اي الاعضاء المستحيل تلقاهم اوف لاين من المنبر خلال الاربع وعشرين ساعة في ايام الاسبوع السبعة. فترة غيابهم من المنبر ما بين اكل وجبة والعودة والبعض اظنه اصبح يعتمد علي السندوتشات امام الشاشة .
الترتيب عشوائي .
1. عادل عبد العاطي 2. خالد الطيب احمد 3. تراجي مصطفي 4. د. مصطفي محمود 5. رجاء العباسي 6. معتز القريش 7. وليد محمد المبارك 8. ناذر الخليفة 9. تمبس 10. مني خوجلي 11. حسين ملاسي 12. سودانية 2000 13. واصل علي 14. غادة عبد العزيز خالد 15. معتصم دفع الله 16. محمد السني دفع الله 17. فرانكلي 18. هشام هباني 19. دينق 20. فيصل نوبي 21. جعفر بشير 22. عمر علي 23. بيان 24. تاج السر حسن 25. اساسي
05-18-2007, 04:55 PM
Soumeta
Soumeta
تاريخ التسجيل: 10-17-2002
مجموع المشاركات: 1733
أمانة في ذمتك لما كتبت البوست ده أنا كنت أون لاين ..؟
ذكرتني بحكاية بتاعت زول صاحبنا. قال وهم في الجامعة كان عندهم زميلهم (أنصار سنة) ما بيسلم على البنات كلو كلو.. وكان بيقعد في بنش براهو بعيد منهن.. أها في سنته الأخيرة صاحبنا ساب الشغلانة وطوًل بناطلينه وبقى لما يسلم على البنات يمسك ايدهم أطول فترة ممكنة. لما البنات إتضايقو وقالو ليه الحاصل شنو.. رد عليهم: بعوًض في السنين الما سلمتا عليكم فيها ..
أها أنا يمكن بعوًض في السنتين الغبتهم ..
05-18-2007, 07:20 PM
اساسي
اساسي
تاريخ التسجيل: 07-20-2002
مجموع المشاركات: 16468
لووووووووول يا رجاء في انصار السنة والله القصة دي حقيقية وشكلها في كل دفعة بتحصل في الجامعة زي بتاعة انصار السنة دا , معانا في الجامعة شاب كدا مسكين (يحنن) خشمو دا عنده السلام الا تكون حريف حتي تسمعه منه دايما متخذ مكانا قصيا ومنفرد بي روحه في حوارات تاريخية فردية اها الزول دا قرر في سنة تالتة جامعة كدا انه ما ينفتح علي المجتمع ..رجاء الزول اتفتح انا اشك انه للان مدفق ..بقي براية حايمة بقي جكيس من الطراز الفريد اتخيلي دا زول كان لقبه عمار قراءة صامتة
بعدين بالنسبة للعين وكدا ما سمعتي بعين ابو الفتاة البتقد الواطـة
(مثل محسن وماخد شهادة الايزو)
05-18-2007, 07:13 PM
اساسي
اساسي
تاريخ التسجيل: 07-20-2002
مجموع المشاركات: 16468
سلام سوميتا هاهاها انا ما قاعد ادخل صفحة المتواجدين الان بس في صفحة المنتدي العام دي تلقي الناس بتجدع في الردود زي اللقيمات رد ورا التاني تكون اول واحد دخلت البوست ولما انتهيت من قرايته وقررت انك ممكن ترد عليهو تلقي ردك نمرة كم وعشرين بعد اللستة دي
وما طالباني حليفة لكن برضو بقسم ليك اني فكرت وقدرت ثم اتراجعت من انزال اسمك ضمن اللستة الحقيقة لقيتك بتدخلي من العصر عندنا لحدي الفجر باقي اليوم بتكوني بتتجهزي لي ردود بكرة
05-18-2007, 04:56 PM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
Quote: اي الاعضاء المستحيل تلقاهم اوف لاين من المنبر خلال الاربع وعشرين ساعة في ايام الاسبوع السبعة. فترة غيابهم من المنبر ما بين اكل وجبة والعودة والبعض اظنه اصبح يعتمد علي السندوتشات امام الشاشة .
