كتب الكاتب الفاتح جبرا المتوفرة بمعرض الدوحة
|
|
 الابتزاز علي عينك يا تاجر في السودان
|
ذهبت الي السودان في اجازه قصيره لانجاز بعض المهام
من ضمنها استخراج تقديرات لبناء منزل علي قطعه ارض كنت قد اشتريتها فبل عامين
بعد الانتهاء من اجراءات الجوازات والزيارات العائليه وقبل ان اشرع في مقابله الشركات
الهندسيه لعمل التقديرات قررت ان ازور القطعه علي الطبيعه علي الاقل لاري التغييرلت التي استجدت حواليها
ذهبت الي موقع القطعه فاذا بي افاجأ بان احدهم بني سورارا ارتفاعه حوالي المتر ووضع بابا من الحديد عليها
اضطبرت افكاري وبدأت اقلب كل الاحتمالات فما كان يحدث من تلاعب في قطع الاراضي ابان فتره التسعينات يجعل راس الفرد يشيب.
كان الخوف الاكبر ان من باعني القطعه باعها لشخص اخر او ان هناك احد الورثه قد ظهر في هذه الفتره يبحث عن حقوقه
المهم في الامر ان انني كنت قد قمت بحجز القطعه باورنيك 3(أ) بغرض التسجيل اما شهاده البحث فهي ما زالت باسم من باعني القطعه
وكنت قد استشرت المحامي ان كان هذا الاجراء كافيا لحفظ حقوقي حتي اتم تسجيل القطعه باسمي ما تيسر ذلك, وقد اكد المحامي لي بان لا احد يستطيع التصرف في هذه القطعه الا شخصي او من اوكله
عندما وجدت السور المبني اول ما فعلته ان ذهبت للمحامي والذي بدوره ذهب ال تسجيلات الاراضي وتاكد ان القطعه ما زالت محجوزه باسمي وان لا احد قد تصرف فيها, ومن ثم توجهنا انا والمحامي للشخص الذي باعنا القطعه فاكد لنا ان اوراقه سليمه وهو لم يقم ببيع القطعه لاي شخص اخر وان لا ورثه معه ينازعونه في الارض
بعد هذا التاكد بدانا رحله البحث عن من بني هذا السور وفي نفس القت قمت بفتح بلاغ تعدي لدي قسم الشرطه بعد ان زودتهم بكل المستندات الضروريه
بعد ثلاث ايام من البحث توصلنا الي الشخص مكان سكن وعمل الشخص المطلوب ولكنني لم التقيه فتركت الرقام تلفوناتي حتي اسمع ما هي وجهه نظره وانتظرت يومان وعندما لم يتصل قمت باستخراج امر استدعاء من قسم الشرطه وذهبت الي مكان عمله بصحبه الشرطه
ونواصل
|
|
 
|
|
|
|
|
|
|
|
Re: الابتزاز علي عينك يا تاجر في السودان (Re: عبدالكريم الامين احمد)
|
سلامات يا كيكي:
والله السودان فيه حاجات اغرب من الخيال
والمصايب تجيك فيهو لا ايدك لا كراعك
بالمناسبه هذا الشخص لم يكتفي بتسوير قطعتي فقط بل قام بتسوير قطعه جاري
ايضا وهما القطعتان الوحيدتان الخاليتان في المنطقه وكذلك قام بوضع خفيرين علي القطعتين
الجدير بالذكر ان القطعه الاخري يملكها دبلوماسي يعمل بالامم المتحده في جنيف
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Omar Bob)
|
ما نسمعه من قصص ( همبتة ) الأراضي وخاصة أراضي المغتربين يشيب من هوله الولدان.
