|
|
 المنبر (ولامؤاخذة)
|
تانى انا ما حأجى البورد دة عشان اقرى أى حاجة أى اكتب أى حاجة وذلك حفاظاً على زمنى وصحتى النفسية وما زعلان من أى زول والعفو والعافية يا شباب.
لأنو مرّة كتبت بوست بتاع شمار انو الباسوورد بتاعتى اتسرقت؛ أى زول خش عشان يقرى الحاصل شنو!
تانى عملت بوست بتاع مزيقة؛ مافى أى زول عايز يدخل يسمع ويستمتع "هنا فداسى" دخلوهوا اكتر من ستة وعشرين الف.
التالتة ثابتة زى ما بقولو
البورد دة عبارة عن مجموعة بوردات كل بورد شغال فى موضوع داير ليهو "Chat Room" براهو والناس دى بترش الكيبورد كدة زى الرز، ومافى زول بقرا الكلام البكتبوا الناس التانيين.
المهم.....
|
|
 
|
|
|
|
|
|
|
|
Re: المنبر (ولامؤاخذة) (Re: تبارك شيخ الدين جبريل)
|
يا تبارك ..
دايما في بوستاتك ما تهتم بي عدد المداخلات .. إهتم بعدد الزوار لأنو دا المقياس ..
أنا شخصيا القدامك دا بقرا لي أي زول في المنبر حتى محمد عادل بقرا ليو لكن مرات الموضوع ما بيشجع الزول يتداخل فيهو ..
قبل فترة كتبت لي بوست عن محمد إبراهيم نقد .. البوست داك ما كان فيهو غير مداخلة مني وواحدة من زول تاني بس لكن عدد الزوار كان أكتلر من تمنمية زائر ودا بوست ناجح بي كل المقاييس ..
صنفرة :
أما لو كان عدد زوار بوستاتك أقل من عشرين فدا معناهو مصيبتك كبيرة وليك حق تخلي المنبر !
| |
|
|
|
|
|
|
|
|
|
Re: المنبر (ولامؤاخذة) (Re: ناذر محمد الخليفة)
|
طوِّل بالك زي ما قال ليك هشام .. بعدين ياتبارك أنا والله شخصيا مرات أدخل بعض البوستات وتعجبني جدا واستمتع كل مرة فيها بالجديد لكن المشاركة تغلبني أحس بأنو مافي حاجة ح أضيفها يعني مشاركتي بتكون شكلها بايخ لو كتبت .. في مواضيع حلوة لحبيب نورة استمتع جدا جدا لكن ما أقدر أرد في مواضيع إجتماعية لعواطف إدريس كل يوم أدخل فيها ثلاثة وأربع مرات لكن أحس أنو ما عندي جديد .. بس كده طول بالك وشوف عدد المتداخلين زي ما قال ناذر .. وواصل ياراجل ..
| |
|
|
|
|
|
|
|
|
|
Re: المنبر (ولامؤاخذة) (Re: Tabaldina)
|
تبارك شيخ الدين جبريل
الشغلة عاوزة ليها طولة بال على قول كبيرك..
وبعدين تعال ياخوى,انت فى البورد دا عندك فيه تماضر قدر الدنيا
وعندك هشام قدر دنيتين ,ابوك مشهور كان معلم قدر العالم , وكمان من العاصمة
مشكلتك شنو,
اسى انا ابقوتة العفين دا,من غرب الجزيرة وولدت فى النمرة, ابوى ما بعرف الواو الضكر
خشيت البورد دا براى ,بقيت امدح فى الناس الجداد ,وارحب بيهم وادخل مواضيعهم الى ان عملت لى كيمان, لكن نفعتى حاجة واحدة هى قراية الهند لمتنى باصحاب كتيرين, كنت بغشهم بكلمات منظومة بتعبر عن مشاعرهم..فسمونى زورا شاعر, بصفقو لما اقيف فى مسرح,اها ناسى ديل ذاتهم لقيتهم فى البورد دا ولميت عليهم كم واحد لا دفعتى ولا قابلتهم , زى هشام اخوك واساسى الكوز,وناس كتار اسى لو فارقتهم ببكىء عديل كدا, ولو جائهم فرح بفرح ولو الم بهم مكروه بحزن,
اسى انا علاقتى حلوة مع حسين ملاسى..واحلى مع الفاتح جبرا
زعلت لما عملو اعلان ل smc..وزعلت اكتر لما شالو الاعلان لانها صحيفة على الوطن السيبيرى مقرية مقرية لو عملو ليها اعلان ام لم يعملو..
