دا ؟) وبالطريقة دي ختيت شرو لحدي ما سافر وخسران فيهو ما أقل من أربعة ألف دولار ..!
أعمل حسابك شديد يا بريمة عشان الشغلة لو جابت رهان أنا بالتأكيد ما براهن على حصان خاسر .
شنكل :
مسئول من الخير يا دينق .. بريمة ما جا بارك لي عرسي لييه ؟!!!!!! |
العريس نازر.
بالله ما ترهب لينا الزول ده بريمة ده زبون وما تتفشوا لي.
يا بريمة كلام نازر ده كلام عريس بهضرب بالعرس ساكت. أنا ح أكون ملتزم بالقوانين المعروفة للصراع.
المصارع...
المعروف بدينق.
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: bayan)
|
| Quote: تحديد الزمان والمكان وأنا أقترح أن يتم اللقاء في أحد حدائق ولاية فرجينيا خلال أحد الرحلات, (علشان بعد ما أخلص على بريمة أمشي أضرب شية.) |
الحبيب دينق
سلامات
الزول دا فليق إمكن تقدر علي لكن صراع .. الزول ضارب السمن في جهلو ما ظنيت تقدر علي
دحين خُت شرط ويمكن إستخدام اي شئ في الصراع في شان كان غلبك تفلقّو
خالد محجوب
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
Quote: الحبيب دينق
سلامات
الزول دا فليق إمكن تقدر علي لكن صراع .. الزول ضارب السمن في جهلو ما ظنيت تقدر علي
دحين خُت شرط ويمكن إستخدام اي شئ في الصراع في شان كان غلبك تفلقّو
خالد محجوب |
أخونا خالد محجوب.
السمن الضاربواالمصارع بريمة ده هسع يكون عمل ليهو كولسترول وما قادر حتى يتنفس كويس.
نحنا ناس ضاربين عصيدة ومشك وسمسم.بعدين الفليق ده ما معانا, العضل بالعضل. وخلينا نشوف منوا الحيطلع أبو عضل.
دينق.
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: إسماعيل وراق)
|
| Quote: بعدين العسلية دي لقيتا وين في أمريكا دي؟ |
يا دينق إنتا قايل محتوي العبابير بس في السودان..يا خي نحن عندنا في حلتنا أفضل زولة بتعمل عسلية والقومزوت والبوزة وحاجات تانية حامياني ، وهي من منتجات الدامرقا وكلو عيش في عيش..هذه المرأة الله يطراها بالخير واسمها حواء أم عكاكيز، وطبعا خلفت عشة بنزين ..فقط تعالن جاي ، حتلقي عبارك في إنتظارك..أما أخونا بريمة فإنه من رواد الروب الحامض الذي يجعله يئن ويرجحن زي نوبة العيلفون، وقيل حمد النيل ..وأنا بره و"كلهم" جو..ا"..ثم إنو يا دينق الحاجات بقت قلوبال ويمكن بعد شوية تلقاها في سيفين إليفين أو محلات الماكدونالز في الخليج وماليزيا.. مع الاعتذار لكيزان "ما لي زيــــــــــي ده"
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: عمر الفاروق)
|
Quote: ايه رايك يادينق انا بعدك طوالي!
الي هذا اليوم، زول طولي، هزمني في المصارعة مافي!
يابكري ابوبكر عايزين دورة مصارعة عديل كده تنقل حية، بث مباشر!
المصارعة انواع، خلونا نتفق علي القواعد!
بعد بريمة انا عايز اصارع احمد الريح! |
والساقية لسة مدورا!
دايرين دليل اكتر من كده من فراغ الجلابة والجلابيات؟
الملايين ماتو، او ملايين اخري شردت، وكرد فعل نجد هيافة كهذه؟
هل ده صدفة؟
مافي حاجة صدفة، اصلا، في الوجود!
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
الاخ المصارع الخطير دينق ، ارجو شاكرا ان تكون حقوق النشر والدعاية لهذه المصارعة خاصة بموقع محمد هجو الاقرع (منتديات سودانى للأبد ) وسوف نتكلف بكل المصاريف اقامة الفنادق والمرافقين والمدربين . كما اعلن اننى على استعداد تام على منازلة اخونا ابو( محمد بشاشا) وهذه المره( بطان) ذى البيحصل فى حفلات اهلك الجعليين والفائز منكم سوف يكون صاحب سوط العنج المسقى بالدهن ، اركز يا بشاشا. طبعا اكيد انا الفائز تعرف مع كل سوط تسمع بشاشا يقولك يا دينق شوية واعصر الجلابى الكوز داك ، طبعا بعد اول صوت بشاشا بكب الزوغة وبقول دى حركات جلابة.