الواحد يطلب إجازة سنوية عشان يخفف ضغوط العمل يمشي يلقى ضغوط أكثر
يقول يقضي إجازة بين الأهل أو يؤدي مصلحة يلقى نفسو يقضى الإجازة بين المحاكم
متابعين أستاذ عمر
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: عاطف عمر)
|
الاخ عاطف عمر
تحياتي
| Quote: الواحد يطلب إجازة سنوية عشان يخفف ضغوط العمل يمشي يلقى ضغوط أكثر |
لقد صدقت في ذلك ايما صدق
فبالاضافه الي ضياع كل الخطط والبرامج الاخري لاجازتي
رجعت من الاجازه وانا اكثر ارهاقا وتعبا جسديا ونفسيا
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Omar Bob)
|
عندما استلمت القطعه كانت القطعه خاليه ولايوجد بها سور وقبل حوالي السته اشهر كنت قد
كلفت اخي هاشم وصديقي ضياء الدين عووضه للذهاب وتمتير القطعه علي حسب الكروكي وعندما ذهباكانت القطعه ايضا
خاليه مما يعني ان السور قد بني خلال هذه الفتره بالاضافه الي ان البينان يظهر عليه الجده
في اثناء رحله البحث عن هذا الشخص كان مرشدي الاول هو احد الجيران الافاضل الذي اخبرني بتاريخ المنطقه وكيف انها كانت منطقه حواشات وزاريب ومصنع للخزف وان الحكومه نزعتها وعوضت اصحابها وحولتها الي منطقه سكنيه ضمن احد خططها السكنيه
وقد اخبرني باسم الشخص الذي بني السور وعمله واخبرني ان هذا الشخص يسكن في الجريف شرق ولكنه لايدري تحديدا اين
وقد اخبرني كذلك بانه قام ببناء السور قبل حوالي الثلاث اشهر وعندما اخبره جاري بان مايقوم به غير صحيح وان جاري يعرف الملاك الحقيقين لتلك القطع ردعليه بانه لادخل له بالموضوع وانه يعرف تماما ما يفعله
بهذه الخلفيه ذهبت مع الشرطي ومعنا امر الاستدعاء وكنت لتلك اللحظه لا اعرف الرجل ولكنهم وصفوه بانه ابيض وقصير
عندما وصلنا دكان الرجل وجدنا شابا يقف علي الكاونتر ورجلا تنطبق عليه اوصاف من نبحث عنه يجلس داخل الدكان
بعد السلام استفسرنا من الشاب ان كان هذا دكان فلان الفلاني فاجاب بنعم فسالنه اين هو الان فقال انه خرج وعرف نفسه علي انه ابنه فاخبرناه بان معنا امر استدعاء من الشرطه في هذه اللحظات جاء الراجل الجالس واخذ امر الاستدعاء واستفسر عنه فاخبرناه بانه بخصوص القطعه المسوره فقال لنا عندما ياتي الشخص المطلوب سوف نخبره
المهم في الامر و بعد كثير من اللف والدوران والناورات اعترف بانه هو الشخص المطلوب ووقع علي امر الاستداعاء واكد بان سوف يحضر في الزمان والكان المححدين بعد تلك الواقعه تيقنت بانني اتعامل مع محتال ونصاب من الدرجه الاولي
ونواصل
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Omar Bob)
|
| Quote: المهم في الامر و بعد كثير من اللف والدوران والناورات اعترف بانه هو الشخص المطلوب ووقع علي امر الاستداعاء واكد بان سوف يحضر في الزمان والكان المححدين بعد تلك الواقعه تيقنت بانني اتعامل مع محتال ونصاب من الدرجه الاولي |
الاخ بوب.
أنا لو كنت في محلك كنت ما خسرت فيهو قرش. كنت كسرت السور بتاعوا وبنيت العاوز أبنيه وخليهوا هو اللي يجهجه ويمشي يشتكي.
ما دام أنت عندك كل الاوراق الثبوتية دع المحتال هو الذي يتعب وليس أنت. ويا حليل إجازتك المسخة ليك المحتال ده.
دينق.