البارجه وانا داهبه لندوه عن درافور وفي الباص كان زميلي يضحك علي
لاني شبكته ونسه عن سودانيز اون لاين,قال لي مافضل الا تجيب لك لاب توب
وكمان يكون وير لس وتشتغلي في الباصات و القطارت والطيارت تردي على البوستات!!
ومت من الضحك وقلت ليه اقتراح جدير بالدراسه برضو
بعدين جقوا تكلم صاحب الحوش
العامل البيت محروس وسيده يكوس وبرضوا يجي يمسح بوستاتنا
نحن حارسين ليه حوشه ومهجيجين الكلكات وبرضوا ما عاجب
الظلامى نص كم اساسى خزلتينى مرتين، المرة الأولى افتكرتك ما ح تضع أسمك وكنت جاهز اقول ليك من وين عرفت الناس دى عايشه فى البورد وانت ما معاهم، يعنى طلعت انا المصرج. لكن فى التانيه طلعت انت المصرج لأنى بصراحة عندى خدمه ADSL مدفوعة القيمة فى كل الظروف على مدار ال 24 ساعه، والمصريين لو الواحد قالو ليهو الكهرباء محسوبه مع ايجار الشقه بخلى المكيف شغال اليوم كلو حتى لو كان فى الشقه ما فى زول.. خليك من ال ADSL لذلك لا أعمل "سائن اوت" وبينى وبينك الواحد بقى مرات يعمل "سائن اوت" يلقى نفسو "اوت " وموقوف دون أن يعرف السبب، عشان كده بنقول أحسن نخليها "سائن ان" امكن الأدمن "يحن" !! اضافة الى كل ذلك عندى "بنبر" صغير جدا فيهو كاتب واحد و"بث" هو شخصى الضعيف، زى العربيه الما فيها غير معقد السواق ، تصدق فى آخر مراجعه بعدما نزل "بكرى" الموقع البوريك حركة المنابر، لقيت منبرى بعد منبر بكرى مباشرة !! وعرفت منها انه فعلا الناس بتموت فى الشمار.
05-18-2007, 07:22 PM
اساسي
اساسي
تاريخ التسجيل: 07-20-2002
مجموع المشاركات: 16468
طبعا يا طراجي انا متابع انك رديتي بعد سوميتا بس ظروف الترتيب استدعت ارد بالصف فمعليش وكدا
يعني كلامي ما وقع الارض .. سودانيز اون لاين دا ادمان اكتر منه اي حاجة تانية الحقيقة انا اصحابي اسع كلهم لو ما بكتبوا في البورد ما بعرف اتونس معاهم واقول شنو زاتو .. ياخي حتي الشمارات بقينا نطلعها من البورد شفتي الفراغ العمله فينا ابصلعة؟
05-18-2007, 07:47 PM
اساسي
اساسي
تاريخ التسجيل: 07-20-2002
مجموع المشاركات: 16468
كلنا في الهم شرق المشكلة ما قصة الساين اوت وان ..القصة الردود والبوستات دي بتتفتح بي رقبتها؟ بعدين انت عامل ليك بورد براك وساكيهو يعني انت اليوم كله في حالة كتابة او بحث عن الكتابة وتقول لي دي اس ال
05-18-2007, 05:10 PM
Frankly
Frankly
تاريخ التسجيل: 02-05-2002
مجموع المشاركات: 35211
بقيت بتفحو بعد الصبح وبقفلو ومرات بنساه لما الو.اطة تصبح... لانه الشاشة بضلم وطبعا الخرف حصل.. اها مرات بكون في بلد طيرا عجمي وهو فاتح وسدانيزاونلاين دي الصفحة البنتصفح بيها....