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
| Quote: يا دينق إنتا قايل محتوي العبابير بس في السودان..يا خي نحن عندنا في حلتنا أفضل زولة بتعمل عسلية والقومزوت والبوزة وحاجات تانية حامياني ، وهي من منتجات الدامرقا وكلو عيش في عيش..هذه المرأة الله يطراها بالخير واسمها حواء أم عكاكيز، وطبعا خلفت عشة بنزين ..فقط تعالن جاي ، حتلقي عبارك في إنتظارك..أما أخونا بريمة فإنه من رواد الروب الحامض الذي يجعله يئن ويرجحن زي نوبة العيلفون، وقيل حمد النيل ..وأنا بره و"كلهم" جو..ا"..ثم إنو يا دينق الحاجات بقت قلوبال ويمكن بعد شوية تلقاها في سيفين إليفين أو محلات الماكدونالز في الخليج وماليزيا.. مع الاعتذار لكيزان "ما لي زيــــــــــي ده" |
صلاح شعيب.
بعد زكر ما تحته خط تاني البجميك شنوا؟
بعدين يا صلاح ما ممكن يكون أخونا بريمة بضرب روب من ما كان جنا صغير حتى الان أكيد يكون كبر وكبرت معاهوا إحتياجاته.
دينق.
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
Quote: سلامات يا دينق
أديك نصيحة ، لو عايز تصارع بريمة فدي محاولة إنتحار مافي داعي ليها وقول لي صاحبك بشاشا أحمد الريح دة بديك 5/صفر مقدماً قبل ما تقول ياهادي ..
دحين يا ناس إنتو روحكم دي ماله همله عندكم بالشكل دة ؟ |
بكري إسماعيل.
مافي أجبن من الكيزان في السودان, وأحمد الريح ما أظنه حتى بقدر يجري ناهيك عن يصارع.
أما المصارع الزائف بريمة. فهوا أدعى بطولات زائفة بجبال النوبة وحمد النيل, وأنا لازم أضع حد لهذا المصارع الكرتوني.
دينق.
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
| Quote: الاخ المصارع الخطير دينق ، ارجو شاكرا ان تكون حقوق النشر والدعاية لهذه المصارعة خاصة بموقع محمد هجو الاقرع (منتديات سودانى للأبد ) وسوف نتكلف بكل المصاريف اقامة الفنادق والمرافقين والمدربين . كما اعلن اننى على استعداد تام على منازلة اخونا ابو( محمد بشاشا) وهذه المره( بطان) ذى البيحصل فى حفلات اهلك الجعليين والفائز منكم سوف يكون صاحب سوط العنج المسقى بالدهن ، اركز يا بشاشا. طبعا اكيد انا الفائز تعرف مع كل سوط تسمع بشاشا يقولك يا دينق شوية واعصر الجلابى الكوز داك ، طبعا بعد اول صوت بشاشا بكب الزوغة وبقول دى حركات جلابة. |
الاخ الكريم هجو.
أنا موافق على هذا التبرع السخي من جانب موقعكم, ولكن هل أنتم على أستعداد أن تتبنوا عبابيرنا كمان ولا القصة دي حرام عندكم؟
بعدين أخونا بشاشا ما عنده علاقة بقصة سوط العنج ده, ولكن هو طالب مصارعة الكوز أحمد الريح.
أنا بيني وبينك محتاج لي لسوط عنج لي نفرين من بورداب السعودية ديل عمر الفروق وصلاح غريبة ديل بحتاجو لجلد في صلبهم.
دينق.
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
Quote: بالله يا أخوانا من خلقتو شفتو زول مربى بالمشك يصارع زول مربي بالبركيب .. والبركيب دا اللبن الرايب .. أخونا أبو أسيل، صلاح شعيب، سماهو الروب .. غلطان .. الروب هو البركيب بعد ما ينزعوا منه الدسم .. لا يا صحبى نحن نشرب اللبن إما من ضرع أمه وأو بعدما يصير بركيب ..
دينق أنت طولت لسانك يا بتاع المشك (والمشك هو العجين الذى يفضل بعد أن يصفوا منه المريسه، شفتوا الفارق بين التربيتن) .. أنا سوف أحسم الأمر وأنظم المصارعة فى دار الجالية السودانية فى مدينة الألكساندرية ..
