|
|
 محمد منير وهاني شاكر وشيرين بالخرطوم أول يونيو من أجل دارفور
|
تشهد الخرطوم في الفترة من 3-8 من الشهر القادم مهرجانا ثقافيا رياضيا فنيا من اجل دارفور وهو اول انطلاقة للمبادرة العربية الافريقية برعاية رئاسة الجمهورية .
واوضح القائمون علي تنفيذ المهرجان ان فكرة المبادره جاءت في اجتماع بالعاصمة المغربية واوضح المسئول ان المهرجان ستقدم فيه مجموعة من الاوراق تتعلق بالاوضاع في دارفور من منظور اجتماعي وسوف تناقش ايضا عدد من المحاور منها كيفية محاربة العطش في دارفور وكذلك الامراض المستوطنه وامراض الطفولة والقضاء عليها بالاضافة الي اعادة تاهيل المستشفيات والمدارس بالاقليم
واوضح انه تم الاتفاق مع كوكبة من اشهر النجوم العربية لاحياء الحفلات الفنية المصاحبة للمهرجان بالاضافة الي كوكبة من الفنانين العرب لعكس روح التضامن العربي الافريقي لمواجهة مايحدث معربا عن امله في ان يلتف الجميع حول هذه المبادرة لازالة كل مايعيق السلام بالاقليم
تحرير من اخر لحظه
|
|
 
|
|
|
|
|
|
|
 Re: محمد منير وهاني شاكر وشيرين بالخرطوم أول يونيو من أجل دارفور (Re: عواطف ادريس اسماعيل)
|
الغالية / فدوي الشريف
سمعتي بحاجة اسمها اثرياء الحروب
اها العينة دى ما دايرة الحرب تقيف
لانو بيستفيدوا من وراء ذلك دولارات
وحاجات تانية حاميانى ....!
شكرا لكل من يسهم في وقف نزيف الدم
في دارفور بلدنا
شكرا لكل من يكتب حرفا ليزيل الالم والحزن
عن ابناء دارفور والسودان عموما
ودارفور لو اتلمت ياتراجى ... كلنا والله بنتألم
او لا تدرين اننا كالجسد الواحد اذا اشتكى منه عضو
تداعى له سائر الجسد بالحمى والسهر...
لكن متل الناس التى
وليس الذين
تؤيد امريكا في قراراتها الاخيرة
ديل والله هم لاسودانيين ولا حاجة ديل نبت شيطانى
او ناس جايين نازحين من دول الجوار وكده مثل كثيرين
معروفين لدينا
ونحيي الاخوة الفنانين الجايين يساعدوننا في دفن المشكلة
بدون اراقة مزيد من الدماء .. وعلشان كده بنوصى ما ندس
منهم المحافير ..ومرحب بكل زول امين وصادق يريد مساعدة
اهلنا في السودان
واحيي عبرك الاستاذة الرائعة عواطف لكلماتها الرائعة في حق
اخوتنا المصريين
| |
|
|
|
|
|
|
|
|
|
Re: محمد منير وهاني شاكر وشيرين بالخرطوم أول يونيو من أجل دارفور (Re: سيف الدين حسن العوض)
|
Quote: الغالية / فدوي الشريف
سمعتي بحاجة اسمها اثرياء الحروب
اها العينة دى ما دايرة الحرب تقيف
لانو بيستفيدوا من وراء ذلك دولارات
وحاجات تانية حاميانى ....! |
صدقت والله لو الحرب وقفت دقسوا
Quote: شكرا لكل من يسهم في وقف نزيف الدم
في دارفور بلدنا
شكرا لكل من يكتب حرفا ليزيل الالم والحزن
عن ابناء دارفور والسودان عموما |
الجماعه ديل خلهم للتطبيع مع الغرب
هو لوبيهمهن الوضع اوي كده كان جو ووقفوا وقفه جد مش يتلاسنو فينا هنا
Quote: ونحيي الاخوة الفنانين الجايين يساعدوننا في دفن المشكلة
بدون اراقة مزيد من الدماء .. وعلشان كده بنوصى ما ندس
منهم المحافير ..ومرحب بكل زول امين وصادق يريد مساعدة
اهلنا في السودان |
والتحيه ليك انت لكلامك الطيب
وحسك الجميل
لك معزتي بلا عدد
| |
|
|
|
|
|
|
|
|
|
Re: محمد منير وهاني شاكر وشيرين بالخرطوم أول يونيو من أجل دارفور (Re: فدوى الشريف)
|
Quote: لكن متل الناس التى
وليس الذين
تؤيد امريكا في قراراتها الاخيرة
ديل والله هم لاسودانيين ولا حاجة ديل نبت شيطانى
او ناس جايين نازحين من دول الجوار وكده مثل كثيرين
معروفين لدينا
|
عليك الله النبت الشيطاني منو ديل ولا هؤلاء الحكام القابضين على السلطة في الخرطوم،، اليست هم أوصلوا البلد الى هذا الحال حروبات في كل الأتجاهات وهم جالسين في الخرطوم يعرسوا مرتين ويمشوا أجازات في المغرب ويهربوا في قروش البلد الى الدول الآسيوية الى أن أوصلوها حالة الأفلاس التام
من هم النبت الشيطاني الذين يطالبون في حقهم بحكم أنفسهم أم الذين سرقوا الحكم ونهبوا الدولة؟؟
| |
|
|
|
|
|
|
|
|
|
Re: محمد منير وهاني شاكر وشيرين بالخرطوم أول يونيو من أجل دارفور (Re: NEWSUDANI)
|
| Quote: ديل ولا هؤلاء الحكام القابضين على السلطة في الخرطوم،، |
.