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Omar Bob)
|
حم الله على السلامة يا بوب ... إن شاء الله تكون في النهاية جبرته ولميت أرضك عليك؟؟
دي شنو مكنة أستاذ اللغة العربية المركبها دي؟ .. ويحك يا رجل!
| Quote: يجعل راس الفرد يشيب |
| Quote: لقد صدقت في ذلك ايما صدق |
خالص تحياتي لك وللأسرة وجميع من بطرفك.
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: نادر)
|
Quote: الاخ دينق:
تحياتي
لقد نصنحني كثير من الاصدقاء ان افعل بالضبط ما اشرت اليه ولكنني رفضت ذلك
وقلت لهم مادام ما البلد فيها قانون سوف استرد حقي بالقانون
لكن فعلا اجازتي ضاعت شمار في مرقه |
قانون شنو يا باشمهندس...؟ ان شاء الله يا ربي يا الهي يا مولاي امشي القي قطعتي
اتبنت عمارة...نعمني مسكين...وما عندي حق البناء...ومهندسين ناس ناذر ديل ماني متأكد من شغلهم..
يا أخي...الحكاية ما كانت عايزة شرطة ولا امر قبض ولا بحث...مش القطعة قطعتك وعندك شهادة بحث في ايدك ومحجوزة...ولقيت فيها بناء...بس كان تواصل من محل ما وقف زولك الابيضاني...سيد الدكان...
انت ابني وهو يبني...لامن البيت ينتهي...واجرو...او سكن فيه العاوز تسكنو...وخت عكازك عند راسك
نحن حظنا البايخ دا مالو ما برمينا في الزي ديل...تلاقيك عندك حق البناء كامل عشان كدي لقيت ليك زول ساعدك...في الساس...نحن ديل عشان ما عندنا...بلاي...الطوب زاتو نمشي نلقاه بقي في التموين..
وعموما الحمدلله علي السلامة.
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: nazar hussien)
|
وبعدين يا باشمهندس انت ما سمعت...بي مدد الملائكة...ما كان تعتبر نفسك...ولي...وتعلق ليك رأية
وتجيب أحمد البلال الطيب....
وباكر...تلقي المانشيت في الجريدة:
كرامات المهندس المغترب...واسوار بابل
الملائكة ترسي دعائم قصر الباشمهندس...
حكاية طوب الملائكة والبلوتوث...
الغفير الملك...يحرس بيت الباشمهندس
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: nazar hussien)
|
سلامات يا نزار:
والله انا من عوارتي كنت قايل الكرامات دي انتهت
بتوقيع نيفاشاوانو الشجر الذي يهلل و القرود
التي تكبر قد ادت دورها في الحرب الجهاديه
وكللت مهمتا بالنجحاح بفرض المشروع الحضاري علي ربوع الجنوب
مشكلتكم انكم ما وضحتو لينا كرامات ما بعد نيفاشا
عشان الواحد يستغلها في ظروف ذي دي
ودي
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: نادر)
|
سلامات يانادر:
طبعا نحنا يا نادر ما عرب عشان كده لمن اتعلمنا العربي اتعلمنا العربي الفصيح
اه الكلام ده ذكرني حكايه بعض الطلبه الصينين المبعوثين لكليه الاداب جامعه الخرطوم
في منتصف منياتث القرن الماضي
جماعه من اصحابك ديل سكنوا جيرانا في داخليه النشر في البركس وفي مره قامت شكله ليها ضل بين طالب سوداني وواحد من الصينين
قام الصيني قال لسوداني في نص الشكله وبلغه عربيه فصحي "سوف اشكوك الي العميد"
السوداني طبعا بكل سفاهه رد هليهو "اركب هنا انت والعميد" مشيرا باصبعه الاوسطف
ردعليه الصيني وهو في غايه الاندهاش "ايعقل ياهذا ان نركب انا والعميد في اصبعك هذا"
اها انا ذي صحبك الصيني ده
تحياتي لمريم ومحمود
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Omar Bob)
|
كفارة يا عمر و حمد الله على السلامة
Quote: لقد نصنحني كثير من الاصدقاء ان افعل بالضبط ما اشرت اليه ولكنني رفضت ذلك
وقلت لهم مادام ما البلد فيها قانون سوف استرد حقي بالقانون
لكن فعلا اجازتي ضاعت شمار في مرقه |
القال كدا منو
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Mohammed Elhaj)
|
Quote: القطعة قطعتك وعندك شهادة بحث في ايدك ومحجوزة...ولقيت فيها بناء...بس كان تواصل من محل ما وقف زولك الابيضاني...سيد الدكان...