وأبقى راجل ..
بريمة |
المصارع الكرتوني بريمة.
وفي رواية منسوبة لأخونا كوستاوي "المصارع المرهاضي"
شوف يا بريمة, كلمة مشك دي زي كلمة نفط ومشتقاته والمشك ومشتقاته المعروفة. بعدين أنت نسيت العصيدة والمرس والبافرا؟
بعدين أنت عارف موقفي كويس من ناس الجالية الانتهازيين ديل ولا قعد أمشي مناسباتهم, وأنت عارف الكلام ده كويس. أوع دي تكون زوغة منك.
بعدين كدي تعال نسألك. من متين كان للجالية دار؟
دينق.
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
دينق كتب:
| Quote: نحنا ناس ضاربين عصيدة ومشك وسمسم |
ول ابا دينق..جيباك..
ياخي لكن ما شرط عينا..
ما كان احسن تقول لينا ماكل سورج..ولا امزمبك الحادقة(ده اسم المريسة في دار حمر)..عرفتك بيها برضو من منازلهم ساكت؟
الغريبة في نيابة امبدة ..واحد وكيل نيابة كان داير يحرر بلاغ في مواجهة مواطن بدعوى حيازة الخمر..و المعروضات كانت مشك..وبعد نقة حتى قدرنا نقنعو انو المشك ده..فضلات انتاج المريسة..و غنم الخرطوم كلو عايشة عليهو..و تجي انت ياخي تقول لينا ضارب مشك..!!
اها يا ولد ابوك..مافي صراع بدون سبارة..حدد سبارتك (جمع سباري)..وول ابا بريمة يحدد سبارتو..و الباقي هين..
كبر
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Deng)
|
Quote: ول ابا دينق..جيباك..
ياخي لكن ما شرط عينا..
ما كان احسن تقول لينا ماكل سورج..ولا امزمبك الحادقة(ده اسم المريسة في دار حمر)..عرفتك بيها برضو من منازلهم ساكت؟
الغريبة في نيابة امبدة ..واحد وكيل نيابة كان داير يحرر بلاغ في مواجهة مواطن بدعوى حيازة الخمر..و المعروضات كانت مشك..وبعد نقة حتى قدرنا نقنعو انو المشك ده..فضلات انتاج المريسة..و غنم الخرطوم كلو عايشة عليهو..و تجي انت ياخي تقول لينا ضارب مشك..!!
اها يا ولد ابوك..مافي صراع بدون سبارة..حدد سبارتك (جمع سباري)..وول ابا بريمة يحدد سبارتو..و الباقي هين..
كبر |
ود ابا كبر.
لمن أنا زكرت المشك كنت أعني مشتقاته, والرسالة كانت موجهة لأخونا بريمة وزي ما عارف مشتقات المشك دي يصعب زكرها في هذا البورد الجلابي.
دينق.
| |
|
|
|
|
|
|
|
|
|
Re: أنا أتحدى المصارع بريمة محمد أدم في حلقة مصارعة. أي زمان وأي مكان. (Re: Tragie Mustafa)
|
غياتو نحنا الجكس الحيجي مع بريمة...معانا دلوكة لزوم التشجيع..
ويا دينق ما تبقى عليك قصة الرباطابي العامل رباطي
وقال لي شايقي انا كان جيتك بكتلك
الشايقي قاليه اكان راجل تعال
صاحبك جا بس الشايقي مسكو ليك من كرعينو بردلم جابو الارض
اها مرة الرباطابي اتحرجت شديد على راجلها الدعفسوا في الو..اطة
قالت واخجلتي رماك؟؟؟نان مالك ما وقفتلو..
قاليها يا مرة انتي ما عندك رويس اقوليك الرجل دي كجرا ودي عقدها
نان اقيفلك بشنو؟
من اسع التشيع
مصارع الضلاميين بريمة الاسد النتر ها هيع هيع
ضو الكوم الما بنوم... هيع هيع
اسد الغابة هيع هيع
| |
|
|
|
|
|
|
| |
Deng
معاذ حسن
humida
Atif Makkawi
Bashasha
Tragie Mustafa
حيدر حسن ميرغني
bayan
صلاح شعيب
ناذر محمد الخليفة
Biraima M Adam
Kostawi
saif massad ali
خالد علي محجوب المنسي
إسماعيل وراق
عمر الفاروق
Mohamed E. Seliaman
هجو الأقرع
Mahjob Abdalla
Kabar
فيس بوك
تويتر
انستقرام
يوتيوب
بنتيريست