أولاً يافدوى نشكر الفنانين الذين جاءوا من أجل إنسان دارفور الذي يعيش على آلافه الآلاف ممن يعيشون في الفنادق الأوروبيه ويصرخون من هناك بدون أن يحسوا حتى بمايحسه إنسان دارفور ولعلك لاحظت مداخلات بعضهم ولاحول ولاقوة إلا بالله ...
أردت أن أرد أيضاً على الأخ نيو سوداني لأسئله من هم القابضين على السلطة هؤلاء المؤتمر الوطني أم الحركه الشعبيه أم الشيوعيون أم الإتحاديون أم مناوي أم وأم وأم .. لأن كل هؤلاء يمثلون هذه الحكومه التي يسميها قابضه ..
ياريت الناس تفكر شويه قبل ماترد لأن مثل هذه الردود تجعلهم مثل البلهاء الذين يلوكون شعارات لايعرفون معناها او فحواها ...
مؤونة عام من الود
| |
|
|
|
|
|
|
|
|
|
Re: محمد منير وهاني شاكر وشيرين بالخرطوم أول يونيو من أجل دارفور (Re: محمد فرح)
|
Quote: ياريت الناس تفكر شويه قبل ماترد لأن مثل هذه الردود تجعلهم مثل البلهاء الذين يلوكون شعارات لايعرفون معناها او فحواها ...
|
والله طبعا نحن لوما بلهاء فعلا لما كان هؤلاء الحكام وأزيالهم موجودين الى الآن .. أما
من لا يعلم بأن الحاكم الحقيقي للخرطوم هو المؤتمر الوطني فقط وأكرر فقط ،هو مكابر
ويتلاعب بالألفاظ فقط مثلنا !!
| |
|
|
|
|
|
|
|
|
|
Re: محمد منير وهاني شاكر وشيرين بالخرطوم أول يونيو من أجل دارفور (Re: محمد فرح)
|
الاخ محمد فرح حقيقي كلامك جميل ويسعدني جدا وجودك في البوست
في ناس هنا اتعودوا علي نغمه واحده
حايرددوا فيها وهم نايمين
السوداني الحق الذي يحمل الوطنيه الحقيقه لايسب اهله واخوته
الا يكون اصلا ناكر اصلو
بلادي وان جارت علي عزيزة واهلي وان ضنو علي كراما
وديل اهلي البقيف في الداره وسط الداره واتنفر واقول للدنيا ديل اهلي مهما عملو فيا
مش امشي بره الداره واطمبر !!!
| |
|
|
|
|
|
|
|
|
|
Re: محمد منير وهاني شاكر وشيرين بالخرطوم أول يونيو من أجل دارفور (Re: فدوى الشريف)
|
Quote: لا تستهلكوا هذا الشعار
Quote: من اجل وليد دارفور
حقا تكتلوا الكتيل وتمشوا في جنازة!!
ما فضل غير الكيزان يجوا لاعادة اعمار دارفور!!