انت ابني وهو يبني...لامن البيت ينتهي... |
دا الكلام..
يا باشمهندس والله الغلط راكبك من ساسك لي راسك
بس امسك في كلام اخوك نزار دا
وابني من محل ما وقف الزول القصير الابيضاني
وكان جاء اتعارض لك ياخد لكيمات فوق راسو زي الما حصل حاجة.
يا بوب عليك الله تم القصة والله قلبي دم دم على الزول القصير دا..
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: معاذ حسن)
|
سلامات يا معاذ
تعرف يا معاذ وما طالبني حليفه
انا وعلي حسب صورتك الكنت خاتيها في سودانيز اوف لاين
اول ما شفتا الراجل البني السور
قلت ربنا يستر الزول ده ما يكون قريب معاذ حسن بتاع البورد
واسي يا اللخو اذا عندك اهل في الجريف شرق ابقي ورينا ليهم عشان نطلعك من دائره لأتهام
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Mohammed Elhaj)
|
الاخ عمر بوب تحيه وكفاره
1 - هذه هى الخرطوم لان الارض فيها اغلى من اراضى القاهره ولندن يسيل لعاب الناس هناك ، هذا الشخص يعرف جيدا انه لن ينال هذه الارض لكنه يقول فى سره لاعمل حركه مسرحيه ابتز بها هذا الشخص الذى بالتأكيد سوف يخاف من معاناة الجرى وراء اقسام الشرطه والمحاكم وسوف يتساوم معى ويدفع لى مبلغ من المال واهو رزق ولربما يكون مغترب مجنون وفى هذه لحاله رزق الهبل على المجانين ويقول ايضا انى لا اخاف من اجراءات الدوله فالدوله اجراءاتها بطيئه .
وهكذا اعتقد هداه تفكيره
2 - الم تسمع بمقولة عمر البشير العايز السلطه والثروه الا يشيل السلاح وانت انتزعوا منك ثروتك
3 - لقد قلت انك تلجأ للقانون لان البلد فيها قانون لم تسمع بمقولة المحكمه الجنائيه الدوليه والمدعى العام الدولى الذى قال ان القضاء السودانى غير قادر وغير راغب
يا زول رجع لك الله حقك ونصرك على من تعدى على حقوقك
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: wadalzain)
|
عمر بوب
حمدا لله على السلامة
أخدت لي حوصة قلت اجي ألقاك تميت القصة يا أخي مشكلتك دي عاملا لي لي حصقله عديل كدا
ويا أيها الذين يتابعون هذه القصة
بما إن بوب مصر يتلف أعصابنا وما عايز يجيب من الآخر
وبما انو هذه الحكومة مستهبلة ونصابة وبالأخص فيما يتعلق بمسائل التعويضات
وبما انو الزول البني السور من سكان الجريف شرق وابيضاني وقصير وزل بتاع دكادين.
وبما إن المنطقة قبل أن تصبح أراضي سكنية كانت زرايب
من كل ما سبق أتم ليكم القصة
الزول الابيضاني القصير زول عريبي ساكت ولا بتاع نصب ولا حاجة وهو نفسو ضحية .
الأرض محل النزاع أيام كانت زرايب كانت مملوكة للعربي القصير بوضع اليد ولسنوات طويلة.