اقتراح
رايك شنو اصاحبك تتداخل فى بوستاتى وارفع ليك بوستاتك...حلوة مش
اسى طالبك مداخلة..تمشى اخر الصف عندى بوست اسمه سفريات تاجر شنطة..
ود لك
| |
|
|
|
|
|
|
|
|
 Re: المنبر (ولامؤاخذة) (Re: Tabaldina)
|
Quote: تانى انا ما حأجى البورد دة عشان اقرى أى حاجة أى اكتب أى حاجة وذلك حفاظاً على زمنى وصحتى النفسية وما زعلان من أى زول والعفو والعافية يا شباب.
|
..
يعني إنت حسع يا تبارك .. زعــلان ولا مؤاخذة يعني يا بيه ؟؟
أهو ياعم ابسط . ماشاء الله تبارك الله البوست عدادو رامي جايب ليك تسعين نفر وسبعة مداخلات لحدي الآن ..( ولا مؤاخذة )
بلاي عايز شنو بعد كدا تاني .. ( ولا مؤاخذة )..؟
نجيب ليك محمد عادل ( ولامؤاخذة ) ..؟
هو برضك مش مي القماعة بتوع حضرتك ( ولامؤاخذة ) ؟؟
| |
|
|
|
|
|
|
|
|
|
Re: المنبر (ولامؤاخذة) (Re: تبارك شيخ الدين جبريل)
|
سلام
تبارك... ما المنبر براهو.. هو القاعد يقرا منو اليومين ديل
ما كل الناس قاعدة تتكلم ساااااااااي
المنتديات السودانية تختلف في الشكل، لكنها تتطابق في كونها رواكيب للونسة وإن شئت، كافيهات فارهة (للحوار)... (ختّ لي الحوار دي على جنبة وأطلع بالصفر)
وطالما أن الشغلانة ونسة وحوار في حوار (على طريقتنا) فالغلبة لأب حساكبير. وفي نهاية الحفلة البعبعة.. الشكل.. الكواريك.. النبذ... والكراسي في الهوا..
لغاية ما (الشرفاء يكبوا الجاز)
وبعد كم يوم يتدخلوا الأجاويد (بعمم وبدون عمم)
على كل حال.. لو في أمل ح يكون إنو زول طاشي كدا في (الياهو((ياهو الفضل))) يكون مغرود ليهو في موضوع كدا ممكن يلاقي ليهو طرف خيط ولا شيتا نافع مما يكتب في المنبر
فالرجاء ما تحرد... ؤكان مصُر أزعل ليك يوم يومين وتعال واصل
ياخي بالجد كدا مشتاقين شديد
| |
|
|
|
|
|
|
|
|
|
Re: المنبر (ولامؤاخذة) (Re: مأمون)
|
Quote: تبارك تفارق كيف تخلينا
كدى جرب نصيحة تبلدينا ! |
واكتب ليك كم موضوع تناغم فيهو شادينا
وما تزعل تفارقنا وتمسخ لينا نادينا
| |
|
|
|
|
|
|
|
|
|
Re: المنبر (ولامؤاخذة) (Re: مأمون)
|
Quote: سلام
تبارك... ما المنبر براهو.. هو القاعد يقرا منو اليومين ديل
ما كل الناس قاعدة تتكلم ساااااااااي
المنتديات السودانية تختلف في الشكل، لكنها تتطابق في كونها رواكيب للونسة وإن شئت، كافيهات فارهة (للحوار)... (ختّ لي الحوار دي على جنبة وأطلع بالصفر)
وطالما أن الشغلانة ونسة وحوار في حوار (على طريقتنا) فالغلبة لأب حساكبير. وفي نهاية الحفلة البعبعة.. الشكل.. الكواريك.. النبذ... والكراسي في الهوا..
لغاية ما (الشرفاء يكبوا الجاز)
وبعد كم يوم يتدخلوا الأجاويد (بعمم وبدون عمم)
على كل حال.. لو في أمل ح يكون إنو زول طاشي كدا في (الياهو((ياهو الفضل))) يكون مغرود ليهو في موضوع كدا ممكن يلاقي ليهو طرف خيط ولا شيتا نافع مما يكتب في المنبر
فالرجاء ما تحرد... ؤكان مصُر أزعل ليك يوم يومين وتعال واصل
ياخي بالجد كدا مشتاقين شديد
|
مامون ؟
انت البجيبك بيت اولاد الراحات شنو؟
| |
|
|
|
|
|
|
|
|
|
Re: المنبر (ولامؤاخذة) (Re: تبارك شيخ الدين جبريل)
|
Quote: دايما في بوستاتك ما تهتم بي عدد المداخلات .. إهتم بعدد الزوار لأنو دا المقياس ..
أنا شخصيا القدامك دا بقرا لي أي زول في المنبر حتى محمد عادل بقرا ليو لكن مرات الموضوع ما بيشجع الزول يتداخل فيهو ..
|
إتبارك ياتبارك واسمع كلام الخبير ناذر،،
الحكاية دايرة خبرة وطولة بال،،
يعني شوف الإبداع الفي الكوت الفوق دا :
ناذر عايز يلعب باص يقوم يلبع الحارس
ويعتذر لزميله !! ثلاثة حركات في واحدة،،
وكلها دي ياحبيب في سطرين بس،،
خبرة يا أبو شناكل ،، بس الإبن / محمد عادل
دا عليهو إمتحانات مافي داعي تخرب المود بتاعو،،
==
والله ياتبارك البورد دا مكان رائع لو الناس
ختوا الرحمن في قلبهم وتفننوا في كسب صداقات
بدل هذا العداء المحتدم والذ يزيد ضراوة يوما
بعد آخر،، أتصور أن عراكا سيحدث إذا ما تقابل
أي من المختلفين هنا على أرض محايدة،،
==
خليك هنا وبلاش تبارك ،، (عفوا بلاش تفارق)،،
رجاء أخوي صادق ،، ذهابك حتماً سيفقدني أخاً
أضعت فرصة التعرف عليه بلا مبالاة،، وسأكون
أنا أكثر منك ندما،، .... رجاءاً أخي،،
خليك هنا،،
| |
|
|
|
|
|
|
|
|
|
Re: المنبر (ولامؤاخذة) (Re: تبارك شيخ الدين جبريل)
|
عبد اللطيف !!
Quote: يعني شوف الإبداع الفي الكوت الفوق دا :
ناذر عايز يلعب باص يقوم يلبع الحارس
ويعتذر لزميله !! ثلاثة حركات في واحدة،،
وكلها دي ياحبيب في سطرين بس،،
|
إنت داير تعمل لي فتنة مع تبارك ولا شنو .. أنا ما قصدت كدي
| |
|
|
|
|
|
|
|
|
|
Re: المنبر (ولامؤاخذة) (Re: تبارك شيخ الدين جبريل)
|
سلامات يا تبارك
صاح حكاية محبطة جداً
Quote: أنا شخصيا القدامك دا بقرا لي أي زول في المنبر حتى محمد عادل بقرا ليو لكن مرات الموضوع ما بيشجع الزول يتداخل فيهو ..
|
Quote: تبارك شيخ الدين جبريل
الشغلة عاوزة ليها طولة بال .. |
عاوز يفتح ليهو بقالة جوة الحلة ولا شنو تبارك
| |
|
|
|
|
|
|
|
|
 Re: المنبر (ولامؤاخذة) (Re: bayan)
|
Quote: : يعني شوف الإبداع الفي الكوت الفوق دا :
ناذر عايز يلعب باص يقوم يلبع الحارس
ويعتذر لزميله !! ثلاثة حركات في واحدة،،
وكلها دي ياحبيب في سطرين بس،،
.. |
فعلا خبير اجنبي و متمرس تبارك تمشي خلي الناس العسل دي كيف?!!
| |
|
|
|
|
|
|
|
|
 Re: المنبر (ولامؤاخذة) (Re: عاصم ابوبكر حامد)
|
عــاصم..
إنت عجيب بشكل ..
ياخي الزول يقول ليك (ولامؤاخذة )
تجي تقول ليهو البورد دا عامل زي ( نمل السكر )؟؟
.
.
يا تبارك شيخ الدين ياخي شنو الحركات دي ؟
.
.
بعدين تعال شوف لينا
عاصم الغريب والعجيب جدا دا ولا مؤاخذة
عجيب ياخ انت يا عاصم .. عجيب جدا ياخ
| |
|
|
|
|
|
|
| |
تبارك شيخ الدين جبريل
يازولyazoalيازول
ناذر محمد الخليفة
أبو عبيدة البصاص
abuguta
tmbis
مأمون
هاشم أحمد خلف الله
شهاب الفاتح عثمان
اساسي
ماجدة عوض خوجلى
fadlabi
Mohammed Elhaj
bayan
محمد سنى دفع الله
غادة عبدالعزيز خالد
محمد عادل
عاصم ابوبكر حامد
فيس بوك
تويتر
انستقرام
يوتيوب
بنتيريست