باختصار اذا رايت انياب الليث مقيلة برة فلا تظن انه قاعد..
05-18-2007, 06:02 PM
Muna Khugali
Muna Khugali
تاريخ التسجيل: 11-27-2004
مجموع المشاركات: 22503
شاهدت قبل كده فيلم عربي البطل فيه كان بيعاير البطل التاني ويقول ليه اخويه شاف أخوك في التخشيبه..انتو أهل بيتكم كلهم مجرمين! قال ليه .. طيب وايه اللي ودا أخوك التخشيبه ؟؟؟
اساسي شفتنا كيف لو انت ماقاعد؟
وزي ماقالت بيان..البرود باند لاين موجود عندنا اربعه وعشرين ساعه كان ب17 جنيه.. وهسه بقي ب 20 جنيه..يعني 24 ساعه خدمه. متوفره...ظريفه موش؟ ننوم ونقوم ونمرق ونقعد ونسمع اغاني وامكن كمان نمشي المسنجر نتونس واسمنا تشوفوه قاعد أونلاين..
ياربي عندكم رخيصه ولا غاليه؟
المهم بعد الشرح ده كله عايزه اقول أنا بحب سودانيزأونلاين وبرضه بقعد فيها كتير.. يعني لو ما بقعد كتير المشاركات الكتيره دي بعملها كيف؟؟ شاطره موش؟ اخير برضه من اجي أدخل واجري مارقه.. ياخايفه من الناس يشوفوني.. ياخايفه من الفاتوره...
هاي أساسي
05-18-2007, 08:04 PM
اساسي
اساسي
تاريخ التسجيل: 07-20-2002
مجموع المشاركات: 16468
تعرفي يا مني بي اجري خايفة دي ذكرتيني حاجة امس كنت بحكيها للمدام
كنا بنتونس (بالدي اس ال حقنا طبعا) البلد ما اتطورت .. اها كنا بنتونس كدا وجات سيرة الحرامية قلت ليها الموقف الوحيد الحصل لي مع الحرامية زمان كنت في رابعة ابتدائي وجا حرامي البيت وانا شفته لكن عملت رايح اها الحرامية طلعوا من البيت وما سرقوا حاجة قمت كلمت ابوي وطلعنا الشارع كلنا اها لقينا ناس الحلة حسو بيهم وقاموا الشباب الاكبر طلعوا فجاة كدا اثناء ما الشمارات شغالة الحرامية التلاتة جو جارين ياهم ديلك شايفنهم طبعا الشباب قاموا جارين وراهم اها سالتني ما قمت سكيتهم انت قلت ليها والله سكيتهم لكن كنت جاري برررررررررررررررراحة .
05-18-2007, 07:59 PM
اساسي
اساسي
تاريخ التسجيل: 07-20-2002
مجموع المشاركات: 16468
دي حاصلة بسبب الازمة والادوية.. ولكن برضو بيكون 24 ساعة عشان وايرليس..
مثلا اسع بوست الولد العيان دا برفعو على داير اليوم... عشان اكبر عدد يشوفوه...
بعدين لاحظ فرق الزمن بينا وبين منطقتكم لما تصحى بتلقانا نحنا قربنا نصلي الضهر.. وفي فترة بقعد 8 ساعات لاني شغالة في مناهج بجمع معلومات.. اها كل مرة اقول كدي النشوف الناس كتبت شنو؟ وبرضو الادمان حاصل.. بقيت لو مشيت ازور ناس بقرب اقوليهم كمبويتركم وين عايز اشوف بوست..