هي دارفور دي ما كانت في امان الله جبتوا ليها الفقر و الموت والآن الاكاذيب بحجة اعادة البناء؟؟؟ |
معليش يا تراجى لكن جد وبعد ما قريت كلامك الفوق دة جانى الرد دة وقلتا لازم اسطرة ليك
يا بت بطلى ( عوارة )
هشام امين
| |
|
|
|
|
|
|
|
|
|
Re: محمد منير وهاني شاكر وشيرين بالخرطوم أول يونيو من أجل دارفور (Re: Hisham Amin)
|
| Quote: محمد منير وهاني شاكر وشيرين بالخرطوم أول يونيو من أجل دارفور |
يا أخت فدوي منسوبي حركات دارفور لا عاوزين محمدمنير ولا هانئ شاكر ولا ليلي علوي ولا قوات اممية من مصر ولا حتي اشتغلوا شغلة بحملة وليد دارفور السودانية ولا قالوا ليهم كتر خيركم وبارك الله فيكم بل عبارة تقتلوا القتيل وتمشوا في جنازته !! ـ ديل عايزين الممثلة الاسمها منو ديك ـ الانجيلية ديك ـ ودايرين ناس كلوني وباقي نجوم هوليوود وباقي الامريكان بدون لويس فرخان !! ..
الصورة الواضحة بعد التحميض هي : نحن بنحب امريكا واسرائيل ونكره العرب واولاد العرب !!..
| |
|
|
|
|
|
|
|
|
|
Re: محمد منير وهاني شاكر وشيرين بالخرطوم أول يونيو من أجل دارفور (Re: محمد فرح)
|
المظاهرة النوبية الكبرى ضد سد كجبار امام الامم المتحدة يوم 7 يونيو 2007 .
-----------------------------------------------------------------------------
إعلان هام جدا:
المظاهرة النوبية الكبرى ضد سد كجبار امام الامم المتحدة يوم 7 يونيو 200
------------------------------------------------------------------------
بعد نجاح مظاهرتيها امام سفارتى السودان والصين الشعبية بواشنطن تعلن لجنة إنقاذ النوبة ومناهضة سد كجبار بالولايات المتحدة الامريكية تنظيم مظاهرة احتجاج ثالثة ضد بناء سد كجبار فى المنطقة النوبية وذلك فى السابع من يونيو 2007 بين الساعة الثانية والساعة الرابعة مساء امام مبنى الامم المتحدة بنيويورك، وستقوم بتسليم مذكرة الإحتجاج للسكرتير العام للامم المتحدة وعدد من المندوبين الدائمين فى الامم المتحدة..
تهيب اللجنة بكل النوبيين وقوى الهامش والقوى الديمقراطية فى الولايات المتحدة بالمشاركة فى هذه التظاهرة الكبرى للتعبير عن رفضهم لإغراق المناطق النوبية الغنية بالثروات الأثرية.
سيتم استئجار بص من China Town من واشنطن العاصمة وسيبدأ التحرك نحو نيويورك فى تمام الساعة الثامنة صباحا. وسنقوم بتزويدكم بالتفاصيل لاحقا.
سيشارك عدد من الناشطين الامريكان وعلى رأسهم جو ماديسون فى هذه المظاهرة.
Important Announcement
The Rescue Nubia and Resist Kajbar Dam Committee after organizing two successful demonstrations in front of Sudanese and Chinese embassies, is planning to hold its third round of demonstrations in front of the United Nations building in New York on June 7, 2007 from 2.00pm – 4.00pm.
The Committee calls upon all Nubians, African Americans, the Sudanese marginalized forces forum members and the Sudanese democratic forces to join the demonstration and express their opposition to building Kajbar Dam and devastation of the Nubian archaeological sites.
Contact Nuraddin Mannan at Tel. 301-345-3408 .
or cel. 240-441-6993
--------------------------------------------------------------------------------------
| |
|
|
|
|
|
|
|
|
|
Re: محمد منير وهاني شاكر وشيرين بالخرطوم أول يونيو من أجل دارفور (Re: فدوى الشريف)
|
| Quote: تشهد الخرطوم في الفترة من 3-8 من الشهر القادم مهرجانا ثقافيا رياضيا فنيا من اجل دارفور وهو اول انطلاقة للمبادرة العربية الافريقية برعاية رئاسة الجمهورية |
فدوة الشريف.
الشي التحت رعاية رئاسة الجمهورية ده مش حيكون فيهوا غنا ورقص مختلط بين الجنسين ولا كيف؟
يعني المشروع الحضاري والشريعة راحوا شمار في مرقة والقصة جاطت ساكت.