أها لما جات الحكومة النصابة ونزعت الأراضي من ملاكها بوضع اليد لم تقم بدفع التعويض العادل واحتمال تكون ما دفعت أي حاجة.
العريبي القصير زعلان من الحكومة وحالف بي التغتس حجر امو ما يخلي حقو
ونسبة لانو ما عندو قدره على الحكومة النصابة جاء يتصلبت في اخونا بوب المسيكين دا.
بس زي ما قال ليك المحامي موقفك سليم وخلي العريبي ينطح راسو في الحكومة.
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Salah Abdulla)
|
أخي عمر بوب
تحياتي
ربنا يكفيك شر سودان المشروع الحضاري
الإبتزاز جريمة قذرة , لكنها صارت مقننة بحكم تعطيل القانون والفساد الذي طال حتى أخلاقيات الناس
أسمع دي :
واحد بتكلم في لمة في السودان بدافع عن نفسو لما سألوه قبضوك في شنو , قال ياجماعة أنا ماحرامي
أنا محتال والبقول علي حرامي بقد عينو ..!!!
الإبتزاز ده ماجريمة يابوب في السودان المتوجه إلى الله ده
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: كمال علي الزين)
|
سلامات يا كمال:
| Quote: الإبتزاز جريمة قذرة , لكنها صارت مقننة بحكم تعطيل القانون والفساد الذي طال حتى أخلاقيات الناس |
اوافقك الراي تماما هنا فالتساهل في تطبيق القانون
جعل الناس لا تخاف منه البته و تتعدي علي حقوق الغير بلا حياء او خوف
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: wadalzain)
|
تعرف يا ود الزين مصداقا لكلامك انو الارض في الخرطوم اضحت اغلي من كثير من عواصم العالم
ان صديقا لنا اتي قبل عامين-وقتها كانت اسعار الاراضي اغلي مما هي عليه الان- الي الخرطوم من لندن
وهو يحمل ما ادخره من غربه سنوات طويله وكان البلغ حوالي 13 الف جنيه استرليني
بحث اخونا هذا عن قطعه ارض في مكان مناسي فوجد ان ذلك المبلغ سوف لن
يشتري به قطعه ارض الا في اطراف الخرطوم فما كان منه الا ان ذهب واشتري شقه في القاهره في منطقه مناسيه
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Omar Bob)
|
اها يا بوب جوين دا كلوب
بتاع الاراضي في السودان ونجاضها..
اهم حاجة تكون هادئ وما متشنج
لانه القصص دي بتجيب السكري والضغط..
واوعى تقول المفروض لانه في السودان
مافي حاجة اسمها المفروض يكون كدا
بل ان المفروض يفرض روحو
ودائما هو ما مفروض بمنطق الناس العاشت برة..
تعاين للحاجات كمسرحية عبثة
مختلة المنطق..
واعصابك باردة عشان
في ناس كدا من شدة بلطجتها ما بتغيظك
تقرب تقوليهم زحو لي اكد اللو رويسو هو
كما فعل قريبا لينا..
ربنا يصبرك ويرجع ليك حقك...
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: bayan)
|
سلامات يا بيان
Quote: بتاع الاراضي في السودان ونجاضها..
اهم حاجة تكون هادئ وما متشنج |
طبعا ان وعيت الدرس ده كويس لمن اشتريت ذات قطعه الارض قبل سنتين
ناس الاراضي والسماسره الواحد يقول ليك نتلاقي الساعه 9 تمشي المواعيد
الساعه 8:55 يقوم هو يجيك الساعه 11:00
تتفق مع زول علي قطعه و خلاص يقول ليك بكره نتلاقي عند المحامي
يجي بكره - متاخرا عن ميعاده كالعاده- يقول ليك والله عمي ما وافق وهكذا
عشان كده كل التشنج الممكن يتشجنوا الانسان في حياتو انا اتشجنتو في الفتره ديك
واتخلصت من كل شحنات التشنج -for the rest of my life
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Omar Bob)
|
عمر ازيك.. والله انا الشمار حرقني، والله يعلم بي ما شمشاره... بس قصتك دي شكلها كده ولا في الخيال.. يعني إيه انا زول ما عندي أي حق قانوني في أرض، أقوم اتشالق وابني لي سور بي بابه وبوّابه كمان!!! تعرف، والله اول امس معلنين عن أراضي في لندن قريب مطار هيثرو، والله وما طالبني حليفة، بي 33000 ريال ... بتصدّق؟ انا قلت لنادر، 33000 دي في السودان ما تشتري ليك مربع تخت فيه رجلك...