05-18-2007, 07:57 PM
اساسي
اساسي
تاريخ التسجيل: 07-20-2002
مجموع المشاركات: 16468
ياخي القصة ما غياب القصة قصة احلال وتمركز يعني كلنا كنا غايبين لكن لمن نجي بنجي جية رجل واحد اسع انت من رجعت من غيابك تاني غبت بعدين انا احسن منك انا من عرست ما رجعت الا بعد الجماعة سافروا ولمن يرجعوا تاني بختفي اصله منبر ومراة ما بتلموا لازم توحد جهودك في جهة واحدة للنقة والغلاط ؟
05-18-2007, 05:40 PM
Raja
Raja
تاريخ التسجيل: 05-19-2002
مجموع المشاركات: 16054
برضو يا اساسى البوست بتاعك ده بعتبرو شهادة يجب الأعتماد عليها والأعتداد بها، لمن نفتى فى قضيه ما فى زول يغالط !! زى زولنا المشى يمتحن لى رخصة السواقة اول مره فى ابو ظبى، وطبعا كان سانع أنه استخراج الرخصه اصعب من اى حاجه هناك وفى ناس 20 سنه ما طلعوا رخصه. المهم من اول "تراى" واول ما نزل من العربيه بعد مشوار والممتحنين 3 عساكر، واحد منهم طوالى كان عايز يكتب ليهو "عدم سيطره" أو "تسارع" أو وقوف خاطئ" ... الخ من اسباب الرسوب. قام السودانى طوالى مسك يد العسكرى وقال ليهو:- "اوعك تقول لى ساقط انا فى حاجتين بعرفهم وما بتغالط فيهم .. الكوره والسواقه !! قاموا الجماعه ضحكوا وكتبوا ليهو "ناجح" !! اها نحنا هسه ما نبتغالط فيما يحدث فى البورد بشهادتك وأنت من ابناء المصارين البيض، حتى لو كنا غير متواجدين.
05-18-2007, 06:18 PM
النذير حجازي
النذير حجازي
تاريخ التسجيل: 05-10-2006
مجموع المشاركات: 7160
جيتو اكتر من مرة البوست في اوقات مختلفة نظام بيان بالعمل وكدا هاهاهاها
دائما مرحب بيكم
صديق الموج بكري كان قرر يدي بدل سكن للخمسة الف عضو الهنا ..واطـاته اصبحت وحيشرب ما يروى لكن والله لو استمر الموضوع بالطريقة دي انا خايف الحكومة تعمل دمغة بورد ولا جهاز المغتربين يعمل ضريبة دخل البوستات ويقاسموكم في الاثير دا
كوستاوي الكرمبا
طلعت اكبر حمامة بتاعة موية سكر لكن طاير وراكي في البوست وبعين قوية كمان هاهاها @ الحبيب وقوقل ــــــــــــــــــــ التعديلات لاسباب غير زي بال
Quote: هاهاها انا ما قاعد ادخل صفحة المتواجدين الان بس في صفحة المنتدي العام دي تلقي الناس بتجدع في الردود زي اللقيمات رد ورا التاني تكون اول واحد دخلت البوست ولما انتهيت من قرايته وقررت انك ممكن ترد عليهو تلقي ردك نمرة كم وعشرين بعد اللستة دي
فهرتك بي الله
05-18-2007, 08:23 PM
Kostawi
Kostawi
تاريخ التسجيل: 02-04-2002
مجموع المشاركات: 39979
بتاخد راتب علي مقيلتك ومبيتك في بورد بكري ... ما تقول لي مجال عملك النت وما عارف شنو .. انا شغال في isp ودا مبرر كافي في ذاته يقنع ابو جهل لكن اول مرة اعرفك موظف عند ابصلعة اها وشغال ياي ولا مساعد ياي
05-18-2007, 09:08 PM
نوسة
نوسة
تاريخ التسجيل: 09-30-2002
مجموع المشاركات: 825
والله البورد بخشو دائما بالمساء بعد امال وامها ما ينوموا مرات بالنهار في الشغل بفتحوا لكن قليل ..