دينق.
| |
|
|
|
|
|
|
|
|
|
Re: محمد منير وهاني شاكر وشيرين بالخرطوم أول يونيو من أجل دارفور (Re: فدوى الشريف)
|
Quote: لا تستهلكوا هذا الشعار
Quote: من اجل وليد دارفور
حقا تكتلوا الكتيل وتمشوا في جنازة!!
ما فضل غير الكيزان يجوا لاعادة اعمار دارفور!!
هي دارفور دي ما كانت في امان الله جبتوا ليها الفقر و الموت والآن الاكاذيب بحجة اعادة البناء؟؟؟ |
حيرتونا لكن
يعني الناس تسكت تقولو كيزان
يتكلمو تقولو كيزان
يغنو تقولو كيزان
بس عشان يوضح معني الترديد الخاوي للعبارات الخاوية
هسي يعني شيرين دي كوزة؟؟؟
ولا هاني شاكر؟؟
ولا يمكن
محمد منير كوز
العرب يفتحو لينا تقولو تهميش
يجو يغنو تقولو كيزان
اللهم صبرك يا روح
| |
|
|
|
|
|
|
|
|
|
Re: محمد منير وهاني شاكر وشيرين بالخرطوم أول يونيو من أجل دارفور (Re: فدوى الشريف)
|
Quote: Quote: ما فضل غير الكيزان يجوا لاعادة اعمار دارفور!!
ماولا أذا المتعافي وعبدالله حسن أحمد البشير يأخذون مقاولات لطرق في جنوب السودان !!
دي بلد مافيها رجال بس
|
هي انت ما سمعت انو الرجال ماتو في كرري
والبقية اغتربوا؟؟
وطيب اذا البد ما فيها رجال والموضوع حارقك قدر دا
ما تجي راجع
واهو البلد يبقي فيها راجل واحد
انشالله راجل مرة
المهم راجل (زيك)
| |
|
|
|
|
|
|
|
|
|
Re: محمد منير وهاني شاكر وشيرين بالخرطوم أول يونيو من أجل دارفور (Re: فدوى الشريف)
|
الأخت / فدوي
| Quote: تشهد الخرطوم في الفترة من 3-8 من الشهر القادم مهرجانا ثقافيا رياضيا فنيا من اجل دارفور وهو اول انطلاقة للمبادرة العربية الافريقية برعاية رئاسة الجمهورية |
رئاسة الجمهورية طرف رئيسي في مشكلة دارفور شئنا أم أبينا و بإعترافهم هم أنفسهم و بالتالي لا يمكن أن أصدق أن رئاسة الجمهورية ستدعم أعداءها أو سمهم ضحاياها إن شئت بريع هذه الحفلات و الواقع أنها من ستستفيد من هذا الدخل في عملية إحلال السلام في المنطقة و لكن على طريقتهم الخاصة و هي تعني مزيد من الطائرات و مزيد من الرصاص و مزيد من مليشيات الجنجويد المرتزقة و بذلك يكون السادة الفنانين قد ساهموا في إشعال الحرب بدلاً عن إطفائها و لكن بحسن نية بالطبع.
كنت سأسعد كثيراً لو كان منظم الحفل جهة غير حكومية أو لا علاقة لها بالحكومة أو بالطرف الآخر في المشكلة تماماً كما حدث في حملة وليد دارفور حيث كانت حملة إنسانية بحته.
و لمعلوميتك رئاسة الجمهورية لا ترعي شيئ لا تستفيد منه و إن كانت تريد فعلاً دعم الضحايا في دارفور فعائدات البترول تكفي لتنمية القارة الإفريقية كلها هذا أن سمح عوض الجاز بمشاركة هذه العائدات مع بقية الشعب السوداني.
و عموماً أشكر الإخوه الفنانين المصرين على النوايا الطيبة و إقدر مشاعرهم النبيلة و أعرف أنهم تم خداعهم و إستغلالهم تمامًا مثل النجمة ليلي علوي في الماضي القريب.
خالد
| |
|
|
|
|
|
|
| |
فدوى الشريف
Tragie Mustafa
عواطف ادريس اسماعيل
سيف الدين حسن العوض
محمد فرح
Hisham Amin
Munir
Deng
Ahmed Mohammed Osman
خالد عبد الله محمود
فيس بوك
تويتر
انستقرام
يوتيوب
بنتيريست