اها تِم الحصل شنو، ولا بضرب لمنال تحكي لي..
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: مريم بنت الحسين)
|
| Quote: وما طالبني حليفة، بي 33000 ريال ... |
يعني 8800 دولار...يعني 17600 جنيه...معقولة...يا مريم بنت الحسين...
كان كدي نحن القشران دا دايرين بيه شنو؟ ابيع بيت ناس جدي...واشتري لي جدي
أرض...ولي حبوبتي أرض...ولي ابوي أرض...ولي انا ارض....ولي بناتي أراضي
وأمكن حدودي تصل هيثرو زاتو...وابقي اقطاعي...وجدي زاتو ابقيه ملك الاقطاع..
تصوروا ثمن بيت في حي شعبي وصل الي تلاتمائة مليون...اللهي 150 الف دولار
يعني بجيب 17 قطعة ارض جنب هيثرو...ونبقيها حلة نسميها الهثرواب
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: مريم بنت الحسين)
|
ازيك يا مريم
تعرفي يا مريم الشقه قريب لوسط البلد في شيكاغو سعرها حوالي ال110 الف دولار تدفع في خلال عشرين سنه
110 الف دولار دي ماتجيب ليك شقه في اي حته في الخرطوم
الغريب في الامر ان هذا التضخم الذي لا علاقه له بالواقع في الخرطوم بس
يعني بحري وامدرمان اقل من خرطوم ما بين النيلين بكثير
| Quote: [اها تِم الحصل شنو، ولا بضرب لمنال تحكي لي.. |
لكن دي اتلومتي معاي فيها
يعني انا فاتح البوست اشكو من الابتزاز كمان تقوم تجيب ليها تهديد بالحكومه كمان
تحياتي
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Omar Bob)
|
جاء صاحبنا الذي بني السور الي قسم الشرطه للتحري في اليوم المحدد
ولكنه تاخر عن الموعد المحدد حوالي ثلاثه ساعات.-ولا احد يبالي-
جاء وهو يحمل فايل به كميه من المستندات توقف قلبي عندما رايتها
وقلت في نفسي ربما الرجل يملك مستندات لملكيه الارض وقد ظلمته بظني
طلب منا المتحري الخروج من الغرفه وحتي محاميتي طلب منها الخروج
بعد ان اصر الرجل علي ذلك وبدأ في الاستجواب والذي اخذ حوالي الساعه
بعدها خرج الرجل ومعه نفس فايل المستندات الذي دخل به وسمعته يحدث
احدهم في الموابيل وفهمت من الحديث ان الشخص الاخر سأله لماذ لا يتفاهم
معنا وكان رد صاحبنا باننا لم نطلب التفاهم معه وهو لن يتحدث معنا
اخبرنا المتحري انه سوف يحول الملف الي نيابه القسم الشرقي بتوصايته غدا
فذهبنا الي القسم الشرقي باركويت ان والمحاميه في اليوم التالي
واطلعت المحاميه علي اقوال الرجل وهي تتلخص في الاتي:
ان الارض ارضه وارض اجداده والحكومه لم تعوضهم حين انتزعتها وارفق مستند من العام 1980
انو اذا مشيتو وسالتوا اي زول في الحته سوف يخبركم بان الارض ارضهم
انو هو ايضا يملك شهاده بحث - لكنها غير مرفقه مع الفايل-
توصيات المتحري هي: استخراج شهاده بحث تاريخيه للارض
ونواصل
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: محمد عبدالرحمن)
|
Quote:
انت أرضك حصل ليك فيها شنو يا المسافر...علي ما اذكر كانت عندك قضية مشابهة... |
أخي عمر..
كان الله في عوني وعونك..
مازالت أرضي مرهونة للبنك الذي أعلن الدلالة عليها..
بعد تدخل الأجاويد .. والأصدقاء.. الذين طلبنا معونتهم وأصحاب المروءة توقف البيع فقط..
وظلت أرضي مرهونة حتى تاريخ اليوم..
والذين أستفادوا من التزوير والتمويل في راحة بال ما بعدها راحة بعد أن ظهر أنهم يجدون السند لأقصى بعد..
كما يبدو للجميع مدى الخيال الواسع الذي وصل إليه المحتالون لا يمكن أن أتصور أن يصل الأمر إلى هذا المستويات.. أو أونهم يتحدوثون عن أشياء ليست في الواقع.. هل من المعقول أن يجد شخص في أعلى هرم السلطة وقت لكي يتدخل في شأن قطعة أرض في أقاصي الدنيا.. تخيلت أرضي هذه جانب دائرة المهدي..
لقد كلفت أحد الأخوة ولكن لإنشغاله بالقضايا الكبرى لم يجد وقت لمتابعة هذه القضية الصغيرة.. كلفت آخر فهو مازال يسعى لكي يجد مكان في مكتب في مدينة من مدن الخرطوم الثائرة.. ولم يستطع بحت ملف القضية حتى الآن..
لذلك نصيحتي لك بشأن المحامي أن يكون من ذوي الهمة لأن موضوعك هذا ربما يحتاج لبحث ملفات الإدارة الأهلية والقرى والحضر..
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Omar Bob)
|
بدانا رحله الجري بين وكيل النيابه والمنحري وتسجيلات الاراضي لاستخراج ومتابعه
المراسلات الرسميه- طبعا ده المفروض يتم عبر السيرك الرسمي لاجهزه الدوله-
لكن لو انتظرت السيرك الرسمي ذلك يعني الانتظار ليوم القيامه
لذا كنا نحرك الاواراق بانفسنا بعد دفع المعلوم لكل من له يد في الموضوع
في هذا الاثناء وفي احد مقابلاتنا مع المتحري اخبرنا المتحري بان هناك شخص من اعيان الجريف
جاء اليه وطلب منه ان يجلس معنا لنحل الموضوع ودي فقلنا له نحن موافقين لانو اليوم داك كان اخر يوم في اجازتي
فما كان من المتحري الا ان اتصل بواسطه الخير هذا والذي وصل بعد حوالي النصف ساعه ومعه الشخص الذي بني السور
جلسنا انا و المحاميه والمتحري وهما الاثنين يداء واسطه الخير يحدثنا عن كيف ان الحكومه انتزعتها ولم تعوضهم
وكيف انه هو شخصيا استقال نمن عمله ليسترد حقوق اهله فقلت له ان رغم تقدري لموقفكم الاانه لادخل لي بهذا الامر وانه كان من الواجب عليهم رفع دعوه قضائيه ضد الحكومه ولكن ما دام الحكومه وزعت لشخص ما حسب الخطه الاسكانيه وانا اشتريت باواراق سليمه قطعه ارض خاليه فان من يبني عليها يكون قد تعدي علي حقوقي
هنا تدخل الرجل الذي بني السور وقال انه لم يبني سورا جديدا وان السور مبني منذ اربعين سنه ورديت انا عليه بحده بان هذا الامر غير صحيح واتفقنا-بعد يا خوانا بالركوها- ان نذهب للقطعه موضوع النزاع حتي نتاكد اننا نتنافش علي نفس قطعه الارض وذهبنا وتاكدنا ففقلت للرجل هل هذا سور مبني منذ اريعين سنه كما تدعي فرد بان السور كان مبني قبل اربعين سنه ولكنه انهد فاعاد هوبنائه
في هذا الاثناء تدخل واسطه الخير وبداء يسرد في التاريخ مره اخري فقلت له ان لا وقت عندي ادوني المختصر المفيد لانني ذاهب للمطار الان فقال واسطه انتو يا اخونا اجبرو للزول ده كسرو وهويكتب اقرار بعدم الاقتراب من القطعه وتشطيوا البلاغ-طبعا ده بعد كلام كثير من عينه يا اخونا باركوها وياود العم طول بالك وكده-
بعد طول جدل قلت ليهم بعد ان اخبرتهم بان مهنتي هي الهندسه بانني افدر تكلفه السور بحوالي المليون جنيه والباب ب250 الف جنيه
هي مجموع خساره هذا الرجل اطرح منها خسائري انا من محامي واكل وشرب ومصاريف اخري يبقي الراجل ده عندو عندي حوالي ال600 الف جنيه واخرجت 300 دولار ومديتها للراجل
فارغي وازبد وقال بان ذلك اهانه له ودع الامر يذهب للمحكمه وانه لايخاف السجن ومستعد يسك الموضوع ده لاخره كما فعل مع فلان الفلاني لمده 13 سنه
فقلت له اذن فلتحكم بيننا المحكمه وذهبت للسياره لانطلق بها للمطار
في هذا الاثناء جاء واسطه الخير للسياره وقال لي ياود العم ياخي انت مالك راسك ناشفه كده انت دفعت في الارض دي كم فاخبرته بالمبلغ فقال لي طيب ياخي انت دفعت المبلغ ده كله ما تدي الزول ده 3 او 4 مليون وخلص نفسك
فقلت له والله لن يري مني مليما واحدا والنشوف اخرتها شنو واخبرت المحاميه ان تواصل في الموضوع لاخره
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: Omar Bob)
|
للأسف الشديد المحامين في السودان بقوا هم ذاتهم حرامية ومنتفعين ومستعدين يلعبوا على الحبلين (بعضهم طبعا مش كلهم عشان ناس نزار حسين وعواطف ما يزعلوا )
عشان كدة نحنا جينا هنا نهائي !! لا عودة للسودان إلا إجازات ولا بنيان في السودان
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: شادية الطيب)
|
سلامات يا شاديه الطيب
من اكثر الماسي التي عاني منها السودان في ال17 سنه الفاتت دي هو تدمير الانسان والقيم الانسانيه
وذلك ينطبق علي كل الناس -دكاتره مهندسين ومحامين ورجال شرطه الخ- وهنا تكمن الماساه
لان كل خراب وفوضي اخري يمكن تصليحها الا الانسان فمن الصعوبه بمكان اصلاحه مره اخري
| |
|
|
|
|
|
|
|
|
|
Re: الابتزاز علي عينك يا تاجر في السودان (Re: فرح)
|
يا فردة ....الشوق مطر...المرة الجاية لما تجى الخرتوم قول للطاش ورينى درب بكرى ود العلوم...
الفيلم دى الايام بدخل فيه بس الفرق بين وبينك بطل الفيلم طلق مرته ....و نهاية الفيلم احتمال تكون يوم 23 مايو 2007
| |
|
|
|
|
|
|
| |
Omar Bob
عبدالكريم الامين احمد
عاطف عمر
Deng
nazar hussien
Mohammed Elhaj
معاذ حسن
wadalzain
محمد الطيب حسن
كمال علي الزين
bayan
المسافر
مريم بنت الحسين
Wathig Makki
محمد عبدالرحمن
بهاء بكري
Mustafa Mahmoud
فرح
بكرى ابوبكر
فيس بوك
تويتر
انستقرام
يوتيوب
بنتيريست