ولو تلاحظ في مواضيع كتيرة ما بقدر اتابعا رغم اهتمامي بها
عموما ما في الوقت اليخلينا نعيش في البورد او غيره 7-8 ساعات عمل + 6 ساعات للاسرة + 2-4 عمل عام واتصالات وردود ايميلات وتطوير مواقع وقراءة وكتابة + 4-5 ساعات نوم الفضل اديهو للبوردات ( س. اونلاين وسودانات وغيرها)
يوم السبت والاحد الوضع افضل حيث لا عمل ولكن وقت اكثر للاسرة والواجبات الاجتماعية - زيارات وحضور مناسبات وتنظيم لقاءات وسفر الخ
اما كونوا الموقع يكون فاتح على واحد من الكومبيوترات طول اليوم وانا بعيد فأمر عادي ..
والله بعد حسبتك دي كلها انت الاول بجدارة انا بصراحة بتكلم علي المشاركات ياخي انت زي الموصل كيبوردك دا بي خرطوش وواقف قدام الباب ترش في الشارع ولا كمان يكون كيبوردك دا سبحة
05-18-2007, 11:25 PM
اساسي
اساسي
تاريخ التسجيل: 07-20-2002
مجموع المشاركات: 16468
قلتى لى كيف يا نوسة مش بنستحق بدل سكن ..واقتراح اخر يدونا بدل ثقالة برضو... ودى عشان بنرد على الظلامى اساسى ده مش يا نوسه.. كيتا على اساسى...نشوفك يا نوسه باى،،،،
05-19-2007, 05:30 AM
بدرالدين كاجوري
بدرالدين كاجوري
تاريخ التسجيل: 08-12-2005
مجموع المشاركات: 670
الله اجازيك يا اساسي خليت الناس دي تبرر وتستريح ودافع عن سبب وجودهم 24 hours في البورد. وناس كمان دخلوا يهاجموهم بانهم ارزقيه وناس ساقوا مبررات مامقنعة وناس حردوا المنبر بسبب بوستك ده
وناس بدا عليهم انهم حيشتبكوا قريبا
مع انوا البوست لا سياسي ولا عن دارفور ولاعن السرقه الادبيه ولا عن الخلاوي ولا عن ياسر طيفور ولا نازر ولا تمبس .
ومن هذا المنطلق اتضح بما لايدع مجالا للشك ان السودانين ديل كملوا الونسه في اماكنهم وبدوا يفتشوليها دوليا عبر المواقع الاسفيرية ولك الود اضعاف
05-19-2007, 09:05 AM
abuguta
abuguta
تاريخ التسجيل: 04-20-2003
مجموع المشاركات: 8276
يازول عشرة ساعاتك دي والله ما بتأهلك للماسنجرات فما بالك بقائمة الشرف دي بعدين يا زول منو القال ليك انا بتاع ديل اب .؟ الدي اس ال 512 يقول يا غربتي في البيت انت ناسي انه اخوك شغال في اثير ولا شنو؟
05-19-2007, 09:10 AM
اساسي
اساسي
تاريخ التسجيل: 07-20-2002
مجموع المشاركات: 16468
Quote: انا قاصد الكلام القالو لي عمر علي ابوجهل قال اني شغال في الجهاز شنو كده ما عارف متخصص في الانترنت وقالعد اليوم كله اراقب في البورد او فيما معناه
اوع يكون كلامه صاح كمان؟
05-19-2007, 11:25 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
يا احبابنا دقيقة نرد علي زميلنا ولياب دا لانه نادرا ما نشوفه في بوستاتنا ...
تعرف يا زميل بدل سكن عمنا مع جدة المولعا نار دي ما جايب همه لازم تديها دفرة من المواصلات والاساسي عشان بس تسكن وتجيهم كل يوم ودا بيأثر علي بدل سكنا مع ابصلعة هنا الهو برضو مخصوم من بدل سكن عمنا هاهاهاهاه ياخي القصة زاتها جاطت علي وبقيت انا زاتي ما فاهما
تحياتي يا غالي
05-20-2007, 04:18 PM
ولياب
ولياب
تاريخ التسجيل: 02-14-2002
مجموع المشاركات: 3785
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة